saksframlegg Dato: Referanse: Vår saksbehandlar: 23.02.2016 10144/2016 Heidi Nerland Saksnr Utval Møtedato Samferdselsutvalet 02.03.2016 Plan- og byggeprogram 2016-2017 Bakgrunn Samferdselsutvalet skal kvart år vedta plan- og byggeprogram for fylkesvegar. Plan- og byggeprogrammet er basert på gjeldande økonomiplan og gir oversikt over dei prosjekta Statens vegvesen skal planlegge og/eller bygge på vegne av Møre og Romsdal fylkeskommune i 2016 og 2017. Forslag til plan- og byggeprogram er vedlagt saka. Om plan- og byggeprogrammet Plan- og byggeprogrammet er delt inn i dei same kategoriane som investeringsprogrammet: «Store prosjekt» (Nordøyvegen og andre fjordkryssingsprosjekt), «Bypakkar», programområdet «Mindre utbetringar» (vidare inndelt i ferjekaier, bruer, tunnelar og andre investeringar) og programområda «Gang- og sykkelvegar», «Trafikktryggingstiltak», «Miljø- og servicetiltak», «Kollektivtiltak», «Planlegging» og «Grunnerverv». Forventa framdrift i prosjekta er vist med fargekodar for ulike stadium kor raudt=utredning/forprosjekt, oransje=kommuneldelplan, gul=reguleringsplan, grøn=byggeplan/grunnerverv og lilla=bygging. Avvik samanlikna med føresetnader i gjeldande økonomiplan går fram av kolonnen «Avvik til disp/forbruk 2016» i tabellen. Mindreforbruk kommentert med svart tekst i merknadsfeltet. Meirforbruk er kommentert med raud tekst. Mindreforbruk som er uavklarte til prosjekta er avslutta er kommentert med blå tekst. Sett under eitt er det forventa eit mindreforbruk på 68 mill. kroner i 2016. Avviket mellom disponibelt beløp og prognose fordeler seg slik: Mindreforbruk Nordøyvegen/Røyr- Hellesylt (framdrift) Andre periodiseringsavvik, programområdetiltak Varige mindre forbruk Uavklarte mindreforbruk til prosjekta er avslutta Ikkje finansierte/varige meirforbruk, inkl. Hareid fk. og Godøytunnelen Samla avvik mellom disponibelt beløp og prognose 38 mill.kroner 53 mill. kroner 4 mill. kroner 18 mill. kroner -46 mill. kroner 67 mill. kroner Mindreforbruk er altså for ein stor del periodiseringsavvik knytt til framdrift i prosjekta. Meirforbruk er for ein stor del knytt til ikkje finansierte tiltak som Hareid ferjekai og Godøytunnelen.
Vesentlege avvik vert kommentert nærare i framlegget. Store prosjekt Nordøyvegen (Haram og Sandøy): Fylkestinget skal behandle endelege godkjenning av investering av prosjektet i juni. I tillegg er tunnelane i prosjektet meldt inn til sikkerheitsgodkjenning i samsvar med tunnelsikkerheitsforskrifta. Når dette og lokal politisk godkjenning er på plass, kan ein starte opp med forberedande entreprise. Hovudentreprise kan lysast ut når Stortingsbehandlinga er ferdig. I forhold til løyvinga er det forventa eit mindreforbruk på 12,7 mill. kroner i 2016. Dette er knytt til framdrifta i prosjektet. Bypakkar (Ålesund, Molde og Kristiansund): 8,2 mill. kroner i planleggingsmidlar vart overført frå 2015 grunna utsett oppstart for bypakkane. Det er forventa at midlane vert brukt i 2016 og 2017. I hovudsak er det ytre rammevilkår som styrer framdrifta på dei store prosjekta. Programområda Mindre utbetringar ferjekaier Endringar samanlikna med økonomiplan: Hareid ferjekai (Hareid): På bakgrunn av omfattande erosjonsskadar på Hareid ferjekai vedtok Fylkesutvalet (sak U-11/16) og Samferdselsutvalet (RS-3/16) å sette i gang utbetringsarbeid av kaia. Utbetringsarbeidet er forventa å vere ferdig første halvår 2016. Tiltaket har ein forventa totalkostnad på 29 mill. kroner. Sak om finansiering av tiltaket kjem til behandling i Fylkestinget i april (jf. U-11/16.) Mordalsvågen ferjekai (Molde): Statleg delfinansiering av prosjektet er enno ikkje avklart og ved behandling av Økonomiplan 2016-2019 vart det vedtatt å redusere omfanget av prosjektet ned til eit minimum (m.a. med grunnlag i avgrensa levetid for eit nytt anlegg pga. Møreaksen). Med eit slikt minimumstiltak vil kaia ikkje kunne nyttast som reserveferjekai for Molde-Vestnes. Kostandene som er sett opp er i tråd med gjeldande økonomiplan, men vi avventar oppstart til statleg medfinansiering, og dermed også kva løysing ein skal gå for, er avklart. Forventa mindreforbruk på 6,5 mill. kroner i 2016 er knytt til dette. Liabygda ferjekai (Stranda): Forventa mindreforbruk på 18,1 mill. kroner skuldast forseinka framdrift på grunn av sein avklaring om utlysing og ny vurdering av utbetalingar per år, dvs. periodiseringsavvik. Det er forventa at arbeidet på kaia startar opp i april 2016 og vert ferdigstilt i mai 2017. Mindre utbetringar bruer Drivabrua (Sunndal): Estimert meirforbruk på 2,7 mill. kroner i 2016. Dette skuldast periodiseringsavvik, samt at det ikkje er tatt tilstrekkeleg omsyn til prisjustering i gjeldande økonomiplan.
Geitnesbrua (Molde): Estimert meirforbruk på 1,5 mill. kroner i 2016. Dette skuldast høgare kostnad ved utlysing enn estimert. Babrua (Averøy): Spesialinspeksjonsrapport datert 2.2.2016 tilseier behov for ny bru med det første. Forventa kostnad på 2,0 mill. kroner i 2017. Utbetring bruer, div bruer: Fylkestinget løyvde i sak T- 79/15 «Økonomiplan 2016-2019», 20 mill. ekstra til mindre tiltak - bruer fordelt på åra 2016, 2017, 2018 og 2019. Midlane er tenkt brukt til ny bru på fv. 65 ved Rognskog, men det er ikkje tilstrekkeleg grunnlag for å starte bygging i 2016. Mindreforbruk estimert til 4,5 mill. kroner i 2016 er dermed eit periodiseringsavvik. Nerlandsøybrua (Herøy): Det lagt opp til byggeplanlegging parallelt med ferdigstilling av reguleringsplanen i 2017. Bygging kan da starte mot slutten av 2018. I følgje bæreevnevurdering gjort av Vegdirektoratet må det styres mot ei avvikling av brua i løpet av 5 år, dvs. i løpet av 2020. Mindre utbetringar - tunnelar Godøytunnelen (Giske): Ved behandling av sak T- 79/15 «Økonomiplan 2016-2019» vedtok fylkestinget at det skal leggjast fram ei fullstendig sak om rehabilitering av Godøytunnelen til junitinget 2016. For at Godøytunnelen skal oppfylle krava i tunnelsikkerheitsforskrifta må den rehabiliterast innan 1.1.2025. Dersom vi berre gjennomfører utbetring av kabelbru og etablerer vassrikring no, vil ein måtte kome tilbake til tunnelen på eit seinare tidspunkt for å ferdigstille utbetringa. Dvs. at vi då risikerer å måtte ta ned att eventuell ny vassikring, og slik «kaste vekk» desse midlane. Eit anna moment i saka er at tunnelane på riksveg 658 (Ålesundstunnelane) skal rehabiliterast i 2017. Kostnadsmessig vil det vere fordelaktig å samordne rehabilitering av Godøytunnelen med rehabilitering av Ålesundstunnelane. Samordning vil og vere ein fordel med omsyn til trafikkavviklinga, då bebuarane på Godøya likevel vil bli påverka når dei andre tunnelane skal rehabiliterast. Ålesundstunnelane skal etter planen lysast ut på anbod i oktober 2016. Kostnadsoverslaget som ligg føre er basert på naudsynt opprusting og krav i tunnelsikkerheitsforskrifta og antyder ein totalkostnad på 314 mill. kroner. Det er usikkerheit knytt til marknad, risikovurdering, trafikkavvikling m.m. At tiltaket vert utført samstundes med og organisert i same prosjekt som rehabilitering av Ålesundstunnelane er ein føresetnad i kostnadsoverslaget. Ein føresetnad for å kunne rekne anslag på prosjektet er at vi får starte dialogen med innbyggjarane trafikkavvikling ved ei rehabilitering. Dersom utbetringsarbeidet skal startast i 2017 må det setjast av midlar til prosjektering i 2016. Fylkesrådmannen tilrår at prosjektering av Godøytunnelen vert sett i gang so snart som råd, slik at vi kan få fram eit best mogleg grunnlag til ei fullstendig behandling av saka i fylkestinget i juni. DAB i fylkesvegtunnelar FM-nettet skal fasast ut og erstattast med DAB. Radiosamband er ein del av den naudsynte sikkerheitsutrustinga i tunnelane, og vil uansett vere eit krav etter tunnelsikkerheitsforskrifta i aktuelle tunnelar. Kravet vil gjelde 14 fylkesvegtunnelar i Møre og Romsdal. Det er i februar 2016 lyst ut ein regional konkurranse for riksvegtunnelane, der fylkesvegtunnelane inngår som opsjon i kontrakten.
Kostnaden er estimert til 16 mill. kroner og er lagt inn i 2017. Det nye utstyret vil verte montert opp på nytt ved rehabilitering i samband med tunnelsikkerheitsforskrifta. Mindre utbetringar - andre investeringar Diverse vegar (50/50 spleiselag gamle fylkesvegar): Meirforbruk på 0,9 mill. kroner i 2016 skuldast meirkostnad i Ørsta jf. sak SA-7/16. Stikkrennetunnel fv. 65/Stokkøyan (Rindal): Estimert mindreforbruk på 4,3 mill. kroner i 2016. Avviket skuldast at gjennomført anslag gir ein lågare kostnad enn venta. Mindreforbruket kan ikkje omdisponerast før prosjektet er ferdigstilt. Vardegjølet, fv. 80 (Stranda): Estimert mindreforbruk på 7,0 mill. kroner i 2016. Avviket skuldast at opprinneleg planlagt prosjekt ikkje lar seg gjennomføre. Vi gjer i staden eit mindre tiltak, med m.a. nytt rekkverk. Mindreforbruket kan ikkje omdisponerast før prosjektet er ferdigstilt. Kjørsvikbugen (Aure): Estimert 4,8 mill. kroner i mindreforbruk i 2016. Dette er periodiseringsavvik knytt til forseinka framdrift i prosjektet. Adresseskilting: Lovpålagt adresseskilting av fylkesvegar lagt inn med ein totalkostnad på 3,3 mill. kroner. Eiga sak om dette vert lagt fram til samferdselsutvalet. Gang- og sykkelvegar Fylkestinget løyvde i sak T- 79/15 «Økonomiplan 2016-2019», 40 mill. ekstra til gang- og sykkelveg fordelt på 2017, 2018 og 2019. Neste prosjekt på prioriteringslista er Holte bru Løfall i Rindal kommune. Denne gang- og sykkelvegen er planlagt å gå til Øvre Rindal skole som er vedtatt lagt ned frå hausten 2016. Kommunen har ikkje planer om utvida aktivitet i dette området då det meste av bustadutbygginga er planlagt nær Rindal sentrum. Dette gjer bygging av gang- og sykkelveg på denne strekninga mindre aktuell. Statens vegvesen har teke ei vurdering av trafikksikkerhetssituasjonen i området og samanlikna med prosjekta som ligg etter på prioriteringslista. Konklusjonen er at utfordingane for dei andre er større enn på Holte bru Løfall. Med bakgrunn i dette tilrår administrasjonen at Holte bru Løfall vert teke ut og at løyvingane vert nytta til andre prosjekt på lista. Dei neste «gryteklare» prosjekta på prioriteringslista er Kleive Nesbøen (Molde) og Tunheim (Vanylven). Trafikktryggingstiltak Div. mindre tiltak (t.d. tiltak etter TS-inspeksjonar): Årets midlar må dekke inn meirforbruk frå 2015. Avviket kjem av at vi føreslår å bruke neste års midlar for å gjennomføre vedtekne tiltak i 2016, dvs. periodiseringsavvik. Det vil dermed ikkje vere midlar igjen til 2017. Kollektivtiltak På grunn av inndekning av meirforbruk på 5,1 mill. kroner frå 2015 knytt til Garnes-krysset, er det berre 0,3 mill. kroner til disposisjon i 2016. Årets midlar er foreslått brukt til investering i 2-3 nye leskur.
Rassikring Røyr Hellesylt (Standa): Estimert mindreforbruk på 25,1 mill. kroner i 2016. Avviket skuldast forseinka framdrift/ny vurdering av utbetaling per år, dvs. periodiseringsavvik. Opning er forventa som planlagt i november 2016. Forslag til vedtak: 1. Samferdselsutvalet vedtek plan- og byggeprogrammet slik det no ligg føre. 2. Samferdselsutvalet ber om at prosjektering av Godøytunnelen vert sett i gang snarast, slik at vi kan få fram eit best mogleg grunnlag til ei fullstendig behandling av saken i fylkestinget i juni. Ottar Brage Guttelvik fylkesrådmann Vedlegg 1 Plan- og byggeprogram 2016-2017 TABELL Arild Fuglseth samferdselssjef