Saksfremlegg Oppretting og organisering av interkommunal Legevaktsentral Bakgrunn: Lovgrunnlag: Lov om kommunale helse- og omsorgstjenester m.m. (helse- og omsorgstjenesteloven) Forskrift om krav til akuttmedisinske tjenester utenfor sykehus. Sentrale føringar: HDIR 12 07 12: Legevaktsentral i døgndrift i samsvar med forskrift. Møte 03.09.13 melom kommunane og repr HDIR. Presentasjon: Nødnett. Innføring og organisering av legevaktsentraler. Etter akuttføreskrifta 7 første ledd er kommunane ansvarlege for a) Etablering og drift av eit fast legevaktnummer som er betjent heile døgnet b) Etablering og drift av LV-sentral, jf. 8 og 10. Kommunane skal ha eitt fast legevaktsnummer(116117) som gjeld heile døgeret. Dette skal svarast av legevaktsentral (LVS). Etter forskrifta skal LVS vere dekka av helsepersonell (jf. 8) som tilseier sjukepleiar. Det fylgjer av akuttforskrifta 7c at alt helsepersonell i vakt, skal vere tilgjengeleg i helseradionettet (naudnettet). Legevaktsentralen må altså vere knytt opp til naudnettet, og ha dei tekniske løysingar som dette krev. Naudnettet skal vere fast etablert i Sogn og Fjordane frå 1. november 2014. Legevaktsentral tilseier - Eitt dedikert fast legevaktnummer kun for legevakt, med tilstrekkeleg tal linjer heile døgnet. Svartenesta skal ha høg prioritet og naudsynt kapasitet. - Vanleg telefonnummer til helsetenesta/legekontor (sentralbordnummer) må ikkje nyttast til legevaktsentraltenesta. - Legevaktnummeret vert svart av helsepersonell som fyller kompetansekrava. - Publikum, som ringer legevaktsentral, skal ikkje møte ei svarmaskin som viser til alternative telefonnummer for å kome til legevakt - Legevaktsentralen skal ha faste telefonlinjer (evt. IP-samband) kopla til betjeningsapparat ved Legevaktsentralen. Mobiltelefon er ikkje godt nok som svarapparat ved Legevaktsentral. - Kommunen må sikre seg at dei har svaravtale med t.d. interkommunal legevaktsentral heile døgnet, dersom kommunen sjølv ikkje svarer på fast legevaktnummer. - Legevaktsentralen skal kunne varsle kommunen sitt helsepersonell i vakt gjennom helseradionettet eller det nye naudnettet heile døgeret. Pasientar i kommunane vel sjølv om dei tek kontakt direkte med fastlegekontoret i opningstidene, eller om dei nyttar LVS når det er eit behov som hastar. Kommunane vel sjølv om dei vil drifte LVS sjølve eller i samarbeide med andre kommunar/instansar deler av eller heile døgeret. Forskriftskrav og krav til tekniske løysingar er uansett gjeldande heile døgeret, og drifts-/abonnementprisar er dei
same uavhengig av kor mykje ein operatørsentral vert nytta, ca kr 200.000 pr år. I tillegg kjem personellkostnader. På dagtid er ikkje sentralen bemanna av vaktlege. Ved behov for rådføring eller å sette pasient i samtale med vaktlege, nyttar sjukepleiar vaktlege i den kommunen pasienten ringer frå. Det same gjeld resten av døgeret, i dei tilfella pasient ringer frå kommune som ikkje deltek i SYS-IKL samarbeidet. I dag kjøper kommunane i Sogn og Fjordane LVS-tenesta frå AMK Helse Førde. Prisen er kr 68,- pr innbyggar. Helse Førde har sagt opp avtalen med kommunane frå 1. januar 2014, men har sagt seg villege til å drive ei mellombels løysing fram til 1. november 2014, for kroner 110,- pr innbyggar. Frå 1. november 2014 kan Helse Førde drifte LVS-tenesta permanent vidare for kommunane, men då til ein pris kroner 15.000.000. Nordfjord har skipa eigen legevaktssentral der alle kommunane i Nordfjord er med utanom Gloppen. Det same vert no skipa i Sogn, og prisen for dei resterande kommunane i Sunnfjord og Gloppen vert då kroner 267 pr innbyggar om ein vel å kjøpe tenesta vidare frå Helse Førde. Ein har vore i dialog med Helse Førde kring prissettinga på tenesta. Grunnen til den kraftige prisauken er forskriftsfesta krav om responstid innan 10 sekunder for AMK-kontaktar. Ein kan ikkje trekke synergieffektar på bemanninga, og må difor bemanne ein LVS med eigne operatørar. I dag er 9 av kommunane i Sunnfjord etablert med eit interkommunalt legevaktsamarbeid (SYS-IKL). Solund, Flora og Bremanger har eigne legevaktløysingar. Flora vil etablere eigen LVS-løysing på dagtid, dei andre 11 kommunane har valt å gå saman om vidare drift av LVS. Flora vil vere med i dette samarbeidet på kveld/natt og helger. Vidare har Gloppen gitt signal om at dei ynskjer eit samarbeid med Sunnfjord om LVS. SYS-IKL kan drifte ei LVS-løysing frå 1. november 2014, og har fått klarsignal frå dei samarbeidande kommunane om å tinge 3 operatørsentralar, noko som er gjort. Drøfting: Det er ulik trafikk på ein legevakttelefon gjennom døgeret. På dagtid vil nok dei fleste fortsette å nytte telefon direkte til fastlegekontoret. Den største trafikken er mellom kl 15.30 (etter stengetid for fastlegekontora) til om lag kl 23. I denne perioden reknar ein om lag 25.000 innbyggarar pr operatør. Med eit utgangspunkt i 50.000 innbyggarar (sunnfjordsamarbeidet) vil personellbehovet vere 1 på dag, 2 på kveld og 1 på natt i vekedagane. På helg krevst det 2 på dag, 2 på kveld og 1 på natt. Kostnaden for dette er kr 6,16 millioner. Dette tilseier ein pris pr innbygger på kr 122 ved flat berekning. Flg tabell syner kostnadane:
Ut frå nytta modell for fordeling av kostnader ved interkommunale samarbeide på 50% lik fordeling og 50% etter folketal vert kostnadane for den einskilde kommune då som følgjer: Fordeling MEIRKOSTNADER - Sunnfjordsamarbeidet: Fordeling etter 50-50 modell, kostnad pr år/mnd. Totale kostnader: 6 164 755 50 % delt likt 3 082 378 50 % delt etter folketal 3 082 378 Innb pr: Kommunevis kostnad kostn pr innb Kommune 01.01.2013 for året pr mnd i kommunen Førde 12 559 1 021 417 85 118 81 Naustdal 2 713 422 024 35 169 156 Gaular 2 923 434 808 36 234 149 Jølster 3 078 444 244 37 020 144 Høyanger 4 222 513 887 42 824 122 Balestrand 1 337 338 257 28 188 253 Fjaler 2 871 431 642 35 970 150 Hyllestad 1 428 343 797 28 650 241 Askvoll 3 018 440 591 36 716 146 Flora 11 697 968 941 80 745 83 Bremanger 3 945 497 024 41 419 126 Solund 842 308 123 25 677 366 Kontroll: 50 633 6 164 755 513 730 122 Er Gloppen også med, er talet på innbygjarar kring 56.000. Det vil då vere same bemanning som for sunnfjordsamarbeidet, men behov for ein ekstra mellomvakt til bruk på ettermiddagstid når trafikken er høgst. Kostnaden for dette alternativet vert kr 7,13 millionar. Den ekstra kostnaden er grunna at Gloppen deltek, og det er då naturleg at dei tek meir av denne kostnaden enn dei andre kommunane. Dei andre kommunane nyt likevel godt av ei styrka bemanning på den tida med høgst telefontrafikk, og vi foreslår difor ei fordeling der 20% ( ca 192.000) av ekstrautgiftene dekkast av Gloppen, resterande fordelast likt. Prisen vert då ved flat berekning kr 123 pr innbyggar. Flg tabell syner kostnadane:
2 Sunnfjordsamarbeidet inkl Gloppen: Folketal 56 309 1. Løner: Legar: Beredskap dag/kveld, fast løn natt inkl sos kostn Ligg i SYS budsj Anna helsepersonell 6 012 529 Leiing: 453 000 Løner totalt 6 465 529 2. Driftskostnader: Varer og tenester: Varer og tenester, lv sentral 200000 husleige 100000 Driftskotsnader 3 sentaralar 360000 Driftskostn totalt 660 000 Pris pr innbyggar Totale kostnader: 7 125 529 127 Minus 25 % ekstrabetaling Gloppen for ekstrautg: 240 193 Kostnad for kommunar eks Gloppen 6 885 335 122 minus 20 % ekstrabetaling Gloppen for ekstrautg: 192 155 Kostnad for kommunar eks Gloppen 6 933 374 123 Med fordeling 50/50 (med tillegg kroner 192.155 for Gloppen), vert kostnadane for den einskilde kommune då som følgjer: Fordeling kostnader Sunnfjordsamarbeidet inkl Gloppen: Fordeling etter 50-50 modell, kostnad pr år/mnd. Totale kostnader: 6 933 374 50 % delt likt 3 466 687 50 % delt etter folketal 3 466 687 Innb pr: Kommunevis kostnad kostn pr innb Kommune 01.01.2013 for året pr mnd i kommunen Førde 12 559 1 039 868 86 656 83 Naustdal 2 713 433 695 36 141 160 Gaular 2 923 446 624 37 219 153 Jølster 3 078 456 167 38 014 148 Høyanger 4 222 526 597 43 883 125 Balestrand 1 337 348 981 29 082 261 Fjaler 2 871 443 423 36 952 154 Hyllestad 1 428 354 584 29 549 248 Askvoll 3 018 452 473 37 706 150 Flora 11 697 986 799 82 233 84 Bremanger 3 945 509 544 42 462 129 Solund 842 318 506 26 542 378 Gloppen 5 676 808 268 67 356 142 Kontroll: 56 309 7 125 529 593 794 127 Om Flora deltek i legevaktsentralen på dagtid eller ikkje har ingen utslag på bemanninga og kostnadene, og ein har difor ikkje lagt inn ulike fordelingar av kostnader av omsyn til dette.
Ein må ta med ekstra kostnader knytt til etablering og opplæring. Hovudkostnaden er opplæring. Det må utdannast 2 lokale hovudinstruktørar (2 x 4 dagar kurs + reise/opphald). Desse skal vidare utdanne dei lokale operatørane (1 dag) og alle legane i kommunane. Vidare reknar HDir med at ein må nytte 3 arbeidsveker til prosedyrearbeide, konfigurasjon og eigentest. Kostnadane er berekna til 355.000 kroner: Kostnader etablering LV sentral (kjelde: HDIR - presentasjon 03.09.13, Førde) Lokale tekn førebuingar erfart kostnad kabling og straum 50 000 Telefonikostnader 25 000 UPS (Batteri backup) 10 000 Naudstraumsaggregat - Tilgjengeleg begge plasseringar Lydlogg 40 000 Opplæringskostnader 230 000 Total 355 000 Helse Førde har gjeve tilbod om å drifte legevaktsentralen frå dagens AMK-lokalar. Dette er den beste lokaliseringa vi kan få no, ut frå legevaktas plassering i sjukehuset inntil vidare. Ein vil nytte AMKlokala fram til permanente lokalar for legevakt/legevaktsentral og KAD-senger er klare, berekna 01.01.2016. Operatørsentralane vert då flytta til dei nye lokalane. SYS-IKL kan altså drifte ein legevaktsentral til ein langt rimelegare totalsum jf. tilbodet frå Helse Førde. Det er viktig å vere klar over at den kostnaden som her vert presentert er kostnaden for drift av LVS åleine. Frå 1. januar 2016 skal kommunane stille med eit Kommunalt Akutt Døgntilbod (KAD). KAD planleggast saman med interkommunal legevakt og legevaktsentral, og det vil då vere klare synergieffektar å hente ut av dette (sjå eigen sak). Delkostnaden som då gjeld LVS vil verte betydeleg lågare. Om ein vel å seie ja til tilbodet frå Helse Førde vil denne prisen komme på topp av det KAD og tilhøyrande opprusting av legevakt vil koste. LVS er ei kommunal oppgåve, og skal ta imot og handtere henvendingar til lege i vaktberedskap, heimesjukepleiar, jordmor, kriseteam og andre relevante instansar (jf. 10 i forskrift om krav til akuttmedisinske tenester utanfor sjukehus). Fagleg er det ein styrke om LVS vert handtert av sjukepleiarar med klinisk praksis i legevaktsarbeide. Undersøkingar syner at 30% av telefonane til godt bemanna legevaktsentralar vert løyste på telefon av sjukepleiar, og at brukarane av tilbodet er særs nøgde med dette. AMK-sjukepleiarane gjer eit godt arbeide med dagens løysing, men ein ser det uheldig at dei ikkje har den kliniske erfaringa i legevaktsproblematikk som ein skulle ynskje. Vidare er det uheldig at dei ikkje er lokalisert saman med legevaktslegen (rådføring mm.) Det er klare utfordringar m.o.t rekruttering ved etablering av LVS som vil krevje mange sjukepleiarar. Det meste av turnusen er på vakttid ettermiddag/kveld, natt og helg. Det vil krevje mange delstillingar og mykje arbeid utanom vanleg arbeidstid, eit problem som vil verte endå meir tydeleg når ein er oppe og gå med full løysing KAD/Legevakt/Legevaktsentral frå 1. januar 2016. Det vert ein viktig del av etableringsprosessen å finne gode løysingar m.o.t rekruttering av tilstrekkeleg personale frå dag ein for ei heilt ny avdeling. Ulike tiltak er under vurdering og rekrutteringa må starte på tidleg tidspunkt for å kunne lukkast.
Innstilling frå Rådmann: Xxxxxxxx Kommune vedtek å gå inn i samarbeide om interkommunal legevaktsentral tilknytt SYS-IKL frå 1. november 2014 jf. saksutgreiing. Det organisatoriske og faglege ansvaret for etablering og drift av interkommunal legevaktsentral vert lagt til SYS-IKL. Lokalisering av permanent bygg vert avklara i eiga sak som omhandlar alle funksjonane.