Det vert med dette kalla inn til / gjort kjent med møte i Kommunestyret

Transkript

1 Tokke kommune Møteinnkalling Til medlemene i Kommunestyret Det vert med dette kalla inn til / gjort kjent med møte i Kommunestyret Møtestad: Kommunestyresalen, Tokke kommunehus Dato: Tid: 14:00 Merk tida Dersom De ikkje kan møte, ber ein om at De melder frå til sentralbordet snarast råd. Vararepresentantane møter berre etter nærare innkalling. Det vert joleavslutning etter dette siste kommunestyremøtet i Hilde Alice Vågslid Ordførar Ingeborg Hetland Konsulent

2 Saksliste Utvalssaksnr Innhald Politiske saker til handsaming PS 12/76 Møteplan for 2013 PS 12/77 Godkjenning av intensjonsavtale om sal av festa areal på Hallbjønnsekken, gnr 123, bnr 56. PS 12/78 Budsjett Økonomiplan og handlingsprogram endeleg vedtak Lukka

3 Tokke kommune Arkiv: 080 Saksnr.: 2012/ Sakshands.: Olav Bjørn Bakken Direkte tlf.: Dato: Saksframlegg Utval Utvalssak Møtedato Kommunestyret 12/ Møteplan for 2013 Vedlegg: 1 Møteplan for 2013 Saksutgreiing: Vedlagt fylgjer utkast til møteplan for neste år. Kvart organ vedtek i prinsippet eigen møteplan. Kvart utval/organ kan i tillegg endre sine møtetidspunkt og legge inn ekstra møte undervegs om det er saklege grunnar for dette, men informasjonsplikta til ålmenta må takast omsyn til (politiske møte med sakspapir skal vera tilgjengeleg for ålmenta i rimeleg tid på førehand). Av viktige hendingar neste år kan nemnast LVK sitt landsmøte i Bergen aug og Stortingsvalet 9/10.sept. Rådmannen si tilråding: 1. Vedlagte framlegg til møteplan vert godkjent.

4 FRAMLEGG TIL MØTEPLAN FOR TOKKE KOMMUNE 2013 Organ Januar Februar Mars April Mai Juni Juli August Sept. Okt. Nov. Des. Kommunestyre Kl 18:00 Kontrollutvalet 09:00 Formannskap Adm. utv. 23 Oppvekst utval Kl Helse- og sosial utv. Kl Utviklingsutvalet Kl Tilsetj. utv komm. sektor Arbeidsmiljøutv al Kl. 13:00 Medråderettsmø te Kl NB! FRIST FOR INNLEVERING AV SAKER TIL SERVICEAVDELINGA ETTER OPPSETT MØTEPLAN ER 4 ARBEIDSDAGAR FØR MØTEINNKALLINGA SKAL SENDAST UT. DVS 11 ARBEIDSDAGAR FØR MØTEDATO. Vinterferie: feb. Påske: 25.mars 1.april. Haustferie: veke 41 ( okt). Landsmøte LVK aug

5 Tokke kommune Arkiv: 611 Saksnr.: 2012/ Sakshands.: Olav Bjørn Bakken Direkte tlf.: Dato: Saksframlegg Utval Utvalssak Møtedato Formannskapet 12/ Kommunestyret 12/ Godkjenning av intensjonsavtale om sal av festa areal på Hallbjønnsekken, gnr 123, bnr 56. Vedlegg: 1 Utkast til intensjonsavtale om sal av festa areal på Hallbjønnsekken, gnr 123, bnr 56 m.m. 2 Vedlegg til intensjonsavtale om sal av festa areal på Hallbjønnsekken, gnr 123, bnr 56, kartskisse. Saksdokument: Kommunestyresak 12/056 Vurdering kring sal av eigedomen gnr 123, bnr 56 i Tokke. Saksutgreiing: Visar til kommunestyresak 12/056. Her fekk takstutvalet mandat til å gå vidare med tanke på sal av bortfesta areal på Hallbjønnsekken VEST. Ein har i skrivande stund enno ikkje kome fram til ei ferdig salskontrakt, men denne saka er skrive for å få kommunestyret si godkjenning på ei intensjonsavtale som så leggast til grunn for detaljtingingar og juridisk finsliping på ei salskontrakt. Det er tidsomsyn som er årsak til denne framgangsmåten. Utkastet til intensjonsavtale slik ho fylgjer som vedlegg kan enno bli justera litt fram mot det planlagde felles gruppemøte måndag 3.des. Her er planen at leiar av takstutvalet gjer nærare greie for vurderingane som ligg bak og kan svara på spørsmål. Så nokre merknadar til intensjonsavtala. 1. Sikre normal drift ved kafeteria og skianlegg. I intensjonsavtala er det teke inn ein føremålsparagraf der det gjeng fram at kommunen sin intensjon med salet er å legge grunnlaget for god og stabil drift. I pkt 5 er krav til normal drift nærare presisert - utfordringa her er kva for sanksjonar kommunen har til rådvelde ved ev brot på dette vilkåret. Takstutvalet har kome til at heile operasjonen kviler på tillit mellom partane, og at det er så langt ein finn det tenleg å gå på dette punkt.

6 2. Areal som avtala femner om. I mandatet for takstutvalet ligg berre tidlegare festekontraktar og arealet som høyrer til gnr 123, bnr 56. Kjøparane ynskjer at arealet knytt til festekontrakten som gjeld skiheisar bli konkretisert (oppmålt) og del av kjøpet. Takstutvalet er samd i dette, arealet er uansett bunde opp til skiheis og alpinløyper. 3. Kjøpesum. I skrivande stund ligg det ikkje føre takst, men denne er under arbeid og er lova ferdig i god tid før 3.des. Bakgrunnen for takstutvalet har gjenge inn på 2 mill kr som kjøpesum er at verdien av arealet for kommunen er den kapitaliserte leiga som i dag er om lag kr ,-- kapitalisert verdi 5 % rente kr ,-. Leigeavtala gjeld for 80 år rekna frå 1.jan 1982, og ein kan ikkje sjå at kommunen kan få andre inntekter av leigearealet om leigar held fram leigetilhøvet slik festekontrakta seier. I tillegg forpliktar kjøparane seg til å investere minst 3 mill kr i anlegget over ein 5 årsperiode. Ved at kjøparane slik investerar i anlegget så ligg her også eit incitament til å drive anlegget. Tidlegare opplysningar om 90 hyttetomter må også nyanserast. Det er rett at her er om lag 90 bueiningar i dag som betalar festeavgift, men av desse er mellom anna det såkalla Danskebygget med 20 einingar som betalar 20 festeavgifter. Det er lite rimeleg å tru at dette sameiget vil løyse inn si vesle tomt for 25x festeavgifta om lag 1,4 mill kr. Det er nok meir realistisk å legge til grunn ei inntekt for kjøparane frå sal av festetomter på 3 4 mill kr. Betalingsvilkåra er gunstige, men eit kompromiss mellom kjøpar sitt tilbod om å betale om lag 1,25 mill kr for arealet og no avtalte sluttsum på kr 2 mill. 4. Utviklingsfond. Kjøpar er innforstått med å måtte bidra til eit utviklingsfond (infrastrukturfond) etter modell av tilsvarande på feltet Hallbjønnsekken SØR III der Feltspatcompagniet er utbyggar på vegne av kommunen. Det har vore viktig for takstutvalet med like vilkår i denne avtala. 5. Ny reguleringsplan. Kjøparane vil utvikle og heve området, og til det er det naudsynt med ein ny reguleringsplan. Talet på bueiningar i den skisse til ny reguleringsplan som er lagt fram for kommunen og som fylgjer som vedlegg til intensjonsavtala, er om lag som i eksisterande reguleringsplan. Men ein ynskjer å endre frå mellom anna hotell og leiligheitsbygg til mindre rekkehusvære. Ein kan ikkje på det noverande tidspunkt binde opp kommunestyret sin reguleringskompetanse, men partane har ei forståing av at ny reguleringsplan er naudsynt for å lyfte området slik intensjonane er. Ev motsegner som måtte koma frå høyringsinstansar med rett til dette (fylkesmannen mellom anna) og andre innspel i høyringsrunden må sjølvsagt kommunen vurdere å ta omsyn til uavhengig av kva skissa seier. Lova krev ein reell reguleringsplanprosess.

7 6. Nye hyttetomter i tilleggsarealet. Kjøparane meiner det er mogleg å få lagt til rette for 6 10 hyttetomter på tilleggsarealet. Det er usikkert med mellom anna kapasitet og utsleppsløyve på reinseanlegget for fleire bueiningar enn kva som ligg i gjeldande reguleringsplan. Reguleringsplanprosessen må syne kva som er mogleg å få til, men av omsyn til andre aktørar i området meiner takstutvalet at det bør gå noko tid før det ev kjem fleire tomter ut i marknaden. Det er såleis tinga fram ei sperregrense på 5 år for ev sal av tomter i tilleggsarealet. Kommunen har engasjert ein takstmann for å gjera ein uavhengig takst. Denne er lova ferdig i god tid før kommunestyremøtet 4.des. og vil bli ettersendt. Hytteforeininga har enno ikkje kome med uttale, men denne vil ev bli lagt fram for kommunestyret så snart ho er klar. Rådmannen si tilråding: 1. Vedlagte framlegg til intensjonsavtale vert godkjent. 2. Formannskapet delegerast mynde til å godkjenne endeleg salskontrakt.

8 INTENSJONSAVTALE OM INNLØYSING/SAL AV FESTA GRUNN OG VIDARE DRIFT VED HALLBJØNNSEKKEN TURISTSENTER OG SKIANLEGG 1. Føremål Denne avtala har som føremål å legge grunnlag for nødvendig oppgradering samt god og stabil drift ved Hallbjønnsekken turistsenter med kafeteria og skianlegg, og som er tenleg for både fritidsinnbyggarane og dei fastbuande i kommunen. Det er ein føresetnad for sal av det avtalte areal at kjøparane også ervervar turistsenteret med alle rettar og plikter (bygg, anlegg og infrastruktur). 2. Avtalepartar Denne intensjonsavtala er inngått mellom Tokke kommune og kjøparane Thor R Nilsen, Johannes Kristiansen, Bjørn Egerdahl og Lars Stærk i fellesskap. Partane vil - når kommunestyret har godkjent denne intensjonsavtala, utarbeide ein salskontrakt som har denne intensjonsavtala som grunnlag. Kjøparane vil stifte eit selskap (AS) som er formell kjøpar. 3. Avtalt areal Arealet gjeng fram av kartskisse for områdeutvikling utarbeida av Egerdahl og Nordbø AS, dagsett Dette femner om gnr 123, bnr 56 samt eit tilleggsareal på om lag 123 daa nord for bnr 56 (etter dette kalla tilleggsarealet). Arealet kjøpast i den stand det er, og med dei hefte som ligg på det. 4. Kjøpesum betalingsvilkår Arealet er i dag festa bort frå Tokke kommune til. Kjøparane skal overta festekontrakta og løyse inn festeavtala. Kjøpesum for arealet er 2 mill kr. Kjøpar ber alle kostnadar ved kjøpet herunder, men ikkje avgrensa til: dokumentavgift, tinglysingskostnadar, kostnadar til oppmåling/kartforretning. Kjøpesummen skal betalast ved at kommunen mottek halvparten (50 %) av salssummen ved sal av tomter når tomta blir overført til ny eigar (dei som festar tomter i dag).

9 Heile kjøpesummen forfell uansett til betaling , og skal betalast ukrevd til kommunen. Ved forseinka betaling kjem morarenter i tillegg. Om ikkje heile kjøpesummen er betala innan denne dato går arealet attende til kommunen, og kommunen kan krevje at dei at dei festeavtaler som no gjeld trer inn att, men festeavgifta skal då regulerast i forhold til den innbetaling som på dette tidspunkt er gjort. For ev hyttetomter i tilleggsarealet nord for bnr 56 skal kommunen ha kr ,- i betaling for kvar hyttetomt, der kr ,- er råtomtepris og kr ,- er bidrag til utviklingsfond. Kommunen skal ha fyrste prioritet pant i eigedomane for sine krav. Kjøparane er gjort merksame på reglane for offentleg støtte ved sal av grunn frå det offentlege til private jf notat frå professor dr. juris Erling Hjelmeng av 20.nov Krav til investering og drift av kafeteria og skianlegg. Kjøparane forpliktar seg til å investere minimum 3 mill kr i anlegget over ein 5 års periode. Kommunen kan krevje dokumentasjon på at dette er gjort. Fylgjande krav til drift skal gjelde: a. Skianlegget skal vera i normal drift - som minimum gjeld 25 dagar pr sesong. b. Det skal vera normal drift med enkel matservering ved kafeteriaen i det tidsrom Suleskarvegen er open for trafikk (minimum 1.juni 1.okt). c. Elles i året skal kafeteriaen vera open med tilbod om enkel middag når det er drift i skianlegget, dvs i helger, vinterferie og påske. Brot på vilkåra om drift vil kunne føre til dagbøter eller krav om erstatning frå kommunen si side. 6. Utviklingsfond Ved sal av nye tomter som det ikkje er bygd på i dag skal det innbetalast til eit utviklingsfond kr ,- for kvar tomt det blir bygd hytte på, og kr ,- for kvar eining bygd i rekke eller tilsvarande. Desse midlane kan kommunen nytte for å betre området som rekreasjons-, aktivitets- og friluftsstad. 7. Ny reguleringsplan Tokke kommune er positive til intensjonane som ligg i den framlagde skisse til områdeutvikling dagsett , men utan at dette er bindande for kommunestyret sin reguleringskompetanse. 8. Tokke kommune sine rettar Tokke kommune skal framleis vederlagsfritt ha slike rettar: a. Rett til å nytte vegane i området til tenesteleg bruk. b. Rett til å legge kommunale vatn- og avløpsleidningar i grunnen samt vedlikehalde slike. c. Rett til å krevje tilknyting til kommunalt reinseanlegg for ev nye bygg og anlegg og krevje betaling for dette i tråd med gjeldande lov og kommunal forskrift.

10 9. Andre vilkår Ev nye hyttetomter på tilleggsarealet kan ikkje seljast før tidlegast 5 år rekna frå når kjøpar tek over eigedomen frå kommunen. Slike tomter skal seljast i den opne marknaden. Tokke kommune held att frå salet eit areal på om lag 5 daa rundt Raude Kross hytta. Det skal framleis vera fri vegrett for Raude Kross hytta og hytter vest for 123/56 over sørvestre del av 123/56 som i dag. Det same gjeld tilknyting for etablert avløpsleidning frå Raude Kross hytta og hytte 125/16 m.fl. Kommunen sine rettar, krav på salssummar, sikkerheit og kjøparane sine plikter skal sikrast gjennom tinglysing med fyrste prioritet på dei selde eigedomane (heile festeområdet og dei enkelte fråskilte tomtene som seljast). Ved eit ev vidaresal av arealet skal vilkåra som er nedfelt i denne intensjonsavtala fylgje med. Tokke kommune tek atterhald om at Tokke kommunestyre skal godta denne intensjonsavtale og ei endeleg avtale mellom partane. Dato 2012 For Tokke kommune For kjøparane Hilde Alice Vågslid Johannes Kristiansen, Lars Stærk, Bjørn Egerdahl, Thor R. Nilsen Ordførar

11 Tokke kommune Arkiv: 151 Saksnr.: 2012/ Saksbeh.: Tjøstov Djuve Direkte tlf.: Dato: Saksframlegg Utval Utvalssak Møtedato Formannskapet 12/ Kommunestyret 12/ Budsjett Økonomiplan og handlingsprogram endeleg innstilling Vedlegg: 1 Framlegg frå Rådmannen til budsjett 2013, økonomiplan og handlingsprogram formannskapet Saksdokument: 1. Oppvekstutvalet sak 12/ drøfting av budsjett 2013 og ØP Utviklingsutvalet sak 12/ drøfting av budsjett 2013 og ØP Helse- og sos.utvalet sak 12/ drøfting av budsjett 2013 og ØP K.sak 12/31 Budsjett ØP , kommunestyret sitt vedtak F.sak 12/ drøfting av budsjett 2013 og ØP og handlingsprogram F.sak 12/ Budsjett ØP , formannskapet sitt førebelse vedtak (gml. vedlegg 1-4). S a k s u t g r e i i n g : I samband med budsjetthandsaminga i formannskapet 19.09, førebelse budsjettrammer, blei det vedteke at tabell 1 i tilrådinga frå rådmannen skulle vera grunnlaget for vidare budsjetthandsaming, men med tillegg om at kommunestyret sitt mål om opptrapping av netto driftsresultat til minimum 3% i 2015 skulle liggje fast. Netto driftsresultat skal då vera 2% i 2013 og 2,5% i Det har skjedd mykje etter og rådmannen har difor måtta leggje fram nye tal og andre grunnlag for vidare budsjetthandsaming, for å stette kravet frå formannskapet om mål på netto driftsresultat i perioden.

12 Nye økonomiske føresetnader etter at statsbudsjettet er lagt fram og nye prognoser for pensjonsutgifter gjer at det er naudsynt med store innstrammingar i økonomiplanen (ØP). Det er nå også utarbeidd eit nytt vedlegg 4 som syner rådmannen sitt framlegg til prioritering av tiltak og innsparingar innan driftsbudsjettet med nærare vurdering av konsekvensane på kvart enkelt tiltak. Dei andre økonomiplan-tabellane (1-3) er også endra. Desse endra dokumenta (vedlegg 1-4) og nye saksopplysningar er nå sendt ut til handsaming i råd og utval. I tillegg skal kvart hovudutval utarbeide nytt handlingsprogram (HP) for på sitt ansvarsområde, og likeeins rådmannen for totalområdet, dette dokumentet vil bli sendt ut til formannskapet før møtet Etter førebels budsjettvedtak i september syner melding frå KLP at pensjonsutgiftene i 2013 blir vesentleg større enn rekna med tidlegare, om lag 4% større av ei lønsmasse på over kr 100 mill., dette vil utgjera om lag kr 4 mill. og fører til ein stor auke i lønsbudsjettet. På grunn av mindre avkastning i pensjonsfonda og dyre lønsoppgjer så blir pensjonskostnadane større og vil også variere meir spesielt for Tokke som har amortisering av premieavvik over 1 år. Mange andre kommunar amortiserar over 10 år (før 2012 over 15 år) og fordelar utgiftene meir over tid, men ligg då også med større etterslep av pensjonsutgifter som må utgiftsførast seinare. KLP varslar mindre pensjonsutgifter i Statsbudsjettet som kom 8.oktober syner som sagt ikkje betre økonomiske vilkår for Tokke kommune, men derimot meir negative tal enn dei som kom fram etter kommuneøkonomi-proposisjonen i mai etter det som er rekna ut av Telemarksforsking for kommunane i Telemark. M.a. hev rammetilskotet frå staten og skatteinntektene, dei såkalla frie inntektene, minka med over 2 mill. kr. Dette har samanheng med nedgang i folketalet, fordeling på aldersgrupper m.m. styresmaktene reknar då med at me skal kunne drive billigare. Det er også store utfordringar når det gjeld inntektene frå konsesjonskraftsal og mogleg også eigedomsskatteinntektene framover. Likeeins utbyteinntektene frå VTK AS, det blir nå varsla ein halvering av utbyteinntektene i Kraftprisane er framleis svært låge. Rådmannen vil ikkje tilrå ytterlegare auke i dei kommunale avgiftene sidan det har vore stor auke dei to siste åra og det alt er innarbeidd ein 3% auke i ØP. Av di dei kommunale avgiftene etter kvart har blitt nokså høge vil rådmannen også tilrå at innkrevjinga frå 2013 av skjer 4 gonger i året, kvartalsvis. Eigedomsskatt blir framleis likevel å krevje inn over to terminar som før. Straumprisane er låge og inntektene frå konsesjonskraftsalet blir, i tråd med kommunestyrevedtaket i juni, sett til kr 15 mill. i 2013, men med litt auke i slutten av ØP. Pristaket blir likevel tilrådd sett til 36 øre/kwh, med von om høgare inntekter. Ein monaleg risiko frå 2012 av og vidare i ØP er kva for straumforbruk kommunen faktisk har hatt året før. Inntektene frå 2013 av er basera på 50 gwh målt forbruk (52 gwh i 2011 og 2012). Blir forbruket lågare enn 52 gwh i 2011 og 2012, og 50 gwh vidare i ØP-perioden, så må Tokke kommune betale attende differansen. Blir forbruket høgare så får me tilsvarande attendebetalt. Dette skjer på hausten året etter forbruksåret, når alle rekneskapstal er godkjende. Framlegget til budsjett for konsesjonskraftsalet i 2013 kan moglegvis vera litt optimistisk. I investeringsplanen er nå m.a., i tillegg til fullføring av ny Dalen barnehage, lagt inn budsjettmidlar til å fullføre utbyggjinga ved Dalen bryggjeområde, til ikt-utstyr,

13 programvare og ikt-lisensar, opparbeiding av næringsareal og bustadtomter, tenestebilar innan helse og omsorg, nærmiljøanlegg i Lårdal (ballbinge) og ny brannbil i Økonomiske føresetnader i framlegget er 3% løns- og prisvekst i perioden, 4% lånerente og låneavdragstid på 30 år. Dersom kommunestyret sitt mål om 3% netto driftsresultat i 2015 og rådmannen sitt framlegg til nye tiltak og innsparingar i tabell 3 og vedlegg 4 skal fylgjast blir nye generelle innsparingskrav for året 2013 fylgjande (3,5% av brutto driftsutg. pr planområde): Planområde 1 kr Planområde 2 kr Planområde 3a, helse kr Planområde 3b, omsorg kr Planområde 4 kr Planområde 5 kr Sum kr Då er også ekstra momskompensasjon med kr 7,3 mill. lagt inn i driftsbudsjettet i Denne er alt vedteken nytta til finansiering av ny Dalen barnehage og må såleis overførast til investeringsbudsjettet for For å dekkje opp dette er det naudsynt å nytte meir disposisjonsfond i drifta, om lag kr 5 mill. ekstra i Likevel er prognosa for stoda på disposisjonsfondet ved utgangen av 2013 på om lag kr 10 mill., men dette er sjølvsagt avhengig av at både inntekts- og utgiftsprognosene, både i 2012 og 2013, slår til. Innsparingane vidare i ØP er også store, i tillegg om lag kr 10 mill., og er pr dato ikkje gjennomført. Etter at budsjetthandsaminga er gjennomført i råd og utval vil rådmannen gje endeleg tilråding til innstrammingstiltak for formannskapet Me gjer merksam på at lønsbudsjettet på planområde 2 nå er oppjustert i høve til tabell 1 i formannskapet 19.09, det var der ein feil i lønsbudsjettet som nå er retta opp. Lønsbudsjetta på andre planområde er også justert, jf auka pensjonsutgifter. Budsjettala på planområde 3 er nå også dela på Helse og Omsorg. Lønsbudsjettet til omsorg er i tabell 1 nå også lagt inn med utgifter som i inneverande år er innspara, t.d. stengd gamle skjerma avdeling og 2,5 stilling i heimesjukepleia/heimehjelp. Desse kjem då inn att som innsparing i tabell 3/vedlegg 3. Tidlegare vedtekne innsparingskrav når det gjeld stillingar i 2013 og i ØP er nå ikkje med i tabellane i og med at lønsbudsjetta pr dato inneheld alle desse stillingane, med unnatak for at det i ØP i 2014 er lagt inn ein generell innstramming på kr 2 mill. på planområde 1. Rådmannen si tilråding: Kommunestyret gjer fylgjande budsjettvedtak: 1. Budsjett 2013, handlingsprogram og økonomiplan Nytt handlingsprogram og økonomiplan og budsjett 2013, med vedlegg, skal leggjast til grunn for Tokke kommune si verksemd i perioden og blir vedteke med netto rammer for kvart planområde, og med dei endringar som fylgjer av kommunestyret si handsaming. a. For skatt på inntekt og formue blir nytta høgaste sats som Stortinget gjev høve til.

14 b. Kommunale gebyr og eigenbetalingar som ikkje er omtala andre stader i budsjettvedtaket blir auka med inntil 5%, eller så langt lov og forskrift gjev høve til det. Rådmannen delegerast mynde til å fastsetje nøyaktige satsar innanfor denne ramma. c. Rådmannen justerar økonomiplantabellane og investeringsplanen etter endeleg vedtak i kommunestyret. d. 1 % av lønsmidlane blir trekt ut av kvart planområde, lagt på planområde 1, og disponera av rådmannen med tanke på utjamning av lønsjusteringar. e. Konsesjonsavgiftene for 2013 kr 6,67 mill, blir nytta til næringsutvikling/næringsarbeid (ansvar , 3,0 mill kr) og til dekning av avdrag på investeringar (3,67 mill). f. Eventuelt positivt netto driftsresultat for 2013 etter endeleg vedtak i kommunestyret overførast disposisjonsfond. 2. Gebyr, avgifter brukarbetaling Gebyr, avgifter og brukarbetaling blir fastsett i samsvar med pkt 5 i handlingsprogrammet og tabell 3 i budsjettframlegget. Satsane skal aukast med inntil 5% eller så langt lov og forskrift gjev høve til det. Kommunale avgifter blir auka med 3%, desse skal krevjast inn over 4 terminar i staden for 2 terminar som tidlegare. 3. Inntektsramme for drifta Driftsbudsjettet for 2013 blir vedteke slik det går fram av tabell 4, skjema 1A og 1B i HP. 4. Budsjettiltak For å tilpasse utgifter og inntekter til dei fastsette måla, skal det bli gjennomført budsjettiltak i samsvar med tabell 3 (jf vedlegg 3 og 4) i taldelen til budsjettframlegget. 5. Fordeling av utgifter mellom etatane. Etatane sine driftsrammer går fram av tabell 4 i HP/ØP; budsjettet/øp i tabell 1 er der korrigert for framlegg til endringar i tabell Investeringar. Kommunestyret vedtek investeringar og finansiering for 2013 i tråd med tabellane 2 og 5 i budsjettframlegget/hp. 7. Låneopptak Rådmannen får fullmakt til å ta opp lån på 26,064 mill. kr. i 2013, av dette 1,0 mill i startlån frå Husbanken. 8. Eigedomsskattevedtak for 2013 a) Verkeområde: For skatteåret 2013 skal det skrivast ut eigedomsskatt på verk og bruk, jf. lov om eigedomsskatt til kommunane (eskl.) 3 fyrste ledd, bokstav c. b) Eigedomsskattesats: Eigedomsskattesatsen for 2013 er 7 promille, jf eskl. 11 fyrste ledd. c) Terminar: Skatten skrivast ut i to terminar, jf eskl 25 fyrste ledd. Fyrste termin er 20. mars og andre termin er 20. september.

15 9. Sal av konsesjonskraft Pristaket ved sal av konsesjonskrafta blir sett til 36 øre pr kwh, ekskl. nettleige og alle avgifter. 10. Kommunestyret vedtek framlegg til budsjett for 2013 for Kontroll og tilsynsverksemda i Tokke Kommune med ei ramme på kr Saksprotokoll i Formannskapet Rådmannen fremma fylgjande nytt framlegg: Budsjett 2013 og økonomiplan med handlingsprogram vert vedteke slik dei fylgjer som punkt 7 i rådmannen sitt framlegg til budsjettvedtak i Handlingsprogram og budsjett 2013, økonomiplan Hilde A. Vågslid fremma fylgjande endringsframlegg på vegne av Tokke Ap, Tokke H og Tokke Krf: Nye tiltak pkt 9 (Ass. styrar Dalen barnehage) går ut. Inn tiltakspunkt 9: skulemat Tokke skule, og nytt punkt 30: sumarskule, kultur. Kostnadsreduksjon kr ,- i høve rådmannen si tilråding. Thor Arne Heggtveit fremma fylgjande endringsframlegg vedkomande pkt 9 sal av konsesjonskraft: Pristak ved sal av konsesjonskraft blir sett til 30 øre/kwh ekslusiv nettleige og alle avgifter. Endringa har ingen budsjettmessige verknadar. Tone Dale Solvang fremma fylgjande framlegg: Opprette ungdomsråd kr ,-. Inn som nye tiltak. Redusere pkt 12 Lårdal Bygdesoge med kr ,- til kr ,-. Thor Arne Heggtveit og Marie Seltveit fremma fylgjande framlegg: Ein må auke det økonomiske handlingsromet i kommunen. Administrasjonen må sjå på den totale ressursbruken i kommunen for å tilpasse driftsnivået til forventa framtidige inntekter. Erik Skimmeland (Krf) fremma fylgjande framlegg: Det skal leggast fram årleg oversikt for kulturskulen vedkomande tilbod, herunder ventelister (antal/tid) og antal søkjarar utan tilbod. Nye tiltak planområde 3A: 1. Vikarlege kr ,- Støtteordning - kr ,- 2. Tannbehandling Inndekning: auke skatteanslaget.

16 Rådmannen sitt nye framlegg vart samrøystes tilrådd vedteke. Tokke Ap, Tokke H og Tokke Krf sitt framlegg vart samrøystes tilrådd vedteke. Thor Arne Heggtveit sitt endringsframlegg vart tilrådd vedteke med 5 mot 2 røyster. Tone Dale Solvang sitt framlegg fall med 2 mot 5 røyster. Thor Arne Heggtveit og Marie Seltveit sitt framlegg vart samrøystes tilrådd vedteke. Erik Skimmeland sitt framlegg vedkomande kulturskulen vart samrøystes tilrådd vedteke. Framlegget punkt nummer 1 fall med 3 mot 4 røyster. Framlegget punkt nummer 2 fall med 2 mot 5 røyster. Vedtak Budsjett 2013 og økonomiplan med handlingsprogram vert vedteke slik dei fylgjer som punkt 7 i rådmannen sitt framlegg til budsjettvedtak i Handlingsprogram og budsjett 2013, økonomiplan Nye tiltak pkt 9 (Ass. styrar Dalen barnehage) går ut. Inn tiltakspunkt 9: skulemat Tokke skule, og nytt punkt 30: sumarskule, kultur. Kostnadsreduksjon kr ,- i høve rådmannen si tilråding. Pristak ved sal av konsesjonskraft blir sett til 30 øre/kwh ekslusiv nettleige og alle avgifter. Endringa har ingen budsjettmessige verknadar. Ein må auke det økonomiske handlingsromet i kommunen. Administrasjonen må sjå på den totale ressursbruken i kommunen for å tilpasse driftsnivået til forventa framtidige inntekter. Det skal leggast fram årleg oversikt for kulturskulen vedkomande tilbod, herunder ventelister (antal/tid) og antal søkjarar utan tilbod.