FU sak Godkjenning av referat frå FU-møte 9/2013, 26. november 2013.

Transkript

1 Forskingsutvalet Innkalling: Møte i Forskingsutvalet (FU) nr 1/2014. Tid: Tysdag 21. januar, kl Møterom: BK 220 (VIP-romet). Faste medlemmer: Eining Per Halse (leiar) Rektor Ketil Jarl Halse (nestleiar) ASH (dekan) Inger Marie Okkenhaug ASH Arne Myklebust AHL (dekan) Peder Haug AHL Aud Folkestad AKF (dekan) Karen Brænne AKF Sverre Liestøl AMF (dekan) Pål Aam AMF Synnøve H. Amdam Stipendiatane Karl August Swanstrøm (vara) Studenttinget Kathrine Garshol Studenttinget Sakshandsamar og skrivar: Johann Roppen FoU-rådgivar Observatørar: Jacob Kjøde jr Direktør, HVO Bente Gunn Lien Biblioteket, HVO Geir Tangen FoU-konsulent, HVO Susanne Moen Ouff Møreforsking Volda Avbod Elisabeth Maråk Støle Direktør, Møreforsking AS Avbod FU sak Godkjenning av møteinnkalling og sakliste. FU sak Godkjenning av referat frå FU-møte 9/2013, 26. november Referatet ligg som vedlegg 1 i sakspapira. FU-møte tysdag 8. april: Saksbehandlar er på engelskkurs denne dagen. Tysdag 1. april 2014 blir foreslått som nytt møtetidspunkt. FU-møte tysdag 17. juni: Fjordkonferansen går juni. Skal møtet endrast av omsyn til Fjordkonferansen?

2 FU sak Forretningsorden for Forskingsutvalet ved HVO Denne saka vert lagt fram for Forskingsutvalet på bakgrunn av vedtak i sak 52/2013 Godkjenning av referat frå FU-møte 8/2013: b) Forskingsutvalet ønskjer å få lagt fram som sak framlegg til forretningsorden for Forskingsutvalet. Saksbehandlar meiner denne saka kan løysast på to måtar: Anten kan Forskingsutvalet vedta å følgje same forretningsorden som styret ved Høgskulen i Volda, eller så kan Forskingsutvalet lage sin eigen forretningsorden. Saksbehandlar har gått gjennom forretningsorden for styret ved Høgskulen i Volda, og meiner denne stort sett kan passe også for Forskingsutvalet, og ein eigen forretningsorden for Forskingsutvalet bygd på Høgskulestyrets forretningsorden ligg som vedlegg 2 i sakspapira. Saksbehandlar foreslår at Forskingsutvalet vedtek å følgje same forretningsorden som styret for Høgskulen i Volda, der det passar. Den viktigaste endringa er at alle møta i Forskingsutvalet no blir å rekne som offentlege, slik at alle som ønskjer det kan møte som tilhøyrarar på møta. Sakspapir og referat frå møta i Forskingsutvalet blir å rekne som offentlege dokument. Informasjon om møtetid og stad og sakspapira til møta i Forskingsutvalet må difor gjerast tilgjengelege for alle interesserte før møta. Fram til i dag har sakspapir og referat berre vorte lagt ut på intranettsida Innsida, der berre tilsette ved Høgskulen i Volda har tilgang. Det er tre typer av saker som Forskingsutvalet regelbunde har til handsaming, og som til vanleg vil vere rett å unndra offentleg innsyn: Presentasjon av forskingsidear eller anna informasjon som kan medføre økonomisk tap for Høgskulen i Volda, andre institusjonar eller einskildtilsette ved Høgskulen i Volda eller andre institusjonar på bakgrunn av intellektuelle rettar i form av opphavsrett, patentar eller liknande. Dette er omtalt i Offentleglova 26, 4. ledd. Tildeling av FoU-prisen skjer kvart år av styret ved Høgskulen i Volda. Forskingsutvalet kjem med framlegg til prisvinnar, og denne saka har tidlegare vore den einaste som tydeleg har vore unndratt offentleg innsyn, fram til at styret har peika ut prisvinnaren. Denne og liknande saker bør difor vere unndratt offentleg innsyn både med omsyn til Offentleglova 26, 2. ledd og Offentleglova 14, 1. ledd som handlar om intern saksførebuing. Forskingsutvalet har eit vidt mandat når det gjeld å fremje forsking ved Høgskulen i Volda. Det vil kunne bli lagt fram saker som inneheld opplysningar om private forhold hos einskildpersonar, som til dømes helse- eller familieforhold hos aktive forskarar. Slike opplysningar vil til vanleg vere underlagt teieplikt, og skal difor etter Offentleglova 13 unndras offentleggjering. Framlegg til vedtak: a) Forskingsutvalet følgjer same forretningsorden som styret ved Høgskulen i Volda. b) Frå og med møte nr 2/2014 vil den nye forretningsordenen ligge til grunn for arbeidet i Forskingsutvalet.

3 FU sak Prosedyre for kvalitetssikring av forskingssøknader Styret har gjeve Forskingsutvalet i oppgåve å «Kvalitetssikre og prioritere søknader om eksterne midlar». I praksis handlar dette mest om søknader til Forskingsrådet. I det daglege er det FoU-rådgivar som har denne oppgåva. Når det gjeld juridisk og administrativ handtering av søknader har HVO fått på plass eit BOA-reglement med krav til korleis prosjekt skal dokumenterast i gjennomføringsfasen. Men i akkvisisjonsfasen har vi ikkje spesielle retningsliner. Ved søknader til Forskingsrådet skal alle søknader i prinsippet godkjennas av direktør ved innsending. Det varierer i kva grad direktør og forskingsadministrasjon har reelt høve til å gjennomføre denne kvalitetssikringa på grunn av at søknader ofte ikkje ligg føre før svært kort tid før fristen går ut. Risikoen ved kort tid til kvalitetssikring er at prosjekt kan bli underfinansiert. Potensialet ved sterkare grad av kvalitetssikring kan vere betre tilslagsprosent. Framlegg til vedtak: Når avdelingar vedtek å starte arbeidet med å skrive søknad på forskingsprosjekt skal FoU-administrasjonen varslast gjennom e-post til FoU@hivolda.no. Dette gjeld forskingsprosjekt av eit visst omfang, og alle forskingssøknader til Forskingsrådet. FoU-administrasjonen har ansvaret for at prosjekt vert registrert i nødvendige system, og assisterer ved utfylling av sjekkliste for BOA-prosjekt og eventuelt andre sider ved prosjektet, som til dømes budsjettering. Søknader til Forskingsrådet skal delast med FoU-administrasjonen ved å gje FoU@hivolda.no tilgang via nettskjemaet for forskingssøknader. Seinast ei veke før søknadsfristen går ut sender prosjektansvarleg utkast til prosjektbeskrivelse til FoUadministrasjonen med tanke på reell kvalitetssikring av søknader. FU sak Evaluering av stipendiatprogrammet i fagdidaktikk Høgskulen i Volda har 14 stipendiatstillingar og dette er ein viktig rekrutteringsarena for framtidig kompetanse ved høgskulen. Dei fleste stipendiatar får stilling ved HVO i løpet av stipendiattida. Etter disputas vil dei tidlegare stipendiatane som førsteamanuensar vere i stillingskategorien som er mest forskingsaktiv og vidare utgjere den viktigaste gruppa for rekruttering av framtidige professorar ved HVO.

4 Høgskulen har dei siste åra valt ulike modellar for å rekruttere stipendiatar, og styret ved Høgskulen i Volda har pålagt Forskingsutvalet å evaluere desse modellane. I 2014 vert alle stipendiatar tilknytt programsatsinga (stipendiatprogrammet) i fagdidaktikk ferdig med si tid som stipendiat, men ikkje alle prosjekta er fullførte. Det vil difor vere naturleg at Forskingsutvalet evaluerer ordninga i løpet av 2014, og saksbehandlar vil med dette invitere utvalet til å kome med innspel på korleis denne evalueringa skal skje. Bakgrunnen for fagdidaktikk-programmet var å få til ei kraftsamling på eit viktig tema for Høgskulen i Volda, og å bringe saman mange fagmiljø i eitt felles prosjekt. Sju stipendiatar vart tilsette innanfor programmet i 2009 og den første disputerer i mars Med eitt unntak har alle stipendiatane fått forlenga sin stipendiatperiode, ut frå fleire ulike grunngjevingar. Stipendiat Avdeling Tema Univ Disputas Helga Synnevåg Løvoll AKF Den gode turen naturopplevelse, livstilfredshet og motivasjon UiB Kjetil Vaage Øie AKF Geoposisjonering i journalistikken NTNU Siv M. Gamlem AHL Tilpassing,differensiering og UiS elevmedverknad i eit læringsperspektiv: Klasseromspraksis og muligheit for læring på ungdomstrinnet Stein Helge Solstad AKF Jazzgitar frå innøving til utøving Musikkh. Susan Lynn Erdmann AHL Engelskopplæring for NTNU minoritetsspråklige barn: Engelsk som tredjespråk Wenke Mork Rogne AHL Unge elevar sin dokumentkompetanse i arbeid med multiple tekstar AHL Øyvind Johan Eiksund AKF Sunnmørsk korkultur si betydning for individ og lokalsamfunn Musikkh. Den organisatoriske ramma omkring fagdidaktikkprogrammet har vore at Kjell Arild Madssen har koordinert arbeidet, men det har vore nokså liten felles ressurs knytta til programmet. Spørsmål som kan vere aktuelle å ta opp i ei evaluering av programmet kan til dømes vere: Er det rett å samle stipendiatar omkring eitt felles tema? Har det vore reell samling omkring tematikken fagdidaktikk? I kva grad trengst det felles ressursar omkring ei samla fagleg orientert satsing? Kvar skal stipendiatane plasserast: Skal dei vere i lettbygget eller i fagmiljøa? Korleis skal evalueringa gjennomførast, og kven skal bidra med innspel?

5 Framlegg til vedtak: Saka vert lagt fram som drøftingssak utan framlegg til vedtak. Følgjande e-post vart sendt til Forskingsutvalet 16. januar 2014: Denne saka er sendt ut i samråd med rektor og saka er ikkje offentleg, Offentleglova 26, 4. ledd: FU sak Vurderingar av søknader på professorstipend Til dei faste medlemmene og observatørane av Forskingsutvalet: I vedlagte pdf-fil ligg sakspapir for vurdering av søknadene om professorstipend. Vedlegget inneheld brev til kommisjonane, oversyn over kommisjonsmedlemmer og kommisjonanes vurdering av kvar einskild søknad. Dei 11 søknadene vil vere tilgjengelege på møtet i Forskingsutvalet. I desse sakspapira er det lagt fram planar om og vurderingar av forskingsprosjekt, og saka er difor unndratt offentlegheit. Innhaldet i saka kan difor ikkje delast med andre utanfor Forskingsutvalet. Søkjarane på professorstipend vil få tilgang til vurderinga av sin søknad etter at Forskingsutvalet har handsama saka. Varamedlemmene i Forskingsutvalet får ikkje tilsendt denne saka. Det er fordi to av varamedlemmene også har søkt på professorstipend og då ikkje kan involverast i saksbehandlinga. Andre varamedlemmer vil få tilsendt saka om faste medlemmer melder fråfall til møtet. Saka vert lagt fram utan tilråding frå FoU-administrasjonen fordi FoU-rådgivar Johann Roppen har vore medlem i ein av kommisjonane. (Søknadnene og kommisjonsvurderingane er ikkje offentlege)

6 Orienteringssaker: Komande doktorgradsdisputasar: o Ellen Hovlid, AMF ( februar) o Siv M. Gamlem, AHL (11. mars) Prosjektsøknader/fristar: o 14. februar 2014: SHP, Forskingsrådet. Alle dei tre prosjekta er i arbeid. o 1. mars 2014: Søknad om små driftsmidlar for o 1. mai 2014: Søknad om FoU-stipend for FU-relevante møte og arrangement: o Komande møte, arrangement med meir: Opprykksmarking: Torsdag 23. januar, Rekkedal. 25. februar 2014: Innstilling frå Arbeidstidsutvalet (Arbeidsgruppe for felles kriterier for tildeling av FoU-ressurs). Leiar Kjell Einar Dagfinrud. 5. mars 2014: Innstilling frå arbeidsgruppe for Rekruttering- og kompetanseplan. Leiar: Arne Myklebust. Vedlegg: 1) Utkast til referat frå FU-møte 9/ ) Utkast til forretningsorden for Forskingsutvalet ved Høgskulen i Volda.