HOVUDUTSKRIFT. År 2015, den 4. juni, hadde Fusa sokneråd møte på kyrkjekontoret, Eikelandsosen.

FUSA SOKNERÅD HOVUDUTSKRIFT År 2015, den 4. juni, hadde møte på kyrkjekontoret, Eikelandsosen. Møtet tok til kl.18.30 og var slutt kl.21.00. Innkallinga var sendt representantane og vararepresentantane den 26. mai 2015. Desse har meldt forfall til møtet: Heidi C Bergesen Anders Holmefjord Følgjande vararepr. møtte: Endre Samnøy Magnar Berge møtte frå og med sak 2015/024 Kommunal representant Steinar Skår møtte med røysterett i sakene 2015/030-034. Dessutan møtte: kyrkjeverje Harald Geir Sæther. SAKSLISTE: Saksnr.: Sak Tekst: SAK: ARKIV SKRIV/MELDINGAR S-SAKER SAK: ARKIV 2015/023 S GUDSTENESTELITURGI I FUSA - EVALUERING 362 2015/024 S GUDSTENESTEPLAN 2. HALVÅR 2015 311 2015/025 S TILTAKSPLAN M.M. 2. HALVÅR 2015 360 2015/026 S ORIENTERING OM SOMMAREN 2015 369 2015/027 S AKTUELLE SAKER 369 2015/028 V RØYSTELOKALE VED KYRKJEVALET 2015 002.31 2015/029 V OPPNEMNING AV RØYSTESTYRE 002.31 2015/030 A FRAMTIDIG KYRKJEORDNING - HØYRING 002.5 2015/031 A FUSA SOKNERÅD SIN REKNESKAP 2014 - GODKJENNING 133 2015/032 A NYTT FLOMLYSANLEGG VED HÅLANDSDAL KYRKJE 411 2015/033 A NYTT FLOMLYSANLEGG VED STRANDVIK KYRKJE 411 2015/034 A EIGEDOMSUTVALET SINE PRIORITERINGAR PÅ BYGG OG ANLEGG 2016-2019 112 2015/035 S UNGDOMSARB.STILLINGEN - VIDAREFØRING? 210 2015/036 S KONFIRMANTUNDERVISNING FRÅ SKULEÅRET 2015-2016 332

- side 2 - Det var ikkje merknader til innkalling og sakliste. Kyrkjeverja opna møte med å lese frå andaktsboka "Rasteplassen" om det å vere eit frimodig vitne. Soknepresten sine fem minutt: - Einar Ekerhovd har tatt i mot stillinga som sokneprest og byrjar den 10. august - Sokneprest Roar Strømme sluttar 30. juni - Bispedømerådet ønskjer at prestegarden på Fusa vert tatt vare på som prestebustad, men det er ikkje dei som avgjer - David Vogel er tilsett som sokneprest i Samnanger Kyrkjeverja sine fem minutt: - orienterte om status for reiskapshus og utviding av gravplassen på Baldersheim. Bygget er godkjent av Bjørgvin bispedøme, men det må søkjast om byggjeløyve. Kommunen følgjer opp arbeidet med kjøp av grunn til utviding av gravplassen - Ein driv no med og gjer klar for oppattgraving på Hålandsdal kyrkjegard. Arbeidet som pågår går bra, og det ser ut som om ein kan få gjort klar 40-50 graver når arbeidet er ferdig. - ein gjer no klar for første delbetaling av pengegåve til bygging av kyrkje i Awada i Sør- Etiopia. Det vert sendt kr.25.000,- i første omgang Soknerådet avslutta møtet med å synge salma "Den prektigkledde sommerfugl" Rett utskrift, Fusa kyrkjekontor, 5649 EIKELANDSOSEN den 5. juni 2015 Harald Geir Sæther kyrkjeverje

Sak: S GUDSTENESTELITURGI I FUSA - EVALUERING Saksnr.: 2015/023 Ark.nr. 362 vedteke endringane slik dei er tilrådd i vedlegg 2 i saka. vedteke endringane slik dei er tilrådd i vedlegg 2 i saka. Framlegget vart samrøystes vedteke. 1. Oppsummering av innspel som kom i samband med skriftleg evaluering 2. Framlegg til endringar som er tilrådd Ein er frå biskopen pålagt å ha ein gjennomgang/evaluering av gudstenesteliturgien no 2-3 år etter at den nye er innført. Soknepresten har saman med staben laga eit skjema som har vore nytta ved evalueringa. Det er kome inn om lag 20 svar. Desse har soknepresten samordna i eit svarskjema (vedlegg 1). Med bakgrunn i innspela som er kome har ein hatt gjennomgang av liturgien i stab og AU. Med bakgrunn i drøftingane har ein laga eit utkast til tilpassingar (vedlegg 2). Av det som vil visast mest som gjeld tilrådde endringar, er at vi i framtida sit noko meir under salmesongen enn det vi gjer no. Det vert vist til vedlegg 2 når det gjeld tilrådde endringar og oppfølging av dei praktiske konsekvensane. Det må søkjast biskopen om godkjenning.

Sak: S GUDSTENESTEPLAN 2. HALVÅR 2015 Saksnr.: 2015/024 Ark.nr. 311 tek gudstenesteplanen for perioden 01.09-31.12.2015 til orientering. Soknerådet vil sjå på gudstenesteplanen for 1. halvår 2016 før ein evt sender ei bekymringsmelding til biskopen om nedgangen i gudstenestetalet. tek gudstenesteplanen for perioden 01.09-31.12.2015 til orientering. Fellesframlegg til vedtak: Som framlegget, men med følgjande tillegg: Soknerådet vil sjå på gudstenesteplanen for 1. halvår 2016 før ein evt sender ei bekymringsmelding til biskopen om nedgangen i gudstenestetalet. Fellesframlegget vart samrøystes vedteke. 1. Utkast til gudstenesteplan Gudstenesteplanen for 2. halvår ligg no føre. Vedlegget syner gudstenestene i perioden 01.09-31.12.2015. Sommarplanen er klar og den kjem i kyrkjebladet medio juni. No skal gudstenestene samordnast med Samnanger, og det ser ein i vedlegget. Soknepresten har ein gjennomgang av gudstenestelista i møtet. Kyrkjeverja vil presisere at biskopen har forordna 94 gudstenester i Fusa. Med den planen som no ligg føre vil ein neppe innfri biskopen sitt krav om talet på forordna gudstenester. Soknerådet bør ha dette med seg i framtida når den nye strukturen har sett seg.

Sak: S TILTAKSPLAN M.M. 2. HALVÅR 2015 Saksnr.: 2015/025 Ark.nr. 360 tek tiltaksplanen til etterretning. tek tiltaksplanen til etterretning. Framlegget vart samrøystes vedteke. 1. Framlegg til tiltaksplan for 2. halvår 2015 Tiltaksplanen syner det meste av dei aktivitetane som skjer utanom sjølve gudstenestene som gjeld det kyrkjelydsbyggjande arbeidet i soknet. Der er særleg to faktorar kyrkjeverja vil trekkje fram: 1. Vi får ny prest, og her er det viktig at vedkomande får vere med å ta initiativ til og forme ut ein del av tankane han gjer seg for å fremje det kyrkjelydsbyggjande arbeidet. 2. Det skal vere kyrkjeval i september. Allereie no er det ganske mykje administrativt arbeid med dette. Særleg skal informasjon leggjast inn i ein valdatabase, ein skal leggje til rette for at praktiske ting er på plass med omsyn til m.a. vallokale, røystestyre, og vi skal heile vegen ut med informasjon om valet både i kyrkjeblad og lokalpresse. Seinare skal ein gjere klar til førehandsrøysting alle yrkedagar frå 10.august til 11. september. Så skal nytt sokneråd veljast, og dei som vert valde skal ha informasjon og opplæring ut over hausten. Den nye soknerådsperioden tek til å gjelde frå 1. november.

Sak: S ORIENTERING OM SOMMAREN 2015 Saksnr.: 2015/026 Ark.nr. 369 Saka vart teken til etterretning. Saka vert teken til etterretning. Saka vart tekne til etterretning. Der er mange ting som skal på plass til sommaren, og spesielt i år er det at vi ikkje har fast tilsett prest. Roar Strømme har si siste gudsteneste sundag 21. juni, og ny prest Einar Ekerhovd byrjar i august månad. Det er alltid ei utfordring å få kyrkjetenarkabalen til å gå opp pga ferieavvikling. Forutan at kyrkjetenarane strekk seg langt for å finne løysingar vil også folk frå kontoret ta evt enkeltoppgåver for å få gjennomført gudstenester og gravferder. Ved kyrkjekontoret får vi også utfordringar då sekretær Grete Tveitnes sluttar 30. juni. Hans Einar Markhus er tilsett, men vi vil likevel få ei utfordring gjennom særleg ei veke i juli månad - då har vi ikkje folk på kontoret. Det er ikkje uvanleg at vi slit med full dekking ei veke, men spesielt i år er det at vi har vikarprest frå gong til gong. Erfaringsmessig ser vi at alle prestar som kjem her som vikar har mange spørsmål som kyrkjetenar, organist og kykrjekontor må støtte opp om. Vi har også frivillige medarbeidarar som vi må ha nær dialog med for å få brikkene på plass. Meir informasjon om status vert gitt i soknerådsmøtet.

Sak: S AKTUELLE SAKER Saksnr.: 2015/027 Ark.nr. 369 1. Soknerådet oppmodar alle KU om å stille med to kaker kvar til kyrkjekaffien 21. juni 2. Tre laurdagskafear i haust. Soknerådet er positiv til eit samarbeid mellom bedehus, frivilligsentral og sokneråd. 3. Bodil Samnøy er med i "Finnmarksnemnda" med tanke på tur i 2016. Saka vert teken til etterretning. 1. Soknerådet oppmodar alle KU om å stille med to kaker kvar til kyrkjekaffien 21. juni 2. Tre laurdagskafear i haust; Soknerådet er positiv til ei samarbeid mellom bedehus, frivilligsentral og sokneråd. 3. Bodil Samnøy er med i "Finnmarksnemnda" med tanke på tur i 2016. Her kan soknerådet sine eigne representantar ta opp aktuelle saker og spørsmål. AU har to tema som ein ønskjer å orientere om. 1. Konfirmantåret 2015-2016. Ny prest Einar Ekerhovd set i gong si teneste i Fusa i august månad. Ungdomsarbeidar Hans Einar Markhus går over i ny stilling i løpet av sommaren. Der skal vere eit møte mellom ny sokneprest Einar Ekerhovd, avtroppande sokneprest Roar Strømme og ungdomsarbeidar Hans Einar Markhus før soknerådet sitt møte. Det skal også

si sak 2015-027 held fram - side 2 - Aktuelle saker vere eit møte i ungdomsutvalet før soknerådsmøte. Det vil bli gitt ei orientering i soknerådet sitt møte. 2. 21. juni 2015 - Roar Strømme si siste gudsteneste i Fusa. Roar Strømme har si siste gudsteneste som sokneprest i Fusa den 21. juni, og då i Fusa kyrkje. Informasjon frå soknerådsmøte: I sjølve møtet vart fleire tema trket fram, og det vart gjort ein uttale/vedtak på tre punkt.

Sak: V RØYSTELOKALE VED KYRKJEVLAET 2015 Saksnr.: 2015/028 Ark.nr. 002.31 1. gjer vedtak om å ha følgjande røystelokale og røystetider: Nore Fusa oppvekstsenter/skule kl.13-19 Eikelandsosen Eikelandsosen ungdomsskule kl.10-19 Fusa Fusa samfunnshus kl.13-19 Hålandsdal Holdhus oppvekstsenter/skule kl.13-19 Strandvik Strandvik oppvekstsenter/skule kl.13-19 Baldersheim Søre Fusa oppvekstsenter kl.13-19 følgjer Fusa kommune sine endelege val av røystelokale og røystetider. 2. vedtek at det skal vere førehandsrøysting følgjande stader: Fusa kyrkjekontor yrkesdagar kl.10-14. Kyrkjeverja får mynde til å oppnemne røystemottakarar til førehandsrøystinga. I tillegg skal det vere førehandsrøysting på Fusa bu- og behandlingssenter, Eikhovdaheimen og Baldersheim helsetun. 3. Det vert teke atterhald om at ein finn praktiske løysingar som gjer at ein kan gjennomføre valet slik som er tenkt gjennom dette vedtaket. 1. gjer vedtak om å ha følgjande røystelokale og røystetider: Nore Fusa oppvekstsenter/skule kl.13-19 Eikelandsosen Eikelandsosen ungdomsskule kl.10-19 Fusa Fusa samfunnshus kl.13-19 Hålandsdal Holdhus oppvekstsenter/skule kl.13-19 Strandvik Strandvik oppvekstsenter/skule kl.13-19 Baldersheim Søre Fusa oppvekstsenter kl.13-19 følgjer Fusa kommune sine endelege val av røystelokale og røystetider.

si sak 2011/028 held fram - side 2 Røystelokale og opningstider ved kyrkjevalet 2015 2. vedtek at det skal vere førehandsrøysting følgjande stader: Fusa kyrkjekontor yrkesdagar kl.10-14. Kyrkjeverja får mynde til å oppnemne røystemottakarar til førehandsrøystinga. I tillegg skal det vere førehandsrøysting på Fusa bu- og behandlingssenter, Eikhovdaheimen og Baldersheim helsetun. 3. Det vert teke atterhald om at ein finn praktiske løysingar som gjer at ein kan gjennomføre valet slik som er tenkt gjennom dette vedtaket. Framlegget vart samrøystes vedteke. Ved kyrkjevalet i 2011 hadde ein 11 røystekrinsar. Fusa kommune reduserte talet på krinsar til seks frå og med valet i 2013. Ein rår difor til at soknerådet gjennomfører val på same stad som ved kommunevalet. Det er i tråd med sentrale tilrådingar. får truleg overført om lag kr.50.000,- til gjennomføring av kyrkjevalet. Det strekk ikkje til alle dei utgiftene ein vil ha til gjennomføring av valet om alle reelle utgifter skal dekkast. Kyrkjeverja har hatt samtalar med administrativ leiing for valet i kommunen Dei vil leggje opp til at valet kan gjennomførast praktisk i same vallokala som kommunevalet, men ikkje i same rom. Det er etter same mønster som for fire år sidan. Kyrkjeverja rår til at gjennomfører vala i same krinsar som kommunevalet. Unnatak må vere der det ikkje let seg gjere av praktiske omsyn som t.d. ein ikkje skulle få eigna vallokale eller greie å skaffe røystestyre. Oppnemning av røystestyre blir fremja som eiga sak 2015/029. Når det gjeld opningstider, vil kyrkjeverja rå til at ein også har same opningstider som kommunevalet. Det må truleg på plass to røystestyre i Eikelandsosen medan det er nok med eit i dei andre valkrinsane. Det har samanheng med opningstidene, og at der er lenger opningstid i Eikelandsosen.

Sak: V OPPNEMNING AV RØYSTESTYRE 2015 Saksnr.: 2015/029 Ark.nr. 002.31 1. Valteamet får delegert mynde til å oppnemne røystestyra. Soknerådsmedlemmene vil evt. bli trekt inn i prosessen om nødvendig. 2. Medlemmene i røystestyra og andre valfunksjonærar blir godtgjort med kr.150,- pr time. Leiaren i røystestyra får kr.700,- i tillegg. Tapt arbeidsforteneste vert dekka. 1. Valteamet får delegert mynde til å oppnemne røystestyra. Soknerådsmedlemmene vil evt. bli trekt inn i prosessen om nødvendig. 2. Medlemmene i røystestyra og andre valfunksjonærar blir godtgjort med kr.150,- pr time. Leiaren i røystestyra får kr.700,- i tillegg. Tapt arbeidsforteneste vert dekka. Framlegget vart samrøystes vedteke. Det er valstyre sitt ansvar å få oppnemnt røystestyra. Det må vere eit røystestyre i kvart røystelokale. Det må vere minimum tre personar, og desse kan ikkje vere dei same som røystestyra til stortingsvalet.

si sak 2015/029 held fram - side 2 Oppnemning av røystestyre Røystestyra kan ikkje oppnemnast før røystekrinsane er bestemt. Røystestyra bør på plass før sommaren. Difor rår ein til at valteamet får i oppgåve å oppnemne røystestyra. Valteamet oppnemnde soknerådet i sitt møte i desember 2014, og det er samansett av leiar for soknerådet, leiar for valstyret (Anders Holmefjord), leiar for nominasjonskomiteen (Bodil Samnøy) og kyrkjeverja. Her kan ein samarbeide med kyrkjelydsutvala og medarbeidarkoordinatoren for å få på plass røystestyra. Medarbeidarkoordinatoren har ved dei siste vala vore den som praktisk har arbeidd med å få på plass røystestyra, noko som har fungert svært godt. Å sitje i røystestyre er ei oppgåve som alle medlemmene i Den norske kyrkja kan oppnemnast til. Ein rår til at godtgjersla vert kr.150,- pr time (kr.100,- i 2011) for alle valfunksjonærar, og at leiaren i kvart røystestyre får ei leiargodtgjersle på kr.700,- (kr.500,- i 2011). Tapt arbeidsforteneste for valfunksjonærar rår ein også til skal godtgjerast. Når det gjeld utbetaling av godtgjersle, rår ein til at røystestyra får dei utbetalt på bankkonto viss dei ikkje ønskjer at beløpet skal vere ei gåve til kyrkjelydsarbeidet (barne- og ungdomsarbeidet). Saka vert lagt fram for soknerådet til drøfting og vedtak.

Sak: A FRAMTIDIG KYRKJEORDNING - HØYRING Saksnr.: 2015/030 Ark.nr. 002.5 vedtek framlegget til høyring som ligg føre. vedtek framlegget til høyring som ligg føre. Framlegget vart samrøystes vedteke 1. Framlegg til høyringsnotat utarbeidd av Roald Samnøy og kyrkjeverje Soknerådet oppnemnde Roald Samnøy og kyrkjeverja til å lage eit utkasst til høyring frå Fusa sokneråd i temaet som gjeld framtidig kyrkjeordning. Dette er gjort, og AU har hatt det til drøfting. Framlegget vert lagt fram for soknerådet for drøfting og avgjerd.

Sak: A FUSA SOKNERÅD SIN REKNESKAP 2014 - GODKJENNING Saksnr.: 2015/031 Ark.nr. 133 godkjenner rekneskapen slik den ligg føre med merknaden frå revisjonen. Framlegg til vedtak vert ettersendt, evt. lagt fram i soknerådsmøte Framlegg frå Randi Hauge: godkjenner rekneskapen slik den ligg føre med merknaden frå revisjonen. Randi Hauge sitt framlegg vart samrøystes vedteke. 1. Årsmelding for rekneskapen 2013 2. Revisjonsrapport 2014 dat. 3. juni 2015 vart lagt fram i soknerådsmøte 3.Revisjonsberetning dat.3. juni 2015 vart lagt fram i soknerådsmøte 4.Fråsegn om årsrekneskapen dat.3 juni 2015 vart lagt fram i sopknerådsmøte 5. Rekneskapstala 2013 Innleiing: Ein fekk oversendt rekneskapsoversikt for rekneskapen 2014 den 25. mai. Denne vart oversendt revisjonen 26. mai saman med årsmeldinga for rekneskapen. Ein reknar med å få tilsendt revisjonsmeldinga før soknerådet sitt møte. Kyrkjeverja har hatt nær dialog med revisjonen den siste månaden. Det har teke lenger tid enn vanleg med rekneskapen i 2014, men ein vonar på betring i åra som kjem. Der er nye medarbeidarar ved rekneskapskontoret som er med på denne prosessen for første gong.

si sak 2015-031 held fram - side 2 - sin rekneskap 2014 - godkjenning Det vert vist til årsmeldinga i rekneskapen (vedlegg 1) som gir meir informasjon om kvifor rekneskapsresultatet er som det er. Resultat: Reelt resultat for ansvarsområda: 2014 2013 3.1 Sokneråd/Administrasjon + kr.178.000,- + kr.233.000,- 3.2 Kyrkjer - kr. 20.000,- - kr.125.000,- 3.3 Kyrkjegardar - kr. 56.000,- + kr. 97.000,- Resultat: + kr.102.000,- + kr.205.000,- Overskotet for desse ansvarsområda, stort kr.102.000,-, er sett av på "Uspesifisert disposisjonsfond". Det skal vere i tråd med sitt vedtak i sak 2014/069. Med denne avsetjinga går driftsrekneskapen i balanse. For kyrkjelydsarbeidet syner rekneskapen balanse. Evt disponering av renteinntekter i 2014 har dei seinare åra, om den samla rekneskapen har tillate det, løyvd 20% av dei frie renteinntektene til eit nødhjelpsføremål eller liknande. Soknerådet avgjer om ein vil halde fram med denne ordninga. Her kna soknerådsmedlemene kome med framlegg om eit slikt prosjekt i møtet. Alternativt tek ein det opp som eiga sak i førstkomande møte. Summen utgjer om lag kr.20.000,-. Oppsummering: Det kan vere saksutgreiinga vert forlenga når ein får revisjonsmeldinga. Det vil kome nokre merknader. Framlegg til vedtak vil bli laga når revisjonsmeldinga ligg føre. Informasjon i soknerådsmøte. Ein gjekk gjennom dokumenta frå revisjonen. Det var ein merknad i revisjonsrapporten for 2014 under punkt 2.1 om aktivering. Malearbeid av kyrkjer tilrår revisjonen for framtida vert ført i driftsrekneskapen.

Sak: A NYTT FLOMLYSANLEGG HÅLANDSDAL KYRKJE Saksnr.: 2015/032 Ark.nr. 411 løyver inntil kr.30.000,- til utskifting av fasadebelysning i Hålandsdalen kyrkje. Dekning: Vedlikehald kyrkjer. løyver inntil kr.30.000,- til utskifting av fasadebelysning i Hålandsdalen kyrkje. Dekning: Vedlikehald kyrkjer. Framlegget vart samrøystes vedteke. 1. Pristilbod flomlys Hålandsdal kyrkje Flomlysanlegget (Fasadebelysningen) av Hålandsdal kyrkje har vore i dårleg stand i mange år, og lyspærene som vert nytta er kostbar i drift. Eigedomsutvalet tilrår at dette vert bytta ut til ledlys. Forventa kostnad er kr.26.700,- inkl mva. På vedlikehaldsbudsjettet for kyrkjene i 2015 står det til saman kr.80.000,-. Kyrkjeverja rår til at ein nyttar denne budsjettposten til dekning av dette tiltaket, og gir det ei samla ramme på inntil kr.30.000,-.

Sak: A NYTT FLOMLYSANLEGG STRANDVIK KYRKJE Saksnr.: 2015/033 Ark.nr. 411 løyver inntil kr.20.000,- til utskifting av fasadebelysning i Strandvik kyrkje. Dekning: Vedlikehald kyrkjer. Viss kyrkjebudsjettet (ansvar 200) for 2015 går i minus, nyttar ein "Fond kyrkjer" til dekning av tiltaket. løyver inntil kr.20.000,- til utskifting av fasadebelysning i Strandvik kyrkje. Dekning: Vedlikehald kyrkjer. Viss kyrkjebudsjettet (ansvar 200) for 2015 går i minus, nyttar ein "Fond kyrkjer" til dekning av tiltaket. Framlegget vart samrøystes vedteke. 1. Pristilbod, sjå vedlegg 1 i sak 2015-032) Flomlysanlegget (Fasadebelysningen) ved Strandvik kyrkje er relativt nytt, men har lyspærer som er kostbar i drift. Vi nyttar flomlysa lite om vinteren, mest i advents- og juletida. I Strandvik er det ønskje om meir belysning, og det er gode argument for det då Strandvik kyrkje er eit signalbygg som er plassert midt i sentrum av bygda. Så då er det ei vurdering om ein skal investere i nytt anlegg med dei kostnadane det har. Då vil ein få noko reduserte straumutgifter, noko som og er meir miljøvennleg. Elles held vi fram som no. Kyrkjeverja rår til at vi skifter til meir miljøvennleg lysarmatur. Eigedomsutvalet drøfta spørsmålet og er samd i tilrådinga. Ein har løyvd kr.30.000,- til Hålandsdal kyrkje. Det tar ein relativt stor del av vedlikehaldsbudsjettet om noko uføresett skulle skje. Difor tilrår kyrkjeverja at ein dekker med bruk av driftsbudsjettet, men at ein nyttar "Fond kyrkjer" om kyrkjerekneskapen (ansvar 200) går i minus i 2015.

Sak: A EIGEDOMSUTVALET SINE PRIORITERINGAR PÅ BYGG OG ANLEGG 2016-2019 Saksnr.: 2015/034 Ark.nr. 112 vedtek følgjande prioriteringsplan for perioden 2016-2019: År Tiltak Kalkulert pris: 2016 Utvendig opprusting av Sævareid kapell 200.000 2016 Opprusting innvendig Sundvor kyrkje 200.000 2016 Opprusting orgel i Strandvik kyrkje 1.000.000 2016 Utviding av Baldersheim gravplass 400.000 2017-2018 Skifte av tak Fusa kyrkje 1.000.000 2019 Utvendig opprusting av Fusa kyrkje 500.000 2020 Ny foldedør i Fusa kyrkje 200.000 Ein reknar med at ein allereie har finansiert arbeidet med opprusting av orgel i Strandvik kyrkje og utviding av Baldersheim gravplass gjennom løyving i 2015 og gåver/tilskot/fond elles. vedtek følgjande prioriteringsplan for perioden 2016-2019: År Tiltak Kalkulert pris: 2016 Utvendig opprusting av Sævareid kapell 200.000 2016 Opprusting innvendig Sundvor kyrkje 200.000 2016 Opprusting orgel i Strandvik kyrkje 1.000.000 2016 Utviding av Baldersheim gravplass 400.000 2017-2018 Skifte av tak Fusa kyrkje 1.000.000,- 2019 Utvendig opprusting av Fusa kyrkje 500.000,- Ein reknar med at ein allereie har finansiert arbeidet med opprusting av orgel i Strandvik kyrkje og utviding av Baldersheim gravplass gjennom løyving i 2015 og gåver/tilskot/fond elles.

si sak 2015/034 held fram - side 2 - Eigedomsutvalet sine prioriteringar på bygg og anlegg 2016-2019 Framlegg frå Randi Hauge: Som framlegget, men m,ed følgjande tillegg: 2020 Ny foldedør Fusa kyrkje, kr.200.000,- Randi Hauge sitt framlegg vart samrøystes vedteke. 1. Referat frå eigedomsutvalet si synfaring 11. mai 2015 Kort historikk: I 2014 hadde to større investeringar: 1. Utvendig opprusting Strandvik kyrkje 2. Innkjøp av salmebøker I rekneskapen for 2014 vil soknerådet få merknad om at opprusting av Strandvik kyrkje ikkje skulle vore finansiert over investeringsrekneskapen, men skulle vore ført som eit ordinært vedlikehald (eit større vedlikehald). Dette må endrast for framtidige prosjekt. Langtidsbudsjett 2015-2018 gjorde følgjande prioriteringar i sitt møte i juni 2014 når det gjeld åra 2015-2018: INVESTERINGAR: År Tiltak Kalk.pris 2015: Opprusting Baldersheim kyrkjegard 400.000 2016: Opprusting innvendig Sundvor kyrkje 400.000 2016-2017: Utviding Hålandsdal kyrkjegard og parkering 2.000.000 2014-2015: Opprusting orgel Strandvik kyrkje 1.000.000 2016-2017: Opprusting av tårn m.m. i Hålandsdal og Strandvik kyrkje 500.000 2018-2019 Skifte av tak Fusa kyrkje 1.000.000 Status pr juni 2015 I 2015 har ein jobba med to større prosjekt: 1. Opprusting Baldersheim gravplass. Ein fekk i slutten av april godkjenning frå rådgjevar for gravplassaker til bygging av nytt redskapshus på Balderseim. Det må søkjast om godkjenning frå kommunen også. Leiar i eigedomsutvalet Asbjørn Heidal og kyrkjeverja skal følgje opp. Utviding av gravplassen vert det også arbeidd med. Leiar i eigedomsutvalet og kyrkjeverja skal følgje opp dette.

si sak 2015/034 held fram - side 3 - Eigedomsutvalet sine prioriteringar på bygg og anlegg 2016-2019 Orgel i Strandvik kyrkje Kantor og kyrkjeverja følgjer opp dette. Det vert for tida arbeidd med å legge arbeidet ut på Doffin, noko som må gjerast for oppdrag over kr.500.000,-. Økonomisk driv ein framleis og samlar inn midlar til gjennomføring av arbeidet. Meir informasjon i soknerådsmøte. Prioriteringar 2016-2019 Eigedomsutvalet drøfta prioriteringar av oppgåver i åra som kjem. Ein kom ikkje med konkrete årstal på alt. Men i framlegget ligg eigedomsutvalet sine tidlegare prioriteringar saman med nye tiltak som må gjerast i åra som kjem. Ein reknar med at Fusa kyrkje også må pussast opp att utvendig i slutten av fireårsperioden. År Tiltak Kalkulert pris: 2016 Utvendig opprusting av Sævareid kapell 200.000 2016 Opprusting innvendig Sundvor kyrkje 200.000 2016 Opprusting orgel i Strandvik kyrkje 1.000.000* 2016 Utviding av Baldersheim gravplass 400.000* 2017-2018 Skifte av tak Fusa kyrkje 1.000.000,- 2019 Utvendig opprusting av Fusa kyrkje 500.000,- Opprusting av tårn m.v.i Hålandsdal og Strandvik kyrkje har tidlegare stått på prioriteringslista, men ein tar det ut inntil vidare. * er tiltak som ein har starta opp i 2015.

Sak: A UNGDOMSARBEIDARSTILLINGEN - VIDAREFØRING Saksnr.: 2015/035 Ark.nr. 210 Det må presiserast i utlysingsteksten: Ungdom Det ligg ikkje føre framlegg til vedtak. Fellesframlegg til vedtak: Det må presiserast i utlysingsteksten: Ungdom Det må presiserast i utlysingsteksten: Ungdom 1. Utkast til stillingsannonse vart lagt fram i soknerådsmøte Ungdomsarbeidar Hans Einar Markhus går over i ny stilling i løpet av sommaren 2015. Ungdomsarbeidarstillingen på 80% er dermed ledig. Stillinga har hatt om lag følgjande arbeidsdeling - 60% ungdomsarbeidar (kyrkjelydsfinansiert) og 20% støttefunksjon til trusopplæringsarbeidet 0-13 år (statleg tilskot). Det er viktig at ein har ein prosess på korleis ein nyttar denne stillinga i framtida - før ein lyser ut. Det er no ein har høve til ein slik gjennomgang. Vil vi ha stillinga slik den har vore dei seinare åra? Eller vil vi tilpasse endringar som er kome eller som kjem? Vi må også ha i bakhand kva søkjargrunnlag vi kan få til ei slik stilling. Vi har for tida ei intern drøfting med dei tilsette, og vi vil også ha ein dialog med ny sokneprest i forkant av soknerådsmøte. Det vert lagt fram forslag til vedtak i møtet, evt utsendt i forkant av møtet. Ein vil også lage eit utkast til utlysingstekst som blir lagt fram i møtet.

Sak: S KONFIRMANTUNDERVISNING FRÅ SKULEÅRET 2015-2016 Saksnr.: 2015/036 Ark.nr. 332 tilrår at ein held fram med konfirmantundervisning på same måte i 2015-2016 som dei siste åra. Ein skal ha ein gjennomgang av eit framtidig konfirmantopplegg i soknerådet i løpet av 2. halvår 2015. Der skal ein også ta fram dei økonomiske konsekvensane ved evt endringar som måtte kome. tilrår at ein held fram med konfirmantundervisning på same måte i 2015-2016 som dei siste åra. Ein skal ha ein gjennomgang av eit framtidig konfirmantopplegg i soknerådet i løpet av 2. halvår 2015. Der skal ein også ta fram dei økonomiske konsekvensane ved evt endringar som måtte kome. Framlegget vart samrøystes vedteke 1. Skriv dat.3.juni 2015 frå einingsleiar i Fusa kommune Anne-Merete Mærli Hellebø om samarbeid mellom Fusa sokn og Fusa ungdomsskule om konfirmantundervisning. Skrivet vart lagt fram i møtet. Det er frå Fusa ungdomsskule teke initiativ til at konfirmantundervisninga skal ut frå skulen. Temaet har vore oppe til drøfting før. Bakgrunnen for at det har vore konfirmantundervisning på skulen er m.a. dei geografiske store avstandane vi har i kommunen. Lovverket gir difor høve til dette. Dei siste åra har ein hatt 8 undervisningstimar fordelt over fire bolkar a 2 timer. Så det har ikkje vore omfattande.

si sak 2015-036 held fram - side 2 - Konfirmantundervisning frå skuleåret 2015-2016 3. juni var det møte mellom einingsleiar for barnehage og skule, representant frå ungdomsskulen, sokneprest og ungdomsarbeidar for å drøfte kva ein gjer både i året som kjem og dei påfølgjande åra. Ein konkluderte med følgjande når det gjeld konfirmantarbeidet og samarbeidet med skulen: Ein kan halde fram på same måte som før komande skuleår, men ein skal ha ein gjennomgang av korleis evt samarbeid med skule skal vere frå og med skuleåret 2016/2017. Dette skal ein ta stilling til før utgangen av 2015. Dette gir noko meir omrømingstid for å drøfte kva konfirmantopplegg ein ønskjer i framtida. Ny sokneprest startar opp i august månad, og han vil då kunne vere med i prosessen. Soknerådet treng difor i denne omgang ikkje gjere noko prinsippvedtak om ein vil stå på for å ha konfirmantundervisning i skulen eller ikkje. Dette vil ein kome tilbake til 2. halvår 2015, anten i noverande sokneråd eller i nytt sokneråd. Eit anna spørsmål som må reisast er det som gjeld konfirmantavgifta. Den har vore kr.800,- i mange år, og berre leiren har hatt ein vesentleg høgare kostnad enn avgifta. Ein ser føre seg at ei omlegging av konfirmantundervisninga vil skje. Ein del stadar ser ein at det vert laga alternative opplegg for konfirmantane, og at eigenbetalinga varierer ut frå kva opplegg kvar konfirmant veljer. Det kan gjerne variere frå kr.1.500,- og opp til kr.3.000,-. Vi har ikkje henta inn oversikt frå andre sokneråd enno, men vil gjere det seinare i prosessen når ein skal sjå på framtidig konfirmantopplegg. Det kan likevel vere nyttig å få innspel frå soknerådet allereie no om ein har sterke synspunkt på det som gjeld eigenbetalinga. Ein venter på eit skriv frå einingsleiar for barnehage og skule om dette. Dette vil ein ta med til soknerådsmøte om ein får det i hende før møtet. Det vil kunne gi nye saksopplysningar som har relevans i saka, men det får ein i så fall ta opp i møtet.