Styre, råd, utval Sak nr Møtedato Utval for plan og miljø 040/ Råd for seniorar og menneske med nedsett 031/

Transkript

1 Sakshandsamar: Helle Holte Bruland Arkivsaksnr: 17/810 Journalpostnr: 18/5713 Styre, råd, utval Sak nr Møtedato Utval for plan og miljø 040/ Råd for seniorar og menneske med nedsett 031/ funksjonsevne Ungdomsrådet 031/ GBNR 85/141 m.fl. - Strandvik - Høyring og offentleg ettersyn Detaljregulering av Strandvik bygdepark Rådmannen sitt framlegg til vedtak: Fusa kommune legg detaljregulering for Strandvik bygdepark ut på høyring og til offentleg ettersyn. Høyringsfrist er 6 veker. Vedtaket er gjort i medhald av plan- og bygningslova og Utval for plan og miljø : Uttaler frå ungdomsrådet og senior- og funksjonsrådet vart lagt fram i møtet. Rådmannen sitt framlegg vart samrøystes vedteke. UPM- 040/2018 Vedtak: Fusa kommune legg detaljregulering for Strandvik bygdepark ut på høyring og til offentleg ettersyn. Høyringsfrist er 6 veker. Vedtaket er gjort i medhald av plan- og bygningslova og

2 Råd for seniorar og menneske med nedsett funksjonsevne : Svein Lang, Sp, spurte om han var inhabil på grunn av Fusa utviklingsselskap sine eigarinteresser i området. Han gjekk frå. Inhabiliteten var ikkje meldt inn. Vararepresentant var difor ikkje kalla inn. Han vart samrøystes kjend inhail. Jf. kommunelova 40 nr 3 og forvaltningslova 6 1. og 2. ledd. Følgjande framlegg fremja av Eirin Bergheim vart samrøystes vedteke: Senior - og funksjonsrådet er positive og gler oss til det er ferdig! RAAD- 031/2018 Vedtak: Senior - og funksjonsrådet er positive og gler oss til det er ferdig! Ungdomsrådet : Fusa ungdomsråd samla seg om slik samrøystes uttale: Fusa ungdomsråd er positiv til at det blir etablert ein ny møteplass med bygdepark i Strandvik. For å leggja til rette for digital aktivitet bør det vera tilgang til gratis wifo og ladepunkt i parken. UNG- 031/2018 Vedtak: Fusa ungdomsråd er positiv til at det blir etablert ein ny møteplass med bygdepark i Strandvik. For å leggja til rette for digital aktivitet bør det vera tilgang til gratis wifo og ladepunkt i parken. Saksframstilling: Vedtaksmynde: Utval for plan og miljø Saksdokument: Planomtale for detaljregulering av Strandvik bygdepark Føresegner for detaljregulering av Strandvik bygdepark

3 Plankart for detaljregulering av Strandvik bygdepark Vedlegg: Sjå nederst i saka Merknadsskjema v/oppstart Referat frå oppstartmøte Alle merknader til oppstart Ikkje vedlegg: Faktiske opplysningar: Det er utarbeid eit framlegg til detaljregulering for bygdepark i Strandvik sentrum. Planen erstattar delvis detaljregulering for fylkesveg 122 (Jordmorsvingen), og delar av reguleringsplan for naustrekkja i Strandvik. Oppstart av planarbeidet vart vedteke i Utval for plan og miljø Planens hovudmål er parkområde, utbetring av trafikksituasjon i sentrum og sikring av Vikaelva som renn igjennom sentrumsområdet. Arbeidet med parken bygger på deler av eit LivOGLyst prosjekt som vart gjennomført for Strandvik sentrum i Overordna føringar Planområdet er omlag 22 daa stort, og i hovudsak satt av til sentrumsføremål, landbruksnatur- og friluftsområde, samt sjø og vassdrag. Delar av planområdet er omfatta av eksisterande reguleringsplanar. Syner til referat frå oppstartsmøte kor vi gjekk igjennom dette med konsulent og tiltakshavar, kor vi òg opplyste om at kommunen ville starta eit arbeid med områdeplan for Strandvik. Reguleringsplan for naustrekkja i Strandvik er eldre og må oppdaterast, den er vist på arealdelen til kommunen kun med omriss og er ikkje digitalisert. Delar av planen vert endra igjennom den føreliggjande planen, medan resten av planen for naustrekkja vert oppdatert i arbeid med områdeplan for Strandvik. Reguleringsplan for fylkesvegen er nyare (2003), og dei delane som overlappar vert oppdatert direkte i denne føreliggjande planen. Planomtale I planomtalen har ein ikkje fått med eksisterande plansituasjon i Strandvik sentrum. Det er til dømes under arbeid ein områdeplan for heile sentrumsområdet, kor ein i tillegg til å sjå på dei overordna strukturane i sentrum - òg skal oppdatera ein reguleringsplan for naustrekkja i Strandvik. Planen for naustrekkja omfattar store deler av planområdet til bygdeparken, og dette burde ha vore omtala under «4.4 andre planar under arbeid.», og under «10.2 eksisterande reguleringsplanar». Det står òg under «6.2. avgrensing av planområdet» at plangrensa er avgrensa slik at ein ikkje grip inn i reguleringsplan for naustrekkja, noko som ikkje stemmer. Risiko- og sårbarheitsanalyse (ROS-analyse) I ROS-analysen er det flaum som utpeikar seg som potensiell fare. Parkarealet ligg på kote 2 og kan vera utsett for flaum frå sjø og elv. Planomtalen påpeikar at elva har vorte grunnare,

4 noko som aukar faren for flaum. Planen legg opp til at ein kan gjera tiltak for flaumsikring, og det er lagt opp til mudring og muring langs elveløpet i den føreliggjande planen. Kommunestyret i Fusa har løyvd midlar til flaumsikring og til utgreiingar knytt til dette. Konsekvensutgreiing (KU) Det er gjort ei vurdering av at planen ikkje utløyser krav om KU, men at den vil ha positive verknader for lokalmiljø og for utvikling av bygda. Kommunen er eining i at planen er eit positivt tiltak for lokalsenteret i Strandvik. I referat frå oppstartmøtet står det at kommunen har vurdert at tiltak kringe elva utløyser KU-plikt, konsulenten har likevel landa på ein anna konklusjon på bakgrunn av vurderingar gjort i planomtalen. Rådmannen kan ikkje sjå at det er gjort vurderingar på om KU-plikta utløysast angåande tiltak i elva / føremålet «sjø og vassdrag» og meinar at dette er ein mangel ved planen. Illustrasjonar Det er positivt at planomtalen inneheld illustrasjonar frå mogelegheitsstudie v/smedsvig landskapsarkitekter som syner korleis parken kan opparbeidast. Desse skissene er ikkje juridisk bindande, og det er føresegnene til planen som vil leggja føringar for kva ein kan gjera av tiltak i planen. Det er positivt at det føreligg skisser for både sommar- og vinterbruk - samt ei skisse for lyssetting. Miljøgate og universell utforming Det er positivt at ein har fokus på mjuke trafikantar, miljøgate og universell utforming. Rådmannen meiner trafikktilhøva er handtert på ein tilfredstillande måte i planen men stiller spørsmål ved om det er naudsynt med fortau på begge sider av vegen frå brua og mot handelslagsfjæra. Rådmannen kan ikkje sjå at dette er kommentert i planen, eller at det er gjort vurderingar kring gangbru over elva. Føresegner og plankart Plankartet tek opp i seg naudsynte føremål på ein tilstrekkeleg måte og det er samsvar mellom føresegner og kart. Eit bygg som er registrert som naust i matrikkelen er her regulert til fritidsbustad «i tråd med etablert bruk». Rådmannen minnar om at det må søkast bruksendring for at slik bruk skal gjerast lovleg, men har ingen innvendingar mot at ein opnar for endringa. Det er ikkje opna for tiltak som kan hindra ferdsel i strandsona. Sjølve utforminga av parken er utsett til byggesak. Då det føreligg detaljerte skisser for parkområdet kunne ein ha valt å gjera desse meir bindande igjennom planen, til dømes ved å syne interne gangvegar og andre flatar for opphald. Rådmannen meiner likevel at føresegnene er detaljerte nok til at ein får naudsynte rammer for parken. Det skal til dømes ikkje plantast til slik at siktlinjer vert øydelagde, gjennomgåande stiar og opphaldsareal skal vera universelt utforma, og parken skal utformast på ein slik måte at den ikkje tek skade av høg vasstand. Intern høyring Det er kome inn ein merknad til saka. Kulturleiar i Fusa kommune har ingen merknader til området som er avsett til park, men påpeikar at arealet aust om elva er fulldyrka landbruksareal - sjølv om det er avsett til sentrumsføremål. I planen er dette arealet regulert til grøntområde med mogelegheit for tilrettelegging med benkar og sti. Det vert òg påpeika at det er behov for parkering ved kyrkja, og at arealet aust om elva kunne ha vore aktuelt for dette. Det har ikkje vore eit tema tidlegare i plansaka. Kommunen arbeider med ein områdeplan for sentrum i Strandvik og vil då gjera vurderingar kring parkeringstilhøve. Merknader til oppstart Rådmannen vil påpeika at varsel om oppstart er svært mangelfult, og at oppstartsfasen og merknadane til oppstart ikkje er handtert på ein veldig god måte. Syner her til kommentarar i

5 merknadsskjema der det kjem fram at konsulenten ikkje har hatt dialog med grunneigar på GBNR 88/2 og 46 før ein meldte oppstart av planarbeid på deira eigedom. Kommunen er samd i at arealet skal inkluderast i planarbeidet, men meiner dette burde vore gjort på ein betre måte. Grunneigar på same eigedom påpeikar at «miljøgate» tidlegare (i LivOGLystprosjektet) ikkje har vore eit tema, og at nabovarselet framstår som uklart. Svaret frå konsulenten er «merknad mottatt. Ikkje tatt til følgje». Dette meiner rådmannen er ein uheldig måte å behandla sentrale grunneigarar i planområdet på. Rådmannen ønskjer å leggja planen ut til høyring og offentleg ettersyn slik den no ligg føre, men vil påpeike at ein saknar ei tydeleg utgreiing for om KU-plikta utløysast for tiltak i elva, samt at det manglar kotehøgder i føresegnene for parkområdet og interne gangvegar/tiltak. Ein saknar òg detaljar i plankartet for tiltaka kring elva og for flaumsikring i sjølve elva. Ein etterlyser òg kvifor det er lagt fortau på begge sider av vegen frå brua mot mot handelslaget, og om det er tenkt ein eigen gangbru ved brua eller ikkje. Vedlegg: Planomtale, detaljregulering av Strandvik bygdapark, Føresegner, detaljregulering av Strandvik bygdapark Plankart, detaljregulering av Strandvik bygdapark Merknadsskjema v/oppstart Referat frå oppstartmøte Oppstartannonse, detaljregulering av Strandvik Bygdapark Merknad til oppstart - NVE Merknad til oppstart - Kystverket, Merknad til oppstart - Kyrkjekontoret Merknad til oppstart - HFK regionalavdelinga-seksjon for plan Merknad til oppstart - grunneigar 3 av gnr 88 bnr 4,16,46, Merknad til oppstart - grunneigar 2 av gnr 88 bnr 4,16, Merknad til oppstart - grunneigar 1 av gnr 88 bnr 4,16,