ØRSTA KOMMUNE SAKSFRAMLEGG

Transkript

1 ØRSTA KOMMUNE SAKSFRAMLEGG Sakshandsamar: Matias Kårstad Arkivsak: 2014/1835 Løpenr.: 14001/2014 Utvalsaksnr. Utval Møtedato Samfunnsutvalet Saka gjeld: LIANESET - MINDRE ENDRING AV REGULERINGSPLAN FOR NIPEHYTTENE TILRÅDING TIL VEDTAK: Samfunnsutvalet (SFU) syner til søknad om mindre reguleringsendring innan reguleringsplan for Nipehyttene (planid RTK-0910). Samfunnsutvalet gjer med dette vedtak om eigengodkjenning av endringane jf. pbl 12-14, slik dei ligg føre på kart datert med tilhøyrande føresegn datert Utskrift til: Plan- og miljøavdelinga for vidare ekspedering

2 Saksvedlegg: Framlegg til endra plankart Gjeldande reguleringsplan med framlegg til endring Framlegg til endra føresegn Søknad om mindre endring inkl. endring av søknad Nabomerknader Uprenta saksvedlegg Brev datert Utsendt nabovarsel Samandrag av saka: Per Mulvik AS har, på vegne av Elias Lianes, søkt om mindre reguleringsendring av reguleringsplan for Nipehyttene (planid RTK-0910). Føremålet med endringa er å gjere nokre tilpassingar av utbyggingsområda innan planen for å få ei meir hensiktsmessig utforming, å innarbeide moloen i planen i samsvar med løyve gitt i dispensasjon, samt å legge til rette for container/bygg for vedlikehald av båtar innan området Fe2. Framlegget til endring har vore lagt fram for naboane for uttale. I denne samanheng har forslagsstillar motteke to merknader (oppsummert og kommentert av forslagsstillar): Jan Inge og Janne Langdal, Punkt 1, molo/bølgebryter er ikke satt opp i samsvar med godkjent tegning fra Ørsta kommune (prosjektnr 2058, teikningnr 901.) Dette medfører feil i store deler av reguleringsplanen. Oppfattar merknaden slik at dei meiner molo/ bølgebrytar ikkje er sett opp i samsvar med teikning som låg til grunn for løyve til oppføring av molo. Vi har målt inn ferdig molo og kjem til at moloen er oppført i samsvar med teikning 901 prosjektnr Når det gjeld avslutting av moloen mot vest er dette ein del av det som inngår i søknad om mindre reguleringsendring. På kart som var utsendt til naboar var det utfylte arealet mot vest vist noko mindre enn det som er den ferdige situasjonen. Revidert plankart er avgrensinga i samsvar med utbygd situasjon. Den endra avsluttinga av moloen mot vest er gjennomført for å betre mulegheita til å nytte arealet på land til friluftsliv. Avsluttinga av moloen ligg om lag 15 m frå nabogrensa og det er vanskeleg å sjå at dette kan ha negative konsekvensar for naboen. Mulegheita for fri ferdsel i friluftsområdet vil derimot bli betra. Punkt 2, ang paragraf 17a i reguleringsplanen, vil installasjoner for grillhytter, badestamp mm føre til at fremkomsten i friluftssonen blir umulig. ønsker og informasjon om hva slags vann som skal opp i badestampen: klorvann-saltvann-ferskvann?, og hvor skal ev dette tappes ut. Skal det rett i sjøen eller i et renseanlegg? Hva med sanitæranlegg? Kommentar: Det vert her vist til forslag til mindre endring av plan som vart sendt ut til naboar der det vart foreslått å tillate plassering av grillhytter og badestamp innanfor Sp9. Vi har forståing for at Sp9 sin funksjon som friluftsområde for ålmenta og ønske om plassering av grillhytte og badestamp ikkje er egna og dette punktet er derfor fjerna i rev. forslag til mindre endring av reguleringsplanen. Når det gjeld spørsmål om badevatn m.m. så vil ikkje dette vere

3 relevante spørsmål å ta opp i samband med handsaming etter PBL. Fylling og tømming av badestamp vil sjølvsagt gjerast i samsvar med gjeldande regelverk. Punkt 3, paragraf 18c, skal det settes opp flere containere, eller er det de som er midlertidig oppsatt som skal flyttes? Er det egnet med store stålcontainere i et hytteområde? Vi er også bekymret med tanke på støy fra grillplass og badestamper, hvis dette skal være et fellesområde for alimenheten. Kommentar: Det må vere 17c det er vist til i merknaden, då det ikkje er foreslått endring av 18. Endring av 17 med tillegg av eit pkt. c er gjort for å opne for plassering av conteinarar i samsvar med dagens situasjon. Conteinarane er plassert meir enn 4 m frå nabogrensa, dei skal nyttast til oppbevaring og reperasjon av båtar/fiskeutstyr og det er vanskeleg å sjå at dette kan ha særlege konsekvensar for naboen. Ein kan vere samd i at containarar ikkje er det mest estetiske inne i eit hytteområde og ein ser for seg at dette vil vere ei midlertidig løysing inntil eit meir permanent bygg vil bli ført opp. Kommunen sin kommentar: Til punkt 1 Forslagsstillar har målt inn moloen, og ut ifrå dette må ein forstå at moloen er rett plassert. Kommunen har ingen merknader utover det forslagsstillar seier. Til punkt 2 Det kan verke som om enten forslagsstillar eller Jan Inge og Janne Langdal har mistyda føresegna. I merknaden vert det vist til 17-a (området Fe2), medan forslagsstillar kommenterar i høve 12 (området Sp9). For Fe2-området ligg det allereie inne grillplass m.m. i gjeldande reguleringsplan, og dette er ikkje del av den søknaden som no ligg føre. Slik vi forstår søknaden ønskte forslagsstillar å etablere grillplass m.m. innan Sp9-området på den nye bølgjebrytaren/moloen. Dette ville kunne virke privatiserande på strandsona, og vere negativt i høve ålmenta sin tilgang langs sjøen. Kommunen er difor nøgd med at dette ikkje er med i søknaden no. Til punkt 3 Forslagsstillar har i arkivsak 2012/1675 fått pålegg om fjerning av containerane, alternativt få dei godkjent etter pbl. Jf. kommunen si vurdering i brev datert vil ikkje ei endring av reguleringsplanen som medfører opning for plassering av container/lagerbygg innan området Fe-2 kunne handsamast som mindre reguleringsendring. På bakgrunn av dette har forslagsstillar foreslått å flytte containerane til området La1. Denne plasseringa vil vere i samsvar med gjeldande plan, men forslagsstillar ønskjer likevel ei presisering av dette i føresegna (pkt. 4e). Tor Lianes, Merknaden er motteke via Ørsta kommune. Det vert protestert på avgrensing av den eksisterande reguleringsplanen og ein forlangar at plangrensa vert flytta til tomtegrensa mot nord for gbnr.: 7/19. Når det gjeld vegen til hytteområdet vidare utover mot nord, ber han om at denne vert flytta oppover og vekk frå tomta. Eg tolkar dette som at han ønskjer å få flytta vegen i samsvar med vedteken plan og at dette vert gjennomført før området vert bygd ut med fleire hytter. Ber om at framtidige byggeløyver får ein merknad om at vegen skal flyttast vekk frå tomta 7/19 før nye vegrettar/byggeløyver vert gitt. Vi oppfattar at dette er merknad til eksisterande reguleringsplan og gjennomføring av denne og at merknaden ikkje vedkjem vårt forslag til endring av reguleringsplanen.

4 Kommunen sin kommentar: I gjeldande reguleringsplan har ein forsøkt å imøtekome denne problemstillinga ved å trekke vegen lenger opp enn dagens situasjon. Den planlagde vegen er tenkt slik at vegkanten vil ligge i bytet mot 7/19, medan snøopplaget vil ligge noko inn på tomta. Som forslagsstillar seier er ikkje dette del av det dei søkjer om no, og dette vert difor ikkje del av vurderinga. Vurdering og konklusjon: Gjeldande plan for området er reguleringsplan for Nipehyttene (RTK-0910), eigengodkjend i Ørsta kommunestyre Denne planen legg opp til etablering av ei småbåthamn samt fleire område for utleigehytter med naudsynte anlegg. I dag er småbåthamna og tre utleigehytter lengst nord (Nipehyttene) utbygde. Planområdet grensar mot reguleringsplan for hytteområde på Flesjen (PK-7312) frå 1977, der det er lagt opp til fleire hyttetomter langs sjøen vidare nordover. Detaljreguleringsplan for E39 Lianeset Liadal er nyleg vedteken (etter at søknaden var innsendt), men ein kan ikkje sjå at denne har direkte innverknad på det forslagsstillar søkjer om. Søknaden inneber endring av gjeldande reguleringsplan på tre punkt: Justering av molo og veg Justeringa av moloen inneber ei utretting av eit hakk i eksisterande molo og medfører at det vert litt meir utfylt areal. Kommunen kan ikkje sjå at denne endringa vil medføre større negative konsekvensar for ålmenta sine interesser i strandsona eller for landskapsinteressene. Endringa foreslår ein flytting av vegtilkomsten om lag 10 m nordover. Dette gjer at utbyggingsområdet Uh3 vert noko større og at området Uh2 vert noko mindre. Det samla utbyggingsarealet er om lag uendra.forslagsstillar grunngjev behovet med at dette vil gje ei meir hensiktsmessig utnytting av området. Kommunen kan ikkje sjå at denne endringa påverkar ålmenta sine interesser, og har ikkje merknader til denne delen av søknaden. Regulering av bølgjebrytar/molo Samfunnsutvalet gav den løyve til etablering av bølgjebrytaren/moloen som forslagsstillar no ønskjer å innarbeide i reguleringsplanen (sak 20/14). Moloen er allereie bygd, så denne delen av søknaden er ei tilpassing av reguleringsplanen i samsvar med eksisterande situasjon. Denne endringa medfører ei mindre utviding av plangrensa nordover.

5 Presisering av føresegna knytt til området La1 Forslagsstillar ønskte i utgangspunktet å plassere containerar/lagerbygg innan området Fe2, som i gjeldande reguleringsplan er sett av til fellesområde med grillplass, benkar osb. Dette ville tilføre området Fe2 ein ny funksjon i høve gjeldande reguleringsplan, og kommunen kan difor ikkje handsame dette som mindre reguleringsendring. Kommunen gav forslagsstillar tilbakemelding om dette i brev datert , og forslagsstillar har på bakgrunn av dette endra søknaden (jf. brev datert ) slik at han ønskjer å plassere containerane/lagerbygga innan området La1 som i gjeldande plan er sett av til lagerområde. Strengt tala er dette i samsvar med gjeldande plan, men forslagsstillar ønskjer å presisere føresegna med følgjande fomulering i 4e): Det er høve til oppsetjing av containarar/mindre bygg for m.a. reperasjon av båtar/utstyr og lagring av fiskeutstyr. Ut ifrå ei samla vurdering kan ikkje rådmannen sjå at dei omsøkte endringane har avgjerande konsekvensar for ålmenta eller dei offentlege interessene. Endringane er ikkje av ein slik art at ein har sett behov for høyring av øvrige offentlege mynde då det i stor grad gjeld mindre tilpassingar av det som allereie ligg i gjeldande plan. Dei nabomerknadane som er komne inn har forslagsstillar gjort greie for, og ein har imøtekome meknadane på punktet om opning for badestamp/grillplass på den nye moloen og plassering av container/lagerbygg. Kommunen kan ikkje sjå at merknadane slik dei er tekne omsyn til, er til hinder for å kunne handsame søknaden som mindre reguleringsendring. Rådmannen rår difor til at framlegg til mindre reguleringsendring vert vedteke slik det går fram av kart datert og tilhøyrande føresegn datert Arnstein Nupen konst. leiar plan- og utviklingsstaben Gunnar Wangen avdelingsleiar