Kvam herad Sakspapir SAKSGANG Utval Møtedato Saknr Nærings-, plan- og bygningsutvalet 07.03.2017 013/17 Kvam Ungdomsråd 06.03.2017 006/17 Avgjerd av: Arkiv: N - 504 Arkivsaknr Saksh.: Kaale, Leiv Ingmar Objekt: 17/310-1 Premissavklaring for reguleringsplan for Notanes i Øystese Behandling i politiske utval: 06.03.2017, URÅD- 006/17 Vedtak: 07.03.2017, NPB- 013/17 Vedtak:
Rådmannen sitt framlegg til vedtak: Samandrag: Kvam herad skal byggja nytt hovudreinseanlegg. Notanes i Øystese er peika ut som den mest eigna lokaliseringa. Nytt reinseanlegg der vil krevja meir areal enn det som er sett av til formålet i gjeldande planar. Regulering av området vil sikra at det vert samsvar mellom arealbehov og areal som er avklart til formålet gjennom plan. Ein reguleringsplan kan sikra intensjonen med utbygginga, sikra nødvendige funksjonar knytt til prosjektet, avklara felles bruk og vilkår for arealet sett av til reinseanlegg og områda som grensar til anlegget. Avgrensinga av planområdet er sett slik at det sikrar nok areal til reinseanlegget sine funksjonar samt avklara bruk av tilstøytande areal. Omfanget av reguleringsplanen er vurdert opp mot krav til konsekvensutgreiing. Dei viktigaste punkta for ein konsekvensutgreiing er allereie utgreidd gjennom den prosessen som har vore ved å ta stilling til plassering, resipientvurdering, grunnundersøkingar m.m,
m.m. Reguleringsplanen vert difor vurdert til ikkje å utløysa plikt om ein eigen konsekvensutgreiing. Vedlegg i saka: Dok.id Tittel 541428 Planområde_Notanes 06.03.2017 Kvam Ungdomsråd Røysting: Rådmannen sitt framlegg vart samrøystes vedteke. URÅD- 006/17 Vedtak: 07.03.2017 Nærings-, plan- og bygningsutvalet Røysting: Rådmannen sitt framlegg til vedtak vart samrøystes vedteke NPB- 013/17 Vedtak:
Saksopplysningar: Kvam herad har fått krav om meir reinsing av avlaupsvatn. På bakrunn av dette er det bestemt at heradet skal byggja nytt hovudreinseanlegg. Etter vurdering av mogelege lokaliseringar er Notanes i Øystese funne som den mest eigna plasseringa. I reguleringsplanen for området, som vart stadfesta i 1984, er det sett av areal til kommunalteknisk anlegg på Notanes og det er seinare ført opp eit reinseanlegg der. Denne arealbruken er vidareført i arealdelen til kommuneplanen vedtatt 2006. Nytt hovudreinseanlegg vil krevja meir areal enn det som tidlegare planar set av til føremålet. Vurdering: Reguleringsplan - funksjon Regulering av området vil sikra at det vert samsvar mellom arealbehov og areal som er avklart til formålet gjennom plan. Vidare vil ein reguleringsplan kunna sikra viktige funksjonar knytt til anlegget som t.d. køyretilkomst med nødvendig utbetring og fastsetjing av framtidig eigarforhold til veg. Tilsvarande vil det òg vera med annan infrastruktur som naturleg knyter seg til eit reinseanlegg som leidningar under bakkenivå m.m. Det kan stillast krav om parkering og avklarast kven som skal nytta desse. Plassering og storleik av bygg vert fastlagt i reguleringsplanen. Elva og strandsonen kan sikrast gjennom planen. Det kan òg avklarast felles bruk av areal og stillast vilkår til bruk av området samt setjast krav om eventuelle avbøtande tiltak. Reguleringsplan - avgrensing I framlegg til avgrensing av planområdet er det vektlagt å sikra arealet som går med til sjølve anlegget. Det er tatt med ein buffer mot tilstøytande areal som m.a. kan nyttast mellombels i anleggsfasen. Det er vidare tatt med nok areal til å sikra samanhengande vegsystem i dette ligg det at det er lagt opp til å regulera køyrevegen frå det punktet der vegen som ligg i Børvenestunellen vert avslutta. Det er vidare tatt med tilstrekkeleg med areal til å regulera gangbru over Vikeelva og areal til å knyta gangeveg bort til regulert køyreveg på Evjo. Dette
er i tråd med moglegheitsstudie for Øystese og skisseprosjekt for reinseanlegget som Geoplan AS har utarbeidd. Bustadeigedomen gnr. 42 bnr. 48 ligg mellom køyrevegen og leidningsnettet i bakken. Hus ligg i regulert landbruksområde. I kommunedelplanen er eigedomen innlemma i området avsett til eksisterande næring det er naturleg at den tomta no vert vurdert regulert til bustadformål. Areal sør for denne eigedomen, der det er lagt ned leidningar som fører bort til reinseanlegget er viktig å sikra. Eit grep kan vera å regulera det under bakkenivå til infrastrukturtiltak og til jordbruk oppå bakkenivå. Frå reinseanlegget og ut i sjø vil det gå ein utslepsleidning. Planavgrensinga sikrar trasê for leidning langs sjøbotn. Vurdering om reguleringsplanen kjem inn under krav om eigen konsekvensutgreiing Det går fram av plan- og bygningslova at det skal knytast ein planomtale til reguleringsplanen som skildrar formål, hovudinnhald og verknader, samt korleis planen held seg til rammer og retningsliner som gjeld for området. For somme reguleringsplanar som kan få vesentlege verknader for miljø og samfunn, skal planomtalen gje ei særskild vurdering og skildring konsekvensutgreiing av planen sine verkander for miljø og samfunn. Det er Forskrift om konsekvensutredninger for planer etter plan- og bygningsloven som fastset kva planar som skal vurderast etter dette regelverket. Rådmannen vurderer at tiltaket ikkje er av eit slikt omfang at det vert fanga opp av dei kriteria i forskrifta som tilseier automatisk plikt til å utarbeida konsekvensutgreiing. Det er då å vurdera om planen likevel skal ha eigen konsekvensvurdering ut frå forskrifta 3 der m.a. storleik, plassering, verknader og kompleksitet spelar inn i vurderinga. I dette tilfellet er det gjort eit grundig arbeid med å undersøkja og vurdera konsekvensane av å plasser reinseanlegget på Notanes. Det vert her vist til dei ulike utgreiinga som er utført i samband med utsleppsløyve som Fylkesmannen har gjeve. Det er og gjort eigne alternativsvurderingar av plassering av anlegget. Det er ikkje registrert automatisk verna kulturminne i planområdet og det føreligg ei vurdering av tiltaket opp mot naturmangfaldlova. Reinseanlegget ligg i eit området som er dominert av større næringsbygg. Det er avhalde eige informasjonsmøte om prosjektet. Rådmannen har vurdert plansaka opp mot dei aktuelle kriteria i vedlegg III i forskrifta og meiner at dei forholda som ville vore aktuelle å greia ut i ein eigen konsekvensvurdering allereie er utgreidd gjennom den prosessen som har vore ved å ta stilling til plassering, resipientvurdering, grunnundersøkingar m.m. Gjennom reguleringsprosessen vil det verta lagt opp til medverknad gjennom kunngjering av planoppstart og offentleg høyring. Verknadane av tiltaket vil verta utgreidd og gjort kjend gjennom planomtalen og det vil verta utarbeidd ein eigen risiko- og sårbarheitsanalyse.