Årsplan for Tryggheim barnehage, Vestnes barnehageåret 2014/2015

Transkript

1 Årsplan for Tryggheim barnehage, Vestnes barnehageåret 2014/2015 Vedlegg til utviklingsplan «Vi set spor det er verd og følgje» NLM-barnehagene AS, avd. Tryggheim barnehage, Vestnes Hagnesvegen 122, 6390 Vestnes, Tlf / , e-post: tryggheim.vestnes@nlmbhg.no 1

2 ÅRSPLANEN: For barnehagane i Vestnes kommune er årsplanen delt inn i to ulike planar: 1: Ein utviklingsplan som går over fire år, der den første delen er felles for alle barnehagane i kommunen, og den siste delen berre gjeld for den einskilde barnehage. Utviklingsplanen gjeld perioden og den ligg på heimesida vår: I utviklingsplanen finn de m.a. barnehagen sitt pedagogiske grunnsyn, visjon og overordna mål, gjennomgåande innhald, litt om fagområda og sosiale/ pedagogiske aktivitetar. 2: Ein årsplan for kvar einskild barnehage som gjeld berre for det aktuelle barnehageåret. Denne skal gje dei tilsette i barnehagen ei forpliktande ramme for planlegging, gjennomføring og vurdering av innhaldet i barnehagen. I tillegg skal årsplanen: Gje foreldra eit grunnlag for å kunne påverke innhaldet i barnehagen. Vere eit grunnlag for det kommunale tilsynet med barnehagen. Gje informasjon om det pedagogiske arbeidet i barnehagen til eigar, politikarar, Vestnes kommune og andre samarbeidspartar. Sidan det kan oppstå uforutsette hendingar i løpet av året, tek vi atterhald om endringar i årsplanen. Denne årsplanen er delt inn slik: 1. PRESENTASJON AV BARNEHAGEN 2. SATSINGSOMRÅDE 3. KOMPETANSEUTVIKLING TILSETTE 4. FORELDRESAMARBEID 5. DOKUMENTASJON AV INNHALDET I BARNEHAGEN 6. OVERSIKT OVER INNHALDET BARNEHAGEÅRET 2014/ PRESENTASON AV BARNEHAGEN. Tryggheim barnehage,(nlm- barnehagene AS, avd. Tryggheim barnehage, Vestnes) er eigd av Norsk Luthersk Misjonssamband og har utvida kristent føremål. Barnehagen har samarbeidsavtale med Vestnes kommune. For å vite meir om barnehagen, som t.d. pedagogisk grunnsyn, visjon og overordna mål, sjå utviklingsplanen del 2. Der finn de og informasjon om gjennomgåande innhald, korleis vi jobbar med fagområda, tilvenning, bursdagsfeiring og andre aktivitetar. Barnehagen vert driven etter Lov om barnehagar med forskrifter. Rammeplan for barnehagen er ei forskrift til lova og gjev retningslinjer for innhald og oppgåver i barnehagen. Vidare har barnehagen vedtekter som seier noko om korleis ein driv barnehagen. Med utgangspunkt i årsplanen, vil vi utarbeide periodeplanar og vekeplanar. Barnehagen har to avdelingar; Marihøna 1-4 år og Blåklokka 3-5 år. Begge avdelingane har utvida barnegrupper og barnehagen er godkjend for 48 plassar. 2

3 - DET KRISTNE INNHALDET Vi bruker bibelforteljingar både frå Det gamle og Det nye testamentet, kvardagsforteljingar/ etikkforteljingar, kristne barnesongar og bordvers for at barna skal få eit innblikk i kva kristendommen er og korleis Bibelen seier vi skal vere mot kvarandre. Vi har ei kristen samlingsstund i veka der barna vert delt i grupper etter alder og modning. Vi legg vekt på å bruke visuelle hjelpemiddel, enkle ord og god tid til samtale og undring saman med barna. Kristne barnesongar står sentralt og enkle barnebøner høyrer også med. Ein viktig del av det kristne innhaldet vi har i barnehagen er Barnas Misjonsprosjekt. Barnas misjonsprosjekt er eit prosjekt som NLM driv kvart år og barnehagar knytt til NLM deltek i prosjektet. Dette barnehageåret er det Etiopia som er landet vi har fokus på. Vi ønskjer at barna skal få innblikk i ein kultur svært ulik vår, lære om folket og landet og kjenne medkjensle for dei som ikkje har det like godt som vi har det. Vi ønskjer at barna skal lære at andre menneske vedkjem dei, ei god haldning dei kan ta med seg vidare i livet. Ei oppseding til ansvar for kvarandre gjeld ikkje berre i barnehagen eller lokalt, men også globalt. Barnehagen avsluttar prosjektet med Open dag/ basar for å samle inn pengar. Her er ein kort presentasjon av prosjekta det skal samlast inn pengar til gjennom barnas misjonsprosjekt dette barnehageåret: 1) «Reducing Maternal Mortality» (RMM): Man tar sikte på å gjere ein rekke helsetenester meir tilgjengeleg for kvinner på landsbygda, alt frå grunnleggjande svangerskapsomsorg til akutte keisarsnitt. Helsepersonell på helsestasjonar i distrikta trenas og utstyras slik at fødselshjelp blir meir tilgjengeleg lokalt, ikkje berre på fjerntliggande sjukehus. 2) Søndagsskolearbeid i Sør-Omo: Sør-Omo (sørvest i Etiopia) er eit område med mange ulike folkegrupper og kulturar. Området kan delast inn i «høgland» og «lågland». I høglandet er det ca. 50 % kristne, og eit utstrakt kristent arbeid. I låglandet er det 1,5 % kristne, og dei kristne lever under særdeles vanskelige vilkår. Barnas misjonsprosjekt vil vere med å støtte det evangeliske arbeidet i dette området, slik at enda fleire søndagsskolar blir starta opp, og at fleire evangelistar kan utdannas og jobbe her. 3) Bibelomsetjing til tsàmakko-språket. I Woito i låglandet i Sør-Omo bur blant andre tsemai- folket. Dei er få kristne, nesten ingen har utdanning, og dei lever under vanskelige livsvilkår. Dei har ikkje Bibelen skreve på sitt språk. Men nå er omsetjingsarbeidet i gang, og Barnas Misjonsprosjekt vil støtte arbeidet med å få Bibelen omsett til tsàmakko- språket. 4) I tillegg vil det bli fokus på eit prosjekt frå Norea Mediemisjon, men i skrivande stund er ikkje dette heilt på plass enda. 3

4 - DAGSRYTMEN I BARNAHAGEN: Marihøna 1-4 års avdeling: 6:45 Barnehagen opnar, roleg leik, tid til kos og prat 8:00-9:00 Frukost og tannpuss 9:00 Uteleik 11:00 Samlingsstund Bleieskift Formiddagsmat Barna søv Leik inne når dei vaknar 14:00 Fruktmåltid Leik ute/inne 16:30 Barnehagen stenger Blåklokka 3-5 års avdeling: 6:45 Barnehagen opnar, roleg leik, tid til kos og prat 8:00-9:00 Frukost og tannpuss 9:00 Kort samling, informere om «dagen i dag»/dele i grupper 9:15 Leik/aktivitetar på ulike rom 10:00 Ulike grupper/aktivitetar til dømes tur, forming, førskulegruppe 11:00 Samling, vi går på do og vaskar hender 11:30 Formiddagsmat Påkledning Uteleik 14:15 Fruktmåltid Leik ute 16:30 Barnehagen stenger 2. SATSINGSOMRÅDE - LIVET I SJØEN OG MILJØVERN Vi vil også dette barnehageåret å ha eit tema som vi tek med oss og jobbar med gjennom heile året. Vi ynskjer denne gongen å ha fokus på livet i sjøen og miljøvern. Miljøvern er noko som er svært viktig i samfunnet i dag, og ved å knyte dette temaet til livet i sjøen vil vi ha noko konkret å formidle til barna. Vi kan då bruke m.a. historiene om Blekkulf, og Tare- mare- by. Vi vil leggje vekt på kor viktig det er å ta vare på jorda vår og kva vi kan gjere i høve dette. Også dette med å ta vare på kroppen sin og lære barna om sunn og god mat vil her vere tema vi kan ta opp. Innhaldet i barnehagen skal vere allsidig og variert. Barna skal ha opplevingar og erfaringar som støttar utvikling av kunnskap, evner og haldningar. Leiken både ute og inne skal ha stor plass i kvardagen. Barnehagen skal vere ein arena for omsorg, leik, læring og danning. I barnehagen skjer læring og danning gjennom heile dagen, i her-og-nå situasjonar og i meir strukturerte 4

5 situasjonar. Vi ønskjer oss eit læringsmiljø prega av leik, glede, utforsking og gode opplevingar der dei vaksne er aktivt med og er engasjert i barnas lærelyst. Såleis er dei vaksne med på danninga av kvart einskild barn. Vi ynskjer og å gje kvart einskild barn høve til å vere mest mogleg sjølvstendig, og leggje til rette for at barna skal klare sjølv. Her er t.d. påkledning, hygiene og måltid eksempel på kvardagssituasjonar der barna kan lære mykje, berre dei vaksne lar dei få tid/ rom til å klare sjølv. Rammeplanen skisserar sju fagområder barna skal ha erfaringar med i løpet av eit barnehageår: Kommunikasjon, språk og tekst Kropp, rørsle og helse Kunst, kultur og kreativitet Natur, miljø og teknikk Etikk, religion og filosofi Nærmiljø og samfunn Tal, rom og form Utviklingsplanen og språkplanen vår seier meir om korleis vi vil ivareta arbeidet med fagområda. Vi vil dette barnehageåret ha særleg fokus på: - SPRÅKET Språket har ei sentral rolle i høve trivselen og utviklinga til barna, og barnehagen vil ha stort fokus på å gje alle barna eit godt språkleg miljø. Vi brukar språket aktivt i lag med barna i alle situasjonar i løpet av dagen. Barnehagen har utarbeidd sin eigen språkplan som synleggjer kva vi legg vekt på i høve dei ulike aldrane. Eit godt språk er ofte avgjerande i sosiale relasjonar med andre barn, i leiken og for all læring. Vi vil i dette arbeidet m.a. bruke pedagogiske verkty som: - «Snakkepakken» eit pedagogisk språkstimuleringsverkty med over 140 gjenstandar der hensikta er å styrke språkferdigheitene til barna uansett morsmål. - Tras (tidleg registrering av språk) - Idear frå «Tiltak Til Tras» som inneheld forslag til korleis ein ved hjelp av leiker, spel, bøker osv. kan arbeide med barnas språk. - «Tall- og språksprell» - eit opplegg som gjennom ein leikande kontekst legg til rette for gode opplevingar ved å fokusere på glede, humor, medverknad og estetiske arbeidsmåtar. Det er eit stort fokus på at alle barna skal oppleve meistring og tryggleik i desse aktivitetane. Leikane er difor organisert som felles- og koralaktivitetar (der barna gjentar i kor, ikkje ein og ein). - «Trollord» - eit pedagogisk verkty på pc. - LEIK OG SOSIALT SAMSPEL Vi vil også dette barnehageåret ha fokus på leiken og det sosiale samspelet. Dette vil handle mykje om å legge til rette for variert leik og hjelpe barna til å kunne fungere godt i eit 5

6 leikefellesskap med andre. Vi vil fortsette med å jobbe etter dei «beste praksisane» avdelingane utarbeidde førre barnehageår i høve den inkluderande leiken. I høve dette arbeidet vil vi mellom anna bruke desse pedagogiske verktya: - «Du og eg og vi to» - eit hjelpemiddel med målsetting om å bidra til å ivareta og fremme alle barns sosiale kompetanse, inkludert risikobarna og barn med spesielle behov. Det er fokus på å ivareta og fremme ein positiv sosial sjølvoppfatning hos det einskilde barn. - «Steg for steg» - eit opplegg som har til hensikt å auke den sosiale kunnskapen til barna. Utvikling av barna sin evne til å kommunisere med og å omgås andre på ein positiv måte står sentralt i Steg for steg. Den vaksne blir her eit viktig førebilete for barna, og ein som legg til rette for gode samspelssituasjonar i kvardagen. Om eit barn strevar med samspelet er det dei vaksne sitt ansvar å ta tak i problemet og gjere noko med det. Då kan dette opplegget vere til stor nytte. - BARNA SIN MEDVERKNAD. Barn i barnehagen har rett til å gje uttrykk for sitt syn på barnehagen sin daglege verksemd. Dette slår barnehagelova fast. Barna skal vere med både å planleggje og vurdere innhaldet i barnehagen i samsvar med alder og funksjonsnivå. Dei vaksne må lytte, prøve å tolke kroppsspråket til barna, oppmuntre barna til å gje uttrykk for tankar og meiningar og vere fleksible i høve planar slik at barna sine interesser og ønskje kan ivaretakast. Barna skal møte anerkjenning for uttrykka sine. Vi har heile tida fokus på at barna skal få vere med å bestemme over sin eigen kvardag, og at dei skal bli sett og høyrd. Dette betyr ikkje at dei berre skal få gjere som dei sjølv vil, men vi skal ta dei på alvor og trekkje dei inn i planlegginga av kvardagen. For personalet på Marihøna vert det viktig å tolke signala barna gir og prøve å forstå, sjølv om dei ikkje har så godt språk enda. På Blåklokka får barna vere med på å bestemme mykje, innanfor gitte rammer. - OVERGANGEN BARNEHAGE- SKULE. Barnehagane i Vestnes kommune har tidlegare utarbeidd ein eigen plan over korleis dette med overgangen frå barnehage til skule er tenkt. Vi vil ha fokus på det som står i denne plana når vi planlegg kva vi skal gjere i førskulegruppe- samlingane vi skal ha i løpet av året. Denne plana vert delt ut og gjennomgått til foreldre/ føresette til dei eldste barna på foreldremøtet på hausten. Den er og å finne på heimesida vår. Vi har i år bestilt eit pedagogisk opplegg som heiter «Trampoline» til å bruke i dette arbeidet. Det er utvikla med «Rammeplanens innhald og oppgåver» som grunnlag legg vekt på leik og læring, undring og refleksjon, språkstimulering og omgrepsforståing. Det høyrer det med eit rettleiingshefte for dei tilsette og aktivitetshefter for barna. Kvar barnehage har si eiga markering før sommarferien. Ved Tryggheim barnehage vert det gjort ekstra stas på dei som skal slutte når vi har barnehagekveld på Vestheim i juni. Dei barna som skal over i skulen etter sommaren får då eit abonnement for eitt år på nettstaden Superblinkland frå den lokale misjonsforeininga. 6

7 3. KOMPETANSEUTVIKLING TILSETTE. - VAKSENROLLA Som pedagogisk samfunnsinstitusjon må barnehagen vere rusta til å møte nye krav og utfordringar. Dette krev at kvar enkelt tilsett må få ta i bruk kompetansen sin og at barnehagen må jobbe bevisst og kontinuerleg med kvalitetsutvikling. Vi vil også dette året halde fram med utviklingsarbeidet som vart starta hausten 2009, men som dei andre barnehagane, i ei litt anna form denne gongen. Prosjektet vert no knytt opp i mot eit anna prosjekt som barnehagane og skulane i Vestnes og Rauma saman har hatt fokus på sidan hausten 2012, nemleg tidleg innsats og tilpassa opplæring/ spesialpedagogisk hjelp. Det handlar om å gjere barnehagane og skulane betre rusta til å få til tiltak for barn som strevar innanfor dei rammene vi allereie har, og sette inn hjelp tidleg om barnehagen eller skulen ikkje får dette til sjølv. Dei tilsette har lært seg ein rettleiingsmetode der dei kan ta opp ulike problemstillingar og få rettleiing frå medarbeidarane. Gjennom analyse og refleksjon set barnehagen i verk tiltak for å betre kvaliteten på samspelssituasjonar i barnegruppene og å finne løysingar på ulike utfordringar i kvardagen. Desse to utviklingsprosjekta blir no fletta saman til eitt ved at barnehagane i åra framover vil ha fokus på «Den gode barnehagen i Vestnes». Det har vore utarbeidd standardar som fortel kva vi legg vekt på i høve dette. Dette barnehageåret vert fokuset på to av desse standardane, «tidleg innsats» og «godt foreldresamarbeid». Tidleg innsats skal vi ta føre oss på hausten, og godt foreldresamarbeid på våren. Det vert då jobba med å få ein felles forståing for kva som ligg i omgrepa «tidleg innsats» og «godt foreldresamarbeid» og å få utarbeidd «beste praksis» som fortel personalet korleis dette heilt konkret skal gjerast. Vaksenrolla i høve leiken vil også dette barnehageåret vere i fokus. Vi vil leggje til rette for at barna skal få mykje tid og rom til leik i kvardagen. Vi vil i personalgruppa leggje stor vekt på vaksenrolla i høve språket og barnas sosiale kompetanse dette barnehageåret. Vi vil jobbe systematisk for at alle dei tilsette skal få gjere seg kjent med, og bruke, dei pedagogiske verktya vi har i barnehagen i høve språket og den sosiale kompetansen til barna. Vi vil m.a. nytte personalmøta til dette arbeidet. I tillegg vil vi leggje vekt på å ha eit godt arbeidsmiljø ved å bli bevisste på dette med god kommunikasjon og rolleavklaring/ forventningar barnehagen har til kvar enkelt. Vi vil og jobbe med førebygging av høg lyd/ støy dette året. Vi vil jobbe for eit miljø i barnehagen der både små og store får ha gode dagar utan for mykje lyd/ støy rundt seg. Vi vil prioritere å reise på kurs med tema knytt opp mot satsingsområda våre. 4. FORELDRESAMARBEID To omgrep i barnehagelova, forståing og samarbeid, dekkjer ulike sider ved kontakten mellom barnehagen og heimen. Foreldra og barnehagepersonalet har eit felles ansvar for trivselen og utviklinga til barnet. 7

8 Det er foreldra som har hovudansvaret for barna si oppseding og danning, barnehagen skal bistå foreldra i omsorgs-, oppsedings- og danningsarbeidet. Det daglege samarbeidet mellom heim og barnehage må bygge på gjensidig openheit og tillit. Foreldra må kunne stole på at dei kan ta opp det som opptek dei i høve barnet og barnehagen. Foreldra si medverknad på barnehagen si samla verksemd skjer gjennom deltaking i foreldreråd og samarbeidsutval. Barnehagen ønskjer: eit samarbeid som er prega av gjensidig respekt og anerkjenning for kvarandre sitt ansvar og oppgåver omkring barnet god utveksling av informasjon knytt til barnet sin trivsel og utvikling at foreldra viser interesse for barnehagen sitt innhald at foreldra engasjerer seg i barnehagen sin kvardag eit ope og positivt forhold som gjer det lett og kome til kvarandre dersom det skulle vere ting ein ønskjer å ta opp Viser og til det som står i vedtektene i høve foreldresamarbeid. 5. DOKUMENTASJON AV INNHALDET I BARNEHAGEN. Barnehagen er ei pedagogisk verksemd. Innhaldet skal planleggjast, dokumenterast og evaluerast. Dette arbeidet skal danne grunnlaget for ein reflekterande haldning og praksis. Dokumentasjonsarbeidet vårt skal gje foreldre, lokalmiljø, og kommunen som barnehagestyresmakt informasjon om kva barn opplever, lærer og gjer i barnehagen. Vi vil dokumentere arbeidet vårt på følgjande vis: Henge opp bilete/vise bilete på pc frå aktivitetar i barnehagen. Dokumentere prosessen i eit arbeid/tema med til dømes barneteikningar, tekst, bilete og anna barna har laga. Ta med barneteikningar og gode historier til foreldresamtalar. Skrive ei oppsummering frå dagen i dag slik at foreldra har eit utgangspunkt for samtale med barnet sitt når dei kjem heim. Få i gang foreldresidene på heimesida slik at vi kan leggje ut songar, informasjon og nytt der. Vere representert i avisa minst to gongar i året. Lage bildemapper til kvart barn som dei får med heim på ein minnebrikke når barnehageåret er slutt. Avlevere resultatet frå utviklingsarbeidet vårt i juni, saman med dei andre barnehagane i kommunen. 6. OVERSIKT OVER INNHALDET BARNEHAGEÅRET 2014/ 2015 Barnehagen leverar ut fleire ulike planar til foreldra i løpet av eit barnehageår. Periodeplanen går over tre månader, er delt inn etter årstidene og delast ut i forkant av kvar periode. I periodeplanane vil vi konkretisere mål og innhald for den enkelte periode. Ut i frå periodeplanane vert det laga vekeplanar for to veker av gongen. 8

9 I løpet av barnehageåret har barnehagen 5 planleggingsdagar/ kursdagar der barnehagen held stengd. I periodeplanoversikta nedanfor kjem det fram kva dagar dette er for inneverande barnehageår. I tillegg er det lagt inn nokre andre arrangement/ møter her. PERIODEPLANOVERSIKT. Det vil i hovudsak leggjast vekt på følgjande i periodeplanane gjennom året (det kan verte forandringar): ÅRSTID TEMA / INNHALD ARRANGEMENT / MØTER Sommar/ Haust august november Tilvenning / bli kjent, innarbeide gode rutinar og danne nye vennskapsband. Språk Leik og sosial kompetanse «Klare sjølv» Ha fokus på sjølvstende (i høve påkledning, måltid, hygiene). Miljøvern og livet i sjøen. Turar til fjøra, formingsaktivitetar, dramatisering, «Miljødetektivar» Nasjonal kampanjeveke mot mobbing i veke 36 Brannvern- veke i veke 37 Lyd Måndag er det planleggingsdag. Tysdag startar barnehageåret. I veke 35 har førskulegruppa si første samling. I løpet av september vil det vere eit foreldremøte. Dato er ikkje fastsett. Ein dag i oktober sel vi suppe i lavvoen ved hentetid til inntekt for misjonsprosjektet. Måndag er det kursdag for personalet Vinter desember februar Advent - og juleførebuingar. Lære om Jesu fødsel. Barnas misjonsprosjekt i januar/ februar. Etiopia Språk Fredag er det planleggingsdag for personalet. Adventskaffe for foreldra Barnehagegudsteneste for 9

10 Leik og sosial kompetanse «Klare sjølv» Lyd Blåklokka. Fredag Luciafeiring. Førskulebarna går Lucia- tog på sjukeheimen. Barnehagen er stengd jule -og nyttårsaftan. Førskulebarna har tilbod frå kulturskulen 10 gongar i perioden januar mars. Karneval onsdag 11. februar. Vår mars mai Brannvern- veke i veke 13 Miljøvern og livet i sjøen. Turar til fjøra, mat frå havet, dramatisering, formingsaktivitetar, «Miljødetektivar» Høgtidene påske, Kristi- Himmelfartsdag og pinse. 17.mai Språk Leik og sosial kompetanse «Klare sjølv» Overnatting i barnehagen for førskulebarna. I løpet av mars vert det foreldremøte. Onsdag 1. april (dagen før skjærtorsdag) stenger barnehagen kl Onsdag frå kl : Open Dag/ basar til inntekt for misjonsprosjektet. Torsdag er det NLM- kurs for heile personalet Tysdag er det planleggingsdag for personalet. Vi vil prøve å få til ein tur til Atlanterhavsparken i Ålesund for barna f og 2010 i løpet av våren. 10

11 Sommar juni juli Miljøvern og livet i sjøen. Turar til fjøra, mat frå havet, dramatisering, formingsaktivitetar, «Miljødetektivar» Språk Leik og sosial kompetanse «Klare sjølv» Tysdag 2. juni er det barnehagekveld på Vestheim kl Ferie: frå veke 28 eller 29 (avstemming blant foreldra)- og i fire veker. (Då er barnehagen stengd). Årsplanen er godkjent i samarbeidsutvalet: