OSTERØY FERJESELSKAP AS. SØKNAD OM STØTTE TIL PILOTPROSJEKTET "HEILT ELEKTRISK"

Transkript

1 HORDALAND FYLKESKOMMUNE Samferdselsavdelinga Arkivsak Arkivnr. 853 Saksh. Vestrheim, Magnus Saksgang Samferdselsutvalet Fylkesutvalet Møtedato OSTERØY FERJESELSKAP AS. SØKNAD OM STØTTE TIL PILOTPROSJEKTET "HEILT ELEKTRISK" Osterøy Ferjeselskap AS søkjer om støtte på 4.3 mill. kr. årleg i fem år til batteriprosjektet Heilt elektrisk. Det er svært positivt at selskapet arbeider for å introdusera framtidsretta miljøløysingar i ferjedrifta. I samsvar med målsetjingane i klimaplanen for Hordaland arbeider fylkeskommunen aktivt for å stimulera til utvikling av miljøvenleg framdriftsteknologi i ferje- og snøggbåtdrifta. Det skjer gjennom at det vert stilt miljøkrav til fartøya i konkurransegrunnlaget for dei aktuelle sambanda. Alternativet ville vera å innføra ei fylkeskommunal støtteordning til teknologiutvikling som alle aktuelle operatørar kan ha høve til å søkja på. Ei slik ordning er det ikkje i fylkesbudsjettet i dag. På denne bakgrunn vert det tilrådd å avslå søknaden frå Osterøy Ferjeselskap AS. FORSLAG TIL INNSTILLING 1. Fylkesutvalet vil gje honnør til Osterøy Ferjeselskap for det utviklingsarbeidet selskapet har gjort gjennom prosjektet Heilt elektrisk. Prosjektet er framtidsretta innanfor miljøvenleg framdriftsteknologi i ferjedrifta og i samsvar med målsetjingane i klimaplanen for Hordaland. 2. Fylkesutvalet finn å måtta avslå søknaden om støtte til prosjektet. Fylkesutvalet ønskjer aktivt å medverka til utvikling av miljøteknologi i ferjedrifta. Med det innkjøpsregimet fylkeskommunen nyttar er det mest føremålstenleg å gjera dette gjennom å stilla spesifikke miljøkrav til fartøyet i konkurransegrunnlaget framfor å etablera ei eiga ordning for teknologiutvikling. Johnny Stiansen kst. fylkesrådmann Thorbjørn Aarethun kst. samferdselssjef Vedlegg: E-post av , og frå OFS v/ Ove Normann Brev frå Vegdirektoratet av

2 FYLKESRÅDMANNEN, : 1. Tidlegare vedtak Fylkesutvalet handsama søknad frå Osterøy Ferjeselskap AS om støtte til batteriferjeprosjektet Heilt elektrisk som sak 38/12 i møte Det vart gjort slikt vedtak: 1. Fylkesutvalet finn å måtta avslå søknaden om støtte til Osterøy Ferjeselskap AS sitt batteriferjeprosjekt Heilt elektrisk på noverande tidspunkt, men ynskjer å koma attende til saka når Innovasjon Noreg har hatt saka til vurdering. 2. Fylkesutvalet ber administrasjonen utarbeida eit grunnlag for å vurdera korleis det samla transportbehovet til og frå Osterøy skal løysast etter at Osterøybrua er nedbetalt. Denne vurderinga må liggja føre seinast ved utgangen av 1. halvår Saka om det framtidige transportbehovet til Osterøy etter at Osterøybrua er nedbetalt, jfr. pkt. 2 ovanfor, vart handsama av fylkesutvalet som sak 195/12 i møte Det vart gjort slikt vedtak: 1. Fylkesutvalet finn ikkje grunnlag for å ta ferjesambandet Valestrand-Breistein opp som eit fylkeskommunalt tilskotssamband når bompengeinnkrevinga på Osterøybrua fell vekk. 2. Dersom det skulle syne seg at kommersielle aktørar ikkje lenger ønskjer å drifta ferjesambandet, godkjenner fylkesutvalet eit bussopplegg for Osterøy i tråd med det som er skissert i saka. 2. Vidare oppfølgjing av saka Vedtaket i sak 38/12 vart oversendt Osterøy Ferjeselskap AS som sjølve har følgt det opp ovanfor Innovasjon Noreg og seinare Transnova. I møte mellom ferjeselskapet og Innovasjon Noreg vart det klargjort at søknaden ikkje kvalifiserer til støtte innanfor Innovasjon Noreg sine ordningar. Etter tilråding frå Innovasjon Noreg gjekk deretter selskapet vidare til Transnova med søknaden. I oversendinga til Transnova i e-post av omtalar Osterøy Ferjeselskap prosjektet slik: OFS har utviklet konseptet "Heilt Elektrisk" ferje med batteri som energibærer, ref. dokumentasjon sendt Eva Solvi i epost 1Mar Intensjonen er "null utslipp" av klimagasser, redusert energibehov med et fartøy som har minimal negative miljø konsekvenser ved eventuelt totalhavari (ikke olje ombord m.a.) og sikre høyere komfort og sikkerhet blant de reisende. Det tekniske potensialet, som innebærer fornying av eldre utrangerte ferjer (Snitt alder på ferjer underlagt HFK er 25,4 år) til "Heilt Elektrisk" i perioden på landsbasis, utgjør en årlig energibesparelse på ca 100 GWh og redusert CO2 utslipp med ca ton/år. Betrakter dette som en teknologisk innovasjon som innebærer utvikling fra en idé til null utslipp konseptet "Heilt Elektrisk". Intensjonen er utprøving av teknologien på sambandet Valestrand - Breistein med ny ferje størrelse 50 PBE. Det innebærer m.a. nytt skrog med lavt energibebov, batteri som energibærer og hurtig tilkobling for lading. Sambandet Valestrand - Breistein er ideelt til pilotprosjekt fordi sambandet er energikrevende med kort landligge og hyppige avganger (66 avganger/døgn) og Osterøy er brofast og dermed ikke så sårbar i tilfelle ferjen må taes ut av drift ved eventuell justering/ombygning. Potensialet er stort og resultatet vil stimulere offentlige og private aktører til å videreføre konseptet til elektrifisering av den maritime næringen nasjonalt og internasjonalt. Vi bør ikke la denne muligheten gå i fra oss. I brev av gjev Transnova tilsagn om 7.3 mill. kr. i støtte til prosjektet. Vilkåret for kontrakt og utbetaling av pengane er at det vert lagt fram ein endeleg prosjekt- og finansieringsplan. 2

3 I e-post av ber Osterøy Ferjeselskap fylkeskommunen vurdera søknaden på nytt med grunnlag i tilsagnet om støtte til prosjektet frå Transnova. I ein seinare e-post av utdjupar ferjeselskapet søknaden slik: I forbindelse med Transnovas tildeling av 7,3 mill til Osterøy Ferjeselskap el ferge prosjekt "Heilt Elektrisk" har vi motatt spørsmål fra politikere om ytterligere informasjon vedrørende vår søknad til HFK om 4,3 MNOK/år i en 5 års periode: Midlene skal dekke merutgifter til bygging og testing av pilotfergen - 28,8 MNOK o o Merutgifter til bygging av en batteridreven ferge versus diesel dreven ferger (50 PBE) - 24 MNOK (Detaljer kan forevises på forespørsel) Omfattende og tidkrevende tester i testperiode, forbedre utstyr og komponenter og nye beregninger og sertifierseringer er estimert til 4,8 MNOK OFS er tildelt 7,3 MNOK fra Transnova. Restbeløp 21,5 MNOK har vi søkt HFK om å dekke fordelt på 4,3 MNOK/år i en 5 års periode. Hvorfor har OFS søkt om å fordele restbeløp 21,5 MNOK på 4,3 MNOK/år i en 5 års periode og ikke søkt om hele beløpet i en engangsutbetaling? Ivaretar HFKs økonomisk trygghet og at søknaden vår ble mer attraktiv for politikere Første forfall på 4,3 MNOK er når piloten ligger ved fergekaien, ferdig sertifisert og klar til å gå i rute (Innen Juni 2014 hvis hurtig avgjørelse) HFK kan avbryte støtten til OFS hvis piloten feiler og vi ikke klarer på betjene sambandet med en "null utslipp" ferge. I så tilfelle er tapet til HFK minimalt sammenlignet med om hele summen ble utbetalt i forkant av ferdigstillelse av piloten. HFK oppnår i dette tilfelle optimal sikkerhet. OFS er flere år foran alternativene, ergo er det naturlig å velge Sambandet vårt for pilotprosjektet. Det er ikke en krone som skal gå til drift av OFS, eller fergetilbud dette er utelukkende penger som skal investeres i miljøvennlig fremtid, og teknologi. 3. Andre miljøteknologiprosjekt Som kjent har fylkesutvalet vedteke å setja i gang eit hovudprosjekt for utvikling av miljøvenleg framdriftsteknologi i ferje- og snøggbåtdrifta i fylket, jfr. vedtak i sak 119/12. I framdrifta av dette prosjektet er snøggbåtsambandet Kleppestø-Nøstet prioritert framfor potensielle ferjesamband. Vegdirektoratet har nyleg tildelt Norled kontrakten på drift av riksvegferjesambandet Lavik-Oppedal. Her skal ein av dei tre ferjene byggjast for rein elektrisk drift. Ferja som skal setjast inn i sambandet frå skal byggjast ved Fjellstrand AS på Omastrand. Norled har i samarbeid med teknologinettverket Maritime Clean Tech West (MCTW) under gjennomføring eit demonstrasjonsprosjekt innanfor nullutslepps framdriftsteknologi. Det er ferja Folgefonn som i dag går i sambandet Jektevik-Hodnanes-Huglo på kontrakt med fylkeskommunen som skal byggjast om slik at den i store deler av tida vert drive reint elektrisk. Prosjektet har ei kostnadsramme på 75 mill. kr. og vert finanisert utan fylkeskommunale midlar. 4. Vurdering Først vil eg understreka at det er svært positivt at Osterøy Ferjeselskap har teke initiativet til miljøteknologiprosjektet Heilt elektrisk. Dette er fullt ut i samsvar med målsetjingane i klimaplanen for Hordaland. I samsvar med tidlegare vedtak, jfr. sak 195/12, vil fylkeskommunen halda fram med å kjøpa tenester hjå selskapet ved at rutebussar og reisande med ungdomskort framleis vil kunna nytta sambandet. For 2012 var dette kjøpet på ca 2.1 mill. kr. 3

4 Fylkeskommunen har ikkje tradisjon for å gå inn med direkte pengestøtte for å stimulera til teknologiutvikling i transportsektoren på sjøsida. På land derimot har fylkeskommunen vore med å bidrege til at naturgass no er ein viktig energiberar i bussdrifta. Dette har vore vel så mykje motivert utifrå næringsmessige som miljøpolitiske omsyn. Alternativet til å gå inn med direkte investeringstilskot til miljøprosjekt på sjøsida er å stilla miljøspesifikke krav til fartøyet i konkurransegrunnlaget. Støtten vil då koma fram som ein del av driftstilskotet til det selskapet som vinn kontrakten. Det er dette prinsippet me legg opp til for snøggbåtruta Kleppestø-Nøstet og for 2. generasjons ferjesamband der fylkeskommunen har driftsansvaret. Direkte støtte til teknologiutvikling gjennom tildeling av investeringstilskot, reiser spørsmålet om dette kan gjerast ovanfor ein einskild operatør eller om det må leggjast til rette for at også andre operatørar skal kunna kvalifisera seg for slikt tilskot. Etter mi vurdering inneber likskapsprinsippet at ei eventuell slik ordning må ha ei innretning som gjer at alle aktuelle operatørar skal kunna søkja om støtte, tilsvarande den statlege Transnova-ordninga. Med dei utfordringane fylkesøkonomien står ovanfor dei næraste åra er det mi vurdering at det ikkje bør etablerast ei eiga støtteordning for teknologiutvikling. Denne saka har fellestrekk med sak 67/12 frå fylkesutvalsmøtet den som galdt eventuelt tilskot til BNR for drift av sambandet Bergen-Knarvik. Som grunnlag for innstillinga i nemnde sak vart det lagt fram ei juridisk vurdering frå advokatfirmaet Thommessen. Vurderinga tok for seg om fylkeskommunen på lovleg vis kan yte stønad til sambandet innanfor blant anna statsstøtteregelverket. Basert på denne utgreiinga vil ein årleg økonomisk stønad til Osterøy Ferjeselskap etter alt å døma verta omfatta av forbodet om ulovleg statsstøtte. Dette blant anna som følgje av at løyvet for drift av sambandet Valestrand-Breistein ikkje har vore konkurranseutsett, at sambandet er kommersielt og at det er vanskeleg å fastsetja sambandet sine framtidige inntekter og bygge- og driftskostnadar. Eit eventuelt tilskot frå fylkeskommunen til dette prosjektet må di for truleg uansett avgrensast til kr euro over tre år, jfr. regelverket om bagatellmessig støtte. Det regionale utviklingsprogrammet (RUP 2013) opnar for å disponere 2 mill. kr til klimaretta næringstiltak. Det er strenge reglar for eventuell konkurransevridande støtte til einskildverksemder. Fylkeskommunen handsamar prosjekt og søknader av tilretteleggande karakter, medan søknadar om støtte til bedrifter blir handsama av Innovasjon Noreg. Beløp i denne storleiken vil normalt krevje politisk handsaming i form av eiga sak til fylkesutvalet. Det vil og stillast spørsmål om i kor stor grad prosjektet utviklar ny teknologi med stort nok potensiale som klimatiltak i høve til kostnad. Ferjesambandet Valestrand-Breistein er eit kommersielt samband og skal etter føresetnadene også vera det etter at bompengane fell vekk på Osterøybrua, jfr. ovannemnde vedtak i sak 195/12. Eit investeringstilskot frå fylkeskommunen til dette sambandet er etter mi vurdering eit tilskot som like gjerne kan sjåast på som eit driftstilskot (4.3 mill. kr. årleg i fem år). Godkjenner fylkeskommunen søknaden frå Osterøy Ferjeselskap har ein m.a.o. langt på veg teke på seg driftsansvaret for sambandet. I så fall skulle drifta av sambandet ha vore konkurranseutsett til liks med andre ferjesamband som fylkeskommunen har driftsansvaret for. Det er all grunn til å gje honnør til Osterøy Ferjeselskap for batteriferjeprosjektet Heilt elektrisk. Eg kan likevel ikkje sjå at fylkeskommunen kan støtta prosjektet økonomisk utover det kjøpet av tenester som me alt har forplikta oss til. Konsekvensane av eit positivt vedtak inneber etter mi vurdering at me då kan bli møtt med krav frå andre operatørar om tilsvarande støtte. Ein annan konsekvens er at me ved å gje støtte til prosjektet langt på veg går inn og subsidierer drifta av sambandet som etter førsetnadene skal drivast kommersielt. 4

5 5