Side 2 av 11 Saksutgreiing til folkevalde organ Dato: Arkivref: 19.01.2017 2016/626 1732/2017 / 504 Saksbehandlar: Aud Gunn Løklingholm 53423063 aud gunn.loklingholm@bomlo.kommune.no Sak nr i møte Utval Møtedato 21/17 Utval for areal og samferdsel 08.03.2017 FRAMLEGG TIL REGULERINGSPLAN FRITIDSBUSTADOMRÅDE KARIHAVET 101/13 M.FL. MELING PLANID 201607 Rådmannen sitt framlegg til vedtak: Framlegg til detaljreguleringsplan for fritidsbustadområde Karihavet gnr. 101, bnr. 13 m.fl. Meling i Bømlo datert 23.01.2017 med tilhøyrande reguleringsføresegner vert i medhald av plan og bygningslova 12 10 vedteke utlagt til offentleg gjennomsyn. Saksprotokoll i Utval for areal og samferdsel 08.03.2017 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Gøtz AS v/martin Gøtz dato 02.02.2017 Sak i utval for areal og samferdsel sak PS 110/16 dato 07.09.2016 Brev frå Fylkesmannen i Hordaland dato 05.10.2016 Brev frå Reidar Nesse (103/3) dato 06.10.2016 Brev frå Kystverket vest dato 10.10.2016 Brev frå Bømlo vatn og avløpsselskap AS dato 10.10.2016 Brev frå Bergens sjøfartsmuseum dato 02.11.2016 Brev frå Hordaland Fylkeskommune dato 15.11.2016 Bakgrunn for saka: Utval for areal og samferdsel handsama i møte 07.09.2016 sak PS 110/16 prinsippsøknad for å melde oppstart av detaljreguleringsplan for fritidsbustadområde på Meling gnr. 101, bnr. 13 m.fl. Det vart gjort samrøystes slikt vedtak:
Side 3 av 11 1. I samsvar med 12 3 i Plan og bygningslova vil rådmannen rå til at gnr. 101, bnr. 13 m.fl. Karihavet Meling i Bømlo vert teke opp til regulering til fritidsbustadføremål med tilhøyrande tilkomstveg, parkeringsareal og småbåtanlegg. Forslagsstillar skal melde oppstått av planarbeidet i samsvar med Plan og bygningslova 12 8. 2. Som ein del av arbeidet med detaljreguleringsplanen skal det i samsvar med sjekklistene vist i kap. 1.1. Beredskapsomsyn i kommuneplanen gjennomførast ein risiko og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. 3. Krav til parkering for fritidseigedomar, jmf. 4.3.6 i føresegner til gjeldande kommuneplan må takast med i reguleringsføresegner og i reguleringsplankart. 4. Bømlo kommune set ikkje krav om konsekvensutgreiing av reguleringsplanen. Gøtz AS v/martin Gøtz har på vegne av Gunnar Meling m.fl. sendt framlegg til privat detaljreguleringsplan for gnr. 101, bnr. 13 m.fl. PLANSTATUS: Kommuneplan I gjeldande kommuneplan er området på land vist som fritidsbustad med krav til reguleringsplan. Tiltaket her vil såleis vere i tråd med gjeldande kommuneplan. Tilkomstvegar og planlagd parkeringsplass vil ligge i LNF område. Planlagd parkeringsplass på eigedom 101/41, sør i planområdet, ligg delvis i bustadområde. Småbåtanlegg ligg delvis innanfor føremål for fritidsbustadar, men kjem ut i friområde i sjø nokre plassar. Reguleringsplan Området er ikkje regulert tidlegare. Planforslaget Forslagsstiller er Gunnar Meling m.fl. Planområdet er totalt ca. 9,8 daa. Av det er: 1. Bygningar og anlegg Fritidsbustader frittliggjande 1,3 daa Småbåtanlegg i sjø og vassdrag 0,8 daa 2. Samferdselsanlegg og teknisk infrastruktur Køyreveg 0,7 daa Gangveg/gangareal 0,7 daa Annan veggrunn grøntareal 0,4 daa Kai 0,3 daa Parkeringsplassar 0,4 daa 3. Grøntstruktur Friområde 3,6 daa 4. Bruk og vern av sjø og vassdrag, med tilhøyrande strandsone Friluftsområde i sjø og vassdrag 1,5 daa
Side 4 av 11 5. Omsynssoner Frisikt 0,1 daa BYGNINGAR OG ANLEGG Fritidsbustadar, FF1 FF4 Området kan byggjast ut med fritidsbustadar. Område FF1 omfattar eigedomane gnr.101, bnr. 13, 78 og 155. I FF1 kan det til saman førast opp 6 stk. fritidsbustadar, kor det på eigedom 101/13 er tenkt 3 fritidsbustadar i rekkje, på eigedom 101/78 er tenk 1stk. frittståande fritidsbustad, og på eigedom 101/155 er tenkt to fritidsbustadar i rekkje. I FF2 som omfattar eigedomane 101/13 og 101/15 kan det til saman førast opp 3 stk. fritidsbustadar. Ein av desse einingane utgjer eit eksisterande naust og som skal bevarast slik det er i dag. I FF3 som omfattar eigedom 101/156 kan det førast opp 2 stk. fritidsbustadar i rekkje. I område FF4 skal eksisterande naust erstattast med 1 stk. fritidsbustad. I føresegnene har ein sett maks. tillat bruksareal per eining BRA=110m2. I tillegg kjem evt. altan og uthus. Takvinkel skal vere mellom 35 45 grader. Fritidsbustadane skal ha 2 parkeringsplassar per eining, anten på eigen grunn eller på areal i nærleiken. Småbåtanlegg i sjø og vassdrag, SA1 S5 Området kan nyttast som småbåtanlegg for småbåtar. Småbåtanlegga kan nyttast av tilgrensande fritidseigedommar innanfor planområdet og etter eigen avtale med grunneigar. I planområdet kan det til saman etablerast 5 stk. flytebrygger; I område S1 kan det etablerast ei flytebrygge med 6 stk. båtplassar som skal vere felles for dei 6 fritidsbustadane lengst vest, på gnr. 101, bnr. 13, 55 og 78. Flytebrygga her skal ha ein maks. storleik på 25m² og ei maks. breidd på 2,5 m, og skal ikkje vere til hinder for fri ferdsel. I område S2 kan det etablerast 2 flytebrygger med 3 stk. båtplassar totalt. Ei flytebrygge skal vere felles for fritidsbustadane på gnr. 101, bnr. 13 og ei skal nyttast av eigaren av gnr.101, bnr.15. I område S3 kan det etablerast 1 stk. flytebrygger med to båtplassar som skal vere felles for dei to fritidsbustadane på gnr.101, bnr. 156. I område S4 kan det etablerast ei flytebrygge med plass til to båtar for fritidsbustaden på gnr. 101, bnr. 41. Flytebryggene i S2 S4 kan ha ein maks. storleik på 15m² og ei maks. breidd på 2,5m og skal ikkje vere til hinder for fri ferdsel. I området S5 skal det etablerast båtopptrekk som skal kunne nyttast av alle innanfor planområdet. Båtopptrekket skal vera open for allmenn ferdsle og det skal ikkje setjast opp gjerde eller andre stengsel som hindrar fri ferdsle i strandsona. SAMFERDSLEANLEGG OG TEKNISK INFRASTRUKTUR Køyreveg, V1 V2 Veg V1 (Strandavegen) er ein eksisterande kommunal køyreveg med ei breidd på ca. 5,0 m. Vegen er asfaltert og skal liggja som i dag. Etter vegnormal HB N100 er vegen regulert som samleveg Sa1, med fartsgrense 50 km/t og siktkrav i kryss på 4x45m. V2 er ein ny køyreveg med ei breidd på ca. 4,0 m. Vegen skal opparbeidast med asfalt. Vegen er regulert som tilkomstveg A1, med fartsgrense 30 km/t og siktkrav i kryss på 4x45m. Gangveg/gangareal, G1 G2
Side 5 av 11 G1 og G2 er nye felles gangvegar som skal gje enkel tilkomst til fritidsbustadane i området. Delar av gangveg G2 (sør aust) er eksisterande skogsveg som vil verta liggjande slik den er i dag. Gangvegane elles skal opparbeidast som 3 m breie grusvegar. I nord vil gangvegane verta liggjande i bakkant av fritidsbustadane med tilknyting til parkeringsplass P1. Gangvegane skal vere opne for ålmenn ferdsel. Anna veggrunn grøntareal Langs vegane er det lagt inn areal for anna veggrunn. Dette arealet kan nyttast til snølagring, vegutviding, avkjørsler, grøfter, skråningar og skjeringar. Kai, K1 K5 Områda kan nyttast til kai og båtfeste for småbåtar. Kaiane skal vere opne for ålmenn ferdsle og det skal ikkje setjast opp gjerde eller andre stengsel som hindrar fri ferdsel i strandsona. Parkeringsplass, P1 P3 Det er sett av to område for felles parkering, P1 og P2, med til saman 22 oppstillingsplassar. Parkeringsplassane er plassert i tilknyting til eksisterande veg, fritidsbustadar og naust innan planområdet. Parkeringsplassen kan nyttast etter nærmare avtale med grunneigarar. På eigedom gnr.101 bnr.41 er det sett av ein parkeringsplass, P3, med plass til to bilar. P3 tilhøyrar fritidsbustaden, FF4, på eigedom gnr.101 bnr.41. GRØNTSTRUKTUR Friområde I området kan det ikkje førast opp bygg eller konstruksjonar som er til hinder for å nytta området som friområde. Området skal vera ålment tilgjengeleg. Så langt råd er skal eksisterande terrengform og vegetasjon ivaretakast. BRUK OG VERN AV SJØ OG VASSDRAG MED TILHØYRANDE STRANDSONE Friluftsområde i sjø og vassdrag Området kan nyttas til sjø og vassdragsaktivitetar og skal vere fritt tilgjengeleg for ålmenta. OMSYNSSONER Frisikt Innanfor denne sona må det vere tilfredsstillande sikt i kryss og avkøyrsler. TEKNISKE ANLEGG Vatn og avlaup Området vert tilknytta off. vass og avlaupsanlegg som ligg i nærleiken. Vassleidning med Ø75mm vert lagt fram til området og det vert etablert ny vasskum med stikkleidningar til alle einingar. Alle fritidsbustadar skal ha eigen privat pumpekum og koplast til felles trykkavløpsanlegg. Avlaupet vert pumpa til tilknytingspunkt med off. anlegg, som ligg nordaust for planområdet på gnr.101 bnr.15. Opplegget er også synt på overordna VA plan som er vedlagt planomtalen. Anlegget for vatn og avlaup vert privat. Overvatn Overvatn vert ført til terreng/sjø. Straum Det er straum i området i dag og det vil ikkje vere noko problem å leggje straum til nye bygg i området.
Side 6 av 11 Vurderingar: Merknader til oppstart av planarbeidet I samband med oppstartsmeldinga er det kome inn merknader som fylgjer vedlagt. Her kjem planleggjar sine samandrag av innkomne merknader og hans kommentarar til desse: 1. Fylkesmannen i Hordaland I samsvar med plan og bygningslova 12 8 vert det starta opp arbeid med detaljregulering av fritidsbustader ved Karihavet gnr. 101, bnr. 13 mfl. i Bømlo kommune. Området er ikkje tidlegare regulert og er i gjeldande kommuneplan vist som fritidsbustadområde med krav til reguleringsplan. Tilkomstvegar og planlagd parkeringsplass vil ligge i LNF område. Planlagd parkeringsplass på eigedom gnr. 101, bnr. 41, sør i planområdet, ligg delvis i bustadområde. Småbåtanlegg ligg delvis innanfor føremål for fritidsbustadar, men kjem ut i friområde i sjø. Føremålet med reguleringsplanen er å leggja til rette for etablering av 12 fritidsbustadar med tilhøyrande tilkomstveg, parkeringsplassar, kai, flytebryggjer og båtplassar. Det er i dag fem eksisterande naust innafor planområdet. Desse vert rekna som del av dei 12 fritidsbustadane, og skal anten søkjast om bruksendring til fritidsbustadar, eller verta erstatta av nye fritidsbustadar. Forslag til plangrense er sett i samråd med kommunen. Planområdet omfattar delar av eigedom gnr.101, bnr.13 mfl., og utgjer ca. 10 daa. Planen er vurdert i høve til forskrift om konsekvensutgreiing, og planetaten i Bømlo kommune har konkludert med at planen ikkje skal konsekvensutgreiast. Fylkesmannen minner om at statlege retningsliner skal leggjast til grunn ved planlegging etter plan og bygningslova (pbl.) 6 2 andre ledd. Etter vår vurdering er det nokre moment i planen som ikkje er i tråd med dei statlege planretningslinene for differensiert forvaltning av strandsona. Det gjeld mellom anna plassering av parkeringsplass i strandsona, og som i tillegg er på eit areal sett av til LNF føremål i kommuneplanen. Vi er såleis kritiske til korleis parkeringsbehovet er løyst i planframlegget. Etter vår vurdering verkar òg omfanget av parkeringsplassen overdimensjonert. Parkeringsplassen må trekkjast lenger opp i terrenget. Vi vil òg be kommunen om å vurdera behovet for to parkeringsplassar per fritidsbustad, jf. føresegn 4.2.6 i kommuneplanen. Ein parkeringsplass til 24 bilar legg beslag på for mykje areal i strandsona. Fylkesmannen er i tillegg særs kritisk til omfanget av vegnettet som er vist i planforslaget. Planen legg opp til tilkomstveg til alle fritidsbustadane. Ei slik vegutbygging vil etter vår vurdering medføre store irreversible inngrep i strandsona, som er i klårt strid med strandsone vernet, i tillegg til LNF føremålet. Reguleringsplanen må ha som grunnføresetnad dei statlege planretningslinene for differensiert forvaltning av strandsona, der det må leggjast monaleg meir vekt på å sikre attverande strandsoneverdiar. Vegane frå gnr. 101, bnr. 41 og gnr.101, bnr. 13 ned til F1, F2 og F3 må takast ut av planen. I tillegg må vegen frå Strandavegen til F4, F5 og F12 takast ut av planen. Fylkesmannen finn det ikkje naudsynt at det skal vera tilkomstveg til fritidsbustadane. Vidare er vi kritisk til at planen legg til rette for småbåtanlegg i sjø, eit føremål som er i strid med overordna plan. Føremålet fritidsbustad opnar kunn for uthus og kai som fundament for fritidsbygga, jf. føresegn 4.3.1 i kommuneplanen. Fylkesmannen rår til at arealføremålet småbåtanlegg vert teke ut av planen og arealet i sjø sett til friområde i sjø. Vi vil til slutt minne om at kommunane skal fremja samfunnstryggleik i si planlegging, jf. plan og bygningslova (pbl.) 3 1 bokstav h. Pbl. 4 3 set difor krav om utarbeiding av ROS analyse i alle plansaker, samt krav til handtering av risiko i plan. ROS analysen skal visa risiko og sårbarheit som har
Side 7 av 11 verknad for spørsmålet om arealet er eigna til utbygging, og eventuelle endringar i slike forhold som følgje av planlagt utbygging. Teknisk forskrift (TEK10) definerer kva som er akseptabel risiko for flaum og skred. Akseptkriteria for anna type risiko må definerast av kommunen. Fylkesmannen legg til grunn at akseptkriteria må vera minst like strenge som for flaum og skred. Alle risikohøve skal merkast på plankartet med omsynssone. Krav til risikoreduserande tiltak skal gå fram av planføresegnene. Kommentar: Planforslaget legg opp til 2 stk. parkeringsplassar pr. fritidsbustad. Dette er i tråd med 4.3.6 i føresegner til kommuneplanen til Bømlo kommune. Ein har prøvd å imøtekoma Fylkesmannen ved å flytte parkeringsplassen lengre vekk frå strandsona og nærare Strandavegen i sør. Ein har også redusert omfanget på vegarealet. Det er tenkt køyreveg frå avkøyrsel ved Strandavegen, opp til parkeringsplassen og vidare til båtopptrekk. Resterande vegareal er tenkt som grusa gangveg med 3m breidd og skal gje tilkomst til fritidsbustadane frå parkeringsplassen. Vegane frå eksisterande bustadhus på gnr. 101 bnr. 41 og 13 er eksisterande skogs /landbruksvegar som vil verta liggjande som i dag. For å få til eit attraktiv område med fritidsbustadar ser ein elles småbåtanlegg som ein viktig del av planen. Ein har prøvd å samle båtplassane i felles anlegg for å redusere arealbruken i sjø mest mogeleg. Ved etablering av småbåtanlegg kan samtlege fritidsbustadar få gode båtplassar samstundes som det vert fleire opningar langs strandlinja som gir enkel tilgang til sjø for ålmenta. 2. Reidar Nesse (103/3) Undertegnede er eier av 103/3 i Bømlo og eier dermed 80 90 % av all strandlinje inne i Ulvsvågen øst for Karihavet. Sjøtilkomsten til Ulvsvågen går forbi planområdet og østover (innover) i Karihavet. Utfordringen her er at ca. frå de to små holmene tilhørende 101/13 og østover (innover) mot Ulvsvågen, er det veldig grunt vann. Bunnforholdene ser ut til å være av en slik beskaffenhet at mudring kan være mulig. Skal strandlinje og areal innenfor holmene noen tid kunne benyttes til lignende tiltak (naust, fritidsbustader, næring, etc.) med tilkomst fra sjø, må innløp, og Ulvsvågen, mudres for å få nok dybde i sjøen til båttrafikk. BVA (Bømlo vann og avløpsselskap AS) har allerede lagt VA ledninger fra Nesse mot Meling og vice versa over Karihavet. I tillegg har allerede eksisterende bebyggelse lagt VA ledninger i sjøen østover (innover) mot kloakktilkoblingspunkt på Meling side og vanntilkoblingspunkt mot Nesse side. Disse VA ledningene er allerede til hinder for framtidig mudring og er også til hinder for den begrensede båttrafikk som går mot Ulvsvågen da mange av ledningene flyter i overflaten. For å forhindre en ytterligere forverring av problemet, vil undertegnede komme med følgende krav: Alle nye VA og andre relevante ledninger/kabler/breiband etc. som skal tilknyttes planid 201607 må legges på sør og østside av de to små holmene (avløp) mot Meling side og så nært land som mulig på Nesse side med kryssing på dypest mulig vann (vannledning om denne tas fra Nesse) se vedlagt kart.
Side 8 av 11 Vennligst få dette inn på planen som skal utarbeides. Kommentar: Det er teke omsyn til merknadane i planarbeidet. 3. Kystverket vest Har ingen merknader til planarbeidet. 4. Bømlo vatn og avløpsselskap AS Ved utarbeiding av reguleringsplanar skal det følgje ein overordna VA plan. Overordna VA plan skal bestå av utgreiingar, planteikningar og andre naudsynte illustrasjonar/teikningar. Det skal utarbeidas eit plankart i målestokk >1:2000 som viser hovudtrasear (kommunale og private), plassering av brannuttak, overvassanlegg, pumpestasjonar mm. Planen skal avklare eigarforhold til nye VA leidningar (private eller kommunale) VA plan må utarbeidast og godkjennast av BVA før anleggsstart. Kostnaden med framlegging, utbygging og tilkopling av VA leidningar til offentlig nett må takast av utbyggjar. Kommentar: Det er teke omsyn til merknadane i planarbeidet. 5. Bergens sjøfartsmuseum Museet kjenner ikkje til kulturminne ved Karihavet gbnr. 101/13 m.fl., i Bømlo kommune som kan bli direkte råka av reguleringa. Me har heller ingen indikasjonar på at området har vore nytta som ankringsstad eller hamn i eldre tid. Museet har derfor ingen merknader til reguleringsarbeidet. Det er likevel mogleg at det ligg kulturminne i det aktuelle området. Me gjer derfor merksam på at tiltakshavaren pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. Kommentar: Det er teke omsyn til merknadane i planarbeidet. 6. Hordaland Fylkeskommune Vurdering og innspel I oppstartsmeldinga som ligg føre vert det varsla at det skal leggast tilrette for parkeringsplass og veg i areal avsett til LNF område i kommuneplanen. Hordaland fylkeskommune er generelt kritisk til at det vert lagt tilrette for arealbruk i strid med kommuneplan. Vi ber om at konsekvensane for utbygging i LNF området vert tydeleg skildra i planarbeidet. I det vidare planarbeidet vil vi leggje særleg vekt på:
Side 9 av 11 Arkitektur og estetikk Friluftsliv Folkehelse Landskap Naturmangfald Kulturminne og kulturmiljø Strandsone Meir om strandsone Planområdet ligg i strandsona. Hordaland fylkeskommune minner om Regional kystsoneplan for Sunnhordaland og ytre Hardanger som låg på høyring i 2015. Planen har mål som gjev at strandsona skal ivaretakast i eit langsiktig perspektiv som ressurs for lokalmiljøet med fokus på natur og landskapsopplevingar, biologisk mangfald, friluftsliv og kulturminne. I strandsona er det viktig å ivareta allmenne interesser og hindre uheldig utbygging. Hordaland fylkeskommune minner om at nye område for fritidsbustader som hovudregel ikkje skal leggjast i strandsona. Vi ber om at dette vert teke omsyn til i det vidare arbeidet med reguleringsplanen. Det er viktig at det vert sett tydelege byggjegrenser mot sjø i planen og at det vert tilrettelagt for at allmenta kan nytte området og ha tilgang til strandsona. Det vert opplyst om at planen skal leggje tilrette for småbåtanlegg. Vi minner om skilnaden mellom føremål for småbåthamn og småbåtanlegg. Føremålet småbåthamn er, i følgje kart og planforskrifta, tenkt nytta til allmenne anlegg for småbåtar der bruken ikkje er avgrensa til nærare fastsette eigedommar. Småbåthamner vil som regel ha eit eige driftsselskap, noko småbåtanlegg ofte ikkje har. Ei småbåthamn vil som regel generere meir båttrafikk og trafikk på land enn småbåtanlegg. Småbåtanlegg er mindre anlegg knytt til nærare fastsette eigedomar, til dømes eit konkret bustad eller hyttefelt. Meir om landskap Planområdet ligg innafor det regionale landskapsområdet Melling/ Mellingsvåg. Vi minner om at all utbygging påverkar landskapet. Planlegginga må sikre at nye byggetiltak og infrastruktur innordnar seg dei fysiske omgjevnadane. Me ber om at det leggast særleg vekt på at tiltaka plasserast og utformast slik at eventuelle nær og fjernverknader vert redusert. Meir om kulturminne og kulturmiljø Fylkeskonservatoren i Hordaland fylkeskommune har vurdert saka som regional sektorstyresmakt innan kulturminnevern. Planen sin verknad på kulturminne og kulturmiljø må dokumenterast, og bli vurdert under eitt av punkta i planutgreiinga ved offentleg ettersyn. I planutgreiinga må det inngå omtale av kvart kulturminne og vurdering av verneverdi. Planen kan ikkje vere i konflikt med automatisk freda kulturminne, eller andre nasjonalt og regionalt viktige kulturminne. Ut frå SEFRAK registeret er det kjend fleire bygningar eldre enn 1850 som blir omfatta av planen, der konsekvensane av tiltaka må gjerast godt greie for i planarbeidet. I våre arkiv har vi frå før ikkje kjennskap til automatisk freda kulturminne i planområdet. I samband med synfaring på staden blei ingen nye automatisk freda kulturminne påvist, og arealet blei vidare vurdert til å ha lågt potensiale for funn av uregistrerte kulturminne i marka.
Side 10 av 11 Saka har også blitt vurdert av Bergens Sjøfartsmuseum. I høve e post datert 02.11.2016, kjenner ikkje museet til marine kulturminne som kan bli råka av reguleringa, og har ingen indikasjonar på at området har vore nytta som ankringsstad eller hamn i eldre tid. Vi har ingen vidare merknader i på noverande stadium i planprosessen. Kommentar: Plassering av fritidsbustader er i tråd med kommuneplanen. Byggegrenser er tydeleg synt på forslag til reguleringsplankartet. Med nye fritidsbustadar ynskjer ein å auke aktiviteten i området. Området vil verta tilrettelagt med gode kaianlegg til ny og eksisterande situasjon samt opparbeiding av køyreveg og parkeringsplass med tilhøyrande tilkomstveg til sjø. Tiltaket vil verta synleg i landskapet, men skal så langt det let seg gjere tilpassast til eksisterande terreng og landskap. Utbygging av fritidsbustadar vil passe godt inn med eksisterande situasjon i området. SEFRAK registerte bygg skal vurderast i samband med planen, og er nærmare omtalt under Kap. 3.3 Eksisterande bygg samt under Kap.8.1 Kulturlandskap og kulturminne. I planforslaget ynskjer ein å leggje til rette for etablering av 11 stk. fritidsbustader og 1 stk. eksisterande naust med tilhøyrande tilkomstveg, parkeringsplassar, kai, flytebrygge og båtplasser. Strandlina i området er ca. 230 meter lang. Det er i dag 5 stk. eksisterande naust innanfor planområdet. 1 av desse nausta skal bevarast som naust (på gnr. 101, bnr. 15). Dei andre skal anten søkjast om bruksendring til fritidsbustader eller verta erstatta av nye fritidsbustader. Tiltaket vil såleis vera i tråd med gjeldande kommuneplan. Tilkomstveg og parkeringsareal ligg i LNRF område der spreidd bustadbygging kan tillatast. Området er ikkje regulert tidlegare. I gjeldande kommuneplan er området vist som framtidig fritidsbebyggelse med krav til regulering. Rådmannen har vurdert behovet for parkeringsplassar og ynskjer at kravet med 2 stk. parkeringsplassar pr. fritidsbustadeining også skal gjelde for denne reguleringsplanen for å unngå å skape presedens i høve til liknande planar seinare. Rådmannen sluttar seg til planleggjar sine vurderingar og rår til at framlegg til privat detaljreguleringsplan for fritidsbustadområde Karihavet gnr. 101, bnr. 13 Meling vert lagt ut til offentleg gjennomsyn. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i området. Planområdet grensar til omsynssone H720_3 Karihavet naturreservat for sjøfugl. Det er registrert SEFRAK bygg på gnr. 101, bnr. 156 naust bygd på slutten av 1800 talet.
Side 11 av 11 Beredskap og samfunnstryggleik: Fagkunnig har gjennomført ROS analyse. Det er ingen tiltak i raudt felt, dvs. ingen tiltak er naudsynt. Folkehelse: Planen legg til rette for at området skal kunne nyttast i samband med ulike fritidsaktivitetar. Tilrettelegginga vil gjere området meir attraktivt og tilgjengeleg, slik at fleire brukargrupper kan nytte seg av området enn tidlegare. Auka friluftsaktivitetar er generelt positivt for folkehelsa. Oppsummering og konklusjon: Det ligg ikkje føre vesentlege merknader i samband med oppstart av planarbeidet. Rådmannen viser til vurderingane som går fram av saka og rår til at framlegg til privat detaljreguleringsplan for fritidsbustadområde på Meling gnr. 101, bnr. 13 m.fl. vert utlagt til offentleg gjennomsyn.