Velkommen til ein ny Kongleriket sesong!

Transkript

1 2018

2 Velkommen til ein ny Kongleriket sesong! NFF Sogn og Fjordane ønskjer alle miniputtar velkommen til ein ny sesong. Kongleriket turneringar gjev tette arrangement, med godt samspel mellom barn, trenarar og foreldre. Vårt mål er at så mange miniputtar som mogeleg skal få eit flott fotballtilbod og oppleve meistring og trivsel i trening og kamp. I NFF sin HP for er satsing på jenter eitt av tre hovudmål. Kretsen sitt mål er å få med like mange jenter som gutar, og vi vil utfordre kvar einaste klubb til å stille med reine jentelag i Kongleriket. Kontakt kretsen om de vil ha «jentefotballens dag» i din klubb, eller hjelp til rekrutteringsarbeid! Miniputtturnering 2018 Fotballforbundet ønskjer å auka kompetansenivået på trenarar i barne- og ungdomfotballen. I barnefotballen er kurset Barnefotballkveld i regi av kretsen grunnleggande, men eigentleg bør alle barnetrenarar ha forbundet sitt Grasrottrenarkurs. Auka kompetanse er heilt grunnleggjande om vi skal gje borna våra gode fotballopplevingar, meistring og trivsel i kvardagen. Vår nytilsette trenaransvarleg Marius Bøe vil gjerne stille på møte i klubben din for å prate om sportsplanar, kompetanseplanar og korleis din klubb kan få på plass ein trenaransvarleg. Blir vi flinkare blir vi betre. I 2019 vil det bli endringar i Kongleriket konseptet. I 2019 blir alderen 6-9 år, dvs. vi avsluttar eit år tidlegare. 10 års klassen får eige seriespel, slik 11 og 12 åringane har. Dei yngste klassane 5/6-7 skal spele 3-ar fotball i baner med vant og småmål, men 8 og 9 åringane vil framleis spele 5-ar fotball. Vi tilrår klubbane å starte å kjøpe inn miniløkker for 3x3 fotball, og at de nyttar denne spelforma til trening for 5-7 åringane. Kretsen har i samarbeid med vår hovudsamarbeidspartnar Sparebanken Sogn og Fjordane laga retningslinjer for gode arrangement. Kampar og turneringar er ein svært viktig del av barna sin aktivitet, og vi veit at fine opplevingar gjev god motivasjon. Kretsen har ei utviklingsavtale med fylket kring helse og sikkerheit. Vi set difor fokus på viktig haldningsskapande arbeid i kvar turneringsrunde. Arrangørar skal gjennomføre Fair Play, sunne kioskalternativ, «barn hjelper barn» og trafikktrygging. Hjelp oss å sette fokus på tema runde for runde og involver utøvarane. Tida er no inne for å måle krefter med andre, men hugs at over kampen om sigeren står respekten for kvarandre, andre spelarar, leiarar og dommarar. Hugs at Fair Play er meir enn gule og raude kort, det handlar om framferda mot andre. Ha ein feiande flott sesong, og vi vonar at fotballengasjement, glede og flotte arrangement gjer at endå fleire unge får lyst til å vere med. NFF Sogn og Fjordane Robert Endestad Kretsleiar Svein Olav Myklebust Dagleg leiar

3 ar for årets arrangement 1. Søndag 6. mai Hovudfokus: Fair Play Auka fokus på barnefotballtrenaren 2. Søndag 10. juni Hovudfokus: Sunne kioskløysingar 3. Søndag 2. september Hovudfokus: Barn hjelper barn Marius Lenni Bøe er tilsett som ny trenarutviklar i kretsen og ønskjer å bistå klubbane med å auke grunnkompetansen til breiddefotballtrenaren. Marius kjem gjerne til DIN klubb og gjennomfører ein fagkveld for trenarar som inneheld både teori og praksisøkt der vi set fokus på trenarrolla og treningsprinsipp i barnefotballen. Ta kontakt med Marius på telefon , eller e-post mariuslenni.boe@fotball.no 4. Søndag 23. september Hovudfokus: Trafikksikker klubb Vi ønskjer at sunne kioskløysingar, trafikktryggleik og Fair Play er tema på alle turneringar, men vi har eit særskild hovudfokus for kvar turnering. I tillegg vil vi at alle arenaer skal vere røykfrie. 1 tonn

4 Årets arrangementplassar SOGN 1 SOGN 2 SOGN 3 SUNNFJORD 1 Lærdal Sogndal Vik Gaular Aurland Syril Kaupanger Dale Årdalstangen Bjørn Hafslo Høyang Jotun Sogndal Balestrand AHIL Luster, Norane Hyllestad, Atløy, Fure, Viksdalen, Lavik, Kyrkjebø, Vadheim SUNNFJORD 2 NORDFJORD 1 NORDFJORD 2 NORDFJORD 3 Tambarskjelvar Sandane Loen Skavøypoll Eikefjord Vikane Eid Selje Florø Jølster Stryn Stadlandet Førde Breimsbygda Hornindal TMFK Svelgen, Kvammen IL Brodd, Hyen I minifotballen skal det spelast 5ar fotball. NFF Sogn og Fjordane ber om at arrangørane organiserar turneringane med seks baner. Ein kan gjerne spele med ulik storleik på banene, slik at dei minste spelar på mindre bane enn dei største, t.d. variere frå 20x40 og ned til 15x30. Fleire baner gjev meir speletid for laga, og mindre baner for dei minste gjev meir ballkontakt. God organisering gjev altså auka kvalitet. Elles håpar vi at arrangørane kan lage kampoppsett som gjev like mange kampar på kvart lag og at laga får møte nye lag frå andre klubbar, som deltek i turneringa. Miniputtane bør spele minimum 3-4 kampar og minimum speletid bør vere 60 minutt. Oppstryn, Olden, Veten, Heia Bremanger, Haugen, Stårheim, Kjølsdalen, Flatraket, Ålfoten, Leirgulen/Davik, Vi tek atterhald om korrigeringar, sjå

5 Hovudfokus 1 Hovudfokus 2 HOVUDFOKUS SØNDAG 6. MAI: Fair Play Med Fair Play skal vi styrke fotballen si rolle som formidlar av positive verdiar til barn og unge. Fair Play er mykje meir enn gule og raude kort. Det handlar om respekt, og vår framferd på og utanfor bana. NFF Sogn og Fjordane vil vere tilstades med representantar på alle miniputturneringane Tiltak på miniputturneringa: Arrangør har eit hovudansvar for å følgje opp retningslinjer for Fair Play og stimulere til god framferd gjennom eit godt og velordna arrangement. Arrangørane skal bruke kampvertvestar og vere eit godt vertskap for publikum, eigne og gjestande lag. Sjå eigen instruks for kampvertar. Foreldrevettkort skal delast ut. Målet er å påverke foreldre og føresette til å vise ein sunn og fornuftig oppførsel på sidelinja. Les meir om foreldrevettreglane bak i brosjyren. Fair play helsing skal gjennomførast før og etter alle kampar. Laga stiller opp på to rekker på midten i lag med lagleiar/trenar og dommar. Heimelag går forbi og handhelsar. Alle arrangørar bør ha synleg Fair Play profilering på stadion i form av flagg, banner, skilt, o.l. Fair Play logo brukast på invitasjonar, kampoppsett og nettside. Arrangør skal ha fokus på inkludering av barn som av ulike orsaker ikkje har fått invitasjon til å vere med. T.d. kan ungar i asylmottak, flyktningar, nyinnflytta born, born med funksjonshemningar bli invitert. Bruk ressurspersonar i kommunen, lokale mottak, mm som bindeledd. HOVUDFOKUS SØNDAG 10. JUNI: Sunne kioskløysingar NFF Sogn og Fjordane ønskjer å stå for sunne verdiar og godt kosthold. I samarbeid med Sogn og Fjordane Fylkeskommune og Bama tilbyr vi ei sunn kioskløysing, som også gjev god økonomi. Vi oppfordrar alle arrangørar til å tilby sunn idrettsmat for små fotballspelarar på alle miniputtturneringar i På finn de gode oppskrifter, ny inspirasjon og informasjon om dei gode støtteordningane som finst ved sal av sunn idrettsmat. TINE tilbyr i tillegg «smart idrettsmat» for klubbar og lag, der de kan kjøpe produkt til innkjøpspris, hente enkle oppskrifter og gode idéar til sunne kioskløysingar. Bama gir idrettslag 60% refusjon ved kjøp av frukt og grønt, Benditprodukter og smoothies NFF Sogn og Fjordane støttar alle større fotballtiltak (dvs. cupar og turneringar) med opp til kr 500,- (etter rekning). Send inn søknad om refusjon til hildegunn.hove@fotball.no med informasjon om type arrangement, dato og kvittering på innkjøp av frukt. EAT MOVE SLEEP I KONGLERIKET NYTT i 2018! Bama sponsar turneringane i juni med t-skjorte til alle deltakarar. Vi ønskjer at arrangørar har eit ekstra fokus på sunn idrettsmat denne dagen: Hovudfokus «Sunn idrettsmat» i denne runden skal informerast om i invitasjonar som sendast ut, klubben si nettside og i andre kommunikasjonskanalar. Eat Move Sleep logo skal vere påført i invitasjon saman med klubblogo. Utdelt materiell (prislistar, plakatar mm) skal nyttast og vere godt synleg i kiosk og på anlegget Informasjon via speaker Ta bilete av premieutdeling + miniputtane med ny t-skjorte ( sendast krets etter turnering). Ta også bilete av kiosken og utval av sunne kioskvarer. Send gjerne nokre ord til Hildegunn i kretsen etter turnering, på kva erfaringar de har gjort med tiltaket. Vi lagar nettsak på det vi får inn! God reklame for klubben din!

6 Hovudfokus 3 Hovudfokus 4 HOVUDFOKUS SØNDAG 2. SEPTEMBER: Barn hjelper barn HOVUDFOKUS SØNDAG 23. SEPTEMBER: Trafikksikker fotballklubb NFF Sogn og Fjordane vidarefører bistandsprosjektet Barn hjelper Barn i 2018, kor vi rettar fokus på miniputtane i Hong Tien i Vietnam. Hong Tien i Hue-provinsen, ligg midt i eit område kor det var harde kampar under Vietnamkrigen, frå 1954 til Området kryr av ueksploderte bomber og granatar, og dette utgjer eit trugsmål, særleg for barna. Befolkninga i dette området består av ulike minoritetsgruppar og fattigdommen er særs stor. NFF og Football for all in Vietnam (FFAV) har starta fotballklubbar for barna i barneskulen, der barna har fått ein bane å vere på (fri for minar), det er rydda vegar som er trygge å gå på, og barna får opplæring i korleis dei kan oppdage og gjenkjenne miner. Medlemskontigenten er på 60 øre i månaden, men i Hong Tien har mesteparten ikkje råd å betale. I 2011 vart det for første gang arrangert turnering i området, kor barna gikk i opptog på trygge stiar gjennom jungelen for å komme til bana. NFF Sogn og Fjordane utfordrar miniputtlaga i Sogn og Fjordane til å samle inn litt pengar/ arrangere tiltak til inntekt for barna i Hong Tien, gjerne under seriekampar eller andre arrangement i regi av klubben. Hugs å ta bilete frå tiltaka. Tiltaka bør vere avslutta til 01.09, men det er sjølvsagt lov å arrangere tiltak også seinare. I runde 2, den 02.09, vil NFF Sogn og Fjordane ha eit eige opplegg på våre 8 turneringar. NFF Sogn og Fjordane får med gode samarbeidspartnarar til å løyve kr.1,- pr.scoring, kor pengane uavkorta går til prosjektet i Hong Tien. Vi håpar også at arrangørar kan sette ekstra fokus på prosjektet denne dagen. Meir info blir gitt i eiga brosjyre. NYTT! No kan klubben din få ein eigen venskapsklubb i Vietnam! Målet er å få nye vener på tvers av landegrenser og få ei felles forståing for ulike kulturar og levesett. Ta kontakt med Hildegunn i NFF Sogn og Fjordane, hildegunn.hove@fotball.no, tel: , for meir informasjon, eller sjå Konto for innsamla midlar: NFF Sogn og Fjordane samarbeider med Fylkestrafikktryggingsutvalet og Trygg Trafikk om å gjere transport til og frå trening og kamp så trygg og god som mogeleg. Sjå meir om vårt tryggleiksarbeid på vår heimeside Ein arrangør må ha fokus på følgjande: Parkering Alle miniputtarrangørar skal fokusere på trygg og ordna parkering. Parkeringsvakter skal ha vestar og syne veg til trygg og ordna parkering. Bilar på kryss og tvers, kombinert med små ivrige fotballspelarar er ein farleg kombinasjon. Arrangørar kan bli nekta å få terminfesta turnering, om dei ikkje kan syte for parkeringsareal med aktive parkeringsvakter. Spot Kvar arrangør vil i forkant av arrangementet få tilsendt ein trafikktryggleiks spot med oppfordring om bruke bilbelte. Denne skal lesast opp 2-3 gonger i løpet av arrangementet, og spesielt før heimreise. Logo og materiell Bruk Trygg Trafikk logo på invitasjonar og anna materiell som blir delt ut i samband med turneringa. Dersom de får tildelt anna materiell frå kretsen før turneringa, skal også dette nyttast. Trafikkonkurranse I samarbeid med Trygg Trafikk arrangerer kretsen ein bildekonkurranse med tema «Trygge miniputtar». Det blir kjempeflotte pengepremiar og trafikktryggingsutstyr til dei beste tiltaka. Tips for ei god og trygg reise 1. Kollektiv transport til kamp Bruk klubb-buss eller fast avtale buss/drosjeselskap 2. Ved privat køyring/foreldrekøyring til kamp Ansvarleg reisekoordinator Køyr i følgje Bruk erfarne sjåførar Ha god tid til kamp. Køyr til avtalt tid. Somling skapar stress. Bruk bilbelte Sei ifrå Alkohol/rus og idrett høyrer ikkje saman Ikkje driv øvingskjøring med andre spelarar i bilen

7 God planlegging er halve gleda FØR TURNERING Invitasjon til laga minimum 14 dagar før. - Bruk tilsendt invitasjonsmal frå NFF Sogn og Fjordane for utsending - Det skal inviterast til reine gut/jenteklassar i 6,7,8,9 og 10 år. Kun unntaksvis kan ein stille med blanda lag. - Prøv gjerne å få med nye lag! - Femåringane kan inviterast! Planlegg annonsering/kunngjering og omtale i media Merk opp banene Planlegg kioskdrift (frukt/grønt) Klubben skal ha motteke 8 ballar til turneringa frå NFF Sogn og Fjordane. Ballane er av merke NIKE og blir sponsa av Sparebanken Sogn og Fjordane Premiar til miniputturneringa skal bestillast av arrangør via ei ny nettbutikkløysing minimum 5 veker før turneringa startar. Nettbutikken finn du her: Informasjon og rettleiing skal vere informert om før sesongen og de finn også informasjon på nettsida vår, Avtal med speaker Planlegg trygg parkering -ha parkeringsvakter med vest Varsle vakthavande lege om turneringa - Sjekk ut kven som er kretsen sin representant. Ver godt vertskap. Hente profileringsutstyr frå Sparebanken Sogn og Fjordane etter avtale. Varsle vakthavande lege om turneringa. Førstehjelpsutstyr og kontaktinformasjon til næraste legekontor/sjukehus skal vere lett tilgjengeleg Dommarane skal ha gjennomgått klubbdommarkurs før turneringsstart, ta kontakt med dommarutviklar i kretsen, Yngve Håkonsen, tlf: , yngve.hakonsen@fotball.no for meir informasjon. 40m 40m 20m 20m 20m ARRANGEMENTET Kampvertar med vestar Arrangør ønskjer laga velkommen Gode og reine garderobar Kiosk med fruktsal Organisert parkering God speakerteneste Heng opp flagg (klubbflagg, norske flagg) Hugs Fair Play tiltak Banene må haldast reine (boss, toalett osv.) Førstehjelpsutstyr (båre etc.) Profileringsutstyr som arrangør mottek frå NFF Sogn og Fjordane og Sparebanken Sogn og Fjordane skal plasserast godt synleg Arrangør skal syte for at dommarane brukar tilsendte t-skjorter frå kretsen BANENE Seks godt merka minibaner. Dei yngste (6-7 år) miniputtane bør spele på mindre bane enn dei største (8-10 år) Vrimleplass i midten av banene Gode og veltesikre mål. Bruk 2x5m, men 3x2m og 2x4m kan òg nyttast Nok ballar til kamp og oppvarming KAMPGJENNOMFØRING Sikre ca. 1 time speletid samla, td. ved 4 x 13 minutts kampar Sikre at laga får møte motstandarar frå andre klubbar Legg vekt på jamn motstand Legg vekt på likeverdig tilbod på gute/jenteseriar Ikkje bruk resulatservice NB! Alle skal spele like mykje, og det skal rullerast på startoppstilling. Topping av lag er ikkje tillete Det skal helst ikkje vere innbytarar i Kongleriket Miniputt. Det skal vere høg aktivitet for den enkelte spelaren. Ruller heller på at enkelte spelarar kan få spele på fleire lag dersom det er naudsynt.

8 Foreldrevettreglar Våre miniputtarrangement er sjølvsagt røykfrie! Enten du er mor, far, bestemor, bestefar eller fotballinteressert. Ver ein god rollemodell, og hjelp oss å holde fotballarrangementa røykfrie. 1. Støtt opp om arbeidet til klubben - gjennom foreldremøter blir verdisynet til klubben forankra. 2. Møt fram til kampar og treningar - du er viktig både for spelarane og miljøet. 3. Gi oppmuntring til alle spelarane i med- og motgang - det gir tryggleik, trivsel og motivasjon til å bli verande i fotballfamilien lenge. 4. Vi har alle ansvar for kampmiljøet - gi ros til begge lag for gode prestasjonar og Fair Play 5. Respekter at trenaren leier kampen - konstruktiv dialog om gjennomføring kan du ta opp med trenar og klubb i etterkant. 6. Respekter avgjerdene til dommaren - sjølv om du av og til er ueinig 7. Det er ditt barn som spelar fotball, ver positiv og støttande - då er du ein god medspelar TRENINGSTIPS: Bruk få spelarar på kvart lag i treningssamanheng Unngå lange køar på trening - involver barna Gje alle barn lik merksemd Leik, trivsel og utvikling er viktigare enn kampresultat Ein leikprega barnefotball stimulerer ungane til eigenaktivitet Treningstilbod kan gjevast året rundt 1 tonn Vi står saman om Fair Play Norsk Tipping og Norges Fotballforbund

9 Hjelp barnet ditt med å nå draumen sin Som kunde i Sparebanken Sogn og Fjordane blir barnet automatisk medlem i det populære Kongleriket. I Kongleriket skjer det spennande ting som Kongledag, Konglekino og mykje meir som barnet kan delta på. Sjå meir på