Pressemelding HORDALAND FYLKESKOMMUNE Organisasjonsavdelinga Informasjonsseksjonen 5020 Bergen Telefon 55 23 99 42 E-post: informasjon@post.hfk.no Bergen 21. september 2011 Hordaland fylkesutval sitt møte i Bergen 21. september 2011: Tilleggsløyving til nytt fagskuletilbod på Stord Hordaland fylkesutval har godkjent at det vert oppretta fagskuletilbod på Stord innan maskinteknikk og elkraft frå skuleåret 2012/13 i tråd med pilotprosjektet. Fylkeskommunen har tidlegare løyvd 1 250 000 kr til pilotprosjektet over regionalt utviklingsprogrogram. I møtet 21. september vedtok fylkesutvalet å tilleggsløyva 950 000 kr til pilotprosjektet. Samla løyving frå Hordaland fylkeskommune er då 2,2 mill. kr. Verksemdene Apply Leirvik, Advantec, Aker Stord og Wärtsila, har saman med Samarbeidsrådet i Sunnhordland teke initiativet til det nye fagskuletilbodet på Stord. I pilotprosjektet som er planlagt, er kostnadene budsjettert til 4,4 mill. kr for to år. Halvparten av denne summen vert dekka av dei fire bedriftene og samarbeidsrådet, og den andre halvdelen av fylkeskommunen. I vedtaket i fylkesutvalet 21. september heiter det: «Langsiktig finansiering av tilbodet vert å koma attende til i økonomiplanarbeidet for 2014 og utover. Omfanget av endeleg tilbod med oppstart av klassar kvart år eller annankvart år må då vurderast i høve etterspurnad etter studieplassar og økonomi.» Det var Terje Søviknes (Frp), på vegner av Høgre, Fremskrittspartiet og Kristeleg folkeparti, som sette fram forslaget som vart vedteke. Forslaget fekk også tilslutnad frå alle dei andre partia i fylkesutvalet og vart vedteke samrøystes. Utsetjing og dyrare Amalie Skram vgs. Kostnadsramma for Amalie Skram vidergeående skole i Bergen må aukast med 100 mill. kr. Opninga av skulen vert seinka med eitt år og vert ved skulestart hausten 2014. Hordaland fylkesutval rår fylkestinget til å godkjenna ny kostnadsramme på 830 mill. kr. Saka kjem opp til avgjerd i fylkestinget 18. oktober.
Amalie Skram videregående skole og Bergen kommune sitt nye symjeanlegg vert bygd som eit felles prosjekt på Nygårdstangen. Det har lenge vore kjent at bassengdelen i prosjektet er forseinka. Dette har også forseinka arbeidet med skulen der fylkeskommunen også har fått ein stor kostnadsauke knytt til grunnarbeida. Grunnarbeida er no avslutta og det er laga ein ny framdriftsplan for prosjektet. Denne syner at byggjearbeida kan avsluttast tidlegast i oktober 2013, og at skulen såleis kan takast i bruk til skuleåret 2014/2015. Det er laga eit nytt kostnadsoverslag med grunnlag i den oversikten som ein no har. Det er postane knytt til risiko og prisstigning som har endra seg. Fylkesrådmannen har difor rådd til at kostnadsoverslaget vert auka med 100 mill. kr. til 830 mill kr. Kostnadsoverskridingar for grunnarbeida knytt til skuledelen utgjer 30 mill. kr og skuldast at ein måtte fjerna monaleg større mengder ureina massar enn det som var tatt med i kontrakten. Det er også andre utegløymde postar knytte til grunnarbeidet, mellom anna grøftar for leidningar. Alle kontraktane skal regulerast for løns- og prisauke frå tilbod til utføring. Den forseinka framdriften vil føra med seg om lag 40 mill. kr i auka kostnader. Kostnadene knytte til prosjektleiing er også auka. Får bruka fagskule-namn Fusa vidaregåande skule og Fitjar vidaregåande skule har no begge i gang fagskuletilbod. I den samanheng har fylkesutvalet godkjent at dei kan nytta nemninga fagskule. Både Fusa og Fitjar vgs. har fagskuletilbod innan helsefag, i tillegg har Fusa vidaregåande skule i år fått godkjent fagskuletilbodet akvakultur i samarbeid med Austevoll fagskule. For å synleggjera fagskuletilboda i Hordaland som høgare utdanning etter vidaregåande skule vert det sett på som ein føremon at dei to vidaregåande skulane også kan nytta fagskulenamnet. Skulane vil då heita Fusa fagskule og Fitjar fagskule i tillegg til vidaregåande skule. Nye innklimatiltak for 2 mill. kr Hordaland fylkesutval har løyvd i alt 1,9 mill. kr til inneklimatiltak ved Knarvik vidaregåande skule og Laksevåg vidergående skole. Til prosjekt ved Knarvik vgs. er det løyvd 1,7 mill. kr. Midlane skal nyttast til prosjektering og installasjon av nytt varmeanlegg med automatikk i spesialromsfløyen. Til prosjekt ved Laksevåg vgs. er løyvd 200 000 kr til forprosjekt for å planleggja opprusting av ventilasjonsanlegga ved skulen. 2
Til utskifting av effektbrytarar og ny lysarmatur i tre klasserom ved Fyllingsdalen videregående skole er det løyvd 350 000 kr. Vil ha Sotrasambandet med i transportplan for Vestlandet Fylkesutvalet i Hordaland ber om at Vestlandsrådet tek Sotrasambandet som prosjekt inn i Handlingsprogram 2012 2015 for Transportplan 2007 2019 for Vestlandet». Dette er ei viktig sidegrein til E 39. Fylkesutvalet seier dette i fråsegna si til handlingsprogrammet som Vestlandsrådet skal handsama i møte 24. november. Fylkesutvalet meiner at Vestlandsrådet sitt Handlingsprogram 2012 2015 for Transportplan 2007 2019 for Vestlandet i stor grad og på ein god måte omtalar og prioriterer dei viktigaste transportprosjekta for Vestlandet. Fylkesutvalet tilrår at Handlingsprogram 2012 2015, slik det ligg føre med endringar vedteke av Vestlandsrådet 14.6.2011(sak 009/11), vert endeleg godkjent av Vestlandsrådet med tilføyinga om Sortrasambandet. Tunnelnamn, men ikkje Long John Fylkesutvalet i Hordaland har vedteke at skrivemåten på tunnelane på Fv 107 Nordrepollen Torsnes vert Jondalstunnelen og Torsnestunnelen. I samferdselsutvalet føreslo Nils O. Nøss (Ap) at Long John skulle vera namnet på Jondalstunnelen, men han fekk ikkje støtte frå andre til dette forslaget. 3
i fylkesutvalet 21. september 2011: 164/11 AVTALE OM UTLÅN TIL BYSTASJONEN AS Fylkestinget godkjenner opptak av lån på 50 million kroner, og vidare utlån av 50 million kroner til Bystasjonen AS Vedlagde framlegg til låneavtale mellom Hordaland fylkeskommune og Bystasjonen AS vert godkjent. Fylkesrådmannen får fullmakt til å gjere mindre justeringar i avtalen og til å signere for fylkeskommunen. Det vert gjort følgjande endringar i budsjettet for 2011: Meirutg./ Mindreutg./ Stad Art Prosjekt Tekst mindreinnt. meirinnt. 10 740 021 00 05200 00 07123 Utlån Bystasjonen AS 50 000 000 10 740 021 00 09100 00 07123 Bystasjonen lån 50 000 000 165/11 FINANSRAPPORT FOR 2. TERTIAL 2011 Fylkestinget tek finansrapporten for 2. tertial til orientering. 50 000 000 50 000 000 166/11 AMALIE SKRAM VIDEREGÅENDE SKOLE - REVIDERT FRAMDRIFT OG KOSTNADSRAMME Fylkestinget godkjenner ny kostnadsramme på kr 830 mill. for prosjektet Amalie Skram videregående skole. 167/11 HJELTNES VIDAREGÅANDE SKULE - SAL AV TO HUSVÆRE - GODKJENNING AV INVESTERINGSTILTAK VATN PG AVLØP 1. Fylkesadministrasjonen får fullmakt til å selje eigedomen Vesttun. Salet skal skje på den opne marknaden, ved bruk av meklar og til marknadspris. Fylkesrådmannen får fullmakt til å godkjenne eller avslå bod. 2. Fylkesadministrasjonen får fullmakt til å selje eigedomen Austtun. Leigetakar skal først få tilbod om å kjøpe huset til takst. Fylkesrådmannen får fullmakt til å godkjenne eller avslå bod. 3. Fylkesadministrasjonen får fullmakt til å setje i gang arbeidet med å utbetre pålegget frå Ulvik kommune om vatn og avløp, til ein kalkulert kostnad på inntil 2 million kroner. Tiltaket vert finansiert med bruk av kapitalfond. 4. Det vert gjort følgjande endringar i budsjettet for 2011. Meirutg./ Mindreutg./ Stad Prosjekt Art Tekst mindreinnt. meirinnt. 10 65702000 02124 02320 Hjeltnes vgs Vatn og avløp 2 000 000 10 65702000 02124 09480 Bruk av kapitalfondet 2 000 000 2 000 000 2 000 000 4
168/11 HØYRINGSUTTALE - TRANSPORTPLAN FOR VESTLANDET, HANDLINGSPROGRAM 2012-2015 1. Fylkesutvalet meiner at Vestlandsrådet sitt Handlingsprogram 2012 2015 for Transportplan 2007 2019 for Vestlandet i stor grad og på ein god måte omtalar og prioriterer dei viktigaste transportprosjekta for Vestlandet. 2. Fylkesutvalet ber om at Vestlandsrådet tek Sotrasambandet som prosjekt inn i Handlingsprogrammet. Dette er ei viktig sidegrein til E 39. 3. Fylkesutvalet tilrår at Handlingsprogram 2012 2015, slik det ligg føre med endringar vedteke av Vestlandsrådet 14.6.2011(sak 009/11), vert endeleg godkjent av Vestlandsrådet med denne tilføyinga 169/11 KONSEPTVALUTREDNING (KVU) FOR RV7 HARDANGERVIDDA 1. Med grunnlag i IS Rv7 si utgreiing «Vurdering av konsept for Rv 7 over Hardangervidda» ber Hordaland fylkeskommune og Buskerud fylkeskommune i fellesskap om at Samferdselsdepartemenet bestiller arbeid med KVU for Rv7 Hardangervidda. 2. Fylkeskommunane ber om at dette seinast vert avklart i samband med handsaminga av Nasjonal transportplan 2014-2023. 170/11 OPPFØLGING AV SYKKELSTRATEGI FOR BERGEN - HANDLINGSPLAN 2010-2013 1. Fylkesutvalet sluttar seg til hovudgrepa i Handlingsplanen 2010-2013 oppfølging av sykkelstrategi for Bergen 2010-2019 2. Fylkesutvalet peiker på at sykkelstrategien er særs ambisiøs, og held fast på prioriteringane som vart signalisert i fylkeskommunen si høyringsuttale til sykkelstrategien: - Bruk av ressursar til å få fram planavklarte prosjekt - Ferdigstilling av samanhengande hovudruter inn til Bergen 171/11 ORIENTERING OM TRAFIKANT- OG SANNTIDSINFORMASJON I KOLLEKTIVTRAFIKKEN I HORDALAND 1. Fylkesutvalet ser positivt på dei konkrete prosjekta knytt til trafikant- og sanntidsinformasjon som bidrag til realisering av det overordna målet om vekst i kollektivtrafikken. 2. Fylkesutvalet sluttar seg til dei overordna prioriteringane som er gjort i orienteringa frå Skyss om pågåande prosjekt om trafikant- og sanntidsinformasjon i kollektivtrafikken i Hordaland. 172/11 FV 107 JONDALSTUNNELPROSJEKTET - SKRIVEMÅTEN AV NAMN PÅ TUNNELAR Fylkesutvalet vedtar at skrivemåten på tunnelane på Fv 107 Nordrepollen Torsnes vert Jondalstunnelen og Torsnestunnelen. 173/11 VEDTAK AV REGIONAL PLAN FOR HARDANGERVIDDA 2011-2025 INNSTILLING til fylkestinget 1 I medhald av plan- og bygningslova si 8-4 vedtek fylkestinget i Hordaland Regional plan for Hardangervidda, plankart og planrapport datert 9. juni 2011. 5
2 Fylkestinget ber om at det i samarbeid med Buskerud og Telemark fylkeskommunar blir lagt fram ei eiga sak om vidare oppfølging av handlingsprogrammet. 3 et blir gjort under føresetnad av at Buskerud og Telemark fylkeskommunar gjer likelydande vedtak. 4 Fylkestinget ber rådmannen kome tilbake med sak om oppfølging av planen sitt handlingsprogram. 174/11 MØTEPLAN 2012 FOR FYLKESKOMMUNALE ORGAN Fylkesutvalet vedtek møteplan for 2012 for fylkestinget, fylkesutvalet, kultur- og ressursutvalet, opplærings- og helseutvalet, samferdselsutvalet og administrasjonsutvalet. 175/11 STRATEGIDOKUMENTET "NORTH SEA REGION 2020"- HØYRINGSUTTALE FRÅ HORDALAND FYLKESKOMMUNE Fylkesutvalet vedtar høyringsuttalen til forslaget til strategidokumentet North Sea Region 2020 slik den går fram av saksframlegget 176/11 FAGSKULETILBOD PÅ STORD I SAMARBEID MED BERGEN TEKNISKE FAGSKOLE : 1. Det vert oppretta fagskuletilbod på Stord innan maskinteknikk og elkraft frå skuleåret 2012/13 i tråd med pilotprosjektet. 2. Fylkesutvalet løyver kr 950 000 til pilotprosjektet frå tilleggsløyvingskontoen for 2011. 3. Langsiktig finansiering av tilbodet vert å koma attend til i økonomiplanarbeidet for 2014 og utover. Omfanget av endeleg tilbod med oppstart av klassar kvart år eller annankvart år må då vurderast i høve etterspurnad etter studieplassar og økonomi. 177/11 SØKNAD OM NAMNESKIFTE - FUSA OG FITJAR VIDAREGÅANDE SKULE 1 Fusa vidaregåande skule kan nytta namnet Fusa fagskule om fagskuledrifta ved skulen 2 Fitjar vidaregåande skule kan nytta namnet Fitjar fagskule om fagskuledrifta ved skulen 178/11 INNEKLIMATILTAK 2011 - BUDSJETTENDRING 4 Fylkesutvalet godkjenner slik fordeling av midlar til inneklimatiltak 2011 og at det vært gjort fylgjande budsjettendring. 10.634.020.00 3209 02320 10.636.020.00 3210 02320 10.647.020.00 3211 02320 Knarvik vidaregåande skule Inneklimatiltak Nyanlegg + kr 1.700.000,- Laksevåg vidaregåande skule Inneklimatiltak Nyanlegg + kr 200.000,- Fyllingsdalen vidaregåande skule Internkontroll elektro Nyanlegg + kr 350.000,- 10.777.023.00 04000 02303 Inneklima og internkontroll elektro Inneklima- og internkontrolltiltak Nyanlegg - kr 2.250.000,- 6