ÅRSMØTEHEFTE 2013 GLOPPEN SENTERPARTI Ung framtidig veljar lurer på kven denne trivelege dama er!
Årsmøte i Gloppen Senterparti 2013 vert halde på Gloppen hotel tysdag 19. november kl 19.30. Sakliste: 1. Godkjenning av innkalling og sakliste 2. Konstituering Val av møteleiar Val referent Val av to representantar til å skrive under møteboka 3. Årsmelding for Gloppen Senterparti 2013 4. Rekneskap for Gloppen Senterparti 2013 5. Medlemskontingent 2014 6. Val 7. Aktuelle politiske saker Innleiing v/ partileiar Liv Signe Navarsete fylkestingsrepresentant Anders Ryssdal gruppeleiar, kommunestyregruppa Per Jarle Myklebust 8. Arbeidsplan 2014 9. Eventuelt 2
Sak 1 Godkjenning av innkalling og sakliste Framlegg til vedtak: Årsmøtet godkjenner innkalling og sakliste Sak 2 Konstituering Framlegg til vedtak: Møteleiar: Bjarne Bø Referent: Anders Gloppestad To til å skrive under møteboka vert valde: Sak 3 Årsmelding 2013 I arbeidsåret har det vore halde fire styremøte. Styret vert og innkalla til alle gruppemøter i kommunestyregruppa. Fire saker har i meldingsåret fått spesiell merksemd: E-39, dei skulebruksplanen på fylket, stortingsvalet og landbrukspolitisk dag saman med Jølster Senterparti. E-39 Sidan nyåret 2012 har framtidig trase for E-39 i Nordfjord vore eit brennheitt tema i fylket. Spesielt i Nordfjord, har usemja om trasevalet skapt stort engasjement og steile frontar. Mange trudde at ein skulle få ei avklaring då Nasjonal Transportplan(NTP), vart lagt fram i vår. Diverre, regjeringspartia kom ikkje til semje! Senterpartiet, både lokalt, i fylket og i regjering, har arbeidt målretta og hardt for midtre line i Nordfjord. Styret vil nytte høvet til å takke Senterpartiet, ordførar, Jenny og Liv Signe for utretteleg arbeid! Trasevalet er no på den nye «blåblå» regjeringa sitt bord. Gloppen Senterparti forventar at Senterpartiet framleis vil leggje all sin politiske kraft og innverknad for midtre line også framover både i fylkesting og på Stortinget! Skulebruksplanen Fylkestinget handsama skulebruksplanen 12. juni. Dette vart sjølvsagt ei sak som vekte stort engasjement i heile fylket. Særleg i dei kommunane som har vidaregåande skular, vart det mobilisert på ein måte ein knappast har opplevd tidlegare. Slik vart det og i vår kommune. Firda vgs har heilt sidan starten vore ein pilar i Gloppen-samfunnet. Dette kom til syne på ein serdeles kraftfull måte i tida før avgjera i fylkestinget. I Gloppen vart det skipa ei prosjektgruppe tidleg på etterjulsvinteren. Der var alle politiske partia med, leiargruppa på 3
Firda, rådmann og fleire med. Per Jarle Myklebust var leiar i gruppa. Prosjektgruppa la ned eit stort og viktig arbeid! Utgangspunktet for den politiske debatten var konsulentraporten frå Norconsult. Der kom Firda vgs godt ut. Dei politiske føringane i forkant, synte tidleg, at Firda vgs vart «kvista» godt i høve til rapporten frå Norconsult. Regiontenkinga vart det berande prinsipp i arbeidet. Senterpartiet i Gloppen meinte og meina framleis, at Firda vgs, vart råka for hardt, ut frå dei kriteria fylkeskommunen hadde sett i oppstartinga. At Anders Ryssdal vart åleine frå senterpartigruppa som stemde for at linja for media og kommunikasjon framleis skulle vere på Firda, vekte stor frustrasjon hjå våre medlemmar og sympatisørar. Ved neste korsveg forventa Gloppen Sp meir frå fylkestingsgruppa! Stortingsvalet Vi var spente på utfallet av årets stortingsval, og vi er særs nøgde med valresultatet. Laget la ned mykje og godt arbeid. Det vert synt til eiga melding frå valkamputvalet. Landbrukspolitisk dag i lag med Jølster Sp Måndag 18. mars skipa Jølster og Gloppen Sp til ein landbruksdag der fokus var utfordringar i mjølkeproduksjon no og framover. Landbruks -og matminister Trygve Slagsvold Vedum, Sp var invitert. Først på programmet var eit møte på Tine- Meieriet på Byrkjelo. Til stades der var mellom anna: ministeren, leiinga på meieriet, ordførarane Gloppen og Jølster, leiaren i Breim Bondelag og leiar i Jølster og Gloppen Sp. Pressa var og tilstades. Etter møtet gjekk turen til Stardalen og fjøsbesøk hjå Øygard Samdrift. Der fekk fylgjet sjå og høyre om samdrift i landbruk, både dei positive og negative sidene. Om kvelden skipa fylkeslaget til ope landbrukspolitisk møte på Skei Hotell. Konklusjonen må verte at det var ein vellukka dag! Anna aktivitet Lokallaget har vore representert på alle møter og konferansar som er avvikla i fylket. Representantar frå styret har hatt møte med fylkesstyret i samband med aktuelle politiske saker med hovudvekt på skulebruksplanen. Det har ikkje vore studiearbeid siste året. Lokallaget er aktive med utsending av informasjon til medlemmane både på sms og epost. Laget har nettside og facebookside som jamnleg vert oppdatert. Medlemstalet pr 31.10.2013 er 142 + 6 i Senterungdommen, til saman 148 betalande medlemmar. Dette er 11 færre enn i fjor. Melding frå Senterungdomen Senterungdommen i Gloppen har i året som har gått hatt ein fast medlem og ein vara til fylkesstyret til Senterungdommen i Sogn og Fjordane. Vi sendte to representantar til landsmøtet i Senterungdommen i Ålesund i starten av november. Vi har hatt medlemsmøte og årsmøte. På årsmøtet diskuterte vi saka om kommunesamanslåing som har vore i media i det siste, og vi stiller oss ikkje bak dei som vil ha samanslåing Gloppen/Eid. Senterungdommen vil heller orientere seg sørover, den dagen kommunesamanslåing blir aktuelt. 4
Valkampoppsummering 2013 Valkamputval Karoline Bjerkeset, leiar, Olin Astrid Austrheim, Kent Øystein Hjelle Utvalet har hatt eitt møte og elles e-postkontakt og SMS for å planlegge valkampen. Resultat 1515 stemmer og 44 prosent oppslutnad. Gjennomførde aktivitetar Stand kvar laurdag frå og med Sandane-dagane (då heile helga) i sentrum i tillegg til stand på Byrkjelo og Hyen dei to siste helgene. Reed fekk vi diverre ikkje dekka opp ved årets val. Pakking og utsending av valmateriell der vi laga eit eige flygeblad med lokal vri og der vi framheva Liv Signe som kandidat. Annonsering av besøk av Jenny F. på stand. Bruk av fb for å annonsere standar og anna bodskap. Sommarbrev til medlemmar før sommaren med bodskap om saker, valkamp osv for å bevisstgjere dei om årets viktige val. Sms til alle medlemmar i innspurten av valkampen med oppmoding om å overbevise veljarar. Stort sett gjennomført alt som var planlagt utanom eit valkamp-kick off vi planla for å skaffe fleire til å delta i valkampen. Vidare var det planar om E39-aksjon, men denne la vi vekk når det ikkje kom noko avklaring. Vi har eit aktivt lokallag og stor kommunegruppe slik at det er greitt med folk å rullere på når det gjeld stand, men vi slit med å engasjere folk som ikkje har spesielle verv. Det lukkast vi i mindre grad med, sjølv om vi fekk med nokre fleire. Bruk av gassflaske til ballongar på Sandane-dagane og utsending av materiell med posten som sikrar at alle i kommunen får materiell til same tid må nemnast som særs gode tiltak. Laget kunne ynskt seg noko meir besøk av sentrale kandidatar i valkampen som ein viktig Spbastion i fylket. Dette ville kunne gjeve oss auka merksemd på standane våre. Valkampmateriell Grunna skifte av logo og materiell i partiet, var det naudsynt med innkjøp av nye parasollar og fornying av anna materiell. Fylkeslaget stilte opp med standpakkar til tinging til subsidierte prisar som gjer no at lokallaget har eit solid standtelt til bruk ved seinare høve. Vidare vart det kjøpt inn anna materiell av mindre slag. I løpet av valkampen gjekk vi og til innkjøp av t- skjorter til dei som sto på stand og som desse fekk i etterkant. Materiellet fungerer stort sett godt, men ballongar og drops er mest populært og elles bør innkjøp av materiell vere ting som folk kan bruke i kvardagen. Vidare produserte lokallaget sjølve lokalt tilpassa flygeblad som vart sendt ut i lag med fylkesbrosjyra. 5
Kent Øystein Hjelle og Leidulf Gloppestad på stand for Senterpartiet i valkampen. Sosiale media Gloppen Sp har eiga fb-side som vi nyttar til å marknadsføre spesielle hendingar eller bodskap. Denne vart jamleg oppdatert i valkampen, men har førebels ikkje det store tal følgjarar, men av statistikken så vart kvar hending sett av nesten 100 folk og nokre delingar. Vi har jamlege påminningar i styret om å bruke sida og dele hendingar, men det tek nok litt tid. Oppsummering Vi hadde ei målsetting på å oppnå 35-40 prosent oppslutnad. Dette var med bakgrunn i at vi førre val gjorde eit særs godt val med andrekandidat frå kommunen og gjekk fram 11 prosent frå 2005. Vi overoppfylte målet og nådde ein oppslutnad på 44 prosent og framleis beste Spkommune i landet målt i prosent. Trass i utfordrande utgangspunkt med ei bruløysing som aldri kom og med eit dårleg resultat for Gloppen i saka om dei vidaregåande skulane, fekk vi berre ein liten nedgang frå resultatet frå 2009. Gloppen er ein sterk Sp-kommune i utgangspunktet der Sp sine kjernesaker som landbruk og distrikt står sterkt. Likevel meiner vi at dette ikkje hadde kome utan av vi gjorde eit godt arbeid og var synlege som organisasjon ute i kommunen og gjennomførte dei aktivitetar vi hadde sett oss til å gjennomføre. Vidare så «snudde vinden» noko i og med at vi på slutten av valkampen fekk tilbakemeldingar som gjekk på at folk meinte Sp hadde markert tydeleg standspunkt i saka om trase for E39. Det er uansett ikkje til å kome vekk i frå at det var denne saka som i stor grad spela inn på valresultatet i kommunen, noko ein ser på resultata mellom anna for Høgre, Krf og Ap. Elles var valkampen godt organisert og lokallaget stilte opp. Laget bør vere godt nøgd med årets valresultat i Gloppen og gjennomføringa av valkampen. Likevel har ein dei siste valkampane sett at sjølv om vi er eit stort lag, så er det vanskeleg å 6
rekruttere fleire aktive medlemmar til å bidra i valkampen. Det vert ofte litt mykje på enkelte, sjølv om i det i årets valkamp var godt fordelt, betre enn dei siste valkampane. Styret i meldingsåret, valde på årsmøtet i 2012 Val 2012 Neste valår 2013 Leiar: Bjarne Bø, 6827 Breim Ikkje på val X Nestleiar: Olin Austrheim, 6823 Sandane Ny Studieleiar: Karoline Bjerkeset, 6823 Sandane Ikkje på val X Kasserar: Arvid Gimmestad, 6823 Sandane Attval Styremedl.: Anders Gloppestad, 6823 Sandane Ikkje på val X Styremedl.: Oddvar Bjørlo, 6823 Sandane Attval Styremedl.: Ole Arild Aa, 6829 Hyen Ny Styremedl.: Kent Øystein Hjelle, 6823 Sandane Ny Senterkvinnekontakt: Oddvar Bjørlo, 6823 Sandane Attval I tillegg møter senterungdomen, ordførar og gruppeleiar i lokallaget sine styremøter Vara: 1. Marit Straume, 6829 Hyen Attval X 2. Bernt Reed, 6827 Breim Attval X 3. Arne Jostein Gimmestad, 6823 Sandane Attval X Revisor: Jon Gimmestad, 6823 Sandane Attval X Ingebrikt Øvreseth, 6823 Sandane Attval X Valnemnd 2013 Jostein Arne Røyrvik, 6829 Hyen Lillian Støyva, 6826 Byrkjelo Håkon Lundestad, 6823 Sandane Ny som leiar Attval Ny Medlemar av Gloppen SP som har tillitsverv/stillingar Erling Sande, stortingsrepresentant fram til 09.09.2013 Anders Ryssdal er medlem av fylkestinget og fylkesutvalet Karoline Bjerkeset er medlem i fylkesstyret i Sogn og Fjordane Senterparti Kent Øystein Hjelle er 1. vara til fylkesstyret i Senterungdommen i Sogn og Fjordane Per Rune Vereide er fylkessekretær for Senterpartiet i Sogn og Fjordane. Han har delteke på ei rekke arrangement i Senterpartiet (sentralt/fylket) i kraft av si stilling. Elise Eide Dvergsdal er organisasjonssekretær for Senterpartiet i Sogn og Fjordane. Ho deltek på ei rekke arrangement i Senterpartiet (fylket) i kraft av si stilling. 7
Kommunestyregruppa Anders Ryssdal ordførar / formannskapet Kristin Sandal leiar i kultur og miljø / formannskapet Per Jarle Myklebust leiar i oppvekst / formannskapet Sølvi Espeland Hope Olav Sigurd Gundersen Kari Jordanger Leidulf Gloppestad Liss Bergum Jeffery Thomas Kombinert gruppemøte og pakking av materiell. Jeffrey Thomas, Marit Straume, Sølvi Hope, Olin Austrheim, Oddvar Bjørlo, Arvid Gimmestad og Kristin Sandal. Framlegg til vedtak: Årsmøtet vedtek årsmeldinga for Gloppen Senterparti for 2013 slik den ligg føre. 8
Sak 4: Rekneskap 2013 9
Framlegg til vedtak: Den framlagde rekneskapen for 2013 vert vedteken. Sak 5: Medlemskontingent for 2014 Medlemskontingenten for 2013 er kr 445,- pr medlem. Kontingenten er samansett slik: kr 320,- sentralt + kr 90,- fylket + kr 35 lokallaget. Det er auke i kontingenten sentralt, og styret foreslår redusert lokal kontingent. Ny kontingent vert då slik: kr 330,- sentralt + kr 90,- fylket + kr 30,- lokalt = til saman kr 450,- Framlegg til vedtak: Årsmøtet vedtek at medlemskontingenten i Gloppen Senterparti vert sett til kr 450,- pr. medlem for 2014. Sak 6: Val for 2014 Valnemda sitt framlegg er: Styret Leiar: Bjarne Bø, 6827 Breim Attval Nestleiar: Olin Astrid Austrheim, 6823 Sandane Ikkje på val Studieleiar: Karoline Bjerkeset, 6823 Sandane Attval Kasserar: Arvid Gimmestad, 6823 Sandane Ikkje på val Styremedl.: Jeffrey Thomas, 6823 Sandane Ny Styremedl.: Oddvar Bjørlo, 6823 Sandane Ikkje på val Styremedl.: Ole Arild Aa, 6829 Hyen Ikkje på val Styremedl.: Kent Øystein Hjelle, 6826 Byrkjelo Ikkje på val Senterkv.kontakt: Oddvar Bjørlo Attval I tillegg er gruppeleiar og senterungdomsleiar medlemmer i styret. Ordførar møter i styret som observatør. Varamedlemmer: 1. varamedlem Marit Straume, 6829 Hyen Attval 2. varamedlem Bernt Reed 6827 Breim Attval 3. varamedlem Arne Jostein Gimmestad, 6823 Sandane Attval 10
Revisor: Jon Gimmestad, 6823 Sandane Ingebrikt Øvreseth, 6823 Sandane Attval Attval Valnemnd 2014: 1. Lillian Støyva, 6826 Byrkjelo 2. Håkon Lundestad, 6823 Sandane 3. Veljast på årsmøtet Sak 7: Aktuelle politiske saker Partileiar Liv Signe Navarsete Fylkestingstingmedlem Anders Ryssdal Gruppeleiar Per Jarle Myklebust Sak 8: Arbeidsplan 2014 Politikk Viktige saker som Gloppen Senterparti skal arbeide vidare med i komande år: Tilflytting og busetting E-39 og bru Anda-Lote Vidaregåande skular Næringspolitikk i Gloppen Medlemsaktivitet Gloppen Senterparti skal ha medlemsmøter i komande år om aktuelle saker Rekrutteringsarbeid Førebuingar i høve fylkestingsval og kommuneval Informasjonsarbeid Gloppen Senterparti skal bli betre på å kommunisere med medlemmane ved å: Nytte aktivt sms og e-post til utsending av informasjon til medlemmane. Medlemsregisteret skal vere oppdatert med telefon og e-post for dei som har dette. Styret og kommunestyregruppa får eit felles ansvar for å kome med innhald og oppdateringar på laget si heimeside. Bruke facebooksida til publisering av laget sin aktivitet. Sak. 9: Eventuelt 11
Lokallagsleiar og supervervar Bjarne Bø og Liv Signe på landsmøtet i Loen 2013 12