KONKURRANSEGRUNNLAG:

KONKURRANSEGRUNNLAG: Open anbodskonkurranse etter forskrift om offentlige anskaffelser del I og del III Rammeavtale tekniske rådgjevingstenester Viktige fristar Frist for å stille spørsmål til konkurransedokumenta 03.11.2014, kl. 14:00 Tilbodsfrist 11.11.2014, kl. 14:00 Vedståingsfrist 03.01.2015, kl. 14:00 Side 1 av 12

Innhaldsliste: 0 FORKORTINGAR OG UTTRYKK... 3 1 SKILDRING AV BEHOV... 4 1.1 OPPDRAGSGJEVAR... 4 1.2 KUNNGJØRING /ANNONSERING... 4 1.3 BEHOV... 4 1.4 KONTRAKTENS OMFANG... 4 1.5 LENGDA PÅ KONTRAKTEN... 5 2 GJENNOMFØRING AV KONKURRANSEN... 6 2.1 REGELVERK... 6 2.2 KONKURRANSEFORM... 6 2.3 ENDRING AV KONKURRANSEGRUNNLAGET... 6 2.4 ENDRING OG TILBAKEKALL AV TILBOD... 6 2.5 ATTERHALD... 6 2.6 ALTERNATIVE TILBOD... 6 2.7 AVKLARINGAR... 6 2.8 AVVISING AV LEVERANDØR... 6 2.9 AVVISING AV TILBOD... 7 2.10 AVLYSING AV KONKURRANSEN... 7 2.11 SPRÅK... 7 2.12 INFORMASJONSFORMIDLING OG KOMMUNIKASJON... 7 2.13 KONTAKTPERSON FOR DENNE ANSKAFFINGA... 7 2.14 INNSTILLING PÅ KONTRAKTSTILDELING... 7 3 KRAV TIL LEVERANDØRENS KVALIFIKASJONAR... 8 3.1 GENERELT OM KVALIFIKASJONSKRAV... 8 3.2 KRAV TIL ORGANISATORISK OG JURIDISK STILLING... 8 3.3 LEVERANDØRENS TEKNISKE OG FAGLIGE KVALIFIKASJONAR... 9 3.4 UNDERLEVERANDØRAR... 9 4 KRAVSPESIFIKASJON... 9 4.1 GENERELT OM KRAVSPESIFIKASJON... 9 4.2 KRAVSPESIFIKASJON... 9 5 TILDELINGSKRITERIUM... 10 5.1 TILDELINGSKRITERIER... 10 6 KRAV TIL TILBODET... 11 6.1 TILBODETS UTFORMING... 11 6.2 LEVERING... 11 Side 2 av 12

Konkurransedokument: Vedlegg 1 Tenestekontrakt Vedlegg 1 Bilag 1 Oppdragsgivars spesifikasjon Vedlegg 1 Bilag 3 Administrative vilkår Vedlegg 1 Bilag 4 Samla pris- og betalingsvilkår Vedlegg 1 Bilag 5 Endringar i den generelle avtaleteksten Vedlegg 1 Bilag 6 Endringar etter kontraktsinngåinga Vedlegg 2 Tilbodsframside Vedlegg 3 Eigenerklæring teieplikt Vedlegg 4 Forpliktingserklæring Vedlegg 5 Eigenerklæring HMS 0 Forkortingar og uttrykk I konkurransedokumenta nyttast følgjande forkortingar, namn og uttrykk: Forkortingar Forklaring Merknader LOA Lov om offentlige anskaffelser av 16. juli 1999 nr. 69 FOA Forskrift om offentlige anskaffelser av 7. april 2006, nr. 402 Offl. Lov om rett til innsyn i dokument i offentleg verksemd av 19. mai 2006 nr.16 FVL Lov om behandlingsmåten i forvaltningssaker av 10. februar 1967, nr. 9 DOFFIN Database for offentlige innkjøp Nasjonal database for offentlige anskaffingar TED Tenders Electronic Daily Europeisk database for offentlige anskaffingar Side 3 av 12

1 Skildring av behov 1.1 Oppdragsgjevar Oppdragsgjevar for denne anskaffinga er Fusa kommune. Anskaffinga vil administrerast av eininga Teknisk drift 1.2 Kunngjøring /annonsering Konkurransen er kunngjort i DOFFIN (www.doffin.no) og TED (www.ted.europa.eu) 1.3 Behov Fusa kommune har behov for tekniske rådgjevingstenester innan følgjande områder: Nr. Avtaleområde 1. Arkitekttenester 2. Ingeniørtenester bygg 3. Arealplanlegging, veg og samferdsel 4. Vatn og avlaup 5. Geologirelaterte tenester 6. Prosjekt- byggeleiing og SHA 7. Uavhengig kontroll Prosjekta vil variere i omfang og kompleksitet. Oppdragsgjevars føremål med anskaffinga er å inngå rammeavtale med éin leverandør innan kvart avtaleområde. Det er mogleg å gi tilbod på éin eller fleire avtaleområder. Leverandør på avtaleområde 7 kan ikkje levere tenester på avtaleområda 1-6. Dersom tilbydar leverer tilbod på avtaleområde 7 i tillegg til andre avtaleområder, vil avtaleområda 1-6 ha prioritet, med mindre tilbydar i tilbodsbrevet presiserer noko anna. 1.4 Kontraktens omfang Nr. Avtaleområde Estimert årleg timetal 1. Arkitekttenester 300 2. Ingeniørtenester bygg 300 3. Arealplanlegging, veg og samferdsel 200 4. Vatn og avlaup 200 5. Geologirelaterte tenester 50 6. Prosjekt- byggeleiing og SHA 150 7. Uavhengig kontroll 50 Atterhald til kontraktens omfang: Det oppgitte timeomfanget er eit estimat. Det kan bli vesentlege endringar i volum, mellom anna på grunn av budsjettvedtak og endringar i planlagde investeringar. Estimatet er såleis ikkje bindande for Oppdragsgjevars avrop gjennom avtaleperioden. Side 4 av 12

Enkelte oppgåver vil kunne løysast gjennom eigenregi eller i samarbeid med andre kommunar og for større/spesielle prosjekt kan Oppdragsgjevar lyse ut enkeltvise konkurransar. Rammeavtalen kan vere avgrensa mot tilfelle der tenesteytinga er ein mindre del og naturleg høyrer til eit anna prosjekt. 1.5 Lengda på kontrakten Kontrakten skal ha ei lengd på 2 år, med opsjon for Oppdragsgjevar til å forlenge kontrakten i inntil ytterlegare 2 år, totalt maksimalt 4 år. Oppdragsgivar skal varsle om innløysing av opsjon seinast 30 dagar før utgangen av inneverande avtaleår. Side 5 av 12

2 Gjennomføring av konkurransen 2.1 Regelverk Anskaffinga er omfatta av LOA og FOA. For denne anskaffinga gjeld FOA del I og III. 2.2 Konkurranseform Konkurranseform er open anbodskonkurranse 2.3 Endring av konkurransegrunnlaget Innan tilbodsfristens utløp kan oppdragsgjevar utføre retting, supplering og endring av konkurransegrunnlaget som ikkje er vesentleg, jf. FOA 17-2(1). 2.4 Endring og tilbakekall av tilbod Tilbod kan tilbakekallast eller endrast inntil tilbodsfristens utløp. Tilbakekallinga skal skje skriftleg. Endring av tilbodet vil reknast som eit nytt tilbod, jf. FOA 20-5. 2.5 Atterhald Det er tilgang til å ta atterhald dersom dei ikkje er vesentlege. Tilbod som inneheld vesentlege atterhald vil bli avvist, jf. FOA 20-13 (1), bokstav d. Tilbydarane vert gjort merksame på at uklarheiter, atterhald og andre avvik frå konkurransegrunnlaget kan føra til at oppdragsgjevar i samsvar med FOA kan/må avvisa tilbodet. Dette gjeld mellom anna tilbod som inneheld vesentlege atterhald mot kontraktvilkåra, og atterhald som kan medføra tvil om korleis tilbodet kan vurderast i høve til dei andre tilboda. Tilbydarane som tek atterhald bør difor så langt det er mogeleg setja ein pris på atterhalda, dersom dei kan medføra prismessige konsekvensar. 2.6 Alternative tilbod Det vil ikkje opnast for levering av alternative tilbod i konkurransen. 2.7 Avklaringar Det er opna for avklaringar av uklarleikar, så langt uklarleiken ikkje er av ein slik art at tilbodet skulle vore avvist, jf. FOA 21-1 (1) og (2) 2.8 Avvising av leverandør Oppdragsgjevar pliktar å avvise leverandør av årsaker som er angitt i FOA 20-12 (1). Oppdragsgjevar kan avvisa leverandør av årsaker som er angitt i FOA 20-12 (2) Side 6 av 12

2.9 Avvising av tilbod Oppdragsgjevar pliktar å avvise tilbod av årsaker som angitt i FOA 20-13 (1). Oppdragsgjevar kan avvise tilbod av årsaker som er angitt i FOA 20-12 (2) 2.10 Avlysing av konkurransen Oppdragsgjevar kan avlyse konkurransen eller forkasta alle tilbod, dersom det ligg føre sakleg grunn, jf. FOA 22-1. 2.11 Språk Alle dokument og all kommunikasjon som omhandlar denne konkurransen skal gå føre seg på norsk. Det vert gjort merksam på at det same kravet også vil gjelda i gjennomføringa av rammeavtalen. 2.12 Informasjonsformidling og kommunikasjon Dersom det blir gjort retting, supplering eller endring av konkurransegrunnlaget vil orientering bli sendt til alle som har motteke konkurransegrunnlaget frå www.doffin.no. Oppdragsgjevar vil nytte www.doffin.no for å administrere konkurransen fram til innlevering av tilbod. 2.13 Kontaktperson for denne anskaffinga Kontaktperson Eirik Steine Stilling Rådgjevar E-post: eirik@odinprosjekt.no 2.14 Innstilling på kontraktstildeling Oppdragsgjevars innstilling på kontraktstildeling vil bli underretta i rimeleg tid før kontrakt blir inngått, jf. FOA 22-3. Underrettinga vil vere skriftleg og bli gitt samtidig til alle tilbydarane. Side 7 av 12

3 Krav til leverandørens kvalifikasjonar 3.1 Generelt om kvalifikasjonskrav Kvalifikasjonskrav er absolutte minstekrav for at leverandøren skal kunna delta i konkurransen. Oppdragsgjevar pliktar å avvisa leverandørar som ikkje oppfyller dei obligatoriske kvalifikasjonskrava. 3.2 Krav til organisatorisk og juridisk stilling Kvalifikasjonskrav Dokumentasjonskrav Tilbydaren skal ha ordna forhold med omsyn til betaling av skatt, arbeidsgjevaravgift og meirverdiavgift. Skatteattester ikkje eldre enn 6 månader rekna frå tilbodsfrist. Med skatteattestar vert meint: Skjema frå Skattedirektoratet (RF-1244) for meirverdiavgift utstedt av skattekontoret. Skjema frå Skattedirektoratet (RF-1244) for skatt og arbeidsgjevaravgift utstedt av skatteoppkrevjarkontoret. For utenlandske tilbydarar: Utanlandske tilbydarar skal legge fram tilsvarande attest frå det land dei er registrert avgiftspliktige. Dersom dei ikkje gir slike attestar, må leverandøren legge fram eigenerklæring om det ligg føre restanse på skatt og evt. Storleiken på denne. Eigenerklæringa må vere signert av tilbydar. Tilbydaren skal oppfylla norske HMS-krav ved utføring av arbeid i Norge. Utfylt og signert HMS-eigenerklæring. Tilbydar kan nytte vedlagt mal: Vedlegg 5 eigenerklæring HMS Tilbydaren skal vera eit lovleg etablert føretak. Norske tilbydarar: Firmaattest. Utanlandske tilbydarar: Stadfesting på at tilbydaren er registrert i bransjeregister eller føretaksregister i samsvar med lovgjevinga i det landet kor tilbydaren er etablert. Side 8 av 12

3.3 Leverandørens tekniske og faglige kvalifikasjonar Kvalifikasjonskrav Dokumentasjonskrav Tilbydaren skal ha god erfaring med gjennomføring av tilsvarande oppdrag Ei liste over selskapets viktigaste relevante leveransar eller utførte tenester dei siste tre år, her under opplysningar om verdi, tidspunkt, samt namnet på kunden 3.4 Underleverandørar Dersom ein leverandør baserar seg på bruk av ein underleverandør for å oppfylla dei fastsette kvalifikasjonskrava, skal det dokumenterast at dei obligatoriske dokumentasjons- og kvalifikasjonskrava også er oppfylt hjå dei. Det skal òg leggast ved ein skriftleg erklæring frå underleverandør, der han forpliktar seg til å stilla til disposisjon dei nødvendige ressursane samt å halda seg til krava i avtalen med oppdragsgjevar. Sjå vedlegg 4 for mal for forpliktingserklæring. 4 Kravspesifikasjon 4.1 Generelt om kravspesifikasjon Kravspesifikasjonen er dei nærare definerte krav som oppdragsgjevar stiller til varer/tenester som skal skaffast. Dersom tenesta som blir tilbydd ikkje tilfredstillar enkelte av oppdragsgjevars krav må dette presiserast i tilbodsbrevet. Avvika skal vere presise og eintydige, og skal vere presisert slik at oppdragsgjevar kan vurdere avvika utan kontakt med leverandør. 4.2 Kravspesifikasjon Oppdragsgjevars kravspesifikasjon går fram av kontraktens Bilag 1 Oppdragsgjevars spesifikasjon. Side 9 av 12

5 Tildelingskriterium 5.1 Tildelingskriterier Tildelingskriteria er kriteria som oppdragsgjevar skal legge vekt på ved val av tilbod. Ei samla vurdering av tildelingskriteria vil avgjere kven av dei kvalifiserte tilbydarane som blir tildelt kontrakt. 5.1.1 Hovudkriterium for val av leverandør Det økonomisk mest fordelaktige tilbodet for oppdragsgjevar. 5.1.2 Underkriterium ved val av det «økonomisk mest fordelaktige tilbodet» Dei kriteria som kjem fram i tabellen under skal leggast vekt på i vurderinga av det mest økonomisk fordelaktige tilbodet. Vektinga av kriteria er lista opp i tabellen under. Tildelingskriterium Dokumentasjon Vekting % Pris Med pris meinast tilbydars timeprisar innanfor dei ulike avtaleområda. Tilbydar skal gi éin fast timepris pr. avtaleområde. Utfylt Bilag 4 Samla pris- og betalingsvilkår Timepris skal førast inn eks. mva. 70 % Kompetanse og erfaring nøkkelpersonell Følgjande dokumentasjon skal leverast: Kort presentasjon av nøkkelpersonell CV Erfaringsoversikt 30 % SUM 100 % 5.1.3 Evaluering Avtaleområda vil bli evaluert enkeltvis. Tildeling av kontraktar vil gjerast etter den samansetninga som for Oppdragsgjevar vil vere det økonomisk mest fordelaktige. Leverandør kan tilby inntil 3 ressurspersonar pr. avtaleområde. Dei same ressurspersonane kan bli tilbydd på fleire avtaleområder dersom dei oppfyller krava i spesifikasjonen. Det er den tilbydde ressursgruppas dokumenterte samla kompetanse og erfaring som vil bli evaluert av Oppdragsgjevar. Side 10 av 12

For avtaleområde nr 2. Ingeniørtenester bygg kan leverandør tilby éin ressursperson pr. fagområde, totalt 5 ressurspersonar. Fusa kommune presiserer at det er dei tilbydde ressursane som skal gjennomføre oppdraga. Utskifting av personell kan ikkje gjerast utan aksept på Oppdragsgjevar. 6 Krav til tilbodet 6.1 Tilbodets utforming Filnamn: Innhald 1. Tilbodsframside Tilbodsframside (vedlegg 2 til konkurransegrunnlaget) må innleverast fullstendig utfylt, samt datert og underteikna av person med fullmakt til å binde leverandøren. 2. Dokumentasjon kvalifikasjonskrav - Skatteattest for skatt - Skatteattest for mva. - HMS-eigenerklæring - Firmaattest for norske selskap/stadfesting for registrering i bransjeregister eller føretaksregister i det land der leverandøren er etablert (utanlandske selskap) - Liste over leveranser siste 3 år Forpliktingserklæring ved bruk av underleverandør 3. Dokumentasjon tildelingskriteriet «pris» - Fyll ut tabell i kontraktens Bilag 4 Samla pris- og betalingsvilkår 4. Dokumentasjon Kort presentasjon av nøkkelpersonell tildelingskriteriet CV «Kompetanse og erfaring nøkkelpersonell» Erfaringsoversikt 5. Oppfylte krav Utfylt Bilag 1 Oppdragsgjevars spesifikasjon 6. Eigenerklæring teieplikt Utfylt Vedlegg 3 Eigenerklæring teieplikt 6.2 Levering Tilboda skal leverast på oppdragsgjevars adresse innan utløpet av fristen som går fram av tabellen på første side av dette dokumentet. Fusa kommune Kommunetunet v./ Øystein Havsgård Leiro 31, 5640 Eikelandsosen Side 11 av 12

Resepsjonen er open i følgjande tidsrom: kl. 09.00-14.30 Tilbodet skal leverast i papirformat og med originale signaturar. Det skal leveras 1 kopi av tilbodet. Dokumenta skal leverast etter den strukturen som er angitt i punkt 6.1 Tilbodet skal òg leverast i elektronisk versjon (CD/USB minnepenn e.l). Denne skal ligge vedlagt papirkopien av tilbodet. Ved motstrid skal innhaldet i papirkopien gå føre den elektroniske versjonen. Det skal ikkje leverast tilbod via e-post. Tilbodet skal leverast i lukka og merka konvolutt utan identifisering av leverandør. Konvolutten skal merkast med «Tilbod rådgjevingstenester. Att: Øystein Havsgård» Side 12 av 12