HORDALAND FYLKESKOMMUNE Samferdselsavdelinga Arkivsak 200807439-52 Arkivnr. 812 Saksh. Støle, Øivind Saksgang Samferdselsutvalet Fylkesutvalet Møtedato 03.06.2009 18.06.2009 UTKAST TIL HANDLINGSPROGRAM 2010-2013(19) FOR DET NYE FYLKESVEGNETTET SAMANDRAG Handlingsprogrammet 2010-2013(19) for det nye fylkesvegnettet legg rammene for investeringar, drift og vedlikehald på det nye fylkesvegnettet i Hordaland. Handlingsprogrammet er Hordaland fylkeskommune sin gjennomføringsplan for perioden 2010-2013, og skal bidra til planlegging og førebuing for perioden 2014-2019. Det vil vidare danne grunnlaget for dei årlege fylkesbudsjetta. I fireårsperioden 2010-2013 er det ei investeringsramme på det nye fylkesvegnettet på totalt 1 896 mill kroner. Avslutning av oppstarta prosjekt og oppfylling av førehandsprioriterte prosjekt utgjer 1 688 mill kroner. Det aller meste av dei tilgjengelege midlane i den første fireårsperioden er dermed bundne opp i allereie oppstarta og førehandsprioriterte prosjekt. Dei store utgiftspostane er knytt til finansiering av Jondalstunnelen, vidare finansiering av Bergensprogrammet, refusjon av forskotteringar og ferdigstilling av prosjekt på det gamle riksvegnettet som skulle ha vore ferdigstilt i perioden 2006-2009. Sentrale stikkord for satsinga på fylkesvegnettet i Hordaland i perioden 2010-2013 er: - Oppfylling av eksisterande forpliktingar og ferdigstilling av påbegynte prosjekt - Sterk satsing på vidareføring av Bergensprogrammet i samarbeid med Bergen kommune - Prioritering av drift og vedlikehald på vegnettet - Fokus på å oppretthalde fordelinga i satsinga på høvesvis gamle og nye fylkesvegar - Vidareføring av 2009-nivå i satsinga på ferjedrifta - Vidareføring av nivå på programområda (sekkepostane) i høve til perioden 2006-2009 - Oppretting av ein til rådvelde -post som skal ta vare på moglegheiter for mindre spleiselag etter lokale initiativ
Innanfor dei økonomiske rammene som er presentert i utkastet til handlingsprogram for det nye fylkeskommunale vegnettet er det etter fylkesrådmannen sitt skjønn godt samsvar mellom målsetjingar, utfordringar og prioriteringar i fylket. Satsing i siste seksårsperioden (2014-2019) er i liten grad konkretisert i utkastet til handlingsprogram. Det er openbart rom for ei større satsing på nye prosjekt i denne perioden. Fram mot endeleg handsaming av handlingsprogrammet i fylkestinget i desember vil det bli arbeidd vidare med å prioritere nye prosjekt i perioden 2014-19. I tillegg vil det bli sett i gang eit systematisk arbeid for å ta igjen noko av etterslepet på vegnettet i form av ei langsiktig satsing på drift og vedlikehald. Samtidig vil det bli prioritert å auke satsinga på viktige programområde som kollektivtransport, trafikksikring og gang- og sykkeltiltak. FORSLAG TIL INNSTILLING Fylkesutvalet vedtek å sende ut utkast til handlingsprogram 2010-2013(19) for det nye fylkesvegnettet på høyring til kommunar, regionråd og interesseorganisasjonar Paul M. Nilsen Magnus Vestrheim Vedlegg: Utkast til handlingsprogram 2010-2013(19) for det nye fylkesvegnettet 2
FYLKESRÅDMANNEN, 20.05.2009: 1.0 Bakgrunn Hordaland fylkeskommune blir frå 2010 vegeigar for eit langt meir omfattande vegnett enn tidlegare. Bakgrunnen for dette er endring av ansvarsforhold etter forvaltningsreforma som tek til å gjelde frå 1. januar 2010. Ansvaret for store delar av det øvrige riksvegnettet og dei fleste riksvegferjene (14 av 16) blir med dette overført frå Statens vegvesen til fylkeskommunane. Før forvaltningsreforma var det om lag 1.758 km fylkesveg i Hordaland. Frå 2010 vert i alt 1.166 km øvrige riksvegar omklassifiserte til fylkesvegar. Hordaland fylkeskommune vil då få ansvar for eit framtidig fylkesvegnett med i alt 2 924 km veg. Handlingsprogrammet 2010-2013(19) for det nye fylkesvegnettet legg rammene for investeringar, drift og vedlikehald på det nye fylkesvegnettet i Hordaland. Dette handlingsprogrammet erstattar to ulike vegplanar etter dagens system: Fylkesvegplanen for 2006-2015 og Statens vegvesen, Region vest sitt handlingsprogram for Nasjonal transportplan 2006-2015 (øvrige riksvegar). Handlingsprogrammet er Hordaland fylkeskommune sin gjennomføringsplan for perioden 2010-2013, og skal bidra til planlegging og førebuing for perioden 2014-2019. Det vil vidare danne grunnlaget for dei årlege fylkesbudsjetta. 2.0 Prosess Utkastet til handlingsprogram for det nye fylkesvegnettet er utarbeidd av Hordaland fylkeskommune, i tett samarbeid med Statens vegvesen Region vest. Ei administrativ prosjektgruppe, leia av samferdselssjefen og med deltaking frå samferdselsavdelinga og Statens vegvesen, har utarbeidd grunnlagsmaterialet. Dialog med Bergen kommune har skjedd gjennom fellesarenaer i Bergensprogrammet. Statens vegvesen har mellom anna dokumentert status for vegnettet og analysert behov for vidare utvikling. I mars 2009 vart det gjennomført regionvise kontaktmøte med alle kommunane i Hordaland. Her vart arbeidet med handlingsprogrammet presentert. I etterkant av desse møta har kommunane meldt inn forslag til prioritering av prosjekt til arbeidet med handlingsprogrammet. Fylkespolitiske organ har vore orientert undervegs i arbeidet. Det vert lagt opp til å sende utkastet til handlingsprogram på høyring til kommunar, regionråd og interesseorganisasjonar. Innanfor høyringsperioden vil det bli lagt opp til å gjennomføre ein høyringskonferanse. Det endelege handlingsprogrammet skal handsamast i fylkestinget i desember 2009. 3.0 Økonomiske rammer For å få fram dei økonomiske rammene for det nye fylkesvegnettet, er det føremålstenleg å skilje mellom dei gamle og dei nye fylkesvegane. Midlar til dagens fylkesvegar tek utgangspunkt i gjeldande økonomiplan for perioden 2010-2012, og vert utarbeidd parallelt med pågåande arbeid med budsjett for 2010 og økonomiplan for 2011-2013. Ei vidareføring av satsinga på dagens fylkesvegar slik dei er presentert i økonomiplanen 2010-2012, med framskriving for 2013, gir slike rammer for 2010-2013: 3
Tabell 1 2010 2010-2013 Investeringar 65 772 Drift og vedlikehald (inkl. 105 420 tilskot til ferjesamband) SUM 170 1 192 Mill kroner Midlar som vert overført til det nye fylkesvegnettet og fylkesvegferjene er overført til fylkeskommunane sitt rammetilskot etter ei særskilt fylkesfordeling i perioden 2010-2013. Denne fordelinga vart presentert i kommuneproposisjonen for 2010. Auken i rammene til Hordaland er her i stor grad eit resultat av ei overføring av rammer frå Samferdselsdepartementet sitt budsjett til rammeoverføringa til fylkeskommunen som følgjer dei overførte oppgåvene. Kommuneproposisjonen tek utgangspunkt i nivået i revidert statsbudsjett for 2009. I tillegg er det lagt opp til ei styrking av rammene til det nye fylkesvegnettet med 1 mrd kroner. I tillegg er det i kommuneproposisjonen lagt opp til ei rentekompensasjonsordning med ei ramme på 2 mrd kroner per år til disposisjon til investeringar på det fylkeskommunale vegnettet. Rammene til Hordaland slik dei er presentert i kommuneproposisjonen: Tabell 2 2010 2010-2013 Investeringar 191 764 Ekstrasatsing 90 360 Drift og vedlikehald 273 1 092 Kjøp av ferjetenester 324 1 296 SUM 878 2 388 Mill kroner Det er verdt å merke seg at tala i tabell 2 ikkje er samanliknbare med den fylkesfordelte ramma til øvrige riksvegar i 2009. For det fyrste er det ikkje tale om det same vegnettet nokre strekningar som har vore øvrige riksvegar fram til 2010 held fram med å vere riksvegar. Dei nye fylkesvegane femner med andre ord ikkje heile det gamle øvrige riksvegnettet. Vidare er det lagt opp til at kostnader til sams vegadministrasjonen vert dekka over Statens vegvesen sitt budsjett. Dette inneber at fylkeskommunane sin del av kostnadene (om lag 550 mill kroner) er trekt ut av den fylkeskommunale ramma på landsbasis. I tillegg går det fram av kommuneproposisjonen at kostnader knytt til byggherreoppgåver til drift og vedlikehald av dagens fylkesvegnett vert dekka av Statens vegvesen. Det er per dato ikkje klart kva desse endringane inneber i praksis for finansiering av planlegging og administrasjon knytt til det fylkeskommunale vegnettet. Fylkesrådmannen vil arbeide vidare med å få klargjort konsekvensane. Fylkesrådmannen merker seg at investeringsramma til Hordaland på totalt kr 281 mill kroner (inkludert ekstraløyving) for dei nye fylkesvegane er lågare enn venta. Omtalen over viser kvifor dei 281 mill ikkje er samanliknbare med dei 318 mill kronene som vart løyvd til Hordaland i 2009 av den fylkesfordelte riksvegramma. Fylkesrådmannen viser samtidig til at fordelinga mellom fylka i kommuneproposisjonen er ulik den fylkesfordelte riksvegramma for inneverande år. Andre fylke har kome langt betre ut enn Hordaland i forslaget til fordeling i perioden 2010-2013. Til dømes fekk Sogn og Fjordane løyvd 116 mill kroner av den fylkesfordelte riksvegramma for 2009, mens det i kommuneproposisjonen for 2010 er foreslått ei løyving på 260 mill kroner (inkl. ekstraløyving) per år i fireårsperioden. 4
I forslaget til kommuneproposisjonen heiter det at det er teke omsyn til at enkelte fylke har store bindingar på investeringssida. Det er tydeleg at bindingane i Hordaland ikkje er teke tilstrekkeleg omsyn til, sjå tabell 4 nedanfor. Samla rammer for det nye fylkesvegnettet ( gamle og nye fylkesvegar) i den komande fireårsperioden blir dermed slik: Tabell 3 2010 2010-2013 Investeringar (inkludert 346 1 896 ekstrasatsing frå staten) Drift og vedlikehald 378 1 512 Kjøp av ferjetenester 324 1 296 SUM 1 048 4 704 Mill kroner Midlar til rassikring og nasjonale turistvegar kjem i tillegg, som øyremerka midlar. I Nasjonal Transportplan 2010-2019 vert det presentert ei satsing på rassikring på 1 mrd kvart år i planperioden. Det vert presisert at halvparten av midlane skal gå til det fylkeskommunale vegnettet. Eventuell bruk av rentekompensasjonsordninga kjem og i tillegg til ramma over. 4.0 Grunnlag for prioritering av økonomiske rammer Grunnlaget for prioriteringar av ressursar til investering og drift i Hordaland er ei totalvurdering av kva ein får att for dei tiltaka som vert prioritert i høve til overordna målsettingar og satsingsområde. Alle vurderingar er gjort innanfor dei økonomiske rammene per dato. I kommuneproposisjonen for 2010 er som nemnt midlane til dei nye fylkesvegane delt inn i investeringsmidlar, drifts- og vedlikehaldsmidlar og kjøp av ferjetenester. Fylkesrådmannen legg til grunn at dette er meint som informasjon for å samanlikne auken i dei frie inntektsrammene med det som tidlegare låg på Samferdselsdepartementet sitt budsjett. For å klargjere prosessen med å prioritere investerings- og driftsmidlar er det laga følgjande forenkla diagram: Figur 1 Rammeoverføring frå staten til framtidige fylkesvegar (kommuneproposisjonen/ statsbudsjettet) Øyremerka midla Økonomiplan for nytt fylkesvegnett i Hordaland 2010-13(19) Drift og vedlikehald Investeringar Bergensprogrammet Hordaland utanom Bergen Rassikring Nasjonale turistvegar Kjøp av ferjetenester Drift/ vedl.hald vegnett Strekningsvise investeringar Mindre investeringstiltak TS-tiltak G/ S-vegar Kollektivtiltak Miljø- og servicetiltak Mindre utbetringar Planlegging Andre tiltak 5
Figuren syner at ein vil gjennomgå følgjande politiske / strategiske prioriteringar i prosessen: 1. Kor stor del av samla økonomisk ramme skal gå til investeringar, og kor mykje til drift? 2. Kor stor del av investeringsmidlane skal gå til Bergen, og kor mykje til Hordaland elles? 3. Kor stor del av investeringsmidlane skal gå til strekningsvise tiltak kontra spesifikke programsatsingar, og kor mykje innsats skal gå til dei ulike programområda (mindre investeringstiltak)? Når det gjeld prioriteringar av investeringsmidlane er det nødvendig å ta omsyn til prosjekt som er starta opp og som må vidareførast, bindingar/refusjonar og førehandsprioriterte prosjekt eller bompengepakkar. Dei frie midlane ein står att med etter dette vil bli prioritert i høve til overordna målsettingar og satsingsområde. Det aller meste av investeringsmidlane er bundne opp og vil ta ein stor del av rammene for perioden 2010-13. Dette er ein kombinasjon av refusjonar, vidareføring av igangsette prosjekt, oppfølging av regjeringa si krisepakke og politisk førehandsprioriterte prosjekt. Tabell 4 gir eit oversyn over løyvingar for 2009 og bindingar i perioden 2010-13: Tabell 4 1 000 kroner Prosjekt Løyving Sum 2009 2010 2011 2012 2013 2010-13 Refusjonar 11 000 65 100 42 500 40 500 41 100 189 200 Rv 546 Austevollbrua, ferjetilskot 9 500 9 500 9 500 9 500 9 500 38 000 Rv 546 Austevollbrua, refusjon 26 000 26 000 Rv 48 Løfallstrand - Årsnes 20 000 10 000 10 000 20 000 Rv 48 Helland - Havsgårdsdalen 55 000 26 000 26 000 Rv 567 Hauge - Lonevåg 70 000 50 000 120 000 Fv Jondalstunnelen, statleg løyving 22 000 22 000 Rv 563 Kleppestø - Ask 10 000 15 000 5 000 20 000 Tiltakspakken Rv 555 Eide - Vorland 15 000 20 000 5 000 25 000 Rv 57 Alver - Isdalstø 10 000 10 000 10 000 Rv 546 Hufthamar - Haugland 6 000 15 000 9 000 24 000 Rv 565 Heiane - Austrheim 8 000 2 000 2 000 Rv 567 Valestrandsfossen 5 000 5 000 5 000 10 000 Rv 565 Undergang Alver 5 000 5 000 5 000 Rv 550 Eitrheimtunnelen 10 000 5 000 5 000 Rv 550 Utne - Herand 5 000 10 000 5 000 15 000 Rv 541 Langevåg ferjekai 10 000 2 000 2 000 Rv 48 Utåker ferjekai 8 000 5 000 5 000 Jondalstunnelen 288 000 193 000 31 000 512 000 Bergensprogrammet 162 000 153 000 153 000 153 000 153 000 612 000 Sum bindingar 366 500 424 600 627 000 393 000 231 600 1 688 200 I tillegg til bindingane i tabell 4 kjem vedtak om fylkeskommunale midlar til bompengepakkar. Fylkeskommunale midlar til Kvammapakken, totalt 43 mill kroner, vert føresett løyvd frå programområda (sekkepostane) i perioden 2010-2013. Fylkeskommunale midlar til Bømlopakken vil bli løyvd i siste seksårsperiode, 2014-2019. Med omsyn til Nordhordlandspakken, vert det framleis arbeidd med ny bompengesøknad. Det vert lagt til grunn at fylkeskommunale tilskot til dette prosjektet ikkje er aktuelt før siste seksårsperiode, 2014-2019. 6
For nærmare omtale av tilskot til Bergensprogrammet, sjå omtale under forslag til prioritering. 5.0 Nye retningslinjer for forskotteringar I Hordaland er det praksis for at kommunar og andre kan forskottere midlar til investeringar på fylkesog riksvegar for å kome tidlegare i gang med prosjekt enn kva som ville vore mogleg med utgangspunkt i årlege fylkeskommunale og statlege investeringsrammer. Fram til og med 2009 har det vore noko ulike reglar og praksis for forskotteringar til øvrige riksvegar og fylkesvegar. Frå 1. januar 2010 vil det ikkje vere ulike måtar å handsame forskotteringar på for høvesvis øvrige riksvegar ( nye fylkesvegar) og fylkesvegar. Det vil vere fylkestinget som godkjenner alle forskotteringssøknader etter same regime. Per dato utgjer godkjente, ikkje refunderte forskotteringar på det nye fylkesvegnettet 620 mill kroner. Omfanget av forskotteringar i Hordaland er stort, og det er behov for eit system for refusjonar som er meir forutsigbart og som reduserer det samla omfanget av forskotteringar over tid. I møte i fylkesutvalet 27. august 2009 vart det gjort vedtak om å få framlagt forslag til nytt regime for handsaming av forskotteringssøknader. Nedanfor vert det foreslått nye retningslinjer for handsaming av forskotteringssøknader som svar på vedtaket i fylkesutvalet. Handsaming av nye forskotteringssøknader frå 1. januar 2010: Ikkje-prioriterte prosjekt: Prosjekt som ikkje er prioritert gjennomført i gjeldande handlingsprogram for fylkesvegnettet vil bli refundert etter ein plan for refusjonar innanfor ei årleg ramme på 40 mill kroner. For desse prosjekta gjeld eit tak på forskottering på 15 mill kroner. Kommunar og andre får opplyst tilbakebetalingstidspunktet administrativt i forkant av eventuell søknad Prioriterte prosjekt: Forskotteringar av prosjekt som er prioritert i gjeldande handlingsprogram, vil bli refundert i samsvar med finansieringsopplegget i handlingsprogrammet. Slike refusjonar vil kome i tillegg til den årlege refusjonssummen på 40 mill kroner. Det vil ikkje vere noko tak på forskotteringssum for dei prioriterte prosjekta. Ein vil kome tilbake til detaljering av det nye forskotteringsregimet i det endelege handlingsprogrammet som skal handsamast i fylkestinget i desember 2009. 6.0 Forslag til prioritering Forslag til prioriteringar er sett opp i hovudtabell for det nye fylkesvegnettet nedanfor. Som det går fram av tabell 3 over, er det i fireårsperioden 2010-2013 ei investeringsramme på 1 896 mill kroner. Bindingane, som vist i tabell 4, utgjer 1 688 mill kroner. Det aller meste av dei tilgjengelege midlane i den første fireårsperioden er dermed bundne opp i allereie oppstarta og førehandsprioriterte prosjekt. Dei store utgiftspostane er knytt til finansiering av Jondalstunnelen, vidare finansiering av Bergensprogrammet, refusjon av forskotteringar og ferdigstilling av prosjekt på det gamle riksvegnettet som skulle ha vore ferdigstilt i perioden 2006-2009. Bergensprogrammet Med omsyn til årleg løyving til Bergensprogrammet, er det i denne saka lagt opp til ei satsing på 153 mill kroner per år. Bystyret i Bergen vedtok som kjent sak om bompengesøknad 25. mai 2009 med ein føresetnad om årlege løyvingar frå fylkeskommunen på minimum 200 mill kroner. Fylkesrådmannen viser til eiga sak om bompengesøknad for vidareføring av Bergensprogrammet for nærmare omtale av det fylkeskommunale finansieringsbidraget. Fylkesrådmannen legg her opp til ei godkjenning av bystyret sitt opplegg med 200 mill kroner i fylkeskommunale midlar. Resterande sum for å kome opp i 200 mill kroner skal sikrast gjennom bruk av rentekompensasjonsordninga for transporttiltak på det nye fylkesvegnettet. 7
Midlar til Hordaland utanfor Bergen Dei økonomiske rammene gir ikkje rom for ei tilfredsstillande satsing på nye investeringsprosjekt. Slik rammene er lagt opp, vert drift og vedlikehald av vegnettet prioritert. Dette er i tråd med anbefalingar frå Statens vegvesen og generell kunnskap om forfallet på vegnettet, ikkje minst i Hordaland. Sentrale stikkord for satsinga på fylkesvegnettet i Hordaland i perioden 2010-2013 er: - Oppfylling av eksisterande forpliktingar og ferdigstilling av påbegynte prosjekt - Sterk satsing på vidareføring av Bergensprogrammet i samarbeid med Bergen kommune - Vidareføring av 2009-nivå i satsinga på ferjedrifta - Vektlegging av drift og vedlikehald på vegnettet - Fokus på å oppretthalde fordelinga i satsinga på høvesvis gamle og nye fylkesvegar - Vidareføring av nivå på programområda (sekkepostane) i høve til perioden 2006-2009 - Oppretting av ein til rådvelde -post som skal ta vare på moglegheiter for mindre spleiselag etter lokale initiativ Nærmare om forslag til nye investeringsprosjekt: I første fireårsperioden vert det lagt opp til å setje av 20 mill kroner i fylkeskommunale midlar i 2010 og 2011 til Jensanesvegen (Fv 70) i Stord kommune. I tillegg vert det lagt opp til å starte opp tunnelen bak Tysse i Samnanger kommune med 100 mill kroner i forskotteringar i 2012 og 2013, under føresetnad av at slik forskotteringssøknad vert fremja. Det vert og lagt opp til oppstart av Kvammapakken og Bømlopakken i første fireårsperioden. Fylkesrådmannen foreslår som nemnt å dekke inn det fylkeskommunale bidraget på 43 mill kroner til Kvammapakken i første fireårsperiode frå sekkeposttiltaka (programområda). Øvrig finansiering av bompengepakkane i første fireårsperiode er bompengar (anna finansiering). Nærmare om forslag til ramme på programområda: I perioden 2010-2013 er det lagt inn ei ramme på 202 mill kroner til dei 6 programområda, sjå tabell 5 nedanfor. I tillegg kjem tiltaka i regjeringa si krisepakke for 2009 som gir bindingar i 2010 og 2011 på om lag 100 mill kroner. Dette er i stor grad sekkeposttiltak som elles ville ha vore naturleg å prioritere i perioden. Nivået på programområda i perioden 2010-2013 er dermed totalt om lag 300 mill kroner. Når ein tek omsyn til at 43 mill kroner vert øyremerka til finansiering av Kvammapakken, er den reelle satsinga på programområda i perioden 2010-2013 på nivå med tilsvarande satsing i perioden 2006-2009. Innanfor dei økonomiske rammene som er presentert i utkastet til handlingsprogram for det nye fylkeskommunale vegnettet er det etter fylkesrådmannen sitt skjønn godt samsvar mellom målsetjingar, utfordringar og prioriteringar i fylket. Fylkesrådmannen sitt forslag til hovudprioriteringar i perioden 2010-2013 går fram av tabell nedanfor (tabell 5). Det er ikkje lagt opp til ein tilsvarande tabell for siste 6-års periode i utkastet til handlingsprogram. I siste seksårsperiode er det openbart større rom for nye satsingar. Fram mot endeleg handsaming av handlingsprogrammet i fylkestinget i desember vil det bli arbeidd vidare med å prioritere nye prosjekt i perioden 2014-19. I tillegg vil det bli sett i gang eit systematisk arbeid for å ta igjen noko av etterslepet på vegnettet i form av ei langsiktig satsing på drift og vedlikehald. Samtidig vil det bli prioritert å auke satsinga på viktige programområde som kollektivtransport, trafikksikring og gang- og sykkeltiltak. 7.0 Fylkesrådmannen si tilråding: Fylkesutvalet vedtek å sende utkast til handlingsprogram 2010-2013(19) for det nye fylkesvegnettet på høyring til kommunar, regionråd og interesseorganisasjonar. 8
TABELL 5 - NYTT FYLKESVEGNETT 2010-2013 2010 2011 2012 2013 2010-2013 Fk midlar Anna finans. Fk midlar Anna finans. Fk midlar Anna finans. Fk midlar Anna finans. Fk midlar Anna finans. Refusjonar 65 100 42 500 40 500 41 100 189 200 Igangsette prosjekt 250 000 Rv 546 Austevollbrua, ferjetilskot 9 500 9 500 9 500 9 500 38 000 Rv 546 Austevollbrua, refusjon 26 000 26 000 Rv 48 Løfallstrand - Årsnes 10 000 10 000 20 000 Rv 48 Helland - Havsgårdsdalen 26 000 26 000 Rv 567 Hauge - Lonevåg 70 000 50 000 120 000 Rv 563 Kleppestø - Ask 15 000 5 000 20 000 Tiltakspakken 100 000 Rv 555 Eide - Vorland 20 000 5 000 25 000 Rv 57 Alver - Isdalstø 10 000 10 000 Rv 546 Hufthamar - Haugland 15 000 9 000 24 000 Rv 565 Heiane - Austrheim 2 000 2 000 Rv 567 Valestrandsfossen 5 000 5 000 Rv 565 Undergang Alver 5 000 5 000 Rv 550 Eitrheimtunnelen 5 000 5 000 Rv 550 Utne - Herand 10 000 5 000 15 000 Rv 541 Langevåg ferjekai 2 000 2 000 Rv48 Utåker ferjekai 7 000 7 000 Bergensprogrammet 153 000 X 153 000 X 153 000 X 153 000 X 612 000 X Jondalstunnelen X 310 000 X 193 000 X 31 000 X 534 000 Nye strekningsvise prosjekt 20 000 Kvammapakken X X X X Bømlopakken X X X X Tunnel bak Tysse X X 50 50 100 Jensanesvegen 10 000 10 000 20 000 Programsatsingar (utanom Bergen) 202 000 Kollektivtiltak 10 000 10 000 10 000 10 000 40 000 Trafikksikring 5 000 5 000 10 000 10 000 30 000 Gang-og sykkelvegar 10 000 10 000 20 000 Miljøtiltak 5 000 5 000 5 000 5 000 20 000 Mindre utbetringar/til rådvelde 19 000 19 000 7 000 7 000 52 000 Planlegging 10 000 10 000 10 000 10 000 40 000 Sum investeringar 2010-2019 488 600 684 000 448 000 286 600 1 907 200 Drift/vedlikehald 375 000 375 000 375 000 375 000 1 500 000 100 Sum fylkesvegar 2010-2019 3 407 200 Ferjedrift 324 000 324 000 324 000 324 000 1 296 000 SUM 1 187 600 1 383 000 1 147 000 985 600 4 703 200