HORDALAND FYLKESKOMMUNE MØTEBOK Fylkesutvalet Dato: 21. november 2012 22. november 2012 Kl.: 13.00-16.40 09.00-15.05 Stad: Solstrand Hotel og Bad, Os Saknr.: 257/12-294/12 MØTELEIAR Fylkesordførar Tom-Christer Nilsen Fylkesvaraordførar Mona Hellesnes under sakene 277/12 og 293/12 DESSE MØTTE Grung, Ruth (A) Selsvold, Astrid F. (A) Søviknes, Terje (FRP) Ulvund, Inger Signe (FRP) Njåstad, Helge Andre (FRP) Nilsen, Tom-Christer (H) Strømme, Mona Røsvik (H) Kallevåg, Inge Reidar (H) Eriksen, Birthe (H) Nyborg, Torill Selsvold (KRF) Bondhus, Benthe (SP) Oen, Aud Karin (SV) Hellesnes, Mona Haugland (V) Klokkerstuen, Siri (A) Kvåle, Atle (A) FORFALL Valle, Sveinung (A) Nøss, Nils-Olav (A) DESSUTAN MØTTE Fylkesrådmann Paul M. Nilsen Økonomidirektør Johnny Stiansen Kst. regionaldirektør Matti Torgersen Opplæringsdirektør Svein Heggheim Samferdselssjef Anne Iren Fagerbakke Fylkeskultursjef Anna Elisa Tryti Fylkestannlege Arne Åsan Personaldirektør Geir Davidsen Informasjonssjef Stanley Hauge Seniorrådgjevar Gro Stien Thorvaldsen som sekretær 1
MERKNADER TIL INNKALLINGA Det var ingen merknader til innkallinga. 21.11.2012 Avdelingsdirektørane i fylkesadministrasjonen orienterte om «Årsbudsjett 2013 Økonomiplan 2013-2016». 22.11.2012 GODKJENNING AV SAKLISTA Torill Selsvold Nyborg sette fram slikt forslag: «Melding 249/12 vert lagt fram for dagens fylkesutval som sak.» Forslaget fekk 7 røyster (KrF, SP, SV, A) og fall. Ruth Grung bad om at brevet om «Uttalelse til Hordalandsbenken vedrørende regjeringens forslag til statsbudsjett for 2013 kulturdepartementet» som vart vedteke i fylkesutvalet 25.10.2012 vert lagt fram for fylkesutvalet som melding. Ut over dette vart saklista godkjend utan merknader. OPEN TIME Aud Karin Oen hadde sendt slike spørsmål til fylkesordføraren: «1) Pengar til rassikring som er ikkje brukt Nesten halvparten av midlane til rassikring av fylkesvegar i fjor blei ikkje brukt på landsbasis. 361,5 millionar kroner av løyvinga står ubrukt, påpeikar Riksrevisjonen, som kritiserer dette i ein rapport til Stortinget. Riksrevisjonen konstaterer at det også var et mindreforbruk i 2010. I rapporten kritiserer dei også at det i fjor berre blei brukt 45,5 millionar av ei løyving på nesten 144 millionar i tilskot til miljøvenleg transport. Spørsmål til fylkesordføraren: Korleis ser desse tala ut i Hordaland? 2) 4. og 5. studieår for elevar med særskilde behov Korleis er tala for dette i skuleåret? Kor mange får tilbod? Kor mange får eventuelt avslag? På spørsmålet om rassikring svarte samferdselssjefen at for perioden 2010-2013 fekk Hordaland fylkeskommune tildelt 283 mill. kr (prisjustert til 296 mill. kr) frå Vegdirektoratet. Tildelt (mill. kr) Brukt (mill. kr) 2010 13,0 3,6 2011 29,0 6,3 2012 98,0 97,4 2013 113,0 Den låge produksjonen i starten skuldast m.a. at det måtte utarbeidast nye planar og reguleringsplanar. Produksjonen både i 2012 og 2013 vil vere høg. På spørsmålet om miljøvenleg transport svarte fylkesordføraren at fylkeskommunen har brukt det som er tildelt frå staten. 2
Fylkesordføraren gav slikt svar på spørsmålet knytt til 4. og 5 studieår: «Skuleåret 2011-2012 er dette forholdet mellom søknader og tilbod/avslag: Søkjarar til 4. år 65 Søkjarar som fekk 4. år 58 Søkjarar til 5. år 11 Søkjarar som fekk 5. år 7 Totalt tal på søkjarar 76 Totalt tal på avslag 11» Benthe Bondhus etterspurde status for venteromsfasilitetar på Flesland kai. Samferdselssjefen vil kome med svar i fylkesutvalet sitt møte 6. desember. Delegerte saker 31/12 og 32/12 vart refererte. MELDINGAR Periode: 25. oktober 2012-21. november 2012 Nr. Arkivsak Referatsakstittel 231/12 201208845-1 Svar på høyringar 232/12 201202903-16 Veksten i sentraladministrasjonen 233/12 201006711-70 Vedrørende klage på fredning av Odda smelteverk - jf. kulturminneloven 15 og 22 234/12 201205859-3 Skilting og informasjon til vegfarande i Hordaland - Svar på oversendingsforslag i fylkesutvalet 235/12 200804745-18 Zander Kaaes gate 6 - Grand Hotel Terminus - gnr 166 bnr 552 - Vedtak om fredning - Bergen kommune 236/12 201206699-3 Læreplassar 2012 I samband med melding 236/12 spurde Ruth Grung om kor mange som har stroke i teori og kva som vert gjort for desse. Det vil kome svar i fylkesutvalet sitt møte 31. januar 2013. Mona Hellesnes sette fram slikt oversendingsforslag: «Fylkesutvalet ber om ei sak som vurderer bruk av alternative løp som fører fram til fagbrev. Saka må og gje informasjon om i kva grad Hordaland fylkeskommune nyttar dei ulike ordningane.» Hellesnes sitt forslag vart samrøystes vedteke oversendt til fylkesrådmannen. 237/12 200803852-5 Takstdifferanse NSB-takst vs. enhetstakst Bergen-Arna I samband med melding 237/12 etterspurde Ruth Grung informasjon frå møte med NSB. Fylkesordføraren svarte at NSB, som i tidlegare møte, opplyste at dei ikkje har handlingsrom til å etablere enhetstakst Bergen- Arna. NSB har ikkje avtale med andre fylke. Eventuell samordning av takstar må gå gjennom Samferdselsdepartementet, og inneber ekstra støtte til NSB. Fylkesvaraordføraren opplyste at Hordaland fylkeskommune har 3
teke problemstillinga opp med fylkesordførarkollegiet, med sikte på å få like ordningar. 238/12 200910300-7 Bruk av elevar til vedlikehald og mindre prosjekt på bygningsmassen til Hordaland fylkeskommune. 239/12 201203667-14 Spelemidlar til idrettsanlegg 240/12 201113318-7 Høring NOU 2012:15 - politikk for likestilling 241/12 200800057-22 Den Norske Gasskonferansen 242/12 200906199-19 Gamle Bjølvo kraftanlegg status I samband med melding 242/12 etterspurde Astrid F. Selsvold grunnlag for politisk avgjerd av kva som skal gjerast med Gamle Bjølvo kraftanlegg. På spørsmål om prosedyre for omgjering av mellombels freding, svarte fylkeskultursjefen at saka må til Riksantikvaren. 243/12 201113465-53 Freda/verna objekt i Hordaland fylkeskommune - oversendingsforslag 244/12 200507791-157 Utbetaling av resterende sum for 2012 i belønningsordninga for Bergensområdet - stadfesting av ytterlegare tiltak for måloppnåing I samband med melding 244/12 sette Ruth Grung fram slikt oversendingsforslag: «Arbeiderpartiet ber om å få vite korleis effektmål 2: «Biltrafikken inn mot Bergen sentrum skal i periodar med stor del arbeidsreiser, reduserast med 5 % i 4-års-perioden» vert definert og målt, samt kva tal ein har for 2011 og så langt I 2012.» Fylkesordføraren svarte at det vil kome tilbakemelding i samband med ordinær rapportering 31. januar 2013. 245/12 200701248-38 Hordaland si deltaking i Cardiff International Food and Drink Festival 2012 - sluttrapport 246/12 200707729-74 Utsending av saker - saker på internett og isak 247/12 200908363-9 Flaskehalsar ved Vågsbotnkrysset 248/12 201100455-95 Fråfallsproblematikk i vidaregåande skule 249/12 201208607-2 Pensjonering for folkevalde I samband med melding 249/12 sette Torill Selsvold Nyborg på vegner av KrF, A, SV og SP fram slikt oversendingsforslag: «På bakgrunn av melding 249/12 vil eg be fylkesordføraren om å leggja fram sak om pensjon for politikarane i Hordaland fylkeskommune.» Fylkesutvalet vedtok samrøystes at det i eit seinare møte vert lagt fram sak om pensjon for folkevalde på bakgrunn av melding 249/12. I saka må også kostnader knytt til pensjonsordning vurderast. 250/12 201107735-64 Utgreiing av snøggbåt mellom Sotra og Bergen 251/12 201206699-6 Svar på oversendingsforslag om prioritering av bedrifter som tek samfunnsansvar ved å ta inn lærlingar ved innkjøp frå Hordaland fylkeskommune 4
I samband med melding 251/12 sette Ruth Grung fram slikt oversendingsforslag: «Fylkesutvalet ber fylkesrådmannen presisere kravet til at verksemdene ikkje berre er godkjende lærebedrifter, men kan dokumentere at dei har lærlingar. Ber også om at dette kravet vert innført for ferje og snøggbåt.» Grung sitt forslag vart samrøystes vedteke oversendt til fylkesrådmannen. 252/12 201005716-9 Organisering av ungdomsarbeidet i HFK - forslag i fylkesutvalet 25.10.12 I samband med melding 252/12 sette Ruth Grung fram slikt oversendingsforslag: «Det er ønskjeleg at fylkesadministrasjonen tek ansvar for all sakshandsaming av tilskot til barne- og ungdomsarbeid og at Ungdommens Fylkesutval får uttale seg i slike saker.» Grung sitt forslag vart samrøystes vedteke oversendt til fylkesrådmannen. Fylkeskultursjefen opplyste at problemstillinga vil verte vurdert i den samla gjennomgangen av Hordaland fylkeskommune sitt engasjement på ungdomsfeltet. 253/12 201201965-130 Spørsmål om Vestnorsk Jazzsenter - forslag i fylkesutvalet 21.06.12 254/12 201202026-24 Folkevalde sine rammevilkår I samband med melding 254/12 etterspurde Ruth Grung evaluering av «hvordan folkevalgte opplever mulighetene for å utøve politikk, i hvilken grad de opplever sakene som opplyste, møteledelse, debattmulighet, samt praktiske sider som ipad osv.» Fylkesordføraren vil ha dialog med gruppeleiarane om problemstillinga. 255/12 201208609-3 Tannlegetimar som står unytta 256/12 201201465-8 Status for spørsmål/oversendingsforslag i fylkesutvalet pr november 2012 257/12 201206244-4 Vedk. forsøk med bruk av biogass på bussane i Bergen 258/12 200507791-159 Evaluering av belønningsordningen - oversendelse av rapport og frist for tilbakemelding 259/12 201112604-86 Fylkeseldrerådet i Hordaland - uttale til forprosjekt for kollektivstrategi for Hordaland 260/12 201202903-24 Møte i Kultur- og ressursutvalet 13. november 2012. Sak 104/12. 261/12 201202903-22 Budsjettuttale frå Utdanningsforbundet - Fylkesbudsjett for 2013 og økonomiplan for 2012-2015 5
SAKNR. 257/12 GODKJENNING AV MØTEBOK - FYLKESUTVALET 25.10.2012 Fylkesrådmannen sitt forslag vart samrøystes vedteke- Møteboka frå fylkesutvalet 25.10.2012 vert godkjent. 258/12 ÅRSBUDSJETT 2013 / ØKONOMIPLAN 2013-2016 Ruth Grung sette fram slikt forslag: «Merknad frå Ap: Arbeiderpartiet vil skjerme skolane, idrett og i størst mogleg grad tenestene til befolkninga. Inndekninga ved å redusere administrasjon, rapporteringa og tiltak med liten effekt for innbyggjarane. Etter same prinsipp som vårt budsjett for 2012. Fråfall er ei av våre største samfunnsutfordringar. Arbeiderpartiet er ikkje nøgd med at elevane vert nedprioriterte. Folkehelse og samhandlingsreform er eit felles ansvar. Vi ser det som klokt å prioritere fysisk aktivitet, idrett og frivillige organisasjonar til idrett i ei tid der vi ønskjer å auke den fysiske aktiviteten i befolkninga og spesielt blant barn- og unge. Kollektivtilbod må prioriterast for å binde folk og fylke saman. Arbeiderpartiet vil prioritere skole, idrett og kollektiv. Vi har også ei rekkje mindre tiltak som vi håpar å få støtte for. Regional utvikling Støtte Ole Bull ferja Heilt elektrisk slik at vi får gjennomført eit pilotprosjekt som kan bidra til å styrke vår maritime klynge i høve til grøn miljøteknologi. Både Transnova og Innovasjon Noreg har støtta prosjektet og dermed kvalitetssikra prosjektet. 4,3 mill over 5 år i driftstøtte frå 2014 (frå klimamidlar eller RUP). Ber fylkesrådmannen fremje sak i januar 2013. Raftostiftelsen. Bergen og Vestlandet har sterke tradisjonar på internasjonalt arbeid. Raftoprisen er blitt ein merkevare for vår region og stiftinga tilbyr verdifull opplæring til våre skoleelevar slik at dei er betre rusta til å møte dei globale utfordringane. Auke støtta frå 250.000,- til 450.000,-. Auka støtte til FiskeriForum Vest og Design Region Bergen. Begge desse nettverksorganisasjonene har tett kontakt med næringsaktørar og gjer ei banebrytande innsats på kvar sine felt men har store utfordringar med å få ut støtte frå BRB. Tek av BRB sin støtte. Kultur Auka støtte til BIFF. Film er eit sterkt verkemiddel med stor appell spesielt mot ungdom. Vår region har klart å markere oss spesielt på dokumentar. Auka støtte i BergenFest si ungdomssatsing. Musikk har stor appell og fleire barn og unge bør få muligheit til å delta på live-konserter i regi av ungdomssatsinga til BergenFest. 6
Hordaland Folkeakademi får auka løyvingane med 50 000,- i tillegg til fylkesrådmannen si tilråding. Idrett og friluftsliv: Oppretthalde støtta til fylkesanlegg Gratis bruk av fylkeskommunale idrettsanlegg Auke støtta til Bergen Turlag frå 490.000 til 1 million» Terje Søviknes sette på vegner av H, V og Frp fram slikt forslag: «1. Innleiing Konstellasjonen FrP/H/V legg med dette fram sitt budsjettframlegg for 2013. Budsjettet er delt i to delar; ein taldel og ein tekstdel med konkrete verbalframlegg. Framlegget er også drøfta med KrF, som har signalisert subsidiær støtte til budsjettframlegget. 2. Generelt Med dei økonomiske råmene Hordaland fylkeskommune står overfor i økonomiplanperioden finn ikkje FrP/H/V særleg rom for større endringar i korkje drifts- eller investeringsbudsjettet. Prosjekt handlefridom II er sett i verk for å ta ned driftskostnadane med om lag 100 mill. kr pr. år. Dette er naudsynt for å møta auka kapitalkostnad i fylkeskommunen dei kommande åra som følgje av store investeringar i primærtenestene skule og samferdsel. I ein slik fase er det ikkje rett å etablera vesentlege nye tiltak med tilhøyrande auka driftskostnader. FrP/H/V ser fram til slutthandsaminga av Prosjekt handlefridom II, og legg til grunn at prosjektet må enda opp med varige tiltak som betrar balansen i driftsbudsjettet. I ein situasjon med pressa økonomi må innsatsen dei næraste åra konsentrerast om primærtenestene. Fylket har store utfordringar knytt til slutthandsaming og realisering av Skulebruksplanen for Hordaland, vedlikehald og utbygging av fylkesvegnettet, samt auka satsing innan kollektivsektoren. Parallelt må Hordaland fylkeskommune arbeida målretta med utviklingstiltak for å kunna effektivisera drifta, auka servicenivået og betra tenesteproduksjonen overfor innbyggjarane i fylket. E-kommune-satsing, med heilelektroniske arbeidsprosessar, er eitt døme på utviklingsarbeid som bør stå i fokus dei kommande åra. Koalisjonen vil også be om at fylkesrådmannen vurderer om den fylkeskommunale organisasjonen er moden for ein meir gjennomgripande organisasjonsutviklingsprosess der ein m.a. ser på organisasjonsstruktur, styringsmodell, arbeidsprosessar og tenesteutvikling. I høve kollektivsektoren ser FrP/H/V fram til arbeidet med Kollektivstrategi for Hordaland. Her må fylkeskommunen leggja langsiktige strategiar for å utvikla kollektivtilbodet i fylket, - herunder auka framkome, ulike transportformer, rutetilbod, prispolitikk, billettering, marknadsføring, innfartsparkering osb. Koalisjonen vil komma attende til konkrete prioriteringar og tiltak for å styrkja kollektivsektoren i det kommande planarbeidet. FrP/H/V vil understreka at enkeltbillettillegget på kr 11 ikkje skal innførast før mobil- og kommisjonærsal er etablert. 3. Driftsbudsjettet 3.1 Opplæring og helse Konstellasjonen aukar driftsramme for vidaregåande skule med 10 mill. kr, og legg inn ei vidare satsing mot fråfall gjennom kr 500 000 ekstra til sommarskule/leksehjelp. Det ligg også inne kr 500 000 til utvikling av læremiddel i kinesisk. 7
På investeringssida legg ein inn 18 mill. kr til utbygging av trådlaus internett i dei vidaregåande skulane slik at nettet kan opnast for alle PC ar, Mac og Ipad. Kapitalkostnaden vert lagt inn i driftsbudsjettet. Tilskot til Utdanning i Bergen vert vidareført med kr 200 000 til opplæring av rådgjevarar. Avsetning til underskotsfond i vidaregåandeskule vert redusert frå 10 mill. kr til 5 mill. kr. Dette tyder at eventuelle i underskot i skulane i 2013 ut over 5 mill. kr må dekkjast gjennom den ordinære rekneskapsavslutninga. Satsane for tannhelsetenester for vaksne vert auka med 1,6 mill. kr. Framleis ligg satsane langt under satsane i privat tannhelseteneste. 3.2 Samferdsel Vedlikehaldet på fylkesvegnettet vert auka med 10 mill. kr til dekkjelegging. Kollektivsektoren vert styrkt med 2 mill. kr til pendlarparkering og 2 mill. kr til auka ruteproduksjon i Bergensregionen. Desse tiltaka vert finansierte av forventa inntekt frå reklameprosjektet i sektoren, ref. budsjettframlegget frå FrP/H/V i 2012. Konstellasjonen legg til grunn at auka inntekter frå reklameprosjektet skal øyremerkjast kollektivsektoren. Innanfor kollektivsatsar legg konstellasjonen om til å harmonisera takstauken mellom båt og buss, samt vidareføra kortrabatten med 23 %. Tilskotet til Nye Bergensbanen vert auka til kr 250 000 for å driva ekstra lobbyverksemd inn mot Nasjonal Transportplan i 2013. Det ekstra tilskotet på kr 115 000 er eit eingongstilskot, og Buskerud fylkeskommune vert oppmoda om å gje eit tilsvarande tilskot. 3.3 Kultur og ressurs Konstellasjonen legg opp til ei omfordeling av 1 mill. kr frå nokre einskildtiltak innan kultursektoren og over til eksterne tilskot til barne- og ungdomstiltak knytt til fysisk aktivitet og idrett. Kultur- og ressursutvalet får mandat til å fordela midlane. 3.4 Andre tiltak FrP/H/V reduserer posten for omprofilering av fylkeskommunale bygg frå 10 mill. kr til 6 mill. kr i 2013. Dersom rekneskapsresultatet for 2012 gjev rom for det vil ein vurdera å auka opp at denne posten. For dei andre framlegga syner ein til taldelen under. 4. Driftsbudsjett 2013 - taldel Auka kostnader / reduserte innt. Reduserte kostn. / auka inntekter Opplæring & Helse Auka ramme vidaregåande skole - drift 10 000 000 Inv. 18 mill. kr i ope nett på vidaregåande skolar (rente/avdrag) 1 500 000 Avsetning til overskot/underskudsfond på vgs. 5 000 000 Utarbeiding av læremiddel kinesisk 500 000 Auka gjennomføring/redusert fråfall - sommarskole/leksehjelp 500 000 Takstauke tannhelsetenesta (ca. 6 % auke frå 2012) 1 600 000 Utdanning i Bergen - rådgjevaropplæring 200 000 Samferdsel Vegvedlikehald - dekkjelegging/asfaltering fylkesvegar 10 000 000 Innfartsparkering - samarbeid med omeignskommunane til Bergen 2 000 000 Auka ruteproduksjon buss - byområde 2 000 000 Inntekter frå reklame innan kollektivsektoren, ref. budsjett 2012 4 000 000 8
Ikkje auke kortrabatt frå 23 % til 25 % 1 300 000 Same takstauke båt/buss 400 000 Auka tilskot til Forum Nye Bergensbanen (totalt kr 250 000 i 2013) 120 000 Kultur & Ressurs Auka tilskot barn/unge - idrett 1 000 000 FriluftsrådetVest 100 000 Nattjazz 150 000 Skrivekunstakademiet 200 000 Kulturnett 500 000 Teaterdrift AS 200 000 Regional utvikling Bortfall av ny saksbehandlar energi 500 000 Administrasjon Auka parkeringsbetaling fylkesbygget 720 000 Redusert løyving til profilering av fylkeskommunale bygg (4 mill. kr i redusert overføring frå driftsbudsjett til investeringsbudsjett) 4 000 000 Fylkeskommunal næringsverksemd Bortfall av nettotilskot til Valen og Handeland gard (sal) 750 000 Generelt Disposisjonsfond, rev. budsjett 01.11.12 8 600 000 Sum 27 920 000 27 920 000 Resten av Økonomiplanperioden 2014-16 vert justert tilsvarande. 5. Verbalframlegg A. Samarbeid Høgskolen i Bergen Amalie Skram Fylkestinget ber om at det vert teke initiativ til eit samarbeidsprosjekt mellom Høgskolen i Bergen og Amalie Skram vgs., etter modell av samarbeidet mellom Universitetet i Bergen og Nordal Grieg vgs. B. Kollektivsektoren, - månadskort med fleksibilitet mellom transportformene Fylkestinget ber om ei utgreiing av muligheitene for å etablera eit månadskort for pendlarar som kan nyttast fleksibelt mellom dei ulike transportformene, ref. ungdomskortmodellen. C. Auka billettkontroll Fylkestinget ber Skyss intensivera arbeidet med billettkontroll oppdragande verknad. D. Utgreiing av regionalt bompengeselskap Fylkestinget ber om at det vert lagt fram ei utgreiing som synleggjer positive og negative konsekvensar av at dei prosjektrelaterte bompengeselskapa vert erstatta av eit regionalt bompengeselskap. Utgreiinga må vurdera dei ulike fasane i eit bompengeprosjekt; - tidleg fase med innsal av prosjektet og finansierings-/innkrevjingsfasen etter realiseringsvedtak.» Torill Selsvold Nyborg sette fram slikt forslag: Vi legg til grunn framlegg til budsjett 2012 frå fylkesrådmannen. I tillegg kjem desse satsingane: Politisk styring Pensjonsavtale for politikarar 1,5 mill. 9
Opplæring Elevombod («mobbeombod») Prosjekt med siktemål å styrka sjølvkjensla og motivasjonen for elevar som står i fare for tidleg slutting i vidaregåande skule. Kombinasjonen skule og arbeid må ha mykje større plass i vidaregåande skule. Det må etablerast eit stort Vestlandsprosjekt der NAV, fylkeskommunane, LO og NHO er partar. Støtte til Kongshaug musikkgymnas 2. halvår 2013 Samferdsel Asfaltering av sekundærvegnettet Oppstart hurtigbåt Nordhordland-Bergen Planleggingsmidlar til utviding av fergekai, Jondal sentrum og gang og sykkelveg Sætveithagen-Jondal Sentrum Utviding av Studentkort til å gjelda heile fylket Kultur Utvikling av pilgrimleiene Baroniet i Rosendal Hardingpuls Kirkens SOS Støtte til «Kjøtt» i Sandviken Jiri Hlinka Klaverakademi Alt i alt 0,8 mill. 0,5 mill. 0,5 mill. 0,5 mill. 3,0 mill. 0,5 mill. 1,0 mill 1,0 mill. 0,2 mill. 0,1 mill. 0,1 mill. 0,1 mill. 0,1 mill. 9,9 mill. Saldering Effektivisering av kursaktivitet Generell effektivisering av drifta i HFK Innsparing ved lågare sjukefråver Driftstøtte Valen og Handeland gard Støtte til nattjazzen vert redusert Alt i alt 2,0 mill. 4,0 mill. 3,0 mill. 0,75 mill. 0,15 mill. 9,9 mill. Verbalt forslag Støtte til flytting av Hordaland teater Tidsmessig fergemateriell Tørvikbygd-Jondal Prosjekt: Frå diesel og gass til hybride bussar X,0 mill. X,0 mill. X,0 mill» Aud Karin Oen sette fram slikt forslag: «Endring av årsbudsjett 2013 Same rammer som i fylkesrådmannen si innstilling. Politikk og administrasjon Kutt i tre nye stillingar som regionsleiarar mellom opplæringsdirektør og rektorane ca. 2 mill. kr. 10
Fellesfunksjonar Hovudposten politiske organ, administrasjon, fellesfunksj. vert redusert med 2 millionar gjennom krav om en generell innsparing. Nedjustering av politikarløner bør vere eit prioritert tiltak. Kultur 2,5 mill. kr vert sett på disposisjonsfond øyremerkt Nynorskscena i Bergen. Hovudposten kultur vert styrkt med totalt 3 millionar. Næring Hovudposten næring vert redusert med totalt 5,972 millionar gjennom bortfall av støtta til HOG-energi og BRB. Opplæring Hovudposten opplæring vert styrkt med totalt 12 millionar. Fordelt på utdanningsprogramma, fagopplæring i arbeidslivet, spesialundervisning. Elev/lærlingeombod 0,7mill. kr. Samferdsel Innsparing i ruteproduksjon ved å omgjera ei køyrebane i kvar retning til kollektivfelt på vegar med fire felt. 50 millionar. - utviding av ungdomskortet med eitt år: 6,5 mill. kr - utviding av studentkortet frå 32-35 år: 3,9 mill. kr - behalda taksten på 27 kr på einskildbilettar på buss til ein har fått system som er gode nok for at alle kan løysa billett utan vanskar: 6 millionar - snøggbåt Nordhordland: 4 mill. kr - auka trykkleik bruksvegar: 4 mill. kr - elektrisk ferje Osterøy? Klimaplan Styrkja klimaplanen med 4 mill. kr.» Benthe Bondhus sette fram slikt forslag: «Endring budsjett 2013 1. Fylkestinget opprettar eit eige elev- og lærlingombod etter modell frå andre fylkeskommunar. + 0,5 mill 2. Fylkestinget opprettar ein eigen pott som dei vidaregåande skulane kan søkja på for å styrkja skulehelsetilbodet ved skulane. + 1,5 mill 3. Opplæringskontora er ein av de viktigaste leverandørane av læreplassar. I tillegg til at dei har tett kontakt med næringslivet, er dei også ein kvalitetssikrar som fagopplæringa er avhengig av. Desse må takast med i arbeidet både med å finna fleire læreplassar og i rekrutteringa til yrkesfag. +? 4. Fylkestinget får framlagt ei sak om skulehelsetenesta i den vidaregåande skulen der òg ei vurdering av ansvarsovertaking inngår. + 2,0 mill 5. Fylkestinget opprettar eit tilskot til skular med høgt fråfall for å tilby leksehjelp/sumarskule. 11
+ 1,5 mill 6. Auka ramme Opplæring + 7,0 mill 7. Auka trafikksikring og vedlikehaldstiltak på fylkesvegane. + 9,5 mill 8. Utvida Trygt Heim ordninga til/i fleire kommunar. + 2,0 mill 9. Hordaland fylkeskommune må vera pådrivar for ei langsiktig og effektiv planlegging/ bruk av tildelte rassikringsmidlar. 10. Styrkja tiltak, Klimaplan handling + 3,0 mill 11. Hurtigbåt Nordhordland - Bergen + 3,0 mill Inndekking Konsesjonskraft 30 mill.» Røysting Forslaga frå Grung og Bondhus vart lagt ved saka. Oen sitt forslag fekk 1 røyst (SV) og fall. Nyborg sitt forslag fekk 1 røyst (KrF) og fall. Søviknes sitt forslag vart vedteke med 9 røyster (Frp, H, V, KrF) som innstilling til fylkestinget. INNSTILLING TIL FYLKESTINGET (22.11.2012) Årsbudsjett og økonomiplan vert vedtekne i samsvar med det utsende materialet og med følgjande presiseringar og endringar: 1. Innleiing Konstellasjonen FrP/H/V legg med dette fram sitt budsjettframlegg for 2013. Budsjettet er delt i to delar; ein taldel og ein tekstdel med konkrete verbalframlegg. Framlegget er også drøfta med KrF, som har signalisert subsidiær støtte til budsjettframlegget. 2. Generelt Med dei økonomiske råmene Hordaland fylkeskommune står overfor i økonomiplanperioden finn ikkje FrP/H/V særleg rom for større endringar i korkje drifts- eller investeringsbudsjettet. Prosjekt handlefridom II er sett i verk for å ta ned driftskostnadane med om lag 100 mill. kr pr. år. Dette er naudsynt for å møta auka kapitalkostnad i fylkeskommunen dei kommande åra som følgje av store investeringar i primærtenestene skule og samferdsel. I ein slik fase er det ikkje rett å etablera vesentlege nye tiltak med tilhøyrande auka driftskostnader. FrP/H/V ser fram til slutthandsaminga av Prosjekt handlefridom II, og legg til grunn at prosjektet må enda opp med varige tiltak som betrar balansen i driftsbudsjettet. I ein situasjon med pressa økonomi må innsatsen dei næraste åra konsentrerast om primærtenestene. Fylket har store utfordringar knytt til slutthandsaming og realisering av Skulebruksplanen for Hordaland, vedlikehald og utbygging av fylkesvegnettet, samt auka satsing innan kollektivsektoren. Parallelt må Hordaland fylkeskommune arbeida målretta med utviklingstiltak for å kunna effektivisera drifta, auka servicenivået og betra tenesteproduksjonen overfor innbyggjarane i fylket. E-kommune- 12
satsing, med heilelektroniske arbeidsprosessar, er eitt døme på utviklingsarbeid som bør stå i fokus dei kommande åra. Koalisjonen vil også be om at fylkesrådmannen vurderer om den fylkeskommunale organisasjonen er moden for ein meir gjennomgripande organisasjonsutviklingsprosess der ein m.a. ser på organisasjonsstruktur, styringsmodell, arbeidsprosessar og tenesteutvikling. I høve kollektivsektoren ser FrP/H/V fram til arbeidet med Kollektivstrategi for Hordaland. Her må fylkeskommunen leggja langsiktige strategiar for å utvikla kollektivtilbodet i fylket, - herunder auka framkome, ulike transportformer, rutetilbod, prispolitikk, billettering, marknadsføring, innfartsparkering osb. Koalisjonen vil komma attende til konkrete prioriteringar og tiltak for å styrkja kollektivsektoren i det kommande planarbeidet. FrP/H/V vil understreka at enkeltbillettillegget på kr 11 ikkje skal innførast før mobil- og kommisjonærsal er etablert. 3. Driftsbudsjettet 3.1 Opplæring og helse Konstellasjonen aukar driftsramme for vidaregåande skule med 10 mill. kr, og legg inn ei vidare satsing mot fråfall gjennom kr 500 000 ekstra til sommarskule/leksehjelp. Det ligg også inne kr 500 000 til utvikling av læremiddel i kinesisk. På investeringssida legg ein inn 18 mill. kr til utbygging av trådlaus internett i dei vidaregåande skulane slik at nettet kan opnast for alle PC ar, Mac og Ipad. Kapitalkostnaden vert lagt inn i driftsbudsjettet. Tilskot til Utdanning i Bergen vert vidareført med kr 200 000 til opplæring av rådgjevarar. Avsetning til underskotsfond i vidaregåandeskule vert redusert frå 10 mill. kr til 5 mill. kr. Dette tyder at eventuelle i underskot i skulane i 2013 ut over 5 mill. kr må dekkjast gjennom den ordinære rekneskapsavslutninga. Satsane for tannhelsetenester for vaksne vert auka med 1,6 mill. kr. Framleis ligg satsane langt under satsane i privat tannhelseteneste. 3.2 Samferdsel Vedlikehaldet på fylkesvegnettet vert auka med 10 mill. kr til dekkjelegging. Kollektivsektoren vert styrkt med 2 mill. kr til pendlarparkering og 2 mill. kr til auka ruteproduksjon i Bergensregionen. Desse tiltaka vert finansierte av forventa inntekt frå reklameprosjektet i sektoren, ref. budsjettframlegget frå FrP/H/V i 2012. Konstellasjonen legg til grunn at auka inntekter frå reklameprosjektet skal øyremerkjast kollektivsektoren. Innanfor kollektivsatsar legg konstellasjonen om til å harmonisera takstauken mellom båt og buss, samt vidareføra kortrabatten med 23 %. Tilskotet til Nye Bergensbanen vert auka til kr 250 000 for å driva ekstra lobbyverksemd inn mot Nasjonal Transportplan i 2013. Det ekstra tilskotet på kr 115 000 er eit eingongstilskot, og Buskerud fylkeskommune vert oppmoda om å gje eit tilsvarande tilskot. 3.3 Kultur og ressurs Konstellasjonen legg opp til ei omfordeling av 1 mill. kr frå nokre einskildtiltak innan kultursektoren og over til eksterne tilskot til barne- og ungdomstiltak knytt til fysisk aktivitet og idrett. Kultur- og ressursutvalet får mandat til å fordela midlane. 3.4 Andre tiltak FrP/H/V reduserer posten for omprofilering av fylkeskommunale bygg frå 10 mill. kr til 6 mill. kr i 2013. Dersom rekneskapsresultatet for 2012 gjev rom for det vil ein vurdera å auka opp at denne posten. For dei andre framlegga syner ein til taldelen under. 13
4. Driftsbudsjett 2013 - taldel Auka kostnader / reduserte innt. Reduserte kostn. / auka inntekter Opplæring & Helse Auka ramme vidaregåande skole - drift 10 000 000 Inv. 18 mill. kr i ope nett på vidaregåande skolar (rente/avdrag) 1 500 000 Avsetning til overskot/underskudsfond på vgs. 5 000 000 Utarbeiding av læremiddel kinesisk 500 000 Auka gjennomføring/redusert fråfall - sommarskole/leksehjelp 500 000 Takstauke tannhelsetenesta (ca. 6 % auke frå 2012) 1 600 000 Utdanning i Bergen - rådgjevaropplæring 200 000 Samferdsel Vegvedlikehald - dekkjelegging/asfaltering fylkesvegar 10 000 000 Innfartsparkering - samarbeid med omeignskommunane til Bergen 2 000 000 Auka ruteproduksjon buss - byområde 2 000 000 Inntekter frå reklame innan kollektivsektoren, ref. budsjett 2012 4 000 000 Ikkje auke kortrabatt frå 23 % til 25 % 1 300 000 Same takstauke båt/buss 400 000 Auka tilskot til Forum Nye Bergensbanen (totalt kr 250 000 i 2013) 120 000 Kultur & Ressurs Auka tilskot barn/unge - idrett 1 000 000 FriluftsrådetVest 100 000 Nattjazz 150 000 Skrivekunstakademiet 200 000 Kulturnett 500 000 Teaterdrift AS 200 000 Regional utvikling Bortfall av ny saksbehandlar energi 500 000 Administrasjon Auka parkeringsbetaling fylkesbygget 720 000 Redusert løyving til profilering av fylkeskommunale bygg (4 mill. kr i redusert overføring frå driftsbudsjett til investeringsbudsjett) 4 000 000 Fylkeskommunal næringsverksemd Bortfall av nettotilskot til Valen og Handeland gard (sal) 750 000 Generelt Disposisjonsfond, rev. budsjett 01.11.12 8 600 000 Sum 27 920 000 27 920 000 Resten av Økonomiplanperioden 2014-16 vert justert tilsvarande. 5. Verbalframlegg A. Samarbeid Høgskolen i Bergen Amalie Skram Fylkestinget ber om at det vert teke initiativ til eit samarbeidsprosjekt mellom Høgskolen i Bergen og Amalie Skram vgs., etter modell av samarbeidet mellom Universitetet i Bergen og Nordal Grieg vgs. B. Kollektivsektoren, - månadskort med fleksibilitet mellom transportformene Fylkestinget ber om ei utgreiing av muligheitene for å etablera eit månadskort for pendlarar som kan nyttast fleksibelt mellom dei ulike transportformene, ref. ungdomskortmodellen. 14
C. Auka billettkontroll Fylkestinget ber Skyss intensivera arbeidet med billettkontroll oppdragande verknad. D. Utgreiing av regionalt bompengeselskap Fylkestinget ber om at det vert lagt fram ei utgreiing som synleggjer positive og negative konsekvensar av at dei prosjektrelaterte bompengeselskapa vert erstatta av eit regionalt bompengeselskap. Utgreiinga må vurdera dei ulike fasane i eit bompengeprosjekt; - tidleg fase med innsal av prosjektet og finansierings-/innkrevjingsfasen etter realiseringsvedtak. 259/12 FAGSKULETILBOD STORD - BUDSJETTENDRING Fylkesrådmannen sitt forslag vart samrøystes vedteke. Fylkesutvalet løyver 1 mill. kr til fjernundervisningstilbod innan maskinteknikk og elkraft på Stord. Budsjettet for 2012 vert endra slik: 10 600 997 Fagskule 11000 + kr 1 000 000 10 720 200 Tilleggsl. fylkesutval 14900 + kr 1 000 000 260/12 REGIONAL TRANSPORTPLAN HORDALAND (RTP) 2013-2024. FRAMLEGG TIL PLAN MED HANDLINGSPROGRAM. Ruth Grung sette fram slikt forslag: «Tilleggsforslag: 4.4 Gang og sykkelvegar Endre siste setning i første kulepunkt til: Dette er eit viktig klima- og miljøtiltak, men også for trafikksikring og folkehelse. Endre siste setning i andre kulepunkt: Dette er i hovudsak eit trafikksikringtiltak og folkehelsetiltak. Nytt kulepunkt. 80 % av barn og unge i Hordaland bør gå eller sykle til skole. Fylkeskommunen vil i samarbeid med kommunar utarbeide kartleggingsverktøy og tiltakspakkar for å nå det nasjonale målet om meir aktiv kvardag. 4.5 Ferjedrift Nytt kulepunkt. Fylket skal vere ein aktiv pådrivar for at Hordaland vert leiande på miljøteknologi og støtte etablering av pilot på batteriferje. 5.1 Overordna rutestruktur for kollektivtrafikken utanfor Bergen Tillegg til pkt 1. Kollektivtilbodet må ta spesielt omsyn til barn og unge slik at rutene er tilpassa skulane og at dei kan ta del i fritidsaktivitetar. 5.2 Infrastruktur for kollektivtrafikken Nytt første kulepunkt: Framkometiltak for kollektiv må prioriterast i område der det er stor konkurranse med privatbil. Kollektivfelt, sambruksfelt, lysprioritet er aktuelle tiltak. Tillegg på Strategi: Trafikknutepunkt skal innehalde oppstillingsplassar for drosje. 15
5.4 Kollektivtilbod og reiseliv Tillegg til første kulepunkt: Reiselivets behov bør i størst mulig grad vere ein del av det ordinære rutetilbodet. Rutetilbodet bør vere føresieleg, helst over år, slik at reiseaktørar kan leggje det til grunn i si marknadsføring. 6. Transport i Bergens-området Nytt punkt til erstatning av dei to første kulepunkta: For Bergensområdet skal all vekst av persontransport takast med kollektiv, sykkel eller gange. 7.2 Jernbane Endre siste setning i første kulepunkt: Vossabanen og Ringeriksbanen skal byggjast i planperioden, med standard for høgfartsbane. Endre 3. kulepunkt: Vossebanen skal verta eit attraktivt tilbod med intercity-funksjon, og verta.. Endre i kulepunkt 7 om godshamn frå skal til bør. Nytt kulepunkt på strategi: etablere eit timetilbod mellom Bergen og Voss og ungdomskortet må gjelde for alle tog. 7.4 Sjøtransport Nytt kulepunkt: Meir gods på kjøl. S: det skal utarbeidast ein nærskipsfart-strategi for å få meir gods på kjøl. Nytt kulepunkt: Meir persontransport med båt. S: Det skal utarbeidast ein strategi på framtidsretta miljøvennleg persontransport på sjø. Nytt kulepunkt: Etablere ny fiskerihamn på Bømlo. S: saman med kommunen og fiskerinæringa starte arbeidet med lokalisering av ny moderne fiskerihamn på Bømlo. Tillegg og endring av følgjande tiltak i forhold til innstilling frå samferdsutvalet: Nytt 4.4.4 Få fleire barn og unge til å gå eller sykle til skulen. Utarbeide eit kartleggingsverktøy for korleis barn og unge kjem seg til skulen i samarbeid med SVV. Utarbeide ei tiltakspakke som vert prøvd ut i utvalde kommunar. Nytt 4.5.3 Fylket støtter etablering av eit pilotprosjekt for batteriferje. I samarbeid med næring, forsking og offentlege støtteordningar vert det arbeidd for å få starta opp ei pilotferje i full skala. 5.4.2 Endre siste setning til: Slike tilbod bør vere ein del av det ordinære rutetilbodet eller vurderast som sjølvfinansierande ruter. 7.2.4 Leggje til i første setning:,samt timetilbod og nattilbod til/frå Arna og Bergen. Ber fylkesrådmannen innarbeide følgjande prosjekt i handlingsplanen: Styrke fastlandforbindelsen for Austevoll, Fedje og Espevær. Betre ferjetilbodet mellom Austevoll og fastlandet, mellom Fedje og fastlandet, samt båttilbodet til Espevær. Overordna vegnett Fylkeskommunen må vere ein pådrivar for å få realisert utbetring av Fv 561 Kolltveit Ågotnes og Fv 555 Kolltveit Austefjorden. 16
Fv Tørvikbygd- Norheimsund vert ein del av overliggjande fylkesvegnett. Jondaltunnelen har skapt eit nytt reisemønster. Løyse kaiutfordringane i Tørvikbygd og Jondal evt. sette inn to mindre ferjer. Fv 569 mellom Dalseid og Eidsland må oppgraderast med ny Høgarbergtunnel. Fv 314 Dale-Bulken over Bergsdalen er ein viktig omkøyringsveg for E16 og må få status som overordna fylkesveg etter kriterium 3. Vegen til Fiskerihamnen på Austevoll via austsida av Huftarøy vert ein del av overordna vegnett. Fv 7 må oppgraderast som viktigaste veg for heile Hardanger og som avlasting for E16. Fv 48 oppstart av ny veg mellom E134, Etne og Skånevik. Sikre nok planmidlar og at eksisterande kommuneplan vert vurdert i planprosessen. Ny Fv Etne- Sauda har så langt vore eit samarbeidsprosjekt for Sauda/Etne/Hordaland/ Rogaland. Dei fire partane har løyvd likelydande summar til planarbeid. Reguleringsplan er snart klar. Hordaland fylkeskommune må vere pådrivar for realisering av prosjektet slik at det kan startast opp i siste del av perioden. FV 57 Knarvik-Mongstad omklassifisert til Riksveg Anna vegnett Fv Vesetgjelet og tilførsel til nytt næringsområde planlagt på Espevoll (Osterøy). Vil auke næringsareal i regionen. Fv 360 Bruvikvegen tilkomst til nytt bustadområde (Osterøy). Bru over Torangsvågen vert realisert før 2017 (Austevoll). Trafikktryggleik. Utbetring av Alversund bru på Fv 565 (Radøy), for å betre trafikkflyten. Fv 34 Skånevistranda treng oppgradering (Etne).» Torill Selsvold sette fram slikt forslag: Tillegg til innstillinga I samarbeid med Masfjorden kommune og næringslivet, vil Hordaland fylkeskommune bidra med utviklingsmidlar til Masfjordbrua i første halvdel av planperioden. Det medfører start på prosjektet i 2018.» Aud Karin Oen sette fram slikt forslag a): «Samferdselsutvalet støttar framlegget til Regional Transportplan Hordaland 2013-2024 med desse endringane: a. Inga støtte til auka terminalkapasitet som skal auka trafikkapasiteten ved Flesland. Ny plan må ta bort delmålet om kapasitetsutviding ved Bergen Lufthamn Flesland. b. All ny vegkapasitet mot Bergen sentrum må bli utsett til kollektivtilbodet er blitt langt betre. c. Mindetunnelen, Nyborgtunnelen, Skansentunnelen, Ringveg Vest og ferjefri kyststamvei må ut av planen. d. Erstatta plan om 4-feltsvei Ringvei Øst med ein trafikksikker 2-feltsveg med midtdelar 17
og skulder. e. Biltunnel frå Arna må ut av planen. f. Ny bru til Sotra må ha to felt og vera reservert til buss og seinare bybane. g. Kollektivfelt med sambruksfelt som overgangsordning på alle firefelts innfartsårer til Bergen. h. Mål om kraftig opprusting av Bergensbana med sikte på reisetid på 4 timar innan 2020. i. Eit eige program for Bergen som landets beste kollektivby med grøn teknologi frå neste anbodsperiode. Ny plan for utvida bruk av trolleybuss til Oasen, Nattland og Paradis. j. Eit system for sanntid køovervaking av vegnettet inn mot Bergen særlig med sikte på å skaffe data om tidsbruk for kollektivtrafikken. k. Ny ambisiøs bybane-visjon med ringbanesystem slik: i. Mot Fana: Sentrum-Fløen-Haukeland Sjukehus Kronstad - Mindemyren- Lagunen. ii. Mot Vest: Sentrum-Fløen-Haukeland Sjukehus Kronstad-Mindemyren-Oasen- Loddefjord-Sotra. Returbane via Laksevåg. iii. Mot Nord: Motorvegen som første byggetrinn inkludert linje til Klauvaneset. Returbane med vekt på å nå folkerike område vest for motorvegen. iv. Bybane Aust som kraftig oppgradering av togtilbodet til Arna med ny togtunnel. l. Plan for samanhengande sykkelnett i Bergensområdet. m. Plan for sikring av skolevegen med fysisk skilje og hovudregel med 30 km/t på veg som passerar skule. n. Plan for omgjering av bompengeringen rundt Bergen til miljøring. o. Auke i kollerktivdelen i Bergen opp til 25% i 2024, jfr. tabell side 53. p. Planen skal innarbeida forslag til parkeringsplan for Bergensområdet med færre p-plassar i tråd med fylket sin klimahandlingsplan. Mona Røsvik Strømme sette fram slikt forslag: «Endring i kap. 4.2. Omtale av prioriterte prosjekt Storskaret-Arefjordspollen 4.2.8 side 11 Siste setning i andre avsnitt går ut og vert erstatta av følgjande: For at vi skal kunne gjennomføra prosjektet etter oppsett tidsramme, må det arbeidast vidare med moglege løysingar for ytterlegare reduksjon av kostnadane og/eller supplere med anna finansiering.» Aud Karin Oen sette fram slikt forslag b) på vegner av SV og KrF: «Nautnes bru i Øygarden vert lysregulert.» 18
Røysting Oen sitt forslag a) fekk 1 røyst (SV) og fall. Oen sitt forslag b) vart samrøystes vedteke som innstilling til fylkestinget. Strømme sitt forslag vart samrøystes vedteke som innstilling til fylkestinget. Grung sitt forslag punkt 4.4. Endre siste setning i første kulepunkt vart samrøystes vedteke som innstilling til fylkestinget. Grung sitt forslag punkt 5.4 Rutetilbodet vart samrøystes vedteke som innstilling til fylkestinget. Grung sitt forslag punkt 7.2 Endre 3. kulepunkt vart samrøystes vedteke som innstilling til fylkestinget. Grung sitt forslag punkt 7.4 Fiskerihamn på Bømlo vart samrøystes vedteke som innstilling til fylkestinget. Grung sitt forslag punkt 7.2.4 Leggje til i første setning vart samrøystes vedteke som innstilling til fylkestinget. Grung sine resterande forslag fekk 6 røyster (A, SP, SV) og fall. Nyborg sitt forslag fekk 2 røyster (KrF, SV) og fall. Innstillinga frå samferdselsutvalet vart samrøystes vedteken som innstilling til fylkestinget. INNSTILLING TIL FYLKESTINGET (22.11.2012) Fylkestinget vedtek med dette Regional transportplan Hordaland 2013 2024 med følgjande endringar. Til 2.2.2 - Punkt om Kollektivstrategi for Hordaland må inn under regionale planar under utarbeiding. - Punkt om arbeidet med innfartsparkering må inn under andre regionale og kommunale utgreiingar eller prosessar. Til 2.3 Overordna verknader av planen Nytt punkt: Samarbeid med kommunane Kommunane sitt medansvar, og behovet for eit styrkt samarbeid mellom fylke og kommunane for å nå måla i RTP må understrekast. RTP skal vere eit synleg styringsdokument. Planar for areal, infrastruktur og transportavvikling må vere ein integrert del av kommunane sine regulerings- og planleggingsprosessar. Endring i kap. 4.2. Omtale av prioriterte prosjekt Storskaret-Arefjordspollen 4.2.8 side 11 Siste setning i andre avsnitt går ut og vert erstatta av følgjande: For at vi skal kunne gjennomføra prosjektet etter oppsett tidsramme, må det arbeidast vidare med moglege løysingar for ytterlegare reduksjon av kostnadane og/eller supplere med anna finansiering. Til 4.3 Regionsentra og 4.3.2 Delmål for trafikale knutepunkt (Ta setninga side 31, høgre bolk siste avsnitt, ut i eige punkt og legg til slik at det vert: ) Innfartsparkering Det vert viktig å etablere innfartsparkering med god kapasitet både for bil og sykkel. Lokale forhold som geografi, hyppigheit på kollektivtilbodet, om dette er knytt til større terminalar eller mindre haldeplassar tilseier at innfartsparkeringsanlegg vil variere mykje i storleik og tilpassing. Sentralt i dette arbeidet er at dei framtidige anlegga skal gjere overgangen til kollektivnettet smidig, og vere lokalisert slik at det vert attraktivt å nytte kollektivtransport. Nytt delmålpunkt: Å utvikle gode innfartsparkeringar, med kapasitet og fasilitetar tilpassa lokale og regionale forhold. 19
4.3.1 Nytt punkt der det passar: Raste- og kvileplassar for langtransport er under utarbeiding nasjonalt, det kan og vere aktuelt å vurdere på stader med mykje godshandtering, særleg om dei ligg langt unna riksvegnettet. 4.4 Gang og sykkelvegar Endre siste setning i første kulepunkt til: Dette er eit viktig klima- og miljøtiltak, men også for trafikksikring og folkehelse. 5.1.1 Tillegg til avsnittet om bussruter (avsnitt 2): Det er viktig at korrespondansar mellom dei ulike tilboda er god. Ei utfordring framover i arbeidet med rutestruktur og kollektivstrategi er å få lokale ruter og område med låg dekning til å passe best mogleg med det andre kollektivnettet. Skyss og kommersielle aktørar må samarbeide tett om dette, samt tekniske løysingar. Nytt tillegg til avsnittet om snøggbåtar (endre frå og med siste setning): Per i dag er miljøbelastninga frå eksosutslepp mykje større enn for buss. Men nye anbodskrav og bruk av ny teknologi i RTP-perioden kan gjere snøggbåt til eit meir klimavennlig tilbod. Å vurdere om ein kan avlaste vegnettet med transport på miljøvenlege snøggbåtar vert eit viktig strategisk middel som det må jobbast med fram mot neste rullering. Nytt avsnitt under Informasjon og marknadsføring, s.47. God skilting, informasjon og marknadsføringsmateriell på fleire språk er viktig i heile regionen. Mange tilreisande og ein internasjonal arbeidsmarknad gjer det viktig å få dette på plass også utanom turistsektoren. 5.4 Kollektivtilbod og reiseliv Tillegg til første kulepunkt: Rutetilbodet bør vere føreseieleg, helst over år, slik at reiseaktørar kan legge det til grunn i si marknadsføring. Til punkt 6.2 (Stryke siste setning i siste avsnitt før "Målføresetnader og oppfølging...", og set framlegget inn i teksten før "Gangmålet frå Klimaplanen..."). For å oppfylle Klimaplanens intensjonar om sykkelandel, må andelen aukast monaleg i heile fylket. Det må setjast lokale mål i dei enkelte sykkelstrategiane som reflekterer dette. I sentrale delar av byane og tettstader bør sykkelandelen i høve til NTP liggje i intervallet 10 %-20 %. (Punkt om mål om 10-20 % må takast med i delmål for del 6, side 8). 7.2 Jernbane Endre 3 kulepunkt: Vossebanen skal verte eit attraktivt tilbod med intercity-funksjon, og verta.. 7.2.1 Mål om kraftig opprusting av Bergensbana med sikte på reisetid på 4 timar innan 2020. 7.2.4 Leggje til i første setning:, samt timetilbod og nattilbod til/frå Arna og Bergen. 7.4. Sjøtransport Nytt kulepunkt: Etablere ny fiskerihamn på Bømlo S: Saman med kommunen og fiskerinæringa starte arbeidet med lokalisering av ny moderne fiskerihamn på Bømlo. 20
7.3.2 Endring under utbyggingstiltak: Kapasiteten på lufthamna på Flesland er sprengd, men ansvaret for utbygging ligg i kommunal regulering og nasjonal finansiering. Fylket si rolle vert å avvikle den lokale transporten mest mogleg klimavenleg og det er svært viktig at Bybanen står klar innan ny terminal opnar. 8.1.1. Forskottering Endra første setning: Ved forskottering er det tale om.. Andre avsnitt går ut og vert erstatta med følgjande tekst: Forskottering er ei ordning for delar av infrastrukturutbygginga i dag, og kan vere eit alternativt verktøy når andre finansieringsløysingar ikkje er til stades gjennom ordinære prioriteringar. 8.3 Nytt punkt (punkt 8.3 Transportberedskap vert punkt 8.4): Nye finansieringsformar Med dei rammene fylkeskommunen har til rådvelde for å drifte og investere i samferdsle, er det i planperioden nødvendig å avklare i kva grad ein kan gjere seg nytte av alternative finansieringsformer. Det er viktig å få vurdert om ein på denne måten kan sikre ei meir føreseieleg finansiering, redusere byggjetid og kostnadsrisiko samt oppnå høgare standard og få reduserte driftsog vedlikehaldskostnader. Samfunnsøkonomisk lønnsemd, effektivitet og konsekvensar for politisk styring er viktige element i vurderinga. Det vil også vere viktig å få avklart eventuelle hindringar mot at alternativ finansiering vil eigne seg for fylkeskommunale prosjekt. Nautnes bru i Øygarden vert lysregulert. 261/12 NÆRINGSRETTA MIDLAR TIL REGIONAL UTVIKLING, - GODKJENNING AV PLAN FOR BRUK AV KOMPENSASJONSMIDLANE 2012 Terje Søviknes sette fram slikt forslag på vegner av H, Frp V, A, og Sp: 1. Fylkesutvalet godkjenner Plan for kompensasjonsmidlar 2012 innanfor områda samferdsel, kompetanseheving, bedriftsretta tiltak og administrasjon. 2. Fylkesutvalet ber arbeidsutval og styringsgruppe om å vurdera tiltak under område andre tiltiltak på nytt, og vurdera desse spesifikt i høve til målsetninga og dei vedtekne rammene for bruk av kompensasjonsmidlane.» Aud Karin Oen sette fram slik protokollmerknad: «Går i mot å gje pengar til Ferjefri kyststamveg.» Røysting Fylkesrådmannen sitt forslag inkl. E39 fekk 1 røyst (KrF) og fall. Fylkesrådmannen sitt forslag ekskl. E39 fekk 2 røyster (SV, KrF) og fall. Søviknes sitt forslag vart vedteke mot 1 røyst (KrF). 1. Fylkesutvalet godkjenner Plan for kompensasjonsmidlar 2012 innanfor områda samferdsel, kompetanseheving, bedriftsretta tiltak og administrasjon. 2. Fylkesutvalet ber arbeidsutval og styringsgruppe om å vurdera tiltak under område andre tiltiltak på 21
nytt, og vurdera desse spesifikt i høve til målsetninga og dei vedtekne rammene for bruk av kompensasjonsmidlane. Protokollmerknad frå SV Går i mot å gje pengar til Ferjefri kyststamveg. 262/12 TILSTANDSRAPPORT VIDAREGÅANDE OPPLÆRING 2011 / 2012 FOR HORDALAND FYLKESKOMMUNE Ruth Grung sette fram slikt forslag: «Tillegg: 1. Talet på ungdommar som gjennomfører vidaregåande opplæring i Hordaland vert auka til 80 %, medan det nasjonale målet er 75 %. 2. Fylkesutvalet ber om oversyn over resultata for kvar skole og lærefag. Fylkestinget har det overordna ansvaret for at våre elevar får eit godt opplæringstilbod og vi treng informasjon over kva skolar som gjer det bra og skolar som slit med å nå måla. Slik kunnskap er relevant for prioritering av ressursar og for skolebruksplanen.» Røysting Innstillinga vart samrøystes vedteken som innstilling til fylkestinget. Grung sitt forslag punkt 1. vart samrøystes vedteke som innstilling til fylkestinget. Grung sitt forslag punkt 2. vart samrøystes vedteke. VEDTAK Fylkesutvalet ber om oversyn over resultata for kvar skole og lærefag. Fylkestinget har det overordna ansvaret for at våre elevar får eit godt opplæringstilbod og vi treng informasjon over kva skolar som gjer det bra og skolar som slit med å nå måla. Slik kunnskap er relevant for prioritering av ressursar og for skolebruksplanen. INNSTILLING TIL FYLKESTINGET (22.11.2012) 1. Fylkestinget tek tilstandsrapport for vidaregåande opplæring 2011/2012 for Hordaland fylkeskommune til orientering. 2. Det vert bede om at tiltaket med lærarevaluering vert inkludert i tilstandsrapporten for 2012/2013. 3. Talet på ungdommar som gjennomfører vidaregåande opplæring i Hordaland vert auka til 80 %, medan det nasjonale målet er 75 %. 263/12 PLAN FOR KOMPETANSEUTVIKLING 2012-2015. TILTAK 2013 Ruth Grung sette fram slikt forslag: «Alternativ forslag: 1. Fylkestinget sluttar seg til hovudtrekka i rulleringa av tiltaka for 2013 i Plan for kompetanseutvikling 2012-2015, men ber fylkesrådmannen styrke innsatsen i dei områda som kjem dårleg ut i tilstandsrapporten, så som matematikk, naturfag, vurdering, klasseleiing og skoleleiing. 2. Fylkestinget ber fylkesrådmannen om å inngå samarbeid med Høgskolen i Bergen for å utarbeide eit etterutdanningstilbod for yrkesfaglærarar i byggfag i høve ny kunnskap om 22