Postadresse Njøsavegen 2 6863 Leikanger Besøksadresse Fjordsenteret 5745 Aurland Kontakt Sentralbord: +47 57 64 30 00 Direkte: +47 57643129 fmsfpost@fylkesmannen.no www.nasjonalparkstyre.no/naroyfjorden Arild Dyrdal Vår ref. 2017/5-0 432.2 Dykkar ref. Dato 13.07.2017 Delegeringssak (DS) Delegert vedtak Nærøyfjorden landskapsvernområde - uttak av torv til torvtak på Skogastova I medhald av delegeringsreglement vedteke av Nærøyfjorden verneområdestyre 30.11.2015, vert det gjort fylgjande vedtak: Nærøyfjorden verneområdestyre gjev Arild Dyrdal løyve til å ta ut torv på Skogane til torvlegging på taket på Skogastova. Tova kan takast ut på område nordvest på Skogane. Løyvet er gjeve med heimel i verneforskrifta for Nærøyfjorden landskapsvernområde og naturmangfaldlova 48 fyrst ledd og fyrste alternativ. Løyvet gjeld med fylgjande vilkår: Jord og torvhaugen ved Skogastova skal nyttast til torvlegging før det vert tatt ut ny torv til taket. Torvuttaket skal avgrensast til området nordvest på Skogane på gnr. 67, bnr. 2. Dette området er merka som teig 7 i skjøtselsplan for Skogane (Rapport desember 2016). Uttaket skal avgrensast til det som er naudsynt for å legge torvtak på Skogastova. Området skal ikkje såast til etter uttaket av torv. Området skal gro att naturleg. Uttak av torv skal avsluttast i 2018. Det skal sendast rapport med bilde til sekretariatet når arbeidet er sluttført, og seinast 01.12.2018. Saksopplysningar Dokument som bakgrunn for saka: Vedtak om restaurering av Skogastova, Fylkesmannen i Sogn og Fjordane 23.01.2009. Søknaden vert vurdert etter: Forskrift om vern av Nærøyfjorden landskapsvernområde av 08.11.2002 Naturmangfaldlova av 19. juni 2009 Forvaltningsplan for Nærøyfjorden, rapport nr. 1 2008 Skjøtselsplan for Skogane, ein husmannsplass i Dyrdal, Nærøyfjordområdet. Rapport nr. Desember 2016. Siri Wølneberg Bøthun Skogane er ein husmannsplass i Dyrdal i Nærøyfjorden landskapsvernområde. Plassen har og vore nytta som vårstøl for gardar i Dyrdal. Skogastova er einaste bustadhuset på Skogane. Eigar av stova er Arild Dyrdal. Arild Dyrdal fekk løyve frå Fylkesmannen i Sogn og Fjordane til å restaurera Skogastova i 2009. Restaureringsarbeidet er gjennomført og Landskapsvernområde Nærøyfjorden verneområdestyre
Skogastova er ført opp att på restaurert grunnmur på Skogane. Det står att å legge torv på taket på Skogastova. Arild Dyrdal og verneområdeforvaltar Anbjørg Nornes var på synfaring på Skogane 12. juli 2017 for å sjå på alternative stadar for å stikke torv på Skogane. Eit aktuelt område er nordvest for Skogastova. Del av teig 7 nordvest for Skogastova. Foto Anbjørg Nornes Skogane med teiginndeling. Kartkopi frå skjøtselsplan for Skogane Side 2 av 5
Lovgrunnlaget Føremålet i Nærøyfjorden landskapsvernområde er definert i verneforskrifta 2: «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter». Alle inngrep eller tiltak som kan endre eller verke inn på landskapets art eller karakter er forbode. Området er verna mot «sprenging, masseuttak, utfylling, planering og lagring av masse, lausbryting og fjerning av stein og mineral» jf. 3 pkt. 1.1. a). Tiltak med uttak av torv er ikkje nemnt under dei spesielle dispensasjonsreglane, og forvaltninga må difor vurdera om det er heimel for å gje dispensasjon til tiltaket etter naturmangfaldlova 48 fyrste ledd og fyrste alternativ; «Forvaltingsmyndigheten kan gjøre unntak frå et vernevedtak dersom det ikke strider mot vernevedtakets formål og ikke kan påvirke verneverdiene nevneverdig». Etter naturmangfaldlova (nml) 7 skal prinsippa i 8-12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Skogastova som er restaurert er ein viktig del av kulturlandskapet på Skogane, og kulturlandskap med kulturminne er ein del av verneføremålet i Nærøyfjorden landskapsvernområde. Uttak av torv til taktekking var ein tradisjonell metode for taktekking i området. Restaurering av bygningar og kulturminne er vurdert i verneplanprosessen, men ikkje uttak av torv i samband med restaureringa. I fylgje rettleiaren til naturmangfaldlova 48, kan mindre bagatellmessige tiltak i verneområde vurderast etter fyrste alternativ. Begge vilkåra i 48 må vera oppfylt, både at det ikkje skal vera i strid med verneføremålet, og ikkje vera til nemneverdig skade på naturverdiane. Kunnskapen om området er kjent gjennom forvaltningsplan for Nærøyfjordområdet, Naturbase og skjøtselsplan for Skogane. I arbeidet med skjøtselsplan er det registrert verdifull slåttemark på Skogane. Det bør ikkje takast ut torv frå dette området, eller dei andre områda med slåttemark. I den nordvestlege delen av området er det registrert gamle steinmurar. Her har det truleg vore åkerland, og jorda har vorte vend om i tidlegare tider. Feltsjiktet er høgvakse med til dels nitrogenkrevjande artar. Dette er teikn på frisk mark og godt jordsmonn. Uttak av torv i dette området vil gje liten skade på naturverdiane i området. Det er ikkje registrert sårbare artar på Skogane. Kunnskapsgrunnlaget jf. nml. 8 er vurdert som godt for å vurdera saka, og føre-var-prinsippet jf. nml. 9 er difor tillagt liten vekt. Forvaltninga skal vurdera den samla belastninga tiltaket vil få på naturmiljøet jf. nml. 10. Taket på Skogastova er ca. 40 m 2. Det skal leggjast to lag med torv på taket. I samband med arbeidet med å ta ned Skogastova for restaurering, vart torv og jord lagt til side. Dette ligg no som ein torv- og jordhaug ved sida av Skogastova, og kan nyttast opp att ved torvlegginga. Det vil vera trong for å ta ut noko torv i tillegg. Uttaket vil vera avgrensa, og er vurdert som eit bagatellmessig tiltak. Det er berre dette eine bustadhuset på Skogane, og det vil difor ikkje verta tatt ut torv til fleire bygg i dette området. Side 3 av 5
Under synfaringa på Skogane 12. juli, vart det sett på ein eigna lokalitet for torvuttak i eit område nordvest for Skogane. Det er gode vekstvilkår for plantar i området, og det vil rakst gro til att med ny vegetasjon. Området ligg ikkje i direkte kontakt med Skogastova eller stien inn til området. Uttak av torv i dette området vil i liten grad påverka landskapet. Forvaltar vurderer den samla belastninga på området som akseptabel. Det er tradisjonell byggemetode i området å ta ut torv til taktekking. I dette området med gode vekstvilkår, vil område der det er tatt ut torv gro raskt til att. Alternativet til å finne torv frå nærområdet, er å fly inn torvsekker. Dette kan gje vera uheldig ved at det kjem framande artar inn i området med innkjøpt torv. I tillegg vert det uro i området med helikoptertransport. Forvaltar vurderer bruk av stadeigen torv frå plassen som er valt, som den beste metoden for torvlegging i dette tilfellet, jf. nml. 12 om val av den mest miljømessige metode og lokalisering. Nml. 11 er vurdert som ikkje relevant for denne saka. Konklusjon I utgangspunktet er det ikkje tillate med masseuttak i Nærøyfjorden landskapsvernområde. Uttaket av torv er tradisjonell metode for taktekking i område, og det er vurdert som eit bagatellmessig tiltak. Etter ei samla vurdering etter naturmangfaldlova 8-12, meiner forvaltar torvuttaket på Skogane ikkje vil påverka verneverdiane nemneverdig, og det vil ikkje vera i strid med verneføremålet. Det er sett i gang skjøtsel av dei sentrale slåttemarkene på Skogane i samsvar med skjøtselsplan. Ferdig restaurert arbeid på Skogastova og skjøtsel av området vil auka kulturlandskapsverdi, og med det ivaretaking av verneføremålet. Det er merkt rundtur frå Dyrdal til Skogane, Salthella og tilbake til Dyrdal. Det restaurerte kulturlandskapet med Skogastova gjev ein auka opplevingsverdien for besøkjande i området. På bakgrunn av vurderingane i saka vert det gjeve løyve til tiltaket etter naturmangfaldlova 48 fyrste ledd og fyrste alternativ. Klage Vedtaket kan klagast inn for Klima- og miljødepartementet av partar i saka eller andre som har rettsleg klageinteresse med ein frist på 3 veker jf. forvaltningslova 28. Klagen skal sendast verneområdestyret v/sekretariatet, som kan gje nærare opplysningar om klagerett og rett til og sjå saksdokument. Med helsing Anbjørg Nornes verneområdeforvaltar Etter våre rutinar er dette brevet godkjent og sendt utan underskrift Side 4 av 5
Kopi pr. e-post til: Aurland kommune Fylkesmannen i Sogn og Fjordane SNO Aurland Side 5 av 5