ÅL KOMMUNE PLAN FOR HELSE- OG OMSORGSTENESTER 2015-2018

ÅL KOMMUNE PLAN FOR HELSE- OG OMSORGSTENESTER 2015-2018 Vedteken i kommunestyret 20. nov. 2014 1

INNHALDSLISTE 1. BAKGRUNN... 3 2. SENTRALE STYRINGSSIGNAL... 3 2.1 NASJONALE MÅL OG HOVUDPRIORITERINGAR... 3 2.2 STATISTIKK OG SAMANLIKNINGAR... 3 3 UTFORDRINGAR I HØVE TIL STYRINGSSIGNAL OG LOKALE BEHOV... 5 3.1 FOLKEHELSEARBEID... 5 3.2 FØREBYGGJANDE HELSETENESTER... 6 3.3 SAMARBEID MELLOM KOMMUNE- OG SPESIALISTHELSETENESTE... 6 3.4 KVALITETSFORBETRING I HELSE- OG OMSORGSTENESTA... 7 3.5 HELSE- OG OMSORGSTENESTER I EIT FLEIRKULTURELT SAMFUNN... 7 3.6 BEREDSKAP OG SMITTEVERN... 8 3.7 PERSONELL OG KOMPETANSE... 8 3.8 ALLMENNLEGETENESTER... 9 3.9 OMSORGSTENESTER... 9 3.10 PSYKISK HELSE OG RUS... 10 3.11 HABILITERING OG REHABILITERING... 11 3.12 ANDRE PRIORITERTE TILTAK... 12 3.13 INVESTERINGAR... 12 4 VISJON OG OVERORDNA MÅLSETJINGAR... 13 5 LOKALE STYRINGSSIGNAL... 14 5.1. PRIORITERTE OMRÅDE 2013... 14 5.2. STRATEGIKONFERANSEN 2014... 15 5.3. PRIORITERTE OMRÅDE 2014... 15 6 TILTAK OG FØRINGAR... 16 6.1 PRIORITERTE TILTAK... 16 6.2 INVESTERING... 18 6.3 ORGANISASJONEN... 18 2

1. Bakgrunn Plan for helse- og omsorgstenester er ein overordna plan som klargjer utfordringar og legg målsetjingar og hovudprioriteringar for helse- og sosialsektoren neste 4-års periode. Til grunn for helse- og omsorgsplanen ligg: a) Statlege styringssignal b) Kommuneplan c) Innspel frå sektoren si årsmelding/årsplan d) Vedtak frå SHS etter strategikonferansen 2014 Ut frå desse innspela rullerar administrasjonen helse- og omsorgsplanen før politisk behandling. Gjennom ei politisk handsaming i sektorutvalet prioriterar sektorpolitikarane mellom dei ulike fagleg innspel og legg sine føringar for denne planen (sjå punkt 5.3). Deretter må ein i økonomiplanarbeidet vega desse tiltaka opp mot andre behov i kommunen. 2. Sentrale styringssignal 2.1 Nasjonale mål og hovudprioriteringar Kvart år kjem staten i rundskriv IS-1 med ein oversikt over kva prioriteringar staten meiner at kommunane bør gjere dei neste åra. Kommunalsjef for helse og sosial har vald å bruke den same inndelinga i sin gjennomgang av utfordringar og framlegg til tiltak i Ål kommune. Dei nasjonale hovudprioriteringane er i det statlege rundskrivet organisert slik: 1. Folkehelsearbeid 2. Førebyggjande helsetenester 3. Samarbeid mellom kommune- og spesialisthelseteneste 4. Kvalitetsforbetring i helse- og omsorgstenesta 5. Helse- og omsorgstenester i eit fleirkulturelt samfunn 6. Beredskap 7. Personell og kompetanse 8. Allmennlegetenester 9. Omsorgstenester 10. Psykisk helse og rus 11. Habilitering og rehabilitering I tillegg vil helse- og sosialplanen omhandle fylgjande tema: 12. Andre prioriterte tiltak 13. Investeringar I sitt dokument IS-1/2014 har Helsedirektoratet spesielt løfta fram fire prioriterte område: A. Vidareutvikle og styrke omsorgstenestene, mellom anna ved å setje omsorgsutfordringar i framtida på dagsorden i kommunalt planverk. B. Psykisk helse- og rusarbeid, særleg innsatsen overfor barn og unge, og med spesiell vekt på den tverrsektorielle samhandlinga. C. Legetenesta i helsestasjons- og skulehelsetenesta, og utviklinga av legedekning på sjukeheim. D. Ivareta helseomsyn i samfunnsplanlegging. 2.2 Statistikk og samanlikningar Samanliknande statistikk kan ein finne gjennom KOSTRA, gjennom Fylkesmannen sin tilstandsrapport for kommunane i Buskerud 2014, og gjennom Folkehelseprofil 2014 for Ål. I figur 1 er attgjeve hovudkonklusjonane frå Folkehelseinstituttet om helsa i Ål, ut frå den statistikk dei legg til grunn. Eit slikt folkehelseperspektiv fortel likevel ikkje alt som helse og omsorg i Ål. Kommunebarometeret til Kommunal rapport er ei popularisering av ein del av grunnlagsstatistikken. 3

Etter folkehelselova skal kommunen utarbeide ein oversikt over helsetilstanden og dei utfordringar denne gjev, og innarbeide dette i kommuneplanarbeidet. Ein vil her gå meir i detalj om folkehelseprofilen for Ål. Om befolkninga Andelen eldre over 80 år i 2020 er estimert til å vere høgare enn landsnivået. Andelen av befolkninga som bur åleine skil seg ikkje eintydig frå landsnivået. Levekår Andelen av befolkninga som har vidaregåande eller høgare utdanning skil seg ikkje eintydig frå landsnivået Andelen barn (0-17 år) som bur i husstandar med låg inntekt er høgare enn landsnivået. Låginntekt er her definert som under 60 % av nasjonal medianinntekt. Andelen barn med einsleg forsørgjar er lågare enn landsnivået. Miljø Datagrunnlaget på temaområdet miljø er begrensa. Les meir om miljø og helse på midtsidene. Andelen med skader skil seg ikkje eintydig frå landsnivået, vurdert etter innleggingar på sjukehus. Skule Trivsel blant 10.-klassingar skil seg ikkje eintydig frå landsnivået, men kommuneverdien kan skjule stor variasjon mellom skular. Fråfallet i vidaregåande skule skil seg ikkje eintydig frå landsnivået. Levevanar Det finst lite statistikk på levevanar. Indikatorar på temaområdet helse og sjukdom kan gi informasjon om befolkninga sine levevanar. Overvekt skil seg ikkje eintydig frå landsnivået, vurdert etter andel menn med KMI > 25 kg/m² på sesjon. Helse og sjukdom Forventa levealder for menn skil seg ikkje eintydig frå landsnivået. Andel med psykiske symptom/lidingar er lågare enn landsnivået, vurdert etter data frå fastlege og legevakt Andel med hjarte/karsjukdom, vurdert etter innleggingar på sjukehus, skil seg ikkje eintydig frå landsnivået Sjukdom og plager knytte til muskel- og skjelettsystemet ser ut til å vere mindre utbreidd enn i landet, vurdert etter data frå fastlege og legevakt. Tjukk- og endetarmskreft skil seg ikkje ut frå landsnivået, vurdert etter talet på nye tilfelle. Figur 1 Ål-helsa i eit nøtteskal (frå Folkehelsprofil for Ål, 2014, Folkehelseinstituttet) 2.2.1 Særlege utfordringar Ut frå statistikk og samanlikningar med andre kommunar, har Ål nokre særlege utfordringar: Befolkningsutvikling Ål får ei dobling av talet på eldre over 67 år fram til 2050 (Plan for omsorgstenester kap. 2.1). Sjølv om dette ikkje for fullt gjev utfordringar før etter 2025, ser ein allereie eit auka press på omsorgstenestene. Dei eldste eldre får auka behov og lever lenger med sine hjelpebehov. Dessutan gjev tidlegare utskriving frå sjukehuset behov for meir omfattande og krevjande tenester. Kompetanse Samhandlingsreformen overfører fleire oppgåver til kommunal helse- og omsorgsteneste. Dette krev rekrutteringstiltak og opprusting av kompetansenivå. Ål har likevel eit godt utgangspunkt i høve til mange distriktskommuner, med ein andel av fagutdanna personell på line med fylkesgjennomsnittet. Personellressursar til pleie- og omsorg Ål har ein stor andel eldre i befolkninga, dette vil gje større behov for omsorgstenester enn gjennomsnittskommunen. Ål har sidan 90-åra slite med å få bygd opp eit nivå på omsorgstenestene som tilsvarar behovet. I Pleie- og omsorgs-planen har ein konkludert med at kommunen må byggje opp tenestenivået i same takt som regjeringa si målsetjing for landet, 15.000 stillingar innan 2015, tilsvarande 15 stillingar i Ål. Denne målsetjinga har ikkje kommunen makta å fylgje opp i budsjettarbeidet. 4

3 Utfordringar i høve til styringssignal og lokale behov Nedanfor er dei statlege styringssignala sett opp med ei kort vurdering av status for Ål kommune. Ei samla avdelingsleiargruppe har saman med kommunalsjefen løfta fram dei utfordringane som ein særleg vil peike på i eigen kommune. Desse utfordringane vart lagt fram til drøfting på strategikonferansen. 3.1 Folkehelsearbeid 3.1.1 Styringssignal og status Helsedirektoratet ber om at kommunane: Sørgjer for tilstrekkeleg kapasitet til å koordinere folkehelseinnsatsen på tvers av sektorer Styrker kompetansen på helsemessige forhold ved skulemiljøet. Oppfølging etter kartlegginga av arbeid i kommunane med skulemiljøet i 2013. Styrker kompetansen på forvaltninga av alkohollova, inkludert praksis for alkoholløyve, kontroll og inndraging av løyve. Styrker tobakksførebyggjande arbeid. Etablerer rutinar for løpande oversikt over helsetilstand og påverknadsfaktorar (jf. ny veileder «God oversikt en forutsetning for god folkehelse»). Sjå også hovudprioritet D under kap. 2.1 Status i Ål: Ivareteke av tilsett folkehelsekoordinator Kommunen har ikkje styrka helsestasjonen i samsvar med signala for statsbudsjettet 2014 (kr. 160.000 for Ål kommune) Hallingdalskommunane samarbeider om kurs og opplæring vedrørande sals- og skjenkeløyve. Ål har dei strengaste alkoholpolitiske retningsliner i Hallingdal. Ål kommune fylgjer opp dei innstrammingar Stortinget har vedteke i tobakksskadelova. Ivareteke av folkehelsekoordinator som tek aktivt del i kommuneplanarbeidet. 3.1.2 Utfordringar Aktiv ung aktivitetstiltak for barn og ungdom som ikkje deltek i organisert aktivitet. Langsiktig førebyggjande arbeid retta mot risikogrupper. Tiltaket er midlertidig finansiert ut 2014. Kostnad 60 Frisklivstiltak (motivasjonssamtaler og gruppetilbod til risiko-pasientar og grupper 18-66 år. 50 % av sjukehusopphalda er i denne aldersgruppa. Risikogrupper er t.d. diabetes, overvekt og røyking. Kostnad 100 o System for skaderegistrering. Oversikt over skader/ulukker kan gje meir målretta tiltak. 5

3.2 Førebyggjande helsetenester 3.2.1 Styringssignal og status Helsedirektoratet ber om at kommunane: Styrker helsestasjonstenesta og skulehelsetenesta, samt frisklivs- og meistringsarbeid. Kommunane sitt rammetilskot er auka med 180 mill. kroner. Sjå også hovudprioritet C i kap. 2.1 Legg til rette for ei aktiv aldring som førebyggjer behov for helse- og omsorgstenester blant eldre. Status i Ål: Kommunen har ikkje styrka helsestasjonen i samsvar med auken i rammetilskotet (kr. 160.000 for Ål kommune). I høve til hovudprioritet C har ein lokalt ikkje signal om behov for å auke legestillingane i helsestasjon og skulehelseteneste. Ål er her betre rusta enn dei fleste kommunar. Det er i kommunen mange tiltak som gjev sosiale møteplassar for eldre. Men kommunen har ikkje greidd å fylgje opp framlegga i Prosjekt Storebasken som sette fokus på kultur- og trivselsarbeidet i helsetunet. 3.2.2 Utfordringar Styrking av helsestasjon / skulehelsetenesta tilsvarande ½ stilling, der ein delvis kan bruke styrkinga på 160 i rammetilskotet. Oppfølging av barn og unge og familiar som slit. Arbeidet må gjennomførast i samarbeid med psykisk helse. Kostnad 300 o Auka samarbeid med flyktningetenesta. Sjå tiltak under punkt 5. 3.3 Samarbeid mellom kommune- og spesialisthelseteneste 3.3.1 Styringssignal og status Helsedirektoratet ber om at kommunane: Vidareutviklar samarbeidsavtalene i samarbeid med helseforetaket. Vurderer utvikling av ambulerande tenester og andre samhandlingstiltak i samarbeid med helseforetaket. Bidrar i den praktiske innføringa av nytt nødnett i både kommune- og spesialisthelsetenesta innan eigen helseregion, samtidig som ein sikrar ei vel fungerande nødmeldeteneste både før, under og etter innføringa. Status i Ål: Dette vert ivareteke gjennom K-26 samarbeidet mellom kommunane i Vestre Viken HF sitt område. Dette er vurdert gjennom Prosjekt lokalmedisinske tenester i Hallingdal. Ål kommune tek aktivt del i dette arbeidet. 3.3.2 Utfordringar Gjennomføre samhandlingstiltak i samsvar med framlegg frå Prosjekt lokalmedisinske tenester i Hallingdal. Samhandlingstiltak skal ha prioritet i sektoren. Ål sin andel av 1,5 stillingar totalt Kostnad 350 Styrking av miljøretta helsevern i Hallingdal. Plan for legeteneste, kap. 2.1.Ål sin andel av 0,6 st. Kostnad 70 o Utvikling av ambulerande tenester innan habilitering / spesialenheten frå VVHF. Må utviklast i samarbeid med helseforetaket. 6

3.4 Kvalitetsforbetring i helse- og omsorgstenesta 3.4.1 Styringssignal og status Helsedirektoratet ber om at kommunane: Har auka fokus på betre kvalitet og pasient- og brukarsikkerheit på kjente risikoområde. Kommunane vert oppmoda til å ta i bruk tiltakspakkane som vert tilbydd i pasientsikkerheitsprogrammet. Prioriterer å etablera meldingsutveksling mellom sjukehus og fastlegar. Legg nasjonale kvalitetsindikatorar og kvalitetssikra IPLOS-data til grunn for lokale prioriteringar og rapporteringar. Status i Ål: Dette skal ivaretakast gjennom leiarapparatet. Dette er på plass. Dette arbeidet treng større fokus og meir ressursar. 3.4.2 Utfordringar Gerica, IPLOS og avvikssystem. Arbeidet vart skore ned i 2012 i sparekatalogen. Dette har vore uheldig. Ein treng kontinuerleg opplæring av personell. Kommunen må meir aktivt ta i bruk IPLOS-data som grunnlag for lokale prioriteringar og rapporteringar. Kostnad 120 o Legemiddelhandtering revisjon. Utsett frå 2012 som følgje av tiltak i sparekatalogen. Arbeidet treng både revisjon av gjeldande retningsliner og fokus på /implementering i avdelingane. o Ta i bruk pakker i det statlege pasientsikkerheitsprogrammet. Prioritert felt: Fokus på tverrfagleg dyktiggjering på behandling og opptrening av hjerneslag. 3.5 Helse- og omsorgstenester i eit fleirkulturelt samfunn 3.5.1 Styringssignal og status Helsedirektoratet ber om at kommunane: Status i Ål: Sørgjer for at helse- og omsorgspersonell har kunnskap Dette er eit kontinuerleg arbeid, men vi meiner at dette om helse og kulturelle utfordringar i innvandrargrupper, langt på veg er ivareteke. for å sikre innvandrarar likeverdige helse- og omsorgstenester. Sørgjer for at helsekonsekvensar av kjønnslemlesting Vert gjort innanfor arbeidet til helsestasjonen. vert formidla til personar/grupper det er relevant for. Sørgjer for at tolketenestene er i tråd med «Veileder om Dette er ivareteke. kommunikasjon via tolk for ledere og personell i helseog omsorgstjenestene» (IS-1924). 3.5.2 Utfordringar Prosjektarbeid retta mot arbeidsinnvandrarar med familiar. Avd. psykisk helse må vera ein del av eit tverrfagleg og tverrsektorielt arbeid. Midlar frå flyktningefondet. Kostnad 600 o Støtte opp under tiltak for å finne arbeid til busette flyktningar. Det er behov for å styrke dette arbeidet i kommunen. 7

3.6 Beredskap og smittevern 3.6.1 Styringssignal og status Helsedirektoratet ber om at kommunane: Bidreg til innføring av nytt nødnett. Har oppdaterte smittevernplanar. Arbeider med smitteverntiltak generelt og i sjukeheim spesielt. Initierer eigne beredskapsøvingar, og deltek på øvingar som andre initierer. Status i Ål: Ål kommune bidreg aktivt og er vertskommune i Hallingdal for nytt nødnett. Smittevernplan oppdatert 1.aug.2013. Stilling som hygienesjukepleiar teke vekk i sparekatalogen 2012. Dette var uheldig. Det er gjennomført for få øvingar både i liten skala og i stor skala. 4.6.2 Utfordringar Hygienesjukepleiar 10 % stilling. Drift av hygienegruppe, revisjon av infeksjonskontrollprogram for sjukeheimen. Kostnad 60 Interkommunal beredskapsplan for Hallingdal. Ål sin andel av stilling som felles beredskapssekretær. (Plan for legeteneste kap. 2.1). Kostnad 150 o Beredskaps- og katastrofeøvingar. Utpeiking av arbeidsgruppe for gjennomføring. 3.7 Personell og kompetanse 3.7.1 Styringssignal og status Helsedirektoratet ber om at kommunane: Samarbeider med helseforetaket om tilsetjing av turnuslegar. Utarbeider kompetanse- og rekrutteringsplaner i samarbeid med fylkesmannen og helseforetak, og bidreg til nasjonale kartleggingar på området. Styrkjer leiarkompetansen i omsorgstenestene, eventuelt ved å nytte leiaropplæringspakka frå Helsedirektoratet. 3.7.2 Utfordringar Status i Ål: Arbeidet er organisert i samarbeid mellom Hallingdalskommunane og helseforetaket. Her har kommunen vore avventande. Kommunen treng ein større gjennomgang av rekrutteringstiltak., herunder innføring av juniortiltak. Alle avdelingsleiarar i helse og sosialetaten har delteke på leiaropplæring i Ål kommune. Auka tilskotsmidlar til vidare- og etterutdanning og hospitering. (Plan for omsorgstenestene tiltak 5.1.1). Behov for kompetanseutvikling som ledd i samhandlingsreformen og for å sikre god kvalitet, gjeld fleire fagområde i omsorgstenestene. Kostnad 600 Støtte opp under søkarar til desentralisert utdanning innan sjukepleie og vernepleie. Fortsatt stort behov for sjukepl. og helsefagarb. Utdanning av vernepl er igangsett. Erfaringa viser at søkarane treng betre tilrettelegging økonomisk og praktisk. Kostnad 300 Omgjering av stillingar for å auke kompetansen. Gjeld alle avdelingar innan pleie og omsorg. Kostnad 300 o Vidare tilrettelegging lokalt av samarbeidsprosjekt i regi av Utviklingssenteret for sjukeheimar og Høyskola i Buskerud og Vestfold. Mange sjukepl. og helsefagarb. har tatt ABC-etterutdanning og tre har gennomført «Bli helsefagarb. med ABC». o Utarbeide langsiktig plan for rekruttering og kompetanse. Dette bør utarbeidast samla for helse- og sosialsektoren og ideelt sett samla for kommunen. 8

3.8 Allmennlegetenester 3.8.1 Styringssignal og status Helsedirektoratet ber om at kommunane: Følgjer opp allmennmedisinske legeoppgåver som legedekning ved helsestasjonen, skulehelsetenesta, sjukeheim og kommunale akutte døgnopphald, dette både når det gjelder kapasitet og kompetanse. Sjå også hovudprioritet C under kap. 2.1 Samarbeider med fastlegane og allmennlegetenesta i kommunen i tråd med avtaler og fastlegeforskrift. Formaliserar og styrkjer samarbeidsarenaen med fastlegane. Legg til rette for innføring av nasjonalt nummer til legevakt 116117. Status i Ål: Ein vurderer at det ikkje er behov for styrking av legedekning ved helsestasjon/skulehelseteneste. Det er behov for å styrke legetenesta ved sjukeheimen, dette som fylgje av samhandlingsreformen. Kommunale akutte døgnopphald er ivareteke i samarbeid mellom Hallingdalskommunane og helseforetaket. Dette er ivareteke gjennom Samhandlingsutvalet mellom legane og kommunen, men aktiviteten kunne vore høgare. Ein samarbeider også gjennom påbegynt arbeid med rullering av Plan for legeteneste. Ål kommune tek aktivt del i dette arbeidet og er vertskommune for legevaktsentralen i Hallingdal.. 3.8.2 Utfordringar Drift av nødnett. Etter statleg pålegg kjem dette i drift hausten 2014. Kostnad 200 Styrking av medarbeidarstaben for å koma opp på landsnormen (0,8 st.). Mogeleggjer avlasting av legane ved overføring av arbeidsoppgåver, dette gjev lettare tilgang til fastlege. Kostnad 450 Ny full legehjemmel Kostnad 500 o Auka aktivitet i Samarbeidsutvalet (Plan for legeteneste punkt 1.4) 3.9 Omsorgstenester 3.9.1 Styringssignal og status Helsedirektoratet ber om at kommunane: Status i Ål: Har fokus på strategiar, målsetjingar og tiltak i Ål kommune ivaretek dette gjennom arbeidet med ei Omsorgsplan 2015/2020. rullering av Plan for omsorgstenester. Ny planperiode Har framtida sine omsorgsutfordringar på dagsorden i er 2015-2026. Planen kjem til politisk behandling ved innovasjons- og planarbeidet, for å utvikle nye årsskiftet 2014/2015. Dette er også ei hovudprioritering løysingar og mobilisere lokalsamfunnet sine ressursar. frå staten, sjå punkt A kap. 2.1. Samarbeider godt med brukarar, pårørande, frivillige og Dette er eit vedvarande arbeid som har fokus i sektoren. tenesteytarar, og gjev støtte og avlasting til pårørande. Tek del i forsking og fagutvikling og bidreg til at ny kunnskap, velferdsteknologi og faglege metodar vert teke i bruk, bl.a. med vekt på aktiv omsorg, kvardagsrehabilitering og sosialt nettverksarbeid. Regionale sentra for omsorgsforsking og utviklings-sentra for sjukeheimar og heimetenester er viktige arenaer Følgjer opp Demensplan 2015, med spesielt fokus på: auka kapasitet i tilrettelagte dagaktivitetstilbod (eiga tilskotsordning), betre informasjonstilbod, tilpassa bueiningar, tilbod til pårørande og tiltak for å auke kunnskap og kompetanse om demens. Følgjer opp satsingsområda i Nevroplan 2015, med fokus på tilpassa omsorgstenester og tilrettelegging for mest mogeleg aktivt liv trass sjukdom og funksjonstap Ål kommune driv Utviklingssenteret for sjukeheimar i Buskerud og har eit nært samarbeid med Høgskolen i Buskerud og Vestfold og regionalt senter for omsorgsforsking i Grimstad. Kommunen har også prosjekt innan velferdsteknologi. Aktiv omsorg og kvardagsrehabilitering er del av planrulleringa. Det er under planlegging bygging av 16 omsorgsbustader for demente i helsetunet. Dagaktivitetstilbodet burde ha vore meir omfattande. Det vert drive informasjonaarbeid og kursverksemd for pårørande. Ål kommune har eit prosjekt retta mot pasientar med Parkinson sjukdom. Dette prosjektet gjev nyttig lærdom også i høve til fleire nevromuskulære sjukdomsgrupper 9

3.9.2 Utfordringar Oppsøkande team vart redusert frå 1,0 til 0,5 stilling i Sparekatalog 2012. Dette var uheldig. Behov for å auke til 1,0 st. Teamet er midlertidig oppjustert til 1,0 st. for 2014 med samhandlingsmidlar. Kostnad 300 Auke grunnbemanninga, herunder bemanninga i Uppigarden. Samsvarar med gjeldande PLO-plan. Kostnad 1800 Ekstrahjelpspott ved auka belastning. (PLO-plan tiltak 4.5.1). Midlertidig ivareteke i 2014 med samhandlingsmidlar Kostnad 900 Auka aktivitetstilbod ved alle dagsenter. Utvida opningstid og opent 5 d. i veka. Kostnad 900 Auka fagstillingar sj.pl / vernepl. i alle avdelingar. Omgjering av stillingar. Kostnad 500 Styrking av budsjett for brukarstyrt personleg assistent og støttekontakt. Større behov enn budsjettert. Kostnad 600 Innkjøp av arbeidstøy. Stort behov for utskifting. Kostnad 100 Styrka transportteneste. (PLO-plan tiltak 4.3.1). Kostnad 200 o Planlegge personellbygg på Prestegardsjordet. Sjå investeringsmidlar o Vurdere plassering av avlastningstilbod på dagtid for demente. Sjå rapport «Behov for dagtilbod» o Utprøving av turnusmodellar for helgene o Oppfølging av tiltak i PLO-planen: 4.1.4/6 Friluftstilbod, kultur, frivilligheit 4.2.3 Omsorgskontor/tildelingsteam 4.5.6 Tverrfagleg arbeid, primærkontakt 3.10 Psykisk helse og rus 3.10.1 Styringssignal og status Helsedirektoratet ber om at kommunane: Status i Ål: Styrkjer tilbodet til barn og unge med samansette Det er behov for ei slik tverrfagleg styrking i Ål med problem. Bidreg til koordinerte- og samordna tenester arbeid retta mot utsette barn og unge. Det kjem eit bygd på tverrfagleg og tverretatleg samarbeid, som for felles tverrfagleg og tverretatleg prosjekt i Hallingdal eksempel samarbeid med fylkeskommunen om med miljøarbeidarar ved dei to vidaregåande skulane førebygging av fråfall i vidaregåande opplæring. (Prosjekt Ungdomslosen). Dette er eit hovudprioritert område for Helsedirektoratet, så punkt B i kap. 2.1. Styrkjer tilbodet om fast kontaktperson til fleire Koordinerande eining (KE) har fokus på brukarar med brukarar, og sørgjer for auka bruk av IP og koordinator. langvarige og samansette tenester og om desse kan ha Spreier og implementerer erfaringane frå behov for eit tilbod med individuell plan (IP). Tillitspersonforsøket. Integrerer psykisk helse i folkehelsearbeidet, med vekt Det er eit slikt samarbeid i kommunen, mellom anna på sosial støtte og nærmiljøutvikling. gjennom Frisklivssentralen. Vidareutviklar tilbodet til personer utsett for Førebels har ikkje dette arbeidet hatt fokus i Ål. vold/traumer. 10

3.10.2 Utfordringar Styrking av førebygging overfor barn og unge. ½ stilling og samarbeid med helsestasjonen. Stillinga vart første gong lansert i «Program og tiltak for førebygging» i Ruspolitisk handlingsplan 2012-16. Kostnad 300 Kommunal eigendel ved søknad på statlege prosjektmidlar innan psykisk helse og rus Staten har lyst ut ½ milliard til prosjektmidlar innan psykisk helse og rus. Det vert kravd kommunal medfinansiering. Kostnad 300 Lågterskel arbeidsretta tiltak. Mogelegheit til å kjøpe tilrettelagte tiltak, for eksempel gjennom Fretex, Gartneriet og «Inn på tunet». Kostnad 300 o Nytt bufellesskap innan psykisk helse (Leksvol II). Igangsett planlegging, herunder ei avklaring av bruken av Sundrevegen 114. o Plan for psykisk helsearbeid. Rullering av planen. 3.11 Habilitering og rehabilitering 3.11.1 Styringssignal og status Helsedirektoratet ber om at kommunane: Etablerer koordinerande eining (KE) for habilitering og rehabilitering med tydeleg ansvar og rolle. Sørgjer for at ansvars- og oppgåvefordeling innan habilitering og rehabilitering er med i samarbeidsavtalene mellom kommunane og spesialisthelsetenesta. Sørgjer for auka bruk av individuell plan (IP) og koordinator. Har tilbod om habilitering og rehabilitering til eit vidt spekter av målgrupper, herunder dei som tek i mot pleie- og omsorgstenester i eigen heim eller i sjukeheim Status i Ål: Dette er etablert med 0,25 st. frå oppvekst og tilsvarande frå helse og omsorg. Det er behov for å auke til 0,5 st. frå kvar av sektorane. Dette er ivareteke, men endelege avklaringar er ikkje gjort. Dette arbeidet er tillagt koordinerande eining (KE). Aktuelle brukarar bør oppmodast til å nytte IP. Dette prøver ein å ivareta. Ei vidare satsing på kvardagsrehabilitering i rullering av PLO-planen vil styrke arbeidet. 3.11.2 Utfordringar Ergoterapeut 1,0 stilling. Ål kommune har hatt uendra bemanning sidan 80-åra. Arbeidsoppgåvene er mangedobla. Ansvarleg for koordinering av innføringa av kvardagsrehabilitering. Hjelpemiddelformidling. Kostnad 600 Aktivitør 50 % i samband med ynsket om auka opningstid dagsenter. Kostnad 300 Utviding av KE til 100 % stilling. Sektoren sin halve andel. Kostnad 150 o Kvardagsrehabilitering. Opplæring og haldningsskapande arbeid. 11

3.12 Andre prioriterte tiltak 3.12.1 Styringssignal og status Ingen styringssignal. 3.12.2 Utfordringar Praksisplassar for utprøving i kommunen, langtidssjukmelde og menneske på rehabilitering Det må utarbeidast eit samla system for kommunen i nært samarbeid med NAV. Kostnad 500 Ingen 3.13 Investeringar 3.13.1 Styringssignal og status Ingen styringssignal. Kommunen må ta store investeringsløft innan helse- og sosial i åra frametter, slik det mellom anna går fram av vedteken Plan for pleie- og omsorgstenester og sak og orienteringar om Helsetunet og Hallingdal lokalmedisinske senter. Ein viser til eigen saker og orienteringar om utbyggingsprosjektet. Utanom desse omfattande behova og planane, er det fortløpande behov for å vedlikehalde og oppgradere eksisterande bygningsmasse. - Dei to avdelingane på Prestegardsjordet har samla mest personell i heile sektoren, men det er ikkje tilrettelagt eigna kontorplassar og møterom på Prestegardsjordet. Dette gjer at ein både opptek bustader som skulle vore brukt til brukarar, og ein får ikkje optimal effektivitet på tenestene. - Bilparken treng jamleg utskifting for at desse behova ikkje skal hope seg opp og slik at ein ikkje dreg på seg unødig mykje reparasjonar og vedlikehald. - Samhandlingsreformen overfører meir av ansvaret for medisinsk-teknisk utstyr til kommunane, dette krev nyinnkjøp. - Velferdsteknologi vil ofte kunne gje tryggheit til brukaren og spare på personellressursar. Det er behov for å investere i fleire ulike typer hjelpemiddel. - Det er eit generelt behov for å få bytta ut utslite inventar og få gjort det litt trivelegare i delar av bu- og behandlingssenteret. - Det er gjennomført prøveoverføring frå kulturhuset til bu- og behandlingssenteret, det er ynskje om permanente løysingar for overføring både frå kyrkja og kulturhuset. 3.13.2 Utfordringar Planlegge personellbygg Prestegardjordet 300 Fornying bilpark pleie og omsorg 500 Tekniske hjelpemiddel 300 Velferdsteknologi 500 Nødvendig oppgradering inventar på avdelingar som ikkje er under utbygging 500 Overføring frå kulturhus og kyrkje til bu- og behandlingssenteret 300 12

4 Visjon og overordna målsetjingar Kommuneplanen sin langsiktige del er under revisjon. I helse og sosialsektoren sitt innspel til dette arbeidet, er omsorgstenestene omtala under kap. 3.8 I Ål vil me sikre helse, omsorg og velferd for alle med fyljande punkt: Ål vil: 1 ha brukar og brukarmedverknad i sentrum, og sikre at pårørande, både barn og vaksne, får ta del i hjelpa og omsorga dei treng. 2. mobilisere og organisere frivillige lag og enkeltpersonar til å ta del i ulike delar av helse- og omsorgsarbeidet for alle aldersgrupper. 3. legge vekt på førebyggande og helsefremjande tiltak. Gjennom tidleg innsats og godt tverrsektorielt samarbeid, vil ein prioritere barn og unge, psykisk helse og rus. 4. ha legeteneste med høgt fagleg nivå, tilstrekkeleg kapasitet og godt tilgjenge. Legevakttenesta skal vera bygd opp i samarbeid med helseforetaket og dei andre Hallingdalskommunane. 5. gjennom tverrsektoriell og tverrfagleg rehabilitering, tilby tenester som gjer at den enkelte kan meistre tilveret etter sjukdom og skadar. Oppsøkande team for eldre, kvardagsrehabilitering og helseteknologi skal hjelpe brukarane til å greie seg heime. 6. legge til rette for dag- og aktivitetsplassar, praksisplassar og tilrettelagte arbeidsplassar, særleg for dei som har vanskar med å finne sin plass i det ordinære arbeidslivet. 7. styrke omsorgstenestene slik at kommunen kan ha eit tenestetilbod som er i balanse med behovet. Spesielt skal demensomsorga og heimetenestene til eldre styrkast. Ein skal ha fokus på korttidsavdelinga på sjukeheimen og heimetenestene for å kunne ta hand om dårlegare pasientar. 8. vektlegge forsking og utviklingsarbeid for heile tida å vera i fremste rekke på tenestenivået til våre brukarar, både for å rekruttere nye fagpersonar og for å skape spanande fagmiljø for eigne tilsette, studentar og lærlingar. 9. vera ein pådrivar for interkommunalt samarbeid i Hallingdal og samarbeid med helseforetaket. Samhandlingsreformen sine mål og intensjonar skal synleggjerast i strategi- og utviklingsarbeidet. 10. legge til rette for tilstrekkelege, høvelege og fleksible areal i helsetunet for kommunale og interkommunale tenester og for tenester frå helseforetaket. 11. Sikre areal og tilgjengelegheit for fysisk aktivitet og nærfriluftsliv til beste for bebuarane i helseinstitusjonane Helse- og sosialsektoren har utarbeidd fylgjande overordna målsetjing for tenesteytinga: Helse- og sosialtenestene skal uavhengig av alder og bustad gje tilstrekkeleg hjelp til at brukaren kjenner seg trygg og betre kan meistre livet sitt saman med andre. I møte med helse- og sosialsektoren skal brukaren kjenne seg imøtekomen og respektert. Gjennom aktiv brukarmedverknad vert ansvaret for eige liv og helse understreka. I ein kortversjon kan dette uttrykkjast slik: Helse- og sosialtenestene skal gje nok hjelp til sjølvhjelp. 13

5 Lokale styringssignal 5.1. Prioriterte område 2013 Nedanfor fylgjer ein oversikt over tiltak prioritert av sektorutvalet i 2013 og kva som har skjedd med desse tiltaka gjennom 2013. Hovudprioriteringar: Område SHS viser til kommuneproposisjonen og tar for gitt at det kjem ei øyremerka styrking av Førebyggande arbeid barn og unge. Ein må ta høgde for dei tiltaka som ikkje kan fråvikast: Nødnett, lydlogg, helsenett, innføring av felles legevakts nummer, arbeidstøy, og oppgradering av legedata. Status Dette vart ikkje fylgd opp av Ål kommune. Oppgradering av legedata og helsenett er gjennomført. Nødnett vert gjennomført i 2014. Innføring av felles legevaktnummer og lydlogg er av staten utsett til 2015. Nytt arbeidstøy er ikkje gjennomført. Prioriterte tiltak Nr Tiltak Status 1 Ekstrahjelpspott ved auka belastning. Skal Gjennomført ved bruk av samhandlingsmidlar også brukast ved toppar i Uppigarden. 2 0,5 still. ergoterapeut. Dette kan evt. også Ikkje gjennomført pga budsjettsituasjonen. styrke Førebyggande team/ demensteam. 3 Auka grunnbemanning i eldreomsorga. Ikkje gjennomført pga budsjettsituasjonen 4 Styrke dagtilbodet til heimebuande demente Dagtilbodet er mellombels utvida frå 4 til 5 dagar. Investeringstiltak Sum Status 1 Nødnett, lydlogg, felles legevaktnummer. (Delvis 200 Utsett frå staten si side dekning frå tidlegare) 2 IKT på legekontor/legevakt (programvare og 400 Gjennomført maskinvare), justert beløp juli -13 etter innkjøpsfordeling mellom IKT Hallingdal og Ål kommune 3 Fullfinansiere utbygging av helsetunet? Viser til eigen sak og orientering 4 Utgreie personellbygg Prestegardjordet 300 Ikkje gjennomført 5 Tekniske hjelpemiddel 300 Ikkje gjennomført 6 Overføring frå kulturhus og kyrkje til bu- og 300 Ikkje gjennomført behandlingssenteret 7 Nødvendig oppgradering av interiør 700 Ikkje gjennomført NY Behandlingsbasseng? Ikkje gjennomført NY Ipad i heimetenesta? Ikkje gjennomført 14

5.2. Strategikonferansen 2014 23. april 2014 vart det gjennomført ei strategikonferanse der politikarar og administrasjon, representant for eldrerådet og rådet for menneske med nedsett funksjonsevne og repr. for tillitsvalde, saman drøfta dei utfordringar sektoren og kommunen står overfor. 5.3. Prioriterte område 2014 Med utgangspunkt i drøftingane i strategikonferansen, har Sektorutval for helse og sosial i møte den 20.05.14 drøfta dei ulike innspela frå fagleg hald og har gjeve fylgjande signal for prioriteringar i samband med det føreståande økonomiplanarbeidet. Auka grunnbemanning i pleie og omsorg 1800 Kvardagsrehabilitering / Ergoterapeut 1,0 st. i kombinasjon med ei styrking av oppsøkande team 600 Styrke førebyggande arbeide blant barn og unge (rus og psykiatri) 300 Velferdsteknologi 300 Merknad i vedtaket: SHS er tydelege på at bemanninga i PLO må opp. Ein har ikkje fått til auken som staten har initiert vi må jobbe langsiktig om vi skal få dette til. Investeringsbudsjettet: Helsetunutbygginga. Overføring frå kyrkje og kulturhus til bu og behandlingssenteret Personaldelen på Prestegardsjordet 15

6 Tiltak og føringar Helse- og sosialplanen legg dei overordna føringar for arbeidet i helse- og sosialsektoren i planperioden. Konkrete tiltak vil bli fremma i budsjettarbeidet dersom dei er kostnadskrevjande, eller direkte i sektoren og avdelingane sine årsplanar dersom dei ikkje er kostnadskrevjande. Nedanfor er det ein kort gjennomgang av dei tiltak SHS har prioritert for planperioden. 6.1 Prioriterte tiltak 6.1.1 Styrking av grunnbemanninga i pleie- og omsorg Ein viser til kapittel 2.2.1 om dei særlege utfordringane Ål kommune har innan pleie og omsorg. Gjeldande pleie og omsorgsplan la opp til ein auke i personellfaktoren på 15 stillingar fram til og med 2015, utan at kommunen har greidd å fylgje opp dette. Auken var i takt med det regjeringa ville styrke rammene til kommunane med. Samhandlingsreformen har forsterka behovet for ressursstyrking av omsorgstenestene. Erfaringane frå avdelingsleiarane er at hjelpebehovet til brukarane meir og meir vert eit heildøgnsbehov, der personellbehovet også er stort på kveld, helg og natt. I dag kan ikkje dette personellbehovet dekkast av ufaglært arbeidskraft. Dette er ein tydeleg forskjell frå tidlegare der tenestene i større grad var passiv pleie. Det er no vanskeleg å få ei god ferieavviklinga fordi ein manglar vikarar med fagkompetanse. Grunnbemanninga må aukast både på institusjon og i hemetenesta, men det er særleg heimesjukepleien som har eit akutt behov for styrking. Kommunalsjefen fremjar ei styrking av grunnbemanninga i pleie- og omsorg i budsjettarbeidet for 2015. 6.1.2 1,0 st. ergoterapeut / Kvardagsrehabilitering / Oppsøkande team Ål kommune har hatt 1,0 stilling som ergoterapeut sidan -80-åra. Behovet for ergoterapitenester har vore sterkt stigande. Særleg er dette knytt til a) Vurdering av tekniske hjelpemiddel til heimebuande b) Kvardagsrehabilitering i heimen c) Deltaking i førebyggjande team / demensteam. SHS har vedteke å prioritere arbeidet med kvardagsrehabilitering. Kvardagssrehabilitering er rehabilitering og førebygging når brukar bur i eigen heim. Det handlar om å meistre kvardagen.. Brukar set seg mål og kvardagsrehabiliteringa er målretta tverrfagleg innsats i samarbeid med brukar for å nå måla. Tenesteytarane motiverer og støttar prosessen frå inaktivitet til aktivitet og til at brukar tar større ansvar for eige liv. Målet er at brukar vert meir sjølvstendig og på sikt treng mindre hjelp. Oppsøkande team har tre ulike funksjonar: a) Førebyggjande team. Alle eldre over ein viss alder og som ikkje allereie har tenester frå kommunen, får tilbod om heimebesøk. Erfaringa er at 2/3 takkar ja til besøk. Det vert gjeve førebyggjande arbeid med rådgjeving om førebyggjande tiltak, meistringsevne og råd om tilrettelegging for å kunne bu heime så lenge som mogeleg. Det vert også gjeve informasjon om helse- og omsorgstenester og friviljuge tilbod i kommunen. b) Demensteam Utgreiing etter oppdrag frå fastlege eller andre, tidleg intervensjon og informasjon om særskilde tilbod for demente. Det vert lagt vekt på støtte og kurs til pårørande. c) Kartleggingsteam Teamet kartlegg tenestebehovet etter oppdrag frå tildelingstemaet etter at sektoren har motteke søknad om tenester. Oppsøkande team vart halvert ved budsjettnedskjeringane hausten 2012, men kan ikkje makte oppgåvene sine med den bemanninga. Særleg har nedskjeringa gått ut over det førebyggjande arbeidet. 16

Kommunalsjefen innarbeider framlegg om ny stilling som ergoterapeut i budsjettet for 2015. Stillinga skal ha eit særleg ansvar for å leie arbeidet med innføring av kvardagsrehabilitering som arbeidsmetode.. Oppsøkande team skal også styrkast gjennom denne nye stillinga og gjerast i stand til å ivareta dei oppgåvene teamet er tillagt. 6.1.3 Førebyggjande arbeid blant barn og unge Dei siste åra har det vist seg at mange kommunar slit med å få til ei samordning av ulike tiltak retta mot risikoutsette barn og unge. Særleg ser ein at behovet er stort for ungdom. Ål kommune har sett i verk fleire tiltak for å styrke og samordne arbeid for barn og unge: - Oppvekstsektoren har fått samla alle tenester retta mot barn og unge, også helsestasjonen.. - Fleire prosjekt innan oppvekstsektor er viktige i denne samanhang, t.d. «Felles løft for tidleg innsats» og «Betre læring» og «PK-prosjektet» saman med Familievernkontoret. - Familiens hus er etablert med nærare kontakt mellom helsestasjon, barnevern og PPT. - KE koordinerande eining - kom i gang i 2014 og er samansett med 0,25 stilling frå helse og sosial og tilsvarande frå oppvekst. Arbeidsmengda overstig allereie kapasiteten. - Ål kommune er MOT-kommune med særleg ansvar for haldningsarbeid retta mot ungdom - SAFT er ei administrativ arbeidsgruppe som samordnar førebyggjande tiltak retta mot barn og unge. Denne gruppa vert leia frå kultur. - Aktiv ung eit førebyggjande tiltak i samarbeid mellom frisklivkoordinator og skulefysioterapeut. Det planlagde SAMBU-prosjektet, eit 3-årig prosjekt for betre tverrsektorielle tilnærming og koordinering, måtte leggjast på is i budsjettnedskjeringane hausten 2012. I kommuneproposisjonen våren 2013 kom regjeringa med ein lovnad om 180 mill. i 2014 til helsestasjons- og skulehelsetenesta i kommunane. Midlane vart gitt som ein del av rammetilskotet og Ål kommune har ikkje tilført helsestasjonen desse midla, som ei av to kommunar i Buskerud. Sektorutvalet understrekar behovet for eit nært samarbeid mellom oppvekst og helse og sosial. Særleg er avdeling for psykisk helse tungt inne det førebyggjande arbeidet blant unge. Ein vonar at samarbeidet kan gjennomførast ved å leggje til eigne kommunale midlar til dei statlege midlane som var tiltenkt dette føremålet. Stillinga bør organiserast slik at samarbeidet mellom sektorane vert styrka. Kommunalsjefen fremjar ei styrking av det førebyggjande arbeidet til barn og unge med kr. 300 i budsjettarbeidet for sektoren i 2015 og vil sjå dette i eit nært samarbeid med ei styrking innan oppvekstsektor. 6.1.4 Velferdsteknologi Talet på eldre vil auke i åra framover, og dette gjer at helse- og omsorgstenesta må tenke nytt. Både nasjonalt og internasjonalt er det semje om at framtidige utfordringar i helse- og omsorgstenesta må løysast ved å ta i bruk meir teknologi. Mykje er tilgjengeleg allereie, men det skjer nye ting heile tida. Ål kommune og Arena Helseinnovasjon (AH) har inngått avtale om utprøving av velferdsteknologi i 7 private bustadar i Ål kommune. Eksisterande og ny teknologi skal takast i bruk på ein innovativ måte for å gi best mogleg livskvalitet og meistring for bebuarane, og ein best mogeleg arbeidssituasjon for dei tilsette. Universitetet i Agder og Høgskolen i Buskerud / Vestfold deltek i prosjektet for å sikre den faglege kvaliteten i løysingane. Velferdsteknologi som skal prøvast ut er: Fall-/trykksensor, fuktmatte, epilepsimatte, MEMO-planner, dosett med alarm, automatisk blodprøvetakar, dusjassistent og tryggheitsalarm med 2-vegs kommunikasjon og GPS (frå Global Tracking på Torpomoen). Velferdsteknologi omfattar også tiltak for å utnytte teknologien betre som eit arbeidsverktøy for personalet. Det kan nemnast innføring av PDA eller mobile løysingar i heimesjukepleie, nøkkelfrie løysingar og telemedisinske tiltak som til dømes digital sår journal. Kommunalsjefen vil halde fram med å prioritere arbeidet med å innføre velferdsteknologi, både med nødvendige investeringar og nødvendig opplæring av personell og brukarar. 17

6.2 Investering 6.2.1 Helsetunutbygginga Helsetunutbygginga vart sett på vent våren 2014, då det viste seg at det einaste tilbodet på bygging låg langt over kostnadskalkylane. Arbeidet med alternative løysingar påtår og politikarane vil få lagt fram dette i eigen informasjon og eigen sak. Rådmannen vil i samsvar med politiske signal prioritere helsetunutbygginga høgt. Det vil bli lagt fram eigen sak til politisk handsaming. 6.2.2 Overføring frå kulturhus og kyrkje til bu- og behandlingssenteret Forprosjektet Storebasken såg på samarbeidet mellom kultur og helse og korleis ein kan sikre at det vert «lagt liv til åra» for omsorgstrengande som ikkje sjølv greier å ta del i kulturtilbodet i kommunen. Som eit av tiltaka i Storebasken, er det peika på dei positive erfaringane ein har hatt med høgkvalitets lyd- og bilete-overføring frå kulturhuset til bu- og behandlingssenteret. Teknologien for dette er til dels nybrottsarbeid på landsplan. Ein ynskjer å vidareføre og vidareutvikle dette til å bli eit fast etablert tilbod både frå kulturhuset og frå kyrkja. Tiltaket vert å fremje i budsjettarbeidet. 6.2.3 Utgreie personellbygg Prestegardjordet Dei to avdelingane på Prestegardsjordet har samla mest personell i heile sektoren, men det er ikkje tilrettelagt eigna kontorplassar og møterom på Prestegardsjordet. Dette gjer at ein både opptek bustader som skulle vore brukt til brukarar, og ein får ikkje optimal effektivitet på tenestene. Det er i dag ingen ledige leiligheiter å bruke for å kunne gi avlastning til nye brukarar. I nær framtid vil det være behov for å gje avlastning til barn / ungdom. Truleg må ein då ta i bruk ein omsorgsbustad som ikkje ligg nær avdelinga. Dette er både ressurskrevjande og lite effektivt. Tiltaket vert å fremje i budsjettarbeidet. 6.3 Organisasjonen 6.3.1 Heimetenestene Etter at ein i eit par år har prøvd å organisere heimetenestene med ansvar for heimesjukepleie og praktisk bistand i to likestilte avdelingar, bestemte rådmannen våren 2014 at to ledige avdelingsleiarstillingar skulle lysast ut som avdelingsleiar og assisterande avdelingsleiar og at ein såleis samle heimetenesta i ei avdeling igjen. Beslutninga vart teke på grunnlag av innspel frå arbeidsgrupper med representantar for dei tilsette og administrasjonen. Sumaren 2014 er det gjort tilsetjing i begge stillingane. Hausten 2014 vil ein gradvis gjennomføre samansmeltinga. Dei to heimetenesteavdelingane får ein samordna turnus frå 1. januar 2015. 6.3.2 Avdeling Prestegardsjordet namnebyte Etter ynskje frå dei to avdelingane på Prestegardsjordet, har kommunalsjefen bestemt at namnet på avdelingane skal endrast til Avdeling for miljøterapi, avd. 1 og avd 2. Dette for at namnet på avdelingane skal fortelja meir om funksjonane. Namnebytet vert gjennomført frå 1. januar 2015. 18