Stryn kommune Arkiv: FA - Q80, HIST - 16/447 JournalpostID: 16/23383 Saksbehandlar: Tor Guddal Saksframlegg Saksnr. Utval Møtedato 214/16 Formannskapet 30.11.2016 Kommunedelplan for trafikktrygging og samferdsle 2017-2020 - Vedtak om utlegging til offentleg ettersyn Bakgrunn for saka: Framdrifta av planprosessen er no komen til «Vedtak om utlegging av kommunedelplanen til offentleg ettersyn». Teknisk etat har no utarbeida framlegg til kommunedelplanen på bakgrunn av vedteke planprogram og innspel til planprogrammet. «Framlegg til kommunedelplan» ligg som vedlegg til saka. Ferdig utarbeida plan vil få tittelen «Kommunedelplan for trafikktrygging og samferdsle 2017-2020». Lovgrunnlag, reglar, føresegner, plandokument: Plan- og bygningslova Ikkje vedlagt sakstilfang: FO 098/16 av 15.06.2016 Oppstart av kommunedelplan for trafikktrygging og samferdsle 2017-2020, og høyring av planprogram KS 063/16 av 22.09.2016 Kommunedelplan for trafikktrygging og samferdsle Fastsetjing av planprogram Vedlegg i saka: Arbeidsdokument-Kommunedelplan for trafikktrygging og samferdsle (endringer frå 29.09.16) 1331775 Saksopplysningar: Planprogrammet for kommunedelplan for trafikktrygging og samferdsle vart vedteke i møte i kommunestyret sak KS-063/16 den 22.09.2016. Etter vedtaket er det utarbeida «Framlegg til Kommunedelplan for trafikktrygging og samferdsle,
arbeidsdokument pr. 22.11.2016», på bakgrunn av innspel til planprogrammet. I høve til vedteken framdriftsplan for planprosess, er ein no om lag 1 mnd. på etterskot. Nye behov er registrert og er teke med som grunnlag for tiltak og prioriteringar i planen. Prioriteringar i tidlegare plan er hovedsakleg vidareført, men med nokre endringar som er kommentert under. Prosjektgruppa har gått gjennom innspela til planprogrammet og vedlagt framlegg til kommunedelplan. Kommentarar vedkomande dei enkelte prioriteringslistene: 9.1 Prioritering av tiltak som det kan søkjast fylkeskommunalt trafikktryggingstilskot til (TIK-midlar) Her er tiltaka delt opp i tiltak på fylkesveg og tiltak på kommunal veg. Det er ikkje høve til å søkje om TIK-midlar til tiltak langs riksveg. 9.2 Prioritering av rassikring på fylkesvegnettet Har same prioriteringsliste som føregåande plan. Viser også til tilleggsvedtak i sak KS 016/13: «Dersom økonomien ikkje tillet oppstart av dei prioriterte prosjekta i handlingsplanperioden, ber vi om at heilt nødvendige, men mindre kostnadskrevjande strakstiltak, vert vurdert. Dette gjeld sikring av Merkingsgjølet på fv 723 Lodalen og Heimefonna på fv 724 Oldedalen». 9.3 Prioritering av øvrige investeringstiltak på fylkesvegnettet Pkt. 1 i tidlegare pri.liste (Vegutbetring Fv 60 Ugla-Skarstein) utgår av lista, då dette tiltaket er under utføring. Pkt. 3 i tidlegare pri.liste (Vegutbetring Fv 60 Utvikfjellet, tunnel frå Byrkjelo og forbi Utvik sentrum) utgår av lista, då denne parsellen inngår i framtidig E39. Underståande pkt. rykker opp på prioriteringslista. 9.4 Opplysningar om «Flaskehalsar» på fylkesvegnettet Viser her til tidlegare innsendt innspel til Sogn og Fjordane fylkeskommune i 2012 og 2013 i samband med RTP 2013-2023. 9.5 Prioritering av gang- og sykkelvegar i Stryn kommune I førre planperiode 2013-2016 er det ikkje gjennomført nybygging av gang- og sykkelvegar i Stryn kommune. Ny g/s-veg Stryn sentrum Rise bru vart ferdigstilt i desember 2012. Tiltak langs riksveg Her er det ikkje føreslege endringar i høve til tidlegare vedteke prioritering, sak KS 016/13, og vedtekne prioriteringar i plan 2013-2016 vert derfor vidareført. Tiltak langs fylkesveg Her er det føreslege endring i oppstillinga for tiltak. Pri. 2 vert endra til pri.1. Fv 60, Solvik og austover til eksist. g/s-veg i Loen Utdrag frå skriv frå rådmannen til fylkeskommunen datert 19.03.2014. «Situasjonen for gåande/syklande langs denne strekninga av fv 60 har vore og er ganske
uhaldbar. Trafikken på denne strekninga har auka monaleg dei seinare åra, jmf. tilgjengeleg trafikkstatistikk. Behovet for gang- og sykkelveg på denne strekninga er såleis allereie i dag skrikande. I tillegg føreligg det planer om næringsmessig utbygging (m.a Sleipner Hoven-prosjektet) som vil forsterke behovet ytterlegare utan at dette prosjektet isolert sett verkar utløysande. Tilsvarande gjeld framtidig bustadbygging i området Solvik/Rake.» «Innbyggjarane på strekninga Loen-Rake vender seg til Loen sentrum i handels-, skule- og fritidssamanheng. Dette inneber at alle har eit ferdselsbehov langs den aktuelle strekninga». Saka er vidare følgt opp med skriv frå ordførar til fylkeskommunen datert 08.08.2014 - søknad om kommunal forskottering. Saka er vidare drøfta i samrådingsmøte mellom fylkeskommunen, Statens vegvesen og Stryn kommune den 19.08.2016, med følgjande konklusjon: «Tiltaket er ikkje prioritert i gjeldande handlingsprogram til RTP. For å kome i prioritet ved revisjon av RTP, må kommunen spele inn dette som eit prioritert prosjekt frå kommunen si side. Dersom tiltaket skal framskundast i gjeldande handlingsprogram, er det avhengig av politisk omprioritering. Dersom det er nye moment i saka, bør det sendast ny søknad til fylkeskommunen med oppdaterte problemstillingar. Eventuelle medfinansieringar bør vere mest mogeleg konkret og avklart (bindande avtalar). Pri. 1 vert endra til pri.2 Fv 60, Samanhengande g/s-veg frå Hildastranda til Innvik sentrum Denne vart sett på pri. 1 i førre plan, fordi det vart gjeve føringar på reguleringsarbeid og forventa snarleg byggearbeid på denne strekninga. Desse føresetnadane har endra seg. Pri. 8 vert endra til pri. 3 Fv 60, Frå eksist. g/s-veg ved Skarsteinkaia til ende regulert g/s-veg Kommentatar: Utbygging av parsellen Ugla-Skarstein på Fv 60 vart vedteken igongsett i føregåande planperiode, utan at det vart gjeve løyving til opparbeiding av regulert g/s-veg på langs denne vegen. Dette på ei strekning med lengde 1280m frå Skarsteinkaia retning Innvik. Til møte i hovedutval for Samferdsle den 27.sept. 2016 vart det lagt fram skriv/opplysningar om behov for at tidlegare vedtak vert omgjort, og at g/s-vegen blir bygd som ein del av veganlegget. Skrivet/presentasjonen var sendt frå Kontaktutvalet for Olden og Oldedalen, Foreldreutvalet ved Olden skule, Eldrerådet i Stryn og Stryn kommune. Saka vart lagt fram for hovudutvalet som orientering, utan at det vart gjort noko vedtak i saka. Aksjonsgruppe og Stryn kommune v/ordførar ba Fylkeskommunen v/hovedutval for samferdsle om ny handsaming av saka,i epost av 17.okt. 2016. Brevet vart lagt fram for hovudutvalet i møte den 25.okt. 2016, som tok skrivet til orientering. Kontaktutvalet for Olden og Oldedalen har fått dette svaret frå fylkesdirektør for samferdsle: «Hovedutvalet for samferdsle tok skrivet til orientering. Når det gjeld vidare prosess vil eg syne til arbeidet med Regional transportplan for perioden 2018-2027 som føregår no. Dersom nye investeringsprosjekt skal kunne realiserast, må dei få plass i handlingsprogrammet til denne. Kommunane blir bedne om å kome med innspel, både til innhaldet i planen og til prioriteringar i handlingsprogrammet. Planen vil bli lagt ut til offentleg ettersyn sommaren 2017, og handsama i Fylkestinget i desember 2017.»
Vurdering: I samband med Regional transportplan Sogn og Fjordane 2018-2027, er det opplyst følgjande i planprogrammet pkt. 3.4.1 Plankrav for investeringstiltak i handlingsprogram: I samband med utarbeiding av RTP og handlingsprogram vil fylkeskommunen stille plankrav til nye investeringstiltak, tilvarande krav som vert stilt til tiltak i NTP. Plankrava vert sette for å sikre best mogeleg kvalitet på kostnadstala i RTP og handlingsprogram, og for å sikre at planarbeidet for dei ulike prosjekta er kome langt nok i gjennomføring i samsvar med føresetnadane. For prosjekt som skal vere med i RTP denne perioden vert det stilt følgjande plankrav: For prosjekt med oppstart i påfølgjande år skal det ligge føre godkjent reguleringsplan innan 1.juni (For prosjekt med oppstart i 2017 skal det ligge føre godkjent reguleringsplan innan 1.juni 2016) For prosjekt i første fireårsperiode skal det ligge føre ein vedteken arealdel, kommuneplan eller tilsvarande. For prosjekt i siste seks-årsperiode, dvs. perioden 2019-2024, skal det ligge føre ei utgreiing for større prosjekt som avklarer rammer og omfang for tiltaket. Utarbeiding av reguleringsplanar for prioriterte tiltak som krev reguleringsplan må gjevast høg prioritet. Det er avklart med Sogn og Fjordane Fylkeskommune v/samferdsleavdelinga at reguleringsplaner som er eldre enn 10 år kan nyttast ved utbyggingstiltak, men at desse ikkje kan nyttast til å oreigne veggrunn. Sogn og Fjordane fylkeskommune skal i desember 2016 sende ut brev til kommunane med orientering om RTP 2018-2029 og med fristar for innspel. Vidare vil det verte arrangert møte med kommunane i januar 2017. Fylkeskommunen opplyser vidare i brev til kommunane 08.09.2016 at arbeidet med handlingsprogram til transportplanen og handlingsplan for trafikktrygging vil starte opp i løpet av februar 2017. Og når dette arbeidet startar opp ber dei om innspel på konkrete tiltak knytt til handlingsprogram/handlingsplan. Deira arbeid med Regional transportplan skal ifølge framdriftsplanen vere ferdig i mai/juni 2017. Innspel frå Stryn kommune til Sogn og Fjordane fylkeskommune i samband med RTP 2018-2029 må sendast inn våren 2017. Kommunedelplan for trafikktrygging og samferdsle, og prioriteringane som vert vedtekne i denne er såleis eit styrande dokument i desse innspela til RTP. Det er avklart med Sogn og Fjordane Fylkeskommune v/samferdsleavdelinga at innspel til RTP 2018-2029 vert etter same mal som for førre innspel, og etter følgjande inndeling m/prioritering. Rassikring Øvrige investeringstiltak på fylkesvegnettet, inkl. gang-/sykkelvegar Vidare er det ønskjeleg med ei avklaring på kva som skal leggast til grunn ved prioriteringar av tiltaka for bygging av nye gang-/sykkelvegar langs eksist. vegar. Her er mange forhold som kan ha medverknad til desse prioriteringane (trafikkmengde, vegklasse/type veg, fartsgrense, skuleveg/skuleskyss, ulykkesstatistikk, veglys m.m.) Ei vurdering av desse forholda med vekting av dei ulike tilhøva med resultat/prioritering synest arbeidskrevjande å få gjennomført. Gjeldande retningslinjer for kommunal skuleskyss og vedtak om / finansiering av kommunal skuleskyss
(seinast sak SK 003/16 av 01.03.2016) er også eit moment i desse vurderingane/prioriteringane. I tilfelle slike retningslinjer skal etablerast som grunnlag for prioritering av nye gang- og sykkelvegar i Stryn kommune, må føringar for dette utarbeidast og vedtakast i eiga sak. Rådmannen sitt framlegg til vedtak: 1. Framlegg til Kommunedelplan for trafikktrygging og samferdsle skal kunngjerast slik den ligg føre. 2. I samsvar med plan- og bygningslova 2008 11-14 blir «Framlegg til Kommunedelplan for trafikktrygging og samferdsle» sendt på høyring og lagt ut til offentleg ettersyn i 6 veker. 3. Endelege innspel m/prioriteringar i høve til RTP Sogn og Fjordane 2018-2029 vert presentert i politisk sak til TS / FO / KS i februar 2017, etter innarbeiding av merknader og ferdigstilling av planen. Formannskapet 30.11.2016: Handsaming: Rådmannen sitt framlegg samrøsytes vedteke. FO- 214/16 Vedtak: 1. Framlegg til Kommunedelplan for trafikktrygging og samferdsle skal kunngjerast slik den ligg føre. 2. I samsvar med plan- og bygningslova 2008 11-14 blir «Framlegg til Kommunedelplan for trafikktrygging og samferdsle» sendt på høyring og lagt ut til offentleg ettersyn i 6 veker. 3. Endelege innspel m/prioriteringar i høve til RTP Sogn og Fjordane 2018-2029 vert presentert i politisk sak til TS / FO / KS i februar 2017, etter innarbeiding av merknader og ferdigstilling av planen.