Teknikk og konsentrasjon viktigast Karoline Helgesen frå Bodø er bare 13 år, men hevdar seg likevel godt i bowling der teknikk og konsentrasjon er viktigare enn rein styrke. Ho var ein av dei yngste finalistane i NM i bowling i januar. Steinar Sund Figur 1 Karoline Helgesen kjem frå Bodø og er bare 13 år. Ho har spelt bowling i 1 ½ og er likevel god nok til å spele mot dei aller beste under Noregsmeisterskapen for juniorar. I bowling er teknikk mykjer viktigare enn styrke. Karoline kom seg greitt gjennom både dei innleiande rundane. Etter mellomspelet var ho ganske nøgd med si eige innsats. Eg er litt nøgd, seier ho utan den heilt store begeistringa. Etter mellomspelet ligg ho på ein 6.plass som likevel er nok til å sikre henne plass i finalen. Ho synst turneringa så langt har gått greitt. Karoline har ikkje spelt bowling spesielt lenge. Eg har spelt i 1 ½ år, seier ho og skuldar på mor si som fekk henne interessert i sporten.
Mamma har spelt bowling sjølv, seier ho. Ho fortel at ho starta å trene meir og meir. No trener eg tre timar i veka og speler cup kvar torsdag, seier ho. Det er eit bra bowlingmiljø i Bodø. Men det er ikkje så mange juniorar, legg ho til. Halvvegs nøgd Figur 2: Line Berg Almestrand frå Ringerike er 14 år og er med på Team Junior, der dei 10 mest lovande unge spelarane har vorte teke ut. Ho var regjerande noregsmeister, men måtte ta til takke med ein sølvmedalje dette året. Heimefavoritten Line Berg Almestrand (14) frå Ringerike er ikkje spesielt nøgd med eiga innsats etter at ho låg på ein annenplass før den avgjerande finalerunden. Eg er halvvegs nøgd, seier ho og synst likevel det er bra at ho kom til finalen. Almestrand er i dag ein av dei mest lovande unge bowlingspelarane i Noreg og er med i Team Junior der dei beste unge juniorspelarane i Noreg er teke med. Det gjekk så dårleg på fredag, seier ho og siktar til dei innleiande rundane. No har ho spelt seg opp og vonar det skal gå betre i finalen. Det er jo finalen som avgjer, eg vonar å auke på, vi får sjå korleis det går, seier ho.
Figur 3: Line var ikkje heilt nøgd etter dei innleidande rundene. Ho spelte seg mykje opp i mellomspelet og fekk inn fleire velretta kast. Av gutane er Øyvin Kulseng (14) frå Larvik den store favoritten. Etter mellomspelet har han ein leiing på 37 poeng på Stian Hoff frå Orkla som er næraste konkurrenten. Han er svært nøgd så langt. Eg er jo nøgd når eg leider etter mellomspelet, gliser han. Den unge bowlingspelaren har drive med bowling sidan han var 9 år.
Figur 4 Øyvin Kulseng (14)frå Larvik BK tok ein klår siger i klassen for yngre gutar. Han har drive med bowling sidan han var 9 år gamal. Må ha balltalent Pappa har spelt lenge. Eg synst det var gøy og starta å trene, seier han. No trener han 3-4 gongar i veka. Han meiner teknikk er svært viktig får verte ein god bowlingspelar. Du må ha eit godt balltalent, seier han og meiner det er viktig å kunne handsame den store bowlingballen på riktig måte slik at ein treffer akkurat der ein skal. Konsentrasjonen og det psykiske er svært viktig, seier han. I bowling er det ikkje så viktig å vere sterk. Teknikk og konsentrasjon er mykje viktigare. Ein kan vere ein like god bowlingspelar sjølv om ein er litt pinglete, forklarer Nils Elsrud, som er leiar i Ringerike Bowlingklubb. Bowling er difor ein sport som passar for alle, store som små, gutar like vel som jenter. Bowlingbanar og bowlinghallar finst det mange stadar i Noreg, men det er ikkje så mange aktive bowlingspelarar. Det er om lag 3000 aktive spelarar, seier Elsrud som gjerne vil ha med fleire både i hans eigen klubb og i dei andre klubbane rundt om i landet. Under noregsmeisterskapen for yngre og eldre
juniorar i Hønefoss i januar var det med totalt 98 deltakarar frå heile landet. Dei yngre juniorane er i alderen 13-16 år, medan dei eldre er 17-18 år gamle. Nokre fakta om bowling Spelet er urgamalt og vart spelt i det gamle Egypt allereie for rundt 4000 år sidan. Det finst om lag 100 millionar bowlingspelarar i verda i dag og bowling er eit av dei mest populære spela i verda. Den første bowlingbanen kom til Noreg i 1960 og vart bygd i Bergen. I dag finst det meir enn 100 bowlinghallar her i landet. Bowling er ein populær fritidssysle, men som aktiv sport er ho ikkje blant dei mest populære her i landet. Ein bowlingbane skal vere 60 fot lang og i enden av banen skal det vere 10 kjeglar som ein skal kaste overende med ein stor bowlingball. Greier ein alle 10 i eitt kast, kallast det strike og ein får 10 poeng og to bonuskast. Om ein ikkje greier alle i eitt kast, får ein kaste ein gong til. Er alle 10 velta da, får ein 10 poeng og eitt bonuskast. Elles får ein eit poeng for kvar velta kjegle. Bowling spelast i seriar på 10 kast pluss eventuelle bonuskast. I turneringar speler ein gjerne 6 seriar og legg saman poeng.