ANSKAFFING AV BYBANEVOGNER OG FORLENGING AV EKSISTERANDE VOGNER - BYGGETRINN 3

Transkript

1 HORDALAND FYLKESKOMMUNE Samferdselsavdelinga Arkivsak Arkivnr. 831 Saksh. Vedvik, Anne Saksgang Samferdselsutvalet Fylkesutvalet Fylkestinget Møtedato ANSKAFFING AV BYBANEVOGNER OG FORLENGING AV EKSISTERANDE VOGNER - BYGGETRINN 3 SAMANDRAG Når Bybanen vert forlenga til Flesland (byggetrinn 3) er det behov for større vognpark med meir kapasitet. Kapasitetsbehovet skal løysast ved bruk av fleire vogner og med forlenging av eksisterande vogner frå 32 m lengde til 42 m. For å ha tilstrekkeleg mange 42 meter lange vogner i drift ved opninga sommaren 2016, må ein no inngå kontrakt om kjøp av 8 nye vogner og forlenging av dei 20 bybanevognene fylkeskommunen allereie har kjøpt. Fylkesrådmannen tilrår at kjøpet vert gjennomført ved å nytta opsjonar i eksisterande avtale med leverandøren Stadler. Totalkostnaden ved kjøp av 8 nye vogner og forlenging av 20 bybanevogner er stipulert til NOK 425 mill. 30 % av dette beløpet forfell til betaling ved kontraktsinngåinga i Det er såleis naudsynt å auka budsjettet 2013 med NOK 127,5 mill. FORSLAG TIL INNSTILLING 1. Fylkestinget godkjenner kjøp av 8 nye bybanevogner og forlenging av 20 vogner til 42 meter i samband med at Bybanen vert forlenga til Flesland (byggetrinn 3) 2. Fylkestinget godkjenner at ein nyttar opsjonar i avtalen med leverandøren Stadler i samband med innkjøpet, og at fylkesrådmannen får fullmakt til å inngå kontrakt med vognleverandøren 3. Fylkestinget godkjenner at investeringsbudsjettet for 2013 vert auka med NOK 127,5 mill for førehandsutbetaling ved kontraktsinngåinga. Restfinansiering vil bli innarbeidd i økonomiplanperioden Budsjettet vert endra slik: Stad Art Prosjekt Tekst Meirutg. Meirinnt Bybanen vognm Bruk av lån Rune Haugsdal

2 fylkesrådmann Vedlegg: Rapport frå Cowi AS Thorbjørn Aarethun kst. samferdselssjef 2

3 FYLKESRÅDMANNEN, : 1.0 Bakgrunn Når Bybanen vert forlenga til Flesland (byggetrinn 3) er det behov for større vognpark med meir kapasitet. Kapasitetsbehovet skal løysast ved bruk av fleire vogner og med forlenging av eksisterande vogner frå 32 m lengde til 42 m. For å ha tilstrekkeleg mange 42 meter lange vogner i drift ved opninga sommaren 2016, må ein no inngå kontrakt om kjøp av nye vogner og forlenging av eksisterande vognpark. 2.0 Tidlegare innkjøp og fylkespolitiske vedtak Hittil er det bestilt 20 vogner med 32 m lengde. Desse vert levert i løpet av 2013 og skal dekka behovet når byggetrinn 2 er fullført og Bybanen opnar til Lagunen i juni Med utgangspunkt i behov for auka kapasitet i samband med byggetrinn 3, fatta fylkestinget den fylgjande vedtak i sak 58/12: Fylkestinget vedtek å løyva NOK 5 mill til igangsetjing av prosjektering av forlenging av Bybanen sine vogner frå 32 m til 42 m. Detaljplanleggjing av forlenging av eksisterande vognpark vart sett i gang og ein gjorde vurdering av behovet for ytterlegare vogner. Det vart lagt fram sak for fylkestinget i desember 2012 der fylkesrådmannen bad om fylkestinget si godkjenning til å gå i forhandlingar med vognleverandøren Stadler om innkjøp og forlenging av vogner. Den fatta fylkestinget vedtak i sak 80/12: Fylkestinget godkjenner at fylkesrådmannen får fullmakt til å gå i forhandlingar med vognleverandøren Stadler med sikte på anskaffing av 8 nye vogner og forlenging av 20 vogner til 42 meter. Fylkestinget skal godkjenna kjøpet. På desembertinget 2012 vedtok fylkestinget Økonomiplan i sak 73/12. Vedrørande investering i bybanevogner går fylgjande fram av økonomiplanen: På grunn av kapasitetsomsyn er det vurdert å forlenga dei eksisterande bybanevognene til 42 m når bybana opnar til Flesland i Fylkesutvalet har i 2012 løyvt 5 mill. til prosjekteringsarbeidet. Det kan vera aktuelt å forlenga 16 vogner - 4 i 2015 og 12 i Det vert lagt til grunn ein stk. kostnad på 12 mill. kr. Det vert ut frå dette budsjettert med 48 mill. kr. i 2015 og 144 mill. kr. i Behovsvurdering vognpark Byggetrinn 3 på Bybanen inneber etablering av eit heilt nytt hovudsamband for kollektivtrafikken i Bergen sør. Bybanen vil binda saman ei rekkje nye område. Den høge konsentrasjonen av arbeidsplassar langs haldeplassane på byggetrinn 3, gjer at det meste av passasjerveksten på dette byggetrinnet venteleg vil skje i motsett retning enn det som er dominerande reiseretning i rushtrafikken i dag. Det er gjennomført ein marknadsanalyse for å få fram estimat for forventa passasjertal på byggetrinn 3, jf. vedlagte rapport «Driftsoplæg for bybane og bus ved byggetrin 3» utarbeidd av konsulentselskapet Cowi. Marknadsanalysen viser at byggetrinn 3 vil føra til om lag nye daglege passasjerar. Ein legg til grunn at av desse vil vera nye passasjerar på haldeplassane langs byggetrinn 3, medan dei andre vert nye passasjerar på byggetrinn 1 og 2. På byggetrinn 3 vil Bergen lufthavn, Flesland, bli det største stoppet med om lag daglege reisande. Avinor har ambisiøse målsetnader for auka kollektivandel til Flesland. Kollektivandelen til 3

4 Flesland er i dag 26%. Avinor sin målsetnad er at denne skal stiga til 40% i 2020 og at 25 % av flypassasjerane nyttar Bybanen. På bakgrunn av trafikkprognosane som kjem fram i marknadsanalysen, legg Skyss opp til at Bybanen vert køyrt med 4 min frekvens i rushtida og alle avgangar vert køyrt heilt til Flesland. For å gjennomføra driftsopplegget treng ein totalt 28 vogner, dvs. 8 nye vogner á 42 m, og dei 20 eksisterande vognene må alle forlengast til 42 m. 4.0 Innkjøpsopplegg og kostnader I 2008 vann det tyske firmaet Stadler anbod om leveranse av vogner til Bybanen. I kontrakten med Stadler er det avtalt opsjonsprisar. I fylgje opsjonsprisane frå 2008 vil ei ny 42 m vogn kosta NOK 30 mill og forlenging av ei vogn frå 32 til 42 m kostar NOK 9 mill. Desse prisane er rekna i euroverdien for 2008 og med kurs EUR 1 = NOK 8,50. Forlenging av bybanevognene krev ny godkjenning frå Statens jernbanetilsyn. Utgifter til godkjenning samt til kvalitetskontroll i form av produksjonsoppfølging og dokumentasjonskrav kjem i tillegg til den opphavlege prisen på vognmaterielle. Ein må pårekna 5 % tillegg i prisen per vogn. Forhandlingane som har vore gjennomført med Stadler i tråd med fylkestinget sitt vedtak, har dreid seg om leveranseplan og ombordutrustning. Det er no på det reine at teknologiutviklinga har endra seg og ny ombordutrustning er teken i bruk sidan dei eksisterande bybanevognene vart leverte. For at heile vognparken - både nye og eksisterande vogner - skal få den nye teknologiske utrustninga, vil det påløpa ekstra kostnader til dette. Den pris som skal betalast avheng av prisstigning i Tyskland og euro-kursane på betalingstidspunkta. Prisstigning i Tyskland har frå 2008 til i dag vore på noko under 2 % i året. Euro-kursen per i dag er vesentleg lågare enn NOK 8,50. Ved å leggja til grunn ein gjennomsnittleg Euro-kurs på NOK 8,00 og ein prisstigning på 2 % i året i Tyskland, får ein fylgjande stipulerte prisar justert for godkjenningskostnader og ny teknologisk utrustning: 8 nye bybanevogner á 42 m NOK 250 mill Forlenging 20 bybanevogner NOK 175 mill Totalkostnad NOK 425 mill I samsvar med dagens kontrakt med Stadler må det påreknast at fylkeskommunen må betala eit beløp ved kontraktsinngåinga. Innkjøp av dei 8 nye vognene vil skje først. Deretter vil ein suksessivt gå i gang med forlenging av dei eksisterande 20 vognene. Sjølve arbeidet med forlenginga av eksisterande vognpark vil skje lokalt ved den nye bybaneverkstaden på Kokstad som venteleg står ferdig i oktober Ein tek sikte på å avslutta innkjøpet i løpet av Når det gjeld kostnadene til forlenging av vognene er det allereie sett av NOK 48 mill i 2015 og NOK 144 mill i 2016, totalt NOK 192 mill. Summen som i utgangspunktet var meint å dekkja forlenging av 16 vogner, vil såleis vera tilstrekkeleg for forlenging av 20 vogner. 30% av totalkostnadene forfell til betaling ved kontraktsinngåinga. Vidare finansieringsløp må ein koma attende til. Leveransplanen er ikkje ferdigforhandla enno, og restbetaling vil følgja leveransen. Etter dette innkjøpet er det no investert opp mot NOK 900 mill i bybanemateriell. 5.0 Fylkesrådmannen si tilråding Når det gjeld spørsmål om å innhenta tilbod frå fleire vognleverandørar for å dekka vognbehovet ved forlenginga av Bybanen til Flesland, viser fylkesrådmannen til sak 58/12 «Løyving av forskot til 4

5 prosjektering av forlenging av bybanevogner til 42 m» handsama i Fylkestinget Her la ein til grunn at det er gunstig å nytta opsjonar i avtalen med Stadler. Delar av infrastrukturen på Bybanen er etablert og tilpassa rundt leverandøren Stadler sitt vognmateriell. I dag har Stadler både garantiansvar og langsiktig vedlikehaldsavtale for vognmateriellet. Forlenging av eksisterande vogner kan ikkje andre leverandørar utføra. Alternativ til dette må vera at fylkeskommunen seljer eksisterande vognmateriell for å kjøpa nye vogner hjå annan leverandør. Det er lite realisme i eit slikt alternativ, då det er lite truleg at ein på kort tid finn kjøparar for brukte bybanevogner som er tilpassa behovet i Bergen. Verkstaden er spesielt utforma i høve til Stadler sitt vognmateriell. Ein kan sjølvsagt nytta verkstaden til andre vogntypar, men dette vil krevja tilpassingar. Dersom ein skal behalda og forlenga eksisterande vognmateriell, medan nye vogner skal kjøpast hjå annan leverandør, må ein leggja føringar på leveransen slik at nytt materiell kan kombinerast med eksisterande materiell. Dette vert sannsynlegvis fordyrande i høve til den pris annan leverandør elles vil kunne gje. I sum er det såleis gunstig både prismessig og praktisk å nytta Stadler som leverandør til byggetrinn 3. Fylkesrådmannen rår derfor til at ein óg nyttar opsjonar i avtalen med Stadler ved anskaffing av bybanevogner til byggetrinn 3. Fylkesrådmannen vil i denne samanheng kort nemna at det sannsynlegvis vil vera prisgunstig om fylkeskommunen óg nyttar opsjonar i avtalen med Stadler ved byggetrinn 4 til Åsane. Ved seinare byggetrinn vil det ikkje lenger vera mogleg å nytta opsjonar med utgangspunkt i dagens kontrakt med Stadler. Fylkeskommunen må derfor på dette tidspunktet utlysa ny anbodskonkurranse. Fylkesrådmannen rår til at fylkestinget godkjenner ei samla kostnadsråme for innkjøp av 8 nye vogner og forlenging av 20 eksisterande bybanevogner på NOK 425 mill. Vidare rår fylkesrådmannen til at investeringsbudsjettet for 2013 vert auka med NOK 127,5 mill i samband med førhandsbetaling ved kontraktsinngåing, og at restfinansieringa blir innarbeidd i økonomiplanperioden