Møteprotokoll Utval: SOGN REGIONRÅD Møtestad: Aurland rådhus Møtedato: 08.12.2017 Tid: 09:30 13:45 A. Desse møtte: Faste medlemmar Petter Sortland, ordførar Høyanger kommune (leiar) Noralv Distad, ordførar Aurland kommune Harald N. Offerdal, ordførar Balestrand kommune Ivar Kvalen, ordførar Luster kommune Trond Øyen Einemo, varaordførar Lærdal kommune Olav Turvoll, ordførar Vik kommune Jarle Aarvoll, ordførar Sogndal kommune Arild Ingar Lægreid, ordførar Årdal kommune (til kl 12) Forfall: Jon Håkon Odd, ordførar Leikanger kommune Medlemmar Karina Nerland, dagleg leiar Jarle Skartun, rådmann Luster kommune Andre Ståle Brandshaug, reiselivsdirektør Visit Sognefjord AS Hilde Hordnes, PwC, Alf Olsen, rådmann og Arne Johansen, kommunalsjef helse og omsorg, Lærdal kommune B. Ordførar Noralv Distad ønskte velkomen til Aurland C. Innkalling godkjent utan merknader D. Protokoll frå møtet 27.10.2017 godkjent utan merknader.
Sakliste Saksnr. Arkivsaksnr. Tittel 21/17 17/3405 Framtidsfylket sine karrieremesser 2018 - søknad om økonomisk støtte 22/17 17/3870 Prosjekt Næringsvennleg region - deltaking i forstudie 23/17 17/3847 Handlingsplan for Sogn regionråd 2018 24/17 17/3845 Samarbeidsavtale om regionalt utviklingsprogram 2018-2019 mellom Sogn regionråd og Sogn og Fjordane fylkeskommune 25/17 16/480 Samferdsleplan for Sogn regionråd - handlingsplan 2018 26/17 17/3848 Handlingsplan 2018 System for styrka læring 27/17 17/3846 Programstyret System for styrka læring - val av leiar 28/17 17/2729 Budsjett 2018 Sogn regionråd 29/17 17/515 Orienteringssaker Sogn regionråd
Sak 21/17 Framtidsfylket sine karrieremesser 2018 - søknad om økonomisk støtte Sogn regionråd løyver kr 60 000 av regionale utviklingsmidlar til Framtidsfylket for gjennomføring av karrieremesser i Trondheim og Bergen i 2018. Sogn regionråd løyver kr 60 000 av regionale utviklingsmidlar til Framtidsfylket for gjennomføring av karrieremesser i Trondheim og Bergen i 2018. Sak 22/17 Prosjekt Næringsvennleg region - deltaking i forstudie Sogn regionråd inviterer medlemskommunane til å delta i forstudien av prosjektet Næringsvennleg region. Kommunane vert bedne om å ta stilling til deltaking innan utgongen av året. Med deltaking frå fleirtalet av kommunane løyver Sogn regionråd inntil kr 120 000 av regionale utviklingsmidlar for 2018 til forstudien. Handsaming Administrasjonen endra tilrådinga slik at fristen til å ta stilling til deltaking vert innan utgongen av januar. Kommunane Aurland, Høyanger, Luster og Årdal ønskjer ikkje å vera med i forstudien. Dei andre kommunane Balestrand, Lærdal, Sogndal og Vik ønskjer å vera med. Leikanger var ikkje tilstades på møtet. Det kom framlegg om å takka nei til invitasjonen frå Innovasjon Norge. Sogn regionråd takkar nei til tilbodet frå Innovasjon Norge om å delta i forstudien av prosjektet Næringsvennleg region. Sak 23/17 Handlingsplan for Sogn regionråd 2018 Sogn regionråd vedtek handlingsplanen for 2018 slik han ligg føre.
Handsaming Det kom framlegg om nytt prosjekt /tiltak under pkt 1.2: Arbeida for heilårs reiseliv Til pkt 1.3 går følgjande prosjekt /tiltak ut: Sogn regionråd inviterer kommunane til å delta i ein forstudie av prosjektet Næringsvennleg region, jf pkt 1.4, og seinare tek kommunane stilling til deltaking i forprosjektet. Til pkt 1.4 går følgjande strekpunkt til prosjekt/tiltak ut: - Gjennomføre ein forstudie med bruk at verktøyet Næringsvennleg Region: o Kartlegge no-situasjon og ønska situasjon for næringsutviklarrolla i ein forstudie: Kva aktørar er involverte, kva er ambisjonane og planane, kva rolle og oppgåver har dei, kva er styrkene og svakheitene og kva er endringsbehovet. I neste fase ta stilling til deltaking i eit forprosjekt for å konkretisere og detaljere innhaldet i næringsutviklarrolla. Til pkt 4 kom det framlegg om å ta med følgjande underpunkt: - Fv 55 - Kollektivtransport Sogn regionråd vedtek handlingsplanen for 2018 slik han ligg føre med dei endringane som vart framlagt i møtet. Sak 24/17 Samarbeidsavtale om regionalt utviklingsprogram 2018-2019 mellom Sogn regionråd og Sogn og Fjordane fylkeskommune Sogn regionråd vedtek samarbeidsavtalen med Sogn og Fjordane fylkeskommune for 2018-2019 slik han ligg føre. Handsaming Fylkeskommunen har gitt innspel om følgjande tilføying til andre avsnitt: «og klimaplanen som skal vedtakast i juni 2018». Det er også kome innspel frå fylkeskommunen til nokre presiseringar knytta til budsjett, rapportering og utbetaling. Desse endringane blir tekne inn i avtalen. Sogn regionråd vedtek samarbeidsavtalen med Sogn og Fjordane fylkeskommune for 2018-2019 slik han ligg føre med endringane som vart framlagt i møtet.
Sak 25/17 Samferdsleplan for Sogn regionråd - handlingsplan 2018 Sogn regionråd vedtek handlingsplanen for 2018 slik han ligg føre. Sogn regionråd vedtek handlingsplanen for 2018 slik han ligg føre. Sak 26/17 Handlingsplan 2018 System for styrka læring Sogn regionråd vedtek handlingsplan for System for styrka læring for 2018 slik han ligg føre. Sogn regionråd vedtek handlingsplan for System for styrka læring for 2018 slik han ligg føre. Sak 27/17 Programstyret System for styrka læring - val av leiar I programstyret for System for styrka læring for 2018-2019 vert - --- vald som leiar - --- vald som vara Handsaming Det kom framlegg om at Ivar Kvalen held fram som leiar og Jarle Aarvoll vert vara. I programstyret for System for styrka læring for 2018-2019 vert - Ivar Kvalen vald som leiar - Jarle Aarvoll vald som vara Sak 28/17 Budsjett 2018 Sogn regionråd Sogn regionråd vedtek budsjettet for 2018 slik det ligg føre.
Handsaming Administrasjonen informerte om det ikkje er gjort endringar i budsjettet i høve budsjettramma. Sogn regionråd vedtek budsjettet for 2018 slik det ligg føre. Sak 29/17 Orienteringssaker Sogn regionråd Orienteringar og drøftingar 1. Leiar - Delteke på innspelsmøte i november der Høgskulen på Vestlandet inviterte samarbeidspartar. Høgskulen har starta arbeidet med å utarbeida strategiar. - Regional transportplan - politikardagen 17. november: Sogn regionråd sto samla om prioriterte samferdsletiltak. - 2. Innspel frå medlemane - Regionsamling LVK 1.-2. februar 2018 3. Arbeidsgruppene - Helsegruppa - Pressemelding om MR-maskina ved Lærdal sjukehus vart sendt i slutten av november. - ROS-analysen innan akuttmedisin: ROS-analysane frå kommunane er svært varierande. I det vidare arbeidet vil det regionale aspektet vera det viktigaste. - Konferanse 9. januar med Helse Førde om Samarbeid om akuttmedisinske kjeda i Sogn og Fjordane. Info er sendt til medlemane. - Ultralyd ved Lærdal sjukehus: Regionrådet slutta seg til at helsegruppa arbeider for å få tilbod om ultralydundersøking for gravide ved Lærdal sjukehus. - 4. Rådmannsgruppa - Interkommunal arbeidsgjevarkontroll: Årdal vurderer om dei framleis kan levera tenester til regionen - Interkommunal barnevernsvakt blir etablert frå 1.1.2018 - Hangar: Søknad til kommunane om tilskot - Vitensenter: Invitasjon til å teikne seg i selskapet - Traineeområdet: Nokre kommunar går ilag om trainee - Barnehage- og skulesamarbeid: Mange aktivitetar - viktig å prioritera 5. Administrasjon - Karrieremessene i regi av Framtidsfylket 25.1. (Trondheim) og 13.2. (Bergen). Invitasjon til deltaking på regionstanden er sendt til rådmennene for påmelding.
- Læreplassar partnarskapsavtale: Invitera partane (NHO, LO og fylkeskommunen) til neste rådsmøte for å drøfta og konkretisera vidare arbeid. - Læringsmiljøprosjektet: Tilsett Inger Marie Evjestad (Luster) og Heidi Johnsen (Balestrand) i 40% stilling kvar i arbeidet med å rettleia barnehage- og skuleeigarar og leiarar for inkluderande barnehage- og skulemiljø. - Regional plan for psykisk helse: Psykolog Magnus Lia gir opplæring for tilsette i barnehagane. Ialt er det 10 timar opplæring fordelt på 5 modular. - Bustadgruppa: Planleggjarnettverket kjem til å leggja opp til tematiske møte i tida framover. Erfaringsdeling blir framleis viktig. Prosjektleiar kjem til rådsmøte i juni for å orientera om status i arbeidet. 6. Sognefjorden Fjord Bike & Hike sykkelprosjekt i Sogn og Masterplan for reiselivssatsinga status i prosjektet ved Ståle Brandshaug, reiselivsdirektør Visit Sognefjord. Presentasjonane er lagt ved. Sogn regionråd er positive til at det vert arbeidd vidare med ein forstudie i sykkelprosjektet. 7. Forstudierapport om utvikling av interkommunalt samarbeid om bu- og omsorgstilbod i indre Sogn ved Arne Johansen, kommunalsjef helse og omsorg og Alf Olsen, rådmann, Lærdal kommune og Hilde Hordnes, PwC. Presentasjonen er lagt ved. Kommunane blir bedt om innan 5. januar å avgjera om dei skal delta i forprosjektet. Skriv og meldingar. Refererte. 1. Nei til endringar av kommunal skattlegging fråsegn til finanskomiteen, 10.11.2017 2. Endra vilkår for bortebuarstipend slår hardt ut i Sogn fråsegn til finanskomiteen 16.11.2017 3. MR ved Lærdal sjukehus brev til Helse Førde 24.11.2017. Petter Sortland leiar Noralv Distad Harald N. Offerdal Karina Nerland dagleg leiar