HOVUDUTSKRIFT. År 2014, den 29. oktober, hadde Fusa sokneråd møte på Fusa kyrkjekontor, Eikelandsosen

Transkript

1 FUSA SOKNERÅD HOVUDUTSKRIFT År 2014, den 29. oktober, hadde møte på Fusa kyrkjekontor, Eikelandsosen Møtet tok til kl og var slutt kl Innkallinga var sendt representantane og vararepresentantane den 20. oktober Desse har meldt forfall til møtet: Randi Hauge Hans Magne Kvåle Heidi C Bergesen Følgjande vararepr. møtte: Toralv Huse Kommunal representant møtte til sakene 2014/ Dessutan møtte: kyrkjeverje Harald Geir Sæther. SAKSLISTE: Saksnr.: Sak Tekst: Arkivkode SAK: ARKIV 2014/048 S TRUSOPPLÆRINGSPLAN FOR FUSA SOKN - VIDARE OPPFØLGING /049 S KYRKJEBLADET - ANNONSAR M.M /050 S AKTUELLE SAKER /051 V KURS FOR VALSTYRE I SKRIV/MELDINGAR A-SAKER 2014/052 A STATUS BUDSJETTARBEID /053 A STATEN OG DEN NORSKE KYRKJA - HØYRING /054 A ERFARINGAR SÅ LANGT M.O.T. DELING AV PRESTERESSURSAR MELLOM FUSA OG STRANDEBARM 324 Det vart lagt fram ei sak i soknerådsmøtet: 2014/055 A GRAVMINNE U.off jfr. forv.l V-sak er valstyresak.

2 - side 2 - Utskrift frå møte 29. oktober 2014 Soknepresten sine fem minutt: orienterte om studieturen til Israel sjelesorgkurs - ti personar frå Fusa deltek ved Haraldsplass samtalesenter. Vurdere vidare oppfølging lokalt. der vert temagudstenester 2. og 16. november Kyrkjeverja sine fem minutt: orienterte om at ein har sendt skriftleg purring til kommunen når det gjeld utviding av Baldersheim og Hålandsdal gravplass. Bodil Samnøy opna soknerådsmøte med å lese stykket "Den sprukne vannkrukka" frå boka "Løpet er aldri kjørt", og ein ba saman "Fader Vår". Sokneråda avslutta møtet med "Du omgir meg på alle sider". Rett utskrift, Fusa kyrkjekontor, 5649 EIKELANDSOSEN den 30. oktober 2014 Harald Geir Sæther kyrkjeverje

3 Sak: S TRUSOPPLÆRINGSPLAN FOR FUSA SOKN - VIDARE OPPFØLGING Saksnr.: 2014/048 Ark.nr. 330 gjorde følgjande vedtak: har registrert merknadane frå biskopen i Bjørgvin. Planen har fått svært god omtale, men det må arbeidast noko meir på eit punkt - leirsamarbeid. Soknerådet delegerer til kyrkjeverja saman med kyrkjelydspedagogen å få dei siste momenta på plass. Soknerådet ber om å få saka opp att om det er ønskjeleg frå administrasjonen si side. Det er viktig at vi alle engasjerer oss slik at ein i ulike fora i tida framover motiverer for at fleire frivillige medarbeidarar engasjerer seg i trusopplæringsarbeidet. Soknerådet takkar kyrkjelydspedagogen for veldig godt utført arbeid både med trusopplæringsplanen og alle dei viktige oppgåvene og tenestene som vert utført i det daglege. har registrert merknadane frå biskopen i Bjørgvin. Planen har fått svært god omtale, men det må arbeidast noko meir på eit punkt - leirsamarbeid. Soknerådet delegerer til kyrkjeverja saman med kyrkjelydspedagogen å få dei siste momenta på plass. Soknerådet ber om å få saka opp att om det er ønskjeleg frå administrasjonen si side. Det er viktig at vi alle engasjerer oss slik at ein i ulike fora i tida framover motiverer for at fleire frivillige medarbeidarar engasjerer seg i trusopplæringsarbeidet. Soknerådet takkar kyrkjelydspedagogen for veldig godt utført arbeid både med trusopplæringsplanen og alle dei viktige oppgåvene og tenestene som vert utført i det daglege. Framlegget vart samrøystes vedteke.

4 si sak held fram - side 2 - Trusopplæringsplan for Fusa sokn - vidare oppfølging 1. Brev frå biskopen i Bjørgvin dat vedrørande planen for trusopplæring i Fusa 2. Kjerneplan for trusopplæring i Fusa (2 ark) Trusopplæringsplanen er før vedteke av. Planen har vore inne til godkjenning. Her får ein svært godt skussmål på plandokumentet, men ein må sjå ein gong til på det som gjeld leirsamarbeid med NLM - om ein får til breiddeperspektivet - og om forkynninga passar inn i den systematiske og heilskaplege planen. Den 28. oktober skal ein setje av formiddagen til møte med mentor Ørnulf Elseth. Her vil både dette og andre moment bli drøfta og samtala om. Ein vil referere til soknerådet frå dette møtet. Kyrkjeverja ser føre seg at det er mindre brikker som no må på plass, og at kyrkjeverja saman med kyrkjelydspedagog får ansvaret for dette. Arbeidet må skje i tett samarbeid med sokneprest og dei andre som er involverte. Kyrkjelydspedagogen har laga eit samandrag av planen - ein kjerneplan. Denne vert lagt fram for soknerådet til orientering. Her vil ein på to ark få oversikt over kva som er av tilbod for aldersgruppa 0-18 år - av breiddetiltak og kontinuerlege tiltak - kva teneste dei ulike borna/ungdomane skal ha, og kva tema ein skal gjennom.

5 Sak: S KYRKJEBLADET - ANNONSAR M.M. Saksnr.: 2014/049 Ark.nr. 308 gjorde følgjande vedtak: Soknerådet skaffar annonsørar til kyrkjebladet, og har fordelt oppgåvene seg i mellom Det ligg ikkje føre framlegg til vedtak. Framlegg til vedtak frå Bodil Samnøy: Soknerådet skaffar annonsørar til kyrkjebladet, og har fordelt oppgåvene seg i mellom. Bodil Samnøy sitt framlegg samrøystes vedteke. Bakgrunn: I sist soknerådsmøte gjorde vedtak om å ha som mål å utvide talet annonsaørar i kyrkjebladet frå 13 til 24, og at soknerådsmedlemmene sjølve er med og skaffar desse. Annonsane vert på kr.400,- pr blad; kr.2.400,- for eit år. Korleis det har vore fram til no Fusa kyrkjeblad kjem til vanleg ut med seks nummer i året. Tidlegare gav ein ut sju nummer kvart år. Pris for annonse har i mange år vore kr.300,- pr blad; dvs. kr.1.800,-. Då vi hadde sju nummer, vart totalkostnaden for annonsørane kr.2.100,-. Saka vart lagt fram for soknerådet i sist møte for å drøfte pris på annonsane og evt rekruttering av fleire annonsørar.

6 si sak held fram - side 2 - Kyrkjebladet - annonsar m.m. Økonomien i kyrkjebladet Dei siste tre rekneskapsåra syner alle minustal: 2011: - kr.7.000,- 2012: - kr ,- 2013: - kr ,- Vi auka summen på bladpengar i Ein vonar difor at rekneskapstala ikkje vert dårlegare i 2014 enn før. Men samstundes er det frivillig om ein vil betale eller ikkje. Men når det er sagt, er det små summar det handlar om i det heile. Styrking av økonomien Soknerådet har gjort vedtak om å styrke økonomien til kyrkjebladet. Det er viktig at ein nyttar fast giro i kyrkjebladet årleg der inntektene går til bladpengar, og at ein bevisstgjer folk på å nytte den. Den andre inntektskjelda er annonseinntekter. Soknerådet vedtok i sist møte å auke annonseprisen til kr.400,-. For seks nummer blir det kr.2.400,- pr år. Som vist til i sist møte er annonsane i Fusa kyrkjeblad rimeleg samanlikna med kyrkjeblad andre stadar i området vårt. I tillegg vedtok soknerådet å rekruttere fleire annonsørar slik at det til saman vert to sider med annonsar - og at bladet vert på 12 sider. I dag har vi 13 annonsørar. Med seks nummer i året a kr.300,- pr annonse utgjer inntektene på årsbasis kr ,- Greier vi å rekruttere til saman 24 annonsørar a kr.400,- vil inntektene utgjere kr ,-. Ved ei auke i pris kan vi også risikere å miste nokon av støttespelarane våre. Kyrkjeblad i farge eller svart/kvit Dei seinare åra har vi hatt fire sider med farge og til vanleg åtte sider i svart/kvit. Nokre gongar har det vore berre farge. Dei beste tilbakemeldingane har vore når vi har farge og gjerne masse bilete. Tilråding i saka Kyrkjeverja rår til at ein følgjer opp soknerådet sitt vedtak om å ha som mål å skaffe til saman 24 annonsørar, og at soknerådet fordeler seg i mellom kven som tar kontakt med kven.

7 Sak: S AKTUELLE SAKER Saksnr.: 2014/050 Ark.nr. 369 gjorde følgjande vedtak: Saka vart teken til etterretning. Det er ynskjeleg at dei nye salmebøkene vert nytta ved julekonsertane. Det ligg ikkje føre framlegg til vedtak. Saka vart teken til etterretning. Det er ynskjeleg at dei nye salmebøkene vert nytta ved julekonsertane. I denne saka kan alle ta opp aktuelle tema. AU drøfta i sitt møte den 16. oktober fleire emne som ein ønskjer å ta opp/nemne for soknerådet: 1. Gudstenester i kyrkjene i Fusa. Med endra ressursar vert talet på forordna gudstenester redusert. M.a. blir det ikkje gudsteneste julaftan i Sundvor eller Sævareid. Og på gudstenesteplanen for 1. halvår går gudstenesta i Fusa kyrkje 17. mai ut. Slik ser det ut pr i dag. 2. Misjonsprosjektet med bygging av ny kyrkje i Awada i Sør-Etiopia har så langt samla inn om lag kr ,-.

8 si sak held fram - side 2 - Aktuelle saker 3. Dei nye salmebøkene er komne. Det er påført "FUSA SOKN" i gullskrift. Desse vil etter kvart bli distribuert kring i kyrkjene våre, og tekne i bruk i adventstida. Ein vil prøve å markere dette når ein sett i gong. Første gong vert truleg i Strandvik kyrkje 2. sundag i advent (7. desember). Det har vore medarbeidarsamtale mellom leiar og nestleiar i soknerådet og kyrkjeverja. Nestleiar vil orientere om det i soknerådsmøte Soknepresten orienterte om at det var kome skriv frå Sævareid KU m.a. om at det er ønskje om gudsteneste julaftan.

9 Sak: V KURS FOR VALSTYRE I 2014 Saksnr.: 2014/051 Ark.nr gjorde følgjande vedtak: Randi Hauge og Bodil Samnøy følgjer opp saka. Det låg ikkje føre framlegg til saka. Framlegg frå Toralv Huse: Randi Hauge og Bodil Samnøy følgjer opp saka. Toralv Huse sitt framlegg samrøystes vedteke. 1. Orienteringsbrev om valkurset Den 18. november blir det arrangert valkurs i prostiet. Kurset vert halde i Norheimsund, og i tida kl Målgruppene er m.a.: - leiar for valstyre (valstyret = soknerådet) - leiar av soknerådet - leiar for nominasjonskomiteen - informasjonsansvarleg - administrativt støttepersonell Til vanleg har soknerådet oppnemnt dei ulike funksjonane i sitt møte i desember månad. Ein har ikkje hatt val til dei ulike funksjonane enno.

10 si sak held fram - side 2 - Kurs for valstyre i 2014 Leiar i valstyre har ikkje alltid vore same person som leiar for soknerådet. Det kan vere føremon med ei deling. Nominasjonsnemnd er ikkje vald enno, og difor har ein ikkje leiar for det. Informasjonsansvarleg for soknerådsvala dei siste gongane har vore kyrkjeverja. Kyrkjeverja vil rå til at t.d. tre personar frå soknerådet vert valde til å delta i kurset. Kyrkjeverja rekna med å delta. Det ligg ikkje føre framlegg til vedtak.

11 Sak: A STATUS BUDSJETTARBEID 2015 Saksnr.: 2014/052 Ark.nr. 112 gjorde følgjande vedtak: Saka vart teken til etterretning. Saka vert teken til etterretning. Saka vart teken til etterretning. Soknerådet har oppnemnt ei eiga budsjettgruppe - Steinar Skår, Roald Samnøy og Harald Geir Sæther. Denne gruppa kjem til å følgje budsjettprosessen. Status om arbeidet vil bli orientert om i soknerådsmøte.

12 Sak: A STATEN OG DEN NORSKE KYRKJA - HØYRING Saksnr.: 2014/053 Ark.nr. 008 gjorde følgjande vedtak: Framlegg til uttale vert vedteke, men med følgjande endringar: - øyremerking av midlar skal omtalast - omstillingsmidlar skal omtalast - felles arbeidsgivar skal omtalast. Framlegg til høyringsnotat vert vedteken. Fellesframlegg til vedtak: Framlegg til uttale vert vedteke, men med følgjande endringar: - øyremerking av midlar skal omtalast - omstillingsmidlar skal omtalast - felles arbeidsgivar skal omtalast. Fellesframlegget vart samrøystes vedteke. 1. Framlegg til uttale AU har drøfta spørsmålet om tilhøvet mellom staten og Den norske kyrkja - ut frå Kulturdepartementet sitt høyringsnotat datert 2. september Høyringsfristen er 1. november. I AU sitt møte den 16. oktober fekk kyrkjeverja i oppdrag å lage eit utkast. Soknepresten var ikkje med i møtet, og innhaldet er difor ikkje drøfta med han før soknerådsmøtet. Soknerådet får framlegg til uttale til handsaming. Endringar vil bli innarbeidd med bakgrunn i drøftingane i møtet.

13 Sak: A ERFARINGAR SÅ LANGT M.O.T. DELING AV PRESTERESSURSAR MELLOM FUSA OG STRANDEBARM Saksnr.: 2014/054 Ark.nr. 324 gjorde følgjande vedtak: Saka vart teken til etterretning, og at soknerådet blir orientert om korleis dette utviklar seg. Det ligg ikkje føre framlegg til vedtak i saka Saka vart teken til etterretning, og at soknerådet blir orientert om korleis dette utviklar seg. På sist soknerådsmøte vart spørsmålet om erfaringar m.v. så langt med deling av presteressursane mellom Fusa og Strandebarm/Kvam teke opp. Temaet var også omtala i fellesmøte mellom Strandebarm sokneråd og den 30. september d.å. AU var samd i at ein reiser spørsmålet i dette soknerådsmøtet. Soknepresten var ikkje til stades i AU sitt møte 16. oktober, og ein har difor ikkje soknepresten sine tankar rundt dette spørsmålet. Det er ein føresetnad at han er med når ein drøfter ei slik sak. I soknerådsmøte får ein vurdere om dette er aktuelt å ta opp no, eller om ein skal drøfte dette evt. seinare. Det ligg ikkje føre framlegg til vedtak i saka.