PROTOKOLL FRÅ STYREMØTE I HELSE BERGEN HF STAD: Voss sjukehus, «Klasserommet» 1. et. like ved kantina MØTETIDSPUNKT: 22.5.2017, kl. 12.00 15.30 Styremøtet var ope for publikum og presse DELTAKARAR FRÅ STYRET Svein Gjedrem Signy Midtbø Riisnes Ivar Eriksen Mona Hellenes Anne-Margrete Bollmann Bjørn Østbø Karen Anne Stordalen Arvid Langeland Geir Arne Sunde Irene Hopsdal Leiar Nestleiar DELTAKAR FRÅ BRUKARUTVALET Inge Aareskjold Fiskvik Leiar Brukarutvalet DELTAKARAR FRÅ ADMINISTRASJONEN Eivind Hansen Anne Sissel Faugstad Clara Gjesdal Lasse Hatletvedt Administrerande direktør Viseadministrerande direktør Viseadministrerande direktør Referent 1
Sak 41/17 A Godkjenning av innkalling og dagsorden Innkalling og dagsorden vart godkjent. Sak 42/17 A Godkjenning av protokoll frå styremøtet 27. april 2017 Protokollen vart godkjend. Sak 43/17 O Administrerande direktør (AD) si orientering 1. Rapportering tilsynssaker 2. Orientering om relevante lover, forskrifter og styremaktskrav 3. Oversikt over aktuelle høyringar Til oppfølging: «Konseptutredning for sivilforsvaret: Høring om sivilforsvarsstudiens anbefalinger om hvilket Sivilforsvar og sivile beskyttelsestiltak Norge skal ha i fremtiden» vert lagt inn på lista over aktuelle høyringar. 4. Saker til oppfølging etter styremøtet 2
5. Mediesaker 6. Revisjon av regional inntektsfordelingsmodell 7. Sykkel-VM status og førebuingar Til oppfølging: Styret ber om at det vert vurdert å gjennomføre øvingar før arrangementet. Dette vert handtert av Beredskapsleiinga. 8. Bergen Legevakt organisering av Helse Bergen sin aktivitet 9. Hendingar som gjeld IKT-tryggleik 10. Prosess for internrevisjon i Helse Vest Kommentarar i møtet: Når ei utfordring er identifisert i verksemda må styret kunne følgje opp at administrasjonen gjer naudsynte tiltak. Den regionale internrevisjonen er då eit viktig verkemiddel. Til oppfølging: Styret ber om at innspel til prosess for internrevisjon i Helse Vest vert lagde inn i årshjulet til styret. Forsking og utviklingsavdelinga, ved seksjon for pasienttryggleik, får i oppgåve å involvere styret på ein måte som gjer at styret sine innspel til tema for internrevisjon vert formidla til Helse Vest. 3
11. Utviklinga i BerGenBio Til oppfølging: Styret ber om at det vert laga eit kort notat / presentasjon om korleis Helse Bergen arbeider med innovasjon / kommersialisering gjennom BTO. 12. Leiarstillingar i Helse Bergen Stillinga som kommunikasjonsdirektør er no lyst ut. Styret i Helse Bergen tek meldingane til orientering. Sak 44/17 O Rapport frå verksemda Oppsummering: For 2017 er det budsjettert med eit høgt aktivitetsnivå i somatikken. For elektiv dagbehandling er aktiviteten om lag som planlagt og høgare enn i fjor. Per april er det gjennomført nær 5 500 fleire polikliniske konsultasjonar samanlikna med i fjor og aktiviteten er marginalt lågare enn planlagt. Vridinga frå døgn til dag og poliklinikk er ei ynskt utvikling og i tråd med innskjerpinga av regelverket. Når det gjeld ØH-aktivitet for begge omsorgsnivåa er den lågare enn i fjor og lågare enn planlagt. Årsaka til dette synest å vere knytt til normal variasjon. Etter fire månadar er aktiviteten samla sett under planen for somatikken, og dette kan tyde på at aktivitetsbudsjettet er noko høgt. I psykisk helsevern for vaksne er det planlagt med ei vriding frå opphaldsdøgn til poliklinisk aktivitet. Per april er døgnopphald litt under planen, og noko under nivået i fjor. Den polikliniske aktiviteten er høgare enn planlagt og det er utført nær 2 700 fleire polikliniske konsultasjonar i år samanlikna med i fjor på same tida. I psykisk helsevern for barn og unge er talet på døgnopphald per april lågare enn planlagt og lågare enn i fjor. Dei nye sengene i Barne- og ungdomssjukehuset er gradvis tekne i bruk, etter innflytting og oppstart i nye lokale i starten av året. Det er venta at døgnopphald vil auke som følgje av betre kapasitet i nytt bygg. Det er også planlagt at poliklinisk aktivitet skal auke i 2017. Per april er det utført 1 400 fleire konsultasjonar samanlikna med i fjor. 4
Når det gjeld tverrfagleg spesialisert rusbehandling er talet for døgnbehandling litt lågare enn planlagt. Det heng saman med variasjon i inntak og lågare belegg ved ein seksjon. Aktiviteten målt i DRG-poeng er om lag som planlagt per april. Nasjonalt krav for ventetider er 60 dagar for alle fagområde. Ventetidene har det siste året synt ei positiv utvikling og alle fagområde oppfyller det nasjonale kravet. Det økonomiske resultatet per april syner eit negativt avvik på kr 14,8 mill. samanlikna med budsjettet. Det er knytt risiko til dette, primært til aktivitetsavhengig inntekt, men føretaket melder likevel eit venta resultat som budsjettert ved slutten av året. Kommentarar i møtet: Styret diskuterte det negative resultatet og kva som vert gjort for å følgje dette opp. Styret er bekymra for kva underskotet kan gje av konsekvensar for investeringsbudsjettet og dei ulike byggjeprosjekta. Utfordringar med å rekruttere til ledige stillingar i psykisk helsevern for vaksne vart òg særskilt kommentert av styret. Det får negativ påverknad på målet om vekst i helsevern og tverrfagleg spesialisert rusbehandling. Styret i Helse Bergen tek saka til orientering. Sak 45/17 A Langtidsbudsjett 2018-2022 Oppsummering: Helse Bergen HF har tidlegare utarbeidd langtidsbudsjett for perioden 2017-2021, vedteke av styret i mai 2016. Helse Vest RHF har bede om at langtidsbudsjettet vert rullert og revidert for perioden 2018-2022. Vedlagt styresaka følgde framlegg til langtidsbudsjett for Helse Bergen HF 2018-2022. Langtidsbudsjettet er bygd på gjeldande strategiar og med utgangspunkt i føresetnader gjevne frå Helse Vest RHF. Helse Vest RHF er i sluttfasen med å revidere strategien fram mot 2035, og Helse Bergen er i gang med revisjon av sin strategi og skal revidere arealplanen og utarbeide ein utviklingsplan. Dette vil få innverknad i denne langtidsperioden. Det vil verte gjort ein gjennomgåande revisjon av langtidsbudsjett når strategi og utviklingsplanar er vedtekne. Langtidsbudsjettet som er lagt fram er difor bygd på gjeldande arealplan og strategi, og er i stor grad ei vidareføring av tidlegare langtidsbudsjett justert for kjende endringar. 5
Langtidsbudsjettet omfattar drifts, - finansierings- og investeringsbudsjett på føretaksnivå. Alle einingar har utarbeidd budsjettnotat med vurdering av endring i behov for deira tenester, vurdering av tilgjengeleg kapasitet og kapasitetsutnytting, og naudsynte interne omstillingar for å hente ut kvalitative og økonomiske effektar. Budsjettnotata er drøfta og handsama med dei lokale tillitsvalde og med lokal verneteneste. Innspela frå einingane er summert opp i det framlagde langtidsbudsjettet. Langtidsbudsjettet på føretaksnivå vart drøfta med hovudtillitsvalde 09.05.2017 og handsama i FAMU 11.05.2017. Protokoll frå møtet med tillitsvalde og referat frå møtet i FAMU følgde som vedlegg til styresaka. Kommentarar i møtet Styret gav følgjande innspel til langtidsbudsjettet: Det er bra at samanhengen mellom investeringar, organisering og omlegging av drift vert tydeleg. Det er viktig med omstillingsprosessar som er grundige, slik at ein ikkje går glipp av nytte og gevinstar undervegs. Ein bør arbeide for å dokumenterte nytteeffektar av investeringar i både bygg og IKT-prosjekt. Poliklinikkprosjektet er viktig for å støtte opp under utviklinga frå døgn- til dagbehandling. Det er viktig å kommunisere tenkjemåten og prioriteringane ein gjer internt i føretaket. Forbetring av samferdsel i regionen kan få verknad for korleis ein tenkjer lokasjonar i framtida. Oppfølging Styret ber om å verte informert meir om utviklinga i likviditet. Administrasjonen kjem tilbake med meir informasjon om dette i verksemdsrapport og budsjett 2018. Vedtak [mot tre røystar] 1. Styret i Helse Bergen HF vedtek langtidsbudsjett for Helse Bergen HF for 2018-2022 i samsvar med framlegg frå administrerande direktør. 6
2. Langtidsbudsjettet må justerast i tråd med revidering av arealplan, utviklingsplan og strategiar haust 2017-vår 2018. ene Arvid Langeland, Karen-Anne Stordalen og Geir Arne Sunde røysta imot med denne grunngjevinga: 1. All den tid det er lagt til grunn ein folketalsauke i Helse Bergen på 6 % i femårsperioden, ser det ut til å vera svært vanskeleg å tufta budsjettet på tilnærma null-vekst i personalkostnader. 2. Når det gjeld poliklinikkprosjektet, vil me understreka at det er lagt til grunn at me skal koma attende til det i utviklingsplanen. 3. Me reknar med at løysing på plassproblema på kreftavdelinga, hjarteavdelinga og Voss sjukehus vert teke opp i arealplanen og i utviklingsplanen. Alternativt framlegg til vedtak [støtta av Arvid Langeland, Karen-Anne Stordalen og Geir Arne Sunde] 1. Styret i Helse Bergen vedtek det framlagde langtidsbudsjettet for Helse Bergen for 2018-2022 med ein reduksjon i budsjettert driftsresultat på 50 mill. kr for kvart av åra, slik at det vert 100 mill. kr i 2018, 130 mill. kr i 2019, 150 mill. kr i 2020, i 2021 og i 2022. 2. Langtidsbudsjettet må justerast i tråd med revidering av arealplan, utviklingsplan og strategiar haust 2017-vår 2018. Sak 46/17 O Årsrapport for interne systemrevisjonar 2016 Oppsummering: Dei planlagde interne systemrevisjonane for 2016 er utførte i tråd med revisjonsplanen vedtatt i Føretaksleiinga i Helse Bergen, sak 67/15, og det er gjennomført revisjonar på ti nivå 2- einingar. Nokre mindre endringar i revisjonsplanen er gjennomførde. Styret i Helse Bergen har bede om årleg sak om interne systemrevisjonar, ref. sak 84/16 O. Styret i Helse Bergen tek årsrapporten for interne systemrevisjonar i 2016 til orientering. 7
Sak 47/17 O Prosjekt for utforming av strategiplan Oppsummering: I styresak 102/16 A tok styret i Helse Bergen HF prosjektdirektivet for utarbeiding av ein strategisk plan for verksemda til orientering. For å sikre at styret heile tida er involvert i prosessen, har styret vorte orientert om status på arbeidet i kvart styremøte for å ha anledning til å komme med innspel fram til strategien skal vedtakast 19. juni 2017. Nasjonal helse- og sjukehusplan og Helse Vest sitt planverk Helse2035 har vore viktige premissleverandørar for strategiarbeidet. Strategidokumentet vil ikkje vere uttømmande for viktige utviklingstiltak i føretaket. Styringsdokument og andre førande oppdrag frå eigar vil saman med føretaket sin eigen strategi leggje grunnlaget for korleis drifta vert lagd opp i åra framover. Føretaksleiinga, leiargrupper på alle klinikkar og avdelingar, tillitsvalde, verneombod, kommunar, fastlegar, andre sjukehus pluss utdanningsinstitusjonane har vore med i ein eller fleire rundar i arbeidet. Det har også vore system for innspel frå alle tilsette som har ynskt å bidra. Totalt sett har det vore brei involvering, og mange som har vist entusiasme for å vere med og peike ut viktige innsatsområde for føretaket dei kommande åra. Sakene om strategiarbeidet har vore mellom dei mest lesne på intranettet dei siste vekene. Arbeidet har no komme så langt, at det er laga eit utkast til innhaldet i eit plandokument. Fram mot endeleg vedtak 19. juni, vert det også arbeidd med korleis strategidokumentet skal presenterast på nett og papir. Alle innspel som har komme inn til strategiarbeidet, vert med i det vidare arbeidet med ein utviklingsplan fram til 2030 som skal stå ferdig i 2018. Ein viktig del av dette planarbeidet, er ei revidering av bygningsutviklingsplanen, tidlegare kalla arealplanen. Kommentarar i møtet: Styret meiner overordna at det er utarbeidd ein god strategiplan. Representantane for dei tilsette framheva at det har vore ein god prosess med høg grad av involvering av dei tilsette. Styret gav elles følgjande innspel til strategiplanen: Helse Bergen må vere eit regionsjukehus også på beredskapsarbeid, medrekna sivil-militært samarbeid. 8
Ein kan gjerne vise samanhengen mellom strategiplanen og andre styringsdokument, til dømes Helse2035 og Nasjonal helse og sykehusplan. Strategiplanen er no litt «introvert», det manglar noko meir om kva ein vil få til av samarbeid utover regionen. Ynskje om auka levealder for folk med psykiske problem og folk med rusproblem kan verte meir konkret med di at det vert formulert som eit mål. Verdien av sjukehus som arbeider i team kan komme inn som eit punkt i planen. Styret i Helse Bergen tek saka til orientering. Sak 48/17 O Eventuelt Det vart gjeve ein kort gjennomgang av dommen i Gulsvik-saka. Styret tek gjennomgangen av dommen til orientering. 9
Dato: 19. juni 2017 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haugland Hellesnes Ann-Margrete Bollmann Arvid Langeland Karen-Anne Stordalen Irene Hopsdal Geir Arne Sunde 10