ØRSTA KOMMUNE politisk sekretariat

Transkript

1 ØRSTA KOMMUNE politisk sekretariat Plan- og miljøavd. for vidare ekspedering Saksnr Løpenr. Saksansvarleg Arkiv Dato 2014/ /2016 WANGEN Melding om vedtak i formannskapet , sak 27/16 OFFENTLEG ETTERSYN: DETALJREGULERINGSPLAN FOR SÆBØ BRYGGE Saksprotokoll i Ørsta formannskap VEDTAK: Ørsta formannskap, som planutval, syner til framlegg til detaljreguleringsplan for Sæbø brygge. Planutvalet gjer med dette vedtak om at planframlegget vert lagt ut til offentleg ettersyn jf. pbl og 12-11, slik det ligg føre på plankart A, sist revidert med tilhøyrande føresegner sist revidert Planframlegget skal ligge ute i seks veker frå kunngjeringsdato. Handsaminga (8 r.f.) Matias Kårstad, planleggjar svarte på spørsmål Rådmannen si tilråding vart vedteken med 8 mot 0 røyster Rett utskrift Inger Johanne E. Løeng Politisk sekretær Postadresse: postmottak@orsta.kommune.no ØRSTA MVA

2 ØRSTA KOMMUNE SAKSFRAMLEGG Sakshandsamar: Matias Kårstad/ Arkivsak: 2014/2046 Gunnar Wangen Løpenr.: 1540/2016 Utvalsaksnr. Utval Møtedato 27/16 Ørsta formannskap Saka gjeld: OFFENTLEG ETTERSYN: DETALJREGULERINGSPLAN FOR SÆBØ BRYGGE TILRÅDING TIL VEDTAK: Ørsta formannskap, som planutval, syner til framlegg til detaljreguleringsplan for Sæbø brygge. Planutvalet gjer med dette vedtak om at planframlegget vert lagt ut til offentleg ettersyn jf. pbl og 12-11, slik det ligg føre på plankart A, sist revidert med tilhøyrande føresegner sist revidert Planframlegget skal ligge ute i seks veker frå kunngjeringsdato. Utskrift til: Plan- og miljøavd. for vidare ekspedering

3 Saksvedlegg: Plankart Føresegn Notat (arkitektonisk grep) m/illustrasjonar Planomtale Sjekkliste ROS Uprenta saksvedlegg: Innkomne innspel Referat frå medverknadsmøte diverse saksdokument Saksopplysningar: Det ligg føre eit framlegg til detaljreguleringsplan for Sæbø brygge, samt ein del av dei omkringliggande delane av Sæbø sentrum. Planen er utarbeidd i eit samarbeid mellom Ørsta kommune, Hjørundfjord Fjordservice v/marit Riise Olsen og Nordbohus Enerbygg AS. Nordbohus og Hjørundfjord fjordservice har levert plangrunnlaget for den delen av planområdet som er knytt til Sæbø brygge som eit privat framlegg, medan kommunen har utarbeidd grunnlaget for dei omkringliggande areala. Føremålet med planarbeidet er å legge til rette for utbygging av konsentrerte bustader med ein storleik pr. bueining som legg til rette for at familiar kan etablere seg i sentrum av Sæbø, samt ei tilpassing av reguleringsplanen ikring for å stette dagens behov. Det vart gjennomført oppstartsmøte med kommunen , der m.a. plangrense, parkering, born/unge, samfunnstryggleik, va-anlegg, offentlege interesser og arkitektur var sentrale tema. Det var konkludert med at planarbeidet ikkje utløyser krav om konsekvensutgreiing. Det var varsla oppstart av planarbeidet med brev til grunneigarar og offentlege mynde, samt annonse i Møre Nytt den Det har kome fleire innspel til planarbeidet, med m.a. synspunkt på storleik på nye bygg, parkeringsløysingar, arkitektur, utsikt m.v. Innspela er gjengitt/oppsummert og kommenterte i planomtalen. Det har også vore gjennomført to opne

4 medverknadsmøte den og den Det siste møtet med størst fokus på den komande områdeplanen for Sæbø. Vurdering og konklusjon: Gjeldande reguleringsplan for om rådet er Deler av Sæbø sentrum (RTK-9609). Denne planen skil seg ein del frå den eksisterande situasjonen, og omfattar m.a. ei større omlegging av fylkesveg 655, samt at Lisjeelva skulle byggast over med ei utviding av sentrumskvartalet, ein stor parkeringsplass og eit mindre areal til industri/service (Stormøllen) mot sjøen. Det ville ikkje vere mogleg å gjennomføre den aktuelle utbygginga innanfor rammene av den eksisterande reguleringsplanen. Behovet for omlegginga av fylkesvegen kom m.a. av at det ikkje var mogleg å utvide svingen rundt Slettedalshjørnet med fullverdig kurvatur og samstundes bevare kyrkjegardsmuren og muren mot friområdet. I samråd med vegvesenet har ein konkludert med at det ikkje er naudsynt med ei så omfattande omlegging av vegsystemet. Den gjeldande regulerte vegløysinga ville også medføre reduserte bukvalitetar i denne delen av sentrum. Det synest vere brei semje i bygda om at den føresette omlegginga av vegen ikkje er ønskjeleg. I samband med oppgraderinga av ferjekaia gjorde vegvesenet på oppmoding frå kommunen ei konkret vurdering av vegføring etter dagens trase. Det vart konkludert med at det er vegfagleg akseptabelt å føresette at vegen også i framtida kan følgje dagens trase. Statens vegvesen har stadfesta at dei ikkje har merknader til løysinga. Det er m.a. denne endringa som har gjort at kommunen såg det naudsynt å sjå på plansituasjonen for eit større område enn berre det som vert utløyst av prosjektet på Sæbø brygge. Eit utvida planområde var også heilt naudsynt for å kunne få heilskap i arealbruken og dermed kunne legge til rette for bustadprosjektet. Det største nye elementet i planen er utbygginga Sæbø brygge, merka BKS1 i plankartet. Her er det lagt opp til fem husvære med ein storleik som gjer at dei også er eigna for familiar. Bygga er tenkt som kjeda rekkehus, med maksimal mønehøgd eller øvre gesims (pulttak) på 9 m og maksimal gesimshøgd på 8 m. Notatet arkitektonisk grep er gjort bindande for utforminga av bygga i dette området, jf. illustrasjonane under. I området BKB er det også tenkt ei relativt stor utviding av det eksisterande bygget, som i dag består av ei etasje med ei andreetasje på om lag halve bygget. Planframlegget legg opp til at andreetasjen vert utvida til heile bygget, samt at det kan byggast ei tilbaketrekt toppetasje, som vist på illustrasjonen under. For alle byggeområda er det ein føresetnad at det skal nyttast ein kombinasjon av tre og glas i fasaden for å vidareføre den tradisjonelle materialbruken (trekledning). BKS1

5 BKS1 BKB1 Fleire av merknadane til oppstartsvarslinga har retta seg mot utforminga, høgde og utstrekning av utbygginga på Sæbø brygge (BKS). Dette har også vore sentrale tema på medverknadsmøta. Forslagsstillaren har forsøkt å ta omsyn til desse innspela ved å redusere høgda på bygga. Utstrekninga av bygga har vorte tilpassa eksisterande aksar og byggflukter, men det har ikkje vore mogleg å redusere utstrekninga av utbygginga utan å redusere talet på bueiningar. Ettersom dette arealet ligg midt i Sæbø sentrum meiner rådmannen at det er naturleg å kunne legge til grunn ei relativt høg utnytting. Det er likevel viktig at bygga ivaretek den stadeigne byggjeskikken på Sæbø, at gangvegkoplinga med promenade langs sjøfronten vert ivareteken og at det i tilstrekkeleg grad vert teke omsyn til behovet for offentlege rom og møteplassar langs sjøen. Langs sjøen legg planframlegget opp til ein samanhengande gangveg/turveg langs heile planområdet, i tillegg til ei offentleg sone /friområde i tilknyting til denne vegen. Ved Lisjeelva er det sett av areal til ein leikeplass for å dekke behovet som er utløyst av utbygginga på Sæbø brygge, og det er sett rekkefølgjekrav for opparbeiding av denne. Føremåla i dei øvrige delane av sentrum rettar seg i stor grad mot den eksisterande arealbruken. Det er sett av noko meir areal kring brannstasjonen etter ønskje frå brannsjefen, samt at det er teke inn eit nytt areal for bustader mellom brannstasjonen og reinseanlegget. Det har vore drøfta om brannstasjonen kan klare seg med mindre areal for å kunne nytte ein større del av dette området til bustadar, og dette har det også kome innspel om på medverknadsmøta. Det har også vore foreslått å flytte brannstasjonen til ein mindre sentral plass. Brannsjefen grunngjev sitt ønskje med behov for parkering ved utrykning, samt behov for øvring/trening på arealet. Rådmannen vel difor å følgje brannsjefen sitt ønskje no. Det er også sett av offentleg torgareal sentralt i sentrum, men det vert føresett at utforming av dette området må vurderast meir detaljert seinare. Kommunestyret har tidlegare gjort vedtak om at legesenteret på Sæbø skal leggast ned. Med bakgrunn i dette vart legebustaden seld til private. Kommunen leiger i dag legelokala. Eigaren ønskjer å utvikle eigedomen som bustad når leigeavtalen opphøyrer, og reguleringsplanen legg difor opp til å endre dette arealet frå offentleg føremål til bustad. Planframlegget har også teke omsyn til andre innspel og omsyn som har kome fram ved oppstarten og seinare prosess. Det er føresett at det skal utarbeidast ny områdeplan for Sæbø, og det siste av dei to opne møta vart ein tjuvstart på dette arbeidet. Fleire element i det framlegget som no vert lagt fram, kan vere aktuelt å endre når områdeplanen vert teken opp. Planframlegget legg likevel til grunn hovudtrekk i arealbruk og vegløysingar slik at det er

6 mogleg å opne for utbygging av nye sentrumsbustader på Sæbø. Dette er det stort behov for då Sæbø synest vere inne i ei svært positiv utvikling med tilflytting av unge familiar. M.a. rasfare gjer at tilgangen på bustadområde er avgrensa i området. Rådmannen vonar såleis at planframlegget representerer ein god balanse mellom utbyggaren og dei eksisterande innbyggarane i det næraste nabolaget sine ønskjer og interesser. Vidare at planen legg til rette for ei positiv utvikling for Sæbø sentrum på kort sikt. Vidare at det er lagt eit forsvarleg grunnlag som i tilstrekkeleg grad har teke høgde for dei endringane som vil- og kan kome som følgje av områdeplanen for Sæbø som er føresett oppstarta i nær framtid. Wenche Solheim rådmann Eldar Øye leiar plan- og utviklingsstaben