JUSTERING AV UNDERVISNINGTILBODET FOR SKOLÅRET

Transkript

1 HORDALAND FYLKESKOMMUNE Opplæringsavdelinga Arkivsak Arkivnr. 100 Saksh. Skavhellen, Nils. Kirkevik, Svein Saksgang Yrkesopplæringsnemnda Opplærings- og helseutvalet Fylkesutvalet Møtedato JUSTERING AV UNDERVISNINGTILBODET FOR SKOLÅRET SAMANDRAG I denne saka gjer fylkesrådmannen framlegg til endringar i tilbodstrukturen og/eller endring i elevtalet ved dei vidaregåande skulane for skuleåret 2013/14. Samanlikna med tidlegare år er det svært små endringar det blir gjort framlegg om for komande skuleår. I hovudsak er endringane gjenoppretting av tilbod som vart lagt ned våren 2012, og der skulane meiner at eitt år med dårlege søkjartal er for tidleg til å leggje ned tilbodet for godt. I tillegg til dette er det gjort framlegg om auke/reduksjon av elevtalet på grunnlag av tidlegare vedtak om oppretting/nedlegging av tilbod. Bakgrunnen for at saka er mindre omfattande enn tidlegare år er sjølvsagt at ein ikkje vil gjere strukturelle endringar i skolane sine tilbod før skulebruksplanen er vedteken og iverksett. Skulane har også av den grunn, i svært liten grad, søkt om nye tilbod frå komande skuleår. Der dette likevel er gjort, er hovudregelen at fylkesrådmannen ikkje har tilrådd oppretting. Det blir i saka tilrådd oppretting av 362 elevplassar, og nedlegging av 63 plassar. Som vanleg må både tilbudstruktur og elevtal vurderast etter at prognoseinntaket er ferdig i mars/april 2013.

2 FORSLAG TIL INNSTILLING Oppretting hausten 2013 Stud. Års- Elevar retn. steg Kode Kurs Org.sted Skolenamn 15 ID Vg2 IDIDR2---- Idrettsfag 660 Etne vgs 27 ST Vg2 SUSP2---- Studiespesialiserende 665 Stord vgs 15 TP Vg2 TPPIN2---- Industriteknologi 631 Rubbestadnes vgs 15 SS Vg2 SSSSS2---- Salg, service og sikkerhet 630 Kvinnherad v.g. skule 15 HS Vg2 HSHEA2---- Helsearbeidarfaget 628 Odda vgs 15 TP Vg2 TPKJT2---- Køyrety 628 Odda vgs 27 ID Vg3 IDIDR3--- Idrettsfag 628 Odda vgs 12 HS Vg2 HSBUA2---- Barne- og ungdomsarbeidarfaget 635 Norheimsund vgs 12 HS Vg2 HSHEA2---- Helsearbeidarfaget 635 Norheimsund vgs 15 ST Vg3 STFOR3---- St,spesialiserende Formgjeving 650 Voss Husflidskule 15 NA Vg3 NALBR3---- Landbruk 659 Voss jordbruksskule 27 ST Vg2 STUSP2---- Studiespesialiserende 611 Os gymnas 27 ST Vg3 STUSP3---- Studiespesialiserende 626 Sandsli vgs 14 ID Vg2 IDIDR2--- Idrettsfag 658 Stend vgs 15 ID Vg3 IDIDR3--- Idrettsfag 658 Stend vgs 12 DH Vg3 DHKJD3F--- Kjole- og draktsyerfaget 639 Årstad vgs 7 ST Vg2 STREA2---- Internasjonal klasse Thüringen 643 Askøy vgs 8 ST Vg2 STSSA2---- Internasjonal klasse Thüringen 643 Askøy vgs 15 DH Vg2 DHFRI2---- Frisørfaget 645 Sotra vgs 15 HS Vg1 HSHSF1C--- Helse- og oppvekst (min. språklege) 656 Lønborg vgs 15 EL Vg2 ELDEL2---- Data og elektronikk 638 Åsane vgs 12 EL Vg3 ELAUT3---- Automatisering 641 Austrheim vgs 12 DH Vg2 DHDTE2---- Design og tekstil 634 Knarvik vgs 362 Oppretting hausten 2013 Nedlegging hausten 2013 Stud. Års- Elevar retn. steg Kode Kurs Org.sted Skolenamn -15 ST Vg3 STFOR3---- Studiespesialisering-formgjevingsfag 665 Stord vgs -5 TP Vg3 TPTIP4P--- Taf 4-årig Teknik- og ind.prod (3) 665 Stord vgs -7 EL Vg3 ELELE4P--- Taf 4-årig Elektro (3) 665 Stord vgs -15 HS Vg2 HSBUA2---- Barne- og ungdomsarbeidarfaget 628 Odda vgs -6 TP Vg3 TPTIP4P--- Taf 4-årig Teknik- og ind.prod (4) 630 Kvinnherad v.g. skule -15 ST Vg3 STUSP3---- Studiespesialisering komprimert løp 622 Bergen handelsgym -63 Nedlegging hausten Endring hausten 2013 Paul M. Nilsen Svein Leidulf Heggheim 2

3 : FYLKESRÅDMANNEN, : Saka om justering av undervisningstilbodet er kvart år ei tilpassing til forventa søkjartal, skulane sine ønskje om ulike tilbod, røynslene frå siste års inntak og trongen for læreplassar i dei aktuelle faga. I år legg fylkesrådmannen fram ei sak som stort sett gjeld gjenoppretting av tilbod som vart lagt ned våren 2012, og konsekvensar om auke/reduksjon i elevtalet på grunnlag av tidlegare vedtak. Dette har også ført med seg at skulane har kome med svært få framlegg om oppretting av nye utdanningsprogram/programområde. Der skulane likevel har gjort dette er det berre unntaksvis tilrådd av fylkesrådmannen. Både til skuleåret 2012/13 og tidlegare vart det oppretta nye tilbod som no må vidareførast på høgare kursnivå. Dette må gjerast for at elevane skal kunne fullføre utdanningsløpet sitt. Ein del skular har søkt om auke i elevtal ved utdanningsprogram/programområde som skulen alt har. Fylkesrådmannen har, etter vanleg mønster, ikkje tilrådd slike søknader i denne saka. Prognosetala til våren vil avgjere om det er grunnlag for auke. Talet på elevar som kjem ut frå ungdomsskulen våren 2013 er omtrent det same som i Den relativt små skilnaden det er frå år til år i elevkullet frå ungdomsskulen, har relativt liten innverknad på det totale inntaket til dei vidaregåande skulane. Grunnen til dette er at det samla talet på plassar i Vg1 også er tilpassa søkjarar med Ungdomsrett som har slutta, eller som gjer omval. På den andre sida veit vi at dei private skulane, særleg i Bergen, også tek sin del av årskullet frå ungdomsskulen. Det kan likevel vere lokale tilhøve som gjer at elevtalet ved skulane kan bli større eller mindre enn tidlegare år. Dette kan medføre endringar i tilbodstrukturen, og/eller endringar i elevtalet ved skulane, særleg utanfor Bergensområdet. I Bergensområdet har dette mindre innverknad på tilbodstruktur/elevtal fordi talet på elevplassar i utgangspunktet er høgt. Talet på elevplassar ved dei ulike utdanningsprogramma/programområda har dei siste åra vore godt tilpassa søkjargrunnlaget. Dette samsvarar ikkje alltid med tilgangen på læreplassar. Likevel er det slik at dei elevane som kjem ut frå ungdomsskulen har rett til inntak på eitt av tre utdanningsprogram. Inntaket til dei vidaregåande skulane må også tilpassast dette. Inntaket i 2012 viste at mange av søkjarane frå ungdomsskulen brukar søknadsskjemaet sitt for lite. Ofte blir det berre ført opp eitt utdanningsprogram og to-tre skular. Dette kan tyde på stor motivasjon for dette eine utdanningsprogrammet, men dersom søkjaren ikkje får plass vil alternativa straks bli vesentleg redusert. Eit døme på dette er det høge søkjartalet til Vg1 Elektrofag, men der det ikkje er læreplassar til alle som ønskjer å gå dette utdanningsprogrammet. Etter at prognoseinntaket er ferdig til våren vil fylkesrådmannen som vanleg leggje fram ei ny justeringssak til politisk behandling. Prognoseinntaket vil som hovudregel føre til at talet på elevplassar blir redusert i høve til godkjende elevplassar etter justeringsaka i desember kvart år. Region Sunnhordland Etne vidaregåande skule Skulen søkjer om oppretting av Vg2 Idrettsfag (inntil 15 elevplassar) Fylkesrådmannen tilrår oppretting av Vg2 Idrettsfag. 3

4 Det er pr. oktober-12 berre sju elevar på Vg1 Idrettsfag ved Etne vidaregåande skule. Tilbodet var nytt ved skulen frå august Fylkesutvalet gjorde i møte i april-12 vedtak om at det ved prognoseinntaket i 2013 må vere fleire søkjarar til Vg1 Idrettsfag både ved Etne vidaregåande skule og Odda vidaregåande skule enn i 2012 dersom tilbodet skal kunne halde fram. Ved prognoseinntaket i 2012 var det ni søkjarar til Etne vidaregåande skule og 13 til Odda vidaregåande skule. Dersom dette vedtaket blir ståande vil det vere svært usikkert om Idrettsfag som utdanningstilbod ved m.a. Etne vidaregåande skule har noko framtid. Særleg gjeld dette dersom ikkje Rogaland vil kjøpe elevplassar for søkjarar som er busette i Vindafjord. Dei sju elevane som no går på Vg1 Idrettsfag ved Etne vidaregåande skule har ein juridisk rett til å få fullføre dette utdanningsløpet - eller få generell studiekompetanse ved å gå over til Vg2 Studiespesialiserande utdanningsprogram. Formelt sett har dei ikkje rett til å få fullføre utdanninga si ved Etne vidaregåande skule, men ved oppretting av Vg1 Idretttsfag var det nok venta at dei også ville få Vg2 og Vg3 Idrettsfag ved skulen. Alternativet for dei sju elevane er å ta Vg2 og Vg3 Idrettsfag ved ein annan skule. Dei næraste alternativa i Hordaland er Odda vidaregåande skule og Stord vidaregåande skule. Begge desse alternativa gjer det i praksis umogleg å bu heime. Formelt sett kan ein også tilby denne elevgruppa plass i Vg2 Studiespesialiserande utdanningsprogram, men dei må då ta to fag (Geografi og Samfunnskunnskap) som privatist før dei oppnår generell studiekompetanse. I praksis må Hordaland då søkje om å få kjøpe desse plassane ved Ølen vidaregåande skule. Sidan Ølen vidaregåande skule har full klasse i Vg1 inneverande skuleår, er det ikkje automatikk i at dei har plassar til sju nye elevar. På bakgrunn av dette kan fylkesrådmannen ikkje tilrå anna enn at Vg2 Idrettsfag blir oppretta ved Etne vidaregåande skule, skuleåret 2013/14. Det blir likevel tatt atterhald om at ein kan kome tilbake til saka på nytt dersom det ikkje er søkjargrunnlag til Vg1 Idrettsfag våren Dersom det ikkje blir oppretta Vg2 Idrettsfag for skuleåret 2013/14, vil nok det vere eit signal til søkjarane i ungdomsskulen at det vil vere svært usikkert å søkje Vg1 Idrettsfag for komande skuleår. Uansett vil det truleg vere to moment som er avgjerande for framtida for Idrettsfag ved Etne vidaregåande skule. Det eine er at vilkåret om 15 søkjarar blir oppheva, og i tillegg at Rogaland opnar for at elevane i Vindafjord kan søkje VgI Idrettsfag i Etne slik vanleg praksis er når Ølen vidaregåande skule ikkje gir tilbod om same utdanningsprogram. Dersom Vg2 Idrettsfag blir oppretta frå hausten 2013, vil vi - mest truleg - måtte opprette Vg3 frå hausten Alternativet for elevane er då berre å skifte skule som har Vg3 Idrettsfag fordi det ikkje er mogleg å gå frå Vg2 Idrettsfag til Vg3 Studiespesialiserande. Bømlo vidaregåande skule Skulen søkjer om oppretting av Vg1 Studiespesialiserande utdanningsprogram med Formgjevingsfag Fylkesrådmannen tilrår ikkje søknaden. Søkjargrunnlaget til Vg1 Studiespesialiserande med Formgjevingsfag er generelt sett lågt. I tillegg til dette er det ein del elevar som går over til ordinært Vg2 Studiespesialiserande etter det første året. Dette fører til at elevgrunnlaget til Vg2 og Vg3 kan bli svært lågt, i fleire høve færre enn 10 elevar. 4

5 Fylkesrådmannen minner om at Fylkesutvalet for nokre år sidan vedtok at tilbodet Studiespesialiserande med Formgjevingsfag skulle vere på Stord vidaregåande skule, medan Bømlo vidaregåande skule fekk utdanningsprogrammet Service og samferdsel. Etter den tid har Formgjevingstilbodet seinare blitt lagt ned på Stord p.g.a. lågt søkjartal, mens Bømlo vidaregåande skule har lukkast med eit godt søkjargrunnlag til Service og samferdsel. Fylkesrådmannen vil også minne om at ein i denne saka er restriktiv med å opprette nye utdanningsprogram ved skulane før skulebruksplanen er vedteken og iverksett. Rubbestadnes vidaregåande skule Vg2 Industriteknologi Fylkesrådmannen tilrår søknaden. Skulen har i fleire år hatt dette tilbodet, men våren 2012 var det diverre ikkje søkjargrunnlag nok til at tilbodet kunne oppretthaldast. På grunnlag av skulen sitt elevtal i Vg1 Teknikk og industriell produksjon, som Vg2 Industriteknologi byggjer på, burde det vere søkjargrunnlag til dette tilbodet neste skuleår. Vg2 Industriteknologi er også eit programområde som opnar for mange lærefag, m.a. i olje-/verkstadindustrien. Dette tilbodet har elles i fylket hatt stor auke i søkjartalet, særleg i Det er difor rimeleg å tru at det dårlege søkjartalet til Rubbestadnes vidaregåande skule, våren 2012, var eit unntaksår. Stord vidaregåande skule Vg2 Klima-energi og miljøfag Vg1 Studiespesialiserande med Formgjevingsfag Vg1 Musikk, Dans, Drama med vektlegging på Drama (inntil 15 elevar) Fylkesrådmannen tilrår ingen av desse søknadane. Fylkesrådmannen tilrår nedlegging av Vg3 Formgjevingsfag fordi skulen ikkje har Vg2 Formgjevingsfag i inneverande skuleår. Fylkesrådmannen tilrår også auke i elevtalet på Vg2 Studiespesialiserande utdanningsprogram med 27 elevar. Dette er ein konsekvens av at elevtalet i Vg1 vart auka med 27 elevar til skuleåret 2012/13. Vg2 Klima, energi og miljøfag har vore forsøkt oppretta fleire gonger opp gjennom åra ved Stord vidaregåande skule. For det meste har det ikkje vore søkjargrunnlag til å oppretthalde tilbodet, og dei gongane klassen har blitt starta opp har det stort sett vore ein god del ledige plassar. Det er tre klassar à 12 elevar på Vg1 Bygg-og anleggsteknikk ved skulen. Erfaringane viser at det er sjeldan at alle desse elevane er aktuelle til å søkje Vg2 året etter. Grunnane er at elevar sluttar i skuleåret, eller at ein del ikkje får kompetansgjevande karakterar til å få plass i Vg2. I denne regionen er elevane meir interesserte i å få utdanning som industrirøyrleggjar innanfor oljebasert industri. (Byggjer på Vg1 Teknikk og industriell produksjon). Vanleg bygningsrøyrleggjar, som Vg2 Klima, energi og miljøfag m.a. gir kompetanse for, er langt mindre populært. Skulen har tradisjon for å ha undervisningstilbod innanfor estetiske fag. Etter at Kunnskapsløftet vart innført i 2006 vart søkjargrunnlaget til det nye tilbodet, Studiespesialiserande med Formgjevingsfag 5

6 sterkt redusert både Stord vidaregåande skule, generelt i fylket og i landet elles. I tillegg til dette har vi sett at ein del av elevane gjer omval til andre programområde i Vg2 Studiespesialiserande slik at elevtalet blir lite i Vg2 og Vg3. Vi minner såleis om at det budsjetterte elevtalet ved dette tilbodet skal vere 27 elevar, men det er svært sjeldan at det er så mange elevar. Meir vanleg er at talet på Vg1 elevar ligg mellom 12 og 15 og at elevtalet i Vg2 er endå lågare. Vg2 kurset i Formgjeving ved Stord vidaregåande skule vart såleis lagt ned våren 2012 fordi fleire elevar på Vg1 gjorde omval til andre programområde i Vg2. Som opplyst tidlegare i denne saka blir det, som hovudregel, ikkje oppretta nye tilbod ved den einskilde skule før skulebruksplanen er vedtatt og iverksett. Fylkesrådmannen tilrår difor ikkje gjenoppretting av Studiespesialisering med Formgjevingsfag no. Vg1 Musikk/Dans/Drama med vektlegging på Drama blir ikkje tilrådd. Korleis dette utdanningstilbodet skal organiserast i framtida er det skrive mykje om i skulebruksplanen. Fylkesrådmannen vil difor ikkje tilrå oppretting av dette tilbodet no. Kvinnherad vidaregåande skule Vg2 Sal, Service og Tryggleik Fylkesrådmannen tilrår søknaden. Vg2 Sal, Service og Tryggleik vart lagt ned våren 2012 fordi det ikkje var søkjargrunnlag til tilbodet. I inneverande skuleår er det meir enn full klasse på Vg1 Service og samferdsel. Det er difor naudsynt å gje denne elevgruppa tilbod om Vg2 slik at dei kan halde fram utdanninga si på skulen. Dersom Vg2 Sal, Service og Tryggleik ikkje blir oppretta vil det føre til at elevane i praksis må flytte på hybel for å halde fram med utdanninga si. Region Hardanger/Voss Odda vidaregåande skule Vg 2 Helsearbeidarfaget Vg 2 Kjøretøy Vg3 Idrettsfag Skulen søkjer om nedlegging av: Vg2 Barne-og ungdomsarbeidarfaget Fylkesrådmannen tilrår dei endringane som skulen gjer framlegg om. Skulen har dei siste åra berre hatt elevgrunnlag frå Vg1 Helse-og oppvekstfag til eitt programområde i Vg2. Det har ikkje vore søkjargrunnlag til Vg2 Helsearbeidarfaget, berre til Vg2 Barne-og ungdomsarbeidarfaget (heller ikkje her full klasse). Det er større etterspurnad etter lærlingar innanfor Helsearbeidarfaget i regionen enn det er innanfor Barne-og ungdomsarbeidarfaget, særleg fordi skulen ikkje har hatt Vg2 Helsearbeidarfaget på nokre år. Etter fylkesrådmannen si meining er det særleg viktig at det er tilgang på arbeidskraft innanfor Helsearbeidarfaget på stadar der det er lokalsjukehus. Fylkesrådmannen tilrår også oppretting av Vg2 Kjøretøy ved Odda vidaregåande skule. Skulen har hatt dette programområde tidlegare, men som elles i fylket har søkjarmønsteret endra seg frå Kjøretøy 6

7 til Industriteknologi og tilbodet hadde diverre ikkje søkjargrunnlag for inneverande skuleår. Skulen har i år to klassar ved Vg1 Teknikk og industriell produksjon (TIP). Sjølv om skulen også har Vg2 Kjemiprosess, som også m.a. byggjer på TIP, trur fylkesrådmannen at det vil vere søkjarar nok til at Vg2 Kjøretøy kan gjenopprettast med eit rimeleg greit elevtal. Når det gjeld oppretting av Vg3 Idrettsfag er det ein konsekvens av at skulen i år har nytt kull elevar på Vg2, og som difor gjer det naturleg å gjenopprette Vg3. Hjeltnes vidaregåande skule Vg1 Naturbruk med Friluftsliv Vg2 Landbruk og gartnarinæring Vg3 Gartnarinæring Fylkesrådmannen tilrår ikkje oppretting av dei tilboda det blir søkt om. På generelt grunnlag vil ein ikkje tilrå oppretting av nye tilbod ved skulen før skulebruksplanen er vedteken. Skulen har svært lågt elevtal i Vg1 Naturbruk. Det var lenge usikkert om dette tilbodet kunne oppretthaldast for skuleåret 2012/13. Fylkesrådmannen viser til at skulen i fleire år har prøvd å få søkjarar til spesialitetar som friluftsliv og naturbasert reiseliv utan at det har vore særleg vellukka. Skulen bør difor no prioritere å få fleire søkjarar til det ordinære Vg1 kurset i Naturbruk. Fylkesrådmannen vil heller ikkje tilrå oppretting av Vg2 Landbruk og gartnarinæring og Vg3 Gartnarinæring sidan skulen ikkje har eige søkjargrunnlag til desse tilboda. Røynslene viser at det diverre er liten søknad til desse tilboda frå søkjarar frå andre skular. Norheimsund vidaregåande skule Vg2 Barne-og ungdomsarbeidarfaget Vg2 Helsearbeidarfaget Fylkesrådmannen tilrår oppretting av begge programområda. Skulen har tradisjonelt hatt tilbod om begge dei ovannemnde programområda, men har dei siste åra slite med rekrutteringa til Vg1 Helse-og oppvekstfag og dermed heller ikkje fått godt og stabilt søkjargrunnlag til Vg2. Våren 2012 var søkjargrunnlaget så dårleg både til Barne-og ungdomsarbeidarfaget og Helsearbeidarfaget at begge tilboda vart lagt ned. I inneverande skuleår er det 20 elevar på Vg1 Helse-og oppvekstfag ved skulen. I utgangspunktet bør det då vere grunnlag for å gjenopprette både Vg2 Barne-og ungdomsarbeidarfaget og Vg2 Helsearbeidarfaget. Dette blir også sterkt tilrådd av Kvam herad som opplyser at dei har stor trong for arbeidskraft innanfor begge programområda. Voss husflidskule Vg3 Formgjevingsfag. Fylkesrådmannen tilrår søknaden. 7

8 Studiespesialisering med Formgjevingsfag har hatt eit svært varierande søkjargrunnlag etter at det vart oppretta i Heller ikkje Voss husflidskule har unngått relativt låge søkjartal opp gjennom desse åra. Våren 2010 var søkjartalet så lågt at tilbodet vart lagt ned, men oppretta att våren Dei elevane som tok til i Vg1 hausten 2011 skal opp i Vg3 frå hausten Vg3 Formgjevingsfag vart formelt sett lagt ned våren 2012, men må no gjenopprettast slik at det nye kullet får fullføre utdanninga si ved skulen. Elles har fylkesrådmannen merka seg at det ved skulestart i år var 26 inntekne elevar til Vg1 Studiespesialiserande med Formgjevingsfag. Truleg det høgaste talet skulen har hatt i nyare tid. Voss jordbruksskule Vg1 Naturbruk, Klima, energi og miljø Vg3 Landbruk (agronomkompetanse) Fylkesrådmannen tilrår oppretting av Vg3 Landbruk, men tilrår ikkje oppretting av det nye tilbodet Vg1 Naturbruk, Klima, energi og miljø. Skulen har lang tradisjon for å gje tilbod til søkjarar som ønskjer agronomkompetanse. Dette er ikkje eit formelt utdanningstilbod i skule, men ein yrkestittel for dei som har landbruksfagleg utdanning. Våren 2012 var det diverre for lite søkjargrunnlag til at Vg3 Landbruk kunne oppretthaldast på Voss jordbruksskule. Skuleåret 2012/13 er difor spesielt for skulen etter at dei i ei årrekkje har hatt dette tilbodet. Elevgrunnlaget frå Vg2 Landbruk og gartnarinæring er no så godt på Voss jordbruksskule at søkjargrunnlaget til Vg3 Landbruk bør vere sikra. I tillegg til dette kan det vere rekrutteringsgrunnlag frå Stend vidaregåande skule. Grunngjevinga for ikkje å tilrå oppretting av Vg1 Naturbruk, Klima, energi og miljø er at dette er eit heilt nytt undervisningstilbod som skal vere ein kombinasjon av teoriopplæring, praktisk arbeid, feltarbeid og realfag. Utdanninga skal vere tre-årig, dvs. med Vg2 og Vg3 kurs. Truleg vil dette vere eit så pass spesielt tilbod at skulen må ha rekruttering frå andre regionar i Hordaland for å få stort nok elevgrunnlag. Fylkesrådmannen meiner at denne typen tilbod evt. må vurderast når skulebruksplanen både for fylket og dei nye Vossa-skulane er vedteken og iverksett, og tilrår difor ikkje oppretting frå hausten Bergen sentrum Bergen Handelsgymnasium Fylkesrådmannen tilrår nedlegging av 2.året i to-årig studiespesialiserande utdanningsprogram. På grunn av lite søkjargrunnlag vart 1.året lagt ned våren Dette må følgjast opp ved å leggje ned 2.året fra skuleåret 2013/14. Årstad videregående skole Vg3 Kjole-og draktsaum over to år 8

9 Fylkesrådmannen tilrår søknaden. Dette er eit tilbod i skule for dei som ikkje har fått læreplass etter Vg2 Design og tekstil. Skulen har dei siste åra hatt Vg3 Kjole-og draktsaum, men som eit 1-årig kurs. Etter eitt år går elevane opp til fagprøve. Røynslene er at mange elevar ikkje består fagprøva etter eitt år fordi dei skal gjennom eit svært omfattande opplæringsprogram med mykje mengdetrening. Fylkesrådmannen kjenner til at m.a. Rogaland har gitt eit to-årig tilbod til denne elevgruppa, og talet på elevar som består fagprøva har blitt vesentleg betre. Bergen Sør Os gymnas Fylkesrådmannen tilrår at elevtalet i Vg2 Studiespesialiserande utdanningsprogram blir auka med 27. Dette er ein konsekvens av at elevtalet i Vg1 Studiespesialiserande vart auka med 27 til skuleåret 2012/13. Sandsli videregående skole Skulen søkjer om at elevtalet ved Vg3 Studiespesialiserande utdanningsprogram blir auka med 27, dvs. ein ekstra klasse. Fylkesrådmannen tilrår søknaden. Sandsli videregående skole fekk ein ekstra klasse i Vg2 Studiespesialiserande utdanningsprogram hausten Denne klassen må vidareførast som Vg3 frå skuleåret 2013/14. Skulen er då tilbake til det normale med fem paralellar på kvart årssteg. Stend vidaregåande skule Skulen søkjer om auke i elevtalet på: Vg2 Naturbruk Vg3 Allmennfagleg påbygginskurs Evt. auke i elevtalet på tilbod som skulen alt har vil bli vurdert etter prognoseinntaket, våren Fylkesrådmannen tilrår at elevtalet på Vg2 og Vg3 Idrettsfag blir auka i samsvar med talet på elevar i Vg1 og Vg2, skuleåret 2012/13. Det vil seie at elevtalet i Vg2 blir auka frå 42 til 56, og i Vg3 frå 27 til 42 elevar. Frå skuleåret 2014/15 vil skulen såleis ha to klassar Idrettsfag på alle årssteg. Bergen Vest Askøy videregående skole Vg2 Studiespesialiserande Internasjonal klasse i Thuringen, Tyskland Vg1 TAF Elektro ved nedlegging av ein ordinær Vg1 Elektro-klasse Fylkesrådmannen tilrår oppretting av Vg2 Studiespesialiserande Internasjonal klasse i Thuringen, Tyskland. I vedtaket frå Fylkesutvalet sitt møte den 29.august-12 heiter det Fylkesutvalet vedtek at Askøy videregående skole saman med ressurspersonar i Thuringen i Tyskland utarbeidar planar for 9

10 om mogleg å opprette ein utanlandsklasse Vg2 Studiespesialiserande Realfag og Språk, samfunnsfag og økonomi frå skoleåret 2013/14. Arbeidet med framdrifta av eit slikt tilbod er no komen så langt at alt ligg til rette for oppstart til skulestart hausten Det er også viktig å få dette formelt vedtatt slik at tilbodet er søkbart i Vigo i samband med den ordinære søknadsregistreringa til vidaregåande opplærig i januar og februar Fylkesrådmannen vil ikkje tilrå oppretting av Vg1 TAF-tilbod ved nye skular før organisering av TAF-tilboda i Hordaland er vedtatt i samband med iverksetting av skulebruksplanen. Sotra vidaregåande skule Vg2 Frisørfag Fylkesrådmannen tilrår søknaden. Dette tilbodet vart lagt ned grunna lite søkjartal våren Skulen har elles hatt Vg2 Frisørfag sidan skuleåret 2004/05. Sjølv om søkjargrunnlaget til Vg2 Frisørfag av ulike grunnar har vorte mindre dei siste åra, meiner fylkesrådmannen at det er for tidleg å leggje ned dette tilbodet permanent ved Sotra vidaregåande skule, avdeling Sund, etter berre eitt år med lågt søkjartal. Bergen Nord Lønborg videregående skole Vg1 Helse-og oppvekstfag for minoritetspråklege søkjarar Fylkesrådmannen tilrår søknaden. Talet på minoritetsspråklege elevar i innføringsklassar har auka mykje dei siste åra. Utgangspunktet er at desse elevane skal gå over i ordinære Vg1 kurs etter at dei er ferdige med innføringskurset. Fylkesrådmannen ser likevel at det kan vere trong for å auke talet på elevplassar i Vg1 som er særleg tilrettelagt for minoritetsspråklege elevar. Dette er eit kompetansegjevande kurs, og elevane skal halde fram i ordinære Vg2 kurs året etter. Det viser seg at norsk-kunnskapane ofte er relativt svake sjølv om ein har fullført innføringskurset. Fylkesrådmannen har i haust fått fleire tilbakemeldingar frå skulane om at ein relativt stor del av denne elevgruppa har vanskar med å følgje undervisninga fordi norsk-kunnskapane er for dårlege. Dette er ei utfordring fordi denne elevgruppa har formell rett til inntak i ordinære Vg1 kurs sjølv utan innføringskurs. Det er såleis vanskeleg å avvise desse søkjarane til ordinære Vg1 kurs, mot deira ønskje, når innføringskurset er fullført. Fyllingsdalen videregående skole har i fleire år hatt Vg1 Helse-og oppvekstfag for minoritetsspråklege elevar. Røynslene derfrå seier at fleire fullfører kurset med kompetanse enn dei ville gjort dersom dei var elevar i ordinært Vg1 kurs. Likevel er det nok fleire elevar også på dette tilbodet som ville fått kompetanse til å søkje Vg2 dersom dei hadde tatt kurset over to år. Det er, og vil bli, stor trong for arbeidskraft innanfor Helse-og og oppvekstfag i åra frametter. Det er difor viktig å tilretteleggje for at så mange minoritetspråklege søkjarar som mogleg klarar å få kompetanse innanfor desse faga. Ved å opprette Vg1 Helse-og sosialfag for minoritetspråklege elevar på Lønborg videregående skole vil dette vere med på å auke tilgangen på kvalifisert personell innanfor dette fagområde. 10

11 Åsane videregående skole Vg2 Data og elektronikk Fylkesrådmannen tilrår søknaden. Dette tilbodet vart lagt ned ved Åsane videregående skole våren Grunngjevinga var lågt søkjartal. Generelt er det vesentleg lågare søkjartal til Vg2 Data og elektronikk enn det er til andre Vg2 kurs innanfor Elektrofag. Skulen har 30 elevplassar på Vg1 Elektrofag, men har i år ikkje tilbod om Vg2 kurs innanfor dette utdanningsprogrammet. Dette er uheldig, særleg fordi skulen også har elevar på Elektrofag som deltar i Olympiatoppen sitt topp-idrettsprosjekt. Det vil bli svært vanskeleg for denne gruppa å halde fram innanfor Olympiatoppen dersom Åsane videregående skole ikkje kan gje tilbod i Vg2 Elektrofag. Austrheim vidaregåande skule Vg3 Automatisering Innføringsklasse for minoritetsspråklege elevar Fylkesrådmannen tilrår oppretting av Vg3 Automatisering. Fylkesrådmannen tilrår ikkje oppretting av innføringsklasse for minoritetsspråklege elevar. Vg3 Automatisering vart lagt ned for skuleåret 2012/13 fordi skulen ikkje hadde Vg2 klasse i skuleåret 2011/12. Frå inneverande skuleår er Vg2 Automatisering gjenoppretta, og det er no 16 elevar ved kurset. Fylkesrådmannen vil ikkje tilrå oppretting av Innføringsklasse for minoritetsspråklege elevar no. Det vart ikkje registrert noko pågang frå denne elevgruppa frå Austrheim kommune under inntaket i sommar. Derimot vart det registrert mange minoritetsspråklege søkjarar frå Meland kommune, som alle fekk tilbod om plass i innføringsklasse ved Åsane videregående skole. Trongen for innføringsklassar kan variere relativt mykje frå år til år. Ved skulestart i august 2012 hadde alle registrerte søkjarar fått plass. Det er likevel ei utfordring at ein del av desse søkjarane først kjem til landet etter skulestart, og melder seg på Inntakskontoret inntil fleire veker etter at skulen har starta opp. Dersom det er trong for å opprette innføringskurs for minoritetsspråklege søkjarar på Austrheim vidaregåande skule, må dette synleggjerast ved at aktuelle søkjarar registrerer søknaden sin til skolar som har dette tilbodet. På grunnlag av adresse kan ein då sjå om det er naturleg å opprette tilbodet på Austrheim vidaregåande skule i samband med justering av tilbodstrukturen etter prøveinntaket i juni, evt. også seinare i inntaksperioden. Fylkesrådmannen vil likevel understreke at det er ein stor fordel at dei skulane som har innføringsklasse har to klassar fordi norsk-kunnskapane hos elevane varierer mykje. Så sant ikkje reiseavstanden blir urimeleg lang og praktisk vanskeleg, vil ein prioritere å ha skolar med minst to innføringsklassar enn at mange skular har ein klasse. Knarvik vidaregåande skule Vg2 Design og tekstil Auke i elevtalet ved Vg1 TAF med inntil 24 elevar slik at ein kan inngå avtalar med bedriftene om fleire lærefag. 11

12 Fylkesrådmannen tilrår oppretting av Vg2 Design og tekstil. Fylkesrådmannen tilrår ikkje auke i elevtalet innanfor TAF-elektro. Vg2 Design og tekstil vart lagt ned i klassesaka i desember Grunngjevinga var at det er svært vanskeleg å få læreplass etter dette kurset, og at ein har måtte opprette Vg3 ved Årstad videregående skole for at denne elevguppa kunne gå opp til fagprøve. Resultata med dette opplegget har vore heller svake, med mange elevar som ikkje har bestått fagprøva. Generelt har søkjartala til Vg1 Design og handverk, som Vg2 Design og tekstil byggjer på, vorte redusert dei siste åra. Nedgangen har likevel vore mindre til Knarvik vidaregåande skule enn elles i fylket. Skulen argumenterer i søknaden med at elevane som har gått ut frå skulen både har fått fagbrev via Vg3 ved Årstad videregående skole, og arbeid utan fagbrev i fleire tekstilbedrifter, som t.d. Dale Janus og Oleana. Hovudargrumentet frå fylkesrådmannen for å redusere elevtalet ved Vg2 Design og handverk fordi det er (nesten) umogleg å få ordinære læreplassar i bedrift. Knarvik vidaregåande skule har i mange år hatt eit sterkt fagleg miljø innanfor dette utdanningsprogrammet. Skulen ønskjer svært sterkt at Vg2 Design og tekstil blir gjenoppretta ved skulen, ikkje minst for å oppretthalde dette miljøet. Når skulebruksplanen i tillegg tilrår at utdanningsprogrammet Design og handverk blir lagt til Knarvik vidaregåande skule, finn fylkesrådmannen det rett å tilrå oppretting av Vg2 Design og tekstil frå hausten Fylkesrådmannen viser også til at det i denne saka blir tilrådd eit 2-årig løp i Vg3 ved Årstad videregående skole som skal gje elevane eit betre utdanningsløp innanfor dette utdanningsprogrammet i høve til å oppnå kompetanse. Knarvik vidaregåande skule si grunngjeving om å utvide elevtalet ved TAF-Elektro er at det då vil vere mogleg å gje elevane eit breiare val av lærefag. Til no har skulen berre hatt avtalar med bedriftene om læreplassar i Produksjonselektronikarfaget. Skolen ønskjer å utvide dette til å gjelde Elektrikarfaget, Energimontørfaget, Energioperatørfaget og Automatiseringsfaget. Dette vil føre til at utdanninga, pga. lengre læretid, blir eit halvt år lengre enn innanfor Produksjonselektronikarfaget. Dette har vore drøfta med elevar, foreldre og bedrifter, og tilbakemeldingane er at det uansett vil vere så stor interesse for dette tilbodet at søkjargrunnlaget vil bli svært bra. Fylkesrådmannen sitt hovudargument for ikkje å tilrå denne utvidinga er at talet totalt sett som byrjar på Vg1 Elektrofag vil auke. Knarvik vidargåande skule vil, dersom utvida TAF-tilbod blir godkjent, auke elevtalet i Vg1 Elektro frå 42 til 66 elevar. Skulen ønskjer ikkje å redusere elevtalet i ordinære Vg1 klassar i Elektrofag. Fylkesrådmannen minner om at talet på elevplassar generelt i fylket er redusert på grunn av tilgang på læreplassar. Det er ikkje tvil om at TAF-Elektro elevane vil kunne få lærekontrakt, men ut frå tilgangen på læreplassar generelt, vil det gå ut over sjansane til læreplass for dei som går i det ordinære utdanningsløpet innanfor Elektrofag. Dette grunngjev ein også med at dei som får plass ved Vg1 Elektrofag i utgangspunktet vil vere ein del fagleg svakare enn TAF-elevane, ikkje minst fordi dei sterkast fagleg elevane går mot TAF-modelen. Fylkesrådmannen minner såleis om at det også for skuleåret 2012/13 var naudsynt å opprette ein Vg3 klasse i Elektrofag for dei som ikkje fekk læreplass etter fullført Vg2. 12