MØTEBOK Fusa sokneråd

Transkript

1

2

3 MØTEBOK Fusa sokneråd Møtedato: Sak: S GODKJENNING AV ÅRSMELDING 2016 Saksnr.: 2017/014 Ark.nr. 046 Sakshandsamar: HGS Fusa sokneråd gjorde følgjande vedtak: Årsmeldinga for 2016 vert godkjent med dei evt endringar årsmøtet gjer. Soknerådet er særs nøgd med arbeidet tilsette og frivillige gjer for kyrkjelyden i Fusa. Framlegg til vedtak: Årsmeldinga for 2016 vert godkjent med dei evt endringar årsmøtet gjer. VEDTAK I SOKNERÅDET: Som framlegget, men med følgjande tillegg: Soknerådet er særs nøgd med arbeidet tilsette og frivillige gjer for kyrkjelyden i Fusa. Trykte saksdokument: 1.Framlegg til årsmelding for 2016 Ikkje trykte saksdokument: SAKSUTGREIING: Årsmeldinga byggjer mykje på faktatal. Det er vanskeleg å få ei særleg kortare årsmelding om alle sidene ved verksemda vår skal belysast. På side 8 og 9 har ein prøvd å dra ei kort oppsummering av ein del punkt av nye tiltak i 2016 samt nokre utfordringar framover. Årsmeldinga vert lagt fram for årsmøtet 29. mars Kyrkjeverja rår soknerådet til å vedta årsmelding slik den ligg føre eller med dei endringane soknerådet gjer. Vidare tek ein omsyn til endringar som evt måtte kome på årsmøtet. Men det må presiserast at det er soknerådet som gjer vedtak om årsmelding.

4 MØTEBOK Fusa sokneråd Møtedato: Sak: S FØREBUING AV ÅRSMØTE 29. MARS Saksnr.: 2017/015 Ark.nr Sakshandsamar: HGS Fusa sokneråd gjorde følgjande vedtak: Soknerådet førebur og gjennomfører årsmøtet. Oppmøte kl Framlegg til vedtak: Det ligg ikkje føre framlegg til vedtak. VEDTAK I SOKNERÅDET: Soknerådet førebur og gjennomfører årsmøtet. Oppmøte kl Trykte saksdokument: Ikkje trykte saksdokument: SAKSUTGREIING: Dei siste åra har ein kombinert årsmøta med ei inspirasjonssamling. I fjor hadde sokneprest Einar Ekerhovd eit seminar over temaet «Kyrkjelyd i vekst». Årsmøtet i 2016 er fastsett til onsdag 29. mars kl i Eikelandsosen bedehus. Forutan årsmøtesaker vert temaet "Ambassadørar i Guds rike». Steinar Opheim blir med oss med dette temaet. Soknerådet har hatt som praksis å vere med og gjere klar lokale, ordne med servering og opprydding og vask etterpå. Soknerådet må difor ta ei drøfting om arbeidsdeling, kva vi skal servere m.v. Årsmøtet blir kunngjort i kyrkjebladet som kjem i postkassene før møtet. Det er også kunngjort i Os- og Fusaposten den 14. mars (min to veker før møtet), og er og vil bli kunngjort i kyrkjene og ved bruk av SMS.

5 MØTEBOK Fusa sokneråd Møtedato: Sak: S WALK AND RUN LAURDAG 27. MAI - STATUS Saksnr.: 2017/016 Ark.nr. 362 Sakshandsamar: HGS Fusa sokneråd gjorde følgjande vedtak: Saka vart teken til etterretning. Framlegg til vedtak: Det ligg ikkje føre tilråding i saka. VEDTAK I SOKNERÅDET: Saka vart teken til etterretning. Trykte saksdokument: 1. Referat frå møte i plangruppa 15. februar 2017 Ikkje trykte saksdokument: SAKSUTGREIING: Laurdag 27. mai kl planlegg ein arrangementet «Walk and «Run». Fusa sokneråd har sett ned ei plannemnd, og ein viser til vedlegget som syner kva ein har gjort så langt. Kort oppsummering: «Walk and Run» er merkevare for Children Burn & Wound Care Foundation» sitt arrangement der ein går eller spring for å samle inn inntekter til organisasjonen til hjelp for å operere brannskadde born. Plangruppa har laga to små distanser med utgangspunkt i tusenårsplassen i eikelandsosen ein distanse på 200 meter og ein på fem hundre meter. Det er viktig at alle skal kunne vere med, og det er ikkje konkurranse mellom deltakarane på tid. Det gjeld å skaffe inntekter til hjelp til brannskadde born.

6 Fusa sokneråd si sak held fram - side 2 «Walk and Run» laurdag 27. mai - status Viser føre oss minst to måtar å gjer det på: 1. Pris for å gå: kr. Vaksen: Min.kr.100,-. Barn: Min. kr.50,-. Familiar: Min kr.300,-. 2. Vi oppmodar alle om å skaffe sponsorar, men det er frivillig. Ta kontakt med familie og venner og høyr om dei vil støtte deg med eit beløp der inntektene går til ny klinikk for brannskadde born i Sør-Etiopia. Arbeidet framover: - Vi treng fleire med i støtteapparatet. Før soknerådsmøtet den 23. mars sender ein ut SMS til mange for å høyre om folk har høve til å hjelpe til med førebuingar til arrangementet - og/eller hjelpe til på sjølve aksjonsdagen - Vi ser at vi ikkje greier å leggje ned så masse arbeid i dette som vi vi primært har ønskje om då andre oppgåver må gjerast, men «Walk and Run» skal det bli! Viser elles til vedlegget, og det vert gitt meir informasjon i soknerådsmøte. Saka vert lagt fram utan tilråding.

7 MØTEBOK Fusa sokneråd Møtedato: Sak: S GUDSTENESTER I FRAMTIDA Saksnr.: 2017/017 Ark.nr. 312 Sakshandsamar: HGS Fusa sokneråd gjorde følgjande vedtak: Saka vart teken til orientering. Framlegg til vedtak: Det ligg ikkje føre framlegg til vedtak VEDTAK I SOKNERÅDET: Saka vart teken til orientering. Trykte saksdokument: Ikkje trykte saksdokument: SAKSUTGREIING: Talet på gudstenester i Fusa sokn har gått ned dei seinare åra pga mindre presteressursar. Samstundes opplever vi at det er ulike ønskje om korleis ein ønskjer å ha gudstenester kring i kyrkjelyden vår. Nokon ønskjer kanskje færre, andre meiner at ein bør auke talet gudstenester enkelte stadar dette for i større grad å «byggje kyrkjelyd». Der er truleg ulike synspunkt. Soknepresten orienterer meir om dette i møtet, og gjer litt tankar kring framtida og gudstenestefordeling.

8 MØTEBOK Fusa sokneråd Møtedato: Sak: S NYTT ALPHAKURS HAUSTEN 2017 OPPSUMMERING AV KURSET 2016/2017 Saksnr.: 2017/018 Ark.nr. 331 Sakshandsamar: HGS Fusa sokneråd gjorde følgjande vedtak: Fusa sokneråd støtter oppstart av nytt Alpha-kurs hausten 2017 viss ein har leiarar og deltakarar som skal til. Det vert løyvd inntil kr ,- til tiltaket, og det vert dekka over kyrkjelydsbudsjettet, ansvar 3400 Framlegg til vedtak: Fusa sokneråd støtter oppstart av nytt Alpha-kurs hausten 2017 viss ein har leiarar og deltakarar som skal til. Det vert løyvd inntil kr ,- til tiltaket, og det vert dekka over kyrkjelydsbudsjettet, ansvar VEDTAK I SOKNERÅDET: Framlegget vart samrøstes vedteke. Trykte saksdokument: Ikkje trykte saksdokument: SAKSUTGREIING: Alphakurset som starta opp i september 2016 hadde si siste samling onsdag 8. mars Då har ein hatt ti kurskveldar og ei laurdagssamling. Det har vore om lag 40 personar med, og nesten alle har fullført kurset. Ein har fått mange gode tilbakemeldingar, og allereie no har nokon signalisert vil vere med frå hausten viss nytt kurs vert gjennomført. Økonomisk reknar ein med ei nettoutgift på om lag kr ,-, men ein har ikkje nøyaktig rekneskap for det. Soknepresten orienterer meir om erfaringane frå kurset, tilbakemeldingane, og om planane framover for Alpha. AU tilrår at ein set i gong med ny kursrunde frå hausten av viss ein har leiarar og nok interesserte som gir grunnlag for å setje i gong.

9 MØTEBOK Fusa sokneråd Møtedato: Sak: S AGENDA 1 HORDALAND - ORIENTERING Saksnr.: 2017/019 Ark.nr. 369 Sakshandsamar: HGS Fusa sokneråd gjorde følgjande vedtak: Soknerådet vedtek at ein held fram med Agenda I om det er interesse for det, og at utgifter vert dekka over kyrkjelydsbudsjettet. Budsjettert kostnad er kr.5.000,- pr samling. Soknepresten orienterer vidare etter samlingane Framlegg til vedtak: Det ligg ikkje føre framlegg til vedtak. Fellesframlegg til vedtak: Soknerådet vedtek at ein held fram med Agenda I om det er interesse for det, og at utgifter vert dekka over kyrkjelydsbudsjettet. Budsjettert kostnad er kr.5.000,- pr samling. Soknepresten orienterer vidare etter samlingane. VEDTAK I SOKNERÅDET: Fellesframlegget samrøystes vedteke. Trykte saksdokument: Ikkje trykte saksdokument: SAKSUTGREIING: Fusa kyrkjelyd har vore med i Agenda 1 Hordaland på tre to dagars samlingar. Det vil seie at tredje samlinga er fredag 17. og laurdag 18. mars. Det er siste samlinga, i alle fall i denne bolken. Frå Fusa har følgjande delteke: Sigbjørn Sundfjord, Hildegunn Myrlid Eide frå soknerådet, leiande kyrkjelydspedagog Norunn Rød Markhus, sokneprest Einar Ekerhovd og kyrkjeverje Harald Geir Sæther. Det kan vere fleire vert med på den siste samlinga som skal vere. Samlingane har teke opp ulike sider med tanke på å skape vekst i kyrkjelyden. Alpha-kurs er eit av tiltaka som vart sett i gong som følgje av Agenda-arbeidet. Sokneprest Einar Ekerhovd orienterer meir om Agenda 1 Hordaland oppsummering og tankar om vegen vidare.

10 MØTEBOK Fusa sokneråd Møtedato: Sak: S STATUS FOR KYRKJEUTVAL OG FAGUTVAL Saksnr.: 2017/020 Ark.nr. 012 Sakshandsamar: HGS Fusa sokneråd gjorde følgjande vedtak: Fusa sokneråd inviterer kyrkjeutval og fagutval til eit møte 2. halvår 2017 der ein drøftar nye eller alternative samarbeidsformar mellom utval og stab. Framlegg til vedtak: Fusa sokneråd inviterer kyrkjeutval og fagutval til eit møte 2. halvår 2017 der ein drøftar nye eller alternative samarbeidsformar mellom utval og stab. VEDTAK I SOKNERÅDET: Framlegget vart samrøystes vedteke. Trykte saksdokument: Ikkje trykte saksdokument: SAKSUTGREIING: Innleiing Dei forskjellige utvala våre fungerer ulikt slik vi i staben ser det. Nokon av dei har jamleg kontakt med stab, mens andre utval har vi nesten ikkje kontakt med. Dette er ei utfordring vi må ta tak i. Bakgrunn Då dei fire sokneråda slo seg saman til eit sokn frå 1. januar 1998, vart det oppretta kyrkjelydsutval (seinare kalla kyrkjeutval) i tilknyting til kvar kyrkjekrins. Dessutan vart det oppretta fleire fagutval som hadde som ansvarsområde heile det nye soknet. Blant fagutvala kan nemnast trusopplæringsutval, diakoniutval, eigedomsutval og kyrkjeblad. Seinare er fleire utval kome til. Ein har tidlegare omtala denne omlegginga som suksess då ein i etterkant m.a. har fått styrka trusopplæring med 160% stilling, fått medarbeidarkoordinator på plass i ein mindre stilling, og oppretta frivlligsentral i tillegg til styrking også på andre område.

11 Fusa sokneråd si sak held fram - side 2 Status for kyrkjeutval og fagutval Eit av dei viktigaste momenta i den nye strukturen var at det skulle vere ein prest i kvart kyrkjeutval dette for å halde ein tett og nær dialog mellom frivillige medarbeidarar og prestane om gudstenestene Utvala skulle ha støttefunksjoner der. Ordninga med prest i utvalet fall bort etter kvart då ein vart redusert frå to til ein prestestilling. I fagutvala satt det også representantar frå stab, og det gjer det stort sett framleis. Status i dag I dag ser ein at kontakten mellom kontor og utval varierer veldig mykje. Eit par fagutval har nok ikkje hatt møte på fleire år. For kyrkjeutvala sin del har nokon tett kontakt med kontoret, mens andre har liten kontakt. Men alle kyrkjeutval har hatt møte kvart år. Vi må gjere noko her som bidrar til tettare kontakt og som kan kanskje gje meir tryggleik i sine rollar om dei har behov for det. Framover Ein forventar at vi vert ein ny og større kommune frå 2020 av. Då er det slik kyrkjeverja ser det viktig at vi har ein utvalsstruktur som fungerer. Det vil bidra til fleire oppegåande støttefunksjonar til både gudstenester og ulke andre oppgåver som ligg til soknerådet sitt ansvarsområde. Kyrkjeverja trur at vi må gå i ein tettare dialog med utvala, og kanskje bør staben fordele ein del utval seg i mellom og også at den som er frå staben i alle fall ved nokre høve kan ha ein sekretariatfunksjon. Dette er noko ein må sjå nærare på. Kyrkjeverja rår til at soknerådet inviterer utvala til eit møte på hausten der ein ser meir på dette. Samstundes vil kyrkjeverja også vise til sak 2017/023 der ein tek opp litt av den same spørsmålsstillinga. Før dette møtet vil staben diskutere tiltak i forkant der ein m.a,. kanskje ser føre seg å invitere seg til alle utvala, at staben fordeler utvala seg i mellom. Vi planlegg å drøfte dette i staben før soknerådsmøte den 23. mars.

12 MØTEBOK Fusa sokneråd Møtedato: Sak: A REKNESKAP STATUS Saksnr.: 2017/021 Ark.nr. 112 Sakshandsamar: HGS Fusa sokneråd gjorde følgjande vedtak: Rekneskapen for 2016 vert lagt fram for kort orientering i denne omgang. Ein vil presentere delar av rekneskapen på årsmøtet, og soknerådet vil i møte i mai/juni månad få den samla reviderte rekneskapen for godkjenning. Framlegg til vedtak: Rekneskapen for 2016 vert lagt fram for kort orientering i denne omgang. Ein vil presentere delar av rekneskapen på årsmøtet, og soknerådet vil i møte i mai/juni månad få den samla reviderte rekneskapen for godkjenning. VEDTAK I SOKNERÅDET: Framlegget vart samrøystes vedteke. Trykte saksdokument: Ikkje trykte saksdokument: SAKSUTGREIING: Fusa sokneråd har ei omfattande verksemd, og rekneskapen bær preg av det. Den samla rekneskapen for Fusa sokneråd si verksemd pleier å bli presentert for årsmøtet. Vidare vil den reviderte rekneskapen bli lagt fram for soknerådet i junimøtet. Slik det ser ut pr dato vil ein få ein rekneskap om lag i balanse. Det er Fusa kommune som fører rekneskapen for soknerådet. Samla rekneskap for fellesrådsområdet /sokneråd/administrasjon, kyrkjer og kyrkjegardar viser eit overforbruk på om lag kr.5.000,-. Samla rekneskap for alt kyrkjelydsarbeid syner eit underforbruk på om lag kr ,-. Kyrkjeverja vil i soknerådsmøte gje ei munnleg orientering om stoda for rekneskapen på ulike ansvarsnivå (t.d. administrasjon, kyrkjer, kyrkjegardar, kyrkjelydsarbeid m.v.).

13 Fusa sokneråd si sak held fram - side 2. Rekneskap status Ein gjer merksam på at Fusa Frivilligsentral sin rekneskap vert ført gjennom soknerådet, men den delen av rekneskapen vert handsama av styret for frivilligsentralen og årsmøtet for sentralen. Kyrkjeverja har samarbeid med dagleg leiar for frivilligsentralen slik at ein ser at det er god økonomisk styring også på det området

14 MØTEBOK Fusa sokneråd Møtedato: Sak: A FONDSOVERSIKT FUSA SOKNERÅD PR Saksnr.: 2017/022 Ark.nr. 046 Sakshandsamar: HGS Fusa sokneråd gjorde følgjande vedtak: Saka vart teken til etterretning. Framlegg til vedtak: Oversikt over fonds vert teken til etterretning. VEDTAK I SOKNERÅDET: Saka vart teken til etterretning. Trykte saksdokument: 1. Oversikt over fonds pr. 1. januar 2017 Ikkje trykte saksdokument: SAKSUTGREIING: Fusa sokneråd har ein del fonds. Her legg ein fram oversikt over det ein har på fonds pr 1. januar 2017, og ein kan også sjå endringane frå 1. januar 2016 fram til no. Saka vert lagt fram til orientering og sjølvsagt med høve til spørsmål.

15 MØTEBOK Fusa sokneråd Møtedato: Sak: A SATSING/UTVIKLING AV ORGANISASJONEN FRAMOVER Saksnr.: 2017/023 Ark.nr Sakshandsamar: HGS Fusa sokneråd gjorde følgjande vedtak: 1. Endre Tveit får tilbod om å halde fram i 50% prosjektstilling frå 1. september 2017 til 31. august Ein kjem tilbake til utforminga av prosjektet, men arbeidsområde er ungdom. Dekning av utgifter skjer over driftsbudsjettet. Viss der ikkje er dekning vert utgiftene dekka ved bruk av fond. 2. Norunn Rød Markhus får tilbod om at delar av hennar stilling vert brukt til å utvikle organisasjonen med tanke på utfordringane ein har i dag og som ein ser vil kome. Endringane tek til å gjelde frå 1. september 2017 og førebels fram til 31. august Innhaldet i dette arbeidet må ein kome tilbake til. Framlegg til vedtak: 1. Endre Tveit får tilbod om å halde fram i 50% prosjektstilling frå 1. september 2017 til 31. august Ein kjem tilbake til utforminga av prosjektet, men arbeidsområde er ungdom. Dekning av utgifter skjer over driftsbudsjettet. Viss der ikkje er dekning vert utgiftene dekka ved bruk av fond. 2. Norunn Rød Markhus får tilbod om at delar av hennar stilling vert brukt til å utvikle organisasjonen med tanke på utfordringane ein har i dag og som ein ser vil kome. Endringane tek til å gjelde frå 1. september 2017 og førebels fram til 31. august Innhaldet i dette arbeidet må ein kome tilbake til. VEDTAK I SOKNERÅDET: Framlegget vart samrøystes vedteke. Trykte saksdokument: Ikkje trykte saksdokument: SAKSUTGREIING: Fusa sokneråd si sak held fram - side 2

16 Satsing/Utvikling av organisasjonen framover Bakgrunn for saka Der er fleire grunnar til at denne saka kjem opp: - I løpet av nokre år vil Fusa truleg bli ein del av ein større kommune - Vi har ein del utfordringar med tanke på utvalsstrukturen vår, jfr sak Vi må ha ein gjennomgang av korleis og kor vi ønskjer å ha gudstenestene i Fusa i åra som kjem Det er viktig at vi dei komande åra får lagt på plass ein del strukturar og strategiar i kyrkjelydsarbeidet med tanke på at Fusa sokn går over frå å vere eit fellesråd til eit sokneråd i ein større kommune. Ein sterk identitet i kyrkjekrinsane både når det gjeld kyrkjelydsarbeid og bygg og anlegg vil vere viktig ved overgangen til ny kommunestruktur. Dette arbeidet skal ikkje kome i nokon form for konflikt med den prosessen ein må inn i som følgje av kommunesamanslåinga. Stillingar i organisasjonen - evt endringar Når det gjeld stillingar i kyrkjelyden, får vi ein del omleggingar og muligheter til evt å kunne ta tak i nokre av utfordringane våre. Innan trusopplæring har Norunn Rød Markhus arbeidd i fleire år i om lag 80% stilling. Petra Dahlstrøm er også i 80% stilling. Ho er for tida i permisjon, men reknar med å kome tilbake 1. september i om lag 80%. Vi har hatt Kjerstin Vinsjansen inne i vikariatet i om lag 20% og Endre Tveit i om lag 50%. Det har fungert godt. Medan Kjersti Vinsjansen har arbeidd med musikk har Endre hatt hovudansvar for ungdom. Deira arbeidstilhøve opphøyrer 1. september. Vi har i stab og i AU drøfta litt det som gjeld både trusopplæringsarbeidet og det å styrke enkelte område i kyrkjelydsarbeidet der ein ser det trengs utan at ein har klare konklusjonar. Men det er ønskjeleg at Endre Tveit kan halde fram i ungdomsarbeidet i 50% i t.d. ein prosjektstilling i eit år. Vi har pr i dag ikkje midlar til ein fast stilling, men har midlar på fonds om vi t.d. formar ut eit prosjekt om rammene på driftsbudsjettet ikkje held. Når Petra kjem tilbake, vil ho kunne gå inn i ein del av trusopplæringsarbeidet som Norunn har utført. Vi ser føre oss at Petra går inn i arbeidet med dei minste. Norunn vil difor kunne få frigjort tid til å arbeide ein del med ein del viktige spørsmål kring t.d. utvalsstruktur, tenkje strategiar kring gudstenester og kyrkjelydsbygging. Det er viktig at dette ikkje er noko ein gjer åleine, men i samarbeid med andre. Ein del møtepunkt vil det bli i samband med dette om ein realiserer tankane. Saka vert lagt fram for soknerådet til drøfting og med følgjande tilråding: 1. Endre Tveit får tilbod om å halde fram i 50% stilling i eit år frå 1. september 2017 til 31. august Ein må kome attende til utforming av prosjektet. 2. I samråd med Norunn Rød Markhus formar ein ut satsingsområde der ein treng å styrke verksemda vår, og dessutan område der det er behov for å tenkje strategisk for å utvikle gudstenesteformar og kyrkjelydsfremjande tenester/funksjonar med tanke på møte med framtidige forventningar. Dette må skje i samarbeid med stab, AU og sokneråd. Inntil vidare avgrensar ein dette arbeidet til eit år frå 1. september 2017 til 31. august 2018.

17 MØTEBOK Fusa sokneråd Møtedato: Sak: A FELLESDUGNAD I KYRKJENE - OPPSUMMERING Saksnr.: 2017/024 Ark.nr. 046 Sakshandsamar: HGS Fusa sokneråd gjorde følgjande vedtak: Fusa sokneråd takker alle som var med på fellesdugnaden. Dette er identitetsskapande og eit viktig bidrag for å gjere kyrkja i best mogleg stand med minimale økonomiske utgifter. Framlegg til vedtak: Fusa sokneråd takker alle som var med på fellesdugnaden. Dette er identitetsskapande og eit viktig bidrag for å gjere kyrkja i best mogleg stand med minimale økonomiske utgifter. VEDTAK I SOKNERÅDET: Framlegget vart samrøystes vedteke. Trykte saksdokument: Ikkje trykte saksdokument: SAKSUTGREIING: Oppsummering av fellesdugnaden For tredje år på rad har ein gjennomført fellesdugnad i kyrkjene i Fusa. I år var det fellesdugnad i Sundvor, Sævareid, Hålandsdalen og Fusa. Til saman var der 32 personar med på dette. Færrast i Hålandsdalen med tre personar, og flest i Fusa med 15 personar. I Strandvik vart det ikkje fellesdugnad då ein har restaureringsarbeid på gong (orgelet). Dagen før fellesdugnaden var tre personar i Strandvik på dugnad i samband med det pågåande restaureringsarbeidet der. Så dugnad har det også vore der. Kyrkjeverja har ikkje oversikt over dugnadsarbeidet som har vore alle stadar, men viser dugnadslista i Fusa kyrkje som vart gjennomført. Her kan ein sjå at det er eit flott arbeid som er gjennomført. - ny dørmatte til hovedinngangen. Klippet til rest med grønt teppe som ligg lagra i kyrkja - vaska ned bårehuset - rydda/vaska i tårnet

18 Fusa sokneråd si sak held fram - side 2 Fellesdugnad i kyrkjene - oppsummering - vaska benkane - vaska på galleriet + "glasset" i balustraden - fjerna ein del "skostriper" frå gulv og benker i kyrkjerommet - lysgloben vart reinska - 2 sju-armige kandelabre til gravferd vart reinska og vaska - tørka støv av lysekronene på veggen - vaska bordbein/stolar i salen, satte på nye knotter på fleire av dei - vaska preste- og dåpssakristi - vaska lister/karmer i kyrkjerommet - vaska vegg på toalettene I tillegg til sjølve dugnaden er det eit sosialt fellesskap som ein opplever identitetsskapande. Dugnad i kyrkjene framover Som kyrkjeverje opplever ein nokre gongar at folk kjem og spør eller tilbyr seg å ta dugnadsoppgåver. Det er kjekt å oppleve. Kyrkjeverja skal ha møte med kyrkjetenarane den 21, mars, og ei av sakene vi skal ta opp er at ein prøver å få oversikt og skrive opp ein del oppgåver som må gjerast i kyrkjene som t.d. dører som er treige, dårleg lås, listing, enkelte område som må pussast og malast og så sjå om vi får gjennomført noko arbeid på dugnad utan at vi legg opp til fellesdugnadar. Slikt flott arbeid har også vore gjennomført nokre stadar fram til no, men vi får sjå om ein kan få utvida dette i ein viss grad.

19 MØTEBOK Fusa sokneråd Møtedato: Sak: A STATUS ARBEID I KYRKJENE VÅRE Saksnr.: 2017/025 Ark.nr. 046 Sakshandsamar: HGS Fusa sokneråd gjorde følgjande vedtak: Saka vart teken til etterretning. Framlegg til vedtak: Saka vert teken til etterretning. VEDTAK I SOKNERÅDET: Saka vart teken til etterretning. Trykte saksdokument: Ikkje trykte saksdokument: SAKSUTGREIING: Status for arbeidet med større oppgåver i kyrkjene våre. 1. Orgel i Strandvik kyrkje Restaureringsarbeidet starta opp den 7. mars. Orgelet er no demontert. Delar av det vert transportert til Steendam sin fabrikk i Nederland, og restaurert der. Orgelkassa i kyrkja er no mala, og ein del av restaureringsarbeidet skal skje der før orgelet vert sett opp att i kyrkja. Målet er at arbeidet skal vere sluttført før sommaren Det er så langt kome litt tilleggsarbeid i sjølve kyrkja, men framleis vonar eina at budsjettramma vil halde. Eurokursen er ein viktig faktor i dette då vi betaler i den valutaen, og den svingar ein del.

20 Fusa sokneråd si sak held fram - side 2 Status arbeid i kyrkjene våre 2. Innvendig maling av Sundvor kyrkje Det vert no arbeidd med anbodsdokumenta. Vi venter på avklaring om malinga som er nytta på veggane i kyrkja er linoljemaling, Vi er noko usikker kor tid kyrkja vart mala, men det kan vere at den vart det allereie i 1927 då den var ny. Det er eit mål å få ut anbodsdokumenta før sommaren. Drift og vedlikehald for kyrkjene våre Allereie no har vi nytta om lag kr ,- til vedlikehald på kyrkjene våre. Dei største utlegga er som følgjande: Ringemaskinanlegg i Strandvik kyrkje kr ,- Sikring el-anlegg i kyrkjene: kr ,- Nye mikrofonar kr ,- I soknerådet sitt vedtak i møte 18. oktober 2016, sak , vedtok soknerådet å løyve inntil kr ,- til ringjemaskinanlegget, og at dekning skulle skje ved bruk av «Fond kyrkjer». Ramma på prosjektet har halde. På vedlikehaldsbudsjettet for 2017 har vi kr ,-. Ved bruk av fondsmidlar til ringemaskinanlegget har vi om lag kr ,- att på vedlikehaldsbudsjettet for 2017.

21 MØTEBOK Fusa sokneråd Møtedato: Sak: A STATUS ARBEID VED KYRKJEGARDANE VÅRE Saksnr.: 2017/026 Ark.nr. 046 Sakshandsamar: HGS Fusa sokneråd gjorde følgjande vedtak: Saka vart teken til etterretning. Framlegg til vedtak: Saka vart teken til etterretning. VEDTAK I SOKNERÅDET: Saka vart teken til etterretning. Trykte saksdokument: Ikkje trykte saksdokument: SAKSUTGREIING: Der er ein del arbeid på gong når det gjeld kyrkjegardane våre, og ein del under planlegging. Kort oppsummering på nokre av tiltaka. Baldersheim gravplass Utvidingsarbeidet pågår. I telefonsamtale med entreprenøren den 15. mars fekk ein opplyst at det er eit mål å vere ferdig til 15. mai Ein må imidlertid ta veratterhald med tanke på at det må vere rimeleg tørt når ein skal så det nye området. Gjerde kring gravplassen er delvis på plass, men ein avventar transport av tømmer før ein ferdigstiller dette arbeidet. Sævareid kyrkjegard Det er sett av midlar på budsjettet til utviding av Sævareid gravplass. Kyrkjeverja har vore i kontakt med grunneigar som er positiv til å avstå grunn til utvidinga. Vidare framdrift vert å berekne areal, gjere prøvegraving i området før vidare kjøp og planlegging. Arbeidet må halde fram i 2017.

22 Fusa sokneråd si sak held fram - side 2 Status arbeid ved kyrkjegardane våre Strandvik/Aakre Ein har hatt sak opp om parkering, tilkomst og alternative utvidingsmuligheter i framtida. Ein venter på initiativ frå Fusa kommune for vidare framdrift. På Aakre gravplass må ein truleg i år fjerne ein del gravminne som er 60 år og eldre med tanke på å frigjere areal for nye graver. Dugnadar i 2017 Ein planlegg dugnadar på fleire kyrkjegardar i Så langt er der planlagt følgjande dugnadar: Sævareid kyrkjegard: torsdag 6. april kl Sundvor kyrkje, utvendig: torsdag 6. april kl Strandvik/Aakre: laurdag 22. april kl Hålandsdal kyrkjegard: laurdag 22. april kl Fusa, begge kyrkjegardane: onsdag 3. mai kl Holdhus kyrkjegard: onsdag 3. mai kl Til vanleg gjennomfører ein årleg dugnad både på Nordtveit, Hjartnes og Baldershim, men det vert ofte teke initiativ når behovet er der. Når det gjeld dugnadsarbeid, har ein allereie hatt ein større dugnad på Strandvik kyrkjegard. Om lag ti personar deltok då dei styva dei fleste trea kring Strandvik kyrkje. Det vart eit flott resultat.

23 MØTEBOK Fusa sokneråd Møtedato: Sak: A GAMALORGELET I HÅLANDSDAL KYRKJE KVA GJER VI MED DET? Saksnr.: 2017/027 Ark.nr. 411 Sakshandsamar: HGS Fusa sokneråd gjorde følgjande vedtak: 1. Fusa sokneråd vonar at Riksantikvaren ved Kolnes finn ei løysing der orgelet kan hentast utan kostnadar. Mottakar må sørgje for transport og dekke utgiftene til det. Fusa sokneråd kan ikkje ta ansvar om orgelet av ein eller annan grunn har manglar. Frist til henting: 15. mai. 2. Viss punkt 1 ikkje kan realiserast, vedtek Fusa sokneråd at orgelbyggjar Steendam kan ta med seg orgelet når han er i Fusa i siste halvdel av mai månad Framlegg til vedtak: 1. Fusa sokneråd vonar at Riksantikvaren ved Kolnes finn ei løysing der orgelet kan hentast utan kostnadar. Mottakar må sørgje for transport og dekke utgiftene til det. Fusa sokneråd kan ikkje ta ansvar om orgelet av ein eller annan grunn har manglar. Frist til henting: 15. mai. 2. Viss punkt 1 ikkje kan realiserast, vedtek Fusa sokneråd at orgelbyggjar Steendam kan ta med seg orgelet når han er i Fusa i siste halvdel av mai månad. VEDTAK I SOKNERÅDET: Framlegget vart samrøystes vedteke. Trykte saksdokument: Ikkje trykte saksdokument: SAKSUTGREIING: Historikk: Det gamle orgelet i Hålandsdal kyrkje sto der fram til 1993/1994 då det nye orgelet kom på plass. Det vart lagra i gamle Sævareid skule fram til Då vart det flytta til ein love øvst i Hålandsdalen. Det var ønskje om å få fjerna det i år, og det er no flytta til reiskapshuset ved Fusa gamle kyrkjegard. Der kan det ikkje stå lenge då vi treng det til anna lager. lagrinsplass.

24 Fusa sokneråd si ska held fram - side 2 Gamalorgelet i Hålandsdal kyrkje kva gjer vi med det? I 2004 hadde vi synfaring med Riksantikvaren sin representant Kolnes og det vart gjort følgjande notat som vart sendt til alle: «ORGEL LAGRA PÅ GAMLE SÆVAREID SKULE GAMALORGELET I HÅLANDSDAL KYRKJE Synfaring på gamle Sævareid skule onsdag 10.mars 2004 Til stades: Kolnes, repr.for Riksantikvaren, Iman de Zwarte, kantor og Harald Geir Sæther, kyrkjeverje Det er ei stifting som no eig gamle Sævareid skule. Orgelet er lagra der. Stiftinga har bede soknerådet om å flytte orgelet då dei treng plassen sjølve. Vi tok difor kontakt med Riksantikvaren sin representant, Kolnes, for å få ei nærmare vurdering av orgelet. Soknerådet har i dag ikkje framtidig lagringsplass for det. OPPSUMMERING AV SYNFARINGA 1. Kolnes vurderer orgelet som verdigfullt, og at det ser ut som alle delane er lagra i gamleskulen. Vi presiserte at vi ikkje har lagringsplass i Fusa, og at vi ønskjer at orgelet kan kome til nytte hjå andre. For oss er det ikkje snakk om å tene pengar på orgelet; det viktigaste er om orgelet kan bli til nytte for nokon. Kolnes vil umiddelbart kunngjere at orgelet finst og at om der er kyrkjelyder el. som vil ha det er det berre å kome! 2. Eg presiserte at soknerådet skal drøfte dette i møtet onsdag 17.mars. Vi må arbeide for å finne ei mogleg mellombels plassering. Vi var samde om at det må vere eit mål å finne ei permanent ordning for orgelet i løpet av 2 år. 3. Kyrkjeverja tek kontakt med Fusa kommune for å høyre om dei skulle ha lagerplass, evt. nokon stad der orgelet kan setjast opp. 4. Kolnes ber om at Fusa sokneråd tek kontakt med han om noko drastisk vert bestemt, t.d. om ein ser føre seg å kaste det, selje/gje det til private el /hgs. «

25 Fusa sokneråd si ska held fram - side 3 Gamalorgelet i Hålandsdal kyrkje kva gjer vi med det? Vi veit ikkje om det vart kunngjort noko i 2004, men det har i alle fall ikkje vore teke kontakt med oss frå deira side sidan den gong. Situasjonen i dag Vi er no i den situasjonen at orgelet måtte fjernast frå tidlegare lagringsplass og til nytt lager. Vi har ikkje plass nokon stad til å ha det. Orgelbyggjar Steendam har signalisert at han kan vere interesseert i å ha orgelet. Vi opplever det som positivt. Men vi synest det var rett å ta kontakt med Kolnes att for å orientere han om det, jfr notatet over. Her er ein del av korrespondansen vi har hatt i det siste i samband med saka. «20. feb kl skrev Stein Johannes Kolnes <sjkolnes@organum.no>: Hei! Da har eg fått sett etter i arkivet mitt. Det inneheld litt korrespondanse frå 1991 og Ved sida av rapporten eg laga og vurderingane mine i saka, dreier det seg om Riksantikvarens brev av 15. februar 1991, der ein primært tilrår bevaring og restaurering, men likevel tillet utskifting. Vidare står dette: "Dersom flytting eller lagring vert aktuelt, må ein syte for at demonteringa vert utført av fagmann og at alle delar vert pakka forsvarleg. Deretter hadde eg ein telefonsamtale med soknerådsleiar Margit Gjøn 13. februar 1992, der ho fortel at det er gjort vedtak om kjøp av nytt orgel og spør om det er noen etterspørsel etter slike gamle orgel. Ei fagmessig demontering og lagring vil koste pengar, meiner ho, og det har kyrkjelyden lite av. Til det har eg mellom anna svara at eg gjerne skal hjelpe til å finne kjøpar, men at kyrkjelyden må vere klar over at det bør forbli i kyrkjeleg bruk, dersom det skal seljast. Det dukka straks opp ein forespørsel som førte til ei viss brevveksling, men dessverre viste det seg at orglet var litt for djupt for galleriet i denne kyrkja. Eg rådde difor til at soknerådet sjølv måtte vere aktivt i nærområdet. Tryggast var det likevel kanhende å arbeide for ei lagring under forsvarlege forhold, ettersom ein ikkje burde overvurdere sjansane for å få ordne saka innan den fristen som var til rådvelde. Dersom eg skulle få noe nytt å foreslå, lova eg å melde frå. Deretter har et ingenting på saka før referatet ditt frå synfaringa 10. mars Kva eg konkret sa på møtet i 2004, minnest eg naturlegvis ikkje i dag, men det har nok ikkje vore noe meir enn det eg hadde lova i brevs form tidlegare. Orglet frå Hålandsdal inngår mellom ein del instrument som ligg lagra i påvente av ein oppstillingsstad. Normalt tar dette tid, men gjennom åra har ei rekke eldre instrument blitt henta fram frå lager og blitt restaurerte og monterte. For andre er oppstilling under

26 Fusa sokneråd si ska held fram - side 4 Gamalorgelet i Hålandsdal kyrkje kva gjer vi med det? planlegging etter mange års mellomlagring. Noen gonger har eg vore involvert, andre gonger har det heile gått føre seg på lokalt initiativ. Eg følgjer likevel aktivt med på orgelaktiviteten i landet og er klar til å spele inn forslag når eit passande høve dukkar opp, slik eg lova soknerådet i brev 7. mars Bortsett frå det eine tilfellet som ikkje førte fram, har det så langt ikkje gjort det i denne saka. Noe nasjonalt og effektivt annonseorgan eksisterer elles ikkje, og forsøk på annonsering er ikkje verd kostnaden. Spørsmålet er da framleis kva biskopen avgjorde i 1991 og kva lovverket elles bestemmer. Biskopens avgjerd dannar bakgrunnen for utskiftingsvedtaket. Vennleg helsing Stein Johannes Kolnes «Med bakgrunn i dette har kyrkjeverja teke kontakt med Bjørgvin bispedøme for å hente ut informasjon om saka, men dei har ikkje dokumenta tilbake til 1991 lenger. Dei er avlevert til statsarkivet. Kyrkjeverja har teke kontakt med Statsarkivet, og vi høyrde også om 1. halvår 1992 for å vere sikker. Her er svaret frå Statsarkivet: «-----Opprinnelig melding----- Fra: post@arkivverket.no [mailto:post@arkivverket.no] Sendt: 22. mars :54 Til: Harald Geir Sæther Emne: Historie - Rapport skrevet av biskopen i Bjørgvin 1991 Syner til e-post. Vi har no sett over brevjournal og kopibok i arkivet etter Biskopen i Bjørgvin for heile 1991 i tillegg til fyrste halvår 1992, utan å finne nokon rapport vedrørande orgelet i Hålandsdal kyrkje. Vi finn heller ingen utgåande brev til Hålandsdal sokneråd/fusa kyrkjelege fellesråd. Venleg helsing Knut Olav Holvik rådgivar Arkivverket Statsarkivet i Bergen «

27 Fusa sokneråd si ska held fram - side 5 Gamalorgelet i Hålandsdal kyrkje kva gjer vi med det? Parallelt med dette har Kolnes fått interesserte til orgelet, men det er nødvendig å ta diverse mål. Her ventar dei på svar. Kyrkjeverja opplever det som positivt om ein finn interesserte no. Nokre sitat frå kommunikasjonen med Kolnes: «Fra: Stein Johannes Kolnes [mailto:sjkolnes@organum.no] Sendt: 22. februar :38 Til: Harald Geir Sæther Emne: Re: ORGEL FRÅ HÅLANDSDALEN Hei igjen. Pussig nok dukka det opp eit mogleg alternativ akkurat nå. Den lokale organisten sjekkar opp måla i kyrkja. Måla på orglet har eg. Du skal høyre frå meg! Vennleg helsing Stein Johannes Kolnes 9. mars 2017 kl skrev Harald Geir Sæther <Harald.Geir.Saether@fusa.kommune.no>: Hei igjen. Eg håpar det går på fram med det spennande alternativet som no vert vurdert. Saka kjem opp hos oss i soknerådet i løpet av kort tid. Eg skal skrive alle sakene i dag, i morgon og på måndag. Fint om eg kan bli orientert om der er noko nytt. Mvh Harald Geir Sæther kyrkjeverje Fra: Stein Johannes Kolnes [mailto:sjkolnes@organum.no] Sendt: 10. mars :52 Til: Harald Geir Sæther Emne: Re: ORGEL FRÅ HÅLANDSDALEN Hei! Den aktuelle organisten har vore på ferie i Syden. Han fekk ikkje målt opp plassen før han drog, men tar det når han kjem heim. Det burde vere kva dag som helst. Vennleg helsing Stein Johannes Kolnes

28 Fusa sokneråd si ska held fram - side 6 Gamalorgelet i Hålandsdal kyrkje kva gjer vi med det? 15. mars 2017 kl skrev Harald Geir Sæther <Harald.Geir.Saether@fusa.kommune.no>: Hei igjen. No er alle sakene klar for utsending til soknerådsmøtet vårt, og eg må skrive saka som gjeld gamalorgelet i Hålandsdalen kyrkje. Det kan ettersendast i slutten av veka. Så eg håpar på ei tilbakemelding slik at ein er kjent med alle dei faktiske forholda. Og det vil bli godt motteke om du finn andre interesserte enn den vi no har. Mvh Harald Geir Sæther Kyrkjeverje i Fusa 15. mars 2017 kl skrev Stein Johannes Kolnes <sjkolnes@organum.no>: Hei! Eg kom sjølv heim frå ferie i går kveld, men har nå sendt ei purring til organisten for å få måla. Det blir uansett nødvendig å finne ut kva biskopen har gjort for vedtak i orgelsaka i Hålandsdal. Om brevet frå biskopen ikkje lenger lar seg finne lokalt, bør det finnast på bispekontoret. Vennleg helsing Stein Johannes Kolnes Fra: Stein Johannes Kolnes [mailto:sjkolnes@organum.no] Sendt: 17. mars :14 Til: Harald Geir Sæther Kopi: roaldsa@gmail.com Emne: Re: ORGEL FRÅ HÅLANDSDALEN God morgon! Spørsmålet om overflytting av orglet er nå til vurdering lokalt. Det er framleis noen mål som manglar, og det må noe kontrollmåling til. Vennleg helsing Stein Johannes Kolnes Den 17. mars 2017 kl. 08:29 skrev "Harald Geir Sæther" <Harald.Geir.Saether@fusa.kommune.no>: Takk for tilbakemelding. Det ville vore kjekt om dette går. Mvh Harald Geir Sæther kyrkjeverje

29 Fusa sokneråd si ska held fram - side 7 Gamalorgelet i Hålandsdal kyrkje kva gjer vi med det? Ja, det ville vore bra å få ei løysing. Ha ei god helg! Stein J Sendt fra min iphone «Vidare framdrift Det er meir enn 20 år sidan orgelet vart fjerna frå Hålandsdal kyrkje. Fusa sokneråd har teke initiativ ovanfor RA v./kolnes i 2004 att, men vi har ikkje høyrt noko. Orgelet ligg framleis dårleg lagra. Vi har no gjort slik Kolnes har bede oss om å sjekke ut med biskopen i Bjørgvin. Det ligg ikkje føre informasjon frå dei for det aktuelle tidsrommet som ein er bede om å undersøkje (1991). Vi har også teke eit halvt år lenger i tid for å sjå om ein kunne finne noko. Kyrkjeverja vonar no at Kolnes finn nokon som har interesse av å ha orgelet. Det ville vore veldig flott! Viss det ikkje skjer, vil kyrkjeverja rå til at Steendam får med seg orgelet i mai månad, når han er i Fusa og om han framleis ønskjer det.. Kolnes meiner at orgelet har ein verdi og er interessant. Andre vi har vore i kontakt ser ikkje same verdien i dette orgelet. Og har dette orgelet ein stor verdi, kan ikkje kyrkjeverja seie anna enn: «Vær så god fint om det kan setjast opp og brukast andre stadar»! Det ville vore gledeleg. Men etter meir enn 20 år på dårleg lager og utan etterspurnad må vi kunne få levere dette orgelet frå oss og det må vere positivt om delar av det kan nyttast i ein større samanheng. Viss soknerådet ser det som vanskeleg å få tatt stilling i saka pga at den vert lagt fram så kort tid i forkant av møtet, så vil ein rå til at soknerådet delegerer til AU å ta stilling til dette. Alternativt kan vere eit nytt soknerådsmøte.

30 MØTEBOK Fusa sokneråd Møtedato: Sak: S SUPPLERINGSVAL SÆVAREID KU Saksnr.: 2017/028 Ark.nr Sakshandsamar: HGS Fusa sokneråd gjorde følgjande vedtak: Randi Irene Hovden vert vald som nytt medlem i Sævareid KU for perioden Framlegg til vedtak: Randi Irene Hovden vert vald som nytt medlem i Sævareid KU for perioden VEDTAK I SOKNERÅDET: Framlegget vart samrøystes vedteke. Trykte saksdokument: Ikkje trykte saksdokument: SAKSUTGREIING: Sævareid kyrkjeutval kjem med framlegg på ny kandidat til utvalet. Andrea Litwinenko går ut av utvalet. Dei har spurd Randi Irene Hovden om å vere med, og ho har sagt seg villig til det. Ein rår til at ho vert oppnemnd som nytt medlem i Sævareid KU.