3692 Sauland Møteinnkalling for Utval for levekår og kultur Møtedato: Tysdag 30.09.2014 Møtestad: Helsekontoret Møtetid: Kl. 18.00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, Einar Løndal leiar Sakliste Sak nr. Saktittel 026/14 GODKJENNING AV MØTEBOK 027/14 DELEGASJONSSAK 028/14 SAULAND UNGDOMSLAG - SØKNAD OM STØTTE VEDK. UTBYGGING AV KLUBBHUSET 029/14 SØKNAD OM MIDLER TIL FOTOUTSTILLING PÅ ELVESTIEN
Styre, råd, utval Møtedato Saknummer Sakshandsamar Utval for levekår og kultur 30.09.2014 026/14 ISO Saksansvarleg: Ingrid Sletta Olsen Arkiv: K1-033 Arkivnr.: 14/2582 GODKJENNING AV MØTEBOK RÅDMANNEN TILRÅR Møteboka frå LOK-møte 26.08.2014 blir godkjent slik ho ligg føre.
Unntatt - ikkje offentleg Styre, råd, utval Møtedato Saknummer Sakshandsamar Utval for levekår og kultur 30.09.2014 027/14 ISO Saksansvarleg: Ingrid Sletta Olsen Arkiv: K1-033 Arkivnr.: 14/2581 DELEGASJONSSAK FLOK-020/14 01.09.2014: SKULESKYSS SKULEÅRET 2014/2015, ANDRIANA HAGEN VEDTAK 1... sitt skyssbehov som elev ved Sauland skule for skuleåret løysast ved at heimen kjører privat 2. Som kompensasjon for ordninga utbetalar kommunen kr. 8.000 for skuleåret 2014-2015, frå konto 1.1702.233.2020 til., bankkonto 3. Om ordninga skal vidareførast neste skuleår må det gjerast ny avtale om dette. FLOK-021/14 01.09.2014: SØKNAD OM SKULEBYTTE VEDTAK 1. Søknad frå..om skulestart i Sauland hausten 2015 for imøtekomast. 2. Det er ein føresetnad at dagens skuleskyss ordning blir forlenga. RÅDMANNEN TILRÅR: Delegasjonssakene blir teke til orientering slik dei ligg føre.
Styre, råd, utval Møtedato Saknummer Sakshandsamar Utval for levekår og kultur 30.09.2014 028/14 BR Saksansvarleg: Bjørn Rugaas Arkiv: K1-223, K2- Arkivnr.: 14/2527 SAULAND UNGDOMSLAG - SØKNAD OM STØTTE VEDK. UTBYGGING AV KLUBBHUSET Dokument i saka: Nr T Dok.dato Avsendar/Mottakar Tittel 1 I 03.09.2014 Sauland ungdomslag SØKNAD OM STØTTE TIL KOMMUNALE v/liv Tone Omnes og KOSTNADER VEDR. UTBYGGING AV Tove Løndal KLUBBHUSET Vedlagde dokument: Ingen Aktuelle lover, forskrifter, avtaler m.m.: Ingen Saksgang: Utval for levekår og kultur vedtek Bakgrunn for saka: Sauland Ungdomslag v Liv Tone Omnes og Tove Løndal søkjer i brev av 04.09.14 om støtte til dekning av kommunale kostnader i samband med utbygging av Klubbhuset i Sauland. Kommunale sakshandsamingsgebyr i samband med byggesøknaden er: Handsaming av byggesak: kr 8.975 Godkjenning vedr. ansvarsrett: kr 2.300 Til saman kr 11.275 Saka har bakgrunn i at Sauland Idrettslag som eigar av Klubbhuset har gjeve Sauland Ungdomslag løyve til å bygge ut huset, i hovudsak for å få betre scenefasilitetar for aktiviteten knytt til barne- og ungdomsteateret. Tiltaket vil i tillegg løyse andre praktiske problemstillingar som i dag skaper mykje ekstraarbeid og vansker for den frivillige aktiviteten i bygget. Etter utbygginga vil det bli større scene, verkstad for vaktmesterfunksjonen, garderobar, toalett og lager for teateraktiviteten m.m. Problematikk vedrørande rømningsveg vil også bli løyst gjennom tiltaket. Utgiftene til utbygginga skal dekkjast mellom anna gjennom mange års billettinntekter frå dei mange arrangementa som teatergruppa har gjennomført.
Vurdering: Den frivillige innsatsen som leggjast ned gjennom arbeidet til Sauland Ungdomslag og mange andre lag og organisasjonar i kommunen kan ikkje verdsetjast høgt nok, og erstattar hos oss den økonomiske og organisatoriske ressursbruken som mange andre kommunar yter gjennom drift av kommunale kulturhus og kommunale idrettsanlegg. Hjartdal kommune gjev tilskot til drift av forsamlingslokale, men det årlege tilskotet er langt mindre enn laga sine reelle driftsutgifter. Større vedlikehald og nye investeringar er det vanskeleg å finansiere gjennom andre offentlege tilskotsordningar. Det synast difor lite rettvist at oppsparte midlar gjennom frivillig aktivitet over lang tid skal nyttast til også å dekke kommunale gebyr for sakshandsaming, men slik er det. Rådmannen skulle gjerne sett positivt på søknad om tilskot til å dekke desse utgiftene, men situasjonen er at det ikkje er tilgjengelege midlar. Når det gjeld budsjettkonto til disposisjon for Utval for kultur og oppvekst står det att i overkant av kr 20.000, der det allereie er gjeve politiske føringar om bruken av desse midlane for inneverande budsjettår. RÅDMANNEN TILRÅR: Søknad frå Sauland Ungdomslag om tilskot til dekning av kommunale sakshandsamingsgebyr på totalt kr 11.275 imøtekomast ikkje. Grunngjeving: Det er ikkje tilgjengelege budsjettmidlar for 2014.
Styre, råd, utval Møtedato Saknummer Sakshandsamar Utval for levekår og kultur 30.09.2014 029/14 BR Saksansvarleg: Bjørn Rugaas Arkiv: K1-223, K2-C49 Arkivnr.: 14/2559 SØKNAD OM MIDLER TIL FOTOUTSTILLING PÅ ELVESTIEN Dokument i saka: Nr T Dok.dato Avsendar/Mottakar Tittel 1 I 14.09.2014 Ann Elin Wang SØKNAD OM MIDLER TIL FOTOUTSTILLING PÅ ELVESTIEN 3 I 17.09.2014 Ann.-Elin Wang ELVESTIEN I SAULAND OMNESFOSSEN - THE RIVERPATH Vedlagde dokument: Dokument nr. 3 Aktuelle lover, forskrifter, avtaler m.m.: Ingen Saksgang: Utval for Levekår og kultur vedtek Bakgrunn for saka: Ann-Elin Wang søkjer i brev av 15.09.14 om kr 43.000 til fotoutstilling om Elvestien. Utgiftene er i følgje søknaden fordelt på desse postane: Utgifter til utstilling 18.000 Fotografering, promotering og arrangement 25.000 Totalt 43.000 Ann-Elin Wang er frilansfotograf med utdanning fra Paris. Ho har arbeidd som fotoassistent for diverse mote-, reklame- og reportasjefotografar, og har dei seinare åra hatt eigne oppdrag for ulike oppdragsgjevarar, både innan mediebransjen og andre organisasjonar. Ann-Elin Wang jobbar og bur no på Nesodden, og ønskjer å arbeide meir prosjektretta. "Elvestien" er eit døme på dette. Utgangspunkt for prosjektet "Elvestien" er ønskje om å gjere Sauland meir synleg, både for eigne innbyggjarar og for andre, gjennom å synleggjere elva som krøker seg gjennom bygda. Reint praktisk har Ann-Elin Wang saman med andre frivillige rydda gangstig i form av ei rundløype langs elva frå Omnesfossen i ei 2 km lang sløyfe. Når det gjeld fotodelen - det kunstnarlege prspektivet - i prosjektet, ønskjer ho å montere ei fotoutstilling langs stigen med
foto frå Sauland som gjennom ein trykkeprosess er overført til stoff i økologisk bomull. Det planleggjast å arrangere utstillinga i slutten av september 2014. Prosjektet er meir detaljert omtala i søknadsdokumentet. Vurdering: Prosjektet "Elvestien" er av ein karakter som bør interessere mange både i og utanfor bygda, og imøtekjem kommunen sine målsettingar om å utvikle sterkare attraksjonkraft og å synleggjere ressursane våre. Prinsipielt er rådmannen positiv når det gjeld å støtte tiltaket, men ser ikkje korleis kommunen kan imøtekome søknaden. Årsaka til dette er at det ikkje er tilgjengelege midlar. Når det gjeld budsjettkonto til disposisjon for Utval for kultur og oppvekst står det att i overkant av kr 20.000, i tillegg er det allereie gjeve politiske føringar om bruken av desse midlane for inneverande budsjettår. RÅDMANNEN TILRÅR: Søknad frå Ann-Elin Wang om kr 43.000 i tilskot til fotoutstilling om "Elvestien" vert ikkje imøtekomen. Grunngjeving: Manglande budsjettmidlar.