Statusrapport. Mars 2017

Statusrapport Mars 2017

1. Innleiing Helse Møre og Romsdal har ei svært negativ utvikling i det økonomiske resultatet for mars månad. Utviklinga er spesielt knytt mot svikt i DRG-inntekter, høge medikamentkostnader, diverse avvik i varekostnader og meirkostnader knytt til drift av bygg, reparasjonar og vedlikehald. Kostnader knytt til løn viser ikkje store negative avvik, men likevel ser vi at helseføretaket framleis vekst i bemanning (både brutto og netto månadsverk). Avviket i mars er på 28,2 mill. kroner og hittil i år på 35,9 mill. kroner. Dette gjer at administrerande direktør ser det som heilt nødvendig å sette i verk tiltak for å sikre fagleg tilbod og økonomisk berekraft. Sjølv om den driftsøkonomiske utviklinga er urovekkande, er det viktig å trekke fram at helseføretaket i det store bildet leverer gode tal på aktivitet og kvalitet. Det blir gjort mykje godt arbeid både av helsepersonell og støttepersonell i verksemda vår. Gjennomsnittleg ventetid for pasientar som starta si helsehjelp i spesialisthelsetenesta har gått noko ned frå 59 dagar i mars 2016 til 52 dagar i mars 2017. Gjennomsnittleg ventetid for dei framleis ventande var 47 dagar i mars 2017. Helse Møre og Romsdal har gjennomført eit større og omfattande organisasjonsarbeid i 2016 og 2017, som no teiknar godt for ei positiv utvikling framover. Først frå januar 2017 var den nye leiargruppa til AD fullstendig på plass, og arbeidet med å få leiargruppene på klinikkar, avdelingar og seksjonsleiarar er snart klart. Føretaket arbeider også aktivt med det store og viktige prosjektet sjukehuset Nordmøre og Romsdal (SNR), som har god medverknad og held tidsplanen som er skissert. Styret har tidlegare etterspurt effektar før SNR vert teke i bruk, og dette må tydeleggjerast nærare i tida som kjem. Nasjonal helse og sjukehusplan og Strategi 2030 legg føringar for at HMR skal revidere sin utviklingsplan. Arbeidet med utviklingsplanen er godt i gong, og både brukarane og kommunane er involverte i arbeidet. I utviklingsplanen skal ein skissere viktige utviklingsretningar for føretaket framover. For å lukkast er helseføretaket er avhengig av å ha med leiarar og medisinsk personell for at ein saman kan nå å målet i det langsiktige omstillingsarbeidet. Spesielt viktig er det å ha med seg seksjonane, for det er der pasientbehandlinga skjer, kompetanse og arbeidsmiljø vert utvikla, kostnader og inntekter vert skapt. Alle klinikkar og stabsavdelingar vil i starten av mai gjennomføre møte med alle avdelingssjefar, seksjonsleiarar, tillitsvalte, verneteneste og aktuelt stabspersonell for å gjennomgå tiltaksplanen som er skissert seinare i rapporten. 2. Ventetid Den positive utviklinga knytt til redusert ventetid som vi såg gjennom heile 2016 held óg fram i starten av 2017. Gjennomsnittleg ventetid for pasientar som starta si helsehjelp i

spesialisthelsetenesta har gått ned frå 59 dagar i mars 2016 til 52 dagar i mars 2017. Gjennomsnittleg ventetid for dei framleis ventande var 47 dagar i mars 2017. Dette er ein reduksjon på 7 dagar samanlikna med mars 2016. Grafen under viser gjennomsnittleg ventetid for avvikla pasientar. Jamfør styringsdokumentet for 2017 skal gjennomsnittleg ventetid for avvikla pasientar reduserast samanlikna med 2016, og skal vere under 57 dagar totalt. Det settast differensierte krav til ventetider mellom fagområda, og gjennomsnittleg ventetid skal vere Maksimalt 57 dagar for somatikk Maksimalt 45 dagar for psykisk helsevern vaksne Maksimalt 40 dagar for psykisk helsevern barn og unge Maksimalt 30 dagar for tverrfagleg spesialisert rusbehandling Ein ser at ventetida totalt og for somatikk er omtrent lik for mars 2017. Årsaka til dette er at talet på pasientar innanfor rus og psykisk helsevern utgjer ein liten del av det totale pasienttalet samanlikna med somatikk, og ein vil derfor ikkje sjå dei store endringane i talmaterialet når ein ser på somatikk aleine versus totalt. Grafane under viser ventetid per fagområde.

Ventetida for psykisk helsevern er framleis ikkje innanfor krava, men ein ser ei positiv utvikling, med reduksjon for både barne-/ungdomspsykiatrien og for vaksenpsykiatrien samanlikna med førre månad. 3. Fristbrot Det var registrert 150 fristbrot blant pasientane som fekk helsehjelp i mars. For pasientar som framleis ventar registrerte NPR 51 fristbrot i mars. Grafen under viser fristbrot for avvikla pasientar.

Svært mange av dei registrerte fristbrota skuldast feil i dei pasientadministrative rutinane, og er ikkje reelle fristbrot. NPR-tala viser derfor eit høgare tal enn det som er reelt i HMR. Sjølv om arbeidet med implementering av dei standardiserte pasientadministrative rutinane har vorte vidareført, ser ein fortsatt eit stort tal feilregistreringar. Bredding av det nye datasystemet Klinisk arbeidsflate/myway2pas den siste tida kan vere noko av årsaka til desse feilregistreringane. Talet på nytilviste har auka med om lag 1000 pasientar samanlikna med mars 2016, men ventetida har likevel gått ned i same periode. Dette viser at arbeidet med standardisering av pasientadministrative rutinar, eksempelvis å sette pasientane direkte på time, har gitt resultat. Redusert ventetid vil generelt skape rom for å redusere talet på reelle fristbrot ned mot målkravet på null fristbrot. Tiltak for reduksjon av ventetider/fristbrot: HMR har arbeidd med tiltak for reduksjon av talet på fristbrot gjennom heile 2016 og vidare inn i 2017. Arbeidet har særleg vore retta inn mot pasientadministrative rutinar, og det er oppretta ansvarlege på klinikknivå som melder fristbrot inn i ein nasjonal «Fristbrot-portal». Ein har i alle fagområde fokus på at ein ikkje skal ha fristbrot, og ein jobbar med å fordele ressursar internt i helseføretaket utifrå kor behovet er størst, slik at ein unngår fristbrot og lange ventetider. Arbeid med kontinuerleg forbetring av arbeidsprosessar, både pasientadministrative og kliniske arbeidsprosessar, herunder og arbeid med implementering av pakkeforløp er framleis satsingsområde i HMR. HMR er og i prosess med å forbetre det føretaksovergripande arbeidet med fristbrot/ventetider.

4. Samhandling og utskrivingsklare pasientar Det er stadig kommunane Ålesund, Molde og Kristiansund som har dei største utfordringane når det gjeld kapasitet til å ta i mot sine innbyggarar når dei er utskrivingsklare frå sjukehus. Ein ser av grafen under at 2016 i periodar var eit svært krevjande år for dei sengepostane som er mest råka av denne utfordringa. Ein situasjon med mange utskrivingsklare pasientar har ofte vore samanfallande i tid med at dei aktuelle sengepostane har hatt overbelegg som følgje av mykje sjukdom i befolkninga og har soleis vore pressa på kapasitet både i høve senger og personell. Grafen under viser tal liggedøgn for utskrivingsklare pasientar i perioden januar 2011 til mars 2017. 5. Status vedrørande rapportering på tvang HMR overleverte 01.04.17 ein plan for riktig og redusert bruk av tvang og riktig registrering av tvang til Helse Midt- Norge. Dette var krav i styringsdokumentet til HMR for 2017. Planen beskriv ulike tiltak for å sikre riktig og redusert bruk av tvang, og inneheld eit detaljert årshjul/matrise som beskriv dei ulike tiltaka. HMR er i rute i oppfølging av tiltaka i planen. Dei viktigaste områda det jobbast med / er jobba med: Revisjon av eksisterande prosedyrar og utarbeiding av nye vedrørande oppfølging av 4 i Psykisk helsevernloven. Dette er gjennomført innanfor tidsfrist og implementerast frå 01.05.2017. System for registrering og rapportering av tvangsvedtak er etablert i klinikken. Det er etablert samarbeid med Nasjonalt senter for erfaringskompetanse for etablering av leiingsforankra dialogmøte for reduksjon av tvang. Dette er også eit krav i styringsdokumentet for 2017. Det er gjennomført utdanning av eigne instruktørar i terapeutisk meistring av aggresjon. Det utarbeidast no undervisningsopplegg for personell i klinikken.

Det er gjennomført etterregistrering / manuell teljing av alle 4-8 tvangsvedtak for 2014, 2015 og 2016. Dette blei rapportert innanfor frist som var 01.04.17. 6. Aktivitet DRG aktiviteten innanfor somatikk låg om lag på budsjett ved utgangen av februar. DRGaktiviteten i mars syner eit stort avvik på overkant av -500 DRG-poeng. Grafen under viser DRG-poeng knytt til somatiske pasientar frå HMN behandla ved eige helseføretak og DRGpoeng på pasientar behandla utanfor HMN. DRG-poeng frå biologiske legemiddel og gjestepasientar frå andre regionar er ikkje inkludert i grafen under. Mars er i 2017 ein månad med 23 arbeidsdagar og ingen heilagdagar. Budsjettet er soleis lagt relativt høgt denne månaden. Rekneskapsførte DRG-poeng er om lag på nivå med februar som berre hadde 20 arbeidsdagar inklusiv vinterferieveke. Det ser dermed ut som svikten i DRG-poeng i mars er ein kombinasjon av høgt budsjett og låg DRGutteljing/aktivitet. Låg DRG-utteljing skuldast ein kombinasjon av endra pasientmiks og noko lågare aktivitet. Svikten i aktiviteten i mars er fordelt mellom medisinske og kirurgiske pasientar. Som ein kan sjå av grafen over er budsjettet for DRG-aktivitet lagt langt lågare i april. Dette skuldast at påska kjem inn med lågare planlagt aktivitet. Innanfor psykisk helsevern og TSB er det for 2017 frå HMN satt mål for refusjonsberettiga konsultasjonar. HMN har soleis gått bort frå å måle PH-aktivitet. Frå 1.januar 2017 er også poliklinisk aktivitet ved psykisk helsevern og rus underlagt ISF systemet. Det er sett ein eigen DRG-pris innanfor området.

Tabell: Aktivitet psykisk helsevern pr 31.03.2017 Hittil i år utført Hittil i år planlagt Avvik i % Hittil 2016 Aktivitet psykisk helsevern 2017 Avvik Psykisk helsevern voksne: Sum refusjonsberettigede konsultasjoner 21 899 24 718-2 819-11 % 19 848 herav ambulante konsultasjoner 3 447 3 171 276 9 % 3 058 DRG-poeng poliklinikk 3 324 3 742-418 -11 % Utskrivninger sykehus 355 410-55 -13 % 399 Oppholdsdøgn sykehus 7 339 6 132 1 207 20 % 6 358 Utskrivninger DPS 280 285-5 -2 % 299 Oppholdsdøgn DPS 4 089 5 859-1 770-30 % 5 617 Psykisk helsevern barn og unge: Sum refusjonsberettigede konsultasjoner 12 886 12 978-92 -1 % 12 031 herav ambulante konsultasjoner 416 389 27 7 % 429 DRG-poeng poliklinikk 3 795 3 917-122 -3 % Utskrivninger 64 59 5 0 % 59 Oppholdsdøgn 742 571 171 30 % 596 Aktivitet psykisk helsevern vaksne ligg 11% under plan pr. mars i høve til refusjonsberettiga konsultasjonar. Budsjettet er auka relativt mykje i 2017. Ser ein det i høve til aktiviteten i 2016, viser tala ein vekst på over 10%. Målt i DRG-poeng ligg ein 11% bak plan i mars. Ein ligg også noko under på tal utskrivne pasientar og opphaldsdøgn dersom ein samanliknar dette mot budsjettert nivå. Tabellen over syner resultata. Psykisk helsevern barn og unge har ein aktivitet som ligg 1% under budsjett målt i refusjonsberettiga konsultasjonar, og 3% under budsjett målt mot DRG-poeng poliklinikk. Også innanfor barn og unge er dei refusjonsberettiga konsultasjonane høgare enn i same periode i 2016. Her er veksten på 7,1%. Dette syner ein positiv utvikling i høve til sist periode. Ein ligg over plan pr. mars både på utskrivingar og opphaldsdøgn. Tabellen over syner resultata. Tabell: Aktivitet TSB pr 31.03.2017 Hittil i år utført Hittil i år planlagt Avvik i % Hittil 2016 Aktivitet TSB 2017 Avvik Aktivitet eget HF: Sum refusjonsberettigede konsultasjoner 2 957 2 490 467 19 % 1 973 herav ambulante konsultasjoner 140 90 50 56 % 54 DRG-poeng poliklinikk 337 286 51 18 % Utskrivninger 160 150 10 7 % 168 Oppholdsdøgn 4 908 5 130-222 -4 % 5 234 Aktiviteten har vore høg for TSB i mars, og når ein ser på refusjonsberettiga konsultasjonar hittil i år ligg ein 19% over plan og 50% over same periode i fjor. Ein ligg også godt over plan i

høve til DRG-poeng med 18%. Når det gjeld opphaldsdøgn ligg ein under plan medan ein ligg litt over plan på tal utskrivne pasientar. Tabellen over syner resultata. 7. Sjukefråver Sjukefråveret for mars var på 8,2 prosent, noko som er på same nivå som tilsvarande månad i 2016, og 0,5 prosentpoeng lågare enn i februar. Talet for samla sjukefråver for 2016 var 7,9 %. For 2017 er det foreslått eit mål på eit arbeidsnærvær på minimum 93 % (7 % sjukefråver). Grafen under viser netto sjukefråver i Helse Møre og Romsdal HF i perioden 2015-2017. 8. Utvikling i brutto og netto månadsverk Talet på brutto og netto månadsverk i Helse Møre og Romsdal veks også 2017. Det har vore ei overordna målsetting å stoppe veksten i månadsverk. Grafen under viser tal både på brutto og netto månadsverk i perioden 2015-2017. Bruttotala viser utbetalte månadsverk, inkludert all arbeidstid som det er registret fråver på, som permisjon, ferie, sjukdom og anna fråver. Nettotala viser den faktiske bemanninga som fysisk var på jobb, og er vesentleg for dei tenestar vi leverer.

Bemanning og forbruk av timar (brutto månadsverk) for mars 2017 ligg 72 månadsverk over same periode i 2016. For netto månadsverk var auka 47 månadsverk. Samla budsjett for netto månadsverk i 2017 er om lag uendra. Når det gjeld fastløn ligg vi på budsjett, medan dei variable kostnadene bidreg til at tal månadsverk ligg over budsjett. Overtidsbruken har ei auke samanlikna med januar og februar, utan at det kan forklarast med auka sjukefråver. Dei klinikkane som har markant auke vil få ei oppfølging no i april/mai, og tiltak må utarbeidast for overtidsbruken. Vi viser også til tiltak innanfor lønsområdet for å snu den økonomiske utviklinga. 9. Rekneskap Rekneskapen etter tre månader syner eit negativt avvik på 26,6 mill. kroner. Korrigert for pensjonskostnader er avviket 35,9 mill. kroner. Korrigert avvik i mars månad var på heile 28,2 mill. kroner. Avviket i mars skuldast mange inntekts- og kostnadspostar som går i feil retning samtidig. Vi vil her trekke fram lågare inntekter knytt til endra pasientmiks og lågare aktivitet enn budsjettert, auke i varekostnader og spesielt innanfor medikament og andre driftskostnader knytt til bygg og utstyr. I tillegg går det framleis for mykje lønsmidlar ut til variabel løn. Tabellen under viser rekneskapet ved utgangen av mars månad per hovudpost. Vi ønskjer også å gje ein nærare omtale av dei største avvika innanfor dei ulike hovudpostane.

Tabell: Resultatavvik pr 31.03.2017 og hittil i år Resultat 2017 Denne periode Hittil i år (Tall i tusen) Resultat Budsjett Avvik Resultat Budsjett Avvik 3 Inntekter 495 916 500 920-5 004 1 491 763 1 491 523 240 4 Varekostnader -87 040-72 904-14 136-234 229-216 037-18 192 5 Lønnskostnader -343 081-343 003-78 -1 037 908-1 036 301-1 606 6,7,9 Andre driftskostnader -88 274-83 041-5 233-250 120-243 562-6 558 8 Finansposter -8 634-642 1 402 1 901-500 Sum -22 487 2 605-25 092-29 092-2 476-26 616 Avvik knyttet til ny aktuarberegning 3 112 3 112 9 336 9 336 Sum - korrigert for pensjon -25 599-28 204-35 952 Inntekter Mars månad viser eit avvik mot budsjett på -5 mill. kroner. DRG-inntektene og gjestepasientinntekter viser aleine eit budsjettavvik på -12,3 mill. kroner. Avviket på inntektene i mars skuldast i stor grad endring i pasientsamansetning frå tidlegare år i tillegg til noko lågare aktivitet. Store DRG-tunge prosedyrar har uteblitt i dei tre første månadane i år, samanlikna med i fjor, noko som speglar seg gjennom ein lågare DRG-indeks og eit negativt avvik mot budsjett i kroner. Andre pasientrelaterte inntekter viser ei meirinntekt i høve til budsjett på 4,1 mill. kroner i mars. Totale inntekter utover budsjett var på 5,2 mill. kroner per februar, no er desse redusert til 0,2 mill. kroner. Kodekvalitet blir gått gjennom i dei ulike avdelingane for å sikre at alt blir registrert. Det kan også synes som budsjettet er noko høgt periodisert innanfor det medisinske området. Føretaket reknar ikkje med å kunne hente inn igjen inntektstapet utan at dette vil medføre ein tilsvarande kostnadsauke utover det DRG-refusjonen gir. Det vil derfor vere fokus på kostnadskontroll. Inntekter knytt til auka aktivitet vil i svært sjeldne tilfelle dekkje kostnadene knytt til behandlinga. Det å «produsere» seg ut av underskotet vil ikkje vere ein aktuell strategi. Vi forventar derfor ein lågare aktivitet ved utgangen av året enn kva som er budsjettert. I prognosen er det lagt inn ein reduksjon i DRG-aktiviteten på 260 DRG-poeng utover det avviket viser per mars månad. Varekostnader Mars viser eit avvik innanfor varekostnader på heile 14,1 mill. kroner. Det største avviket i mars månad er knytt til medikament, med eit avvik mot budsjett på 9,2 mill. kroner. Legemiddel knytt til H-reseptar ligg innanfor budsjettert nivå ved utgangen av mars, medan medikament knytt til kreftpasientar, nevrologiske pasientar og medisinske pasientar viser eit avvik på 10 mill. kroner (6,7 mill. kroner i mars). Samanlikna med same periode i 2016 er det ein auke i medikamentkostnadene på 16,4 mill. kroner totalt og 11, 3 mill. kroner berre i medisinsk klinikk. Gjennomgang av alle faktura innanfor området viser at mars var ein kostnadsmessig høg månad. Ein har ikkje i budsjettet klart å ta god nok høgde for veksten i medikament. Resten av avviket kan hovudsakleg relaterast innleie og kjøp av helsetenester.

Endringa vi ser på medikamentsida blir no bakt inn i prognosen med ein korreksjon for ekstraordinære kostnader knytt til enkeltpasientar i mars. Vi vil følgje utviklinga innanfor området nøye framover. Avviket vi ser på kjøp av helsetenester vil svinge i løpet av året, kostnadene innanfor somatikk blir delvis dekt av auka DRG-inntekter. Det vil framover bli sett merksemd på å halde innlege frå byrå til eit absolutt minimum. Lønskostnader Utgifter til løn er i mars om lag på budsjett, med eit avvik på 78 000 kroner totalt for føretaket. Korrigert for pensjonskostnadar ser ein derimot at lønskostnadene er for høge i høve til budsjett og gir eit negativt avvik på om lag 10 mill. kroner hittil i år og 3,2 mill. kroner i mars månad. Avviket på løn er knytt til variable lønskostnader og det settas no inn ekstraordinære tiltak innanfor området. Klinikkane vil fortsette arbeidet med å tilpasse seg riktig nivå på aktivitet for å halde dei variable lønskostnadene nede innanfor tildelte budsjettrammer. Sjølv om det ikkje er like store avvik på lønskostnadene hittil i år samanlikna med 2016 så ser vi eit jamt pådrag den enkelte månad. Det er framleis ei auke i både netto og brutto månadsverk. Det settas no i verk strakstiltak for å redusere dei variable lønskostnadene. Vi har likevel lagt inn eit avvik på lønskostnader i prognosen også for 2017. Andre driftskostnader Avviket på andre driftskostnader skuldast i hovudsak kostnader for energi og fyring i tillegg til diverse reparasjonar og vedlikehald på bygg og utstyr. Samla gir dette eit avvik mot budsjett i mars på -5,2 mill. kroner. Hittil i år er avviket på -6,6 mill. kroner. Andre driftskostnader kan i større grad styrast innanfor dei områda det ikkje er faste avtaler. Det er forventa at andre driftskostnader vil vere i balanse ved utgangen av året. Det er også viktig å merke seg at føretaket nettopp har gått over til nytt rekneskapssystem i tillegg til at det er innført mva-refusjon frå årsskiftet 2016/2017. Ekstra kontrollar er nødvendig for å sikre riktig mva-refusjon og rett postering mellom investering og drift. Alle kontoar blir no kontrollerte av rekneskapsavdelinga for å sikre at helseføretaket får den mvarefusjonen vi har krav på. Førebelse utrekningar viser eit noko høgare trekk i budsjettet knytt til mva enn kva refusjonen viser for første kvartal. Det vil vere nødvendig å analysere bilete betre innanfor dette området, men dette er ikkje forklaringa på det høge avviket i mars. Vurdering av samla prognose for rekneskapsåret 2017 Resultatet i mars månad viser eit høgt negativt avvik som gir innverknad på prognosen ved utgangen av året. Ein skal vere forsiktig å tolke ein enkelt månad som utvikling for resten av året. Vi ser likevel eit jamt kostnadspådrag innanfor enkelte klinikkar som vil vere vanskeleg å snu dei næraste månadene. Utfordringa er framleis størst innanfor dei «gamle» kirurgiske klinikkane. Organiseringa i dei to nye klinikkane har til no kravd mykje tid og forankring.

Adm. direktør forventar at fokuset på kostnadskontroll vil bli langt sterkare framover og det er sett i verk tiltak for å bremse kostnadsutviklinga. Helse Møre og Romsdal fekk i månadsskiftet februar/ mars godkjent KPP-modellen av helsedirektoratet. I desse dagar leverer vi også inn kostnadsdata for 2016 til bruk i berekningar av dei nasjonale kostnadsvektene for DRG. Føretaket tek no i bruk KPP-data internt som hjelp i nødvendige prosessar for å jamne ut variasjon i kostnadsbilete mellom dei ulike einingane. Dette arbeidet er starta opp, men det forventast ikkje å gi effektar første halvår. Utviklinga i bruk av legemiddel kan vere vanskeleg å styre, men vi ser at små pasientgrupper kan gi store utslag. Andre driftskostnader kan i større grad styrast innanfor dei områda det ikkje er faste avtaler. Ut frå ei samla vurdering og med dei tiltaka som er sett i verk må føretaket melde ei negativ årsprognose på -37,7 mill. kroner eller -75 mill. kroner korrigert for endra pensjonskostnader. Prognosen vil vere noko usikker tidleg på året, men helseføretaket har ein kostnadsutvikling innanfor einskilde område som ein må ta på alvor. Vi vil følgje utviklinga i kostnadsbilete nøye og vurdere prognosen i kvar rapportering framover. 10. Arbeid med tiltak for å nå økonomisk balanse I samband med budsjettet var det skissert tiltak for 132 mill. kroner. Likevel sto det igjen å spesifisere omstillingstiltak for omlag 35-40 mill. kroner. I tillegg kom det ein negativ endring i DRG-refusjonen knytt til H-reseptar som det ikkje var tatt høgde for. Det har i klinikkane vore jobba for å ta ned kostnadsbilete og den uløyste utfordringa i budsjettet. Resultatet etter mars månad syner at helseføretaket ikkje har lukkast med dette. Tabellen under viser økonomisk effekt av planlagte tiltak hittil i år.

Tiltak for økonomisk balanse (tall i tusen) Tiltak nr Kort Beskrivelse Økonomisk effekt - Planlagt (kr) Helårseffekt Økonomisk effekt - Planlagt (kr) 2017 Økonomisk effekt - Planlagt (kr) Hittil i år Økonomisk effekt Realisert (kr) Hittil i år 1 HT1 Økt pasientbehandling 33 495 9 343 4 563-4 780 2 HT 2 Reduserte varekostnader 16 574 4 566 981-3 586 3 HT3 Reduserte lønnskostnader 74 254 25 759 17 469-8 290 4 HT 4 Andre drifitskostnader 8 082 3 382 1 516-1 866-0 0 0 0 0 0 0 SUM 132 405-43 050 24 528-18 522 Avvik (kr) Tabellen over viser visar summen av tiltak som vart lagt inn i budsjettet for 2017. Som tabellen viser er det gjennomført tiltak tilsvarande 24,5 mill. kroner ved utgangen av mars. Dette utgjer 57 % av planlagde tiltak. Manglande tiltaksoppnåing av planlagde tiltak utgjer om lag 50 % av det negative resultatet ved utgangen av mars. I forhold til utviklinga ved utgangen av mars og manglande tiltaksrealisering ser adm. direktør det som nødvendig å sette i verk tiltak med umiddelbar og forsterka verknad både innanfor planlagde investeringar og i ordinær drift. Leiargruppa har drøfta korleis ein raskt kan bremse kostnadsveksten, og er einige om å skjerme pasientbehandlinga så langt som råd. Dei er også opptekne av å ikkje signalisere eller planlegge tiltak som tilsynelatande skal gi effekt, men som på sikt kan vere fordyrande. Tiltaksområde med økonomisk effekt i ein lenger horisont Kostnad per pasient (KPP) Leiargruppa har vedteke å bruke KPP-tal som grunnlag for benchmarking (samanlikning med andre) og for omstillingar. Tala er mellom anna knytt til personalforbruk, varekostnad og liggetid, og kan også bidra til å redusere uønska variasjon mellom sjukehusa. KPP-tal viser kvar det er potensiale for å hente ut standardiseringseffektar og økonomiske effektar, og vil vere viktig informasjon i effektiviseringsarbeidet framover. Arbeidet med analyser er starta opp men det forventast ikkje å gi effektar første halvår. Utviklingsplan Helse Møre og Romsdal er i gang med eit viktig arbeid med utviklingsplan i føretaket. Planen skal tydeleggjere korleis helseføretaket vil utvikle verksemda for å møte framtidige behov for helsetenester. Formålet er å skape pasienten sin helseteneste gjennom riktig kompetanse, nye arbeidsformer og riktig bygg og utstyr.

Ei utfordring vi står ovanfor er utviklinga innan medisin, teknologi og medikament. Det er urealistisk at Helse Møre og Romsdal kan halde fram med å gi stadig nye tilbod i tillegg til å vidareføre og utvide eksisterande pasienttilbod, utan at dette utfordrar bereevna. Derfor er det viktig at ein i utviklingsplanen får ei synleggjering av kva tenesteområde som bør prioriterast framover. Dette kan vere både innhaldsmessige og strukturelle forhold. Førebu realiseringa av SNR Helseføretaket må også intensivere arbeidet med å førebu dei tilsette ved sjukehusa i Molde og Kristiansund på å bli eitt fagmiljø fram mot realiseringa av SNR. Temaet vert derfor prioritert i eit samarbeid mellom involverte klinikkar, avdelingar, seksjonar og gjennom OUarbeidet i SNR. Kommunane i området vil bli involvert ved behov. Tiltaksområde som skal intensiverast på kortare sikt Reduksjon av lønsutgifter og prioritering av tilgjengelege ressursar til aktivitet som gir mest verdi for pasientane - Tilsettingar i alle administrative stillingar blir stoppa. Dette gjeld både klinikkar og stab, med unntak av kritiske stillingar for pasientaktivitet/inntekter. - Ledige stillingar skal godkjennast på nytt før utlysing. - Tilsetting av vikarar skal nøye vurderast. - Planlagt overtid skal vere godkjent på førehand og reduserast til eit minimum. - Innleie frå byrå skal godkjennast av klinikksjef. - Nye prosjekt skal gjennomførast av eksisterande personale. Ekstern finansiering kan vere med å redusere nødvendig reduksjon i lønsutgifter. Ytterlegare innskrenkingar i reiseverksemd - Dei fleste møta bør gjennomførast på video/lync. - Reiser med ekstern finansiering og avtalte utdanningsløp blir vidareført. Reduksjon i varekostnader - Prosjekt for reduksjon i varekostnader. St. Olavs hospital har tilbydd seg å bistå HMR med kompetanse og prosjektstøtte. - Innkjøp skal gjerast innanfor avtale, der dette føreligg. - Redusere talet på kven som kan bestille varar i føretaket. Stopp i investeringar inntil vidare - Gjeld alle investeringar med unntak av vedtekne MTU-investeringar, kritiske vedlikehaldsinvesteringar og øyremerka sysselsettingsmidlar. 11. Forankring og medverknad Administrerande direktør gjennomførte møte med tillitsvalte og verneombod på føretaksnivå fredag 28. april 2017, for å drøfte tiltakspakken over.

Alle klinikkar og stabsavdelingar skal gjennomføre møte med alle avdelingssjefar, seksjonsleiarar, tillitsvalte, verneteneste og aktuelt stabspersonell for å gjennomgå denne tiltaksplanen i første del av mai månad. Tiltaka skal då vere planlagt ned på avdelings- og spesielt seksjonsnivå, med tiltaksbeskriving, forventa effekt, ansvarleg og tid. For dei tiltaka som krev risikovurdering skal dette også gjennomførast/planleggast før iverksetting. Tiltaksplanen vert også obligatorisk tema i økonomidelen av Leiinga sin gjennomgang i månadsskifte mai/ juni 2017. For å lukkast i det langsiktige omstillingsarbeidet ser administrerande direktør med leiargruppe på seksjonsleiarane og det medisinske personellet som avgjerande i realiseringa. Det er i seksjonane pasientbehandlinga skjer og det er også her kompetanse vert utvikla, arbeidsmiljø utviklar seg, kostnader og inntekter vert skapt. Det må derfor presiserast i samband med leiaroppfølginga at ambisjonane for leiarskap i Helse Møre og Romsdal blir vektlagt: «Vi oppnår eit vellukka leiarskap i Helse Møre og Romsdal når tilsette erfarer at leiarane bryr seg om og legg til rette for at dei skal lukkast i møtet med pasienten, og når pasienten er nøgd i sitt møte med oss.» Leiarplattform for Helse Møre og Romsdal