Planskildring med føresegn for bustadfelt Vassbakken på Utne. Illustrasjonsfoto med bygningar plassert på bustadfeltet. Planskildring. Bustadfeltet Vassbakken ligg litt ovanfor Unte sentrum. Det er 8 tomter. Gjennomsnittstorleiken på tomtane er om lag 580 m². Dette vil sei at tomtane er relativ små i forhold til det som er vanleg. Storleik på husa som kan byggjast må såleis tilpassast tomta. Bustadfeltet er ein del av reguleringsområdet for Utne sentrum. Reguleringsplanen for dette området vart godkjent 04.11.2002. I reguleringsplanen er det sett krav om utbyggingsplan før dette området vert bygd ut. I bustadfeltet er det sett av område til leik for born. Det er vidare ein landbruks- /skogsveg som gjev tilgang til naturområda ovanfor Utne. Det er i utbyggingsplanen teke høgde for plassering av returpunkt(plassering av bosspann) og plassering av poststativ. Barnehage, nærbutikk, kyrkje og trafikknutepunkt er innan ein radius på 250 m. Avstand til barne- og ungdomskule er ca 7 km. Det er organisert transport med 1
skulebuss. Bustadhusa bør byggjast med livslaupsstandard. Forholda ligg godt til rette for dette. Bustadfeltet er også høveleg for rørslehemma. Utne sentrum har historisk verdi og såleis er delar av sentrum regulert til spesialområde vern. Bustadfeltet må ta omsyn til at det grensar inn til eit slik område, og det er i føresegn teke høgde for dette med både krav til utforming, fargeval og val av material. Føresegna for bustadfeltet tek utgangspunkt i reguleringsføresegn for Utne sentrum. Det er skjedd endringar i lovverk, og føresegna vert endra på dei punkta som må endrast for å få samsvar med lovverket. I samband med byggjesøknad skal det koma fram kva materialval, fargeval og utforming som skal nyttast. Utsikt frå Bustadfeltet. Utforming: For at alle husa skal få ta del i den fine utsikten som feltet kan tilby, vert det set krav både til plassering av hus med omsyn til høgde på grunnetasjen, maks høgd på gesims og møne. Det er også sett krav til takvinkel. Krav som er sette, er forankra i Rettleiar til grad av utnytting 2. utgåve 05-2007. Bustadane kan byggjast anten med saltak eller med pulttak. Døme på saltak. Illustrert av Ingebjørg Sekse 2
Døme på pulttak. Illustrert av Ingebjørg Sekse Fargeval: Hovudinntrykket av bygga på Utne er at det er nytta kvit farge. Det er likevel ynskjeleg at det skal vera litt rom å velja mellom når det gjeld fargesetjing av bustadane. Følgjande fargar kan nyttast :variantar av kvit, beige, grått, raudt og oker. Teknisk opplysningar. Vatn. Bustadfeltet er knytt til privat vassverk på Utne Avløp. Bustadfeltet er knytt til offentleg avlaupsanlegg for Utne. Straum. Indre Hardanger Kraftlag er nettleverandør av straum til feltet. Tilkomst. Bustadfeltet har kommunal veg. Denne er knytt til riksveg 550. Renovasjon. Det er offentleg renovasjon. Det er no Indre Hordaland Miljøverk som har ansvar for renovasjonsordninga. Vanleg hushaldsavfall vert levert i tilviste plassar, 2 stk på feltet. Grovavfall kan leverast på Øyjordet miljøstasjon, vel 1,2 km på RV 550 mot Jondal. 3
Postlevering. Det er lagt opp til at det skal etablerast felles poststativ ved avkøyringa får riksvegen, merka P på plankart. Bustadane får postadresse Vassbakken frå 3 12 (1 og 2 er eksisterande bygg) Oversikt på gateadresse i feltet Føresegn. 1. Generelt. Plankart viser utbyggingsområdet 1.1 arealet innanfor planområdet er regulert til: - byggjeområde for bustad - friområde leikeplass - trafikkområde, køyreveg og annan veggrunn - spesialområde privat veg 2 Felles føresegn 2.1 Plankrav Alle tiltak i planområdet skal ta omsyn til at Utne er eit bevaringsverdig kulturmiljø. Alle tiltak skal difor gjevast eit estetisk tiltalande uttrykk som harmonerar med lokal 4
byggjeskikk i området. Det skal likevel vera rom for ei utforming av bustaden som fortel at dette er eit bygg som er sett opp i nyare tid. 2.2 Heradet skal ved handsaming av byggjesøknad, sikra at utbygginga får ei god form og eit godt materialval, og at bygg i feltet får ein heilskapleg og harmonisk utforming. Ved søknad skal heradet godkjenna fargeval, materialval og taktekking. 3 Byggjeområde 3.1 I samband med byggjesøknad, skal plassering av bustad og garasje på tomta, visast. Til utforming av bustaden skal det nyttast saltak eller pulttak. Møneretning skal liggja parallelt med fjorden. Det skal koma fram kva terrengmurar som skal byggjast og høgde på desse. Terrengmurar kan ha ei høgd på 1.5 m og i bustadfeltet kan mur plasserast i eigedomsgrense. Det kan gjerast unntak for denne høgda på delar av muren. Gjennomsnittshøgd av muren skal likevel ikkje overstiga 1,5m. Garasje kan plasserast 1 m frå nabogrense. Dersom det er fellesgarasje med naboeigedom, kan garasje plasserast i eigedomsgrensa. Det skal vera minimum 2 parkeringsplassar til kvar tomt. Dersom bustaden har utleigedel, skal det vera 3 parkeringsplassar på tomta. Fargeval skal godkjennast i samband med byggjesøknad. Det skal sendast inn fargeprøve som visar kva farge som skal nyttast. Det er sett følgjande krav til utforming av bustad: - mønehøgd på maksimum 7,5 m - gesimshøgd på maksimum 4,5 m - takvinkel skal liggja mellom 30º - 40º - taktekking skal utførast i grå eller svart. Det kan nyttast, skifer, betongstein eller papprodukt - Det skal nyttast kantskåren kledning Høgdeplassering. Plankartet gjev opplysning om kva kotehøgd huset skal liggja på. Det kan godkjennast eit avvik på +/- 0,5 m. 3.2 Utnyttingsgrad er sett til 25 % BYA. jf byggjeforskrift. 3.3 Minste uteoppholdsareal på byggjetomta 20 % MUA jf. byggjeforskrift 3.4 Tilkomst til tomta Tilkomst til tomtane er vist på plankart. For tomt 3 og 7(gateadr. 5 og 8), kan tilkomst lagast til frå opp eller nedsida av tomta. Avkøyring skal utformast slik at det vert gode siktsforhold. 4 Fellesområde Friområde/leikeplass Friområdet /leikeplass skal vera tilgjengeleg for alle, også for dei som ikkje soknar til bustadfeltet. På leikeplassen kan det plasserast tilhøyrande leikeapparat. Det skal vera att 20 % MUA på plassen. Heradet skal sikra området mot veg og ha ein trygg tilkomst til området. 5
5 Trafikkområde/ anna veggrunn. Arealet som er vist på plankart, er område med vegbane, veggrøftar og plass til sikringskant. Hovudveg og tilstøytande vegareal er kommunalt vegareal. 6 Generelt. Oppsetjing av mur skal plasserast minimum 4 m frå vegmidte. Gjerde, hekk og mur skal ha same kurvatur som tilstøytande veg. Det kan setjast opp gjerde eller hekk i nabogrense. Hekk skal ikkje ha større høgde enn 1,2 m. Dersom det er felles gjerde/hekk, kan plassering skje i eigedomsgrense. Det er delt gjerdeplikt mellom eigedomane innan feltet. Bustadeigedomane som grensar mot landbrukseigedom (tomt 1, 5,6 og 8), har gjerdeplikta. 7 Avvik. Avvik frå føresegna eller plankart, skal handsamast som dispensasjon etter plan- og bygningslova 7. Det skal liggja føre særleg gode grunnar før det vert gjeve dispensasjon. Kinsarvik 20.08.2007 Sist revidert 15.11.2007 tillegg til 3.1 - og i bustadfeltet kan mur plasserast i eigedomsgrense. 6