Styre, råd, utval Sak nr Møtedato Ungdomsrådet 014/ Råd for seniorar og menneske med nedsett 014/

Transkript

1 Sakshandsamar: Helle Holte Bruland Arkivsaksnr: 17/787 Journalpostnr: 18/1921 Styre, råd, utval Sak nr Møtedato Ungdomsrådet 014/ Råd for seniorar og menneske med nedsett 014/ funksjonsevne Utval for plan og miljø 019/ GBNR 12/3 m.fl. - Samnøy - Detaljregulering for Samnøy industriområde Høyring og offentleg ettersyn Rådmannen sitt framlegg til vedtak: Fusa kommune legg områdeplan for Samnøy industriområde ut til høyring og til offentleg ettersyn. Vedtaket er heimla i pbl 12-1, 12-2 og Utval for plan og miljø : Handsaming: Uttaler frå ungdomsrådet og senior- og funksjonsrådet vart lagt fram i møtet. Utvalet for plan og miljø slutta seg til uttale frå ungdomsrådet og vedtok samrøystes rådmannen sitt framlegg med fylgjande endring: Reguleringsplanen for Samnøy industriområde med ny vegframføring vil opna opp eit nytt turterreng på halvøya. Det bør innarbeidast ei lita utfartsparkering i planforslaget og parkeringa bør opparbeidast parallelt med veganlegget. UPM- 019/2018 Vedtak: Fusa kommune legg områdeplan for Samnøy industriområde ut til høyring og til offentleg ettersyn, med fylgjande endring: Reguleringsplanen for Samnøy industriområde med ny vegframføring vil opna opp eit nytt turterreng på halvøya. Det bør innarbeidast ei lita utfartsparkering i planforslaget og parkeringa bør opparbeidast parallelt med veganlegget. Vedtaket er heimla i pbl 12-1, 12-2 og

2 Ungdomsrådet : Handsaming: Etter ein gjennmgang av planen gjorde ungdområdet slikt samrøystes vedtak: Reguleringsplanen for Samnøy industriområde med ny vegframføring vil opna opp eit nytt turterreng på halvøya. Det bør innarbeidast ei lita utfartsparkering i planforslaget og parkeringa bør opparbeidast parallelt med veganlegget. Ungdomsrådet hadde elles ingen merknader til planframlegget. UNG- 014/2018 Vedtak: Reguleringsplanen for Samnøy industriområde med ny vegframføring vil opna opp eit nytt turterreng på halvøya. Det bør innarbeidast ei lita utfartsparkering i planforslaget og parkeringa bør opparbeidast parallelt med veganlegget. Ungdomsrådet hadde elles ingen merknader til planframlegget og saka. Saksframstilling: Vedtaksmynde: Utval for plan og miljø Saksdokument: Planomtale Områdeplan for Samnøy industriområde Plankart del 1 av 2 Områdeplan for Samnøy industriområde Plankart del 2 av 2 Områdeplan for Samnøy industriområde Føresegner Områdeplan for Samnøy industriområde Vedlegg: Sjå nederst i saka Risiko og sårbarheitsanalyse (ROS) Områdeplan for Samnøy industriområde Konsekvensutgreiing Områdeplan for Samnøy industriområde Planprogram for områdeplan for Samnøy industriområde Merknadsskjema for høyring av planprogram Merknadsskjema - oppstart Referat frå planforum Ikkje vedlegg: e-postar og anna korrespondanse

3 Faktiske opplysningar og vurderingar: Det er utarbeidd forslag til reguleringsplan for eit større industriområde på Samnøy nord i Fusa. Reguleringsplanen utarbeidast som områderegulering etter pbl 12-2 i regi av kommunen. Planarbeidet er utført av ABO Plan og Arkitektur. Det vart varsla oppstart planarbeid Planarbeidet utløyser krav om konsekvensutgreiing(ku) etter pbl 4-2. Planprogram for arbeidet vart vedteke jf. pbl. 4-1 og 12-9 i kommunestyret den Planprogram og konsekvensutgreiing ligg som vedlegg til saka. Planens føremål Planens hovudføremål er ny regional tømmerkai, nye næringsområde og ny infrastruktur med tilkomstveg. Det vert i tillegg gjennomført ei oppdatering av eksisterande planar innafor planområdet. Planområdet er på ca 650 daa (fordelt mellom ca. 103 daa sjøareal og ca. 517 daa landareal). Planområdet er redusert frå daa etter varsel om oppstart planarbeid. Planområdet var større ved oppstart grunna behov for å avklara alternativ plassering av næringsareal og vegtilkomst. Då ein landa ned på eit forslag til konkret arealbruk reduserte ein arealet føremålstenleg. Planen tek opp i seg nokre eksisterande industriområde og erstattar to reguleringsplanar: Holmefjord industriområde ( ) og Nore Fusa industriområde ( ). Områdereguleringa er regulert med ulik grad av detaljering på områda. Tømmerkaien med terminalområde og tilkomstveg vert detaljregulert, gjeldande reguleringsplan for Holmefjord industriområde vert oppdatert til ny plan og bygningslov. Næringsområdet BN1 i gjeldande kommuneplan vert detaljregulert. For nye næringsområde (BKB) langs tilkomstvegen til tømmerkaien er det stilt krav om detaljregulering. Vurderinga er at detaljgraden er sett i høve til innhald og når tiltaka er tenkt påbyrja. Alternativvurdering og konsekvensutgreiing Sidan områdeplanen utløyser konsekvensutgreiing er det i planprogrammet sett to utbyggingsalternativ for vurdering. Desse er vurdert opp mot ei referanse, alternativ 0. Alternativa er nemnd som alternativ 1 og 2 og har ulikt omfang av utbygging. For begge alternativa er det behov for ny vegtilkomst frå Fv125. Konsekvensutgreiinga er oppsummert i planomtalen på side Konsekvensutgreiinga byggjer på informasjon frå skriftlege og munnlege kjelder, samt synfaring og feltarbeid i planområdet. Føremålet med konsekvensutgreiinga er å kasta lys over konsekvensar ved arealdisponeringa opp mot planlagt endra arealbruk. Områdeplanen skal fastsetja plassering av byggjeområde, tilførselsvegar og andre

4 tilhøyrande anlegg, samt sikra areal til gjennomføring av prosjektet. Planforslaget opnar for arealbeslag til næringsområde på vestsida av Bogøy, utover eksisterande industriområde og fylkesveg, for utvikling av næringsareal ved eksisterande industriområde langs Fv125 (BN1 i kommuneplanens arealdel). Vegtilkomst til tømmerkai og næringsområde gjennom LNFareal / skogsområde, utviding av næringsareal ved Holmefjord industriområde ved utfylling i sjø, og fjerning av næringsareal (kommuneplan BN2) som opnar for fylling i sjø ved Holmefjordholmane Konsekvensutgreiinga tek for seg tre alternativ: Alternativ 0 tek utgangspunkt i dagens situasjon Alternativ 1 tek utgangspunkt i veg og tømmerkai Alternativ 2 tek utgangspunkt i veg, tømmerkai og tilrettelegging av næringsområde Samla vurdering av dei tre alternativa er samanfatta under(dei trafikkale tilhøve er vurdert til å vera nøytrale): Alternativ 0 gjev ingen konsekvens då dette alternativet medfører at det ikkje byggjast noko. Alternativ 1 gjev mindre negative verknader for dei grøne temaa ( landskap, nærmiljø, friluftsliv, naturressursar) enn alternativ 2. Alternativ 2 gjev større positive verknader lokalt og regionalt enn alternativ 1. Alternativ 2 gjev næringsareal med sjønær lokalisering, mogelegheit for god samlokalisering av ulike næringsaktivitetar og potensiale for utvikling av lokale arbeidsplassar over tid. Dette gjev føreseielege rammer for framtida. Dette kan òg bidra til å auke folketalet lokalt og i kommunen. I samla vurdering må det takast stilling til om dei positive verknadane av alternativ 2 i eit større perspektiv vil vega opp for dei samla negative verknadane for dei grøne tema. Fusa kommune ønskjer mellom anna å leggja til rette for næringsverksemd som kan utviklast over eit lengre tidsperspektiv. Om lokalisering, prosess og behov Eksisterande tømmerkai i Eikelandsosen har for liten kapasitet til å tena behovet til dagens tømmertransport. Det er ikkje utvidingsmogelegheit på arealet, og det ligg lagra tømmer tett til utearealet for den vidaregåande skulen. Ulike alternativ har vore vurdert angåande plassering av ny tømmerkai i kommunen og sentrale moment har vore behovet for aktivitet døgnet rundt og omsyn til kringliggjande bustader og støy. Dei fleste alternativa vart forkasta tidleg grunna naturgitte tilhøve og lokalisering. Det vart lagt inn ei mogeleg utviding av eksisterande næringsområde med tanke på tømmerkai over Holmefjordholmane i arealdelen til kommuneplanen (BN2). Dette arealet er vurdert på ny og vert regulert tilbake til friluftsområde i samband med det føreliggjande planforslaget. Det ville gitt store negative fjernverknader for Holmefjord sentrum om næringsarealet vart utvida på denne sida av fjorden. På grunn av topografien er alternativ 2 som det føreliggjande planforslaget opnar for, venta å gje lite synlege inngrep for fastbuande og frå hytteområde. Det arealet som no vert føreslege til tømmerkai og industriområde har gode tilhøve for djupvasskai og store landområde som er skjerma frå andre arealbruksinteresser. Det står meir konkret om vurderingar kring lokalisering av planområdet og om val av vegframføring i konsekvensutgreiinga på side 9 12.

5 Store delar av planområdet regulerer om LNF-areal til utbyggingsføremål, og areal til akvakultur om til hamneområde i sjø, og delar av planen er difor i strid med arealdelen til kommuneplanen. Planen er likevel i tråd med intensjonane i både samfunnsdelen og arealdelen til kommuneplanen og slik sett dei politiske føringane når det gjeld å leggja til rette for næringsareal og utvikling. Planen er òg i tråd med forslag til interkommunal næringsplan for Os, Fusa og Samnanger, då særskilt i høve til samlokalisering av næringsområde og med særs få negative tilhøve for andre i nærområdet. I arbeidet med arealdelen til kommuneplanen i 2015 vart det vurdert fleire større næringsområde som låg til sjø. Signala frå Fylkesmannen var at dersom det ikkje var konkrete tankar om bruk av desse areala, så rådde Fylkesmannen til at ein ikkje låg dei ut i arealdelen, men heller starta eiga sak om det skulle dukka opp konkrete interessentar. Då tømmerkai og næringsområde på Samnøy konkretiserte seg vart saka meldt inn til Planforum. Saka vart godt motteke og referat frå møtet ligg som vedlegg. Trafikk, vegframføring og plankrav Det er vurdert fem mogelege vegframføringar frå fylkesvegen. Alternativ 1a med veiklase A2 er vurdert som beste alternativ. Vegen er om lag 1200 meter lang og detaljregulert som heilårs landbruksbilveg, dimensjonert for 10 tonn og stor trafikkbelastning av tunge køyretøy. Vegen er 4,5 m brei og køyrebanen er sett til minimum 3,5. Alternativet inkluderar ein 130 meter lang tunnell med mogelegheit for etablering av einsidig fortau. Fartsgrensa vert 50 km/t. Sjå illustrasjonar av tunnell og veg på side 30 og 31 i planomtalen Vegløysinga frå fylkesvegen til tømmerkaien regulerer tilkomst til nærings- og lagerområda på ulike høgder, men det er utover dette ikkje gjeve andre føringar. Ulike tilhøve og vurderingar må gå fram av detaljreguleringsplanen i neste fase. For område BKB1 er det i tillegg sett krav om buffer innafor næringsføremålet mot planavgrensinga og fritidsbustad lengre sør på gnr./bnr. 11/8. Område BKB 1 BKB 6 er regulert til kombinert industri og lager og skal nytte avkøyringar som synt på plankartet. For område BKB, BKB2, BKB3, BKB4, BKB5 og BKB6 er det krav om detaljregulering før det vert gjeve løyve til tiltak etter pbl I detaljreguleringa skal det fastsetjast byggegrenser, planeringshøgder, byggjehøgder, utnyttingsgrad og vegetasjonsskjerm. Det føreliggjande planframlegget vil medføre ytterlegere auke i ÅDT (+320) på delar av fylkesvegen igjennom Holmefjord sentrum - men dette er vurdert til å koma over tid. Det er vurdert at det er tilstrekkeleg kapasitet til å ta unna forventa trafikkauke. Det er og forventa konsekvensar for skipstrafikk i Samnangerfjorden (sjå illustrasjonar s. 63 i KU) - planen vil gje ei auke i skipstrafikk i bifarleia med inntil 20 utgåande båtlaster med tømmer per år. Vurderingar knytta til folkehelse og mjuke trafikantar Trafikkareal for fylkesveg 125 ( Holsundvegen) er regulert med gang- og sykkel veg frå Nore Fusa oppvekstsenter, og ein har utvida køyrefeltbredde frå 2,75 til 3 meter for å sikre areal til dette. Det er òg lagt til rette for to busslommer med utbetringsstandard der eksisterande busstopp er i dag. Planforslaget legg ikkje til rette for ny støyfølsam arealbruk innafor planområdet. Etablering av tømmerkai og nye område for industri vil medføre auke i trafikk langs Fv125, men ikkje av eit omfang som medfører krav om støyskjerming av bustader og fritidsbustader. Det er regulert inn friluftsområde over holmefjordholmane, noko som reknast som svært positivt.

6 Hamneområde og kai Det er lagt til rette for etablering av ny tømmerkai vest i planområdet, SK3 ut mot Samangerfjorden. Kaien er regulert med ein lengde på inntil 120 meter, og totalt kaiareal på 6500m2. Illustrasjon av korleis ein ser for seg å løyse dette er vist på side 32 i planomtalen. Om byggeføremål og BYA Det er sett høg utnyttingsgrad på areala. For industriområda på austsida av fylkesvegen, kor ein har oppdatert eldre reguleringsplan for Holmefjord industriområde, er utnyttingsgraden auka til 70 %. Dette er høgt, og argumentasjonen er at då ein ikkje har høve til framtidig utviding på desse areala (utover det som planen no legg opp til) grunna nærleik til holmar og lokalt viktige friluftsområde i sjø, samt avgrensingar på høgder for å skjerma for fjernverknad, så vil kommunen leggja til rette for at den etablerte næringa kan utnytte areala effektivt innafor byggjegrensene, ettersom det er behov for dette. Sjå skisse på side 29 i planomtalen. Det er stilt rekkefølgjekrav om opparbeiding av vegetasjonsskjerm mot friluftsområdet. På nye areal sett av til kombinasjonsføremål industri/ lager på vestsida av fylkesvegen og langs den nye vegen ut mot tømmerkaien er utnyttingsgraden sett noko lågare - til mellom 25% og 50%, og byggehøgder mellom 9 og 12 meter frå gjennomsnittleg planert terreng. Terrenget er relativt kupert, areala er store og det er vurdert til å ikkje vera føremålstenleg å setta ein høgare utnyttingsgrad. Omsyn til naturmangfald Det er ikkje gjort viktige registreringar kring naturmangfald, anna enn fleire hole eiker i området. Hole eiker er prioritert i arealdelen til kommuneplanen og skal takast særskilt omsyn til. Kommunen meiner at sjølv om trea vil hamne i industriområde så er dei stadig viktige for biologisk mangfald, særskilt om ein kan bevare grupper innafor ei samanhengande omsynssone. Dette er bakgrunnen for at det er sett omsynssone for naturmiljø H560 på BI9. Det er òg registrert hole eiker innafor BKB5 og BKB 6. Desse er ikkje markert med omsynssone i plankartet då det er krav om detaljergulering på desse areala kor ein då vil gjera vurderingar knytt til desse. Risiko og sårbarheitanalyse (ROS) Planområdet framstår som lite sårbart for uønska hendingar. Det vert naudsynt å utføra ei meir detaljert ROS-analyse under detaljregulering av område BKB1 BKB6 med grunnlag i konkret næring som skal etablerast. Skredhendingar er vurdert som potensiell fare då det er fleire bratte skrentar i området. Det er og observert fleire historiske steinspranghendingar og lause blokkar i skrentar. Det er spesielt i tunellinnslaget det er vurdert fare for steinsprang. Det må og takast omsyn til og avgrensast bruk av kjemikaliar, sikre drivstoff, og hindre utslepp av finpartikulert materiale ved utføring av tiltak. Det må sikrast at eventuelle utslepp av forureina vatn frå næringsverksemder ikkje vert slept ut i nedbørsfelta. Det anbefalast i ROS-analysen at det vert gjennomført fortløpande risikovurderingar i

7 gjennomføring av prosjektet. Forslag til tiltak og oppfølging av potensiell risiko er at det vert sett føresegner til byggesak i reguleringsplanen jf. 12-7, og at det vert stilt krav til detaljregulering av BKB1 BKB6. Vurdering Planomtalen og konsekvensutgreiinga gjev ei god beskriving av prosess og av tiltaka planen opnar for, samt verknader av desse. Det er godt samband mellom føresegner og plankart og vurderingane som er gjort i planen, samt potensiell risiko avdekt i ROS-analysen. Rådmannen meiner planen tek omsyn til aktuelle interesser på ein god måte, og at planen kan leggjast ut på høyring og til offentleg ettersyn.

8 Vedlegg: Planomtale - områdeplan for Samnøy industriområde Plankart del 1 av 2 - Områdeplan for Samnøy industriområde Plankart del 2 av 2 - Områdeplan for Samnøy industriområde Føresegner - Områdeplan for Samnøy industriområde Risiko- og sårberheitsanalyse (ROS) - Områdeplan for Samnøy industriområde Konsekvensutgreiing - Områdeplan for Samnøy industriområde Planprogram for områdeplan for Samnøy industriområde vedtatt Merknadsskjema for høyring av planprogram Merknadsskjema - oppstart Referat frå planforum