HORDALAND FYLKESKOMMUNE Regionalavdelinga Næringsseksjonen Arkivsak 201013423-5 Arkivnr. 025 Saksh. Arnesen, Arthur K. Saksgang Kultur- og ressursutvalet Opplærings- og helseutvalet Samferdselsutvalet Fylkesutvalet Møtedato 07.02.2012 14.02.2012 15.02.2012 22.02.2012-23.02.2012 REGIONALT UTVIKLINGSPROGRAM 2012 SAMANDRAG Regionalt Utviklingsprogram 2012 omarbeidd noko i høve til tidlegare års program. Dette har dels å gjere med at arbeidet med å tilpasse form og innhald i programmet til den nye regionale næringsplanen som kjem frå 2013 er starta opp. Det er også behov for tilpasse i Regionalt utviklingsprogram slik at programmet samsvarar best mogleg med den totale virkemiddelstrukturen innafor regional nøringsutvikling og lokal samfunnsutvikling. For å tydeleggjere profil og innhald har programmet også fått ny undertittel Handlingsprogram for næringsutvikling og lokal samfunnsutvikling i Hordaland. Regionalt utviklingsprogram 2012 er utarbeidd i nært samarbeid med Regionalt næringsforum og etter innspel frå sentrale nærings- og utviklingsaktørar, særleg frå IN og FMLA. Programmet byggjer på visjon, mål og strategiar i fylkesplan for Hordaland. I saka er det foreslått korleis midlane til regional næringsutvikling på 80,437 mill kr skal disponerast i 2012. Hovuddelen av midlane er overføringar frå Kommunal- og regionaldepartementet (73,85 mill kr). I tillegg inngår 2,937 mill kr frå fylkeskommunen sitt eige budsjett og 3,55 mill i udisponerte renter. Når ny regional næringsplan ligg føre vil innhaldet i Regionalt utviklingsprogram bli tilpassa denne og fungere som eit handlingsprogram for denne planen.
FORSLAG TIL VEDTAK 1 Fylkesutvalet vedtar Regionalt Utviklingsprogram for Hordaland 2012. 2 Fylkesutvalet meiner at Kommunal- og regionaldepartementet legg for sterke føringar på bruken av tilskotta til fylkeskommunane til regional næringsutvikling. Særleg gjeld dette øyremerking av midlar til kommunale/regionale næringsfond. Paul M. Nilsen Jan Per Styve Vedlegg: Utkast til Regionalt Utviklingsprogram for Hordaland 2012. 2
FYLKESRÅDMANNEN, 27.01.2012: 1. Bakgrunn Regionalt utviklingsprogram (RUP) er fylkeskommunen sitt handlingsprogram for regional næringsutvikling og lokal samfunnsutvikling i Hordaland. Inntil ny regional næringsplan ligg føre er programmet forankra i Fylkesplan for Hordaland 2005-2008. Søknadshandsaming og forvalting av dei økonomiske verkemidla som er lagt direkte inn i Regionalt utviklingsprogram, RUP midlane (sjå omtale avsnitt 5 under), er delt mellom Hordaland fylkeskommune, Innovasjon Norge (IN) og dei regionale næringsfonda. Fylkeskommunen handsamar prosjekt og søknader av tilretteleggande karakter, medan søknadar om støtte til bedrifter blir handsama av IN. Dei regionale næringsfonda handsamar mindre og meir lokalt forankra søknader. Prioriteringane og innsatsområda i Regionalt utviklingsprogram er styrande for bruken av RUP midlane. Dei er også retningsgjevande for andre verkemiddel til næringsutvikling og lokal samfunnsutvikling som fylkeskommunen rår over. I tillegg gir Regionalt utviklingsprogram føringar for andre offentlege aktørar sitt arbeid innan næringsutvikling og lokal samfunnsutvikling i fylket. I denne saka fremmer fylkesrådmannen Regionalt utviklingsprogram 2012 (RUP 2012). Sjølve programmet ligg som vedlegg til saka. 2. Tidlegare handsaming Regionalt utviklingsprogram for 2011 blei handsama av fylkesutvalet som Sak 25/11 den 23.02.11 kor det blei gjort slikt vedtak: 1. Fylkesutvalet vedtar Regionalt Utviklingsprogram for Hordaland 2011 med nokre spesifiserte endringar. 2. Fylkesutvalet meiner at Kommunal- og regionaldepartementet legg for sterke føringar på fordeling av skjønsmidlane til næringsfond. Desse føringane står i tydeleg kontrast til signala om større regionalt sjølvstyre i Regionreforma frå 2010 og fylkeskommunen si sjølvstendige rolle som regional utviklingsaktør. Endringane var av teknisk karakter etter innspel frå RNF og blei innarbeidd i det endelege dokumentet. Dei er ikkje tatt med her. Det blei også sendt eit brev til Kommunal- og regionaldepartementet kor det blei gjort greie for punkt 2 i fylkesutvalet sitt vedtak. Rutinen med å sende regelmessige meldingar til fylkesutvalet med oversyn over tilsegn som har blitt løyvd frå Regionalt utviklingsprogram blei vidareført i 2011. Det blei gitt fem slike orienteringar i 2011. 3. Prosess og arbeid med Regionalt Utviklingsprogram 2012 Våren 2011 blei det gjennomført ein intern prosess på Regionalavdelinga kor andre virkemiddel/utviklingsprogram som avdelinga rår over blei sett i samanheng med Regionalt utviklingsprogram for ein mogleg utviding av Regionalt uviklingsprogram til eit program for alle/store delar av dei virkemidla avdelinga forvaltar. Konklusjonen blei at ein vidarefører dagens ordning, men vidareutviklar og gjer nokre justeringar i programmet. Dette blei lagt til grunn for arbeidet med eit revidert program for 2012. Arbeidet har vore leia næringssjefen og ein arbeidsgruppe med medlemmer frå Næringsseksjonen, frå Innovasjon Norge (IN) og frå Fylkesmannen si landbruksavdeling (FMLA) har arbeidd fram det nye utkastet. I arbeidet 3
med konkretisering av innsatsområda for 2012 i Kap. 7, 8 og 9 har også resten av Næringsseksjonen tatt del og det har vore henta inn innspel frå eksterne kunnskapsmiljø og næringslivsorganisasjonar. Regionalt Utviklingsprogram er utarbeidd i nært samarbeid med den regionale partnarskapen for næringsutvikling, Regionalt næringsforum. Her møter sentrale næringsaktørar og utviklingsaktørar i fylket. Frå fylkeskommunen deltek næringssjef, regionaldirektør, opplæringsdirektør og to frå fylkesutvalet. Regionaldirektøren leiar Regionalt Næringsforum. Regionalt Næringsforum skal medverke til samordna innsats for å fremje næringsutvikling i fylket. Mandat og samansetnad er omtalt i Kap 2 i Regionalt utviklingsprogram. Regionalt næringsforum har gjeve føringar og innspel til arbeidet med revisjon av Regionalt utviklingsprogram to gangar i under prosessen i fjor haust. Det endelege utkastet til Regionalt utviklingsprogram 2012 blei handsama av Regionalt næringsforum 20. januar 2012 kor det blei gjort slikt vedtak: RNF tilrår fylkesutvalet godkjenner Regionalt utviklingsprogram 2012 med dei merknadane som kom fram i møtet. Desse merknadane er innarbeidd i utkastet som ligg ved saka. 4. Kort omtale av Regionalt utviklingsprogram 2012 Regionalt utviklingsprogram for 2012 er omarbeidd og utvida i høve til tidlegare versjonar. Dei viktigaste endringane er at programmet er utvida for å gje ein breiare omtale av næringsutviklingsarbeidet og arbeidet med lokal samfunnsutvikling. Samstundes er nokre av dei tidlegare kapitla delt opp og gjort meir poengtert for å gjere det lettare for lesaren å finne fram i dokumentet. For ytterlegare å tydeleggjøre programmet sitt omfang har det fått undertittelen Handlingsprogram for næringsutvikling og lokal samfunnsutvikling i Hordaland. Følgjande er vektlagt spesielt i arbeidet med programmet for 2012: Vise korleis Regionalt utviklingsprogram inngår i fylkeskommunen sitt arbeid i ulike partnarskap. Vise samanhenger med, og forankringar til andre regionale planar og strategiar som har vore vektlagt i arbeidet med Regionalt utviklingsprogram 2012. Sette auka fokus på moglegheiter og utfordringar for 2012 og til dels 2013. Vise samanhenger og skiljar mellom næringssatsingar, satsing på lokal samfunnsutvikling og den regionale verktøykassa for regional næringsutvikling. Gje rom for betre og meir fokusert omtale av andre næringsretta virkemidlar som både Hordaland fylkeskommune rår over og som dei andre regionale partnarane rår over. Kapittelinndelinga i Regionalt utviklingsprogram 2012 er endra noko frå tidlegare år, dels ved at det har kome inn nye kapittel og dels ved at nokre kapittel er delt opp. Under er dei einskilde kapitla i Regionalt utviklingsprogram 2012 kort omtalt (Regionalt utviklingsprogram 2012 ligg som vedlegg til saka): Kap 1 Kort om regionalt utviklingsprogram er utvida for å gi lesaren ein kort innføring i kva Regionalt utviklingsprogram er, korleis midlane blir forvalta og korleis prosessen med å utvikle Regionalt utviklingsprogram 2012 har vore. Kap 2 Regionalt næringsforum er ein kort presentasjon av RNF. I den trykte versjonen blir det med bilde som tidlegare. Kap 3 Andre aktuelle partnarskap er nytt og gir ein omtale av dei viktigaste partnarskapa knytt til næringsutvikling og lokal samfunnsutvikling. Desse partnarskapa er viktige for gjennomføring av tiltak innafor dei prioriterte satsingane i Regionalt utviklingsprogram. Kap 4 Forankring i høve til regionale planar og prosessar er også nytt og gir eit bilde av korleis Regionalt utviklingsprogram er forankra i, og heng saman med andre regionale planar 4
og strategiar. Det blir lagt til grunn at dette blir handsama grundigare i den nye regionale næringsplanen når den ligg føre. Kap 5 Moglegheiter og utfordringar i det regionale næringsutviklingsarbeidet er ei omskriving av det som tidlegare var Kap 2 Næringspolitiske utfordringar, men er gjort meir punktvis og forsøkt spissa i forhold til dei kortsiktige utfordringane og moglegheitene. Avsnittsinndelinga frå tidlegare er oppretthaldt, men det er lagt til eit nytt avsnitt om infrastruktur. Kap 6 Visjon, mål og strategiar for regional næringsutvikling i Hordaland er det same som Kap 3 Mål og strategiar for regional næringsutvikling tidlegare. I tråd med vedtak i gjeldande Regional planstrategi er dette henta frå gjeldande fylkesplan. Det som tidlegare var Kap 4 Prioriterte innsatsområde er nå delt opp i Kap 7 Sektorar/næringar med særskilt fokus, Kap 8 Verktøykasse for regional utvikling og Kap 9 Satsing på lokal samfunnsutvikling. Dette for å synleggjere at det er snakk om tre ulike satsingsområde. I Kap 7 Sektorar/næringar med særskilt fokus er det kome inn ei innleiing kor nokre sentrale nøkkeltall for dei prioriterte næringane er kommentert. Deretter føljer ein kort omtale av dei prioriterte sektorane med fokus på særlege innsatsområde for 2012. Dette er dei same sektorane som har vore prioritert tidlegare og innhaldet er ikkje så mykje endra. I utgangspunktet er omtalen av kvar sektor forsøkt gjort så kort som mogleg, men for nokre sektorar som reiseliv og landbruk er teksten utvida litt for å få med sentrale punkt. I Kap 8 Verktøykasse for regional utvikling er inndelinga i innovasjon, entreprenørskap, næringsretta kompetanse og internasjonalisering/marknadsorientering den same som tidlegare. Omtalen under særleg innovasjon og entreprenørskap er utvida monaleg. Verktøy som NCE programmet, Arena programmet, inkubatorordninga, næringshageprogrammet, Kommuneprosjektet og Ungt entreprenørskap er gitt omtale som viktige verktøy for regional næringsutvikling. Kap 9 Satsing på lokal samfunnsutvikling omtaler den særskilte satsinga på dette området inkludert porsjekt og tiltak som LUK, LivOGlyst og Kom-an.no. Særleg har det vore eit poeng å få fram tettstadsatsinga tydlegare. Satsinga på landskapsparkar er også lagt hit. I Kap 10 Budsjett for RUP 2012 er sjølve RUP budsjettet omtalt. Her er nokre sentrale nasjonale og regionale føringar omtalt saman med ein kort omtale av postane i RUP budsjettet. Sjølve budsjettet er omarbeidd noko for 2012, mellom anna ved at dei tre hovudområda Bransjeretta tiltak, tiltak knytt til Verktøykassa for regional næringsutvikling og lokal samfunnsutvikling er ført opp med eigne budsjettpostar. Nærare om disponeringa av midlane i avsnitt 5 under. Kap 11 Andre næringsretta utviklingsmidlar frå Hordaland fylkeskommune gir ein kort oversikt over slike midlar for å gje eit fullstendig bilde av fylkeskommunen sin innsats på dette området. Kap 12 Regionale partnarar sine verktøy og verkemiddel for næringsutvikling skal gje ein omtale av partnarane sine verktøy og virkemidlar. Omtalen vil bli konsentrert om virkemidlar som ikkje er nemnt tidlegare som til dømes IN sine tilbod til einskildbedrifter. I utgangspunktet ser vi for oss dei same aktørane som før, altså IN, FMLA, NAV, Bergen kommune og NFR. Dette avsnittet vil ikkje bli klart før seinare. Vedlegg vil i hovudsak omfatte dei aktuelle karta. 5. Disponering av økonomiske verkemidlar i 2012 Retningsliner for disponering av midlane Økonomisk støtte til prosjekt som ligg inn under Regionalt utviklingsprogram, blir tildelt ut frå fastlagde retningsliner: I samband med politisk handsaming av Regionalt utviklingsprogram, fordeler også fylkesutvalet verkemidlane til dei ulike hovudområda i programmet slik det går fram av budsjettet i dette saksframlegget. 5
Midlane til Innovasjon Noreg blir overførde etterskotsvis på kvartalsbasis i tråd med eit eige oppdragsbrev. Søknadar om midlar til prosjekt innan innsatsområda i Regionalt Utviklingsprogram 2012 blir i hovudsak handsama administrativt i tråd med prioriteringane i Kap. 7, Kap 8 og Kap 9. Særleg viktige og prinsipielle einskildsaker blir handsama i fylkesutvalet. Midlane til Omstilling og nyskaping blir fordelte i eiga sak til fylkesutvalet. Midlane til Regionale næringsfond blir fordelte i eiga sak til fylkesutvalet i samsvar med politisk vedtekne retningsliner og deretter overført regionråda for vidare handsaming i tråd med eit eige oppdragsbrev. Økonomiske rammer for Regionalt utviklingsprogram 2012 Midlane knytt til iverksetting av Regionalt Utviklingsprogram 2012 er i hovudsak statlege overføringar. Bruken av dei statlege midlane er bunden opp i regelverk som set rimeleg klare grenser for korleis pengane kan nyttast. Dei fylkeskommunale midlane kan nyttast noko friare. Fylkeskommunen disponerer i 2012 til saman kr. 80 437 000 for å nå dei næringspolitiske målsettingane i Regionalt utviklingsprogram. Dette er ein nedgang på 3,6 % samanlikna med året før. Det er første gang på fleire år at det er ein nedgang i budsjettet. Auken i 2011 var på 2,2 % og i 2010 på 5,3 %. Råma frå Kommunal- og regionaldepartementet gikk ned frå 80,52 mill kr i 2010 til 73,95 mill kr i 2011, ein tilbakegang på 8,2 %. Det er særleg dei frie midlane (- 4, 55 mill kr) og Omstillingsmidlane (- 2 mill kr) som går attende. Midlane til regionale næringsfond blir vidareført på om lag same nivå som i 2011. Løyvinga over fylkesbudsjettet for 2012 på 2,937 mill. kr er vidareført på om lag same nivå som i revidert budsjett for 2011. Etter ei endring i dei nasjonale retningslinene, blei fylkeskommunane i 2009 pålagt å sette ikkje utbetalte statlege midlar på ein eigen renteberande konto kor renteinntektene skal nyttast til same føremål som dei statlege midlane. Dette er dei same retningslinene som også gjeld for forvalting av kompensasjonsmidlane og som fylkesrådmannen gjorde greie for i saka om Godkjenning av plan for bruk av kompensasjonsmidlar 2011 (Sak 24/12, 26.01.12). Som nemnt der er det viktig å sikre eit forutsigbart system for handsaming av desse renteinntektene som sikrar at dei blir forvalta på same vis som dei årlege tildelingane. Den enklaste måten å gjere dette på er å legge opptente renter frå tidlegare år til ramma for neste år. Dette blir no gjort første gang i 2012 og eg tar sikte på å vidareføre dette som ein fast ordning frå i år. Etter føresetnadene som er gitt av Kommunal- og regionaldepartementet skal Regionalt Næringsforum gje tilråding om disponering av dei økonomiske verkemidlane knytt til iverksetting av Regionalt Utviklingsprogram. RNF sitt framlegg til fordeling av verkemidlane for 2012 er vist på neste side saman med den faktiske fordelinga av verkemidlane i 2011. A. Bedriftsretta verkemidlar Fylkeskommunen overfører til Innovasjon Noreg den delen av verkemidlane som er øyremerka for bedriftsretta tiltak. Midlane går til einskildbedrifter, nettverkstiltak og andre formar for bedriftsretta støtte i form av lån og ulike former for økonomisk støtte. Det blir også i 2012 inngått avtale mellom Innovasjon Noreg og Hordaland fylkeskommune som regulerer pengebruk, rapportering og samarbeidet mellom partane. Det er foreslått ei løyving for 2012 på kr 35,0 mill kr. Overføringa av bedriftsretta midlar via Innovasjon Noreg utgjer 47,3 % av dei statlege overføringane for 2012. Dette er om lag det same nivået som tidlegare år. 6
Budsjett Regionalt utviklingsprogram 2012 (RUP budsjett 2012). Hovudpost Delpost Budsjett 2011 Budsjett 2012 A: Bedriftsretta A-1: Frie søkbare midlar forvalta av Innovasjon Norge 39 150 000 35 000 000 virkemidlar Sum bedriftsretta midlar 39 150 000 35 000 000 B: Tilrettelegging for næringsutvikling, inkl. øyremerkte midlar Delvis søkbare midlar B-1: Bransjeretta tiltak, 11 000 000 B-2: Tiltak innafor Verktøykassa for regional næringsutvikling: 9 437 000 - Næringshagar og inkubatorar - Andre tiltak og prosjekt 20 528 000 B-3: Støtte til tiltak og prosjekt innanfor lokal samfunnsutvikling, - søkbare midlar 3 000 000 B-4: Klimaretta tiltak: 2 000 000 Sum delvis søkbare midlar 25 437 000 C. Regionale næringsfond D: Omstilling og nyskaping Øyremerkte midlar til konkrete tiltak B-5: NCE Subsea 500 000 500 000 B-6: VRI programmet 1 680 000 1 150 000 B-7: Kulturelt utviklingsprogram 1 000 000 1 000 000 B-8: FLY - BGO 1 500 000 0 B-9: Entreprenørskapssatsing IN. 850 000 900 000 B-10: Filmfondet FUZZ 650 000 Sum øyremerkte midlar 4 200 000 Totalt til tilrettelegging: 26 058 000 29 637 000 Avsette midlar som fordelast gjennom eige vedtak i fylkesutvalet 10 820 000 10 800 000 Sum Regionale næringsfond: 10 820 000 10 800 000 Avsette midlar som fordelast gjennom eige vedtak i fylkesutvalet 7 000 000 5 000 000 Sum Omstilling og nyskaping 7 000 000 5 000 000 E: Til rådvelde for Reg. næringsforum Virkemidlar til særskilte tiltak: 300 000 0 F: Internasjonalt utviklingsarbeid Næringsretta samarbeid med andre europeiske regionar. 600 000 0 SUM: TOTAL RAMME RUP 83 928 000 80 437 000 B. Tilrettelegging for næringsutvikling Midlane under denne posten er delt på dei tre hovudområda Bransjeretta tiltak (B-1), tiltak knytt til Verktøykassa for regional næringsutvikling (B-2) og tiltak knytt til lokal samfunnsutvikling (B-3). Dette er tråd med inndelinga i Kap 7, Kap 8 og Kap 9 i Regionalt utviklingsprogram for 2012. Inndelinga er meint å gje betre oversikt over virkemiddelbruken. I tillegg er det sett av 2 mill kr til klimaretta tiltak på ein eigen budsjettpost (B-4) i tråd med vedtak fylkeskommunen sitt budsjett for 2012. I tråd med tidlegare praksis legg fylkesrådmannen til grunn at ein administrativt kan omfordele mellom desse postane (B-1 til b-4) avhengig av behov og søknadstilgang, likevel slik at satsinga på klimaretta tiltak blir på minst 2 mill kr. 7
Postane b-5 til B-10 omhandlar tiltak og prosjekt kor det er gjort politiske vedtak om støtte. For oversikten sin skuld er alle vedtak om øyremerka midlar ført opp på eigne postar. C. Regionale næringsfond Ramma er på om lag same nivå som i 2011, og samsvarer med dei statleg øyremerka midlane til dette. Midlane skal forvaltast lokalt, og medverke til å løyse ut verdiskapingspotensialet i regionane og kommunane. Midlane skal nyttast i tråd med mål og strategiar i Regionalt utviklingsprogram Hordaland 2012. Det ligg stor eigenverdi i at kommunar, gjennom regionråd, samarbeidar om utviklingsprosjekt. Dette gir synergiar i relasjon til kompetanseutvikling og erfaringsutveksling, og med tanke på å bli utfordra på å tenke vidare enn sin eigen kommune. Det legg også eit godt grunnlag for større, og meir kapitalkrevjande tiltak og prosjekt om fleire kommunar står saman. Fylkesutvalet vedtok nye retningsliner til fordeling av midlar til regionale næringsfond i Hordaland i møte 24.05.2007. Vidare blei spørsmålet om regionale eller kommunale næringsfond på nytt handsama av fylkesutvalet i Sak 287/08 kor det blei gjort slikt vedtak: Fylkesutvalet vil vidareføre ordninga med regionale næringsfond innafor dei retningslinene som blei vedteke i 2007. Forslag til fordeling av Regionale næringsfond 2011 vil byggja på desse vedtaka, og vil bli lagt fram som eiga sak for fylkesutvalet. I saka om Regionalt utviklingsprogram 2011 kommenterte eg at KRD i 2011 kom med nye og forsterka krav til fylkeskommunane om at heile den statlege potten til regionale næringsfond skal gå til kommunar og regionråd. Dette var ei omlegging frå tidlegare år kor fylkeskommunen kunne utøve skjønn og nytte delar av midlane til tiltak av stor viktigheit for næringsutvikling i kommunane. Når det samstundes er ein reduksjon i dei frie midlane, opplever eg at det er eit stort press på ulike delar av RUP budsjettet. Fylkesrådmannen opplever dei statlege føringane om regionale næringsfond som ei kraftig overstyring av fylkeskommunen som regional utviklingsaktør og i strid med signala om større regionalt sjølvstyre i Regionreforma frå 2010. D. Omstilling Avsett sum er i tråd med øyremerka midlar i den statlege overføringa. Midlane skal nyttast til tiltak i område som står framfor omfattande utfordringar knytt til sysselsetting og omstilling i næringslivet. Den ekstraordinære innsatsen som desse midlane gjev rom for, må differensierast ut frå omfang på utfordringane og kva for problem kvar einskild kommune eller region står overfor. Den totale ramma på denne posten har gått attende kvart år dei seinare åra og er i 2012 på 5,0 mill kr. Fylkeskommunen står noko friare i å bruka desse midlane enn det som har vore tilfellet med tidlegare ordningar, men det ligg til grunn at nokre særlege område med særskilte omstillingsutfordringar vil stå i fokus. I 2012 står vi truleg overfor større uvisse når det gjeld den økonomiske utviklinga. Det vil difor vere større behov enn tidlegare år å avsette delar av ramma til å kunne møte utfordringar som kan komme i løpet av året. Forslag til bruk av omstillingsmidlane for 2012 vil bli fremma som eiga sak for fylkesutvalet. E. Til rådvelde for Regionalt Næringsforum Det er ikkje foreslått å sette av midlar på denne posten i 2012. Aktuelle prosjekt her vil bli finansiert over ein av postane under B Tilrettelegging for næringsutvikling. F. Internasjonalt utviklingsarbeid Det er heller ikkje foreslått å sette av midlar på denne posten i 2012. Aktuelle prosjekt her vil bli finansiert over ein av postane under B Tilrettelegging for næringsutvikling. 8
6. Forhold til nærare avklaring Det har i aukande grad vore eit press om bruk av regionale utviklingsmidlar til å drifte utviklingsprosjekt av meir eller mindre permanent karakter. Konkrete eksempel på dette i RUP 2012 er midlar avsett til NCE Subsea, VRI programmet, inkubatorar og næringshagar. Dette innskrenkar handlingsrommet når det gjeld å støtte nye tiltak og prosjekt. Det ligg også føringar og avgrensingar i retningslinene frå Kommunal- og regionaldepartementet i kva grad midlane kan nyttast til drift. I tillegg til dette støtter fylkeskommunen ei rekkje ulike tiltak og prosjekt under budsjettposten Prosjekt og institusjonar med mellombelse driftstilskott kor midlane er bundne opp til konkrete institusjonar og prosjekt. Eg vil komme attende til dette med ei eiga sak til fylkesutvalet. 7. Iverksetting Som styringsgruppe for Regionalt utviklingsprogram, har Regionalt Næringsforum eit særleg ansvar for iverksetting av programmet. I praksis er det fylkeskommunen som har regien på dette arbeidet. Vi vil vidareføre arbeidet med ei meir proaktiv holdning ved å ta initiativ til program, prosjekt og satsingar innanfor dei ulike prioriterte områda overfor konkrete utviklingsaktørar i fylket. Dette skal likevel ikkje vere til hinder for at ulike aktørar framleis kan utvikle prosjektidear og søkje finansiering over RUP-midlane, slik dei til no har gjort. For å sikre best mogleg tilgang på gode prosjektsøknader vil vi auke marknadsføringa av midlane, mellom ann gjennom kunngjering i pressa. På området kultur og næring er iverksetting av Regionalt utviklingsprogram avhengig av eit tett samarbeid mellom Regionalutviklingsavdelinga og Kultur- og idrettsavdelinga. Vi vil arbeide vidare med å utvikle dette samarbeidet i 2012. 9