Fagleg nettverk innan kreftomsorg og lindrande behandling i Helse Fonna føretaksområde Fagleg nettverk innan kreftomsorg og lindrande behandling i Helse Fonna føretaksområde Årsrapport 2016 Målsetting med nettverk av ressurspersonar i kreftomsorg og lindrande behandling i Helse Fonna er kompetanseheving, samhandling og samarbeid slik at kreftpasientar og andre pasientar med behov for lindrande behandling, samt deira pårørande, opplever god kvalitet og tryggleik i alle nivå i helsetenesta. Nettverksarbeidet har vore forankra i ein felles avtale mellom Helse Fonna, kommunane i Helse Fonna-området, Kreftforeningen Distrikt Vestlandet og Kompetansesenter i lindrande behandling Helseregion Vest (KLB) sidan 2005. Etter ny samhandlingsstruktur mellom Helse Fonna og kommunane er nettverket etablert som eit fagnettverk under FOUSAM med eit mandat frå Samhandlingsutvalget. Samhandlingsutvalget vedtok 12. desember 2014 eit mandat for nettverket som er i tråd med tidlegare avtale. Frå 2014 er Høgskolen Stord-Haugesund (HSH) og Kreftomsorg Rogaland (KOR) innlemma som partar i nettverket. Fysio- og ergoterapeutar er og inkluderte i arbeidet, med ei eiga driftsgruppe. Organiseringa av nettverket: Odda sjukehus Jondal Odda Ullensvang Nettverket har styringsgruppe med ein representant frå kvar av partane Helse Fonna, kommunane, HSH, KLB og Kreftforeningen. Driftsgruppa har ansvar for den daglege drifta av nettverket, og leiaren er representert i styringsgruppa.
I Helse Fonna-nettverket er det til saman 131 ressurspersonar: 101 sjukepleiarar og 30 ergoog fysioterapeutar. Dess er fordelte på dei seks nettverksgruppene. Dei representerer alle kommunar og tre sjukehus i Fonna-området. Sjukepleiarnettverket Alle ressurssjukepleiarar som har deltatt i nettverket i 2016, har fått oppdatert kompetanse i fleire tema innan palliasjon gjennom fagleg undervisning på nettverksmøte og årleg fagdag. Ressurssjukepleiarane har blitt påminna ansvaret for å vidareformidle fagleg undervisning på sin arbeidsplass og ha møte med sin leiar. Det er informert om hospiteringsordninga i Helse Fonna, samt bruken av Individuell Plan innan palliasjon og ESAS. Tverrfagleg samhandling har vore i fokus, og andre faggrupper har vore invitert inn på nettverksmøta. SWOT-analyse (styrker, svakheter, moglegheiter og truslar) vart gjennomført i nettverka i Helseregion Vest hausten 2016 og alle nettverka i Helse Fonna, samt driftsgruppa, har gjennomført SWOT-analyse av nettverket ved gruppearbeid på slutten av nettverksmøtet. Klinisk arbeid for ressurssjukepleiarane Årleg rapportering vart gjennomført i januar 2017 og resultatet vil bli presentert på årleg fagdag i mars. Rapporteringa viser at ca 70% av ressurssjukepleiarane og 40% av deira leiarar hadde pr 21.02.17 svart på den årlege rapporteringa for 2016. Resultat av rapporteringa viser m.a.: Nær 70% av dei som har svart har vore ressursperson i nettverket i 3 år eller meir. 20% har avsatt tid til funksjonen og ca 30% rapporterer om møte med sin leiar. Nær 40% har hatt samarbeidsmøter med fastlegen om aktuelle pasientar, over 80% brukar ESAS-r på sin arbeidsplass og 35% har medvirka til utarbeiding av Individuell Plan. Retningslinjer for symptomlindrande behandling vert brukt av 95% av dei som har svart, 70% har deltatt på kurs / konferansar men berre 3% har hospitert. Ca 55% har hatt internundervisning innan tema kreftomsorg og lindrande behandling. På spørsmål kva som har fungert godt i funksjon som ressursperson, vert m.a. nevnt godt samarbeid med leiar, godt samarbeid med fastlegar/sjukehus, samt å vera ein ressurs for kollegaer på arbeidsplassen. Fleire nevner dei i nettverket får auka kunnskap som igjen gir auka tryggleik. Av det mest utfordrande i rolla som ressursperson svarar ca 70% at tidspress og mangel på avsatt tid har vore mest utfordrande. Nær 80% av leiarane som har svara på rapporteringa, seier dei er kjend med avtalen Mandat og organisering. Over 90% av leiarane seier nettverket bidrar til å betra kvaliteten på kreftomsorg og lindrande behandling i stor eller svært stor grad. 60% seier dei har hatt møte med sin ressurssjukepleiar, 30% har deltatt på introduksjonskurs og 20% har deltatt på årleg fagdag. Arbeid i nettverksgruppene Det har vore arrangert i alt 12 nettverksmøte i 2016. Alle nettverksgruppene har hatt eit nettverksmøte om våren og eit om hausten. Nettverksmøta er på 6 timar. Fysio- og ergoterapinettverket får invitasjon til dei lokale nettverksmøta, men har ikkje obligatorisk oppmøte. 2
På kvart nettverksmøte har den lokale ressurspersonen hatt ansvar for å ynskja velkommen og å skriva referat. På førehand har dei tatt imot påmelding, skaffa lokale, sørgja for lunsj og forberedt presentasjon av eit case. Det går på omgang mellom kommunane og sjukehusa å arrangera nettverksmøta. Tida fram til lunsj har vore satt av til refleksjon ressurspersonane imellom, der dei alle deler utfordringar og positive ting frå rolla som ressursperson i sin kommune eller avdeling. Etter lunsj har det vore satt av tid til fagleg undervisning. Her har det også vore mogeleg for andre enn ressurspersonar å delta. På slutten av dagen har ein fast på programmet presentasjon av eit case som utgangspunkt for felles refleksjon. Lokal fastlege eller sjukeheimslege har blitt invitert til å fortelja frå sitt arbeid og dela erfaringar innan kreftbehandling og palliasjon. Dette har vore ein positiv erfaring i fleire grupper. Tema for nettverksmøta i 2016 Alle nettverksgruppene har fått same undervisning, fordelt på vår og haust. Undervisninga har vore gjennomført på denne måten: Tema 1: Munnstell til den palliative pasienten. Nye nasjonale retningslinjer. Undervisning ved sjukepleiar /kreftsjukepleiar i kvart nettverk: Hardanger nettverket: Evelyn Ramberg, sjukepleiar ved Odda sjukehus Sunnhordlandsnettverket: Berit Røksund, kreftsjukepleiar ved Stord sjukehus Nettverk Indre Haugaland: Liv Marit Waage, palliativ sjukepleiar ved Haugesund sjukehus Nettverk Ytre Haugaland Midt: Maria Revheim, kreftsjukepleiar Sveio kommune Nettverk Ytre Haugaland Nord: Helga Alvsvåg, sjukepleiar Karmøy kommune Nettverk Ytre Haugaland Sør: Tove Asbjørnsen, sjukepleiar Bjørgene omsorgssenter og Lillian Herstad Johansen, sjukepleiar Vardafjell omsorgssenter Tema 2: Samhandling kommune sjukehus ved Sølvi Torvestad, samhandlingskoordinator i Helse Fonna. Oppmøte 2016 Nettverk Indre Haugalandet: Nettverk Hardanger: Nettverk Sunnhordland: vår: 12 av 14 ressurssjukepleiarar, 1 ergo-/fysioterapeut, 1 lege haust: 11 av 14 ressurssjukepleiarar vår: 10 av 11 ressurssjukepleiarar, 1 ergo-/fysioterapeut haust: 7 av 11 ressurssjukepleiarar vår: 17 av 26 ressurssjukepleiarar og 2 ergo-/fysioterapeutar, 1 lege haust: 15 av 26 ressurssjukepleiarar Nettverk Ytre Haugaland Nord: vår: 7 av 16 ressurssjukepleiarar haust: 12 av 16 ressurssjukepleiarar og 1 ergo-/fysioterapeut Nettverk Ytre Haugaland Midt: vår: 9 av 14 ressurssjukepleiarar og 2 ergo-/fysioterapeutar haust: 10 av 14 ressurssjukepleiarar Nettverk Ytre Haugaland Sør: vår: 13 av 19 ressurssjukepleiarar og 1 ergo-/fysioterapeut haust: 10 av 19 ressurssjukepleiarar 3
Det er viktig å oppretthalda kontinuitet i nettverket, og difor har ein starta opp med å registrera også dei ressurspersonane som ikkje kjem på nettverksmøta. Dersom ein ressursperson gjentatte gonger ikkje møter på nettverksmøta, vil medlemmer i driftsgruppa ta dette opp med den det gjeld, og finna årsaka til fråværet. Dersom grunnen er liten interesse eller at personen av andre grunnar ikkje ynskjer å delta, kan leiar bli spurt om å finne ein ny ressursperson. Driftsgruppa Driftsgruppa har hatt 4 møte i 2016: 26. januar i Kreftforeningen sine lokale i Bergen 14. juni hos kreftkoordinator i Odda 27. september i Vindafjord 1. november på Bjørgene, Haugesund Det har vore engasjerte medlemmer i driftsgruppa og mange saker har vore diskutert. World Hospice and Palliative Care Day 2016 vart markert på Haugesund sjukehus i oktober 2016. Driftsgruppa ynskjer å søkja om kompetansemiddel hos Fylkesmannen i Rogaland og Hordaland i 2017. Representantar i driftsgruppa Driftsgruppa hausten 2016: Grete Skeie Sørhus, leiar, Vindafjord kommune og KLB Anne Lise E. Johannesen, Palliativt team, Helse Fonna og KLB (ny: etter Laila Johannesen) Cathrine Aasheim, Fitjar kommune Berit Røksund, Stord sjukehus Tove Asbjørnsen, Haugesund kommune May Kristin Valen, HSH Målfrid Eide, KOR Astrid Håland, FOUSAM og Bjørgene Utviklingssenter Evelyn Borgny Ramberg, Odda sjukehus Hilde Brekke Koltveit, Jondal kommune (ny: etter Mette Stadheim) Aleksandra Latinovic, Kreftforeningen (ny: etter Tone Sellevold) Mona Didriksen, Haugesund sjukehus (ny: etter Signe Vestvik) Styringsgruppa Styringsgruppa for nettverket har i 2016 bestått av Dagny Faksvåg Haugen, KLB (leiar), Sølvi Torvestad, Helse Fonna, Dag Helge Rønnevik, PKO-representant, Sølvi Eide Lunde, HSH, Geir Vangsnes, Kreftforeningen, Grete Skeie Sørhus, leiar av driftsgruppa og Karoline Berge, leiar av driftsgruppa for fysio- og ergoterapinettverket. Styringsgruppa har hatt to møte i 2016. Introduksjonskurs Det vart arrangert introduksjonskurs for nye ressurspersonar og deira leiarar 8. desember 2016. Anne Lise Eidem Johannesen og Kristin Valen frå driftsgruppa for sjukepleienettverket og Karoline Berge frå fysio- og ergoterapinettverket hadde ansvar for planlegging og gjennomføring av kurset. 15 deltakarar. Målsetting for kurset var å gi kunnskap om organisering av nettverket og palliativ verksemd i regionen, samt å drøfta forventningar til og bevissthet om rolla som ressursperson. 4
Hvem er den palliative pasient? Hvilke tilbud har vi innen kreftomsorg og lindrende behandling i regionen? ved overlege i Palliativt team Julia Bratke Gjennomgang og presentasjon av nettside og relevante verktøy som ESAS og Individuell plan, ved Laila Johannesen, kreftsykepleier i Palliativt team og medarbeider i KLB. Ressurspersonen si rolle og funksjon, ved to ressurspersonar frå sjukehus og kommune Korleis komma i gang som ressursperson i din kommune/avdeling, og korleis kan leiar legga til rette? Gruppearbeid med fokus på å utarbeida ein plan for korleis komma i gang på arbeidsplassen og korleis presentera dette for leiar, samt refleksjon over eiga rolle. Årleg fagdag Årleg fagdag vart arrangert 1. mars i Tabernaklet med tema «Kreft og seksualitet». 92 deltakerar. Mål for dagen var å få auka kunnskap om og forståing for at seksualitet og parforhold vert ramma/berørt ved alvorleg og/eller kronisk sjukdom, men også ved normal aldring. Ei arbeidsgruppe frå driftsgruppa for sjukepleienettverket, samt leiar frå fysio- og ergoterapinettverket hadde planlagt fagdagen. Det var utarbeidd mål for kunnskap, ferdigheiter og haldningar deltakarane skulle sitja igjen med etter fagdagen: Kunnskap om anatomi/fysiologi og konsekvensar av behandling i forhold til seksualitet, både hos unge og eldre, samt sjå samanhengen mellom psyke og soma, og ressurspersonen si rolle i kartlegginga Ferdigheter: Kommunikasjonsferdigheter til å kunna invitera til samtale om kreft og seksualitet Haldningar: Sjå verdien av seksualitet som tema i kreftomsorga Program: Anatomi og fysiologi - konsekvenser av kreftbehandling i forhold til seksualitet, ved Klaus Oddenes, seksjonsoverlege, Gynekologisk seksjon Haugesund sjukehus «Framleis mann..? - erektil dysfunksjon i samband med kreftbehandling», ved Anne A. Susort, uroterapeut, Urologisk seksjon, Kir. avd., Haugesund sjukehus Kropp, sykdom og seksualitet. Refleksjoner og erfaringer ut fra perspektivet pasient fysioterapeut, ved Lise Amundsen, spesialfysioterapeut, Palliativt team, Haukeland universitetssjukehus Kreft og seksualitet - ansvar, samtale og kommunikasjon, ved Solveig Fridheim Torp, kreftsjukepleiar/sexolog, Kreftomsorg Rogaland Pasienthistorie ved brukarkonsulent Resultat frå årleg rapportering i nettverket, ved Dagny Faksvåg Haugen, seksjonsoverlege, Kompetansesenter i lindrande behandling Helseregion Vest Ny rutine for hospitering i Helse Fonna, ved Sølvi Torvestad, samhandlingskoordinator i Helse Fonna Alle deltakarane vart delt inn i grupper som reflekterte over temaet for dagen. Det var arrangert et eige møte for leiarane. 5
Evalueringa viste veldig gode og konstruktive tilbakemeldingar på dagen, med fleire gode forslag til framtidige årlege fagdagar. Velkomstbrev og nyheitsbrev Alle nye ressurspersonar har fått tilsendt velkomstbrev med nyttig informasjon. To nyheitsbrev frå nettverket er sendt ut til alle ressurspersonar og leiarar. Nettsider Nettsida er i løpet av 2016 blitt fornya og er blitt meir brukarvennleg. På nettsida ligg oppdatert informasjon om dato for alle nettverksmøte, nyhendebrev og andre arrangement i nettverket. Nettsida har namneliste med oversikt over alle ressurspersonar i nettverket. Utviklingsarbeid Driftsgruppa har i 2016 utarbeidd ein vegleiar for samtale rundt ressurssjukepleiarfunksjonen saman med leiar. Driftsgruppa har også revidert invitasjonsbrev til fastlege/sjukeheimslege/postlege med ein klarare bestilling i invitasjonen til nettverksmøte. Dette har vore etterspurt. Kurs i palliasjon nivå C for ressurssjukepleiarar med vidareutdanning vart arrangert i Haugesund våren 2016. Fysioterapeut Karoline Berge i Palliativt team, Haugesund sjukehus har leia arbeidet med å utvikle fysio- og ergoterapinettverket vidare. Fysioterapeutar som jobbar med palliasjon i kommunane og på sjukehus, har vore inviterte til nettverksmøta i 2016. Nye ressurspersonar frå fysio- og ergoterapinettverket og deira leiarar vart inviterte til introduksjonskurset og til årleg fagdag. Fysio- og ergoterapinettverket Driftsgruppa for fysio- og ergoterapinettverket har i 2016 hatt tre samlingar der ein har planlagt ein fagdag og arbeidd med korleis rolla som ressursperson skal vera og korleis denne rolla kan nyttast i helseføretaket. Det har vore fokus på desse emna: Å få fleire ressurspersonar inn i nettverket Hospitering Tverrfagleg samarbeid Å få innarbeidd møte mellom ressursperson og næraste leiar Rolla til ressurspersonane har stått i fokus og vert diskutert vidare i 2017. Driftsgruppa er i gang med å utforma ei sjekkliste for ergoterapeutar og fysioterapeutar som er ressurspersonar i nettverket. 15. november vart det arrangert fagdag for nettverket på Bjørgene omsorgs- og utviklings-senter. Fagdagen var open for alle fysioterapeutar og ergoterapeutar i Helse Fonna og tilhørande kommunar. Dette var den andre fagdagen nettverket har arrangert. Det var 19 påmeldte frå heile Fonna-området. Ei målsetting for fagdagen var kunnskap om klinisk etikkomite i Helse Fonna og korleis komiteen arbeider. Gro Steensnæs Håvåg, tidlegare sjukehusprest i Helse Fonna, gav ein strålande presentasjon om dette temaet. Deltakarene fikk eit case dei arbeidde med i små grupper. På fagdagen var det og fokus på økt forståing for kva den palliative tilnærminga inneber, spesielt i forhold til fysioterapi og ergoterapi. Tone-Lise Frantzen, spesialfysioterapeut på Sunniva senter for lindrende behandling, Haraldsplass Diakonale Sykehus og tilsett i KLB Helseregion Vest, gav 6
deltakarane ein presentasjon om fysioterapi- og ergoterapitilnærming i ulike fasar av det palliative forløpet. Driftsgruppa består nå av: Marianne H. Espeland, fysioterapeut, Stord sjukehus Eldbjørg Nesse, fysioterapeut, Bømlo kommune Gunnhild Nereng, fysioterapeut, Haugesund kommune Agneta Gaard, ergoterapeut, Haugesund sjukehus Sigrid Bakkevold, fysioterapeut Haugesund sjukehus Karoline Berge, fysioterapeut, Palliativt team, Helse Fonna, leiar av gruppa Konklusjon Nettverka har hatt eit aktivt år med mange engasjerte ressurspersonar frå alle kommunar og sjukehus. Mange av ressurspersonane har vore lenge i nettverket og har mykje kompetanse, samtidig som nettverket har fått fleire nye, engasjerte ressurspersonar i 2016. Januar 2017 Grete Skeie Sørhus, leiar for driftsgruppa, sjukepleienettverket Karoline Berge, leiar for driftsgruppa, fysio- og ergoterapinettverket 7