Vinje kommune Økonomi, plan og utvikling Arkiv saknr: 2016/1535 Løpenr.: 12608/2017 Arkivkode: 153/1 Utval Møtedato Utval Saksnr Plan- og miljøutvalet 21.06.2017 17/117 Kommunestyret 22.06.2017 17/47 Sakshandsamar: Lotte Næss Framlegg til detaljregulering for Vestlia Rauland 153/1-2 gongs handsaming og endeleg vedtak Vedlegg: 1 20170308 Vestlia Plankart oe 2 20170216 Vestlia Føresegner_revA_ferdig 3 Brev frå Kristin Larsen 12.06.17 Dokument i saka: Plm-sak 17/51 Vinje kommune, brev om høyring og offentleg ettersyn 14.03.17 Merknader ved offentleg ettersyn : Fylkesmannen i Telemark 29.03.17 Direktoratet for mineralforvaltning 30.03.17 Statens vegvesen 19.04.17 Telemark fylkeskommune 22.03., 18.05.17 Rauland hyttevelforening 20.05.17 Roger Dreyer 20.04.17 Vegar og Mona Eliassen, Tone Mari og Vegard Steinmoen mfl 05.05.17 Anne Cecilie Gleditsch og Ole Kristian Mejlænder-Larsen 07.05.17 Thomas og Aina Næss 08.05.17 Roy W. Furulund 03.04.17 spm om infrastruktur NVE 04.04.17, ber om å få tilsendt materiale om skredfare Telemark fylkeskommune 25.04.17, ber om utsett frist Vinje kommune 03.05.17, utsett frist Rauland hyttevelforening 03.05.17, ber om utsett frist Telemark fylkeskommune 18.05.17, vedtak om disp frå kulturminnelova
Bakgrunn: Plan- og miljøutvalet vedtok 01.03.17, sak 17/51, å leggje framlegg til detaljregulering for Vestlia Rauland ut til offentleg ettersyn i samsvar med plan- og bygningslova 12-10. Vestlia Rauland omfattar delar av eigedomen Leirgrav 153/1, mellom Rauland skisenter Tiur, Ringerike og Holtardalen. Planframlegget legg til rette for omlag 150 hyttetomter. Føresegnene legg opp til at det kan byggast opptil 2 einingar pr. hyttetomt, men det skal ikkje byggast meir enn 200 einingar totalt. Det vert lagt til rette for ny hovudtilkomst via Holtarvegen. Vest i området er eit areal for utleigeleilegheiter BUH1 med tilkomst frå Holtarvegen eller ein av internvegane. Ny plan erstattar delar av gjeldande reguleringsplan for Leirgrav og Holtar. Byggeområde i ny reguleringsplan går lenger vest og nord enn byggeområde H 13 i gjeldande kommunedelplan for Rukkemo - Torvetjønn, og inn i område for idrettsanlegg A2. Her går byggeområde også inn i eksisterande nedfart (terrengpark). Grønn korridor på tvers er teken vare på i tråd med kommunedelplanen. Her går ein transportløype som knyter saman alpinanlegga i Holtardalen og Rauland skisenter. Planframlegget vart sendt ut på høyring og lagt ut til offentleg ettersyn i brev 14.03.17, med frist for merknader 05.05.17. Merknader som kom inn : Fylkesmannen i Telemark Viser til at det vert planlagd utbygging med høg tetthet, og at kommunen forsvarar tettheten med at dette er eit av dei viktigaste satsingsområde for fritidsbustader. Fylkesmannen meiner at ein god bruk av desse areala kan bidra til å redusere presset på områda omkring. Dei vil likevel minne kommunen på at det er viktig å ta vara på grøne område også i felt for fritidsbustader. Ved handsaming av byggesøknader bør ein vurdere landskapsverknadene av kvart enkelt tiltak. Området som blir bygde ut har i dag stor verdi som grønstruktur og til rekreasjon. Dei forventar at området som er sett av til grønstruktur og skianlegg gjennom området vert knytt opp mot eksisterande stiar og løyper. Omsynet til samfunnstryggleik og beredskap er sers godt teke vare på. Direktoratet for mineralforvaltning Ingen merknader. Statens vegvesen Kommunen må arbeide vidare med kryssløysing og trafikksituasjonen ved Fv 37. Kommunen må gjennom avtale el.l. sikre at tiltakshavar bidreg med midlar til framtidig kryssløysing mm. Telemark fylkeskommune Automatisk freda kulturminne : Det er to kolgroper i planområdet. I brev 22.03.17 blir det gitt dispensasjon frå kulturminnelova, og løyve til å fjerne kolgropene utan vidare
arkeologisk undersøkning. Dette føreset at kolgropene vert merka i plankartet som «Bestemmelsesområde», gitt nr #2 og #3, med slike føresegner : «Dei rørde kulturminna id222100 og id222101 som er markert som Bestemmelsesområde # 2 og # 3 i plankartet kan fjernast utan ytterlegare arkeologisk undersøking. «Nyare tids kulturminne : Det er eit freda bygg i planområdet, som er tenkt fjerna. I brev 18.05.17 blir det gitt dispensasjon frå kulturminnelova, på visse vilkår. Eit av vilkåra er at bygget blir flytta tilbake til garden Øvre Mo. Fylkeskommunen ber om rekkjefylgjeføresegner som seier at (1) det freda bygget skal vere flytta før ein kan gi igangsetjingsløyve, og (2) bygget skal vere sett i stand på sin nye plass i tråd med dispensasjonsvedtaket før ein kan gi ferdigattest. Det er fleire verneverdige bygg i planområdet som har stor aldersverdi, dvs er eldre enn frå 1850. Dei vil sterkt tilrå at desse bygga blir regulert til bevaring. Dei vil sterkt tilrå føresegner som seier at bygget skal flyttast opp til det eksisterande støylstunet og at dette må gjerast før igangsettingsløyve kan gjevast. Landskapsomsyn er viktig, mellom anna omsyn til fjernverknad, silhuett og terrengtilpassing/minimering av terrenginngrep. Ein bør vere varsam med utbygging i dei brattaste delane av planområdet. Fylkeskommunen rår til å setje betre krav til tiltaket for å sikre god tilpassing til omgjevnadene. Godt ivaretekne støylar blir stadig meir sjeldne i kulturlandskapet. Dei tilrår eit større grøntareal rundt eksisterande støylsbygg slik at historieforteljinga blir ivareteken. Rauland hyttevelforening 1. Vinje kommune må sikre at det ligg føre langsiktige strategiar og planer for utvikling av Rauland Skisenter som sikrar Rauland som en attraktiv skidestinasjon. Utvikling av nye hytteområde må ikkje gå på bekostning av viktige kvalitetar i området. Det er viktig at alpinanlegget og skiløypene vert utvikla vidare og får auka kapasitet. Velforeininga er uroa over planane om å ta i bruk alpin-nedfartar til hyttebygging. Rettleiaren «Alpinanlegg. Planlegging, bygging og drift» bør være retningsgivande i den vidare detaljplanlegginga av området. Det må også sikrast god tilkomst til Silkedalen og naturområder sørover og vestover frå det planlagde hyttefeltet både sumar og vinter. 2. Vi anbefaler Vinje kommune om å gjere dei tiltak som er nødvendig for å sikre meir skånsame naturinngrep enn kva som er praktisert i Holtardalen. 3. Det har vore utfordringar knytt til utbygginga i Holtardalen. I dette nye feltet bør kommunen stille tydelige krav til utbyggjar og syte for god oppfølging av sine eigne planar og krav, både undervegs i planprosessen og vidare i utbyggingsprosessen. Vinje kommune bør evaluere utbygginga i Holtardalen før igangsetting i Vestlia. 4. Trafikksikkerheten i området må vurderast betre og konkrete tiltak må utgreiast for å skape gode forhold i området for bilister og myke trafikantar. Avkjøyringa frå FV 37 til området må utbedrast som en del av dette. Det er også viktig at det generelt stilles tydelige krav til framkommelegheit for utrykkingskøyretøy i hyttefeltet.. 5. Rauland hyttevelforening støtter forslaget om at det skal betales et infrastrukturbidrag og meiner at dette bør inkludere alle m2 tomteareal som vert omfatta av reguleringsplanen uavhengig av kva som var i planen tidlegare.
Roger Dreyer 153/32 Ynskjer at føresegnene i gjeldande plan framleis skal gjelde for deira eigedom. Områda nedanfor deira eigedom bør ha lågare utbygging. Det vil gi planområdet eit meir heilhetleg stigande uttrykk. Vegar og Mona Eliassen, Tone Mari og Vegard Steinmoen (152/29) mfl 1. Bruk reguleringsplanen og/eller kommunedelplanen til å sikre utviklingsområde for Rauland skisenter. Dei er uroa for utviklinga i høve kvaliteten på løyper og alpinanlegg, jfr Listaullia, Holtardalen. Deira erfaring som hytteigarar i lang tid er at det ikkje ligg føre nokon klar og langsiktig strategi for utvikling av Rauland skisenter. Tidlegare har det vore planar om utbetring av nedfarten Rupa ved å auke bredda og utbetre kryssingspunktet med Skisenterløypa frå Holtardalen. Dette kan bli vanskeleg med planane som no ligg føre. 2. Nedfarten «Uvyrdslåmi» bør ikkje byggast ut med hytter, evt bør ein utsetje bygginga her til det ligg føre ein langsiktig strategi for utvikling av alpinsenteret. Nedfarten har ikkje vore preparert dei siste åra, men er i bruk som «Off-pist», og er, saman med andre upreparerte areal med å gjere skianlegget meir variert og dermed atraktivt, ikkje minst for barn og unge. 3. Oppgradering av stolheisen i skisenteret er viktig. Det bør vere føresegner om rekkjefylgje som sikrar at oppgraderinga blir gjennomført før tiltak igangsettjast. Kommunen må vurdere om dei kan bidra. 4. Bidrag til infrastrukturfond i framlegg til utbyggingsavtale sikrar berre ein brøkdel av kostnadene til å oppgradere stolheisen. Beløp /m2 tomteareal bør aukast monaleg, og det bør betalast bidrag for alt tomteareal, ikkje berre nytt. 5. Det må sikrast ein trasé for langrennsløype heile vegen frå Skisenterløypa og vidare til løype inn til Silkedalen. 6. Krysset med Fv 37 må utbetrast før tiltak setjast i gang. Kommunen må sikre vegstandarden inne i feltet, med tanke på stigning og at det skal vere framkomeleg. 7. Utbygginga i Holtardalen bør evaluerast før utbygginga i Vestlia starter. 8. Kommunen må stille tydelige krav til utbygger, og sørge for god oppfølging av sine eigne planar og krav, både undervegs i planprosessen og vidare i gjennomføringsfasen. I slutten av brevet er det lista opp 8 namn til på hytteeigarar som stiller seg bak merknadene. Anne Cecilie Gleditsch og Ole Kristian Mejlænder-Larsen Støttar merknad frå Eliassen mfl. Thomas og Aina Næss Støttar merknad frå Eliassen mfl. Kristin Larsen Gjer greie for Rauland Skisenter sin strategi for området, og om nedfarten Yvyrdslåmi og Rupa spesielt : Dei siste 10 åra har omsetninga i Rauland skisenter auka, og skiarealet er dobla. Køar i heiser, nedfartar og på p-plassar er redusert. Det er eit stort potensiale for
vidare utviding av heiser og nedfartar nye og utviding av eksisterande. For å oppretthalde utviklinga er Rauland skisenter mest avhengig av nye gjester. Viktigast for næringsutviklinga er difor flest mogleg hytter nær alpinanlegga, ski inn/ut, og utvikling av varme senger. Nedfarten Uvyrdslåmi er lite bruka. Det tas i bruk nye areal ander stader som er mykje større. I reguleringsplanen er det sett av areal for å auke breidda på nedfarten frå Fjellrupa til Rugde. Det er òg lagt inn eit stort areal ved løypekrysset med transportløypa frå Holtardalen. Figur 1 : Rauland skisenter Tiur og Holtardalen. «Uvyrdslåmi» markert.
Uvyrdslåmi Nedfarten frå Fjellrupa mot Rugde
Vurdering Langsiktige strategiar - alpinanlegg, skiløyper og grønstruktur, rekreasjon Det er viktig at hyttebygginga ikkje går på kostnad av attraktiviteten i destinasjonen. Dei fleste ubygde areala er del av kvalitetane i området i dag. Ein må difor finne ein god balanse her. Rådmannen er i utgangspunktet skeptisk til å ta i bruk delar av alpinbakkane til hytter, utan at dette er i tråd med ein god, langsiktig strategi. I brev frå Kristin Larsen gjer ho greie for den strategien dei har, og at planframlegget er i tråd med denne strategien. Det ideelle ville vore å venta på den nye kommunedelplanen, med prosess for reisemålsutvikling osb. Ein ser likevel at ein ikkje har godt nok grunnlag for å tilrå å endre planframlegget så seint i prosessen. Det er òg viktig å setje av nødvendig areal dersom det er behov for å utvide nedfartar, td Rupa som er nemnd, samt areal for å sikre betre sikt der nedfarten kryssar transportløpa frå Holtardalen. Dette er gjort greie for i brev frå Kristin Larsen 12.06.17, sjå vedlegg. Ein vil ikkje rå til å krevje at heisen blir bygd før ein kan byggje hyttene. Dette vil vere sers tyngande økonomisk. Ein kan leve med den gamle heisen nokre år til. Det går ei transportløype gjennom planområdet, frå Holtardalen til skisenteret. Planframlegget sikrar denne på ein god måte. Folk på langrennski kan bruke transportløypa som samband mellom Holtardalen og løypenettet sør og vest for skisenteret. Reguleringsplanen for Holtardalen sikrar løypetrasear til Silkedalen (1) opp langs Leirbekken og (2) gjennom planområdet til mogleg påkopling til eksisterande løype til Silkedalen. Veg/sti som går gjennom området i dag er til dels vidareført, til dels lagt om. Stien skal skiltast i tråd med føresegnenes pkt. 6.1, med rekkefylgjekrav pkt. 3.1. Behovet for grønstruktur og rekreasjonsareal er ivareteke. Evaluering av utbygginga i Holtardalen skjer fortløpande. Denne planen, og føresegnene, bygger på slike evalueringar. Kommunen har sett av mykje ressursar til tilsyn det siste året. Landskap og terrenginngrep Landskapsomsyn er viktig. Det er likevel slik at rådmannen her har vald å rå til ein ganske omfattande utbygging, med høg grad av utnytting, og bygging i bratt terreng. Utbygginga vil vere ganske synleg på avstand. Det er fleire tiltak som kan bidra til å redusere terrenginngrepa. Det er meir omfattande krav til dokumentasjon ved byggesøknad, og krav til dokumentasjon for ferdigattest i heile planområdet. Det er redusert grad av utnytting i dei brattaste partia (BFF3, 4, 12, 19 og 20). Det er òg krav om at vegar og tilliggande tomter skal prosjekterast heilskapleg og byggast samtidig. Rådmannen vi rå til at «heilskapleg» vert endra til «under eitt». Kulturminne Ein rår til å ta omsyn til framlegga frå fylkeskommunen vedkomande «bestemmelsesområde», rekkjefylgjekrav om flytting av det freda bygget, og rekkjefylgjekrav om flytting av det verneverdige bygget i BFF6, samt regulering av dette til bevaring.
Eit større grøntareal rundt eksisterande støylsbygg vil ein ikkje rå til. Ein oppnår ikkje så mykje med det, sett i høve til ulempene. Trafikktryggleik Ein er samd i at situasjonen ikkje er tilfredsstillande ved krysset i Fv 37. Trafikkutgreiing frå juni 2016 konkluderte med at sjølve krysset var bra, men at det var nødvendig å rydde opp i trafikkbiletet innanfor krysset. Administrasjonen arbeider med å få flytt renovasjonscontainerane. Rauland skisenter arbeider med fysiske tiltak for å hindre innkøyring til p-plassen rett frå krysset. Ein vil rå til rekkjefylgjekrav om gjennomføring av desse tiltaka før det vert gitt igangsettingsløyve i planområdet, med unntak av opparbeiding av samleveg SKV2 og SKV6. Planane om oppgradering av stolheisen inneber truleg også nytt kryss i fylkesvegen. Kommunen vil vurdere om det kan vere aktuelt med noko bidrag i samband med opparbeiding av nytt kryss. Vinje kommune krev vegstandard tilsvarande landbruksveg klasse 3. Planomtala pkt. 4.1 stadfester at dette er målsettinga i planarbeidet, og føresegnenes 5.1.b seier vegstandarden skal dokumenterast ved søknad om løyve. Vegprofilar viser at samlevegane er ganske nær ein slik standard. Ein legg til grunn at føresegnenes pkt. 5.1 vert handheva, og at stikkvegtraseane kan justerast ved detaljplanlegginga. Utbyggingsavtale og bidrag til infrastrukturfond høyrer til i eiga sak. Kommentar til merknad frå Roger Dreyer Føresegnene i gjeldande plan har ikkje grad av utnytting for eigedomen. Maks mønehøgde er sett til 9,8 m, og maks gesimshøgde 7,8 m. I framlegg til ny plan er grad av utnytting sett til 30 % BYA og høgder hhv 8,5 og 6,5 m. 30 % av arealet 1327 m2 er 400 m2. Det vil vere tilstrekkeleg. Byggeområdet for utleigeleilegheiter BUH har føresegner om maksimal mønehøgde 11,5 m. Det bør ikkje vere mindre, fordi ein bør ha ein god utnytting av areala for utleige. Lågare busetnad i hytteområda bak vil difor ikkje ha nokon stor effekt. Framlegg frå administrasjonen : I føresegnenes pkt. 2.1 a) er det krav om utomhusplan i 1:200. Det er tilstrekkeleg med utomhusplan i 1:500. Pkt. 3.1.a) endrast til : «Køyreveg fram til avkøyring for omsøkt tomteeining skal vere opparbeidd i tråd med planen, før igongsettingsløyve kan gjevast for tiltak etter pbl 20 1 bokstav a f.» I pkt. 4.2.d) er det krav til minst 30 m2 MUA (uteopphaldsareal). I eit hyttefelt er det ikkje nødvendig i krevje dette. Oppsummering av rådmannens framlegg til endringar : Plankartet
Det vert regulert til omsynssone bevaring av kulturmiljø, jfr pbl 11 8 c, og 12 6 i et område i nærleiken av det eksisterande stølstunet 153/34. Føresegner Føresenger om at kulturminna id222100 og id222101 som er markert som Bestemmelsesområde # 1 og # 2 i plankartet kan fjernast utan ytterlegare arkeologisk undersøking. Rekkjefylgjeføresegner som seier at (1) det freda bygget skal vere flytta tilbake til garden Øvre Mo før ein kan gi igangsetjingsløyve til opparbeiding av veg SK4, og bygging av hytter i BFF2 BFF5, og (2) bygget skal vere sett i stand på sin nye plass i tråd med dispensasjonsvedtaket før ein kan gi ferdigattest for hytter i BFF2 BFF5. Rekkjefylgjeføresegner som seier at verneverdig bygg i BFF6 skal flyttast opp i nærleiken av dent eksisterande støylstunet på 153/34, før igangsettingsløyve kan gjevast for hytter i BFF6. Føresegner til omsynssone bevaring av verneverdig bygg i BFF6, der det blir flytta opp i nærleiken av 153/34. Pkt. 2.3.i i føresegnene endrast slik at «heilskapleg» vert endra til «under eitt» Føresenger om rekkefylgje som seier at trafikksikringstiltak innanfor krysset i fylkesvegen (flytting av conteinerar, hindre innkøyring til p-plassen frå Fv) skal vere gjennomført før det vert gitt igangsettingsløyve i planområdet. Dette gjeld ikkje opparbeiding av samleveg SKV2 og SKV6. I pkt. 2.1 a) endrast krav om utomhusplan frå 1:200 til 1:500. Pkt. 3.1.a) endrast til : «Køyreveg fram til avkøyring for omsøkt tomteeining skal vere opparbeidd i tråd med planen, før igongsetjingsløyve kan gjevast for tiltak etter pbl 20 1 bokstav a f.» Pkt. 3.2.c) og 4.2.d) strukast. Framlegg til endringar er ikkje så store at det er nødvendig med ny høyring eller offentleg ettersyn. Saka går til kommunestyret. Framlegg til utbyggingsavtale blir handsama i eiga sak. Rådmannens framlegg til vedtak: Framlegg til reguleringsplan for Vestlia Rauland 153/1 vert vedteken i medhald av pbl 12 12 med endringar som er nemnde i rådmannens vurdering. Rådmannen, 13.06.17 Jan Myrekrok, rådmann /s/ Handsaming i Plan- og miljøutvalet 21.06.2017: Framlegget frå rådmannen blei samrøystes vedteke.
Framlegg til reguleringsplan for Vestlia Rauland 153/1 vert vedteken i medhald av pbl 12 12 med endringar som er nemnde i rådmannens vurdering. Saksordførar: Liv Sigrun N. Midttun Handsaming i Kommunestyret 22.06.2017: Framlegget frå plan- og miljøutvalet blei samrøystes vedteke. Framlegg til reguleringsplan for Vestlia Rauland 153/1 vert vedteken i medhald av pbl 12 12 med endringar som er nemnde i rådmannens vurdering.