FYLKESREVISJONEN Engasjements- og eigarskapskontroll i Møre og Romsdal fylke
Møre og Romsdal Fylke Rapport om Engasjements- og eigarskapskontroll Innleiing Kontrollutvalet har i sak Ko 21/08 vedtatt følgjande: 1. Kontrollutvalet ber fylkesrevisjonen utføre engasjementskontroll etter koml. 77 nr 5 og retningslinjene for selskapskontroll for revisjonsåret 2007, og gi tilbakemelding til kontrollutvalet om utføringa og resultatet av kontrollen. 2. Fylkesrevisjonen blir særleg beden om å vurdere om det bør gjennomførast eigarskapskontroll etter koml. 80 i noko selskap. I tilfelle fylkesrevisjonen finn grunn til at det bør gjennomførast slik kontroll, føreset kontrollutvalet å få melding om dette med grunngiving i tilbakemeldinga. Slik kontroll skal evt. berre utførast etter nærare vedtak i kontrollutvalet eller fylkestinget. 3. Særleg blir fylkesrevisjonen beden om å vurdere om det bør gjennomførast eigarskapskontroll etter koml. 80 i Fjord1 Nordvestlandske AS, m.a. med bakgrunn i vurderingane i tidlegare risikoanalyse i selskapet. 4.Kontrollutvalet føreset å få tilbakemeldinga til behandling i møte i kontrollutvalet den 27. nov 2008. Generelt om fylket sine eigarinteresser I rekneskapen for 2007 er det gitt ein note med opplysningar om fylket sine eigarinteresser i aksjeselskap med meir. Det er 47 selskap som er nemnt i denne oversikta, talet på selskap er noko høgre da fylket har små aksjeposter som er ført opp under diverse aksjar/andelar. Totalt er fylket engasjert i 51 selskap og 1 stiftelse. I tillegg er fylket inne med garantiar for 9 selskap, hovudsakeleg innan samferdsel. Garantiansvaret utgjer i overkant av 1,4 milliardar kr. Selskapa har varierande formål men det er selskap innan samferdsel, turisme, energi og utviklingsselskap som er dei store engasjementa.
Side 3 Fylket sin oppfølging av eigarinteressene Fylkesdirektøren la i sak T 10/06 fram ei sak om fylkets føresetnader og strategi for engasjementa. Det er i første rekke fylket si regionalpolitiske oppgåve med å være ein regionalutviklande aktør som er bakgrunnen for eigarskapet. I tillegg er det ei overordna interesse for fylket at selskapa ein deltek i, har ein sunn og god økonomi. Det er i saka gjort greie for korleis fylkesdirektøren vil arbeide med denne interne kontrollen. Fylkestinget slutta seg til fylkesdirektøren sine vurderingar og fatta følgjande vedtak: l Fylkestinget sluttar seg til fylkesdirektøren sine vurderingar, og føreset at administrasjonen og forvaltarane si oppfølging samt kontrollutvalets tilsyn/kontroll blir basert på dei omsyn og innafor dei rammer saka har gjort greie for. Fylket si økonomiavdeling saman med juridisk avdeling har ansvaret for å følgje opp eigarinteressene. Det er to problemstillingar som blir følgd opp: - selskapet si økonomiske stilling - driv selskapet i samsvar med selskapets formål og er fylkets grunngjeving for eigarskap i selskapet framleis gyldig. Fylket har i januar 2007 gjennomført styreopplæring for fylkestingets medlemmer og andre som er fylkets representantar i selskap, stiftingar mv. Særleg tema for denne samlinga har vore kva krav og retningslinjer kommunelov, aksjelov og annen lovgiving gir for medlemmane sine forskjellige roller. Fylkesdirektøren legg også fram sak til fylkestinget i desember 2008 der det blir gjort greie om arbeidet med oppfølging av eigarinteressene. Selskapa som har vore gjenstand for spesiell oppfølging er det gjort særskilt greie for. Vi viser til denne saka, som blir lagt som vedlegg til vår rapport. Konklusjon - Engasjementskontroll etter kommunelovas 77 nr 5 Kontrollutvalet har etter kommunelovas 77 nr 5 plikt til å sjå etter at det blir ført kontroll med fylket sine interesser i selskap mv. Som nemnt i innleiinga er fylkesrevisjonen gitt oppgåva med å gjennomføre engasjementskontrollen og rapportere til kontrollutvalet. Vår kontroll er lagt opp med gjennomgang av rutinane med administrasjonen og gjennomgang av dokumenta som er utarbeidd i samband med desse interne rutinane.
Side 4 Vi ser at administrasjonen har følgd opp rutinane og kontrollert fylket sine eigarinteresser i 2008. Årsrekneskapane og årsmelding frå styret er innhenta og gjennomgått. Det er utarbeidd økonomiske analyser for selskapa, og formålet med fylket sitt eigarskap er vurdert mot opplysningane i årsmelding om kva drift selskapet har. Ved behov er selskapa kontakta for å avklare enkelte forhold. Alle opplysningane om selskapa og dokumenta som er utarbeidd ved gjennomgangen av selskapa er oppbevart på ein velordna måte. Vi fekk tilgang til dette og hadde ein god og grei kommunikasjon med dei involverte i administrasjonen. Administrasjonen har også lagt frem sak til fylkestinget om fylket sine engasjement, som blir fremma til fylkestinget i desember 2008. Det kjem fram i denne meldinga kva selskap som det er gjort tettare oppfølging av. Det er i saka ikkje foreslått endringar i grunngjeving for eigarskapet for nokon av selskapa. Vår sak er lagt fram for fylkesdirektøren som ikkje har merknader. Notatet ligg ved rapporten. Selskapskontroll etter kommunelova 80 I selskap der ein kommune/fylke aleine eller saman med andre eig alle aksjar kan kontrollutvalet eller kommunens/fylket sin revisor gjennomføre undersøkingar i selskapet. Fylket har ein del selskap som er aktuell for slik kontroll. For året 2007 gjaldt dette: Navn Eigardel Trafikanten Møre og Romsdal AS 100 % Fjord1 Nordvestlandske AS 41 % AS Fastlandsfinans 46 % Trollheim Vekst AS 38 % Svorka Energi AS 25 % Hareid Riksvegsamband AS 20 % Skodjebrua AS 20 % Imarfinans AS 12 % Fosnaporten AS 10 % Kommunekraft AS 0,3 % GassRor IKS 16 % IKA Møre og Romsdal IKS 21 % Fjord1 Nordvestlandske AS Fylkesrevisjonen har i samarbeid med revisjonen i Sogn og Fjordane lagt fram ei risikoanalyse. Denne er behandla i fellesmøte for kontrollutvalga i begge fylka. Analysen er også lagt fram for fylkestinga.
Side 5 Vi har sett at dei risikoområda som vi har påpeika i analysen framleis har stor aktualitet i 2008. Selskapet har lagt fram eit godt resultat for 2007 og har ein eigenkapital på 745 mill kr. Utfordringa gjennom sterk vekst for selskapet er at det er ei negativ utvikling på arbeidskapitalen. Vi finn ikkje grunnlag for å anbefale ein selskapskontroll i konsernet. Selskapet sjølv og dei styrande organ i konsernet har etter vårt syn god oversikt over selskapet si stilling og utfordringane framover. Svorka Energi AS Fylkesrevisjonen la vinteren 2008 frem ei sak om selskapskontroll i konsernet. Bakgrunnen for saka var uro kring selskapet, med mykje omtale i media. Styreformannen i selskapet trekte seg frå vervet og dagleg leiar sa opp stillinga si. Rapporten er lagt fram for kontrollutvalet og fylkestinget til behandling. Selskapet har tilsett ny dagleg leiar og det er valt nytt styre. Det er meir ro kring selskapet no og det er også lagt fram eit svært godt resultat for halvårsrekneskapen i 2008. Vi anbefaler ikkje meir selskapskontroll i konsernet no. I rapporten på Svorka er det påpeika eit område som har medverka til uro i selskapet. Dette gjelde interne rutinar rundt transaksjonar med nærståande m.a tilsette og styremedlemmer. Vi har i rapporten anbefalt at selskapet utarbeider etiske retningslinjer med rutinar for korleis ein skal handtere slike forhold. KS har i si anbefaling om eigarskap også anbefalt at eigar tar ansvar for at offentlege selskap har slike retningslinjer på plass. Konklusjon selskapskontroll Vi har under vårt arbeid ikkje sett forhold som etter vårt syn krev selskapskontroll i selskapa fylket er medeigar i. Vi anbefaler at det i den eigaroppfølginga administrasjonen gjer i høve selskap undergitt selskapskontroll etter 80 blir arbeidd for at desse selskapa, i den grad dei ikkje har det, skal utarbeide etiske retningslinjer som også omhandlar transaksjonar med nærståande.