Lokalavisa. Lyst til å selje meir?

Transkript

1 Lokalavisa Avis om lokalavisene. Utgitt av Landslaget for lokalaviser (LLA). Lyst til å selje meir? Her får du tolv sider som er lette å lese om korleis lokalavisene kan vere med på å få endå meir klingande mynt i kassaapparatet ditt.

2 Det er i lokalmiljøet ditt det skjer! Frå du står opp om morgonen til du legg deg om kvelden, gjer du som oftast unna både jobb og fritid i nærmiljøet. Det er også i lokalmiljøet du truleg bruker mesteparten av pengane dine. Hus, interiør, bil, mat, kultur, hobbyar vi går sjeldan over bekken etter vatn. Vi handlar mesteparten lokalt.

3 Vi lever livet lokalt Og kroner og øre renn ut heile dagen i heile landet! I små bygder, større tettstader eller mindre bydelar, mellom fjordar og fjell, i dalstroka innafor, i aust og vest, i Midt-Norge, nord og sør. Her lever vi, og her handlar vi.

4 Når vi opnar augo og tenkjer oss om, er alle vi som bur i dette landet svært like kvarandre! Same kvar vi bur, kjøper vi mat, sko og vesker, jakker og bukser, bilar og båtar, hus og husvære og byggjevarer. Hele tida. Nokre av oss kanskje litt meir eller litt mindre enn andre, men i det store og det heile: Dei fleste av oss er attraktive kundar og forbrukarar, same kvar vi bur..

5 Det er kor mykje som kvar dag kjem inn i kassaapparatet som betyr mest for dei lokale kremmarane. Vi i lokalavisene hjelper gjerne til med å sende kundane inn gjennom døra di. Annonsar i lokalavisa er ein god start når kremmaren, mediebyrået, reklamebyrået eller handelskjeda skal planleggje korleis trafikken inn i butikken kan aukast. Les vidare, og du skal få ei påminning om dei gode eigenskapane til lokalavisene heilt gratis.

6 Nær: Lokalavisa er nær slik ordet opphavleg er meint. Lokalavisa er nær lesarane, forbrukarane og marknaden din nettopp fordi avisa kjem ut der folk bur og lever. I tillegg står lokalavisa folk nær. Som regel er ho betalt og tinga eit heilt år på førehand, og difor er lokalavisa velkommen inn i heimane til folk kvar veke heile året. Vi har høyrt at mange nesten opplever lokalavisa si som eit familiemedlem. I alle fall høyrer lokalavisa heime i kvardagen til svært mange av oss. Ho er eit hyggjeleg pusterom og ein sterk mediekanal!

7 Kjær: Fordi lokalavisa står folk så nær, har ho også vorte ein kjær del av livet til lesarane. Det tek ofte til med ein liten notis og eit bilete av den nyfødde som har kome til verda. Seinare i livet følgjer lokalavisa opp barn og ungdom gjennom skulegang og fritidsaktivitetar. Ikkje noko er som å sjå seg sjølv, venner eller familie på trykk i lokalavisa! Når barn og ungdom blir vaksne, har du framleis lokalavisa der. Ho byr på viktig nytt, nyttige annonsar og spennande debattar. Avisa følgjer med på det som skjer med slekt, venner og kjende i lokalmiljøet. Lokalavisa er lim og lupe og slik har lokalavisa vorte både nær og kjær. Nettopp på grunn av denne nærleiken, er lokalavisa ein svært nyttig mediekanal for deg som ønskjer å bli meir lagt merke til og få større omsetning. Bla vidare, så finn du enda fleire ord om kvifor du blir lagt merke til og kan få enda fleire kundar inn i butikken ved hjelp av lokalavisa:

8 Truverdig: Fordi mange er svært godt nøgde med lokalavisa si, og abonnerer på ho år etter år, trur vi at ho også blir oppfatta som truverdig. Det er sjølvsagt bra også for deg som annonserer i lokalavisa. Å ha ein annonse i ein mediekanal som folk er glad i og har tru på, gjev annonsørane ein ekstra fordel. Også bodskapen i annonsane blir truleg teke meir på alvor. Her er litt meir om ei Norfakta-undersøking som Landslaget for lokalaviser (LLA) fekk gjort for ei stund sidan:

9 Blir lagt merke til: Dei fleste les heile lokalavisa frå fyrste til siste side i fred og ro fordi dei har lyst! Også annonsane blir difor lagt merke til. Sjølv med ei beskjeden plassering, blir dei det. Og i tillegg, annonsane blir ikkje berre lagt merke til, annonsane i dei lokale papiravisene blir også studert. Mange typar annonsar oppfattar lesaren som svært interessante. Slik kjem bodskapen din fram til dei som du faktisk ønskjer å nå. Det er jo ein god start når du vil ha folk inn i butikken

10 Respons: Det aller viktigaste er sjølvsagt at marknadsføringa di gjev respons og fører til handling. At kundane gjer som du ønskjer, for eksempel går inn i butikken din. Den responsen får du gjerne etter ein annonse i lokalavisa. Gjennom tidene er det lagt fram mykje dokumentasjon om korleis lokalavisa er heilt topp som den mediekanalen som fører til kjøp. Likevel, det som gler oss aller mest, er når lokale avisfolk møter lokale kremmarar dagen etter at annonsen har stått på trykk, og dei smiler lurt og fortel at annonsen «funka svært så godt». Slikt gjer dagen til ein god dag også for oss.

11 Lønsamt: Kvalitet kostar, men utgifter til annonsar i lokalavisene er ganske enkelt utgifter for å få inntekter. Det hjelper sjølvsagt ikkje å ha spennande varer eller tenester om potensielle kundar ikkje veit om det eller ikkje tek kontakt. Og, dersom du planlegg aktivitetane dine tidlig, trur vi at marknadsføringa di blir enda meir lønsam. Å planleggje i god tid, hjelper på resultatet. Bruk difor lokalavisa di som rådgjevar, samtalepartnar og mediekanal. Det løner seg.

12 Over 100 aviser og ein million lesarar : På dette kartet ser du kvar over 100 av lokalavisene i Norge kjem ut. Dei har eit samla opplag på rundt og truleg minst ein million lesarar kvar veke. Lokalavisene har dessutan eit stabilt opplag på papir. I tillegg er vi sjølvsagt også på nett. Avisene som du ser på kartet, er tilknytt Landslaget for lokalaviser og er nære, kjære og truverdige aviser der bodskapen din blir lagt merke til, og ofte gjev deg nye kundar og større omsetning. Akers Avis Groruddalen Andøyposten Arendals Tidende Askøyværingen Birkenes-Avisa Bremanger Budstikke Bygdanytt Bygdebladet Bygdebladet Randaberg og Rennesøy Bø Blad Bømlo-nytt Dag og Tid Dalane Tidende Drangedalsposten Dølen Eidsvoll Ullensaker Blad Eikerbladet Enebakk Avis Fanaposten Finnmarksposten Fjell-Ljom Fjordabladet Fjordingen Fjuken Framtia Framtid i Nord Frolendingen Frostingen Gaula Gauldalsposten Gjesdalbuen Grannar Grenda Hallingdølen Hammerfestingen Haramsnytt Hardanger Folkeblad Hordaland Hordaland Folkeblad Hålogaland Avis Inderøyningen Jarlsberg Avis Kanalen Klar Tale KlæbuPosten Kvinnheringen Kyst og Fjord Lierposten Lofot-Tidende Lokalavisa Nordsalten Lokalavisa Verran Namdalseid Marsteinen Meløyavisa Meråkerposten Møre Nordvestnytt Nye Troms OPP Os og Fusaposten Raumnes Ryfylke Røyken og Hurums Avis Ságat - Samisk avis AS Saltenposten Samningen Sande Avis Sandnesposten Selbyggen Snåsningen Solabladet SolungAvisa SortlandsAvisa Stangeavisa Steinkjer Avisa Storfjordnytt Strandbuen Strilen Sulaposten Suldalsposten Sunnhordland Sunnmøringen Svalbardposten Svelviksposten Sydvesten Sykkylvsbladet Synste Møre Søgne og Songdalen Budstikke Søvesten Tysnes Tysvær Bygdeblad Utrop Vaksdalposten Varangeren Varingen Vennesla Tidende Vest-Telemark Blad Vestavind Vestby Avis Vesteraalens Avis Vestlandsnytt Vestnes Avisa VestNytt Vigga Våganavisa Øksnesavisa Østerdølen Østhavet Øy-Blikk Øyavis Øyene Øyposten ÅmliAvisa Ås Avis Ta turen innom Her finn du mellom anna kontaktopplysningar, annonseprisar og annan nyttig informasjon om lokalavisene. Det kjem ut rundt 145 såkalla fådagarsaviser i Norge. Da redaksjonen for denne marknadsavisa vart avslutta hausten 2012, var over 110 av desse lokale avisene tilknytt Landslaget for lokalaviser (LLA). Sjå for oppdatert informasjon om avisene våre. Kontaktopplysningar: Landslaget for lokalaviser Kongens gate Oslo telefon lla@lla.no Redaktør for denne avisa: Geir K. Hus, LLA Grafisk formgjeving: Multipleks.no Foto: Colourbox.no Trykk: Sunnhordland På gjensyn i lokalavisa.