saksframlegg Dato: Referanse: Vår saksbehandlar: 22.01.2018 6570/2018 Rose Mari Skarset Saksnr Utval Møtedato Utdanningsutvalet 08.02.2018 Orienteringssak - Aktivitet - Karriere Møre og Romsdal Bakgrunn Saka vil vise omfang og aktivitetar i Karriere Møre og Romsdal sidan byrjinga i utgangen av november 2014. Kva for aktivitetar gjer Karriere Møre og Romsdal Individuell rettleiing for vegsøkarar Grupperettleiing for vegsøkarar Kurs/grupperettleiing for elevar i vidaregåande opplæring Kurs i karriererettleiingsverkty for tilsette i kommunale flyktningetenester Individuell rettleiing og grupperettleiing for innsette i fengsla våre Fagdag for karriererettleiarane og NAV-kontaktane knytta til Karriere M&R Fleire karrieresenter i andre fylker utfører både lovpålagde og ikkje-lovpålagde oppgåver. I Møre og Romsdal hadde vi, då Karriere Møre og Romsdal starta, allereie eit godt system for dei lovpålagde oppgåvene. Karriererettleiinga i fylket vårt utfører difor ikkje-lovpålagde oppgåver. Vi er likevel klare til å ta kompetansehevande oppdrag om karriererettleiing så sant økonomi og kapasitet tillet det. Rettleiingstenesta har eit godt samarbeid med dei andre fagområda på utdanningsavdelinga, ressurssentra og dei vidaregåande skolane. Karriere Møre og Romsdal har blitt ein inngangsport til utdanningsavdelinga for mange som søker svar på spørsmål og fagopplæring, rettigheiter, inntaksreglar og dokumentasjon. Dei som tek kontakt blir rettleia vidare inn i avdelinga. Tal på aktivitet gjennom 3 år 2015 2016 2017 Individuelle rettleiingssamtaler Tal unike brukarar 186 329 374 1 samtale 162 301 353 2 samtaler 18 20 16 3 samtaler 3 3 5 4 samtaler 1 2 0 5 samtaler eller fleire 1 2 0 Tal på samtalar 218 372 400
Grupperettleiing og kurs Totalt grupperettleiing 0 8 6 Inntil 10 deltakarar 0 6 0 11-20 deltakarar 2 2 3 21-50 deltakarar 0 2 3 Kjønn Menn 55 149 170 Kvinner 122 180 204 Alder Under 19 år 2 2 0 19-24 år 33 63 84 25-29 år 25 68 76 30-49 år 68 148 172 50 eller eldre 15 25 42 Landbakgrunn Norge 120 250 262 Norden utover Norge 2 4 4 Europa utover Norden 10 21 39 Asia 2 6 13 Afrika 15 29 Nord-Amerika 0 1 3 Sør- og Mellom-Amerika 1 2 2 Oseania 1 0 3 Utdanningsbakgrunn Utan fullført grunnskole 4 5 12 Fullført grunnskole 20 61 63 Fullført og bestått vidaregåande opplæring 40 141 183 Fullført og bestått fagskole 5 29 25 Fullført bachelorgrad eller tilsvarande på 34 52 66 høgskole/universitet Fullført mastergrad eller tilsvarande på 11 19 25 høgskole/universitet Arbeid I arbeid 73 114 163 Ikkje i arbeid 72 191 211 Utdanning I utdanning 7 8 11 Tilsyn frå Kompetanse Norge i november 2017 Hovudtrekk Vi skal bli betre på å registrere all aktivitet, epostar, personleg oppmøte og telefonar skal også reknast som rettleiing. Dette vil auke tala våre. Heimesida er for godt gjømd, den må kome fram i lyset. Her har vi eit arbeid å gjere mot fylkeskommunen sin strategi på organisering av nettstaden.
Organiseringa av karriererettleiing for vaksne i Møre og Romsdal er unik i landet. Tilsynet ser ikkje noko ulempe med måten vi er organisert på. Tvert om fikk vi kreditt for ein kostnadseffektiv modell for tenesta. Framover Kjem karriererettleiing for vaksne til å bli ei lovpålagd oppgåve? I dag har vi ikkje svar på dette spørsmålet. Den står attende å sjå kva som blir stortingsbehandlinga av NOU 2016:7 «Norge i omstilling karriereveiledning for individ og samfunn». Utvalet bak utredninga ser på utviding av tilbodet til karriererettleiing i eit livslangt perspektiv. Det er også fokus på digitalisering og e-rettleiing. Kompetanse Norge, som har fagleg ansvar for karriererettleiinga for vaksne i Norge, har oppretta eit nytt kontor i Tromsø som skal arbeide for å opprette eit nasjonalt tilbod om e- rettleiing for alle. Modellen utvalet presenterer for karriererettleiing for framtida krev både fleire ressursar, anna organisering og fokus på digitalisering. Modellen ser slik ut: Meir fokus på integrering Karriere Møre og Romsdal sitt bidrag inn i nye tiltak. Det er fokus på korleis raskast mogleg integrere flyktningar i norsk arbeidsliv. Introduksjonsprogrammet har ansvar for opplæring og
karriererettleiing av flyktningane ute i kommunane. Det kan bli aktuelt for karrieresentra å bli tettare knytt mot karriererettleiing av flyktningane. Per i dag betaler kommunane kostpris for tenester frå oss. Samarbeid med flyktningetenesta og vaksenopplæring i kommune og fylkeskommune vil heilt sikkert auke i omgang. Karriere Møre og Romsdal har vore partnar i eit Erasmus+ prosjekt. Vi har vore partnar saman med vaksenopplæringa i Molde kommune, NAV fylke og vaksenopplæringa i fylkeskommunen. Internasjonale partnarar har vore ansvarlege for flyktningar si integrering og opplæring i Santo Tirso i Portugal, Haapsalu og Tallinn i Estland. Karriere Møre og Romsdal er deltakar i eit prosjekt for integrering av vaksne menn med lite norsk språk. Flyktningane skal på opplæring i TP-fag ved Borgund vidaregåande skole. Vaksenopplæringa i fylkeskommunen, IMDI Midt-Norge, NAV, Borgund vgs og ressurssenteret, BORK, er samarbeidspartnarar i prosjektet. Prosjektet er eigd av fylkeskommunen. Målet er å finne ein modell for opplæring av vaksne med dårlig språkkompetanse, som kan lede til fagbrev. Modellen er tenkt overført til andre fag etter prosjektperioden. Samarbeidet med fengsla vil fortsette. Innsette, opplæringsavdelinga i fengsla og kriminalomsorgen er særs godt nøgd med tenestene. Karriererettleiinga bidreg til meir målretta opplæring i fengselet i tillegg til betre førebuing for livet utanfor murane. Formidling av lærlingar og lærekandidatar er satsingsområde i fylkeskommunen. Vi vil så langt vi har økonomi til det, gi tilbod om kurs i skriving av CV og jobbsøknad for elevar på vg2. Vurdering Karriere Møre og Romsdal har vist seg å være «liv laga». Vegsøkarane er svært nøgde med tenestene dei har fått. Vegsøkarar fyller ut ein questback i etterkant av rettleiinga. Resultata på brukarundersøkinga kjem til oss via Kompetanse Norge ein gong per år. Det er viktig for oss at tenesta skal vere tilgjengelig med kort reiseveg for alle innbyggarane i fylket, difor har vi no tenestene på 8 stader. Det har vist seg at mange som tek kontakt ikkje har behov for ei tradisjonell karriererettleiing, men heller vil ha svar på konkrete spørsmål. Mange har gjennom oss funne ein veg inn i utdanningssystemet. Vi rettleiar så godt vi kan i høve til problemstillingane til den enkelte. Dei vi ikkje kan hjelpe, rettleiar vi vidare til fagopplæring, vaksenopplæring eller andre område. Økonomisk sett driv Karriere Møre og Romsdal så kostnadseffektivt som mogleg. Kompetanse Norge betalar ut tilskott til kvart fylke sine karrieresenter uavhengig av innhald og omfang av oppgåvene. Framover vil det heilt sikkert bli naudsynt med endringar i omfang og tilbod i takt med politiske slutningar og samfunn i endring.
Forslag til vedtak: Utdanningsutvalet tek saka om aktivitet i Karriere Møre og Romsdal til orientering. Ottar Brage Guttelvik fylkesrådmann Erik Brekken fylkesutdanningssjef