Møteprotokoll Nærøyfjorden verneområdestyre Utval: Møtestad: E-post, Fjordsenteret Aurland Dato: 17.12.2015 Tidspunkt: 09:00 Følgjande faste medlemmar møtte: Namn Funksjon Representerer Noralv Distad Leder AUR Hans Erik Ringkjøb Nestleder VOSS Marta Finden Halset Medlem VIK Eva Hage Solstad Medlem SFFK Følgjande medlemmar meldte forfall: Namn Funksjon Representerer Jan Geir Solheim MEDL LÆR Aslaug Hellesøy MEDL HOFK Merknadar Møtet vart gjennomført med svar på e-post. Frå administrasjonen møtte: Namn Stilling Anbjørg Nornes Sekretær Underskrift: Vi stadfestar med underskriftene våre at det som er ført på dei sidene vi har signert i møteboka, er i samsvar med det som vart vedteke på møtet.
Saksliste Utvalssaksnr ST 32/15 ST 33/15 Innhald Lukka Arkivsaksnr Godkjenning av innkalling og dagsorden Kunnskapsanalyse om sårbare naturverdiar i verneområde i Nærøyfjordområde 2014/45
NÆRØYFJORDEN VERNEOMRÅDESTYRE Saksframlegg Arkivsaksnr: 2014/45-0 Saksbehandlar: Anbjørg Nornes Dato: 09.12.2015 Utval Utvalssak Møtedato Nærøyfjorden verneområdestyre 33/15 17.12.2015 Kunnskapsanalyse om sårbare naturverdiar i verneområde i Nærøyfjordområde Innstilling frå forvaltar Nærøyfjorden verneområdestyre søkjer Miljødirektoratet om kr. 300 000 til kunnskapsinnhenting for analyse av sårbare naturverdiar i verneområda i Nærøyfjordområdet. Analysen skal nyttast i samband med besøksforvaltning i verneområda i Nærøyfjordområdet. Saksprotokoll i Nærøyfjorden verneområdestyre - 17.12.2015 Handsaming i møte Vedtak i samsvar med innstilling frå forvaltar. Vedtak Nærøyfjorden verneområdestyre søkjer Miljødirektoratet om kr. 300 000 til kunnskapsinnhenting for analyse av sårbare naturverdiar i verneområda i Nærøyfjordområdet. Analysen skal nyttast i samband med besøksforvaltning i verneområda i Nærøyfjordområdet. Saksopplysningar Ei av oppgåvene til verneområdestyret er å utarbeida ein besøksstrategi for verneområde som styret har forvaltningsansvar for. Ein besøksstrategi er ein plan for korleis verneområdestyret vil gjennomføra besøksforvaltninga for verneområdet. Besøksstrategien kan vera ein del av forvaltningsplanen eller vera eit vedlegg til forvaltningsplanen. Miljødirektoratet har nyleg gjeve ut ein rettleiar for besøksforvaltning
i norske verneområder, M-415 2015. I rettleiaren står det fylgjande om målsetjing; Besøksforvaltning i norske verneområder har som mål å finne balansegang i forvaltning av et verneområde mellom å gi gode opplevelser for den besøkende, lokal verdiskaping og å ivareta naturverdiene. I rettleiaren er det verktøy for kunnskapsinnhenting på tema sårbare naturverdiar, brukarundersøkingar og reiselivskartlegging. Verdsarvrådet for Vestnorsk fjordlandskap har starta opp arbeid med besøksforvaltningsplan for verdsarvområde Vestnorsk fjordlandskap og verdsarvkommunane Aurland, Lærdal, Vik og Voss. Nærøyfjorden verdsarvpark er prosjektansvarleg for planen, og Hanne Lykkja er tilsett som prosjektleiar. Det er sett ned ei referansegruppe for arbeidet. Forvaltar deltek på vegne av verneområdestyret i referansegruppa. I arbeidet med besøksforvaltningsplanen er det sett i gang arbeid med fleire ulike kunnskapsinnhentingsprosjekt. I sommar har TØI og NMBU gjennomført gjesteundersøking, og Aurland Naturverkstad arbeider med ein landskapsressursanalyse. Resultat frå gjesteundersøkinga vil gje viktig informasjon om dei besøkande sin bruk av områda. Vurdering For å få til ein god besøksforvaltning i verneområda der målet er at verneområda vert tatt vare på, og det er størst mogleg lokal verdiskaping, må det vera eit godt samarbeid mellom verneområdestyret, reiselivet og folk som bur i området. Det må vera god rolleforståing og oppgåvefordeling. Besøksforvaltningsplanen som vert utarbeid av verdsarvrådet er ein samfunnsutviklingsplan som omfattar både reiselivet, kommunane og dei ulike bygdene i område. Forvaltar meiner difor besøksstrategien som verneområdestyret skal utarbeida, bør sjåast i samanheng med besøksforvaltningsplanen til verdsarvrådet. I rettleiaren frå Miljødirektoratet om besøksforvaltning, er det tilrådd at besøksstrategien bør vera ein del av forvaltningsplanen for verneområde, eller eit vedlegg til planen. Forvaltningsplanen for Vestnorsk fjordlandskap delområde Nærøyfjorden er frå 2008 og bør reviderast. For å få godt samarbeid med det pågåande arbeidet med besøksforvaltningsplanen for verdsarvområde, bør besøksstrategien for Nærøyfjordområdet startast opp no og ikkje venta på revideringa av forvaltningsplanen. Revidering av forvaltningsplanen er eit stort og omfattande arbeid. I dette området vil det truleg vera mest tenleg at besøksstrategien er eit vedlegg til forvaltningsplanen. I arbeidet med besøksstrategien er kunnskapsgrunnlaget viktig. For dette området vil gjesteundersøkinga som er gjennomført i sommar gje god kunnskap om kva område som er mykje i bruk i dag, og kva område som truleg vil få auka bruk. Det gjev grunnlag for å vurdera i kva område det er trong for meir kunnskap om naturverdiane. Verneområdestyret har ansvar for å kartleggja kunnskapen om sårbare naturverdiar i verneområda. På bakgrunn av kartlegging og analyse av naturverdiane, kan det vurderast kva område som kan utviklast for meir ferdsel og aktivitet, og kva område som bør skjermast for aktivitet ut frå omsyn til naturverdiane. Det er mykje kunnskap tilgjengeleg frå verneplanprosessen og i forvaltningsplan for Nærøyfjorden, men det vil også vera bruk for ny kunnskapsinnhenting. For å få gjennomført analyse av kunnskap om sårbare naturverdiar vil det vera bruk for å kjøpa fagkompetanse. Verneområdestyret kan søkja Miljødirektoratet om støtte til dette kartleggings- og analysearbeidet som del av driftsmidlane til styret. Erfaringstal frå tilsvarande arbeidet
tilseier ein kostnad på kr. 300 000 for å samle tilgjengeleg kunnskap, innsamling av ny kunnskap, samanstilling av data og analyse av innsamla data. I tillegg bør det tingast personell frå SNO til arbeidet med innsamling av kunnskap. Forvaltar rår til at det vert lagt inn kr. 300 000 til kunnskapsinnhenting i driftsbudsjettet for verneområdestyret for 2016. Frist for søknad om driftsmidlar er 8. januar 2016.