Mikkel, Anders og Tim Pressemelding I årets Kvitebjørnprosjekt valde me å samanlikna lesevanane hjå 12-13 åringar (7. og 8.klasse) i forhold til lesevanane til 17-18 åringar (TVN 2. og 3.vgs). Me tenkte at det ville bli interessant å sjå om det var forskjellar hjå yngre ungdomar i forhold til dei som er på veg til vaksenlivet. Kor mykje tid brukar du på desse media kvar dag? (fritid) Her hadde me, som du ser på grafane, tre svaralternativ; 3 ulike media + anna. Dei som vart spurde, skulle kryssa av på om dei brukte dei ulike media anten 0-30 min, 30-60 min, 60-90 min eller 2 timar + i gjennomsnitt per dag.
Det me kom fram til etter å ha studert desse grafane, er at den største forskjellen ligg i kategorien internett. Her ser du at TVN elevane brukar mykje meir tid på nettet. Dei fleste brukar 2 timar + på dette, medan 7. og 8.klasse har eit gjennomsnitt på ca.45 min. Dette var ganske overraskande, for me hadde jo trudd at dei som var yngre sat meir på nettet og for eksempel chatta. Slik var det altså ikkje. Om me ser på dei andre forskjellane som var, så ser me at i kategorien bøker leser dei eldre litt meir enn dei yngre. Kanskje 7. og 8.klasse ikkje har nok tolmodigheit? Det som i alle fall er heilt klart, er at fleirtalet av begge aldersgruppene ikkje les stort i det heile. I kategorien avis/blad er det heller ikkje dei store forskjellane. Dei yngste les kortare tidsmessig. Færre av dei eldste les, men dei som les, brukar meir tid på å lesa. Me hadde ikkje trudd så mange i 7. og 8. klasse las i det heile, for me tenkte at dei ikkje var så opptatt av det som skjer i verda enno, men me er imponerte!
Kor mykje tid brukar du på desse nettsteda kvar dag? (fritid) Her tar me kategorien internett vidare med ulike nettstader. Som du ser er spørsmålet det same, berre me har bytt ut ordet media med nettavis, facebook, blogg osv Altså ulike nettstader. Nettavis:
7 og 8. klasse brukar veldig lite tid på nettavis i forhold til TVN. Kanskje fordi eldre elevar er litt meir interessert i nyheiter. Ein anna grunn kan være fordi 7-8.klassingar les meir i teikneblad og er litt meir barnslege i kva dei les? Facebook: Her fann me ut at TVN brukar mykje meir tid på Facebook enn kva 7 og 8.klassingar gjer. Hovudgrunnen er vel fordi 7. klasse ikkje har lov til å ha dette mediet medan TVN, derimot, har lov. Det som er overraskande er tidsbruken; 2 timar +?! Me trudde ikkje TVN hadde så mykje fritid at dei kan på Facebook så lenge kvar dag. Blogg: Her fann me ut at 7 og 8.klassingar brukar meir tid på blogg enn kva TVN gjer. Noko som er ganske overraskande fordi ein skulle ikkje trudd at 7-8.klassingar ser meir på blogg enn kva TVN gjer. Eg sat i alle fall ikkje og las på blogg då eg gjekk i 7-8. klassen. Men grunnen er vel kanskje at 7.klassingar ikkje har Facebook og dermed må sjå på andre sosiale media? Oppslagsverk: Ikkje så mykje å seia. Få som sit lenge på dette. Veldig likt. TVN bruker kanskje litt meir tid fordi dei vil finna opplysningar på fritida og.
Kor mykje tid brukar du på å lesa desse sjangrane kvar dag? (fritid) Her har me tatt kategorien bøker vidare med ulike sjangrar. Spørsmålet er framleis likt, berre i staden for ulike media eller nettstader er det no ulike sjangrar i fokus, altså; Fagbøker, krim, fantasy osv
Den største forskjellen var fagbøker. Som me forventa brukte TVN meir fritid på å lesa fagbøker enn 7/8 klasse. Det er kanskje fordi TVN har meir lekser og krav enn 7/8 klasse, så dei må gjere litt heime for å få gjort det dei må. Som vidaregåande- elev har du litt meir lekser enn 7/8 klassingar, det seier seg litt sjølv? Så det var den største og viktigaste forskjellen. Ennå ein forskjell var at 7/8 klassingar brukar meir fritid på å lesa Krim, Action, Fantasy, Grøssar og Science Fiction bøker enn TVN. Det er kanskje fordi som 13-14 åring likar du å lese litt skumle og spennande bøker, mens på TVN så har du rett og slett ikkje tid til det. Som 7/8 klasse elev er det større sjans for at du er interessert i skjønnlitterære bøker og tekstar. Den interessa forsvinn hjå dei fleste då dei begynner å bli 16-17år. Det er nokon på TVN som brukar tid på dette, men det er fleire i 7/8 klasse. Konklusjon: No som me har hatt denne undersøkinga og laga tabellar utav det, ser me at det er to kategoriar 7.og 8 klasse elevar svarar annleis enn TVN Vidaregåande på; Internett og Facebook. Dei eldste brukar mykje meir tid på nettet generelt, og i alle fall på Facebook! Bortimot alle brukar det i 2 timar + per dag, og det er mykje.
Me har difor kome fram til at konklusjonen vår blir at det ikkje finst mange forskjellar mellom kva 12-13 åringar og 17-18 åringar les. 7. og 8.klassar har eigentleg ikkje lov til å ha dette mediet mens omtrent alle vidaregåande elevar både har Facebook og eigen pc. Då er jo ikkje dette så overraskande, men me hadde likevel trudd at fleire av dei yngre brukte dette internettmediet meir, og at dei kanskje heller brukte mindre tid på bloggar for eksempel. Noko som var feil. Men nå som me er ferdige, kan me seia oss godt nøgde med det me har funne ut. Det såg litt mørkt ut i starten, men då me fann ut kva me ville spørja om og kven me ville samanlikna, gjekk det glatt vidare. Me i gruppa er svært fornøgde!