Ungdomsrådet 012/

Transkript

1 Sakshandsamar: Helle Holte Bruland Arkivsaksnr: 16/1082 Journalpostnr: 16/18152 Styre, råd, utval Sak nr Møtedato Kommunestyret 010/ Utval for plan og miljø 006/ Råd for seniorar og menneske med nedsett 010/ funksjonsevne Ungdomsrådet 012/ Godkjenning av planprogram for detaljregulering av Vinnesbruddet Godkjenning av planprogram Rådmannen sitt framlegg til vedtak: Fusa kommune godkjenner planprogram for detaljregulering av Vinnesbruddet, datert Vedtaket fattast på vilkår av at det gjennomførast eit folkemøte med naboar og berørte partar som første steg i den vidare framdrifta. Informasjonen og høve til medverknad for alle partar må styrkast i det vidare planarbeidet. Det må i tillegg utarbeidast ein konkret plan for korleis ein vil leggje til rette for informasjon og medverknad i prosessen. Vedtaket heimla i pbl. 1-1, 4-1 og Kommunestyret : Carl Johan Haugen, Frp, stiller spørsmål om sin habilitet då firmaet som han jobbar hos er plankonsulent for dette arbeidet. Han gjekk frå. Arne Holmefjord, Frp, møtte som vararepresentant. Framlegget frå ordførar Atle Kvåle, Ap, om at Carl Johan Haugen Frp, er inhabil, vart samrøystes vedteke. Jf. kommunelova 40 nr 3, jf. forvaltningslova 6. 2.ledd. Tilrådinga frå utval for plan og miljø vart samrøystes vedteke. KOM- 010/2017 Vedtak: Fusa kommune godkjenner planprogram for detaljregulering av Vinnesbruddet, datert Vedtaket fattast på vilkår av at det gjennomførast eit folkemøte med naboar og berørte partar som første steg i den vidare framdrifta. Informasjonen og høve til medverknad for alle partar må styrkast i det vidare planarbeidet. Det må i tillegg utarbeidast ein konkret

2 plan for korleis ein vil leggje til rette for informasjon og medverknad i prosessen. Vedtaket heimla i pbl. 1-1, 4-1 og Utval for plan og miljø : Uttaler frå Ungdomsrådet og senior- og funksjonsrådet vart lagt fram i møtet. Utvalet tilrådde samrøystes at kommunestyret godkjenner rådmannen sitt framlegg. UPM- 006/2017 Vedtak: Utvalet tilrår at rådmannen sitt framlegg vert vedteke. Råd for seniorar og menneske med nedsett funksjonsevne : Følgjande fellesframlegg fremja av Eirin Bergheim vart samrøystes vedteke: Saka vert teke til orientering. RAAD- 010/2017 Vedtak: Saka vert teke til orientering. Ungdomsrådet : Saka vart samrøystes teke til orientering. UNG- 012/2017 Vedtak: Saka vert teke til orientering.

3 Saksframstilling: Vedtaksmynde: Kommunestyret Saksdokument: Framlegg til planprogram for Vinnesbruddet, datert Vedlegg: Sjå nederst i saka Uttale frå fastbuande og hyttebuare i Djupvik, Russhagen og Hyttehaugen Uttale frå Statens vegvesen Uttale frå Fylkesmannen i Hordaland Uttale frå Hordaland Fylkeskommune Uttale frå Direktoratet for mineralforvalting Overordna KU og ROS-analyse for innspel om utviding av masseuttak i Vinnesbruddet (utdrag KU og ROS for arealplan ) Rapport støyfagleg vurdering for Vinnesbruddet Ikkje vedlegg: Tidlegare sakspapir, arbeidsdokument og anna korrespondanse Faktiske opplysningar: Det skal utarbeidast ei detaljregulering for Vinnesbruddet. Tiltaket er delvis i tråd med arealdelen av kommuneplanen, der det har vore satt av 19 daa til råstoffutvinning sidan Dette vart vidareført i ny arealplan frå Kommunen har i oppstartmøtet saman med tiltakshavar vurdert at dei ytre rammene for reguleringsplanen kan omfatta eit større område, totalt 38 daa, med bakgrunn i fordelinga av drivverdige massar i grunnen. Sidan heile området ikkje er satt av til råstoffutvinning i arealdelen skal det utarbeidast eit planprogram - og seinare ei konsekvenutgreiing, jf. pbl 4-2. Ved å leggje planprogrammet ut på høyring , vart det vist politisk vilje i Fusa til å utvida planområdet. Det er kome fleire merknader til planprogrammet i høyringsperioden, og mykje er endra frå det opphavelege dokumentet. Når planprogrammet - med dei endringane som er gjort - no vert godkjent i kommunen, kan formelt sett arbeidet med sjølve reguleringsplanen starta. Planprogrammet skal gjere greie for faktiske tilhøve og for korleis ein vil arbeide med planen. Historikk Kommunen opplever at det er konflikt mellom tiltakshavar/konsulent og berørte partar knytt til planarbeidet. Konflikten verkar å vera særskilt knytt til pågåande aktivitet i området og i planprogrammet til framstillinga av opplysningar om historikk, støy og drift - og til opplegg for medverknad. Naboar og berørte partar påpeiker at dei ikkje vert involverte - eller tilstrekkeleg informerte - og at dei er ueinige i ein del faktaopplysningar i planprogrammet. Kommunen meiner det er uheldig at det ikkje lagt opp til folkemøte med berørte partar i prosessen før etter at planprogrammet er fastsett. Konsekvensutgreiing av område i kommuneplanarbeidet (2014) Området - med den avgrensinga som no er lagt fram med planprogrammet, vart spelt inn til kommuneplanarbeidet i 2013, og innspelet inngjekk dermed i konsekvensutgreiing og risikoog sårbarheitsanalyse (KU og ROS) som vart utarbeidd for arealdelen til kommuneplanen I konsekvensutreiinga av arealdelen gjerast det greie for kva forhold som skal

4 avklarast og kastas nærare lys over i tilknytning til senere regulering av område, jf. plan- og bygningsloven 11-9 nr. 8. I den samla vurderinga under er det nemnt buffersone mot vegen. KU og ROS frå arealplanarbeidet ligg som vedlegg til saka, her er eit utdrag frå side 137; «Samla vurdering Innspelet gjeld utviding/endring av eksisterande masseuttak. Det går ikkje fram av innspelet om det skuldast at uttaket er ferdigstilt i gjeldande kommuneplanområde, eller om eksisterande område vert sett på som mindre eigna. Utvidinga fører avgrensinga av masseuttaket inntil fylkesvegen og til dyrka mark i kjerneområde landbruk, og vil råke skogsområde. Tiltaket vil gje auka nærføring og eksponering mot Fv.122, eksisterande bustader og hyttefelt. Dersom det skal settast av areal til råstoffutvinning, må det stillast krav om reguleringsplan der det vert sett av buffersoner mot vegen. Å behalde avgrensinga frå gjeldande KPA kan vere vel så tenleg. Tilråding Innspelet vert ikkje tilrådd.» Det er ikkje nemnt i det føreliggjande planprogrammet for Vinnesbruddet at det er gjort slike faglege vurderingar av det konkrete området på overordna nivå. Kommunen vil likevel påpeike at det ikkje er avdekt store negative konsekvensar for utviding av området i overordna KU og ROS, og at det er støytilhøva og nærleik til hytter og bustader som utpeikar seg som utfordringar ved utviding av området. Då arealplanen vart utarbeidd tok ein ikkje med utvidinga av arealet på høyring fordi administrasjonen sitt framlegg fulgte faglege tilrådingar frå KU og ROS. For å sikre ryddige prosessar vart det viktig å skilje mellom faglege tilrådingar og politiske val. Politikarane gjorde om på negative faglege tilrådingar fleire stader i kommunen, men ikkje for innspelet på Vinnesbruddet. Innspelet var for lite konkretisert, og det kom ikkje fram at dette arealet var så aktuelt som det framstår som i dag. Kvifor ønsker ein å utvida planområdet? Her er det ei levande bedrift med fleire arbeidsplassar, og den geologiske ressursen er framstilt som anleis fordelt i grunnen enn tidlegare antatt. Dette er nokre av årsakane til at politikarane ønskjer å leggje til rette for denne utvidinga, til tross for at arealet ikkje er i tråd med den nye arealplanen. På bakgrunn av den samla vurderinga i KU og ROS til kommuneplanen(sjå over) der krav til reguleringsplan står som kriterie, og på bakgrunn av synfaring og oppstartmøte i oppstartfasen av prosjektet, er kommunen positive til at reguleringsplanen omfatter eit større areal enn det som er avsett til råstoffutvinning i arealdelen til kommuneplanen. Kommunen har tidlegare påpeika at det er særs viktig med god informasjon, brei medverknad og open dialog med naboar som grunnlag for planarbeidet. Føremålet med planarbeidet Føremålet med planarbeidet er å leggja til rette for drift i masseuttak med føremål å ta ut om lag m3 frå området innafor planavgrensinga over ein periode på 25 år, der ein ønskjer å drive uttak av naturstein med høg grad av bearbeiding. Tiltaket utløyser krav om konsekvensutgreiing, og det vart derfor starta arbeid med planprogrammet i Planprogrammet vart lagt på høyring i juni 2016, og det kom inn fleire merknader mellom anna knytt til støy og medverknad då tiltaket rører ved nærliggjande bustader og hytter.

5 Støy frå drift Det er utarbeidd ein støyrapport av Sweco AS i samband med dispesasjonssøknad til midlertidig drift (sak 16/1067), som no ligg til grunn for vidare planarbeid (sjå vedlegg). Av planprogrammet går det fram at det skal gjennomførast fleire støymålingar som skal leggjast til grunn for planen før den vert godkjent. Kommunen meiner at det bør gjennomførast ein meir konkret støykartlegging som grunnlag for vidare planarbeid, då området for planen omfattar eit større areal en området for dispensasjonssøknaden. Det må opplysast om at det i støyrapporten er sett kryss ved at versjonen er ei «oversending for kommentarer». Handsaming av merknader til høyringsrunden: Planprogrammet vart lagt på høyring i juni Det kom fleire merknader til planprogrammet både frå private og frå dei offentlege høyringsinstansane, og det vart mellom anna påpeika at planprogrammet ikkje gav konkret nok informasjon. Fylkesmannen og fylkeskommunen påpeikar mellom anna manglar rundt medverknad og at det er uheldig å planlegge i strid med KPA. Det planprogrammet som no ligg føre er noko omarbeidd, og det er konkretisert på fleire punkt. Døme: Oppdatert innleiing med gode opplysningar kap. 5. Tilhøve til forskrifter og retningslinjer kap. 6. Handsaming av tema i konsekvensutgreiing Alternativ plassering 0-alternativet er kort beskrive i planprogrammet, og viser til at alternativ plassering av steinuttaket setjast til det som er satt av i KPA som området for masseuttak. Dette området(19 daa) skal vurderast som alternativ til planområdet(38daa) i konsekvensutgreiinga. Kommunen vurderer at det alternativet som beskrivast er eit relevant og realistisk alternativ, jf. 7 i forskrift om konsekvensutgreiingar. Om medverknad for berørte partar i planarbeidet: Nokre punkt er framleis ganske uklåre, og rådmannen meiner derfor at planprogrammet berre kan godkjennast i kommunestyret på visse vilkår. Det er til dømes særs viktig at medverknad og informasjon til berørte partar er god i saka. Eit av føremåla med planprogrammet er å få fastlagd emne som treng merksemd. Rådmannen meiner prosesser knytt til medverknad har fått svært lite merksemd i sjølve arbeidsprosessen med planprogrammet men òg at det står svært lite om dette i den vidare framdriftsplanen. Planprogrammet seier at det skal haldast to felles informasjonsmøte med naboar i prosessen fram til utarbeiding av endeleg plan. Men berre eit møte er skissert i beskrivinga av prosessen vidare - på s.19 under 3a. Det står at desse møta skal gje naboar høve til å koma med innspel i ein tidleg fase slik at dei har reelle høve til å påverke planprosessen - i tillegg til den retten dei har igjennom dei faste høyringsrundane. Men det står ikkje kva tid i prosessen dei berørte partane kan forvente at desse møta skal haldast. Det vert noko uklart kva ein ønskjer at desse møta skal bidra til i planarbeidet. No er planprogrammet allereie oppe til andre handsaming for å godkjennast i kommunestyret i Fusa, og rådmannen meiner at eit av desse folkemøta allereie burde ha vore heldt. Då ein er godt kjend med at det er konflikt knytt til drifta i masseuttaket, burde dette møtet ha vore eit arbeidsmøte der ein søkte samarbeid, dialog og mekling med berørte partar. Dette kan ikkje kommunen sjå at det er gjort forsøk på frå tiltakshavar si side i prosessen med planprogrammet sjølv om kommunen allereie på oppstartmøtet ba om at dette skulle

6 gjerast tidleg i prosessen. Rådmannen foreslår derfor at planprogrammet godkjennast på vilkår. Godkjenning av planprogram på vilkår Vilkåret for at planprogrammet no vert godkjent er at medverknaden i planarbeidet vert styrka i den vidare framdrifta. Naboar og berørte partar må inviterast til dialog før ein går i gang med sjølve reguleringsplanarbeidet. Rådmannen rår derfor til at planprogrammet kan godkjennast i kommunestyret på vilkår av at det haldast eit folkemøte som første steg i den vidare framdrifta for planarbeidet. Vidare ønskjer kommunen å bidra til god saksgang og til konfliktløysing, og viser til uttale frå Fylkesmannen i Hordaland som legg til at dei òg kan bidra inn i saka. Vedlegg: Framlegg til planprogram for detaljregulering av Vinnesbruddet Uttale frå fastbuande og hyttebuare i Djupvik, Russhagen og Hyttehaugen Uttale frå Statens vegvesen Uttale frå Fylkesmannen i Hordaland Uttale frå Direktoratet for mineralforvalting Uttale frå Hordaland Fylkeskommune Overordna KU og ROS-analyse for innspel om utviding av masseuttak i Vinnesbruddet (utdrag KU og ROS for arealplan ) Rapport - støyfaglig vurdering for Vinnesbruddet - Sweco AS