OSTERØY VIDAREGÅANDE SKULE - FORPROSJEKT

HORDALAND FYLKESKOMMUNE Økonomiavdelinga Eigedomsseksjonen Arkivsak 200800319-13 Arkivnr. 171.52 Saksh. Kjellevold, Svein H. Saksgang Hovudarbeidsmiljøutvalet Opplærings- og helseutvalet Fylkesutvalet Fylkestinget Møtedato 23.10.2008 03.11.2008 19.11.2008-20.11.2008 09.12.2008-10.12.2008 OSTERØY VIDAREGÅANDE SKULE - FORPROSJEKT SAMANDRAG På grunnlag av vedtak i fylkesutvalet 19.06.08, i sak nr. 175/08, er det no utarbeid forprosjekt for Osterøy vidaregåande skule. Skulebygget skal også innehalde ny tannklinikk. Nybygget har eit totalt bruttoareal på 4610 m2 som fordelar seg slik : Skuledel inkl. KAM-senter: 4390 m2 BTA Tannklinikk: 220 m2 BTA Etter innhenting av tilbod er kostnadsramma redusert til 123 mill kroner, og denne kostnaden fordelar seg slik : Skuledel inkl. KAM-senter: Tannklinikk (Eks. utstyr) : 117 mill kroner 6 mill kroner Dette er for skulen sin del 14 mill kroner lågare enn det som er satt av i økonomiplanen for 2009-2012. Kostnader for tannklinikken inngår i rammeløyvingar for tannklinikkar.

FORSLAG TIL INNSTILLING Fylkestinget godkjenner at det framlagde forprosjektet vert lagd til grunn for hovudprosjektet, med ein kostnadsramme på 123 mill kroner, fordelt på skule inkl. KAM-senter med 117 mill kroner og tannklinikk med 6 mill kroner. Paul M. Nilsen Johnny Stiansen Vedlegg: Plantegninger Fasadetegninger FYLKESRÅDMANNEN, 08.10.2008: 1. Bakgrunn 2

Osterøy vidaregåande skule har frå 1991 halde til i leigde lokale i eit forretningsbygg i Lonevåg sentrum, og har leigeavtale fram til 15.08.2010 med rett til forlenging. Skulen og omgjevnadene har endra seg mykje sidan 1991, og i dag stettar ikkje noverande leigebygg krava til ein moderne skule. Hausten 2005 vart skulen ramma to gongar av flaum og delar av skulen var etter dette stengd i nokon månadar. Fylkestinget gjorde i møte 14.03.2006 følgjande vedtak ; Fylkestinget vedtar å bygge ny vidaregåande skule på Osterøy. Fylkestinget vil ta standpunkt til framdrift for bygget i budsjett- og plansamanheng. Osterøy kommune har vedteke å stilla med tomt vederlagsfritt til skuleutbygginga for Osterøy vidaregåande skule. Tomten ligg på Hatland, sentralt plassert i forhold til ungdomsskulen, idrettsanlegg og kommunesenteret. Det første tomtealternativet vart ikkje akseptert av Hordaland fylkeskommune grunna ei høgspentline som gjekk over denne tomten. I august 2007 oppnemnde opplæringsdirektøren eit brukarutval. Brukarutvalet har utgjort programmeringsgruppa for Osterøy vidaregåande skule saman med prosjektleiinga frå opplæringsdirektøren og eigedomssjefen, samt eksterne programmeringsarkitektar. Fylkestinget gjorde 13.06.07 følgjande vedtak : Fylkestinget godkjenner dimensjonering av Osterøy vidaregåande skule for 214 elevar. Det vart rådd til følgjande utdanningsprogram: Utdanningsprogram Tal klassar Tal elevar Sum elevar Arbeidstrening AO 1 4 4 Design og handverk DH Vg 1 1 15 15 Design og handverk DH Vg 2 1 15 15 Elektrofag El Vg 1 1 15 15 Elektrofag EL Vg 2 1 15 15 Helse og sosialfag HS Vg 1 1 15 15 Helse og sosialfag, Barne og ungdomsarb HS Vg 2 1 15 15 Studiespesialisering ST Vg 1 1 30 30 Studiespesialisering ST Vg 2 1 30 30 Studiespesialisering ST Vg 3 1 30 30 Teknikk og industriell produksjon TP Vg 1 1 15 15 Teknikk og industriell produksjon TP Vg 2 1 15 15 Sum klassar/elevar 12 214 Kompetansesenteret for avansert maskinering, KAM-senteret Opplærings- og helseutvalet gjorde 19.06.07 følgjande vedtak : Opplærings- og helseutvalet ser positivt på samarbeidet som Kompetansesenteret for avansert maskinering har fått i stand og støtter eit vidare samarbeid der Osterøy vidaregåande skule vert ein sentral aktør. Dette vedtaket har sin bakgrunn i at Osterøy vidaregåande skule ligg i ein kommune med sterkt innslag av bedrifter med automatisert maskinering og robothandtering. Denne teknologien vil Osterøy vidaregåande skule kunne dra nytte av ved eit nærare samarbeid med Kompetansesenteret for avansert maskinering, KAM-senteret. 3

KAM-senteret, som er eit samspel mellom Osterøy vidaregåande skule, det lokale næringsliv og NAV, har etablert eit svært godt samarbeid. Rekrutteringa til fagområdet ved Osterøy vidaregåande skule er styrkt, KAM-senteret er kome langt i å byggje opp ein kompetent lærar- og instruktørstab. Nytt skolebygg på Osterøy vil vera ein viktig komponent i det vidare samarbeidet og utvikling av senteret. Hovudmålet er å utvikle eit regionalt, og etter kvart, eit nasjonalt ressurssenter for avansert maskinering og robotbehandling. Fylkeskommunen har i perioden 2006 2008 løyvd totalt 3,2 mill kroner i samband med utvikling av eit Kompentansesenter for avansert maskinering på Osterøy. Ny tannklinikk i Lonevåg I oktober 2003 vart Plan for tannhelsetenesta i Hordaland 2004 2007 vedteke av Fylkestinget. I denne planen står det at det vil bli etablert ein ny tannklinikk i Lonevåg og at klinikkane i Fotlandsvåg og Haus vert lagt ned. Vinteren 2008 oppnemnde Fylkestannlegen eit brukarutval. Dette brukarutvalet har utgjort programmeringsgruppa for ny tannklinikk på Osterøy, saman med prosjektleiinga frå eigedomssjefen, samt eksterne progammeringsarkitektar. Tannklinikken er programmert med 4 behandlingsrom. I juni 2008 gjorde fylkesutvalet følgjande vedtak : Fylkesutvalet godkjenner at det framlagde romprogrammet, dagsett 06.06.2008, vert lagt til grunn for planlegging av nytt skulebygg og tannklinikk på Osterøy. 2. Forprosjektet Tomt og tilkomst Forprosjektet bygger på godkjend romprogram og er utarbeid av firmaet Rambøll AS i nært samarbeid med brukargruppa og eigedomsseksjonen. Skuletomten ligg på Hatland i Lonevåg og det er mange aktivitetar knytt opp mot dette området, som barneskule, ungdomsskule, idrettsanlegg med idrettshall og eit friområde ned mot Husavatnet. Dette friområdet er i dag eit rekreasjonsområde for alle og har opparbeid grusveg ned mot vatnet. Hovudtilkomsten for køyrande til den vidaregåande skulen vert via Fv 363, sør for skulebygget. I tilknyting til denne innkøyringa er det planlagt parkering for tilsette og elevar samt varelevering til verkstader og administrasjon. For gåande vert hovudtilkomsten i vest. Elevar som kjem med buss må krysse fylkesvegen via oppheva gangfelt. Det er lagt inn 2 oppheva gongfelt i tilknyting til skuleområdet for å redusera fart, betre tilkomst til friområdet samt skapa eit trafikksikkert område for alle skuleelevane i området. Det er i tillegg etablert køyreveg for besøkande til tannlegekontora og handikapparkering nær hovudinngong og tannklinikk. Bygningsutforming Hovudvolumet har fått ein kvadratisk form og er organisert over tre plan, verkstadhaller går over to plan. 4

Bakre deler av bygningsvolumet går delvis inn i fjellet mot aust. Det er utgang til terreng på alle plan. Bygget er tenkt sydd skånsamt inn i terrenget og det skal reetablerast nye naturlege terrengovergangar og utomhusanlegg av høg kvalitet som dannar naturlege overgangar mellom bygg og terreng. Sokkeletasjen er trekt inn frå hovudvolumet, slik at bygget får ein verknad av å sveve over sokkelen. Verkstadhallen følgjer retninga på dalføret og bygget endrar retning tilsvarende møtet mellom dalføret og det store landskapsrommet på Hatland. Ellers er alle hovudfunksjonar som undervisningsrom og kontor plassert slik at færrast mogelege rom med mange vindauge er orientert direkte mot sør eller sør-aust. Til det kvadratiske hovudvolumet er det mot sør lagt til to store opne verkstadhallar med dobbel etasjehøgd. I hallane skal det tilretteleggast for evt. framtidig mezzaninetasje i bakre del. Utomhusanlegg Når det gjeld utomhusanlegg for skulen så er områda framfor hovudinngong mot vest prioritert. Det er også planlagt ein bibliotekshage på baksida med terrengtrapp og gangbru som sikrar tilkomst til friområdet aust for skulen. Det er i overkant av ein meter høgdeskilnad frå fylkesvegen og opp til hovudinngangen. Høgdeskilnaden er teken opp med eit generøst trappe/sitjeamfi framfor inngongsfasaden. Det er i tillegg etablert trinnfri tilkomst til inngongen med gangveg ført opp langs bygget og denne gir samstundes tilkomst til TO-avdeling og driftsfunksjonar sør på plan 0. Trappeamfiet vert utført i granitt heller. Plassgolvet framfor alle inngongar får heller og gatestein. Køyrevegar, gangvegar og fortau har asfaltdekke. Konstruksjonar og materialbruk Skulebygget vert utført med gode, men nøkterne materialkvalitetar. Lette veggar er oppført med gipskledning. Veggar i utsette soner er forsterka med robust gips. Generelt golvbelegg er banebelegg i gummi. Det er akustiske himlingar i alle hovudrom. Utvendig er hovudvolumet tenkt utført i liggande beisa trekledning med innslag av metall i profiler og baldakinar. Verkstadhallane er foreslått utført med metallkledning innramma med trekledning og baldakin samsvarande med hovudvolumet. Funksjonsorganisering Skuleanlegget er gitt ein kompakt romorganisering med eit enkelt kommunikasjonsmønster, der hovuddelen av funksjonane er organisert innanfor ein kvadratisk hovudform rundt eit ope atriumsrom over tre plan. Dette gir ein enkel orientering i anlegget og korte kommunikasjonslinjer. Vertikalkommunikasjonen i anlegget er i form av heis og trapperom som ligg i direkte tilknyting til dette sentralrommet. Eit ope trappeamfi knytar saman dei to nederste etasjane. Det er direkte utgang til terreng på alle tre plan. Fellesfunksjonane omfattar vestibyle/skuletorg, kantine, bibliotek/læresenter og garderobar. I hovudetasjane, plan 1 og 2, er undervisningsrom, lærararbeidsplassar og kontor plassert mot yttervegg, mens grupperom, sanitærrom og tekniske sjakter mv. ligg som sentrale kjerner mot atriumsrommet. Internkommunikasjonen i dei ulike etasjane er organisert som en enkel ringsløyfe rundt atriet. Delar av gangsona er utforma som eit ope galleri mot atriet, mens områder som på grunn av brannsikring er lukka, har små vindusfelt som gjer visuell kontakt inn mot atriet. 5

Trapperom og inngongane i dei ulike etasjane er plassert slik at det er direkte utsyn til landskapet utanfor bygget frå dei sentrale kommunikasjonsareala. Dette gjer ein enkel orientering i bygget og dagslys inn til kjerneareala. Bygget er gitt ein stor grad av transparens, med opne gjennomlyste fellesareal og stor grad av opning frå fellesareala til undervisningssonane som synliggjer verksemda og aktiviteten i bygget. Universell utforming Skuleanlegget skal utformast etter prinsippa for universell utforming. Alle inngongsparti skal ha automatiske døropnarar og skal tilpassast for rullestolbrukarar og varetransport. Alle dørar og sidefelt i kommunikasjonssonane og mot trapperom er i glass for å gi oversikt og lys. Disse skal merkast forskriftsmessig for synshemma og må vere utforma slik at dei ikkje representerar fare for skade. Bygningsfunksjonane og kommunikasjonsmønsteret i bygningen er organisert slik at fellesfunksjonane kan stengast av frå skulen sine andre funksjonar. Enkeltavdelingar som for eksempel tannklinikk og administrasjonsfløy kan skiljast ut og låsast seperat. Pedagogisk organisering Kunnskapsløftet og nyare pedagogiske føringar krev at skulebygga skal kunne tilpassast varierte undervisningsformar, tilpassa opplæring og ulike gruppestorleikar. Det skal tilretteleggast for ulike læringsformar som prosjektarbeid, samarbeidslæring, problembasert læring og utstrakt bruk av IKT i alle fag. Dei ulike fagretningane og klassetrinn skal ha tilgong til ulike romtypar og fasilitetar. I forhold til den tradisjonelle klasseromstanken er undervisningsarenaene utvida og komplettert med ei rekke andre rom og arbeidssona. Det skal leggast vekt på ein fleksibel romsituasjon der det er mogeleg med individuelt arbeid eller tradisjonell klasse -undervisning, evt. gjennomgang av fellesstoff i større grupper. Tilpassa opplæring og prosjektarbeid krev mindre rom/soner for individuell rettleiing, elevsamtalar, gruppearbeid og møter. Dei yrkesretta faga krev spesialiserte rom og verkstadsoner tilrettelagt for dei ulike utdanningsprogramma. Dei ulike utdanningsprogramma er organisert som eigne små avdelingar, men basert på stor grad av sambruk av grupperom og generelle undervisningsrom. Undervisningsromma har i hovudsak fått ein tradisjonell utforming og organisering, men fleire av romma er tilrettelagt med foldevegger for å kunne etablere storklasserom og større samanhengande undervisningssonar. På kvart plan er det etablert sentrale fellesareal som verkstadsonar tilrettelagt for elevaktive arbeidsformer. Lærararbeidsplassane er desentralisert i skuleanlegget, men ikkje knytt direkte opp mot definerte utdanningsprogram. Dette fordi ein skule av denne storleiken må ha fleksibilitet for endringar i tilbodsstruktur og variasjon i elev- og lærarfordeling mellom dei ulike utdanningsprogramma. Rom vist som arbeidsrom for lærarar skal enkelt kunne gjerast om til undervisningsrom og vise versa. Plan 0 Skulen sin hovudinngang er på plan 0 mot vest, plassert vis a vis ungdomsskulen. Eit romsleg vindfang med glasveggar er felles inngongsparti for skulen og tannklinikken. 6

Det første som møter ein innanfor hovudinngongen er eit luftig og lyst atriumsrom, ope opp over tre plan. Nederst i atriet ligg kantine og eit romsleg trappe-/sitteamfi som bindar saman nedre plan 0 og plan 1. Eit kombinert personalrom/møte- og konferanserom og kantinekjøkenet er plassert i direkte tilknyting til kantina og det opne atriet. Tannklinikken er organisert i ein eiga fløy mot nord. Den inneheld venterom og fire behandlingsrom med tilhøyrande støttefunksjonar. Det er etablert eiga personalinngong til tannklinikken under trappeamfiet frå garderobeavdeling felles med skulen. Avdeling for tilrettelagt opplæring (TO) med undervisningsrom, stellerom og opphalds-/aktivitetsrom er organisert i ein egen fløy på plan 0 mot sør, med eiga inngong og skjerma uteareal. Bakre del av denne underetasjen mot terreng er innreidd med støttefunksjonar som garderobar, sanitærrom samt tekniske rom og driftsfunksjonar. Vaktmeisterkontor ligg mot biinngong mot sør. Ny trafo er plassert utvendig, under terrassedekket Plan 1 Det er ein forbindelse frå trappeamfiet til eit romsleg sentralt fellesareal utanfor biblioteket. Biblioteket har dobbel romhøgd, og gjennom ein høg glasvegg er det open visuell kontakt ut til landskapsrommet ( Bibliotekhagen ) på baksida av bygninga. Møte-/grupperom og kontor for bibliotekar og IKT er knytt direkte til biblioteksalen. Plan 1 har eiga inngong frå sør. Dette vil vere primærinngang for dei som brukar bil til skulen og parkerar her. Det er plassert eit lukka avfallsrom i tilknyting til denne inngongen. Administrasjon og elevtenestar / rådgjevarar er organisert i to avdelingar i ein ega fløy mot sør på plan 1. Mot vest ligg undervisningsrom for utdanningsprogram for helse og sosialfag (HS). Undervisningsrom og verkstader for elektrofag (EL) og teknikk og industriell produksjon (TIP) er plassert på kvar side av inngongen mot sør. Lærararbeidsplassar for TIP og EL er samla i eit felles arbeidsrom. Som ein forlenging til hovudvolumet mot sør ligg to verkstadhaller for TIP og KAM (Kompetansesenter for avansert maskinering). Til disse hallane er det etablert køyreportar og eigne utgongar til utearealet. Hallane har dobbel etasjehøgd og det vert tilrettelagt for å etablere ein framtidig mezzaninetasje. Plan 2 Det øvste etasjeplanet inneheld undervisningsrom for utdanningsprogramma Studiespesialisering (ST) og Design og handverk (DH), samt felles naturfaglab. Storparten av lærararbeidsplassane er også organisert på dette planet. Ein open bru over atriumsrommet vert innreidd som verkstadsone med sitjegruppar, PC-plassar og opne arbeidsplassar tilrettelagt for elevaktive arbeidsformar / gruppearbeid med mer. Frå DH-avdelinga vert det direkte utgong til terrasse mot sør. Det er også direkte utgong til terreng frå denne etasjen til friområdet aust for skulen via ein liten gangbru ved ST-avdelinga. 7

Taket i atriet er løfta opp over hovudtaket for å gje direkte sollys ned til sentralhallen. 2. Areal Skuledelen har eit bruttoareal på ca 4390 m2 BTA inkl. KAM-senteret. Tannklinikken har eit bruttoareal på ca 220 m2 BTA. Tannklinikken har fire behandlingsrom med tilhøyrande støttefunksjonar. Samla areal skule og tannklinikk er ca 4620 m2 BTA og dette er i tråd med romprogrammet. Bruttoareala fordelar seg slik: 1096 m2 på plan 0 2212 m2 på plan 1 1302 m2 på plan 2 3. Kostnad I økonomiplanen for perioden 2008-2011 er det lagt til grunn ein kostnad på 80 mill kroner til nybygg Osterøy vidaregåande skule. Denne summen gjeld kun skulebygget utan KAM-senter og tannklinikk. I økonomiplanen for 2009-2012 er kostnadsramma for skulen inkl. KAM-senter og tannklinikk auka til 137,6 mill kroner. For å sikre eit riktig kostnadsoverslag har ein valgt å innhenta tilbod på totalentreprise før ein ligg fram forprosjektet til godkjenning i Fylkestinget. Resultatet etter tilbodsopning syner at kostnadsramma kan reduserast med 14,6 mill kroner og den nye kostnadsramma er 123 mill kroner fordelt på skule inkl. KAM-senter med 117 mill kroner og tannklinikk med 6 mill kroner. 4. Framdrift Utbygginga skal vere ferdig til oppstart skuleåret 2010 2011. Følgjande tidsplan gjeld for prosjektet : Oppstart gravearbeider Medio januar 2009 Ferdigstilling Medio juli 2010 5. Budsjett/økonomiplan I sak om økonomisk føresetnad og rammer er det innarbeidd midlar til prosjektet med oppstart i 2008. 8