VINDAFJORD KOMMUNE SAKSPAPIR

Transkript

1 VINDAFJORD KOMMUNE SAKSPAPIR Saksnummer Utval Vedtaksdato 079/16 Formannskapet Saksbehandlar: Aarvik, Sissel Sak - journalpost: 16/ FØRSTEGANGSHANDSAMING AV DETALJREGULERING FOR FOTGJENGARUNDERGANGAR I ØLENSVÅG Rådmannen sitt framlegg til vedtak: Utkast til Detaljregulering for fotgjengarundergangar i Ølensvåg vert lagt ut til offentleg ettersyn i samsvar med plan- og bygningslova Plankart er datert og føresegner er daterte Formannskapet Rådmannen sitt framlegg til vedtak vart samrøystes vedtatt. FS-079/16 Vedtak: Utkast til Detaljregulering for fotgjengarundergangar i Ølensvåg vert lagt ut til offentleg ettersyn i samsvar med plan- og bygningslova Plankart er datert og føresegner er daterte Aktuelle lover.: Plan- og bygningslova og naturmangfaldlova. Saka gjeld: Førstegongshandsaming av Detaljregulering for fotgjengarundergangar i Ølensvåg Saksopplysningar: Planen er utarbeidd av Cowi på oppdrag av Vindafjord kommune. Føremål Hovudføremålet med planen er å leggja til rette for trafikksikker kryssing av E134 i Ølensvåg. Som ein følgje av ei nødvendig heving av europavegen vil trafikkforholda i krysset mellom E134 og vegen til Vågshagen bli betre.

2 Oppstart og varsling Oppstartsmøte med kommunen vart gjennomført Varsel om oppstart av planarbeid vart kunngjort i Grannar og på kommunen sine nettsider. Naboar og offentlege høyringsinstansar blei direkte varsla med brev den Det kom innspel frå: Rogaland fylkeskommune, Statens vegvesen og fire naboar. Uttalane går fram og er kommenterte av Cowi på side 6-9 i den vedlagte planskildringa. Plantype Planen vert lagt fram som detaljregulering. Planstatus Den delen av planområdet som omfattar E134 og arealet på sørsida av denne vegen er no regulert i Detaljregulering for E134 Gang- og sykkelveg Ølen Ølensvåg og reguleringsplanen for Vågshagen bustadfelt. I hovudsak er arealet i desse planane regulert til ulike samferdsleanlegg og teknisk infrastruktur. Mindre areal er regulert til bustadføremål. Den delen av planområdet som ligg på nordsida av E134 er ikkje regulert. I kommuneplanen er arealet sett av til sentrumsføremål. Det har i mange år vore arbeidd med ein reguleringsplan for Ølensvåg, med ei oppdatering av planen for Vågshagen. I 2010 vart eit planutkast vedteke lagt ut til offentleg ettersyn og var ute til høyring. Planen vart møtt med motsegner, og endra retningsliner frå Vegdirektoratet medførte at føresetnaden om miljøgate på E134 vart uaktuell. Saman med uavklarte ynskje og planar hos grunneigarar, utbyggjarar og næringslivet i Ølensvåg har dette gjort at planarbeidet enno ikkje er fullført. Planavgrensing Med bakgrunn i dei utfordringane ein har møtt i arbeidet med ein reguleringsplan for heile Ølensvåg, har ein i denne omgang vald å regulera eit avgrensa område. Planområdet omfattar areal som er nødvendig for undergangar under E134 og vegen til Vågshagen med tilhøyrande gang- og sykkelvegar, E134 der denne skal høgdejusterast, busshaldeplassar samt tilhøyrande nødvendige areal for gjennomføring av prosjektet. Anne omkringliggjande areal og samanhengar med undergangen må planleggjast i Ølensvågplanen. Utforming og innhald i planen Planforslaget syner ei løysing der europavegen vert heva med ca. 2,5 m i området ved krysset til Vågshagen og ein forgjengarundergang under E134 i dette området. Dette for å betra tilhøva for mjuke trafikkantar som skal kryssa europavegen. Dagens utkøyringa frå Vågshagen til E134 er bratt og trafikkfarleg, særleg på vinteren når det er glatt. Ved å heva E134 vil ein få eit flatt område inn mot krysset og plass for ei dråpeøy. Dette opnar og for ein fotgjengarundergang på gang- og sykkelvegen under vegen til Vågshagen. Dei siste ca. 110 metrane inn mot krysset E134/Vågshagen frå aust overlappar med planen for gang- og sykkelvegen Ølen Ølensvåg og endrar denne. I planforslaget er det og regulert inn kollektivhaldeplassar i dette området, som ligg sentralt i forhold til skule, barnehage og bygdahus. Elevar og andre kan kryssa europavegen gjennom undergangen til og frå busshaldeplassane. Den austre busshaldeplassen inngår i gjeldande plan for gang- og sykkelveg mellom Ølen og Ølensvåg, og utforminga er i samsvar med denne. Anlegget er foreslått regulert for universell utforming med maksimalt 5 % stigning på gangog sykkelvegen, nedsenka fortauskantar ved kryssingspunkt og ledelinjer ved haldeplassar for buss. Det er og gitt opning for bygging av "snarvegar" (trapper) for å sikre at undergangane blir brukt av flest moglege, også dei som er raske til beins.

3 I dagens situasjon er det gjennomkøyring på Kvassanesvegen. I planutkastet er denne vegen føresett stengd i vest, slik at all biltrafikk til og frå eigedomar på denne vegen må skje via krysset med E134 i aust ved båthamna. Dette vil også gjelda dei to eigedomane som ligg lengst vest på denne vegen (Kvassanesvegen 7 og 9) noko som sikkert kan opplevast som «tungvit». Bakgrunnen for dette er at det er her undergangen under E134 er plassert (E134 blir heva mest her). Vidare bør det ikkje gå gjennomgangstrafikk forbi utløpet av undergangen og langs Omega sitt bygg og parkeringsplassar. Omega si utkøyring til E134 her er allereie føresett stengd. Bustadeigedomane i planområdet som ligg på sørsida av E134 vil bli noko berørt av dei planlagde tiltaka. Delar av eigedomane som ligg aust for vegen til Vågshagen er allereie omfatta av planen for gang- og sykkelvegen Ølen Ølensvåg. Her blir det berre litt nytt areal berørt. Av eigedomane på vestsida av vegen til Vågshagen er det særleg ein som utbygginga vil ha arealkonsekvensar for i form av tap av hageareal. Alt areal som blir berørt ligg innafor byggjegrensa mot E134. Omfang og plassering av parkeringsplassar er eit tema ved all arealplanlegging i Ølensvåg. Utbygging i samsvar med planutkastet vil ha konsekvensar for Omega sine noverande parkeringsplassar langs nordsida av europavegen. Kor mange plassar som vil bli borte, vil vera avhengig av kor gang- og sykkelvegtrafikken til og frå undergangen under E134 vil bli planlagt. Dette gir ikkje denne planen svar på. Havnivå Denne delen av Ølensvåg ligg lågt over havnivået. Det er derfor gjort ei eiga utgreiing kring forholdet til havnivåstigning, stormflo og aktuell lågaste kote på «golvet» i undergangen. Denne utgreiinga ligg vedlagt. Det er konkludert med at undergangen ikkje bør leggjast lågare enn kote 2,65. Dette vil sikra at undergangen vert drenert. Konsekvensutgreiing Kommunen har vurdert at planen ikkje utløyser krav om konsekvensutgreiing. ROS-analyse ROS-analyse ligg vedlagt i eit eige dokument. Det er ikkje avdekka forhold som tilseier at planen ikkje kan vedtakast og at påfølgjande utbygging ikkje kan gjennomførast. Konklusjonen i ROS-analysen er at opparbeiding av området i samsvar med reguleringsplanen vil skapa større trafikktryggleik ved at fotgjengarar kan kryssa køyrevegane planfritt og at kryssområdet mellom E134 og Vågshagen får betre utforming. Planen syner og sentralt plasserte haldeplassar for buss med universell tilkomst. Støy Det er gjort støyvurderingar for prosjektet. I samband med dette er støysonekart for dagens vegar og for ombygde vegar er utarbeidd. Sonekarta før og etter ombygging av vegane syner at dei næraste bustadane til E134 ligg og blir liggjande i raud sone. Dette gjeld sju bustadhus. Rapporten seier at støyutbreiinga vert redusert på nordsida av vegen og aukar litt på sørsida, men endringane er minimale. I rapporten er det skissert støyskjermingstiltak. På sørsida av europavegen vil ikkje støyskjermar vera ei god løysing og det vert difor tilrådd lokale tiltak på bygningar og uteområde her. Det er sett krav til støyskjerming i samsvar med retningslinje T-1442 om støy i arealplanlegging. Dette vil gje ei vesentleg forbetring for dei som bur langs vegen i dag. Støyrapporten med tilhøyrande kart følgjer vedlagt.

4 Naturmangfaldlova Det er konkludert med at tiltaket ikkje vil ha konsekvensar for naturmiljøet og det biologiske mangfaldet. Området er i dag allereie utbygd med kjørevegar med sideareal, samt private hagar. Vurdering: Folk i Ølensvåg har lenge etterspurt trafikksikker kryssing av E134. Dagens fotgjengarfelt ligg vis-a-vis bensinstasjonen og er ugunstig plassert. Gangfeltet ligg med relativt liten avstand til to trafikkerte kryss (Bjoavegen og bensinstasjonen/kiwi) og har mange forstyrrande element i form av reklame, aktivitet på bensinstasjonen m.m. Det er og frå fleire hald, også frå vegvesenet, peika på at utkøyringa frå Vågshagen er bratt og trafikkfarleg, særleg på vinteren. Vedlagt ligg ei situasjonsvurdering som Statens vegvesen har gjort av trafikksituasjonen i Ølensvåg. Over lang tid har det vore mykje fram og tilbake med korleis fotgjengarkryssing av E134 i Ølensvåg skal løysast. Undergang med noko ulik plassering, ljosregulering og kryssing i plan i ei miljøgate har vore vurdert. Planen legg no til rette for ei utbygging som hevar E134 slik at fotgjengarundergangar under køyrevegane kan etablerast. Som ei følgje av hevinga av europavegen vil det bli ei slakare utkøyring til E134 frå Vågshagen. Det er også lagt inn busshaldeplassar i området. Desse ligg sentralt plassert i forhold til skule, barnehage og bygdahus og kan nåast gjennom undergangane. Det er sett av ca. 20 millionar kr i Haugalandspakken til prosjektet. Som tidlegare nemnt ovanfor er planområdet avgrensa i utstrekning. Omkringliggjande areal og samanhengar med undergangane må planleggjast i planen for Ølensvåg. For å kunna realisera tiltaka som går fram av planutkastet i nær framtid, må dette planarbeidet forserast. Dette heng m.a. saman med at arbeidet med gang- og sykkelvegen mellom Ølen og Ølensvåg skal starta opp våren Denne vil bli bygd fram til krysset mellom E134 og Vågshagen etter den planen, om ikkje ny og endra plan med undergangar i dette området blir vedteken. Å i ettertid koma med eit prosjekt for undergangar vil vera svært uheldig og vanskeleg å få gjennomført. Det kan og vera noko å henta økonomisk med ei samtidig utbygging av gang- og sykkelvegen og undergangane. Statens vegvesen sitt regelverk seier m.a. at for tiltak på riksveg må godkjend reguleringsplan liggja føre pr for å kunna ha oppstart i Vegvesenet har vidare opplyst at dersom prosjektet ikkje blir ein del av gang- og sykkelvegprosjektet Ølen - Ølensvåg, vil det ikkje kunna gjennomførast før det kjem inn i statsbudsjettet Med dagens krav til utforming av eit slikt anlegg, med både undergangar og busshaldeplassar, blir det eit stort anlegg med universelt utforma tilkomstar. Avhengig av kor ein kjem frå og skal til, kan det bli «omvegar» om ein skal følgja gang- og sykkelvegane fullt ut på sykkel eller til fots. Det kan bli hevda at undergangane derfor ikkje vil bli brukte. Det blir lagt opp til at det skal lagast trapper i anlegget, ev med mogelegheit for å leia sykkel. Dette for at dei som ikkje er avhengige av universelt utforma anlegg kan ta snarvegar. Det vil likevel alltid vera nokon som vil ta andre vegar. «Lova om den kortaste vegen mellom to punkt» gjeld også i Ølensvåg. For dei gåande og syklande vil det vera tre hovudmål i området: - området med skule, barnehage og bygdahus - Vågshagen bustadområde - sentrumsområdet Ved å plassera busshaldeplassar i tilknyting til undergangane vil dei som reiser kollektivt til skule, barnehage og bygdahus få sikker tilkomst. Elevane på Vågen skule vil vera ei viktig brukargruppe av anlegget.

5 Området på nordsida av E134, frå der undergangen kjem ut og sør- og vestover, er no eit svært «uryddig» område med trafikk og parkering av personbilar og store kjøretøy. Dette området må få ei betre planløysing i planen for Ølensvåg. I denne må trafikkmønsteret løysast m.a. for dei som skal gjennom undergangen under E134. I planforslaget kjem undergangen ut vis-a- vis den sørlegaste delen av Omega sitt kontorbygg. Sør for dette (i området der tennisbanen låg) er det planlagt og godkjent byggjeplanar for eit nytt bygg. Anlegget for undergang og busshaldeplass vil ikkje koma i konflikt med dette bygget, men vil ha konsekvensar for fleire av dagens parkeringsplassar i området. Det vil bli viktig å finna gode løysingar for trafikken til og frå undergangen i dette området og til/frå ein sentrale plass som butikken. Eigedomane i Ølensvåg sentrum er i hovudsak private (privatpersonar eller bedrifter). I det siste utkastet til reguleringsplan for Ølensvåg er det lagt opp til ein «kystgangveg» på sjøsida av sentrum, over elva og fram til Bjoavegen. Denne må føresetjast oppretthalden i endeleg forslag til reguleringsplan for Ølensvåg. For mjuke trafikkantar mellom Vågshagen og vestsida av Ølensvåg og vidare på Bjoavegen vil denne gje ei god løysing. Inntil denne vert bygd, vil det vera utfordringar for dei mjuke trafikantane å ferdast frå undergangen og til Bjoavegen. For dei som skal mellom Vågshagen og Ølensvåg sentrum på sykkel kan undergangane med tilhøyrande tilkomstvegar (rampar) oppfattast som «omvegar». Dette må vegast opp mot føremålet med undergangen under E134, nemleg eit trygt kryssingspunkt, og kan ikkje vera avgjerande. Det bør tilretteleggjast for enkelt å leia sykkelen på snarvegar. For dei som kjem på gang- og sykkelvegen frå Ølen og skal vidare vestover vil få ein nedoverbakke og så ein motbakke ved/i undergangen under vegen til Vågshagen. I og med at gang- og sykkelvegen og undergangane skal vera universelt utforma bør ikkje dette bli særleg utfordrande. Vidare kan dei følgja fortauet/gangvegen og gang- og sykkelvegen (noverande og framtidig) opp Espelandssvingane. Det vil bli eit «kryss» mellom gang- og sykkelvegen på sørsida av E134 og undergangen under europavegen. Frisikt i «krysset» er vist med 8x8m i samsvar med vegvesenet sine handbøker. Før planen blir sendt på høyring må plankartet påførast nødvendig eigarform - offentleg (o) på aktuelle areal. Førsegnsområdet «midlertidig anleggs- og riggområde» må utvidast vestover til også å omfatta del av gnr. 294 bnr. 26 i tilsvarande breidde som på tilliggjande eigedom. Oppsummering/konklusjon: Det er viktige positive effektar av å realisera ei utbygging i samsvar med planforslaget: - Ved realisering av tiltaka i planen vil det bli lagt til rette for trafikksikker kryssing av E134 i Ølensvåg, eit betre kryss mellom europavegen og vegen til Vågshagen og sentralt plasserte busshaldeplassar. Med krav om støyskjerming vil bustadar i raud støysone få betre tilhøve enn i dag. - Dersom planen vert vedteken før utgangen av 2016 vil det vera mogeleg å få til ei utbygging saman med gang- og sykkelvegen mellom Ølen og Ølensvåg. Dette vil gjera det mogeleg å realisera prosjektet i nær framtid. Følgjande ulemper og utfordringar kan peikast på: - Tiltak i samsvar med planen vil vera arealkrevjande og det kan bli stilt spørsmål ved bruken av undergangane og kost/nytt av tiltaka.

6 - Planområdet er avgrensa og dermed er ikkje trafikkbiletet avklara i forhold til tilgrensande område. - Ein del parkeringsplassar vil bli borte og det vil nokre bustadeigedomar vil få redusert hageareal. - I planutkastet er Kvassanesvegen føresett stengd i vest, slik at all biltrafikk frå og til eigedomar på denne vegen må skje via krysset med E134 i aust ved båthamna. Dette vil av nokre sikkert opplevast som «tungvint». Etter ei samla vurdering legg rådmannen særleg vekt på dei positive og etterlengta effektane av planforslaget. Forslaget til Detaljregulering for fotgjengarundergangar i Ølensvåg vert tilrådd lagt ut til offentleg ettersyn. Før møte i formannskapet skal plankartet påførast nødvendig eigarform og førsegnsområdet «midlertidig anleggs- og riggområde» utvidast vestover til også å omfatta del av gnr. 294 bnr. 26 i tilsvarande breidde som på tilliggjande eigedom i aust. Dette kartet vil bli datert og vil bli det som blir lagt ut til offentleg ettersyn. Vedlegg: STØYRAPPORT HAVNIVÅVURDERING C001 PLAN OG PROFIL D001 PROFIL F001 NORMALPROFIL FORELØPIG_K010 KONSTRUKSJONSTEIKNING UNDERGANG E134 FORELØPIG_K020 KONSTRUKSJONSTEINING UNDERGANG VÅGSHAGEN STØY ETTERSIT M TILTAK PKT STØY ETTERSIT PKT U TILTAK STØY ETTERSIT UTEN TILTAK SONE STØY FØRSIT SONE SITUASJONSVURDERING SVV FØRESEGNER ROS-ANALYSE PLANSKILDRING PLANKART