HORDALAND FYLKESKOMMUNE Samferdselsavdelinga Arkivsak 201202536-1 Arkivnr. 146 Saksh. Grude, Nils Egil Saksgang Samferdselsutvalet Fylkesutvalet Møtedato 23.04.2012 25.04.2012-26.04.2012 SØKNADER FRÅ HORDALAND FYLKESKOMMUNE OM STATLEGE TILSKOTSMIDLAR FOR 2013 FOR AUKA TILGJENGE TIL KOLLEKTIVTRANSPORTEN SAMANDRAG Hordaland fylkeskommune søkjer om tilskot til tiltak / prosjekt innan den statlege ordninga for tilskot for auka tilgjenge til kollektivtransporten. Fylkesrådmannen tilrår slik prioritering av søknader om tilskot for 2013: 6. Informasjonskampanje for å vise universelle utformingstiltak i reisekjedene i Bergensområdet Fylkesrådmannen tilrår at eigenandelen for dei tiltaka /prosjekta som Hordaland fylkeskommune får eventuelle tilskot til vert dekt over fylkesvegbudsjettet. Hordaland fylkeskommune er invitert til å kome med merknader og kommentarar til kommunane sine søknader for 2013 til Statens vegvesen innan 25.06.2012. Fylkesrådmannen viser til at søknaden frå Bergen kommune om opprusting av snarvegar fram til 4 av bybanestoppa, og søknaden frå Askøy kommune om opprusting av 8 busshaldeplassar på kommunale vegar er gode søknader. Søknadane følgjer opp tidlegare universelle utformingstiltak som desse kommunane tidlegare har fått statleg tilskot til.
FORSLAG TIL INNSTILLING 1. Fylkesutvalet i Hordaland søkjer om tilskot frå den statlege ordninga for auka tilgjengetiltak til kollektivtransporten til følgjande tiltak / prosjekt i prioritert rekkjefølgje: 6. Informasjonskampanje for å vise universelle utformingstiltak i reisekjedene i Bergensområdet 2. Fylkesutvalet vedtek at eigenandelen for dei av tiltaka / prosjekta som Hordaland fylkeskommune får eventuelle tilskot til vert dekt over fylkesvegbudsjettet. 3. Fylkesutvalet vurderar søknadane om tilskot frå kommunane Bergen og Askøy som gode søknader og tilrår at søknadane vert tildelt tilskot frå den statlege tilskotsordninga for auka tilgjenge til kollektivtransporten. Paul M. Nilsen - fylkesrådmann Anne Iren Fagerbakke - samferdselssjef - Vedlegg: Brev av 12.01.2012 frå Statens vegvesen 2
FYLKESRÅDMANNEN, 15.03.2012: Bakgrunn for saka I brev av 12.01.2012 frå Statens vegvesen, registrert inn 23.01.2012, vert Hordaland fylkeskommune invitert til å søkje om statleg tilskot for tilgjengetiltak for kollektivtransporten (sjå vedlegg). Fristen for søknad er 1. mars. Fylkeskommunen vert og invitert til å kome med merknader og kommentarar innan 25.06.2012 til søknadar frå andre kommunar om tilsvarande tilskot. Som det framgår av brevet frå Statens vegvesen er fristen for søknader for 2013 yttarlegare sett fram i år på grunn av at ein vil sikre seg naudsynt medverknad frå offentlege aktørar, og at tiltak som får tildelt tilskot kan gjennomførast i 2013. Politisk handsaming av søknadane frå Hordaland fylkeskommune Med bakgrunn i søknadsfristen og møtekalenderen for samferdselsutvalet og fylkesutvalet har Statens vegvesen opna for at sjølve søknadane administrativt kunne sendast inn kring søknadsfristen med etterfølgjande politisk handsaming så snart råd er. Så snart den administrative tilrådinga ligg føre vert den oversendt til Statens vegvesen. Søknadane frå Hordaland fylkeskommune vert lagt fram for samferdselsutvalet 23.04.2012, og endeleg vedtak i fylkesutvalet 25.-26.04.2012 vert oversendt Statens vegvesen. Vilkår for søknader for 2013 Som tidlegare år er det krav om ein lokal eigenandel på minst 25 %. Statens vegvesen viser til at det vil bli gitt prioritering til: Prosjekt / tiltak på trafikktunge strekningar, i knutepunkt og ved sentrale målpunkt Prosjekt / tiltak som byggjer opp under statleg satsing Tiltak på heile reisestrekningar, uavhengig av eigar av infrastrukturen / forvaltningsnivå Tiltak som er realistisk å gjennomføre i tildelingsåret Statens vegvesen viser til at brukarmedverknad skal ivaretakast i samarbeid og dialog med det fylkeskommunale rådet for mennesker med nedsett funksjonsevne og/eller dei funksjonshemma sine organisasjonar. Tildeling av midlar for 2012 Hordaland fylkeskommune søkte om tilskot til følgjande universelle utformingsprosjekt for 2012 i slik prioritert rekkjefølgje (jmfr. fylkesutvalsak 116/11): 1. Vidareutvikling av informasjonen og skilting i Bergen sentrum - Søknad 3 mill. kr 2. Opprusting av Storavatn terminal - Søknad 6,250 mill. kr 3. Opprusting av 20 av dei sentrale haldeplassane i Bergensområdet - Søknad 6 mill. kr 4. Prosjektering av bussterminalfunksjonar ved Voss Trafikknutepunkt - Søknad 7,5 mill. kr 5. Opprusting av 32 ferjekaier til universell utforming - Søknad 9 mill. kr Hordaland fylkeskommune fekk for 2012 kr 2.100.000 i tilskot til vidareutvikling av informasjon og skilting (prioritet 1). Søknader om tilskot for 2013 frå Hordaland fylkeskommune Opprusting av dei 20 mest sentrale bussholdeplassane i Bergensområdet For 2012 vart det søkt om midlar til opprusting av dei 20 tyngste haldeplassane i Bergensområdet. Det vart også søkt om tilskott til dette prosjektet for 2011 utan at ein rakk opp. Fylkesrådmannen tilrår at det på nytt vert søkt om midlar til dette prosjektet. Kostnadane ved opprusting av 20 større haldeplassar er berekna til ca. 8 mill. kr og det vert difor søkt om eit tilskott på 6 mill. kr. 3
Opprusting av fylkeskommunale ferjekaier til universell utforming Som det framgår ovanfor vart det for 2012 søkt om midlar til opprusting av ferjekaiene til universell utforming. Dette søkte ein og om for 2011. Fylkesrådmannen tilrår at ein i staden for å søkje om tilskot til opprusting av ferjekaiene søkjer om tilskot til kartlegging og prosjektering av dei fylkeskommunale ferjekaiene med omsyn på universell utforming. I møte med brukarorganisasjonane vert det vist til at dei har kartlagt mange av dei viktige ferjekaiene i fylket allereie, og at dei gjerne vil ta del i det vidare kartleggingsarbeidet. Når det gjeld kva tiltak som må gjerast på dei einskilde kaiene vil ein nytte konsulenthjelp til dette arbeidet. Det er berekna at kostnadane ved kartlegging og prosjektering vil ligge på rundt kr. 750.000. Det vert difor søkt om eit tilskott på kr. 560.000. Opprusting av snøggbåtkaia på Flesland Snøggbåtkaia på Flesland som no er overtatt av fylkeskommunen treng opprusting både med omsyn på ventefasilitetar og universell utforming. Arbeidet med ventefasilitetane vil starte opp hausten 2012, og det vert søkt om tilskott til å gjere tilgangen til kaia, kaia og tilgang frå kai til snøggbåtane universell. Arbeidet med universell utforming kan starte opp våren 2013. Kostnade ved dette prosjektet er berekna til kr. 600.000 og det vert søkt om eit tilskot på kr. 450.000. Informasjon på terminalar og knutepunkt Hordaland fylkeskommune ved Skyss fekk som nemt ovanfor tilskot til vidareutvikling av informasjon og skilting på haldeplassar og knutepunkt for 2012. Skyss vil utvide dette prosjektet til andre terminalar og knutepunkt, og samstundes innføre digital skjerminformasjon / skilting. Det vert no arbeidd med denne digitale informasjonen som m.a. skal innførast på Bystasjonen og Lagunen på slutten av 2012. Kostnaden ved tiltaket er berekna til 2 mill. kr og det vert søkt om 1.5 mill kr i tilskot. Digital informasjon på mobil og web Det er eit pågåande stort arbeid med sanntidsinformasjon i Skyss. For å kunne oppnå at alle brukargrupper kan nyttiggjere seg av dette sanntidsinformasjonssystemet vert det arbeidd med løysingar på mobil og web. Det er berekna ein kostnad på rundt 2 mill. kr for å få dette prosjektet på plass, og det vert difor søkt om 1,5 mill. kr i tilskot. Implementering av nye salskanalar for Skyssprodukt Målet med dette prosjektet er å medverke til å auke talet på reisande med kollektivsystemet i fylket ved å gjere tilbodet lettare å bruke. Det vert i dette prosjektet sett på korleis ein kan forbetre allereie eksisterande salskanalar med omsyn på universell utforming, men og nye kanalar som kommisjonærar, web og mobil. Det vert lagt til grunn ei kostnadsramme på 6 mill. kr og ein søknad om 4 mill. i tilskott. Informasjonskampanje for å vise universelle utformingstiltak i reisekjedene Bergensområdet Skyss vil gjennomføre ein informasjonskampanje i slutten av 2013 som viser kva som er gjort av universelle utformingstiltak når det gjeld informasjon før og under reise, tilgjenge til og frå haldeplass, haldplass/stasjon/terminal, billetteringssystemet og på køyretøyet. Kostnadsramma for prosjektet er berekna til kr. 900.000 og det vert søkt om kr. 675.000 i tilskot. Søknader frå kommunar i Hordaland Søknad frå Bergen kommune I samband med utbygginga av Bybanen vart det gjennført ei kartlegging av snarvegar til bybanestoppa. Ut frå dette arbeidet er det framkome nokre viktige snarvegar med godt potensiale for oppgradering til universell utforming. Desse snarvegane vil auke tilgjenge og minske avstand til dei 4
aktuelle bybanestoppa. Kostnaden ved planlegging og opparbeiding av dei fire snarvegane er berekna til 2,45 mill. kr. Bergen kommune søkjer om å få dekt inn 75 % av kostnadane frå tilskotsordninga. Søknad frå Askøy kommune Askøy kommune har 55 busshaldeplassar på kommunale vegar. For 2012 fekk kommunen kr. 510.00 i tilskot til opprusting av 9 haldeplassar til universell utforming på strekningen Krokåsfeltet-Øvre Kleppe. For 2013 søkjer Askøy kommune om kr. 400.000 i tilskot til oppgradering av 8 haldeplassar på strekningen Ravananger via Tveit Kollevåg til Svartevatnet. I brevet frå Statens vegvesen med invitasjon til å søkje om tilskott vert det vist til at fylkeskommunen innan 25. juni kan kome med merknader og kommentarar til søknadane. Fylkesrådmannen sine merknader til søknadane frå kommunane Bergen og Askøy Fylkesrådmannen er av den meining at prosjekta som kommunane Bergen og Askøy har søkt om tilskot til er gode prosjekt. For Askøy kommune si side gjeld søknaden ei vidareføring av tiltak som vart vurdert som eit godt prosjekt ved tildeling av tilskott for 2012. Bergen kommune har tidlegare fått tilskot til universelle utformingstiltak når det gjeld å ta seg fram til større busshaldeplassar. Søknaden for 2013 vil gjere det lettare, og kortare for bybanereisande å ta seg fram til 4 ulike haldeplassar. Eg meiner dette er ein god søknad som bør få midlar fra den statlege tilskotsordninga. Brukarmedverknad Samferdselsavdelinga har hatt møte med leiarane av Rådet for mennesker med nedsett funksjonsevne (RMNF), Funksjonshemmendes Fellesorganisasjon (FFO-Hordaland) og SAFO-Vest / Norges Handikapforbund Sørvest der ein gjekk gjennom søknadane. I ettertid er det kome tilbakemelding frå FFO der dei ikkje set opp ei prioritering, men viser til at søknaden frå Skyss om Informasjon på terminalar og knutepunkt / digital skjerminformasjon / skilting ikkje har tatt med lydinformasjon. Dersom informasjonen berre blir gitt med tekst kan ein ikkje sei at det er universelt utforma. RMNF er nøgd med at opprusting av snøggbåtkaia på Flesland blir høgt prioritert, og at ein fokuserar på ferjekaiene. Fylkesrådmannen si tilråding til prioritering av søknadane frå Hordaland fylkeskommune og finansiering av eigenandeler Fylkesrådmannen tilrår følgjane prioritering av søknadane frå Hordaland fylkeskommune: 6. Informasjonskampanje for å vise universelle utformingstiltak i reisekjedene i Bergensområdet Fylkesrådmannen tilrår at eigenandelen for dei tiltaka /prosjekta som Hordaland fylkeskommune får eventuelle tilskot til vert dekt over fylkesvegbudsjettet. 5