HORDALAND FYLKESKOMMUNE Samferdselsavdelinga Arkivsak 201007192-2 Arkivnr. 812 Saksh. Grude, Nils Egil Saksgang Samferdselsutvalet Fylkesutvalet Møtedato 22.09.2010 29.09.2010 OMKLASSIFISERING AV VEGAR I BERGEN KOMMUNE SAMANDRAG Statens vegvesen legg fram forslag til omklassifisering av vegar i Bergen kommune som følgje av endra bruk av vegar, nybygging, Bybanen og arbeidet med å få til eit samanhengande gang- og sykkelvegnett i Bergen. Forslaga har vore handsama i Bergen kommune og Byrådet fatta 9. desember 2009 vedtak som svar på forslaga. Bergen kommune er stort sett samde i forslaga frå Statens vegvesen om omklassifisering. Fylkesrådmannen tilrår å følgje Bergen kommune sine synspunkt med unntak av busstraséen over Lægdene, der eg tilrår at fylkesvegen vert omklassifisert til kommunal veg ut frå at denne vegen meir har funksjon som lokalveg for området, sjølv om det her går ei busslinje. Når det gjeld kravet frå Bergen kommune om at det skal følgje med drifts- og vedlikehalds-midlar for dei neste 5 åra for vegar som vert nedklassifisert til kommunale vegar tilrår fylkes-rådmannen at dette ikkje vert tatt til følge, men at vegane ved overtaking er fullgodt opprusta slik det framgår av retningslinjene til Vegdirektoratet og veglova. Bergen kommune ønskjer at fylkeskommunen skal overta ansvaret for gang- og sykkelvegen langs Fv 267, Eidsvågveien-Eidsvågneset og vidare langs den gamle riksvegen fram til Vågsbotn. Det same gjeld for gang- og sykkelvegen frå Lyngbø til Loddefjord. Fylkesrådmannen har på noverande tidspunkt ikkje tilstrekkeleg grunnlag for å ta opp drift- og vedlikehaldsansvaret for gang- og sykkelvegar langs eksisterande fylkesvegar i Bergen kommune. Dette vil eg kome attende til i ei eiga sak som og må avklare tilsvarande spørsmål i dei andre kommunane i fylket på generelt grunnlag.
FORSLAG TIL INNSTILLING 1. Fylkesutvalet tilrår at desse vegane vert omklassifisert frå kommunal veg til riksveg: Kommunal gang- og sykkelveg langs Rv 546 - Frå Rådal (Steinknuseverket) til Lagunen v/apeltunvatnet og frå Lagunen mot rundkjøring ved Rv 582, lengde 1509 m. Kommunal gang- ogsykkelveg langs 582 - Frå Fana Blikk til Nesttun stasjon, lengde 1668 m. Kommunal gang- og sykkelveg langs E39 Frå bru ved Hopskrysset til Nyhauglia sør, lengde 2826 m. Kommunal gang- ogsykkelveg langs E39 Frå Nyhaugstien til Minde Allé (vestsida av Kristianborg vatnet) lengde 570 m. 2. Fylkesutvalet tilrår at arm av E 39, Hovudparsell 52, frå rundkøyring ved Kristianborgvatnet til rundkøyring ved Conrad Morhs vei, lengde 249 meter vert omklassifisert frå riksveg til fylkesveg. 3. Fylkesutvalet vedtek at følgjande fylkesvegar vert omklassifisert til kommunale vegar: Fylkesveg 261 Frå kryss med Nattlandsveien/Landåssvingen og fram til kryss med Sollien, lengde 580 m Fylkesveg 261 - Frå kryss med Sollien/Landåssvingen til kryss Sollien/Landåslien, lengde 1475 m Fylkesveg 261 - Landåslien frå kryss med Sollien fram til Rv 585 (Nattlandsveien), lengde 1050 m Fylkesveg 276 Del av Fv 276 frå kryss med Garnesvegen ned til Garnes kai, lengde 508 m. Fylkesveg 168 Heile Fv 168 frå kryss med Rv 546 (veg til Krokeide ferjekai) til Leirvågskrysset (slutt fylkesveg), lengde 995 m. Fylkesveg 272 - Prof. Hansteens gate, deler av Wolffs gate og Thormøhlensgate 424 m. 4. Fylkesutvalet vedtek at følgjande kommunale vegar vert omklassifisert til fylkesveg: Havnegaten (O. J. Brochs gate), lengde 664 m. (som del av fylkesveg 272) Kanalveien mellom Minde Allé og Conrad Mohrs veg, lengde 462 m. Kanalveien frå Minde Allé til Fabrikkgaten og vidare til Fjøsangerveien, lengde 462 m. Søre del av Kaigaten, Lungegårdskaien fram til E 16 og vidare frå E l6, Agnes Mowinkels gate fram til fylkesveg 256 Lars Hilles gate, lengde 697 m. 5. Fylkesutvalet vedtek at fylkesvegar i Bergen kommune som vert omklassifisert til kommunale vert opprusta til fullgod standard etter gjeldande retningslinjer og tidlegare praksis i Hordaland fylkeskommune. Paul M. Nilsen Anne Iren Fagerbakke Vedlegg: Brev frå Statens vegvesen av 01.07.2010 med vedlegg og kartvedlegg 2
FYLKESRÅDMANNEN, 21.07.2010: Bakgrunn for saka Statens vegvesen viser i brev av 1. juli 2010 til at i arbeidet for å få til eit samanhengande funksjonelt gang- og sykkelvegnett i Bergen kommune vart det avdekka behov for å få fram status på einskilde strekningar. Vidare og å få fram rett status som følgje av omleggingar, bybane, nybygging og andre endringar som krev opprydding i eigarforhold på vegsida (sjå vedlegg). Omklassifiseringsaka blir med dette lagt fram for politisk handsaming i fylkeskommunen som gjer vedtak for det som gjeld fylkesvegane. Deler av saka som gjeld riksvegane blir sendt vidare til Vegdirektoratet for endeleg vedtak, etter tilråding frå fylkeskommunen. Statens vegvesen sine forslag om omklassifisering i Bergen av 09.06.2009 I brev frå Statens vegvesen av 09.06.2009 vart nedanforståande forslag om omklassifisering oversendt Bergen kommune. Gang- og sykkelveg føreslått som riksveg Statens vegvesen føreslår at følgjande kommunale gang- og sykkelvegar får status som riksveg (sjå og kartvedlegg): Kommunal gang- og sykkelveg langs E 39 Frå bru ved Hopskrysset til Nyhauglia sør, lengde 2826 meter (Gamle Vossebanen). Kommunal gang- og sykkelveg langs E 39 Frå Nyhaugstien til Minde Allé, lengde 570 meter (Gamle Vossebanen). Kommunal gang- og sykkelveg langs Rv 546 frå Rådal (Steinknuseverket) til Lagunen og frå Lagunen mot rundkøyring ved Rv 582, lengde 1509 meter (Gamle Osbanen). Kommunal gang- og sykkelveg langs Rv 582 Frå Fana Blikk til Nesttun Stasjon, lengde 1668 meter (Gamle Osbanen). Fylkesvegar føreslått omklassifisert til kommunal veg Statens vegvesen føreslår at følgjande fylkesvegar vert omklassifisert til kommunale vegar (sjå kartvedlegg): Fylkesveg 261 Frå kryss med Nattlandsveien-Landåssvingen og fram til kryss med Sollien, lengde 580 meter. Fylkesveg 261 Frå kryss med Sollien-Landåssvingen til kryss Sollien-Landåslien, lengde 1475 meter. Fylkesveg 261 Landåslien frå kryss med Sollien fram til Rv 585 (Nattlandsveien), lengde 1050 meter. Fylkesveg 251 Wilhelm Bjerkenes vei frå kryss med Fv 252, Hagerupsvei til busssnuplass, lengde 1125 meter. Fylkesveg 276 Del av Fv 276 frå kryss med Garnesvegen ned til Garnes kai, lengde 508 meter. Fylkesveg 168 Del av Fv 168 Frå Krokeide Yrkesskole til vegs ende (Eidet), lengde 606 meter. Fylkesveg 272 Prof. Hansteenstens gate, delar av Wolffs gate og Thormøhlens gate, lengde 424 meter. 3
Kommunal veg føreslått omklassifisert til fylkesveg Statens vegvesen føreslår at følgjande kommunale vegar vert omklassifisert til fylkesveg: Havnegaten (O. J. Brochs gate) som gjennomkøyringsgate til erstatning for Prof. Hansteens gate og Thormøhlens gate, lengde 664 meter. Kanalveien mellom Minde Allé og Conrad Mohrs vei, lengde 462 meter. Fylkesveg føreslått omklassifisert til riksveg Statens vegvesen føreslår at følgjande fylkesveg vert omklassifisert til riksveg: Fylkesveg 272 frå Dokken til kryss med Rv 555 (rampe i Nygårdstunnelen), lengde 308 meter Handsaming av omklassifiseringsforslaga i Bergen kommune Byrådet i Bergen hadde saka om omklassifisering oppe i møte 9. desember 2009, og i brev til Statens vegvesen av 17. desember 2009 går det fram at Byrådet gjorde slikt vedtak: "1. Følgende fylkesvegar blir fortsatt fylkesveger: a) Fylkesveg 251; Wilhelm Bjerknes vei b) Fylkesveg 261; Landås Nord - Sollien c) Fylkesveg 261; Sollien - Landåslien d) Fylkesveg 261; Landåslien - Landås 2. Følgende fylkesveger blir omklassifisert til kommunal veg: a) Fylkesveg 272: Professor Hansteens gate + deler av Wolffs gate og Thormøhlens gate b) Fylkesveg 276: Til Garnes kai c) Fylkesveg 168: Krokeide yrkesskole - Eidet 3. Følgende kommunale veger blir omklassifisert til fylkesveg: a) O.J. Brochs gate (Havnegaten) b) Kanalveien, fra Minde Allé og Conrad Mohrs veg c) Kanalveien, fra Minde Allé til Fabrikkgaten og videre til Fjøsangerveien d) Søndre del av Kaigaten, Lungegårdskaien og videre fra El6 Agnes Mowinkels gate fram til fylkesveg 356 Lars Hilles gate. 4. Følgende kommunale gang- og sykkelveger blir omklassifisert til riksveger: a) G/S-veg langs riksveg 546, Steinknuseverket i Rådal Lagunen ved Apeltunvatnet -Lagunen mot rundkjøringa langs riksveg 582 b) G/S-veg langs riksveg 582, Fana Blikk - Nesttun stasjon c) G/S-veg langs E 39, bru v/hopskrysset - Nyhaugslien sør d) G/S-veg langs E 39, Nyhaugstien - Minde Allé (vestsiden av Kristianborgvatnet) 5. Følgende kommunale gang- og sykkelveger blir omklassifisert til fylkesveger: a) G/S-veg langs fylkesveg 267 Eidsvågsveien -Eidsvågneset, og videre langs gamle riksvegen til Vågsbotn b) G/S-veg fra Lyngbø til Loddefjord. 6. Kommunen legger til grunn at veger som skal omklassifiseres til/fra kommunale veger holder slik standard som gitt i fagnotatet. 4
7. For de tilfeller at veger av dårlig standard blir nedklassifisert til kommunal veg er det en fomtsetning for overtakelse at det følger midler til nødvendig investering og evnt fremtidig drift av vegen de kommende fem år. 8. Kommunen legger såleis det hovedprinsipp til grunn at de veiene som skal omklassifiseres til kommunal veg, er av en slik standard at kommunen ikkje påføres økte kostnader." Statens vegvesen si vurdering av Byrådet sine vedtak Statens vegvesen har følgjande kommentarar til pkt. 1 i Byrådet sitt vedtak: I bynære strøk har ein stor del av vegnettet busstrafikk, dette aleine tilseier ikkje at vegen skal være fylkesveg. Dei tre vegparsellane har i dag hovudfunksjon som lokalveg for området og bør ha kommunal status. Vi er imidlertid enig i at fylkesveg 251 Wilhelm Bjerknesvei blir oppretthalden som fylkesveg grunna tilknytning til bybanetraseen. Når det gjeld pkt 5. i Byrådet sitt vedtak, der dei vil ha gang- og sykkelveg langs Fv 267, Eidsvågvegen-Eidsvågneset og vidare til Vågsbotn og gang- og sykkelvegen frå Lyngbø til Loddefjord klassifisert som fylkesvegar skriv Statens vegvesen: Med bakgrunn i intensjonane om å få eit samanhengande gang- og sykkelvegnett, med same veghaldar, langs stamvegen, foreslår kommunen at også Fylkesveg 267 Eidsvågsveien - Eidsvågneset, og vidare langs gamle riksvegen til Vågsbotn får status som gang- og sykkelveg for stamvegen. Likeeins går dei inn for at gang- og sykkelvegen på fylkesvegen frå Lyngbø til Loddefjord får same status. Statens vegvesen ser utfordringane her, men er avhengig av å få prioritert midlar til eit godt utbygd gang- og sykkelvegnett på desse strekningane. Mellom Lønborg og Eidsvåg er det stadvis oppmerka sykkelfelt, andre stader manglar både sykkelfelt og fortau. Frå Eidsvåg til Vågsbotn blir vegbane på store deler av strekninga nytta som sykkelveg. I fylgje dagens retningslinjer er gang- og sykkelveg langs fylkesveg kommunen sitt ansvar. Det er pr. i dag ikkje altemativ trasee for gang- og sykkelveg langs stamvegen på denne strekninga. Statens vegvesen ynskjer at Fylkeskommunen tek ei nærare vurdering av Bergen kommune sitt forslag. Når det gjeld pkt. 6,7 og 8 i Byrådet sitt vedtak drøftar Statens vegvesen dette inngåande (sjå kopi av brev frå Statens vegvesen til Hordaland fylkeskommune av 01.07.2010, side 4). Vi viser her berre til konklusjonen: Statens vegvesen har derfor ikkje grunnlag for å endre på nemnde føresetnader og vil rå til å gjennomføre statusendringa i samsvar med gjeldande regelverk. Statens vegvesen sine tilleggsmerknader i samband med omklassifiseringane I brevet frå Statens vegvesen til Hordaland fylkeskommune av 01.07.2010 har Statens vegvesen desse tilleggsforslaga til omklassifisering i Bergen kommune: Statens vegvesen foreslår å nedklassifisere arm av E39, Hp. 52, mellom rundkjøring (ved Kristianborgvannet) og (rundkjøring ved) Conrad Mohrs veg, for å få samanhengande fylkesveg på denne strekninga. Dette er ikkje teke med i det første forslaget. Bergen kommune har i saksutgreiinga si foreslått at søndre del av Kaigaten, Lungegårdskaien og vidare frå E 16, Agnes Mowinckelsgate fram til fylkesveg 256 Lars Hillesgate får status som fylkesveg. Dei grunngjev dette med kontinuitet i funksjon og drift av vegnettet, da bybanetraseen går på store deler av denne strekninga. Statens vegvesen er enig i forslagt som blir lagt fram for fylkeskommunen. 5
Bak Lagunen går sykkeltrafikken på privat område. Omlag 350 meter vil bli utbygt for å binde saman det eksisterande gang- og sykkelvegnettet i området. Det er gjort avtale med grunneigar om disponering om areal til dette formålet. Fylkeveg 272 frå Dokken til kryss med riksveg 555 til rampe i Nygårdstunnelen, lengde 308 meter, vart opptatt til riksveg i samsvar med justeringane ved forvaltningsreforma. Sidan saka er starta opp før forvaltningsreforma, refererer vegnummer og status seg til 2009 vegregisteret. Statens vegvesen si tilråding til vedtak i Hordaland fylkeskommune Statens vegvesen tilrår at Hordaland fylkeskommune tilrår følgjande: Frå kommunal gang- og sykkelveg til riksveg: Kommunal g/s-veg langs Rv 546 - Rådal (Steinknuseverket) - Lagunen v/apeltunvatnet og frå Lagunen mot rundkjøring Rv 582 - lengde 1509 m. Kommunal g/s-veg langs 582 - frå Fana Blikk - Nesttun stasjon - lengde 1668 m. Kommunal g/s langs E39 - bru v/hopskrysset - Nyhauglia sør - lengde 2826 m. Kommunal g/s-veg langs E39 - Nyhaugstien - Minde Alle (vestsida av Kristianborg vatnet) lengde 570 m. Frå riksveg til fylkesveg: Arm av E39, Hp 52, ved rundkjøring Kristianborgvatnet til rundkjøring ved Conrad Mohrsvei - lengde 249 m. Statens vegvesen tilrår at Hordaland fylkeskommune vedtek følgjande: Frå fylkesveg til kommunal veg: Fylkesveg 261 - Landås nord - Sollien - lengde 580 m Fylkesveg 261 - Sollien - Landåslien - lengde 1475 m Fylkesveg 261 - Landåslien - Landås - lengde 1050 m Fylkesveg 276 - til Garnes kai - lengde 508 m. Fylkesveg 168 - Krokeide X Rv 546 - Leirvågskrysset (slutt veg) - 995 m Fylkesveg 272 - Prof. Hansteens gate, deler av Wolffs gate og Thormøhlensgate 424 m. Frå kommunal veg til fylkesveg: Kommunal veg O J Brochs gate -lengde 664 m. (Fylkesveg 272) Kommunal veg Kanalvegen mellom Minde Alle og Conrad Mohrs veg - lengde 462 m. Kommunal veg Kanalvegen frå Minde Alle til Fabrikkgaten og vidare til Fjøsangerveien. lengde 462 m. Søndre del av Kaigaten, Lungegårdskaien og vidare frå El6 Agnes Mowinkels gate fram til fylkesveg 256 Lars Hilles gate - lengde 697 m. Fylkerådmannen sine merknader Saka som her vert lagt fram til handsaming er som det framgår av innleiinga eit resultat av dei avklaringane som vart gjort i arbeidet med å få fram eit gjennomgåande funksjonelt gang- og sykkelvegnett og omleggingar av vegsystem og køyremønster i samanheng med m.a. nybygging og bybanetraséen mellom Bergen sentrum og Nesttun. Som det framgår av saka er Bergen kommune på nokre punkt ueinige med omklassifiseringsforslaga til Statens vegvesen. I tillegg viser Bergen kommune i Byrådsaka pkt 6, 7 og 8 til Stavanger kommune som i omklassifisering til kommunal veg stilte krav til fylkeskommunen om midlar som skal dekke kommunen sine drifts- og vedlikehaldskostnader i dei 5 etterfølgjande åra i tillegg til at vegane skal opprustast til fullgod standard ved overtaking. 6
Fylkesrådmannen legg til grunn at ein skal følgje den tidlegare praksis om å ruste opp vegen til fullgod standard som byggjer på veglova 7, fjerde ledd og Ot. prp. nr. 60 (1994-1995). For nærare om opprusting av vegar ved omklassifisering viser eg til retningslinjene ved overtaking av kommunale vegar til fylkesvegar som m.a. går fram i Statens vegvesen sitt brev av 01.07.2010, side 4. Når det gjeld dei noverande fylkesvegar som Statens vegvesen tilrår nedklassifisert til kommunale vegar, men som Bergen kommune meiner fortsatt bør vere fylkesvegar; busstraséen over Lægdene, Fv 261, er eg og samd med Statens vegvesen at busstrafikk aleine ikkje tilseier at ein veg skal vere fylkesveg når vegen elles har hovudfunksjon som lokalveg. Eg tilrår difor at busstraséen over Lægdene vert nedklassifisert til kommunal veg. Når det gjeld Wilhelm Bjerkenes vei er eg og samd med Statens vegvesen når dei viser til at denne vegen vert oppretthalden som fylkesveg grunna tilknyting til Bybana. Fylkesrådmannen viser til at etter veglova 7, andre ledd kan fylkeskommunen gjere vedtak om at fylkesveg skal gjerast om til kommunal veg etter at kommunen har gitt uttale. Kommunen har såleis berre uttalerett med omsyn til spørsmålet om omklassifisering av fylkesveg til kommunal veg. Bergen kommune har ikkje merknader til omklassifisering frå fylkesveg til kommunal veg av Fv 272 på Møhlenpris, og Fv 276 ned til Garnes kai. Når det gjeld Fv 168 følgjer dei det opprinnelege forslaget frå Statens vegvesenet som går frå Krokeide Yrkesskole og til vegs ende. Fylkesrådmannen er einig når Statens vegvesen i sine tilleggsmerknader tilrår at heile Fv 168 frå krysset med Rv 546 (veg til Krokeide ferjekai) og fram til Leirvågkrysset (fylkesvegens ende) vert omklassifisert til kommunal veg. I den nemde tilleggsmerknaden frå Statens vegvesen vert det og vist til Bergen kommune som meiner at Kanalveien og søre delar av Kaigaten, Lungegårdskaien og Agnes Mowinckels gate fram til Fv 256 bør få status som fylkesveg. Fylkesrådmannen finn til liks med Statens vegvesen at dette er rett sett ut frå bruken av desse vegane. Når det gjeld omklassifisering av dei fire kommunale gang- og sykkelvegar til riksveg i Bergen sør er Bergen kommune einige med Statens vegvesen, og eg finn grunn til å tilrå at desse fire delstrekningane vert omklassifisert til riksveg. Statens vegvesen viser til at sykkeltrafikken bak Lagunen går på privat område, og at 350 meter her vil bli utbygd for å knyte saman det eksisterande gang- og sykkelvegnettet i området. Bergen kommune har i pkt. 5 vedteke at gang- og sykkelvegen langs Fv 267, Eidsvågveien- Eidsvågneset og vidare langs den gamle riksvegen fram til Vågsbotn vert klassifisert som fylkesveg, og det same for gang- og sykkelvegen frå Lyngbø til Loddefjord. Statens vegvesen viser til at etter dagens retningslinjer er gang- og sykkelveg langs fylkesveg kommunen sitt ansvar. Statens vegvesen ønskjer at Hordaland fylkeskommune tek ei nærare vurdering av Bergen kommune sitt forslag. Bergen kommune sitt innspel i denne saka, jamfør fråsegna ovanfor, er ikkje i samsvar med gjeldande retningslinjer for ansvarsfordeling på vegnettet. Fylkesrådmannen har på noverande tidspunkt ikkje tilstrekkeleg oversikt over konsekvensar for fylkeskommunen ved å ta opp drift- og vedlikehaldsansvaret for gang- og sykkelvegar langs eksisterande fylkesvegar i Bergen kommune. Dette vil eg kome attende til i ei eiga sak som og må avklare tilsvarande spørsmål i dei andre kommunane i fylket på generelt grunnlag. 7