MØTEINNKALLING SAKLISTE. Sak nr. Arkivsak nr. Tittel 39/12 12/601 Protokoll: BUDSJETT 2013, ØKONOMIPLAN 2013-2016 - UTTALE

MØTEINNKALLING Utval: UTVAL FOR PLAN OG UTVIKLING Møtestad: Rådhuset - møterom 3 Møtedato: 04.12.2012 Tid: 12.30 Varamedlemmer møter berre etter nærare innkalling SAKLISTE Sak nr. Arkivsak nr. Tittel 39/12 12/601 Protokoll: BUDSJETT 2013, ØKONOMIPLAN 2013-2016 - UTTALE 40/12 12/874 Protokoll: Søknad til næringsfondet Kunstbygda Balestrand 41/12 12/879 Protokoll: Gebyr 2013 Renovasjon og slamtømming 42/12 12/816 Protokoll: REGULATIV FOR BRUK AV KOMMUNAL KAI 2013 43/12 12/883 Protokoll: Bustadpolitisk plan 44/12 12/890 Protokoll: Søknad om stønad frå næringsfondet - prosjektet pilegrimsvandring 45/12 12/867 Protokoll: KULTURPRISEN - VEDTEKTER 46/12 12/919 Protokoll: Søknad om konsesjon for ovetaking av fast eigedom YMSE Balestrand 04.12.2012 Sigrun Marit Dale Leiar

Sak 39/12 MØTEBOK Sak nr.: Utval Møtedato 56/12 Formannskapet 18.10.2012 27/12 Utval for oppvekst og omsorg 13.11.2012 28/12 Utval for plan og utvikling 13.11.2012 63/12 Formannskapet 15.11.2012 28/12 Utval for oppvekst og omsorg 04.12.2012 39/12 Utval for plan og utvikling 04.12.2012 73/12 Formannskapet 06.12.2012 Sakshandsamar: Arne Abrahamsen Arkiv: 151 Arkivsaknr.: 12/601 Protokoll: BUDSJETT 2013, ØKONOMIPLAN 2013-2016 - UTTALE Vedlegg: Rådmann sitt arbeidsgrunnlag av 09.10.2012 tekstdel Korrigering av rådmann sitt arbeidsgrunnlag av 09.10.2012, del VI Detaljbudsjett - rådmannen sitt arbeidsgrunnlag av 09.10.2012 Oversyn over økonomiplan 2013-2016, 23.10.12 Endringsliste frå rådmannen, 05.11.2012 Tiltaksliste over mogelege nye tiltak, 05.11.2012 Investeringsbudsjett 2013-2016, 05.11.2012 Budsjettnotat nr. 1 Interne vurderingar for skulesektoren Sagatun skule uttale budsjett 2013, datert 30.10.2012 Nesse skule uttale budsjett 2013, Fjordtun skule uttale budsjett 2013, datert 31.10.2012 Yttarlegare tiltak Sagatun skule Konsekvensutgreiing Uttaler Fjordane Gredalag 22.11.2012 NFU lokallag Balestrand og Vik, 19.11.2012 Bakgrunn: Formannskapssak 56/12, 18.10.2012 Formannskapssak 63/12, 15.11.2012 Lovheimel: Kommunelova 44 og 45 SAKSOPPLYSNINGAR Formannskapet handsama budsjettet i sak 63/12 i møte 15.11.2012:

Sak 39/12 1. Formannskapet vedtek å leggje ut på høyring: Rådmann sitt arbeidsgrunnlag av 09.10.2012 tekstdel Korrigering av rådmann sitt arbeidsgrunnlag av 09.10.2012, del VI Detaljbudsjett - rådmannen sitt arbeidsgrunnlag av 09.10.2012 Oversyn over økonomiplan 2013-2016, 23.10.12 Endringsliste frå rådmannen, 05.11.2012 Tiltaksliste over mogelege nye tiltak, 05.11.2012 Investeringsbudsjett 2013-2016, 05.11.2012 Det vert vist til kommunelova 44og 45. 2. Framlegget skal leggjast ut på høyring i tidsrommet 16.11.12-01.12.12 på fylgjande stader: Balestrand Rådhus Balestrand folkebibliotek Nessane sambrukshus Fjordtun oppvekstsenter Framlegget vert sendt fylgjande organ til uttale: Råd for eldre og menneske med nedsett funksjonsevne Balestrand ungdomsråd Balestrand sokneråd Samrøystes. Det er lagt opp til at utvalet kan gje eigen uttale før budsjettet vert handsama samla av formannskap og kommunestyret. Det vert vidare vist til vedlagde dokument. Uttaler som kjem inn etter utsending vert lagt fram for utvalet i møtet. Rådmannen si tilråding: Handsaming: Utval for oppvekst og omsorg: Sak om Budsjett 2013, økonomiplan 2013 2016 vart drøfta og representant for venstre la fram følgjande framlegg som utvalet samla seg om:

Sak 39/12 UOO tek rådmann sitt budsjettforslag til orientering. Vi ber om at administrasjonen arbeider vidare med tiltak på utgift og inntektssida. Vedtak: UOO tek rådmann sitt budsjettforslag til orientering. Vi ber om at administrasjonen arbeider vidare med tiltak på utgift og inntektssida. Samrøystes Handsaming: Utval for plan og utvikling: Utval for plan og utvikling drøfta saka, og kom samla fram til følgjande vedtak. Vedtak: Utval for plan og utvikling er opptekne av å gi gode tenester til innbyggarane i Balestrand kommune. Budsjett 2013 og økonomiplanen 2013-2016 er krevjande å få i balanse. Driftsnivået innanfor fleire område er for høgt, og ein har aukande pensjonsutgifter i åra som kjem. Utval for plan og utvikling tek rådmannen sitt forslag til orientering, og ber om vidare arbeid med både inntekts- og kostnadsside. Ungdomsarbeid bør ikkje reduserast. Det bør vere høgt fokus på å auke inntektene til kommunen. Utvalet ber difor om utgreiing av å utvide eigedomsskatt til heile kommunen snarast. Samrøystes. Handsaming: Utval for plan og utvikling: Representanten Sigrunn Dale gjorde følgjande framlegg til uttale: Utval for plan og utvikling ser at den økonomiske situasjonen for Balestrand kommune er krevjande, og det er nødvendig å gjennomføre endringar med varig effekt i fleire sektorar for å gje kommunen attende økonomisk handlefridom. Som eit ledd i dette tilrår utvaletat det vert utgreidd å innføre eigedomsskatt for heile kommunen. Utgreiinga må spesifisere mogeleg inntektspotensiale av ei slik ordning samt kostnader knytt til etableringa. Utgreiinga bør vere klar innan 2013.

Sak 39/12 Det må vidare utarbeidast ein samla plan over vedlikehaldsbehov, utleigefrekvensar m.v. for kommunal eigedomsmasse. Denne planen skal gje grunnlag for ei vidare vurdering av behov for kommunale eigedomar samt vedlikehaldsplan. Utvalet er av den oppfatning at ein ikkje kan ta bort alle midlar til ungdomsarbeid. Ein må difor tilbakeføre i budsjettet ein sum som minimum sikrar at ungdomsklubben kan haldast open. Over tid bør ein styrke dette arbeidet ytterlegare. Utvalet tilrår vidare at det i budsjettet vert sett av midlar til å imøtekomme ein del av søknadene som føreligg om tilskot til kultur og idrett heilt eller delvis. Utvalet røysta over dette framlegget. Det vart samrøystes vedteke. Vedtak: Utval for plan og utvikling ser at den økonomiske situasjonen for Balestrand kommune er krevjande, og det er nødvendig å gjennomføre endringar med varig effekt i fleire sektorar for å gje kommunen attende økonomisk handlefridom. Som eit ledd i dette tilrår utvalet at det vert utgreidd å innføre eigedomsskatt for heile kommunen. Utgreiinga må spesifisere mogeleg inntektspotensiale av ei slik ordning samt kostnader knytt til etableringa. Utgreiinga bør vere klar innan 2013. Det må vidare utarbeidast ein samla plan over vedlikehaldsbehov, utleigefrekvensar m.v. for kommunal eigedomsmasse. Denne planen skal gje grunnlag for ei vidare vurdering av behov for kommunale eigedomar samt vedlikehaldsplan. Utvalet er av den oppfatning at ein ikkje kan ta bort alle midlar til ungdomsarbeid. Ein må difor tilbakeføre i budsjettet ein sum som minimum sikrar at ungdomsklubben kan haldast open. Over tid bør ein styrke dette arbeidet ytterlegare. Utvalet tilrår vidare at det i budsjettet vert sett av midlar til å imøtekomme ein del av søknadene som føreligg om tilskot til kultur og idrett heilt eller delvis. Samrøystes.

Sak 40/12 MØTEBOK Sak nr.: Utval Møtedato 40/12 Utval for plan og utvikling 04.12.2012 Sakshandsamar: Johannes Sjøtun Arkivsaknr.: 12/874 Arkiv: U01 Protokoll: Søknad til næringsfondet Kunstbygda Balestrand Vedlegg: Søknad datert frå interimsstyret i Kunstbygda datert 21.11.2012 Prosjektrapport forprosjekt Bakgrunn: Lovheimel: SAKSOPPLYSNINGAR Det er gjennomført eit forprosjektarbeid «kunstbygda Balestrand» for å kartlegge potensialet og vurdere grunnlaget for ei permanent organisering, slik at kunstbygda kan bli ei jurdidisk eining i tillegg til eit begrep. Balestrand kommune har vore prosjekteigar, prosjeket har vore organisert gjennom Balestrand reisleiv BA med Anne Randi Farnes som prosjektleiar. Prosjektarbeidet har i hovudsak vore finansiert med kr 150.000 frå Sogn og Fjordane fylkeskommune og kr 50.000 frå Balestrand kommune. Forprosjektrapporten inneheld mellom anna framlegg til organisasjonsmodell og strategiar på ulike felt for korleis kunstbygda kan utviklast vidare. I første omgang tenker ein seg eit 3-årig prosjekt deretter er målet at Kunstbygda skal leve vidare som ei sjølvstendig eining. Styringsgruppa i forprosjektet gjer framlegg om alt no å skipe eit aksjeselskap der styret knyter til seg forskjellige temagrupper. Den overordna målsetjinga er å styrke Balestrand og regionen sin posisjon som attraktiv og berekraftig reisemål innan kunst og kultur. Kunstbygda Balestrand AS må ha eit overordna kommersielt fokus. Selskapet skal såleis legge vekt på å sikre sin framtidige eksistens gjennom å utvikle salgbare opplevingsprodukt innan kunst og kultur. Det er no etablert eit interimsstyre som arbeider for å få skipe aksjeselskapet Kunstbygda Balestrand A.S i samsvar med intensjonane ovanfor. Strategien er å komme i gang med ei halvårleg finansiering i første omgang, og så gjennom konkret arbeid og gode planar dokumentere livets rett vidare framover. Ein må søkje om prosjektbasert finansiering etter kvart, mellom anna frå Innovasjon Norge. Interimsstyret søkjer næringsfondet kr 150.000 til delfinansering av investeringar og aktivitet som framgår av søknaden.

Sak 40/12 Finansieringsplan første halvår: Næringsfondet kr 150.000 Eigne midlar kr 95.000 Eigeninnsats kr 85.000 SUM kr 330.000 VURDERING Ein vurderer «Kunstbygda Balestrand AS» til å vere ei spenstig satsing med stort potensiale. Samtidig er det også stor risiko for ikkje å lukkast. For å kunne ha eit visst nivå på aktiviteten, vil ein truleg vere avhengig offentleg støtte også utover den planlagde prosjektperioden på 3 år. Slik støtte er mogeleg å oppnå ved å ha gode planar og i tillegg kunne dokumentere både gjennomføringsevne og vilje. Potensialet til utvikling vert styrka gjennom bygda si erfaring frå tidlegare gjennomførde kunstbygdaprosjekt, lokale kunstnarar, Balestrand som turiststad samt kontaktar og mogelege samarbeidspartar utanfor Balestrand. Dersom ein lukkast å etablere ein organisasjon som kan leve over tid i samsvar med intnesjonen, kan aktiviteten skape betydelege økonomiske verdiar for lokalsamfunnet:. - fleire overnattingdsdøgn for reiselivsnæringa. - auka omsetning, aktivitet og fokus for lokaler kunstnarar. - miljø som kan stimulere og hjelpe til med nyetableringar innan kunst. I tillegg kan tiltaket bidra til auka trivsel så vel som omdømebygging og stoltheit i bygda. Ein registerer positiv vilje og engasjement frå fleire hald for å realisere «Kunstbygda» A.S. Både fordi det ligg eit stort potensiale i dei føreliggjande planane, og fordi det i alle høve vil bli skapt verdiar for lokalsamfunnet, tilrår ein at søknaden om kr 150.000 frå næringsfondet vert innvilga. Disponibelt beløp i næringfondet før dagens møte er kr 408.942 Rådmannen si tilråding: Balestrand kommune yter eit tilskot frå næringsfondet på kr 150.000 til Kunstbygda Balestrand AS. Fullfinansiering i samsvar med søknad er ein føresetnad. Handsaming: Utval for plan og utvikling: Utvalet røysta over rådmannen si tilråding. Vedtak: Balestrand kommune yter eit tilskot frå næringsfondet på kr 150.000 til Kunstbygda Balestrand AS. Fullfinansiering i samsvar med søknad er ein føresetnad. Vedteke (3 mot 2).

Sak 41/12 MØTEBOK Sak nr.: Utval Møtedato 41/12 Utval for plan og utvikling 04.12.2012 78/12 Formannskapet 06.12.2012 / Kommunestyret Sakshandsamar: Åge Skrede Arkivsaknr.: 12/879 Arkiv: M50 Protokoll: Gebyr 2013 Renovasjon og slamtømming Vedlegg: Bre til kommunane om gebyr 2013. Bakgrunn: Lovheimel: SAKSOPPLYSNINGAR Representantskapet i SIMAS har vedteke å auke renovasjonsgebyret med 2 % og redusere slamgebyret med 10 % for 2013. Balestrand har i dei fem siste åra hatt eit høgare renovasjonsgebyr enn SIMAS for å dekke inn eit negativt fond. Dette fondet var ved utgangen av 2010 på -177.000 og ved utgangen av 2011 på -241.000. Årsaka til at fondet aukar trass i høgare renovasjonsgebyr er at drifta av miljøstasjonen går i minus. Ein vurderer no å endre på regnskapspraksisen ved å føre utgiftene til drift av miljøstasjonen direkte på uteseksjon. VURDERING Balestrand kommune må framleis ha eit høgare gebyr enn SIMAS for å oppnå balanse i renovasjonsfondet. Med same prosentvise auke som SIMAS vil eit standardabonnement stige frå 2 778,- + mva til 2 834,- + mva. For å få fortgang i nedbetaling av det negativ fondet vil ein tilrå å auke gebyret for Balestrand med 5% på linje med andre gebyr. Eit standardgebyr vil då komme på 2 917,- + mva. Rådmannen si tilråding: Satsane for renovasjon i Kapittel 6 i "Betalingsregulativ for gebyr etter ureiningslova 26 og 34 - renovasjon og kloakkslam" vert auka med 5 % frå 2012 til 2013.

Sak 41/12 Satsane for slamgebyr Kapittel 7 i "Betalingsregulativ for gebyr etter ureiningslova 26 og 34 - renovasjon og kloakkslam" vert sett ned 10 % frå 2012 til 2013. Handsaming: Utval for plan og utvikling: Utvalet røysta over rådmannen si tilråding. Vedtak: Satsane for renovasjon i Kapittel 6 i "Betalingsregulativ for gebyr etter ureiningslova 26 og 34 - renovasjon og kloakkslam" vert auka med 5 % frå 2012 til 2013. Satsane for slamgebyr Kapittel 7 i "Betalingsregulativ for gebyr etter ureiningslova 26 og 34 - renovasjon og kloakkslam" vert sett ned 10 % frå 2012 til 2013. Samrøystes.

Sak 42/12 MØTEBOK Sak nr.: Utval Møtedato 34/12 Utval for plan og utvikling 13.11.2012 42/12 Utval for plan og utvikling 04.12.2012 75/12 Formannskapet 06.12.2012 / Kommunestyret Sakshandsamar: Arne Abrahamsen Arkivsaknr.: 12/816 Arkiv: 231 P24 Protokoll: REGULATIV FOR BRUK AV KOMMUNAL KAI 2013 Vedlegg: Framlegg til regulativ for bruk av kommunal kai for 2013 Bakgrunn: Lovheimel: SAKSOPPLYSNINGAR Kommunen fastset betalingssatsane for bruk av kommunal kai i samband med budsjettet kvart år. I vedlagd framlegg til satsar er ca 5% prisauke nytta. For nokre punkt er satsane avrunda og dels sett opp mot auken året før. Saka var handsama i møte i UPU 13.11.2012. Ein har etter dette vurdert behov for å få eit nytt punkt i regulativet før dette vert endeleg vedteke i kommunestyret i desmber. Saka vert difor lagt fram på nytt der det er føreslege eit nytt punkt i regulativet (punkt 4). Dette gjeld for mindre båtar som driv næring, og som kan få nytte plass i småbåthamna etter særskild avtale. Det er føresett at avtalen må vere minimum 1 mnd. Det vil også bli lagt opp til at slike båtar må ligge på tilvist plass, og også må kunne flytte på seg ved stor på gang av ordinære gjestebåtar. VURDERING Den innlagde auken følgjer i hovudsak kommunen sine generelt auka kostnader til løn, utstyr, materiell og andre driftsmiddel. Det er sjølvsagt mogeleg å fastsetje andre prisar og også prosentvis ulike prisendringar frå sats til sats. I det nye punktet med ein eigen leigesats for denne typen næringsdrivande, som tilbyr turar på fjorden og liknande til turistar, kan kommunen tilby ein langt rimelegare leigepris enn gjeldande regulativ opnar for. Omfanget av den ordinære bruken av gjestehamna gjer at dette

Sak 42/12 kan la seg gjennomføre med ein viss tilpassing og tilrettelegging. Erfaringane med ordninga kan vurderast når som helst om ein finn det naudsynt. Rådmannen si tilråding: Balestrand kommune fastset betalingssatsane bruk av kommunal kai for 2013 i samsvar med vedlagd regulativ for kaileige 2013. Handsaming: Utval for plan og utvikling: Siv Lidal reiste spørsmål om ho var ugild sidan ho er ein av to som i dag har båt i småbåthamna som det nye punktet i betalingsregulativet vil gjelde for. Ho gjekk i frå, medan det vart røysta over habilitet. Siv M. Lidal er ugild. Samrøystes (4 av 4). Tilråding: Balestrand kommune fastset betalingssatsane bruk av kommunal kai for 2013 i samsvar med vedlagd regulativ for kaileige 2013. Samrøystes ( 4 av 4)

Sak 43/12 MØTEBOK Sak nr.: Utval Møtedato 43/12 Utval for plan og utvikling 04.12.2012 92/12 Formannskapet 06.12.2012 Sakshandsamar: Johannes Sjøtun Arkiv: 131 Arkivsaknr.: 12/883 Protokoll: Bustadpolitisk plan Vedlegg: Bakgrunn: Lovheimel: Søknad til Husbanken om deltaking i «bustadbygging i distrikta». Avtale mellom Balestrand kommune og Husbanken SAKSOPPLYSNINGAR Balestrand kommune har i 2012 etter søknad fått høve til å delta i satsinga «bustadbygging i distrikta» i regi av KRD/Husbanken. Ordninga held fram i 2013 og 2014. Dette gjev oss mellom anna høve til å vere med å teste ut tilskottsordning, delta i erfaringsutveksling og på andre måtar få støtte og innspel til arbeidet med ein «bustadpolitisk plan». Saka var drøfta på møte i UPU 13.11.2012. Med bakgrunn i desse drøftingane har ein no laga eit framlegg til oppbygging av planen, samt rammer og framdriftsplan for arbeidet. Framlegg til oppbygging av planen 1. Bakgrunn 2. Statistisk materiale 3. Behov og mogelegheiter 4. Strategiar og tiltak 5. Forankring Nedanfor følgjer nokre moment som kan vere aktuelle å drøfte nærare og eventuelt ta med i det vidare planarbeidet. 1. Bakgrunn for planen Det har viser seg at det frå tid til annan kan vere vanskeleg å finne tenleg bustad for folk som vil busetje seg i Balestrand, eller som bur her frå før og har behov for endring. Det er sjølvsagt

Sak 43/12 fleire årsaker til at folk flytter frå kommunen eller lar være å flytte hit. Manglande bustad av ønskjeleg kvalitet kan vere ei av årsakene. Målsettinga med denne planen er å lage eit praktisk verktøy som kan nyttast til å skape eit bustadtilbod med høg grad av mangfald og attraktivitet, og at dette kan vere med på å påverke folketalsutviklinga i positiv retning. Moment som ein kan vurdere å drøfte nærare: -Etterspørsel etter «brukte» bustader er større enn tilbodet. -Mange feriebustader -Nedlagde/fråflytta småbruk blir sjeldan selde -Lite risikovilje til nybygging. Lite interesse frå utbyggingsfirma. -For liten variasjon i bustadtypar.(både leige og kjøp) 2. Statistisk materiale For å få betre oversyn over kvar vi står i dag kan det vere nyttig med noko statistisk materiale. Framlegg til statistisk materiale i planen er lista opp nedanfor. Når det gjeld dei tre siste punkta vil det vere tenleg å spele på lokalkunnskap i kvar grend i tillegg til den kunnskap som er tilgjengeleg i kommuneadministrasjonen. - Folketalsutvikling 2005-2012. Aldersfordelt - Utvikling tal arbeidsplassar 2005-2012. - Pendling - Ledige tomter, private og kommunale. - Tal og type bustader og husvære som er tilgjengelge for utleige - Potensiale for utleige eller sal(bustader som er lite brukt) 3. Behov og mogelegheiter For å kunne prioritere dei mest effektive tiltaka og bli bevisste på mogelegheitene, bør vi vere rimeleg sikre kva som er behovet(type bustader,storleik, plassering, akseptabel pris m.m). Veit vi svaret her, eller bør vi legge arbeid i å dokumentere betre? Spørsmålet er korleis arbeidet kan gjerast innanfor realistiske rammer. Ein kan vurdere å invitere ei breidt samansett gruppe personar til å drøfte spørsmålet. 4. Strategiar og tiltak Det må utarbeidst ein konkret tidfesta tiltaksplan med m.a. framdrift, ansvar, kostnad og finansiering. Det må gjerast prioriteringar, slik at planen er realistisk innanfor rammene av tilgjengelege ressursar. Mogelege strategiar og tiltak er lista opp nedanfor: - Kontakt med huseigarar. Motivere til utleige eller sal av tomme eller lite brukte hus. - Vidareutvikling av «Bustadmarknaden» på heimesida

Sak 43/12 - Vidareføring av gratis bustadtomter - Aktiv deltaking i satsinga «bustadetablering i distrikta» fram til 2015 for å få mest mogeleg kunnskap, erfaring, støtte og inspirasjon til vidare arbeid. - Målretta marknadsføring av Balestrand som bustad.(bør konkretiserast) - Satse på høg attraktivitet - Nye tomteområde - Forsøke å engasjere utbyggingsfirma Nokre konkrete tiltak vil det vere tenleg å arbeide vidare med parallelt med arbeidet med planen. Dette gjeld samarbeid med 1-3 grunneigarar om tilrettelegging av nye buområde med m.a. særskilde føresetnader for bustadkompleks, gjerne med mindre bueiningar. For å få stimulere prosessen og få best mogeleg resultat ser ein det som aktuelt å yte tilskot frå næringsfondet til utarbeiding av skisser for arealutnytting før reguleringsplan blir utarbeidd. Dette kan bli gjort innanfor administrativ ramme på kr 15.000 pr tilskot. Vidare vil det bli naudsynt, før planen er ferdig handsama å ta stilling til korleis vi ønskjer at verkemiddelbruken i avtalen med Husbanken skal innrettast i 2013. Alternativa kan vere følgjande: - Generelt tilskot til private for oppføring av bustad.(som i 2012) Inntil 20% av byggekostnad. - Tilskot til private for oppføring av bustad retta mot særskild byggeprosjekt(t.d.bustadkompleks). Inntil 20% av byggekostnad. - Tilskot til utbyggjar/investor som byggjer utleigeeiningar(evt for seinare sal). Inntil 15% av byggekostnad. - Balestrand kommune søkjer om tilskot for bygging av utleigeeiningar(evt for seinare sal). Inntil 15% av byggekostnad. Det er mogeleg at ein ved utlysing av midlane opnar for to eller fleire av alternativa, og at endeleg prioritering vert føreteken i ettertid. Husbanken har for 2013 fått til rådvelde i overkant av 20 mill kroner som skal fordelast på 12 kommunar. 5. Forankring. Bustadpolitisk plan er ein del av ein heilskap for å stimulere til ei positiv utvikling og må sjåast i samanheng med andre planar og tiltak, både regionale og lokale. Arealplan og næringsplan høyrer heime i denne heilskapen saman med engasjement og tiltak som kan bidra til å auke attraktiviteten til lokalsamfunnet. For å fungere godt må planen også vere forankra politisk og administrativt i Balestrand kommune og i lokalsamfunnet elles, gjerne gjennom lag og organisasjonar. Planen skal handsamast på alle politiske nivå og det må informerast breidt om arbeidet.

Sak 43/12 Framlegg til framdriftsplan Desember 2012 Desemer 2012 mars 2013 Mars 2013 April 2013 Mai 2013 Juni 2013 Framlegg til rammer og framdriftsplan. Handsamanst i UPU og formannskap Planarbeid/medverknad Framlegg til plan handsamast i formannskapet Framlegg til plan utsendast til høyring Endeleg framlegg til plan handsamanst i formannskapet Endeleg plan handsamanst i kommunestyret. Rådmannen si tilråding: Skisserte rammer og framdriftsplan for arbeidet med bustadpolitisk plan vert godkjent. Handsaming: Utval for plan og utvikling: Utvalet kom samla fram til følgjande vedtak: Skisserte rammer og framdriftsplan for arbeidet med bustadpolitisk plan vert godkjent. Administrasjonen opprettar ei referansegruppe der ressurspersonar vert inviterte til å delta i arbeidet. Vedtak: Skisserte rammer og framdriftsplan for arbeidet med bustadpolitisk plan vert godkjent. Administrasjonen opprettar ei referansegruppe der ressurspersonar vert inviterte til å delta i arbeidet. Samrøystes.

Sak 44/12 MØTEBOK Sak nr.: Utval Møtedato 44/12 Utval for plan og utvikling 04.12.2012 Sakshandsamar: Johannes Sjøtun Arkivsaknr.: 12/890 Arkiv: U01 Protokoll: Søknad om stønad frå næringsfondet - prosjektet pilegrimsvandring Vedlegg: Søknad med vedlegg datert 26.11.2012 Bakgrunn: Lovheimel: SAKSOPPLYSNINGAR Vedlagt følgjer søknad frå Bjørg Bjøberg og Arthur Adamson om økonomisk støtte til «Prosjekt Pilgrimsvandring i Balestrand». Ideen er å utvikle eit opplevingsprodukt innanfor segmentet Pilegrimsvandring med «Det gylne hus» som base. Denne typen vandring med ein dimensjon utover ein vanleg «trimtur» har vorte stadig meir populær som aktivitet for turistar. Ein har planar om å lansere fleire vandreruter. Båttur til Kvamsøy med omvisning i kyrkja er eit av elementa. Ifølgje vedlagt budsjett har all tilrettelegging for tilbodet ein samla kostnad på kr 1.445.000, der eige arbeid utgjer kr 420.000. Kostnadene består hovudsakleg av investering og utviklingskostander og er delt opp i fleire einskildelement. Målsettinga er å lansere tilbodet med ein forsiktig oppstart alt sommaren 2013. Næringsfondet vert no søkt om økonomisk støtte til gjennomføring av nokre prioriterte tiltak. Søkjaren ønskjer å komme tilbake med søknad om vidare finansiering seinare. Før dagens møte er det kr 408.942 disponibelt i næringsfondet. VURDERING Det er førebels ikkje utarbeidd noko driftsbudsjett som syner forventa inntekter for søkjarane. Ein vurderer det slik at dette er ein type tiltak som i seg sjølv har lite inntektspotensiale for initiativtakarane, men det kan få positive effektar for reiselivsnæring og andre lokale leverandørarar av varer og tenester.

Sak 44/12 Ein kan difor sjå på planane nærmast som eit infrastrukturtiltak, og vurdere spørsmålet om økonomisk støttte ut frå dette. Realisering av det planlagde tilbodet fullt ut, krev samarbeid mellom fleire partar og det er framleis mange element som avtalemessig ikkje er på plass og forhold som treng nærare avklaring. Ein er likevel positiv til å yte eit tilskot no, slik at søkjarane kan komme vidare i arbeidet med å utvikle og teste ut noko som kan bli eit nytt opplevingsprudukt i Balestrand. Rådmannen si tilråding: Balestrand kommune yter eit tilskot frå næringsfondet på inntil kr 60.000 til Bjørg Bjøberg og Arthur Adamson til vidareutvikling av prosjektet «Pilgrimsvandring i Balestrand». Tilskotet skal gå til delfinansiering av produktutvikling, pilegrimssenter og marknadsføring i samsvar med søknad. Handsaming: Utval for plan og utvikling: Utvalet røysta over rådmannen si tilråding. Vedtak: Balestrand kommune yter eit tilskot frå næringsfondet på inntil kr 60.000 til Bjørg Bjøberg og Arthur Adamson til vidareutvikling av prosjektet «Pilegrimsvandring i Balestrand». Tilskotet skal gå til delfinansiering av produktutvikling, pilegrimssenter og marknadsføring i samsvar med søknad. Samrøystes.

Sak 45/12 MØTEBOK Sak nr.: Utval Møtedato 45/12 Utval for plan og utvikling 04.12.2012 Sakshandsamar: Arne Abrahamsen Arkiv: 077 Arkivsaknr.: 12/867 Protokoll: KULTURPRISEN - VEDTEKTER Vedlegg: Vedtekter for kulturprisen, 17.02.2005 Bakgrunn: Lovheimel: SAKSOPPLYSNINGAR Ved utdeling av kulturprisen siste år var det ein drøfting om endring av namn på kulturprisen til Balestrandprisen. Bakgrunnen for dette var at prisen femner om mange tema; «Prisen har som føremål å fokusere på positive tiltak innan bygningsmiljø/hagemiljø, næring, nyetablering, kultur og kulturarv, frivillig arbeid m.m. «Ein kom då fram til at slik endring eventuelt må skje gjennom endring av vedtektene for prisen. Med bakrunn i dette vert det lagt fram sak der det vert høve til å endre vedtektene for prisen. I dette er det også opna for å vurdere vedtektene ut over dette. VURDERING I 2005 hadde vedtekter for kulturpris og bygningsmiljøpris. Det var også drøfta å lage ein eigen næringspris. Med bakgrunn i at prisen ikkje vart delt ut alle år, landa ein på at ein ville lage ein felles pris som femna om alle tema. Utfallet vart at vedtektene til kulturprisen vart justert og namnet på den «nye» prisen vart framleis - kulturprisen. I dag er det fleire kommunar som har ein pris med liknande vedtekter som kulturprisen i Balestrand kommune, men som namn set den med kommunenamnet, t.d. Aurlandsprisen. Når vedtektene er til vurdering, er det også høve til å vurdere desse på andre punkt. Det kan mellom anna vere aktuelt å vurdere om prisen bør delast ut det året den gjeld for, i staden for i mars/april året etter. Saka vert lagt fram utan vidare tilråding.

Sak 45/12 Rådmannen si tilråding: Handsaming: Utval for plan og utvikling: Utvalet kom samla fram til følgjande tilråding Tilråding: Balestrand kommune endrar vedtektene for kulturprisen slik at prisen får namnet Balestrand prisen og at vedtektene vert justert i samsvar med dette. Frist for innsending av forslag til kandidatar i punkt 4 vert endra til 20.01. det påfølgjande året prisen gjeld for. Samrøystes.

Sak 46/12 MØTEBOK Sak nr.: Utval Møtedato 46/12 Utval for plan og utvikling 04.12.2012 Sakshandsamar: Randi Dale Arkiv: GBNR 93/6 Arkivsaknr.: 12/919 Protokoll: Søknad om konsesjon for ovetaking av fast eigedom Vedlegg: Lovheimel: Søknad frå Sølvi Eraker og Åge Nesheim om konsesjon for overtaking av gbnr. 93/6 og gbnr. 93/13, datert 29.11.12. Lov om konsesjon ved erverv av fast eigedom av 28.11.2003 nr. 98 med seinare endringar og delegasjonsføresegner fastsett i rundskriv M-6/2003. SAKSOPPLYSNINGAR Seljar og noverande eigar av gbnr. 93/6 og 93/13 er Arvid Målsnes v/adv. Andreas Rønnekleiv. Kjøparar og konsesjonsøkjarar er Sølvi Eraker og Åge Nesse, Hjetlandsveien 15, 6993 Høyanger. I søknaden vert det gjeve uttrykk for at eigedomen vert kjøpt med tanke på å vidareutvikle hytteutleige og drift av småbruket. Kjøpesummen er sett til kr. 4.200.000 for den faste eigedomen, fordelt på kr. 2.100.000 for småbruket (gbnr. 93/6) og kr. 2.100.000 for hytteanlegget (gbnr. 93/13). Kort omtale av dei omsøkte eigedomane: Gbnr. 93/6 ligg på Kallestad nokre kilometer vest for Balestrand sentrum. Landbrukseigedomen har lite innmarksareal; tilnærma 13 dekar fulldyrka/overflatedyrka jord og 14 dekar innmarksbeite. Skogsarealet er berekna til 553 dekar med for det meste særs høg og høg bonitet. Bruket har vorte drive med fruktdyrking dei siste åra. Felles areal i fjell og utmark er ikkje med på gardskartet og kjem eventuelt i tillegg, saman med vanlege rettar som beite- og jaktrett. I tillegg til gardsdrifta har det vorte bygd opp utleigehytter på denne eigedomen i perioden 1965 til 1995, 8 stk i alt. For nokre år sidan vart det i tillegg investert mykje i eit moloanlegg. Hytteområdet med kai og molo på totalt 27 dekar vart frådelt gardsbruket i 2010 og fekk då eige bruksnummer; bnr. 13. Dei to eigedomane er dermed to sjølvstendige bruk og det er for å få løyve til å overta gardsbruket dei nye eigarane treng konsesjon. Hytteanlegget kan overdragast konsesjonsfritt og er dermed ikkje ein del av vurderinga som vert føreteke i det følgjande.

Sak 46/12 Det vert vist til takst utarbeidd av taksmann Bjarte Roska for nærare oversikt over bygningsmassen på eigedomane. REGELVERK OG RETNINGSLINJER Konsesjonslova har til føremål ( 1) å regulere og kontrollere omsetninga av fast eigedom for å oppnå eit effektivt vern om landbruket sine produksjonsareal og slike eigar og bruksforhold som er mest gagnleg for samfunnet, bl.a. for å tilgodesjå: 1. framtidige generasjonar sine behov. 2. landbruksnæringa. 3. trongen for utbyggingsgrunn. 4. omsynet til miljøet, almenne naturverninteresser og friluftsinteresser. 5. omsynet til busetjinga. Kapittel 4 i lova omhandlar forhold av betydning for om konsesjon skal gis og det står m.a. følgjande: 9 (særlige forhold for landbrukseiendommer) Ved avgjørelsen av søknad om konsesjon for erverv av eigedom som skal nyttes til landbruksformål skal det legges særlig vekt på: 1. om den avtalte prisen tilgodeser en samfunnsmessig forsvarlig prisutvikling, 2. om erververs formål vil ivareta hensynet til bosettingen i området, 3. om ervervet innebærer en driftsmessig god løsning, 4. om erverver anses skikket til å drive eiendommen, 5. om ervervet ivaretar hensynet til helhetlig ressursforvaltning og kulturlandskapet. Søknad om konsesjon kan innvilgast, avslåast eller innvilgast på slike vilkår som er påkrevd for å fremje lova sine føremål. Utgreiing av saka må i utgangspunktet ha som mål å avklare om konsesjonssøkjar sitt føremål med ervervet gir dei mest gagnlege eigar- og bruksforhold for samfunnet. Det må føretakast ei samla vurdering der ein tek stilling til om det skal setjast vilkår, og i tilfelle kva vilkår som skal setjast. Med heimel i 11 kan konsesjonsmyndigheitene fastsetje vilkår om buplikt og konsesjonsmyndigheitene skal skal ut frå hensynet til en helhetlig ressursforvaltning, bosetting og kulturlandskap ta stilling til om det er påkrevd å stille vilkår om boplikt, og om boplikten skal være en personlig plikt for eier. Busettingsomsynet: Etter konsesjonslova 9 første ledd nr. 2 er busettingsomsynet eit tilhøve det skal leggjast særleg vekt på. Dette inneber at busettingsomsynet gjer seg særleg gjeldande i det aktuelle området. Det må takast stilling til om det er nedgang eller fare for nedgang i folketalet i denne delen av kommunen. Omsynet til heilskapleg ressursforvaltning og kulturlandskap: Lista med omsyn det skal leggjast særleg vekt på etter konsesjonslova 9 første ledd, er utvida til også å gjelde omsynet til heilskapleg ressursforvaltning og omsynet til kulturlandskapet.

Sak 46/12 Med heilskapleg ressursforvaltning meinast at ein må sjå på kva verknader eit eigarskifte har for alle ressursane på eigedomen anten det gjeld jord- og skogbruksareal, bygningar eller den øvrige delen av eigedomen. I begrepet ligg også at ein i størst mogleg grad ivaretek framtidige generasjonar sine behov. Ressursane skal disponerast på ein slik måte at produksjonsevne og utnyttingsgrad vert ivareteke, slik at eigedomen i framtida kan legge grunnlag for drift og busetting. Det vart ved lov av 19. juni 2009 gjort ein del endringar i konsesjonslova frå 2003. Lovendringa inneber mellom anna at reglane om lovbestemt driveplikt i konsesjonslova er samla i jordlova. Endringa inneber at driveplikta er varig, og følgjer av jordlova 8. Det er difor ikkje lenger naudsynt å setje vilkår om driveplikt. Rundskriv M-2/2012 frå Landbruks- og Matdepartementet omhandlar prisar på landbrukseigedomar ved konsesjon, buverdi og nedre beløpsgrense for prisvurdering ved konsesjonsbehandling av bebygd eigedom. Departementet bestemte i dette rundskrivet at for bebygde, konsesjonspliktige landbrukseigedomar der kjøpesummen er under kr. 2.500.000, skal prisvurdering ikkje gjennomførast. VURDERING Gbnr. 93/6 vert seld ut av slekta på den frie marknaden og lovbestemt buplikt omfattar ikkje denne typen erverv. Det vert såleis opp til kommunen sjølv å stille dei vilkår som ein finn påkrevd. For å halde bygningsmasse og kulturlandskap vedlike ser ein det som viktig å ha fast busetnad på bruket. Folketalet stagnerer i Balestrand og i delar av kommunen går det attende. Garsdbruk som vert solgt til nye eigarar bør difor i størst mogleg grad vere bebudde, og då først og fremst av eigaren sjølv. Kommunen har sterkt fokus på auka folketal og driv ein politikk for å stimulere til tilflytting til dei ulike grendene i kommunen. Søkjarane har oppgitt i søknaden at dei har forplikta seg til å busetje seg på eigedomen, men i alle høve bør det stillast vilkår om buplikt. Sakshandsamar meiner det er positivt at nye eigarar tek over eigedomen for å drive den. Sjølv om gardsbruket er lite, kan det saman med utleighyttene vere grunnlag for ein arbeidsplass. Det vesentlege i denne saka er at dei nye eigarane har planar om å drive eigedomen vidare, og ta i vare bygningsmasse og kulturlandskap og såleis halde bruket i hevd for framtida. Ein vurderer det slik at omsyna i 9 i lova er oppfylte og søkjarane bør difor få konsesjon på visse vilkår. Prisen på landbrukseigedomen gbnr. 93/6 er avtalt til kr. 2.100.000 og kommunen går difor ikkje nærare inn på vurdering av prisnivået. Rådmannen si tilråding: Balestrand kommune gjev i medhald av lov om konsesjon ved erverv av fast eigedom av 28.11.2003 nr. 98 med seinare endringar og delegasjonsføresegner fastsett i rundskriv M- 6/2003, Sølvi Eraker og Åge Nesheim konsesjon for overtaking av gbnr. 93/6 i Balestrand kommune.

Sak 46/12 I medhald av 11 vert det sett følgjande vilkår: At søkjarane flyttar til bruket i løpet av 1 år og sjølv bur på eigedomen i minst 5 år i samanheng. Grunngjeving for dette er omsynet til heilskapleg ressursforvaltning, busetjing og kulturlandskap. Handsaming: Utval for plan og utvikling: Saka var teke opp som ekstrasak. Saksutgreiing vart utdelt i møtet. Utvalet røysta over rådmannen si tilråding. Vedtak: Balestrand kommune gjev i medhald av lov om konsesjon ved erverv av fast eigedom av 28.11.2003 nr. 98 med seinare endringar og delegasjonsføresegner fastsett i rundskriv M- 6/2003, Sølvi Eraker og Åge Nesheim konsesjon for overtaking av gbnr. 93/6 i Balestrand kommune. I medhald av 11 vert det sett følgjande vilkår: At søkjarane flyttar til bruket i løpet av 1 år og sjølv bur på eigedomen i minst 5 år i samanheng. Grunngjeving for dette er omsynet til heilskapleg ressursforvaltning, busetjing og kulturlandskap. Samrøystes.