NYTT FRÅ GLEDE OG HJELPE KVARANDRE! STRAUMEN SKULE. Godt nytt år frå alle oss!

Transkript

1 NYTT FRÅ STRAUMEN SKULE PÅ STRAUMEN SKULE SKAL ME GLEDE OG HJELPE KVARANDRE! Godt nytt år frå alle oss! Me er godt i gong med starten på 2019, og det ser ut som me har mykje å glede oss til dette skuleåret óg. Me har hatt over to gode skuleveker allereie. Til og med eit par dagar med leik i snøen. Aktivitet og godlyd boblar då. I oppstarten har me hatt PALS-fokus på å snakke fint. Både til andre og om andre. Og vere høfleg og venleg og hugse å seie «Takk!». Det er eit godt fokus for små og store, og kanskje spesielt no når det er lite sollys og mykje mørke og grå dagar. Men når me hjelp og gleder kvarandre og viser at me er takknemlege for det, så klarar me å lage god stemning likevel. Og så går det fort mot lysare tider kvar einaste dag. Her på Straumen skule har me smilande, glade menneske som helsar, viser omsorg, hensyn, respekt, ansvar og tar i et tak for at andre skal ha det bra. Summen av det me gjer gir det miljøet og dei kvardagane me får. I 2019 skal me fortsetje å halde fokus på dette. Me ser at dette er fokus i heimane i Skjoldastraumen også. Tusen takk for det! Avrundar med eit lite utdrag frå Kong Harald sin fine nyttårstale : «Jeg tror det er viktig å huske på at hver enkelt har en mulighet hver dag til å påvirke både vår egen og andres følelse av verdi og livsglede. For hver og en av oss betyr noe. Til dem som tenker at ingen bryr seg om hva jeg gjør fra eller til, vil jeg si: Akkurat ditt smil kan gjøre en forskjell for et menneske du møter på gaten. Akkurat ditt vennlige ord kan skape en bedre dag for en annen. Og akkurat din omtanke kan utløse nye gode handlinger.» Vennleg helsing Morten Salvesen, rektor

2 Nokre spesielle datoar frå no og fram til sommaren 2019: Tysdag 22. januar: 100-dagarsfest 1.kl. Måndag 28. januar: Planleggingsdag for skule og SFO. Elevane har fri. Torsdag 31. januar: Skulehandballcup. Straumen har med eit jente- og eit gutelag (5.-7.tr) Straumen er også påmeldt fotballcup for barneskular med eit jente- og eit gutelag (5.-7.tr). Her skal 1. runde i gruppespelet vere ferdig før 28. februar. Jentene er i gruppe med Grinde, Førland og Tysværvåg. Gutane med Grinde, Førre 1 og Førre 2. Fredag 8. februar: Georgs magiske medisin (teater på Tysværtunet) for 4. og 5. klasse. Måndag 11. januar: Start «Vinterles» - leseaksjon 11.febr.-24. mars. Tysdag 14. februar: TL-kurs Fredag 15. februar: Samling med 3.-4.klasse Tysdag 19. februar: TL Kick-Off! Fredag 22. februar: Bokstavfest i 1. klasse / Samling?. 3. klasse: Tur til museum i Haugesund. Veke 9 (23.februar-3. mars): Vinterferie. Tysdag 12. mars: TIMSS-test for 5. klasse. TIMSS er internasjonal vurdering av kunnskapene i matematikk og naturfag. Fredag 22. mars: Samling med 2.klasse. Måndag 1. april: Start temaveke: Engelsk. (1.-5. april). Torsdag 11. april: Påskelunsj-samling i gymsalen. Veke 16 (13. april-22. april): Påskeferie. Måndag 29. april: Dansens Dag samling Tysdag 7. mai: Tine-stafetten for 6. og 7. klasse. Torsdag 9. mai: Straumatalenter! Fredag 24. mai: Samling med 1. klasse. Måndag 3. juni: Planleggingsdag for skule og SFO. Elevane har fri. Torsdag 6. juni: Fjelltur til Ørnå. Fredag 7. juni: Avspasering for Open skule og Juleshow på kveld. Skule og SFO stengt. Fridag. Tysdag 18. juni: Junifest. Onsdag 19. juni: NB! Langdag til kl (Ikkje kl slik som vanleg). Torsdag 20. juni: Siste skuledag før sommarferien. NB! Kortdag til kl SFO Open til 1630.

3 Klede, garderobe og HELSE: Sjekk at ungane har nok klede, men heller ikkje for mykje. Samstundes må me be om at ungane ikkje kjem på skulen før dei er heilt friske. På denne tida er det ofte stort fråvær blant elevar og tilsette pga smittsam influensa. Elev-, lærar- og foreldreundersøkinga hausten 2018 Tilbakemeldingane frå elevar, foreldre og lærarar har ein positiv utvikling som me er glad for å sjå. Samstundes ser me og veit me at det er område me kan bli enda betre på. Elevundersøkinga (5.-7.tr) viser at det er betring innan motivasjon, meistring og fagleg utfordring, mens innsats held seg på grønt, men har ein liten nedgang. (Grønt er bra, gult nivå er middels, mens raudt er obs!-nivå). Det er under fanen «Elevane sin interesse for skulearbeid» (gult) både elevar, føresette og lærarar meiner det er potensiale til forbetring. Under «Arbeidsmiljø» er alle felt grøne og viser betre snitt enn i fjor. Men nokon få melder om nokre tilfelle av mobbing. Dei seier dei har blitt kalla stygge ting/ blitt såra. Dette er saker skulen jobbar med. Samt at førebygging av mobbing er noko me generelt har høgt fokus på i skulekvardagane. Difor er det viktig at me alltid snakkar fint til og om kvarandre. Elevane melder elles om at det ikkje er digital mobbing. Under læringsforhold og VFL visar snittet ein positiv auke og held seg på grønt nivå. Elles melder elevane frå om at det ikkje er arbeidsro i alle timar, mens lærarane har betre inntrykk av dette. Meir undervisning med fokus på praktiske oppgåver, språklege eigenskaper og samarbeidsformer trur me kan påverke at det ikkje er heilt stille i timane. Me meiner det oftast er god arbeidslyd, for me legg sjeldan opp til at det skal vere heilt stille. Men me skal forske vidare i dette. Når fristen gjekk ut for foreldreundersøkinga for 1.-7.trinn var det 51% som hadde svart. Tusen takk til dokker! I fjor var det 58%. Neste år slår me rekorden! Me er gledeleg nøgd med svara på foreldreundersøkinga, som er på grønt nivå på alle område. Det viser ei auke i snittet dei tre siste åra frå 4,7 til 4,8 (av 5 mulege) på støtte frå lærarane, frå 4,3 til 4,5 på trygt miljø og frå 4,44 til 4,65 for FAU. Og topp score på 4,9 for SFO. Når det gjeld motivasjon melder også føresette at snittet går ned frå 4,3 til 4,1 når det gjeld interesse for skulearbeidet. Håper me saman kan fortsetje å ha positivt fokus på utvikling i riktig retning her. Me skal i alle fall stå på så godt me kan for å bli betre kvar dag. PS! Skuleruta for skuleåret 2019/2020 ligg no på Straumen skule si heimeside og Facebookside. Den vil også bli sendt på mail, for dei som lurer på korleis det blir. Måndag 19.aug. er første skuledag etter sommarferien. Sjå også referat frå FAU og SU der.

4 Litt endring i personalet på nyåret: Vegard Tønnesen (faglærar 5.-7.tr) er tilbake etter pappapermisjon mellom haustferien-jul. Difor gjekk vikariatet til Anne-Marthe Hovland ut til jul. Nå skal ho vidare og studerer i Kina denne våren. Me takkar for kjempegod innsats, og ønskjer lykke til! Elles er me veldig glad for at Henriette Dale no har fått fast 50%-stilling som assistent. Gledeleg er det også at Jan Øvernes (spes. og SFO-leiar) er tilbake etter ein lengre permisjon før jul. Framover skal også Shada Mohsen ha assistent-praksis her. Elles ser personalet ut slik pr. i dag: Lærarar: Mona Lisa Strømsvold (spes.), Guro Foss Knutsen (7.kl.), Kari Fjellet (6.kl.), Inger Reidun Ekrene (5.kl.), Grete Vestbø (4.kl.), Eva Klungtveit (3.kl.), Sigrun Gjerde (2.kl.), Wenche Veivåg Tveit (1.kl.) og Lene Bjordal (faglærar). Skuleassistentar/SFO: Klara Astrid Asheim, Eva Dalva, Anne Bjørg Lindanger, Hill Lindanger. Helsesjukepleiar (Ny tittel - tidl. helsesyster): Gunn Lien (torsdagar). Adm.: Marit Alcott, sekretær måndagar, tysdagar (oddetalsveker) og torsdagar. Morten Salvesen, rektor. Vedlikehald: Geir Høie (vaktmester her og på Grinde), Nelia Korol (reinhald). Songbok: Oversikt med fellessongar for våren 2019 kjem på mail. Syng dokker glad. Vinterles utvikling av viktig eigenskap Tysvær bibliotek arrangerer leseaksjonen Vinterles for alle skulane i Tysvær fom. 11.febr. 24. mars. Det er sideantal som tel. Les, høyr eller bli lest for eit visst antal sider for å klare graderinga. For at du som går i klasse skal gradera må du: Lesa 150 sider (lyseblått armband). 300 sider (lilla armband) eller 600 sider (gult armband) klasse skal gradera må du: Lesa 100 sider (lyseblått armband), 200 sider (lilla armband) og 350 sider (gult armband). For at du som går i klasse skal gradera må du: Lesa 50 sider (lyseblått armband), 100 sider (lilla armband) og 200 sider (gult armband). Skjema kor elevane skal registrere sidene sine får dei av kontaktlærar før 11. februar. Ute om morgonane Til no har me hatt opent i gongen om morgonane fram til kl. 0830, under føresetnad av at elevane sjølv tek ansvar for at det er ei roleg og god atmosfære der sidan me ikkje har ressursar til å ha tilsyn der på denne tida. Dessverre har det i vinter vore for mykje tull fleire morgonar, så ungane må nå vere ute til det ringjer inn framover. Elevane får gå inn og sette sekken sin i gongen, men så må dei vere ute og leike. Er det svært ønskjeleg å sitje inne før skulestart, så kan elevane fremje sak og kome med forslag til Elevrådet om korleis ei slik eller anna ordning kan fungere. Elevrådet tar det vidare med rektor og personalet. PS! Det er muleg å vere på leksehjelp å lese/gjere lekser på tysdagar og onsdagar. Elles er det no muleg å slå på lyset i ballbingen frå kl Drop-Off/Henting ved p-plass ved barnehagen Minner berre om at drop-off og henting av elevane er lagt til rette på den nye p- plassen ved barnehagen. Dette er den mest trafikksikre staden me skal bruke.

5 Bilete frå nokre av dei fine aktivitetane med elevane i desember og januar.