Finnøy kommune Tenesteavdeling plan og forvaltning Rogaland Fylkeskommune Postboks 130 Sentrum 4001 STAVANGER Dykkar ref.: Vår ref.: 16/9205-HGB Arkiv: K1-131, K2 - K70, K3 - &13 Dato: 19.12.2016 - Regionalplan for sjøareal - havbruk - Høyringsfråsegn Vi viser til handsaming datert 14.12.2016. Kommunestyret- 077/16, har gjort følgjande vedtak i saka: Finnøy kommune oversender uttale til regionalplan for sjøareal - havbruk slik den ligg føre. Med helsing Hilde Gunn Bjelde kommunalsjef plan og forvaltning Dokumentet er elektronisk godkjend og har difor ingen signatur. Mottakere: Rogaland Fylkeskommune Postboks 130 Sentrum 4001 STAVANGER Finnøy kommune Tlf.: 51 71 47 00 Bankgiro: 3347 07 00195 Tenesteavdeling plan og forvaltning Dir.: 51 71 47 00 Org.nummer: 938633029 Judabergvegen 6 E-post: post@finnoy.kommune.no 4160 Finnøy Heimeside: www.finnoy.kommune.no
Saksframlegg Sakshandsamar Arkiv JournalpostID Hilde Gunn Bjelde K1-131, K2 - K70, K3 - &13 16/8128 Saksnr Utval Dato 113/16 Formannskapet 23.11.2016 077/16 Kommunestyret 14.12.2016 Regionalplan for sjøareal - havbruk - Høyringsfråsegn Vedlegg 1. Høyringsbrev.pdf 2. Saksutgreiinga til fyrste gongs politisk handsaming 3. Forslag til regionalplan sjøareal havbruk Forslag til vedtak frå rådmannen: Finnøy kommune oversender uttale til regionalplan for sjøareal - havbruk slik den ligg føre. Finnøy 10.11.2016 Helene M. Ohm rådmann Formannskapet 23.11.2016: Innstillinga frå administrasjonen vart samrøystes vedteke. FSK- 113/16 VEDTAK: Finnøy kommune oversender uttale til regionalplan for sjøareal - havbruk slik den ligg føre. Kommunestyret 14.12.2016: Innstillinga frå formannskapet vart samrøystes vedteke. Side 2 av 8
KST- 077/16 VEDTAK: Finnøy kommune oversender uttale til regionalplan for sjøareal - havbruk slik den ligg føre. Saksopplysningar I samband med fylkeskommunen sin planstrategi blei det vedteke at det skulle utarbeidas ein regionalplan for sjørareal. Dette planområdet ligg og inne som eit prioritert mål i dei nasjonale forventningane til regional og kommunal planlegging, og har sidan endringane i oljesektoren fått ein ytterlegare prioritet som nasjonalt satsningsområde. Arbeidet med planen vart starta opp i 2015, det har vore ei politisk styringsgruppe der alle ordførarane i kommunar med sjøareal har vore representert. I tillegg har representantar frå næringsaktørane, brukar og verneinteresser, forskningsinstitusjonane og sektorstyresmaktene delteke i ulike seminar og grupper for kunnskaps og kompetansedeling. Planen omhandlar i det vesentligaste havbruksnæringa som i det vi tradisjonelt har omtalt som akvakultur og oppdrett. Dette er ei stor næring i Rogaland, og i ei tid der oljesektoren gjennomgår store endringar er det avgjeranda at offentlege myndigheiter og næringsaktørane finn fram til samspil som bidreg til at denne næringa kan utviklast på ein berekraftig måte som legg til rette for vekst og utvikling. Slik planen er utforma, med dei ulike kapitla, føresegnene og handlingsplanen legg den opp til å bidra med å auke kunnskapsgrunnlaget knytt til planområdet slik at kommunane betre kan gjennomføre ei arealplanlegging som gir ei berekraftig utvikling for næringa og samstundes ivaretar andre samfunsinteresser. Manglande kunnskap, eller sprikande kunnskap har vore og er ei stor utfordring når ein skal planlegge for utvikling og vekst innafor havbruksnæringa, samstundes som interessene knytt til sjøarealet og har vore sterke og delt mellom strengt vern på den eine sida, og omfattande drift/bruk på den andre sida. Aktørane innanfor havbruksnæringa har av mange blitt oppfatta som lite villige til å drive berekraftig, og utvikle ny kunnskap som grunnlag for framtidig drift. Dette bilete stemmer ikkje lenger med sanninga, det pågår omfattande forsking på området, og næringa sjølv står for mykje av kunnskapsutviklinga. Samstundes er det framleis store utfordringar knytt til miljø og berekraft, då særleg når det gjeld lakselus og rømming og den påverknaden desse utfordringane har på omgivnadane. I tillegg har kommuneplanleggjarane hatt store utfordringar knytt til sjølve arealplanlegginga på grunn av manglande kartdata og grunnleggande kunnskap om påverknad på omgivnadane både når det gjeld miljøpåverknad og avvegning av ulike brukarinteresser. I samband med planarbeidet har fylkeskommunen fokusert på å samle inn kunnskap som gir eit betre grunnlag for kommunane til å drive arealplanlegging i sjø. Dette kunnskapsgrunnlaget er delt inn i tre ulike kategoriar; 1. kunnskap om verne- og brukarinteressene 2. kunnskap om kva sjøareal som er prioriterte til å følgje opp nasjonale og regionale politiske målsettingar. 3. kunnskap om dei naturgitte føresetnadene til sjøareala og kor gode desse er med hensyn til matproduksjon på ein berekraftig måte. Det innsamla kunnskapsgrunnlaget er samlet i en egen kartbase til bruk for kommunanes Side 3 av 8
arealplanleggarar på www.temakartportalen.no/rps. Det blir slått fast i planen at det offentlege kunnskapsgrunnlaget fortsatt ikkje er godt nok, noko som gjer at dialog og medverknad med både aktørane i næringa og andre brukarinteresser vil bli avgjerande og i framtida. Det blir av overordna myndigheiter sett på som avgjerande for ein framtidig berekraftig utvikling at ein i sterkare grad utarbeider overordna planer for næringsverksemd og matproduksjon i sjø. Riksrevisjonen slår fast i sin rapport frå 2012 at mykje av grunnen til at næringa ikkje er miljøvenleg nok handlar om manglande arealplanlegging og overordna planverk. Med denne utfordringa som overordna utgangspunkt blir det også slått fast både internasjonalt, og nasjonalt at det er naudsynt å auke matproduksjonen. I følgje FN må vi produsere dobbelt så mykje mat i verden dei neste 20 åra, og den nasjonale målsettinga for havbruksnæringa er å femdoble produksjonen fram mot 2050. Finnøy kommune har flest lokalitetar (20) blant kommunane i Rogaland, og om lag 80 tilsette i fordelt i 5 ulike selskap. I Kommuneplanen er det avsatt 22 områder til havbruksnæring og akvakultur, i tillegg er det eit større fleirbruksområde avsatt nord i kommunen. Kartbildet viser avsatte områder som rosa/lilla dette er lagd inn i kommuneplan som einskildareal områder avsatt til fleirbruksareal er ikkje lagd inn i temakartportalen. Dei blå områda er lokalitetar, medan dei blå områda med ring rundt er godkjende lokalitetar som ikkje ligg i områder avsatt til einskildareal i planområdet. Som me kan sjå på bilete er det behov for ein meir bevisst arealplanlegging slik at ein har betre styring med utviklinga, og dermed kan ta dei naudsynte omsyna til brukarinteressene samstundes som dei areala som blir avsett faktisk er hensiktsmessige for næringa. I tillegg til at ein gjennom planarbeidet har utarbeida og definert kva for kunnskapsgrunnlag og Side 4 av 8
kategoriar som må ligge til grunn for framtidig planlegging, inneheld planen 9 føresegner som er meint å stadfeste og sikre at den framtidige arealplanlegginga tar omsyn til regionalplanen. Desse føresegnene er ikkje nedfelt som regionale planføresegner, men av meir veiledande karakter. Det er og utarbeida eit handlingsprogram, der fylkeskommunen i hovudsak omhandlar kompetansheving for kommunane, og oppdatering av kartdata. Vurdering Rådmannen vurderer at planen slik den ligg føre som eit godt utgangspunkt for framtidig planlegging. Fylkeskommunen har slik rådmannen oppfattar det gjennom planen gitt eit tydeleg ansvar til kommunanes arealplanlegging, samstundes som dei slår fast at fylkeskommunen skal ta ansvar for rettleiing og kunnskapsinnhenting. Planen framstår ikkje som strengt styrande, men legg meir opp til dialog og medverknad, der fylkeskommunen og slik rådmannen oppfattar det tenkjer at dei skal vere meir tilretteleggerar og rettleiarar. Rådmannen framlegg til uttale frå Finnøy kommune: Planen slik den ligg føre, og arbeidet som har foregått prosessen med å utarbeide planen har etter rådmannen sin vurdering vore med å auke kunnskapsgrunnlaget om havbruksnæringa. Særlig gjeld dette definering av kva for forhold som må vektleggast for at planlegginga skal bli så god som mogleg. Utvikling av temakartportal for sjøareal har vore eit særs godt bidrag, og vil slik rådmannen vurderer det være eit viktig verktyg for kommunane framover. Rådmannen er og av den oppfatning at prosessen med utarbeiding av planen har bidratt til betre dialog mellom dei ulike interessegruppene, offentlege sektormynder, forskningsinstansar, og kommunane. Nedbygging av myter, og etablering av eit felles kunnskapsgrunnlag og betre dialog er avgjerande for det arbeidet som skal gjennomførast i kommunane. Dei fleste har vore samde om at det er behov for eit meir utvikla planverk på området, dette er og rådmannen si oppfatning. Samstundes vil det alltid frå kommunane sitt perspektiv vere eit skjæringspunkt mellom planavklaring gjennom strenge føresegner, og avgrensingar, og planar der ein i større grad tar utgangspunkt i rettleiing, dialog og samarbeid. Det er rådmannen sin vurdering at Regionalplan for sjøareal er meir av det siste, og at i liten grad legg opp til tung styring av kommunana. På fagspråket er planen slik den ligg føre og prosessen knytt til utarbeidinga av denne å forstå som «kommunikativ planlegging», der ein er avhengig av at dei ulike partane ønskjer å ha ein open dialog og systematiske medverknadsprosessar. Dette er etter rådmannen sin oppfatning eit klokt grep, men det er og eit grep som krev at kommunane då velger å legge regionalplanen til grunn for framtidig arealplanlegging. Kommentarar til føresegnene: 1. Kommunane vert oppmoda til å avklare om havbruk skal være ein del av kommunen sine satsningsområder. Finnøy kommune har vedteke i kommunal planstrategi at det skal utarbeidas ei eiga kartlegging, oversikt og plan for forvaltning av sjøareala si samband med rullering av kommuneplanen. Samstundes har ein i tekstdelen i planstrategien slått fast at Finnøy kommune har særlege fordelar når det gjeld framtidig havbrukssatsing, men at det er behov for ein medviten politikk på området. 2. Kommunar med felles sjøareal vert oppmoda til å avklare og vurdere om dei skal samarbeide om arealplanlegging i sjøen. Finnøy kommune grenser mot fleire kommunar i sjø, og når det gjeld etablering av lokalitetar har vi ved fleire anledningar erfart at verksemder ønskjer å etablere seg på tvers av kommunegrensene då særleg mot Hjelmeland. I tillegg veit vi at verksemdene som opererar i Side 5 av 8
Finnøy og i stor grad også er etablert i nabokommunane. Om me ser på kva for verksemder som er etablert i kommunane vil det dette gi eit godt utgangspunkt for samarbeid mellom kommunane. Følgjande verksemder er etablert i Finnøy: Grieg seafood, Eidesvik Laks, Marine Harvest, Bremnes Seashore, - om vi ser på kva for andre kommunar verksemdene er etablert i kan vi sjå at Hjelmeland, Tysvær, Rennesøy, Suldal og Bokn kan vere kommunar og etablere samarbeid med. For å få til ein god dialog, og ikkje minst oversikt over behov og moglegheiter vil Finnøy ta initiativ til å invitere nabokommunane til eit samarbeid om planlegging av sjøareala. Det er ikkje gitt at dette skal føre til ein felles plan, men det er rådmannen sin oppfatning at ein gjennom samarbeid kan spare tid og ressursar ved å gjennomføre prosessane knytta til kartlegging og planlegging saman. Til føresegnene 3 6 Som nemnd under punkt 1. har Finnøy kommune vedteke at kommuneplanen skal rullerast med planoppstart 2017, og at ein då og skal gjennomgå sjøareala. Desse areala blei ikkje revidert i samband med begrensa revisjon av kommuneplan som blei vedteke i juni 2016. I samband med rullering av kommuneplanen, og arbeidet knytt til sjøareala i kommunen er det openbart at kommunen og vil avklare kva bruk dei ulike områda har i dag, om dei skal utvidas eller tas ut og evt. erstattas med andre områder. Det same gjeld etter kommunen sin vurdering avklaringar knytt til bruk og verneinteressene, og verknad på samfunn og miljø. Dette arbeidet som kommunen no skal i gang med er nettopp bakgrunnen for at regionalplan for sjøareal blir imøtesett som eit nyttig verktyg til bruk i prosessen. Til føresegnene 7 og 8 Finnøy kommune vil nytte det kunnskapsgrunnlaget som no er utvikla og ligg føre i regionalplanen. I arbeidet med arealplanlegging i sjø skal dei ulike brukar og verneinteressene vektas mot einannan og avgjere kva for område som kan klarerast til havbruk. Kommunen er samd i at nokon naturtyper skal vernas, og at planlegging av sjøarala må baserast på at alle interesseområda blir involvert i prosessane. Rådmannen forutsett at fylkeskommunen ser på sin rolle som tilretteleggar, og vurderar i kva grad dei kan bidra som fasilitator i nokon av prosessane som skal igangsettast i kommunane. 9. Kommunane skal primært setja av næringsareal til havbruket på vassflata som einskildområder i kommuneplanane. Fortøyingane kan vere fleirbruksområder. I samband med arealplanlegginga vil kommunen avklare kva føremål som er best egna til å ivareta ei berekraftig utvikling av næringa. Finnøy kommune har mange einskildområder avsatt i kommuneplanen allereie, men det er og etablert lokalitetar i fleirbruksområder. Rådmannen er enig i at einskildområder kan nyttast i større grad dersom ein får fram kartlegging og eit kunnskapsgrunnlag som gir betre avklaring av aralbruken. Oppsummert om føresegnene kan ein sei at dei har i seg mange gode intensjonar, samstundes som fleire av oppmodingane framstår som sjølvsagte og allereie definert og bestemt i plan-og bygningsloven sine føresegner om kommunal planlegging. Med utgangspunkt i at rådmannen velger å forstå planen som «mjuk» og kommunikativ kan dette vere eit grep som nettopp bygger opp om ønskjene om å etablere samarbeid og involvering. På den andre sida kan ein forstå det slik at fylkeskommunen ikkje har tillit til at kommunane kan handtere kommunale planprosesssar med dei krava til medverknad og involvering som er hjemla i lovverk, og nasjonale retningslinjer. Dette er ein balanse som fylkeskommunen må vere bevisst og ydmjuk for om ein skal oppnå forpliktande samarbeid mellom forvaltningsnivåa, og legitimitet i regional planlegging. Når det gjeld handlingsprogrammet i planen er kommunen glad for at fylkeskommunen vil fortsette arbeide med kunnskapsinnhenting og utvikling av kartdata. Det er rådmannen sin Side 6 av 8
vurdering at ein bør ha en tydlegare avklaring av tidsperspektivet for dette arbeidet. Fagsamlingar og nettverk kan vere gode arenaer og bidra til auka kunnskap, men rådmannen meiner fylkeskommunen i sterkare grad bør sjå seg sjølv som fasilitator og i samband med planarbeid ute i kommunane. Dette særleg med tanke på at ein oppmodar til samarbeid mellom kommunane noko som kan vere krevjande å fasilitere for små kommunar med låg kapasitet. Konklusjon Rådmannen rår kommunestyret til å oversende uttale frå Finnøy kommune slik den ligg føre ovanfor. Side 7 av 8
INFORMASJON OM KLAGERETT Kven kan klage? Du har rett til å klage på eit vedtak dersom du er part eller har rettsleg klageinteresse i saka. Kven sender du klagen til? Det er Fylkesmannen i Rogaland som er klageinstans, men du sender klage til Finnøy kommune på post@finnoy.kommune.no eller Finnøy kommune, Plan og forvaltning, Judabergvegen 6, 4160 Finnøy. Dersom kommunen ikkje endrar vedtaket som følgje av klagen, sendar vi klagen vidare til Fylkesmannen for endeleg avgjerd. Klagefrist Du har rett til å få ein grunngjevnad Kva skal vere med i klagen? Klagefristen er 3 veker frå den dagen du mottok eller vart gjort kjend med vedtaket. Det held at klagen er postlagt før fristen løper ut. Dersom du har fått avslag på søknad, skal du få en grunngjevnad for avslaget. Dersom du meinar at avslaget ikkje er tilstrekkeleg grunngjeve, kan du be om ein meir utfyllande grunngjevnad. Du må be om dette før klagefristen løper ut. Ny frist gjeld frå det tidspunkt grunngjevnad vert mottatt. Når du sendar inn ein klage, skal du skrive kva vedtak du klagar på, og den eller dei endringane du ønskjar. Du må skrive kvifor du klagar, og oppgje andre opplysningar som kan ha betyding for å vurdera klagen. Du må skrive under på klagen. Du kan be om utsetting av vedtaket Sjølv om du har klagerett, kan vedtaket vanligvis gjennomførast straks. Du kan be om å få utsett iverksetting av vedtaket til klagefristen er utløpt, eller til klagen din er ferdigbehandla. Dersom du får avslag på søknad om utsatt iverksetting, kan du ikke klage på denne. Du har rett til å sjå sakens dokument og få rettleiing Du kan søkje om å få dekka kostnadar ved klagesaka Du har rett til å sjå dokumenta i saka, det er berre enkelte dokument som er unntatt offentligheit. Du kan kontakte Servicetorget (post@finnoy.kommune.no) for å få meir informasjon om innsyn i saker, få vite meir om reglane for saksbehandling og få rettleiing. Som part skal du i utgangspunktet få dekka vesentlege og naudsynte kostnader dersom enkeltvedtaket vert gjort om til din fordel, jf. forvaltningslovas 36. Du kan óg søkje om å få dekka utgifter til naudsynt advokatbistand etter reglane om fri rettshjelp. Ved fri rettshjelp er det di inntekt og formue som avgjer om du har rett til å få dekka advokatutgifter. Du kan ta kontakt med Fylkesmannen for å få meir informasjon om retten til å få dekka saksomkostningar. Henvisningar Plan- og bygningslova 1-9 og 21-8 Forvaltningslova 18, 24, 28, 29, 30, 32, 36 og 42 Side 8 av 8