REGULERINGSPLAN FOR BREISET, DEL AV GNR. 36 BNR.1 REGULERINGSFØRESEGNER OG RETNINGSLINER PlanID: 01032010 03.09.2013 2 Vatn og avlaup er endra i samsvar med pbl. 2008 12-7 og erstattar kap 6. Retningsliner for vatn og avlaup. REGULERINGSFØREMÅL Byggjeområde, Pbl. 25.1 - Fritidsbustader - Ålmennyttig føremål - Garasjeanlegg Landbruksområde, Pbl. 25.2 - Område for jord- og skogbruk Fareområde, Pbl. 25.5 - Høgspentanlegg Spesialområde Pbl. 25.6 - Friluftsområde land - Friluftsområde i vassdrag - Privat veg og parkering - Renovasjon - Vatn- og avlaupsanlegg - Leik - Drikkevasspost - Bevaringsområde (kulturminne) Retningsliner knytt til vatn- og avlaupsløysingar Føresegnene gjeld for område vist med reguleringsgrense på plankart. Vedteken reguleringsplan er bindande for arealbruk, frådeling og byggje- og anleggsverksemd. Etter at reguleringsplanen er vedteken, er det ikkje lov å etablere privatrettslege avtaler i strid med planen. 1 FELLESFØRESEGNER 1.1 Opparbeiding av vegar i planområdet er søknadspliktig. For å hindre bortfall av INON (Inngrepsfritt naturområde), tillatas det ikkje bygging av stikkvegar til hytter med nr. 1 (ny), 22 og 24 28. Parkering for desse skal skje på regulert parkeringsplass ved tomt 23.
1.2 Det kan etablerast 2 parkeringsplassar per tomt ved vinterbrøytt veg. Parkering skal elles skje ved felles parkeringsanlegg ved Breisethytta. 1.3 Der det ikkje er mogleg å opparbeide parkering i tilknytning til hytte, kan kommunen gje løyve til at det kan opparbeidast samleparkering i hytteområdet. Som hovudregel skal samleparkering vere direkte knytt til samlevegane som er synt i plankart. 1.4 Eksisterande snu- og avlastningsplassar må oppretthaldast for å sikre god tilkomst til hytteområda. 1.5 Innafor planområdet er det tillete å føre fram infrastruktur til feltet; kablar og tekniske anlegg. Framføring av leidningar knytt til vatn- og avlaupsanlegg, kabelgrøfter for straum, fiber, tele, osv. bør følgje trasear for køyrevegar, og anleggast parallelt, helst som anlegg i bakken. Det er også tillete med luftstrekk. 1.6 All graving i terrenget skal utførast skånsamt. Omkringliggande terreng og vegetasjon skal ikkje påførast større inngrep ved sprenging eller graving enn det som er naudsynt. I område som ikkje skal nyttast til kommunikasjonsareal (veg, parkering o.l.) skal terrenget førast attende. Skjeringar og fyllingar skal dekkast med jord og re vegeterast med stadeigen vegetasjon. 1.7 Før det vert gjeve byggjeløyve skal grunnen på tomta vere undersøkt i høve til radoninnhald. Evt. tiltak for å redusere radon-nivået må gå fram av byggesøknaden. 1.8 Renovasjonsordning for området skal fylgje dei til ein kvar tid gjeldande reglane for kommunen. 1.9 Kantsoner langs vatn og vassdrag skal takast vare på. Hogst i området skal gjerast skånsamt. 1.10 Dersom det undervegs i arbeidet kjem fram gjenstandar eller andre spor frå eldre tid, skal arbeidet opphøyre og snarast meldast til Telemark fylkeskommune, kulturminnevernseksjonen, jf. lov av 9. juni 1978 nr. 50 om kulturminne (kulturminnelova), 8 andre ledd. Kulturminnevernseksjonen føreset at dette pålegg formidlast vidare til dei som utfører arbeidet i marka. 1.11 Der skiløyper kryssar private samlevegar skal brøytekantar skjerast ned til nivå med veg slik at vegen lett kan kryssast av skigåarar med pulk. 1.12 Der skiløyper kryssar private samlevegar skal det leggjast på ein såle av snø når det er behov for det, slik at vegen kan kryssast av skigåarar. 1.13 Eventuelt forsamlingslokale/ varmestoger skal ha universell utforming. 2 VATN OG AVLAUP 2.1 Det opnast for innlagt vatn med utslepp i samsvar til godkjent VA-plan. 2.2 Alle eksisterande og planlagde borebrønnar i hytteområdet skal leggast inn på vaplanen og kartfestast nøyaktig. Boring av nye brønnar som ikkje er i samsvar med vaplanen er ikkje tillatt. 2.3 Eventuelle avvik frå godkjent va-plan må kun skje etter forutgåande godkjenning av Sauherad kommune. Avvik skal, etter at godkjenning er gitt, ajourføras i va-planen. 2.4 Vassforsyninga må vere godkjent av godkjenningsmyndigheitene (Mattilsynet og helsemyndigheitene). Godkjenningskravet er uavhengig av om vatn er innlagt eller ikkje. 2.5 Utsleppsløyve for den konkrete hytte må vere gitt før vatn kan leggast inn. 2.6 Alle utsleppsanlegg, herunder etterpoleringsgrøfter, må utformast og plasserast i henhold til vedtatt va-plan.
2.7 Fylgjande utsleppsalternativar kan godkjennast: Ved full sanitær standard skal nyttast godkjent minirenseanlegg i klasse 1. Anlegga for svartvatn må vere i henhold til NS-EN 12556_3. Ved innlegging av vatn utan vassklosett nyttast biologisk privet utan utslepp eventuelt forbrenningstoalett og gråvassrenseanlegg. Gråvassrenseanlegga må tilfredstille V/A miljøblad nr.60 biologiske filtre for gråvann, etter ny norm for gråvannsrenseanlegg utarbeidet av UMB (Universitet for miljø- og biovitenskap) og Bioforsk. Hytter utan innlagt vatn skal ha biologisk privet utan utslepp av kvalitetsgodkjent type eventuelt forbrenningstoalett. 2 BYGGJEOMRÅDE 2.1 Fritidsbustader 2.1.1 Tomtene kan byggjast med frittliggjande hytter med tilhøyrande uthus/anneks. Kommunen skal godkjenne plassering og utforming av bygningar og anlegg. Fargeval skal gå fram av byggjesøknaden. Hytte skal søkjast plassert slik bygningsplassering er synt på plankart. Møneretning skal som hovudregel fylgje høgdekotene. Hytter skal ikkje leggjast på eksponerte stader i terrenget. 2.1.2 Bygningar skal plasserast og utformast slik at dei fell naturleg inn i landskapet. Terrenginngrep skal avgrensast til det som er naudsyn for oppføring av bygg med tilhøyrande anlegg. Omkringliggjande terreng skal ikkje påførast større inngrep ved fjerning av vegetasjon, graving eller planering anna enn det som er naudsynt for å oppføre bygningane, areal for tilkomst og parkering, samt tekniske anlegg o.l. 2.1.3 Planering i samband med plassering av bygg må ikkje føre til avvik større enn 1 meter frå opprinneleg terrengnivå. På tomter der terrengtilhøva tilseier det, skal bygningar avtrappast. 2.1.4 Saman med byggjesøknad skal det leverast situasjonsplan for tomta som syner interne vegar/innkøyring på tomta, parkering, plassering av bygningar, møneretning, plassering av tekniskeanlegg, inkl. leidningstrasear. 2.1.5 Hytter kan byggjast med tillete bygd areal (BYA) på inntil 115 m2. Parkering inngår ikkje i dette. Det kan i tillegg byggjast terrasser med eit areal på inntil 35 m2 i tilknytning til hytte. Frittliggjande uthus/anneks tillatast bygd med bygd areal (BYA) inntil 20 m2. Uthus/ anneks skal liggje maksimalt 6 meter frå hytte. 2.1.6 Maksimal mønehøgd for nye bygg er 6,0 meter og gesimshøgd 3,5 meter frå gjennomsnittleg terreng. Gesimshøgd for oppstuge/ ark kan fråvike dette. Maksimal høgde på grunnmurkrone og pilarar er maksimalt 0,8 meter over planert terreng. Nye hytter kan byggjast med oppstuge, der tomt og omgjevnader ligg til rette for det. 2.1.7 Maksimal mønehøgd for uthus/ anneks er 4,0 meter frå gjennomsnittleg terreng. 2.1.8 Hovudhytte skal normalt utformast med saltak. Saltaket skal normalt ha takvinkel mellom 27 og 35 grader. Kommunen kan tillate andre taktyper og vinklar dersom dette gjev gode estetiske løysingar for tomta og området. Andre takkonstruksjonar kan òg godkjennast av omsyn til ENØK eller andre miljømessige tilhøve. Takvinkel på eksisterande hytter kan vidareførast. 2.1.9 Uthus/ anneks skal ha lik takvinkel som hytte. 2.1.10 Kvar tomt skal berre ha ei bueining. Seksjonering/ vertikaldeling er ikkje tillete. 2.1.11 Kommunen skal sjå til at alle bygningar, tilbygg og andre konstruksjonar får eit enkelt
formspråk og eit tiltalande ytre på alle frittståande sider. Bygningen si form, fasade, vindauge, materiale, farge og murar skal harmonere med bygningane ikring. Utvendige fargar (også tak)skal godkjennast av kommunen. Fargeval/- framlegg skal fremjast som ein del av byggjesøknad/- melding. Fargar skal vere nøytrale, mørke og tilpassa naturlege fargenyansar i naturen. Reflekterande materiale tillatast ikkje. 2.1.12 Taktekking skal gjerast med materiale som gjev ei mørk og matt overflate, alternativt tre eller torv. 2.1.13 Det er ikkje tillate med kjellar under byggverket. 2.1.14 Det er ikkje tillate å oppføre gjerde, flaggstenger, portalar og ljosmaster i området. Overbygde anlegg som plattingar og uteplassar som står på pilarar, skal avskjermast med gjerde mellom pilarane av omsyn til bufe og vilt. 2.1.15 Avkøyring til tomt skal tilpassast terreng frå tilkomstvegen. Søknad om byggjeløyve skal vise korleis tilkomst og parkering vert løyst. Parkeringsplass skal plasserast så nær hovudhytte som mogleg og etter godkjend plan. 2.1.16 I byggjeområdet kan det byggjast interne vegar frå regulert samleveg og fram til eksisterande hytter, der terreng og grunnforhold er eigna til det. Parkering ved hyttene og bygging av veg og parkeringsplass kan fyrst skje etter godkjenning frå kommunen, og der berørte naboar til tiltaket får høve til å uttale seg. Det skal søkjast fellesløysingar for tilkomst til fleire hytter, der dette er mogleg. Interne vegar skal vere enkle i utforming, med maksimal vegbreidde på 3,5 meter eks. vegskulder. 2.2 Kombinert føremål fritidsbustad/ næring 2.2.1 Breisethytta kan nyttast til fritidsbustad og til føremål som turistnæring, kursverksemd og liknande. Ved ei eventuell utviding, kan ikkje mønehøgda for dette bygget overstige dagens mønehøgd. Det kan òg førast opp annan busetnad med tilsvarande føremål, til dømes personalbustad. Busetnad utanom sjølve Breisethytta skal følgje same føresegnene som for fritidsbustader. Total utnyttingsgrad (BYA%) skal ikkje overstige 20% for arealet som er avsett til det kombinerte føremålet fritidsbusetnad/ næring. 2.3 Allmennyttig føremål 2.3.1 Området kan nyttast til felles forsamlingslokale og garasje for utstyr til oppkjøring av løyper o.l. 3 LANDBRUK, område for jord- og skogbruk 3.1. I område regulert til jord- og skogbruk kan det drivast tradisjonelt landbruk. 4 FAREOMRÅDE, høgspentanlegg 4.1 I fareområda kan det ikkje oppførast bygningar for varig opphald. 5 SPESIALOMRÅDE 5.1 Friluftsområde på land 5.1.1 Det er tillate å rydde og merke stiar, samt å preparere skiløypene i området. Det kan leggast til rette med mindre konstruksjonar som klopper o.l. for å betre
ferdselstilhøva. Turvegar kan stengast av fysisk, slik at dei ikkje kan nyttast av motoriserte køyrety. Små justeringar i høve til plankart er tilletne. 5.1.2 Rydding av stiar, samt tilrettelegging med benkar, søppelstativ og leikeapparat skal gjerast på ein skånsam måte. Skilting og merking skal vedlikehaldast og utførast på ein natur- og stadtilpassa måte. Ansvar for vedlikehald av anlegg skal vere klarlagt før tilrettelegging tek til. 5.1.3 All tilrettelegging skal avklarast med grunneigar før det vert sett i gang. 5.1.4 I friluftsområdet kan det gravast ned straumkablar og leidningar knytt til tekniske anlegg, der det ikkje er naturleg at desse følgjer vegar i området. Grøftetrasèar skal leggjast så skånsamt som råd i terrenget og leggjast til rette for revegetering etter at gravearbeidet er avslutta. 5.2 Privat veg og parkering 5.2.1 Vegane skal vere atkomst til hyttene i planområdet. I tillegg kan regulerte vegar nyttast til landbruksføremål. 5.2.2 Alle eksisterande vegar og parkeringsplassar som ikkje er godkjent av kommunen, må godkjennast av kommunen. 5.2.3 Grøfter og skråningar skal av omsyn til sikttilhøva haldast frie for vegetasjon som er høgare enn 0,5 meter. 5.2.4 Regulerte parkeringsareal merka fellesparkering i området ved Breisethytta er opne for ålmenta. I tillegg skal desse nyttast for tomter som ikkje har opparbeidd parkering ved hytta. 5.3 Renovasjon 5.3.1 Innanfor områda kan det setjast opp søppel kontainer, evt. renovasjonsbuer. 5.4 Leik 5.4.1 I område markera med skileik på plankartet, kan det leggjast til rette med barneskitrekk. Anlegget skal leggjast så skånsamt som råd og kommunen skal godkjenne plassering og utforming av anlegget. Det kan òg byggjast varmestoge tilknytt anlegget. Føresegner retta etter vedtak i Utval for næring, plan og teknikk XX.XX.2013, sak XX/XX.