MELAND KOMMUNE SAKSPAPIR Styre, komite, utval Møtedato Sbh. Saknr Formannskapet 19.05.2010 ANB 056/10 Kommunestyret 16.06.2010 ANB 057/10 Avgjerd av: Kommunestyret Saksbeh.: Anny Bastesen Ansv. ANB Arkiv: N-507 Arkivsaknr 07/1591 TETTSTADANALYSE FOR KOMMUNESENTERET FREKHAUG. Dokumentliste: Nr T Dok.dato Avsendar/Mottakar Tittel 2 U 02.10.2007 Meland kommunestyre TETTSTADANALYSE FOR FREKHAUG - RAMMER OG OPPNEMNING AV STYRINGSGRUPPE. 4 I 21.01.2008 Nordhordland BIOENERGI BA AREAL TIL VARMESENTRAL - BIOBRENSEL. 6 U 18.09.2008 sjå vedlagde liste TETTSTADANALYSE FOR KOMMUNESENTERET FREKHAUG, INVITASJON TIL DELTAKING I REFERANSEGRUPPE, 1 MØTE 6 OKTOBER 11 I 23.09.2008 Råd for menneske med nedsett funksjonsevne. TETTSTADANALYSE KOMMUNESENTERET. 7 U 30.10.2008 til referansegruppedeltakarar TETTSTADSANALYSE FOR KOMMUNESENTERET FREKHAUG, INVITASJON TIL DELTAKING PÅ 2 MØTE, 3 NOVEMBER 08 8 I 18.06.2009 Meland sokneråd UTTALE OM PLASSERING AV NYTT KYRKJEBYGG PÅ FREKHAUG 9 I 22.06.2009 KOMPAS as INNSPEL TIL TETTSTADANALYSE FOR FREKHAUG. 12 I 17.08.2009 Sweco Norge AS VS: STADANALYSE FREKHAUG - SLUTTRAPPORT. 10 I 17.08.2009 Sweco Norge AS AVSLUTNING AV OPPDRAG.
13 I 03.06.2010 B. Hagen Eiendom AS og Lingjerde Eiendom as 14 U 09.06.2010 B. Hagen Eigedom AS v/styremedlem Gisle Skauge 15 I 11.06.2010 B. Hagen Eiendom AS Lingjerde Eiendom as 16 U 23.06.2010 B. Hagen Eiendom AS; Lingjerde Eiendom as; Rema Eiendom Vest AS; Waldegruppen AS; Sweco Norge AS; Frekhaug Senterforening Vedlegg. STADANALYSE FREKHAUG TETTSTADANALYSE FOR KOMMUNESENTERET FREKHAUG STADANALYSE FREKHAUG TETTSTADANALYSE FOR FREKHAUG - RAMMER OG OPPNEMNING AV STYRINGSGRUPPE. Saksutgreiing: Kommunen har, sidan 1990-talet, etterlyst ein tettstadanalyse for kommunesenteret Frekhaug, som eit underlagsdokument for å sikre ei god tettstadsutvikling. Kommunestyret oppnemnde i møte 10.10.2007, formannskapet som styringsgruppe for arbeidet med tettstadanalyse for kommunesenteret Frekhaug. Kommunestyret slutta seg også til mål for prosjektet: Å leggja eit grunnlag for å kunna planleggja tettstaden Frekhaug, for å sikra viktige funksjonar og kunna utforma tettstaden vidare, slik at det vert ein funksjonell, estetisk og harmonisk utvikling vidare. Viktige miljø- og kulturkvalitetar skal behaldast. I søknaden om prosjektmidlar frå Hordaland Fylkeskommune vart m.a. følgjande bakgrunn formulert: Ved å analysera tettstaden når det gjeld særtrekk og viktige miljø- og kulturkvalitetar, samt drøfta sterke og svake sider når det gjeld infrastruktur og utbyggingsmønster, kan ein få på plass langsiktige utviklingsmål for tettstaden. Gjennom ein god prosess, som også inkluderer regionale instansar, kan også regionale mål, strategiar og retningsliner i regionale planar verta implementert og konkretisert. Styringsgruppa fekk fullmakt til å engasjere konsulent. Konsulentfirmaet Sweco har utarbeidd tettstadanalysen i nært samarbeid med styringsgruppa og administrasjonen. Det har vore brei deltaking i prosessen, med m.a. to referansegruppemøte: 6.oktober og 3. november 2008. Tettstadanalysen vart presentert i Planforum 9. januar 2009, der også ordføraren deltok som leiar av styringsgruppa. Der møtes regionale instansar og går gjennom ulike plansaker. Innspel er samla og teke inn i sluttrapporten. Kommunen sitt viktigaste mål med tettstadanalysen har vore å få ein grundig oversikt over status i dag; verdiar og funksjonar som må sikrast, identitet, utfordringar, ønskjer for utvikling av området, kva skal kommunesenteret romme kva skal kommunesenteret vere. Mange innspel og ønskje om utvikling av areal er lagt på vent i påvente av tettstadanalysen.
Det vart sett av kr. 100.000,- i budsjettet til utarbeiding av analysen. Hordaland Fylkeskommune løyvde i tillegg 100.000,- frå Regionalt Utviklingsprogram for Hordaland for 2007. Midlane er nytta til konsulentarbeidet. Etter møte i planforum 9. januar 2009 har konsulenten laga sluttdokumentet. Vidare framdrift i arbeidet har vore noko redusert pga vakansar, men administrasjonen ser no at det er mogeleg å komme i gang att. Vurdering: Det er utarbeidd eit godt grunnlag for å forstå ulike sider ved tettstaden Frekhaug. Analysen peiker på landskapsverdiar, grøntområde, historiske område, gangvegar/stiar og byggjeområde som høyrer saman. Vidare peiker analysen på fordelane med eit kompakt sentrum med korte avstandar internt og til busetnaden omkring ein grøntstruktur med høg kvalitet relativt mange tenestetilbod. Av meir svake sider trekkjer analysen fram at det er mykje parkeringsareal og trafikk i sentrum, det er liten aktivitet der utanom opningstidene, og byggjeskikken og utemiljøet er utan profil og utan heilskap / identitet. For vidare utvikling av kommunesenteret, peiker analysen på ulike utviklingsretningar, aktuell kyrkjetomt / kulturhustomt, nytt riksvegsystem med rundkøyring, ny busshaldeplass, satsingsområde generelt og langsiktige utviklingstrekk. Vidare prosess Tettstadanalysen gjev ikkje grunnlag for konkrete byggjeprosjekt, men den er eit etterlengta grunnlag for vidare planarbeid. Kommuneplanarbeidet er planlagt å starte opp til hausten, når ny kommuneplanleggjar er på plass. Då skal det m.a. lagast ein senterstrukturanalyse som meir i detalj peiker på kva for funksjonar kommunestyret ønskjer i kommunesenteret, og kva prinsipp som skal leggjast til grunn for utbygginga. Konklusjonane frå tettstadanalysen vil såleis bli formalisert, og kan leggjast til grunn for dei næringsdrivande sine utviklingsplanar. I kommuneplanarbeidet må ein også ta stilling til trafikkmønster og evt. omlegging av overordna trafikksystem, kollektivtransport, interntrafikk og parkeringssystem. Tettstadanalysen peiker på mogelege løysingar, men det må eit godt stykke plan- og utgreiingsarbeid til før ein kan slå fast korleis hovudvegsystemet skal sjå ut i framtida. Det er elles eit arbeid som bør ha høg prioritet med tanke på finansieringa via Nordhordlandspakken. Gjennom kommuneplanen vil kommunestyret også gjere vedtak om kva for plankrav som skal gjelde i dei ulike byggeområda. Etter det administrasjonen kan sjå til no, er det naturleg å utføre ei områderegulering av kommunesenteret først. Deretter kan dei ulike utbyggjarane fremje detaljert reguleringssak og byggjemelde prosjekta sine parallelt, slik den nye plan- og bygningslova legg opp til. Kommuneplanarbeidet tek tid. Samstundes er det viktig at utviklinga av senterområdet ikkje stoppar opp; eit velfungerande kommunesenteret er avhengig av eit velfungerande næringsliv.
I botn må det liggje eit kommunesenter med estetiske, funksjonelle og opplevingsmessige kvalitetar som trekkje til seg folk. Administrasjonen ser at det hastar med å komme vidare i utviklinga av kommunesenteret Frekhaug. Derfor bør det vurderast om planarbeidet for senterområdet kan utførast parallelt med kommuneplanen. Gjennom eit planprogram for kommunesenteret Frekhaug vil ein få på plass kva for overordna utgreiingar, analyser og planarbeid som må til for å komme vidare med ei områderegulering. Det er ikkje minst viktig å få nødvendige avklaringar med regionale statlege og fylkeskommunale instansar, skal ein lukkast med planarbeidet. Planprogrammet vil elles fastesette grenser for områderegulering. Det er ikkje midlar i driftsbudsjettet til å starte eit arbeid med senterområdet særskilt. Ordførar, rådmann, næringskonsulenten og planadministrasjonen har hatt møte med Waldegruppen AS og Rema Eiendom Vest AS for å drøfte mogelege former for samarbeid, med utgangspunkt i deira ønskje om å utvikle forretningstomta bak bussterminalen. Tomta er regulert til næringsføremål i dag, men har eit større utviklingspotensiale dersom prinsippa i tettstadanalysen vert lagt til grunn. Det må i så fall ei omregulering til, og denne er avhengig av at ein del overordna element er på plass i kommuneplansamanheng. Dei to partane har signalisert at det kan vere aktuelt å forskottere eit overordna planarbeid for senterområdet. Kommunen vil då kunne engasjere konsulent som utarbeider planprogrammet særskilt, dei utgreiingane som må til og evt. områderegulering medrekna omlegging av overordna trafikksystem og kollektivløysing. Arbeidet må lysast ut på tilbod. Administrasjonen har klarert ei evt. forkottering med Fylkesmannen. Planarbeidet må gjerast i alle høve, og det hastar. Ei forskottering gjer det mogeleg å komme i gang i tide. Det er vanskeleg å anslå kva planarbeidet vil koste før planprogrammet er utarbeidd, men erfaringsmessig vil det kunne komme opp i kr. 500 000,-. Ein avtale om forskottering må innehalde lånevilkår og nedbetalingsplan, som vert innarbeidd i kommunen sitt driftsbudsjett på vanleg måte. Prosessen vidare har vore drøfta med dei attverande medlemene i den administrative arbeidsgruppa Laila Bjørge og Haldis Dokken Urdal, med barn og unges representant Mette Marei Træland og med Arnt Brakstad som representant for skule / Meland sogelag. Referansegruppa vil bli orientert om kommunestyret sitt vedtak. ADMINISTRASJONEN - FRAMLEGG TIL VEDTAK: at den vert lagt til grunn for det komande planarbeidet. Kommunestyret godkjenner at det vert starta opp eit overordna planarbeid for kommunesenteret Frekhaug særskilt, parallelt med rulleringa av kommuneplanen sin arealdel. Første fase vert utarbeiding av planprogram i tråd med kapittel 4 i plan- og bygningslova. Planprogrammet må m.a. drøfte utviklingsretning for senterområdet, jfr. tettstadanalysen.
Kommunestyret godkjenner at planarbeidet vert finansiert gjennom privat forskottering, som vert innarbeidd i kommunen sitt driftsbudsjett på vanleg måte. 19.05.2010 FORMANNSKAPET FS-056/10 SAMRØYSTES FRAMLEGG TIL VEDTAK: at den vert lagt til grunn for det komande planarbeidet. Kommunestyret godkjenner at det vert starta opp eit overordna planarbeid for kommunesenteret Frekhaug særskilt, parallelt med rulleringa av kommuneplanen sin arealdel. Første fase vert utarbeiding av planprogram i tråd med kapittel 4 i plan- og bygningslova. Planprogrammet må m.a. drøfte utviklingsretning for senterområdet, jfr. tettstadanalysen. Kommunestyret godkjenner at planarbeidet vert finansiert gjennom privat forskottering, som vert innarbeidd i kommunen sitt driftsbudsjett på vanleg måte. 16.06.2010 KOMMUNESTYRET Skriv frå ordførar til B. Hagen Eigedom AS v/styremedlem Gisle Skauge og Lingjerde Eiendom as v/tom Lingjerde, dat. 09.06.10, vart delt ut i møte. Skriv til ordførar frå B. Hagen Eiendom AS, Lingjerde Eiendom as og Frekhaug Senter Nord AS, dat. 11.06.10, vart delt ut i møte. Framlegg til nytt kulepunkt 2 frå Meland SP v/magne Rifsgård: Kommunen må sjølv stå for planarbeidet og eventuelt forhandla med firma som skal utføra tiltaket om forskottering av finansiering. Framlegg til endring 1. avsnitt i formannskapet sitt framlegg til vedtak frå Samarbeidslista v/marie Morken; at den vert vurdert i samband med det komande planarbeidet. Avrøysting: Framlegg til endring 1. avsnitt frå Samarbeidslista fekk 7 røyster for, (2 SAM, 5 SP), 19 røyster mot (H, FrP, AP, KrF, V),og fall. Framlegg til nytt kulepunkt 2 frå Meland SP fekk 7 røyster for, (5 SP, 2 SAM), 19 røyster mot (H, FrP, AP, KrF, V),og fall. Kulepunkt 1 vart samrøystes vedteke.
KS-057/10 VEDTAK: at den vert lagt til grunn for det komande planarbeidet. Kommunestyret godkjenner at det vert starta opp eit overordna planarbeid for kommunesenteret Frekhaug særskilt, parallelt med rulleringa av kommuneplanen sin arealdel. Første fase vert utarbeiding av planprogram i tråd med kapittel 4 i plan- og bygningslova. Planprogrammet må m.a. drøfte utviklingsretning for senterområdet, jfr. tettstadanalysen. Kommunestyret godkjenner at planarbeidet vert finansiert gjennom privat forskottering, som vert innarbeidd i kommunen sitt driftsbudsjett på vanleg måte. Rett utskrift Dato: Kopi til: Arbeidsgruppa B. Hagen Eiendom AS Frekhaug Senterforening Komm.avd. for natur - næring og tekniske tenester Lingjerde Eiendom as Meland kommune Meland sokneråd Rema Eiendom Vest AS Sweco Norge AS Waldegruppen AS